Ka Nupepa Kuokoa, Volume LXVI, Number 9, 3 March 1927 — PANE O CHARLES S. DAVIS INA NOI KUMU DIMARA Hoikeia na Inoa o na Hoike i ke Akea ma na Hana Ninaninau a ke Kiure Kiekie no na Hana Ki-pe Piliwaiwai [ARTICLE]

PANE O CHARLES S. DAVIS INA NOI KUMU DIMARA

Hoikeia na Inoa o na Hoike i ke Akea ma na Hana Ninaninau a ke Kiure Kiekie no na Hana Ki-pe Piliwaiwai

Imua S ka aha ka Poakahi iho nei, i waiho ae ai ka Loio Kulanakauhale C. S. iDavis, i kana pane, no na kumu dimara, ma ka aoao o na loio o ka poe i hoopiiia no na hana ki-pe ame ka piliwaiwai, oia ke Kapena Makaikiu John K. Kellett, ka Makai Nui David K. Trask, Henry Awa Wong ame kekahi poe Pake e ae he umikumamahiku ka nui. Ma kela pane a ka Loio Kalana Davis, e hoike pu ana ia, i na inoa o na hoike apau, i hoea ae imua o ke kiure kiekie ma ka manawa e hooloheia ana na hana ki-pe pili i ka piliwaiwai; mamuli keia o ke kumu dimara i waihoia ae e na loio o ka poe i hoopiiia, no ka puni wale ana o na kiure i ka oleloike a Mrs. Elizabeth Wong, oiai nae ma k?i mea oiaio, elike me ia a Davis waiho ana ae mā kana pane, na hoike e ae i ninaninauia Mnua o kela kiure, a o keia iho ko lakou mau inoa: f Yyen Ching, Fong Sing, Mrs. Henry Awa Wong, Yuen Chan, Sam Ako, Yuen Tong, Charles Lake, Walter Larsen Louis Branco, David Hao,

Jr. Mrs v Minnie Paloney Frank Paloney, Ho Fat, Clement Hiram, Mark Robinson, Jerome Smiddy, S. Punai ame Tanimura Josbe._ Mawaho ae o kela pane a ka Loio Davis, ua wailio pu ae oia be olelo hoohiki mai ia Edward K. C. Yap mai, kekahi lioa o ke kiure kiekie, e hoakaka ana, no ka pololei o ka mahele aua a Anthony Y. Seto, mai ka olelo Pake ae, a i ka olelo Beritauia; oiai nae ma kekahi o na kumu dimara a na loio o ka poe i hoopiiia, aole he pololei o ka lilo ana o Seto i mea nana e mahele i ka olelo a na hoike Pake. O ke koena ao o na paue a ka Loio Kulanakauhale Davia, ua pili ia no ka hoea ana ae o J. W. Brining, he kakauolelo no ka aha, imua 0 ke kiure kiekie, e ku-e aua i ke kumu dimara ua loio o ka aoao pale, pela hoi me kaua pane, e pili ana ia Mrs. Elizaboth Wong. Ua manaoia, ma kekahi manawa o keia pule, e liaawi ae ai ka aha 1 la no na loio ma ka aoao o ka poe i hoopiiia, e paue ai, i ua kumu pale no na dimara, i hookomoia ae e ka Loio Kulanakauhale Davis.