Ka Nupepa Kuokoa, Volume LXVI, Number 11, 17 March 1927 — AOHE HANA AKU I KOE. [ARTICLE]

AOHE HANA AKU I KOE.

Ma ka Poaono aku la i hala, i hoike mai ai ka hapanui o na mana koho baloka o na Mokupuni o Maui, Molokai ame Lanai, •» Edgar Morton ka lakou i niakemake ai, maiwaena mai o na nvho eono. i holo no ke pani ana i ka makalua i hoohakahakaia iho mamuli o ka make ana o ka Hon. Levi L. Joseph, ma ke koho haloka kuikawa o ka malamaia ana ma kela mau mokupuni: nolaila aole he hana i koe, o ka nana wale aku no i kana hana iloko o ka ahaolelo. Ma ke ano he Repubalika, he kupa a he kamaaina no ka Mokupuni o Maui, aole a kakou mau hoohewahewa ana aku, i!" ka īini aine ka makemake iloko o keia kauwa hou a ka 'ehulehu, e hana a e hooikaika no na pono kaulike o na mokupuni i lilo ai oia he lunamakaainana. Ma ka hui pu ana aku nae me kona mau hoa lunamakaainana mai Maui mai, ka po'e i karfiaaina i na hana oloko o ka aha- • 'lelo: pela iho la e loaa ai iaia ka ike ame ka makaukau, no ke kulana i lilo ai oia i panihakahaka; a iloko o ke koena i koe 0 na la o ka ahaolelo e noho mai nei e-lilo kela mau> la, i mau !a aole wale no, no kona hookamaaina pono ana iaia iho me na hana kaukanawai, aka ma ka hooikaika pu ana kekahi, e hooholoia na hooponopono kanawai e pomaikai ai ka lehulehu. .\.ohe wa ha'o o ka aha apana o Honolulu nei, i na hihia o ka poe he mau kaa otomobile ko laikou, no ke ku-e i na kanawai i hanaia no na alanui, a no na kukui, ame ka hookele ana 1 na kaa; i wahi nae e hoemiia mai ai na hihia o kela ano, he inea ponp e kauia na hoopa'i kanono maluna o ka poe apau e anewaia ana no ko lakou ku-e i ke kanawai pili i na kaa. O ka maka'u no ka uku i kekahi huina dala mahuahua, he mea ia e konoia aku ai na kiakaa otomobile apau e makaala mau i ko lakou hooholo ana i na kaa ma na alanui o ka lehulehu. ll«jko o ka hopuhopu mau ia o na Kepanl no ko lakou puhi rair.a, aole nae ia he kumu e ha'o mai ai ka lawelawe ana o kela lahui, i keia hana hakihaki kanawai. Malia paha no ka nui o ke dala ame na pomaikai iloko o kela hana, ke kumu o ko lakou hoomau ana i ka hana ame ke kuai ana aku, i ka poe e mai ana, i ka okolehao; he mea pololei no kela aka nae ua kokuaia aku kela manao puhi rama o na Kepani, mamuli o ka liilii loa o ka hoopa'i e kauia ana e na aha hookolokolo, maluna o ka poe i ahewaia no ke ku-e i ke kanawai hookapu waiona. i— Xui a iehulehu wale na bila ukuhoomau i hookomoia ae iloko oka ahaolelo e noho mai nei; no ke kaulike nei nae o kela mau ukuhoomau, lie mea pono no e haawiia, i ka poe i klileana i'o e uku hoomau ia aku, ma ke ano o ka loihi o ko lakou noho hana ana no ke aupuni, pela hoi ka pakeneka kupono o ko lakou mau ukuhana. no ka manawa i hoomahaia aku ai lakou, me ka lawelawe ole i kekahi mau hana. — īua e hiki ana i ka Loio Kulanakauhale Davis, ke kinai i ka hana piliwaiwai maloko nei o keia kulanakauhale, a i ole hoopuehu aku,paha i ka poe loea ma kela hana ma na wahi 'okoa loa mai Honolulu aku jiei; he elua no mau mea maopopo loa e oili ae ana, o ka mua, o ia ka holo aku o na mahalo ana a ka poe i makee i ka maluhia. maluna ona, a o na ku-e ana hoi maluna o ka Makai Nui Desha.