Ka Nupepa Kuokoa, Volume LXVI, Number 9, 3 March 1927 — E Holo Aku Ana na Hoa o ka Aha Senate no Maui Makemake na Senatoa e Ike i na Hana i Noiia Mai ai na Haawina E HALA ANA HE MAU LA MA KEIA HUAKAIHELE E holo pu Ana Kela Mau Senatoa e Nana i na Aina Hoopulapula [ARTICLE]

E Holo Aku Ana na Hoa o ka Aha Senate no Maui

Makemake na Senatoa e Ike i na Hana i Noiia Mai ai na Haawina

E HALA ANA HE MAU LA MA KEIA HUAKAIHELE

E holo pu Ana Kela Mau Senatoa e Nana i na Aina Hoopulapula

Ma ka hora eiwa o keia po Poaha e haalele iho ai na hoa o ka aha senate malalo o ka hooponopono ana a ke - komite wae o na senatoa o Maui, i noho lunahoomalu ia e Senatoa Harold W. Rice, e hoohalaia ai he mau la ma ka nana ana i kekahi mau hana ma Maui, alaila holo loa aku no Molokai, e hoea hou mai ai kela mau senatoa no Honolulu nei, ma ka Mauna Kea o ke kakahiaka o keia Poakahi ae. | I kulike ai me ka.papa hoonohonoho, no na hana a kela komite, e holo nei no Maui ame Molokai, e kau ana na hoa o ke senate maluna o ka mokuahi Manoa, e liaalele iho ai ia Honolulu nei, ma ka hora eiwa o' keia po Poaha, a ku aku no Kahului, ma ka hora eono, o ke kakahiaka o keia Poalima. . Mahope o ka aina kakahiaka maluna o ka mokuahi Manoa, e hoohalaia ai kekahi manawa, ma ka iana ana i. ka uwapo o Kahului, e komo pu ana ka uwapo hou. e kukuluia nei., No ke koena aku o kela Poalima, q hoohalaia ana, ma ka pii ana nouka o Olinda, me ka nana ana i na. eka aina he kanawalu malaila, no na ululaau i hookoeia, a mailaila aku no Kula. £ nana ana na senatoa i ka halema 'i ma Kula, pela me na aina aupuni malaila, a ma ka hapalua o ka hora umi-kuinama-lua o ke awakea o kela la, e hookipaia ae ai na malihini ma kekahi paina mā ka 'iome o Senatoa Harold W. Eiee. Mahope o ka pau ana o ka paina awakea, e holo ai. na senatoa no Wailuku, no ka nana ana i na keena oihana malaila, a hoaumoe ma Maui, ~ma kela po." Ma ka hora eon6 o ke kakahiaka ana ae o ka Poaono, e haalele iho ai na malihini ia Mala, Lahaina, no Kamalo, Molokai e hoea aku ai no kela mokupuni mawaena o ka hora eiwa ame ka hora umi o kela kakahiaka no, a holo aku na malihini no ka aoao komohana o ka Moku o Hina. E hookipaia ana na malihini ma ka aina awakea ma kahi hana halakahiki o Libby, a mahope aku o kela manawa, e holo mai ai no ka nana ana i na aina hoopulapula. Ma ke ahiahi ana iho o kela Poaono, ma ka home o ka Hon. Geo. P. Oooke ka paina ahiahi, a ma ka hora ekahi b ka wanaao, e kau ai maluna o ka mokuahi, Mauna Kea, no ka huli hoi ana mai i Honolulu nei ♦