| | MAKEMAKE KA LOIO KALANA
DAVIS E KINAIIA KA PILI-
WAIWAI Eia ke keena o ka Loio Kalana
Davis ma ke kulana paonioni me
ka keena o ka Makai Nui Desha,
ma na mea e pili ana i ka hana pili-
waiwai ma keia kulanakauhale, me
ka hoike okoa ana ae o ka Loio Ka-
lana Davis me ka Poakahi iho nei,
e hoomau aku ana kona poe kanaka,
i ka hopuhopu ana i ka poe pilikai-
wai, me kona nana ole ae i na mea
a ka oihana makai e hana mai ana.
Ahiki aku la i ka po o ka Poaono
i hala he ekolu mau wahi piliwaiwai
i komoia o na makaikiu o ke keena
o ka loio kalana, me ka paa ana
mai he heluna nui o na Pake i ka
hopuia.
Me kela minao paa, e hului pau i
ka hana piliwaiwai maloko o kela
kulanakauhale, i hoomau aku ai na
Makaikiu Silva ame Ross, ma ka
laua hana hopuhopu i ka poe pili-
waiwai, ma ko laua komo ana ma-
loko o kekahi hale ma ke alanui
Pauahi e kokoke aaa i ke alanui
Maunakea, ma ke awakea o ka Poa-
ihi iho nei, a paa mai he umi-
kumamaiwa poe Pake i ka hopuia.
Ka kahi nae o ka laweia ana ae
o na Pake i hopuia no ka piliwai-
wai noloko o ka halewai, ua lawe
pololei ia lakou no ke keena o ka
Loio Kalana Davis, a maloko olaila
i nokeia ai kela poe Pake i ka niele;
a ma na mea i kohoia aku, na nui
na ike i loaa aku i ko keena o ka
loio kalana, no na mea e pili ana i
ka hana piliwaiwai ma keia kulana-
kauhale.
Ma ka hoakaka a ka Loio Ka-
lana Davis ma ka Poakahi nei ua
pau maoli kona kauka'i ana aku
maluna o ke keena o ka oihana ma-
kai no ke kinaiia o ka piliwaiwai.
a na ike oia no ke komo ole aua
mai o ka Makai Nui Desha e kokua
iaia, ma ka hopuhopu ana i ka poe
piliwaiwai, no kela kumu, i lawe
okoa ae ai oia, i ka hooko ana aku
i ke kanawai, ma ke kinai ana i na
hana piliwaiwai.
Ma ka aoao hoi o ka Makai Nui
Desha, ua hoike ae oia, no ke ku-
like no o kona makemake me ko ka
Loio Kalana Davis, e kinaiia na
hana piliwaiwai: a na makaukau ka
oihana makai, e hoolako ia Davis,
i mau kokua nona, elike me ka nui
ana i makemake ai no ke kinai ana
i ka piliwaiwai.
Mamua nae o kona hoike ana ae
imua o ke akea i kona manao maoli
maluna o ka hana piliwaiwai, ua
makemake oia e kukakuka mua me
ka Loio Kalana Davis, maluna o
kekahi mau mea ano nui ana i
makemake ai e loaa ka hoomaopopo
like ana i na poo o na koena oi-
hana a elua.
Ka Hoomaka Ana o ka Pilikia
Ua hoomaka mai ka pilikia ma-
waena o ke keena o ka Loio Kalana
Davis, ame ke keena o ka Makai
Nui Dresha, mai kela manawa no a
kela mau luna oihana i lawe ae ai
i ka hookele aaa i ko laua mau keena
pakahi iho. .
Me kekahi mau ike i loaa aku i
ka Loio Kalana Davis e pili ana i
na hana piliwaiwai maloko nei o
keia kulanakauhale, i hoike aku oi
oia i kona manao i ka Makai Nui
Desha, no ka pono, e kapaeia ke
Kapena Makaikiu Kellett ame ke
Kakiana Makaikiu KOM, mai ke
keena aku o ka oihana makaikiu;
aole nae o Desha i maliu aku i kela
manao, ahiki wale no i ka lawe okoa
ia ana o na hoohalahala imua o ke
kiure kiekie a o ka mea i Ikeia, o
ia ao ka loaa ana he mau hoopii
ahewa e ku-e ana i ke Kapena Ma-
kaikiu Kellett ame kekahi poe e ae
mawaho ena; o ka pili i ka hewa a
pili ole i ka hewa elike me na hoo-
pii hoahewa i loaa i ke kiure kiekie,
he ninau ia na ka aha hookolokolo
e hooholo mai i keia mau la aku.
Ua kapaeia ke Kapena Makaikiu
Kellett, malalo o ke kumu, ua loaa
he mau hoopii e ku-e ana iaia; a hoo-
kohu ae la ka Makai Nui Desha, i
mea okoa ma ke poo o ko keena
makaikiu; a ke koi nei ka Loio
Kalana Davis aole he hopuhopuia
o na hana piliwaiwai; pela oia i ku
okoa mai ai imua, a hoohana aku i
kona poe kanaka, ma ka hoomaemae
ana i keia kulanakauhale, mai ka
hana pilawaiwai ae.
KE 46 POE I MAKE I KA
HOOMAKA ANA O KE KAUA
MEKIKO, Mar. 13— Iloko o ka
manawa o kekahi hooili kaua haha-
na ana inawaena o na koa o ke
aupuni ame ka poe kipi maloko o
ka mokuaina o Jalisco i keia ia ua
holopono ka hoauhee ana aku a na
koa federala i na koa o ka aoao
kipi. E hoakaka ana ka lono kele-
kalapa e ka loaa ana ae i ke keena
o ka oihana kaua he 43 mau koa
kipi i make a he ekolu mao koa o
ke aupuni i make, a he lehulehu ka
poi i eha ma na aoao elua.
O keia kana i hooukaia iho la o
ka hoomaka ana ia o ke kaua ki-
nai i na hana hoohaunaele a ka poe
kipi i ka aupuni a Calles i mea e
hoopauia ai na haunaele nana i
haawi mai i na koa federala no ka
makahiki a oi i ka hana hoonauki-
uki.
Ma kekahi wahi mawaena o Jesus
Maria ame Ayo de Chico i lele ka-
ua aku la Isaguirre. No kekahi
mau hora lehulehu ka hoomauia ana
o ke kaua ahiki i ka hoauheeia ana
aku e koa ma ka aoao kipi. Ua
loaa ke kahua paa i na koa kipi maloko o na auwaha, a no kekahi
mau pule lehulehu na koa kipi i
noho ai maloko o na auwaha i eliia
ai e lakou.
Ua hoike ae ke keena kaua ma
ka po i hala no ke kaa ana o ka
lanakila ma ka aoao o na koa o
ke aupuni a e hoomau aka ana ke
Kenerala Isaguirre i kana hoouka
kana ana ahiki i ka hoopuniia ana
o ka poo kipi apau a loaa hoi ka
maluhia i ka mokuaina.
Kaua kuloko o Mekiko, a ke ka-
ua kuloko mai la no hoi o Kina, he
kaua a Kina e hooheu mai la e ko-
mo aku ai paha na aupuni nui e ao
o ke ao iloko o ia kaua. Ahea la
loaa ka maluhia?" | APONO KE KOMITE WAIWAI O
KA PAPA E UKUIA O CONK-
LING MA ka Poaono aku nei i hala, ma-hope iho o kekahi mau halawai kukakuka lehulehu i malamaia, no ka mea pono e hana aku ai, e pili ana i ka ukuhana o ka Puuku D. L. Conkling, i uku ole ia iaia mai kela manawa mal i kapaeia ai oia mai ke kulana puuku aku no ke kulanakauhale o Honolulu nei, ahiki i kona koho hou ia ana i puuku, i hooholo ai ke komite waiwai o ka papa, no ke kupono e ukuia aku o Conkling, i ka huina o $6800, malalo nae o kekahi kumu, o la kona pani hou ana ae i ke aupuni, i ka huina o $4018.15, he huina dala i pokole iaia, oiai ola e noho ana he puuku no ke kulanakauhale. Ma ka oleloia, ua hoea mal kela manao apono o ke komite waiwai o ka papa, mahope iho o ke kukakuka ana o ka loio kuhina mo ka loio o Conkling, no ka hookomoia aku o kekahi bila kanawai iloko o ka ahaolelo o noho mai nei, e kauoha ana i ka papa lunakiai e uku no i ka ukuhana i paala o Conkling. E hoakaka ana maloko o ka hoike a ke komite waiwai, no ka pokole ana o ka huina o $4593.03 i ka manawa e noho puuku ana o Conkling, me ka hoikeia o na manawa ame na itamu o kahi i loaa mai ai kela mau dala. Ma ka manawa nae e hooloheia ana ka hihia o Conkling, ua ukuia ae e kekahi mea iloko o ka aha, ka huina o $375; o ua mau dala nei, aia malalo o malu o ka loio kulanakauhale. Ua olelo pu ia ae no hoi, ua ae ka Puuku Conkling e uku i ka huina o $4593.05. ke ae ka papa lunakiai, e uku aku iaia i kona ukuhana i paaia, o $6800; a e kauoha pu ia aku, hoi ke loio kulanakauhale e uku ae i na haneri dala elima a oi i kaa aku iloko o kona lima mai ka aha aku, iloko o ka waiona puuku o ke kulanakauhale ma ko ano o kekahi hapa ia o na dala i makemakeia aku ai e ukuia mai e Conkling . PAA KEKAHI POE PILIWAI-
WAI I KA HOPUIA MA WAI-
PAHU Malalo ae nei o Waipahu, ma ka po o ka Poaono i hala aku nei, i paa mai ai he umi-kumamalima poe Pake i ka hopuia e na makaikiu oloko o ke keena o ka Loio Kulana-kauhale Charles S. Davis no ka he-wa piliwaiwai. Ua laweia mai kela poe Pake he umi-kumamalima no Honolulu nei eia nae mamuli o ko lakou waiho ana mai i na (Iala bela, ua hookuu ia aku lakou, no ka hoi ana no ko lakou mau home. O ka ona nona ka hale piliwai wai, ua kauia ka huina o hookali kaukani dala o kona bela ia, a he elima haneri dala hoi ka bela o ke kahi Pake okoa mai, he Pake i ma naoia, oia kekahi o na alakai o kela hana piliwaiwai, a no ka nui ae o na Pake he iwakalua-kumamalima dala ko lakou bela pakahi. O na makaikiu na laua i hopu hopu i kela poe piliwaiwai, oia o Edward J . Ross ame Henry Silva a o kekahi o kela poe Pake o ka hopuia ana, oia pu kekahi i komo iloko o na hana ki-pe ma ka hihia o ke Kapena Maikaikiu Kellet ame ka Makai Nui Trask ame kekahi poe e aku. Ma ka hoakaka a ka Loio Ku-lanakauhale Davis, he hookahi ma hina a oi aku nei i hala, i loaa ma ai ka ike iaia, no ka lawelaweia o ka hana piliwaiwai malalo ae nei o Waipahu, maloko o kekahi hale a no ia ike i loaa iaia, ua hoouna okoa aku la oia he leka i ka Hope Makai Nui Titcomb, ma ka la 11 o Feberuari aku nei, e hoike piha aku ana iaia i na mea apau, me ka manao, o hopuhopu ae ona o Tit-comb ame kona mau makai i kela poe Pake piliwaiwai. Ma kahi ka o ka hopuia o kela poe Pake, elike me ia a ka Loio Kulanakauhale Davis i makemake ai, aole ho mea i hanaia e ka Hop Makai Nui Titcomb, a aole hoi paneia mai ka leka a Davis o ke kakau ana aku iaia. No kela hoohemahema ma ka aoao o Titcomb ame kona mau makai, hoouna okoa aku ai ka Loio Ku lanakauhale Davis i na Makaikiu Ross, ame Silva no Waipahu ma ka po o kela Poaono, a o ka hopena ikeia, o ia no ka paa ana mai o na Pake he umi-kumamalima elike ae la me ia i hoikeia maluna. O ka ekolu iho la keia o na wahi piliwaiwai i komoia o na makaikiu o ke keena o ka loio kulanakauhale me ka paa ana mai he heluna nui
o na Pake; o ku mua loa o ua wahi
i komoia maloko no ia o kekahi hale
e kokoke ana i ka makeke ma Aala;
he umi-umamahiki ka nui o na Pake
i paa malaila no ka piliwaiwai.
Ma ka po o ka Poalima mamua
koke aku no i paa mai ai he umi
poe Pake maloko o kekahi hale ma
ke alanui Hall, he hale piliwaiwai
i weho koke ia he elua wale aku nei
no pule, a iwaena o kela poe he umi
i hopuia, he hookahi wahine. He wahine Kepani opio o 19
makahiki o Alice Takeshita ka inoa
ka i paa ae i ka hopuia e ka ma
kaikiu Mike Morse no ke kakau ana
i ka inoa o kona hakuwahine Mrs
Roy Vitousek maluna o kekahi mai
bila dala a hoopiiia ae no ke apuka. | LEHULEHU NA HANA I NOO-
NOO A I HOOHOLOIA E NA
LUNAKIAI Ha ka halawai a a papa o na lunakiai kulanakauhale a kalana o ka noho ana ma Ka po Poalua nei ua lehulehu na kumuhana i noonoo a i hooholoia iloko o ka manawa pokole, ua aponoia he mau olelo hooholo o hookaawale ana i haawina dala no na hana lehulehu Uke ole, a ua hooholoia he mau ololo hooholo ma ka heluhelu ekoluia ana, mamua o ka hoopaneeia ana o Ua halawai ma ka hora 9 ponoi o ia po. Ua aponoia ka uku ana aku i $9,859.20 i ka Y. M. C.A. no ka aina o ke alanui Beritania. Ua aponoia ka aelike a Henry Freitas no ke kukulu ana i ka hale kiniaiahi ma Waikiki mahope o ka pau ana o ka hana ame ka paa ana o ia hale a ua kauohaia ae ka puuku no ka uku ana i ke koena o $3,166. Ua aponoia ko kuai ana i kaa kinaiahi no ka huina o $862.90 a ua kauoha ia ao ka puuku no ka hoo-puka ana oku ia huina dala. Ua aponoia e ka papa na hana a ka Bishop Trust Company i hoolala ai no ka apana aina paka e like me ia i noiia ae ai i kela hapa mai ke alanui Winant ahiki i ke alanui Moi, aka nae, e kaohi iki ana e paaia ke koena ahiki i ka maopopo ana o ke kanalima kapuni no na alanui, Ua kauohaia ae ke kakauolelo e hoopuka ae i mau kahea no ka poe koho no 8000 mau mita (anawai) hou: O ka holo ana o na kaa ma ke alanui Liliha iloko o ka manawa e nee mua ana na hana o ke alanui hookahi wale no aoao o holo al i kai, a ua kauohaia ao ka Makai nui e hoopuka ae i kana kauoha e ao aua i ka lehulehu o hoolohe ia kauoha. O ka olelo hooholo e hookumu ana i keena oihana no na kana o ka lehulehu a e hoakaka ana i kana mau hana kahiko maloko o ia keena a e hookomo ana he mau hana hou iloko o ia keena, ua waihoia ma ka papa mamuli o ke noi a Fred Wright, a he olelo hooholo ka i hookomoia ae o pili ana no ia kumuhana a hooholoia ma ka heluhelu ekahi ana ma ko poo. Ua aponoia e ka papa ka waiho oihana a Fred C. West, ke kokua kakauolelo a ka papa, a ua kauohaia ae o Charles Hogue e hookohu aku i kanaka hou ma ia wahi no ka ukuhana e oi ole aku mamua o $175 no ka mahina. Na ka Lunakiai Hughes i waiho ae he noi no ka haawi ana ae a ka papa i kona aloha no ka ohana o Joseph L. Nobrega, ka lunanana o na hana hoomoe paipu o ke aupuni kulanakauhale i make a aponoia me ka lokahi. Mai ka apana ae o Kaimuki he palapala e haawi ana i ka mahalo no na hana hou ma ka apana o Kamoiliili a e hoakaka ana i kekahi mau kumuhana a ua waiho ia ae. i ke komite makai, na bana o ka lehulehu a i ko komite o na paka. O ka makemake o ke Kalapu o na hana hou o Kaimuki o na aina a pau makai o ke alanui Waialae mai Kamoiliili aku ahiki i ke alanui Hard-ing e hookaawaleia no na paka o ke kihi o ke alanui e komo aku ai i ke alanui Harding mai ke alanui Kapahulu aku e hoakeaia ae, a e hoakeaia ke alanui Waialae mai ka halekula Liliuokalani mai ahiki i ka huina o na alanui Moi ame Beri-tania; e mahelehele hou ia ka apana o Honolulu i loaa ai i mau apana koho baloka hou, a e akoakoa ae ka papa ma ka manawa e hooloheia ai ka niuau o pili ana i ka holo ana e na kaa ma ka halawai akea e malamaia ana ma ka po Poakolu, Maraki 23, a e kukuluia i hale ma-kai ma kahi kokoke i ka halekii onioni ma Kaimuki. O ka palapala noi no ka hana hou ana ae i na alanui James, Alohea, Hayden ame Upper ma Kapahulu ua waihoia ae i ke komite o na hana hou o ka lehulehu. O ke noi a na hoahanau o ka ekalesia o Kawaiahao ma Kaimuki, no ka aeia aku o ka halekula Liliu-okalani i hale halawai ma na auwina la Sabati mai ka hora 2 a 5 P. M. na aponoia. O na olelo hooholo e hookaawale ana i $1,500 no ka hana hou o ka Paka ma Pearl City ame $40.362.50 no na poino o ko alanui Vinia ame ka George Marshall koi no na poino o na paipu sua ua hooholoia ma ka heluhelu okolu oua. Hoopaneeia ka halawai ma ka hora 9 P. M. | Na Hana o ka
Ahaolelo Aole i noho ka aha senate ame ka hale o na lunamakaainana ma ka la 5 o Maraki, o ia ka la 15 o ka ahaolelo. KE SENATE La Hana 16— Mar. 7. B. S. 87— E pili ana keia i na hana hou e hanaia aku aua no ka oihana wai ame sua o Honolulu nei, e hoamana ana no ka hoopuka ana i na bona aie.—Judd. B. S. 88 — E hoamana ana a e kauoha ana i ka papa lunakiai kulauakauhale e uku ae i na koi a J. R, Souza no ka huina o $175 no kona ukuhana.— Judd. B. S 89— E hoamana ana a e kauoha ana i ka papa lunakiai ku-lanakauhale o uku ao i na ukuhana o Louis S. Cain, B. B. Montgomery ame James A. Goo.—Judd. B. S. 90— E hoamana aua i ka pa-pa lunakiai kulanakauhale o uku ae i na koi o ku-e ana i ke kulanakauhale, mamua aku o ka la l o Ianuari, 1927, mailoko mai o na waihona lehulehu, aole nae e oi aku mamua o ke $43,000. — Judd. B. S. 91— E kau ana i ka uku haahaa o na mikanika amo na limahana i hoolimalimaia e ka papa ola, ma ko kalana o Kalawao, Molokai. — Mossman. B. S. 92 — E hooponopono ana i ke ano o ka hoohana ana i na mea hoo-pahupahu ma na alanui o ke aupuni. —H. W. Rice. B. S. 93 — E hoakaka ana no ke kohoia o kekahi luna auhau no na loaa makahiki. — Brown. B. S. 94— E hoakaka ana no ka malama ana i na keiki kameha'i.— Russell. B. S. 95— E pili ana keia i ke ku-e ana aku i na kiure.—Russell. B. S. 96 — E pili ana i ka waiwai o hookuuia mai ka auhau ae. — Chil-lingworth. Ka Puunauwe Ana i na Bila. Na B. S. 85 ame ka B. H. 112 i ke komike hookolokolo. B. S. 86, i ke komite wae o na senatoa o Maui. B. H. 23 i ke komite o na loaa ame na lilo. Holo Ma ka Heluhelu Ekolu Ana Na B. S. 4, 6, 35, 48, 68 ame ka B. H. 121. KA HALE La Hana 1 — Mar. 7. B. H. 197 — E hoopau ana i ka Pauku 378 o na K. H. H. o 1925, e pili ana i na keiki o na kula hoopololei. — Lyman. B. H. 198 — E hookaawale ana i $985 no ka uku ana i na hoolilo o ka hoihoi ana mai ia Louis Ca-mara ame R. J . Meredith mai Amerika mai. — Lyman. B. H. 200— E pili ana keia i na mana o ka papa o na lunakiai. — Akana. B. H. 201 — E hoamana ana i na lunanana koho baloka o na mahele koho i oi aku mamua o 500 poe koho baloka, e hoolimalima i mau kakauolelo. — Akana. B. H. 202— E hookaawale ana i $5000 no na alanui ma na aina hookuonoono o Lualualei, Waianae. — Anderson. B. H. 203— E hookawale ana i ke kane ame ka wahine mamuli o ko laua aelike ana. — Anderson. B. H. 204— E hookaawale ana i $10.000 no na makahiki elua, no ko kokua ana i ka pilikia i komo iloko o ka oihana koa o Hawaii nei, mai ka makahiki 1893 ahiki i ka 1898, a i na wahine kane-make paha.— Paschoal. B. H. 205— E pili ana i ke kula o na keiki ki-na. — Muller. B. H. 206— E hoololi ana i ka Pauku 403 o na K. H. H. o 1925 e kokua ana i ke Kanawai a Mor-rill ame kekahi mau kanawai e ae o ka ahaolelo lahui,— Muller B. H. 207— E hookaawale ana i $100,000 no ka hoomoe ana i na paipuwai ma na aina hookuonoono o Waiakea. — Ewaliko. B. H. 208— E hookaawale Ana i $25,000 no kekahi hale paku'i hou i ka hale waiho buke o ka lehulehu ma Hilo.— Ewaliko. B, H.. 209— E pili ana i ka hoolilo ana i na kumupoo homalu,— Ewaliko. B. H. 210— E hookaawale ana i $10,000 no kekahi pa palekai ma Kaimu, Puna, Hawaii.-Ewaliko, B. H. 211— E hookaawale ana i $30 no ka uku hou ana aku ia Hen-ry Y. C hin ame Paul Crivello no ka uku Iaikini.— Pedro). B, H. 212— E pili ana i na mea i pa'i mua ia no ka hooponoponoia o na kauoha kanawai, na kanawai, na rula ame na hana pili oihana.— Soares. B. H. 213— E pili ana keia no na bona.— Soares. B. H. 214— E pili ana i na uku-hana o na luna oihana o Hawaii —Ahuna. B. H. 215— E hoakaka ana no kekahi papa ukuhana ame na mea e ao e pili ana i ka malamaia ana o ke Kula Nui o Hawaii.— Ahuna. O. H. H. (joint) 3— E koi ana e komo pu aku ke Kula Kiekie o Hawaii, iloko o na pomaikai, i hoo-kaa waleia maloko o kekahi mao kanawai federala.— Muller Holo Ma Ka Heluhelu Ekolu Ana B. H. 45— E pili ana i ka papa-inoa o ka poe he mau auhau ko lakou i hookaa ole ia.— Silva. B. H. 53— E hoomahuahua ana i ka uku o ka lunakanawai hoomalu | o Honolulu nei i $300 o ka mahina. — Vitousek. B. H. 118 — E koi ana e hana ka puuku o ke teritore i hoike imua o ka ahaolelo.— Vitousek. B, H, 167— E pili ana i na olelo-ike ame na hana maloko o na aha apana,— Soares. KE SENATE La Hana 17 — Mar. 8. B. S. 97 — E hookaawale ana i $1850 no ka ukuhana ame na hoo-lilo o ka lunakanawai apana o Ka-lawao. —Tavares . B. S. 98— E pili ana i ka hoolaha ana aku o ka papa ola no kekahi poe i makemakeia, e maopopo ko lakou mau ohana. — Tavares. B. S. 99 — E hookaawale ana i $8624.73 no ka hoihoi hou ana ahu i ka waiwai o Akana Amelia Ri-chardson i make, no na dala i ohi hewa ia ana no ka aina ma Waiola-ma. —Russell B. S. 100— E pili ana i na pepa kikoo ukuhana o na kalana— Aki, Na Olelo Hooholo (O . H. S. (joint) 3— E koi aku ana i ko keena kaua e pili ana i ka pualikoa kiai lahui o Hawaii ai. — Aki. O. H. H. S. (joint) 4 — E hoakaka ana no ka holomua o ka hana hoo-pulapula ma na aina o Molokai, a e koi ana e paholaia aku ka hana hoopulapula ma na mokupuni apau— Brown. O. H. S. 17— E koi ana e hooko-moia aku ka inoa o Moses Need-ham, iloko o ka papainoa o ka poe i loaa na uku hoomau o ke kulana-kauhale, ma kahi o ka $150 o ka mahina.— Waihoia i na komite wae o na senatoa o Oahu nei. O. H. S. 18— E koi ana i ukuhoo-mau o $250 o ka mahina no Ed-ward Hopkins o ke kulanakauhale o Honolulu nei. — Waihoia i ke ko-mite wae o na senatoa o Oahu nei. Holo ma ka Heluhelu Ekolu Ana B, S. 80— E pili ana i na hana hou ma ke alanui holopuni, hooholo pu ia ka B. S. 63, e pili ana i na pepa kikoo ukuhana o ke keena o ka puuku. Puunauwe Ana i na Bila I ke komite wae o na senatoa o Oahu, na B. S. 87, 88, 89, 90; me ke apono ana o ke komite e hooholoia kela mau bila ma keia la hookahi no. I ke komite o na loaa ame na hoolilo na B. H. 91, 93, 96; na, B. H. 6, 45, 111, 118. I ke komite hookolokolo na B. S. 92 94, 95; na B. H. 36, 53, 101, 133 141, 167. I ke komite mahiai me ululaau na B. H. 91. KA HALE. La Hana 17— Mar. 8. B. H. 216 — E haawi ana i elua pule hoomaha no na limahana o na kalana ame ke kulanakauhale e hana ana ma ka la. — Pedro. B. H. 217— E hoole ana i ka haawi ana ame ka hoololi ana i na noi o na a 'o ana aku i na kiure. — Vi-tousek. B. H. 218— E pili ana i ka malama ola o ka wahine. — Patterson. B. H. 219 — E pili ana i na hana hoeha me na hoopa'i no ia mau hewa. — Soares. Holo ma ka Heluhelu Ekolu Ana B. H. 2l — E kaupale ana i ka hookuuia o na keiki mai na kula aku mamua o ka piha ana o na makahiki he 14.— Marcallino. B. H. 52— E hookuu ana i ka waiwai o ka Hoomana Mekokika ame ke Kula o na Hana Akamai mai ka auhau ae. — Soares. B. H. 54— E hoakaka ana, aole e oi aku na mana koho maloko o kekahi mahele koho baloka mamua o ka 800,— Lyman. B. H. 49 — E hoomahuahua ana i ka huina hoaie e aeia e ka papa hoaie dala no na hana mahiai mai ka $5000 a i ka $7500.— Lyman. KE SENATE La Hana 18— Mar. 9. B. S. 101— E pili ana i ke ano o ka ohi ana mai i na auhau kino kaa ole amo na auhau waiwai, a e hoo-mahuahua pu ana i ka huina o hookuuia mai ka auhau aku, no na home e nohoia ana. — Mossman. B. S. 102— E koi ana o hoomahua-huaia ao ka uku o ka lunahoomalu o ka papa o na lunakiai o ke kalana o Maui, i $6000 o ka makahiki.— Mossman. B. S. 103 — E hookaawale ana i $10,000 no ke kukulu ana i kekahi pale ma ke kahawai o Kuliouou.— McInerny. B. S. 104— E koi ana o haawiia i ukuhoomau no Phoebe Kamaile Hardy, a e koi ana i ke kalana o Kaua'i o uku ae i kela ukuhoomau. -Aki. B. S. 105— E pili ana i ka auhau e hookahua ana i papa komisina auhau o elima lala.— Tavares. B. S. 106— E pili ana koia i ka auhau loaa makahiki, o hoakaka ana no ka hoohalahala aua mai ka helu waiwai mai.— Tavares. B. S. 107— E hookaawale ana i haawina aala no ka uku ana ao i kekahi mau uku kaulele i na lu-nakanawai o na aha kakau o ke teritore.— Heen. B. S. 108— E hoakaka ana no ke kukuluia aku o kekahi kauhale Ha-waii, malalo o ka hoohana ana a kekahi komisina, e hookaawale ana i $25,000 no kela hana.— Russell. B. S . 109— E hookaawale ana i ka huina $20.000 no na makahiki elua, no ke kokua ana aku i ka bana o ke kalana o Hawaii.— Rus-sell. Holo ma ka Heluhelu Ekolu Ana B. S. 56 pili keia i na bona. | B. S. 73, e hoamana ana i ka papa lunakiai o Maui, e uku aku i na koi no na hana i lawelaweia i ka 1936. B. S. 87— Pili keia i ka oihana wai ame sua o Houolulu nei, no ka hoopuka ana i na bona. B. S. 88— E kauoha ana keia i ka papa lunakiai kulanakauhale e uku ae i ke koi a J. R. Souza. B. S. 89— E kauoha ana i ka papa o na lunakiai e uku ae i na ukuhana o Cain, Montgomery ame J. A. Goo. B. S. 99— E kei ana keia i ke kulanakauhale, o Honolulu nei, e uku oe i na koi, no na hana i lawelaweia mamua aku o ka la 1 o Ianuali o keia 1927. Puunauwe ana i na Bila I ke komite o na loaa ame na lilo, na B. B, 97, 99, 100 ame na B. H, 52, 149, I ke komite ola ka B, S. 98. I ke komite o ka oihana koa ka O. H, H, 103. I ke komite o na aina aupuni ka O. H. H. 104. I ko komite hoonaauao ka B. H. 21. I ke komite hookolokolo ka B. H. 45. KA HALE La Hana 18 Mar.. 9. B. H. 220— E pili ana i ko ana auhau no na waiwai paa,— Muller B. H, 221— E hookaawale ana i $20,000 no ka uwapo ma Hoopuloa, Hawaii.— Smith. B. H. 322— E kukulu ana i papa komisina makeke no ke teritore a e hoakaka ana no na hana a kela komisina. — Goodness. B. H. 223— E hookaawale ana i $372.87 no ka uku hou ana aku ia Alexander & Baldwin no ka uku uwapo i ohi hewa ia,— Petrie. B. H. 224— E koi ana e hoopuka-ia ma ka olelo Hawaii na pepa o na hoolaha no na palapala noi i na kuleana aina. — Pedro. B. H. 223— E koi ana i ka papa lunakiai kulanakauhale o wehe i pa-aupuni ma Hauula, a e kohola he luua pa-aupuni. — Chillingworth. B. H. 226 — E hookaawale ana i $3600 no ke kukulu ana i keena auhau ma Waiohinu, Kau, Hawaii. — Kawaha. B. H. 272— E hookahua ana i waihona hoonaauao no ko Kula Nui o Hawaii, a e hookaawale ana i $20,-000 no kela waihona. — Ahuna. Holo ma ka Heluhelu Ekolu Ana B. H. 166— Pili keia i ka hoike ku-e ana o na wahine no ka lakou mau kane. — Soares. Wahoia ma ka Papa B. H. 234— E pili ana keia i ka mare ana aku o kekahi o na mea i okiia mahope o ka piha ana o ka makahiki hookahi, mai ko laua hookaawaleia ana malalo o ke kanawai. — Viveiros. . B. H. 155— Pili keia i ka hooko-hu ana i na luna auhau amo na hope, i poe noho paa lakou, no na apana i hookohuia aku ai. — Silva. B. H. 180— Pili keia i ka papa komisina o na moohelu waiwai. — Holt. KE SENATE La Hana 19— Mar 10. B. S. 110— E hoemi ana i ke ana auhau kaa ma ka paona, i hapa keneka no ka paona, a e kau ana i ke ana, no na kaa halihali ukana. — Judd . B. S. 111— E kau ana i auhau kaa ma ka aila, o ia hoi i elua keneka no ke galani — Judd. B. S. 112 — E hookaawale ana i $12,000 no na hoolilo o ka halihali ana ame ka noho ana o na paahao o hoounaia ana no Maui, no ka waele ana i ka mauu Gorse. — H. W. Rice. B. S. 113— E kau ana i na uku-hana o na luna oihana o ke kalana o Maui. — Mossman. B. S. 114— E hookaawale ana i $4500 no ka hoolaha ana i na olelo hooholo o ka aha apana o Amerika ma Hawaii noi, o haawi ana i ka mana ia Hawaii nei, o hoopuka aku i kela mau olelo hooholo.— Brown. B. S. 115— E hookaawale ana i 682 — No ka uku hou ana aku i ka oihana ola o Amerika, no na dala i uku hewa ia aku i ka papa ola o ko teritore.— C A. Rice. Na Olelo Hooholo O H. H. (con.) 4— E koi ana i ke komisina o na aina aupuni o hoopuka aku i palapala sila no ka aina i lilo ia Ivy Richardson, kela aina ana i noho ai no 27 makahiki ma Waiakea. — Brown. O H. S. 19— E kauoha ana i ke kakauolelo o ka aha senate e ninau aku i ka nui o ua kaa otomobile e hoohanaia nei o na keena oihana like olo o ke teritore— C. A. Rice. Holo ma ka Heluhelu Ekolu Ana B. S. 82— E hoakaka ana no ka hookuuia mai ka auhau ae na wai-wai paa ame na waiwai lewa i hoohanaia no ke kanu ana i ka hua macadamia. B. H. 7— E hoololi ana i ka pau-ku 2814 o na K. H. H. o 1925 e pili ana keia i ka hookuu ana i ua paa-hao. B. H. 42— E pili ana i kekahi mau hana kanawai. B. H, 113— E pili ana i ka hewa hoeha. B, H. 114— E pili ana i ka hewa hoeha mo ka manao hoopoino. B. H. 119— Pili i na hana hoopilikia a hoopoino. Puunauwe Ana i na Bila I ke komite hookolokolo ka B. H. 54 166 ame ka O. H. H. 6. I ke komite o na loaa ame na lilo na B. S; 101, 103, 106, 107, 108, 109. | I ke komite wae o na senatoa
o Maui ka B, S, 103,
I ke komite wae o na senatoa o
Kauai ka B, S. 104 .
I ke komite o na aina aupuni
ka O. H. H. 4. KA HALE
La Hana 19— Mar. 10.
B. H. 228— Pili keia i ka uku o
na koa oloko o ka puali kiai lahui.
— Paschoal.
B. H. 229 — E manaoia, ua hoopau-
ia na auhau kaa ole ke hala iia
makahiki he umi, mahope mai o ke
kauia ana p na auhau. — Ahuna.
B. H, 230— E pili ana i na uku-
hana, o na lunakanawai o ke Kala-
na o Hawaii,— Ewaliko,
B. H. 231 — E kukulu ana i na
kahua no na hoopii okimare.— Vive-
iros.
B. H, 282— E hookaawale ana i
$50,000 na ke kukulu ana aku i ke-
kahi kula hoomaamaa mauka ae nei
o ke awawa o Palolo, — Soares
B. H. 23. —E pili ana koia i na
palapala inisua no na kamalii oo
ole,— Soares,
O. H. H, (joint) 4— E noi ana
i ke kiaaina e hookaawale i ekolu
oka o ka aina na Waimea, Kauai
i paka a i kahua paani no na ka-
malii.— Marcallino.
O. H. H. (joint) 5— E hoamana
ana no ko kuai ame ka puunauwe
ana aku i ka moolelo o Hawaii nei,
no na mea pili i ke kaua o ke ao
nei.— Vitousek.
Holo ma ka Heluhelu Ekolu Ana
B. H. 107— E hookau ana i na
limahana apau oloko o ka oihana
makai, malalo o ka papa komisina
makai.— Lyman.
B. H. 108— I hookahi la e malama-
ia ai o na Hoho baloka o Kauai
amo Maui ma ke koho baloka o ke
teritore. — Marcallino.
B. S. 26 — E koi ana o uku hou
ia aku o C. J. McCarthy.— Brown.
B. S. 54 — E hoopau ana i ko Ka-
nawai 175, o na Kanawai Ahaolelo
o 1925 pili keia i ka lawelawe oi-.
hana ana ma na hana ponoi
Waihoia ma ka Papa
B. H. 198— E pili i na kukui ma-
hope o na kaa otomobile.— Lyman.
B. H. 203— E hoakaka ana i ke
kahua oki mare, o ia ka aelike ana
o ke kane ame ka wahine— Ander-
son. KA HALE La Hana 20— Mar. 11 B. H. 234— E pili aha keia i ka uku o na limahana.— Lyman. B. H. 235— E hoopau ana i ke kulana o na kahukula kaahele o na kula aupuni. — Sniffen. B. H. 236— E hookaawale ana i $8000 no na alanui o Laukapu ame Wright, ma Olaa, Hawaii. — Ewaliko. B. H. 237— Pili keia no ka malama ana i na keiki poo-ole. — Ewa-liko. B. H. 238— E hookaawale ana i $50,000 i hale hoikeike fea ma ka Paka Hoolulu, Hilo.— Ewaliko. B. H. 239— E hookaawale ana i $3000 no ke kuai ana i ka aina i ku ai o ke kula aupuni ma Kapoho, Puna, Hawaii. — Ewaliko. B. H. 240— E hookaawale ana i $6000 no na alanui no na aina hookuonoono ma Piihonua, Hilo, Hawaii. — Ewaliko. B. H. 241— E pili ana keia i ke kulana maemae o na kahawai ame na muliwai. — Smith. B. H. 242— E pili ana keia i na halema 'i lepera ame na kahua ma'i. —Holt. B. H. 243— E hookaawale ana i $4000 no ka moali alanui ma Hauula, Oahu. — Chillingworth. B. H. 244— E hookuu loa ana i ka poo i loaa a ka ma'i lepera mai ka uku ana i na auhau. — Chilling-worth. B. H. 245— E pili ana keia i na ma'i o ka noonoo. — Paschoal. B. H. 246— E koi ana o ukuia ae ia Moses Kauhimanu i $500 mai ka waihona mai o na kumukula i hoomaha.— Paschoal. B. H. 247— E hoakaka ana no ka unuhi ana o Moses Kauhimahu, ma ke ano ho hoa oia no ka waihona o na kumukula i hoomaha.— Pas-choal. B. H. 248— E pili ana keia i na waiwai i hookuuia mai ka auhau aku— Ashford. HE HOALOHALOHA NO KA MA-
KOU KEIKI HELELOA JAMES
EMMESLEY, UA HALA. Mr Lunahooponopono o ka Nu-pepa Kuokoa, Welina pu kauai— E oluolu mai kou ahonui e hookomo iho ma kalu kaawale o ka hiwa-hiwa a ka lahui, no ka makou wahi puolo waimaka a ko aloha e kau ae la maluna a nana hoi la e lawe hele aku ma na kihi eha o Hawali aloha nei; mai ka puka ana a ka la ma Kumukahi a ka welona a ka la i Lehua i ike mai ai ka ohana ame na hoaloha amo na makamaka mai kela pe 'a a kela pe 'a o ka aina o ka makou keiki heleloa. Elike mo ka hekili ku'i pamalo, pela iho Ia ka make hikiwawe ana o ka makou keiki aloha, a makou i moeuhane mua ole ai, ua hiki mai i ka manawa a ka anela o ka make o kii mai ai l kona hanu ola a lawe aku. Eia nae aolo pela ua hoike mai ka buke ui, o ke kanaka i hanauia e ka wahine, he hapa kona mau la ua piha i na popilikia he nui. Puka mai no ia me he pua la a ua okiia, a holo aku no ia me he aka la, aole loa oia e mau. He mea oiaio ma Hana lakou mo kona mau kaikuaana a i ka hula- | hula ma ia ahiahi, haalele lakou
ia Hana i ka hora 11.30 o ia pe
maluna o ke kaa otomobile no ka hoi ana no Kailua, eia nae loaa e keia uila pilikia i kekahi o lakou ma ke alanui, ma ka po o ka Poa-ono hora 1; mamuli o ka hiolo ana mai o ka lepo o ka aoao o ke alanui ma Wailuanui, Maui, a pakele aku kona mau hanaumua a poino hoi ko laua pokii kaikaina James Emmesley. Heaha no la ka mea o ka noho ole i Hana me ka aunty ame ka unele a malia ka ua, alaila hoi mai a loaa ka pilikia o ka pokii kaikaina o olua; ua kamaaina au ko oukou uncle nei i ka ua o ka aina, ko'u onehanau ia e kuu pue keiki, ko oukou papa Joseph Emmeasley o ko'u hoahanau ponoi loa ia. O ka mua kona maina o Kanaka ko oukou kupunawahine, o ko'u papa ka hope, Lono K e pao o, a ko oukou uncle e kakau nei i keia ka-naenae aloha no ko oukou, pokii i haalele mai ia kakou, auwe luuluu wale! Eia au ame ko oukou mau aunty, i Honolulu noi i ka aina hookama, aina lewa i ke kai, ua okiia kakou o ke kai, kaawale oukou a ka a wale noi makou ka ohana, iko ole i ke kino lepo o ka pokii o oukou. Ma ka nupepa haole Honolulu Star bulletin, Poakolu, Maraki 9, i iko iho ai au ame ka ohana i ka haalele ana mai o ko oukou pokii aloha ia kakou ka ohana, auwe kuu lei e, kuu minamina pau ole! Welina aloha ia'u ka uka o wai-opua Ia, kuu pua a 'u i iini ai e kui a e lei hoi e, eia ka na ka make ana ka hoi e lei, kupouli ke aloha e Kanehoa e u i ka hana lokoino a ko aloha ole, ua oni wale i ke kula o Mailchune, huna na maka pe 'a na lima i ke kua, na o ka nahele anoano aloha mauka o huliwale e, ke huli nei au ia oe e kuu keiki, kuu minamina pau ole a. Ke ulaiaia nei hoi au a maewaewa ko aloha ole, kuewa hoi i ka ala me ka waimaka, me he makamaka puka la ko aloha ke hiki mai, hiki mai ko aloha, e uwe ao au auwe kuu keiki, kuu aloha pau ole ia oe e; kuu keiki mai na pali alolua o ua aina nei, mai ke awawa, kohohonu lipolipo onaona o ka palai, hoopalai-maka wale ka hele ana a kuu keiki, huna na maka Ia nalo i ke aouli. Waiho i ka ukana luuluu na'u e mili i lei a-i i hoa pili no'u no ka po me ke ao; hiaa mau ka po moe ole ia, kaunu hewa ke kuko me ka li 'a i ke aumoe, o kuu hiamoe nui he mea ole ia, paa ole ka waimaka hoopulu mau i ka lihilihi. Auwe kuu keiki kuu minamina pau ole ia oe a! Ke hooki nei au i keia kanaenae aloha o kuu keiki hele loa; ke hui pu aku noi au me oukou amo na keiki ame ko oukou makuahine ame ka'u wahine ame ka ohana apau iloko o ka luuluu ame ke kaumaha. Ke pule a ke noi ae nei au i ka oluolu o ka Makua lani, e hoomama mai i na luuluu amo aa kaumaha o ka ohana apau. Nana no i haawi mai, a Nana no i lawe aku; e hoomaikaiia Kona inoa. O makou no ae ka luuluu, DAVID K. KEPANO. MRS. K. KEPANO.
Ame ka ohana.
661 Queen St. Honolulu. OLELO HOOLAKA. HOOLAHA KUAI O NA APANA
AUPUNI. Ma keia ke haawiia aku nei ka hoolaha akea ma ka hora 10.00 a. m., Poaha, Aperila 7, 1927, ma ka puka mamua o ka Hale Oihana Te-ritore, Honolulu, Oahu, malaila e kuni hoolilo ia aku ai ma ko kudala akea, i ka poe koho kiekie loa ma-lalo o na manao o ka Pauku 73 o ko Kanawai Kumu o Hawaii a o na Kanawai Hooponopono Hou ia o Hawaii 1925, na apana Aupuni no na hana noho mahope ae nei: 1. Apana Aupuni ma na Ihoaa Hema o Puowaina, na Apana Ihona o Puowaina, Honolulu. Oahu, e pili pu ana me ke Grant 8973 la W. W. Chamber-lain, nona ka iliaina o 30.103.00 kapuai kuea oi aku a emi wai paha; kumukuai haahaa, $1-606.00 2. Koena Aina Aupuni he mahele no ko Alanui Kahakai, e pili pu ana mo ke Grant 4630 ia Rev Usborne, Kapahulu, Wai-kiki Oahu, nona ka iliaina o 1,203.00 kapuai kuea, Oi aku a emi mai paha; kumukuai haa-haa, $1,805.00 E hooliloia aku ana na apana maluna ae mamuli o ka hoomaopopoia ana aole laua i hoolakoia me na pono alahele, a aole i hoopaa ke Teritore iaia iho no ka hoolako ana ia mea. E hookomoia aku ana he pauku e hoakaka ana no keia mea maloko o na palapala sila e hoopu- kaia aku ana e apo au ai na apana o hooliloia aku ana mamuli o keia kuai. E kaa ke kuai maluna ae malalo
o na kulana mahope ae nei:
A. Kumu Aelike: Kuike ma ka
haule ana o ka hamare, hui
pu me na lilo apau o ka hoo-
laha ana. B. O ka makaainana wale no o na
Mokuaina Huiia o Amerika a
o kekahi mea e ae paha i loaa
mai na palapala kukala no ka
manao e lilo i makaainana ko
lilo i mea kuai mai.
No ka hoakaka aku i koe e ninau ae ma ke keena o ke Komisina o na Aina Aupuni, Hale Oihana Teri- tore, kahi o na kii palapala aina o na apana e hooliloia aku ana e wai- ho nei a e ikeia ai. Hanaia ma Honolulu, maloko e ke Keena o ke komisina o na Aina Aupuni, Hale Oihana Teritore, i ke ia la 7 o Maraki, 1927. C. T. BAILEY, Komisina o na Aina Aupuni. 6454 - Mar. 17, 24. | |