Ka Nupepa Kuokoa, Volume LXVI, Number 13, 31 March 1927 — Page 6

Nupepa Kuokoa

KE KILOHANA POOKELA NO KA LAHUI HAWAII

AOAO NO NA MANAO PEPA
SOLOMON HANOHANO, LUNAHOOPONOPONO.

NA MOOLELO HOONANEA NA NUHOU KALAIAINA
ME NA NUHOU O KA MANAWA

EONO NUPEPA KUOKOA, HONOLULU, T. H. POAHA, MARAKI 31, 1927


Nuhou Kuwaho LAHTI, Rusia, Mar 27--Aole i ona iki o Ivan Shapkov mai ka ma-nawa mai ana i hoohanohano ai i ke auhee ana o Napoliona mai Makao mai, a hoopaaia aku iloko o ka halepaahao koa i ka 1812, o ia kana i olelo ae ai i ua kanaka he-lu-kanaka i kona manawa i haawi ao ai i kana palapala hooiaio ua hanauia oia i ka 1782, ka makahiki a Enelani amo ke aupuni Amerika i kakau inoa ai i ko kuikahi a o ka pau ana ia o ka hookahuli aupuni ana a Amerika. Ma ke ano he koa opio oia o kanakolu makahiki, oia pu kekahi i kokua i ka hooauhee aua aku ia Napoliona i kona komo ana mai e kaua ia Rusia a ua komo pu aku hoi o kaua iloko o na pualikoa o Alekanedero Ka Nui no ko ku-e ana aku i na koa Koasika. Ma ka palapala o hoakaka ana no kona hookuuia ana mai ka oihana koa mai i hooiaioia ai kona la i hanau ai. I nei manawa he 145 oua mau makahiki e hoohauoli ana i ke ola ana me ke ola maikai me kana wahine, no kana wahine he 88 makahiki i manaoia ua luahine oia ina aole he mau makahiki kona opiopio iho mamua o kana kane a he opiopio hoi kona i kupono e lilo i moopunawahine nana. KAPALAKIKO, Mar 27— O ke kino o ka Lukanela John Benton i make ai ma Buenos Aires i ka manawa o na mokulele a ka oihana koa Amerika e lele ana i hooku 'i ai iluna o ka lewa ua hoea mai ianei i keia la. Ma ka Prisidio ma ka la apopo e malamaia ai ke anaina hoolewa noua. Ua make ka Lukanela Benton me Clinton Wool-sey ma Buenos Aires ma ka la 26 o Feberuari, i ka wa o ko laua mokulele, ke Detroit, i hookui ai me ka mokulele lawehae, ka New York, malalo o ka hookele ana a ka Mekia Herbert Dargue, ka mea i pakele mahunahuna. RENO, Nev Mar 27— Mai ka manawa mai o ka manawa i koiia ai o ka poe noho paa ma Reno no na kanaka e imi ana e hookaawaleia ma ka mare i hoemiia mai ai mai ka eono mahina a ka ekolu mahina, ua pii mahuahua loa ae ka nui o ka poo hoopio okimare, i kulike me na huahelu i hoopukaia ae ma ke akea i keia la. O na paamare i aponoia ka hookaawale ana o ke kane mai ka wahine oku maanei ua hiki aku i ka averike o 20 i ka la. Ma ka Poaha o ka pule aku la i hala he 28 mau paamare i aponoia ka hookaawale ana. MANILA, Mar 27— He umikumamaiwa mau ukali o ke kenerala Moro Mapuroe i make i keia la i ka manawa o kekahi pualikoa o na koa Pilipino i kaua poipu aku ai maluna o ka papu a Mapuroe ma Cotabato, mokupuni o Mindanao. o Mapuroe ke alakai opulepule o kekahi puulu o ka poe kipi i kaulana na Alangkats ka poe i hoopaa ia lakou iho e kaua i na Amerika na lakou e hoomalu ana ia Minda-nao. Lehulehu na ukali o Mapuroe i auhee aku mahope o ke kaua ana i keia la a imi aku i puuhonua hou no lakou e hoomoana ai.	O MRS. MIRIAM KEIKIOEWA NICHOLAS UA HALA I ka lunahooponopono o ke Kuokoa, e oluolu mai i kowa no keia: Mahope o ke kaama 'i ana no kekahi manawa i hala ae nei, a iloko o ia manawa ua imiia ke ola ma na ano a pau, a no ka oi pakelo aku uo o ka ikaika o ka ma U mamua o ka ikaika hoola o ka laau me ke akamai lapaau o na kauka, ua haalele mai la oia i keia ola honua aua, mahope iho o ke aili hope ana ae o kona hanu ola maloko o ka halema 'i Miowahine, kahi ona i hoihoiia ai me ka manao e lana-ae ana la hoi, eia ka, o kona hele no ia a nalo na maka ma ka hora 2:30 o ka wanaao o ka Poaono, Malaki 26. Ua hanauia oia ma Honolulu nei i ka makahiki 1890 a iaia i moe aku la no ka wa mau loa ua piha iaia na makahiki he 56 a oi. Ua mareia oia mo Alexander Geo. Nicholas he kanakolu makahiki i hala aku nei, a mailoko mai o ko laua mau puhaka hookahi keikikane e ola mai nei aia i Amerika, o ke kino aka o kona makuahine kana e ike iho aua. O Alexander George Nicholas ka mea ma'i o laua i ikeia, a nona he ikaika kona kino, eia nae, aole i wae mai la ka make a ma ka mea nawaliwali ia e lawe ai. Ma keia Poaono e kauia ae ai kona kino no ka ike hope ana iho o ka ohana; o na hoomanao poina ole apau nona. Ke haawi aku nei ka ohana o ka mea i hala i na hoomaikai' he nui i na hoaloha ame na makamaka i kumakena pu a i haawi mai hoi i na makana pua. Na makou no, JAMES K. II Me ka ohona. (Mai ka Aoao Ekahi mai) no ka hookoia o ka mare maluna o Harry Lea ame Mrs. Lea. No ka manaoio o ka Hope Loio Kulanakauhale Brooks, he hana maalea wale no kela ma ka aoao o ka loio o Harry Lea, i wahi e hookoia ai ke kanawai, nolaila ua haawi aku la oia i ke kauoha i ka Makai Nui Desha, aole e ao i ka lawelaweia o ka hana mare maloko o ka halepaahao, o ke kalana, pela iho la i hiki ole ai ke hooko hou ia ka mare no ka elua o ka manawa, maluna o ke kane ame kana wahine, i kaawale ko laua noho ana i keia manawa malalo o na kanawai o ka aina. O Mrs. Lea ka hoike nui ma ka aoao o ke aupuni, e ku-e ana ia Harry Lea ame kona hoa, ma ka hihia e ku-e ana ia lakou, no ka hoao ana e hoopoino i kona ola, ma ka lawe ana iaia maluna o ke kaa otomobile noluna o Makiki, a hookahuliia ai ke kaa otomobile; nolaila o ka hoololi ana o kela wahine, i kana mau oleloike, mai na mea ae i paa i ke keena o ka Ioio kulanakauhale, e lawa ole ana na ike e ahewaia aku ai ka poe i hoopiiia . Aole nae o kela wale ae la no ka hihia e ku-e ana ia Harry Lea, aka he hihia okoa aku no kekahi, o ia na mea e pili ana i ke puhiia ana o kekahi hale mauka ae nei o Kalihi, ma ke ano kolohe, me ke koino pu ana o L, A. Sweeny iloko o ka hana e puhi kolohe i kela hale i ke ahi, i wahi e hiki ai ke koi aku i na dala inisua, i hoopaaia ai na lakohale.	Nuhou Kuloko Mahope o ka hoopaaia ana o ka Lunakanawai Kaapuni A. M. Cristy maluna o kahi moe ka ma'i flu ua hoi hou ae oia ma kona pakaukau ma ke kakahiaka Poakahi nei no ka hoolohe ana i na hihia e ku aua maloko o kana aha. No ka hoopanee loa o ka papa o na lunakiai kulanakauhale i ka noonoo ana maluna o ke kumuhana e pili ana i ka hooloihi ana i ke alanui Young maloko aku o ke Kuea Kamaki ho ninau pohihihi ia i keia la; he mau hoohalahala ka i hookomoia ae i ka papa, ihea ana la ka uwahi e hina ai? Pakika he keiki uuku o 11 makahiki nona ka inoa o William Chee iluna o ke alanui muliwai ma ka auwina la o ka Poakahi nei a haki ka lima hema, a no ia eha i hoihoiia aku ai i ka halema'i o na kamalii, mahope iho o ka lapaau mua ia ana ma ka halema'i o ua poino ulia. No ka loaa pono ana aku o ka waiona malalo o ka malu o Mrs. Ma-ry Santos o Halawa, Aiea, i na akena hookapu waiona i paa ae ai oia i ka hopuia me na kakini omole suaipa ana elua a laweia mai i ka halepaahao. Ma ka auwina la o ka Poalua iho nei, i hoopakeleia ae ai ke ola o kekahi keiki Kepani uuku o eha makahiki, mai kona piholo ana iloko o kekahi loko ma ke alanui Kalia, e kekahi koa o ka hoea ana ae ma kela wahi i ka wa kupono loa. Ma ka Poalua iho nei i hookohu hou ia aku ai ka Lunakanawai Apana John S. Chandler o Koloa, Kauai, no ka ekolu o komi kau, e ka Lunakanawai Kiekie Antonio Perry. E noho ana ka halawai a ka Ahahui Euanelio Ahahuina o ka Mo-kupuni o Oahu ma ke kakahiaka hora 10 o ka la apopo a pela ma ka Poaono aku. Ma ke kakahiaka o nehinei i huli hoi mai ai na hoa o ka aha se-nate mai ka lakou huakai pokole aku nei no Kauai, no ka makaikai ana i na walu i makemakeia mai ai na haawina dala e hanaia e ka ahaolelo e ko Kauai poe. No ka hoohanohano ana i ka Ba- nako Hawaii, ma ka hoauia ana o ka hale hou o kela banako, i hoea ae ai ka Bana Hawaii, ma ka au- wina la o ka Poakahi iho nei, no ka hoonanea ana i ka lehulehu. Ma keia la i pilia ai na la he kanakolu-kumamahiku o ka noho ana o ka ahaolelo kuloko. Mamuli o ka paa loa o ka Lunahoomalu Clarence H. Cooke o ka hale o na lunamakaainana, no ka weheia ana o ka hale banako hou o ka Banako Hawaii ma ka Poakahi iho nei, i kaa ai ka hoomalu ana i ka hale o na lunamakaainana i ka Hope Lunahoomalu Emil M. Muller o Hawaii Komohana ma kela la.	Ma ka Poaha aku nei i hala, i loaa mai ai he kauoha ma ke kele- kalapa i Honolulu nei no ka hoo- unaia aku he ekolu mau mokukaua no Kina, no ke kupale ana i na makaainana Amerika me ko lakou mau waiwai, mai ka hoopoinoia mai e na Pake. Mahope o ke kaama'i ana no kekahi manawa pokole ae nei i hala, i pauaho mai ai o Mrs. Beke Kai-lihakuma Akoki i keia ola ana maloko o ka Halema'i Moiwahine ma ka hapalua o ka hora ehiku o ke kakahiaka o ka Poakahi nei, a ma ka auwina la o ka Poalua ae i malamaia ai kona anaina hoolewa a hoomoeia aku kona kino wailua ma ka ilina o Kalaepohaku. Ma ka hora 7:45 o ka po o keia Poaono iho, Aperila 2, e haawi ae aua ko Kalapu Himeni a John P. Almeida he ahamele, me na hana hoikeike, pela hoi me ka hulahula mauka ae nei o ka hale Hoolaule'a o na Moremona ma Kalihi, a o na pomaikai e loaa mai ana ma kela hana, e holo aku no ia no ke kokua ana i na hana o ka ekalesia o ka Hoomana o Iesu Kristo o ka Poe Hoano o na la Hope Nei. Eia ke kalapu himeni me hookani pila o na keiki makapo, malalo o ke alakai ana a Adam Kealakai, ke liuliu hoomakaukau mai nei, uo ka holo ana aku i Maui, ma keia mahina ae, no ka wehe ana i ahamele me hulahula ma na wahi like ole o kela mokupuni. E ole wale no ke kailiia ana o ka omole laaumake e kekahi o kona mau hoaloha i ka manawa kupono loa, pela i hoopakeleia ai ko ola o Edward Kekoa ma ka Poalua iho uei, i kela kanaka opio i Loao ai o hoopokole i kona ola ana, ma ka inu aua i kela laaumake. No ka uluhua i keia ola ana kona kumu o ke ake ana e make. NA MARE. David Kaluhiwa Kahilipulu ia Hattie Kane, Mar 19. Isaiah Kakimaka ia Philomena Kauka Yamamoto, Mar. 21. Peter Kaaikamala Johnson ia Sarah Kalai Burrows, Mar. 22 . Paul Hanshek ia Annie Tell Me-Keague, Mar 24. Manuel Gomes ia Emma A. Co-ckett, Mar. 28. John Mason Clarke ia Mary El-len K. Paoa, Mar 28. NA HANAU. Na Mr ame Mrs. Louis de Frei- tas, he kaikamahine, Mar 15 Na Mr ame Mrs. Henry Afook Chong, he keikikane, Mar. 23. Na Mr ame Mrs. Culatino Nu- nes he keikikane Mar 20. Na Mr ame Mrs. Manase D. Ka- apuiki he keikikane, Mar. 23. Na Mr. ame Mrs. Moses Ahnen Akiona, he kaikamahine, Mar. 24. Na Mr. ame Mrs Samuel P. W. Keliikuli he keikikane,, Mar. 24. Na Mr ame Mrs .Joseph K. Trask he kaikamahine, Mar 25.

UA POLOLEI KA MANAO O KA PAPA LUNAKIAI

Ma ka ninau e pili ana i ke kapa ana aku i na inoa o na kula ma Honolulu nei, ua haawi ae ka papa o na lunakiai o ke kulanakauhale, i ke apono ana, i ka olelo hooholo, a ka Lunakiai Sylva e haawi ana i ke kuleana ame ka mana i ka papa e kapa ai i na inoa, me ke kuleana ole o kekahi mea i pili ole aku i ka, papa lunakiai, ke kapa i kana inoa iho i makemake ai.

Ua ala mai kela keehina i laweia ae e ka papa lunakiai kulanakauhale, no ke kapaeia ana o ka inoa Cummins, a kapaia aku Ia i inoa o Wakinekona, ma ke Kula Kiekie Opio, i kukuluia maluna o ka aina o John Cummins; me ka hoopukaia ae o kekahi mau manao hoakaka lehulehu o kekahi poe maluna o kela mau inoa a elua, e kakoo ana, a e ku-e ana i ua mau inoa pakahi la.

Ma ka nana aku i ka nee ana o ke au o ka manawa, ua ma-haelua ke ano o ka noonoo ame ke kulana o na kanaka e ola nei i keia wa, o ia hoi, no na kupa o keia mau mokupuni o Hawaii nei, aia iloko o lakou na manao makee, i na inoa Hawaii, pela na hoomanao ana no kekahi mau makaainana ame na alii kiekie, no lakou na inoa, a lakou i hiipoi mau ai, a i makemake loa ai e mau aku ke o ana, i na hanauna ma keia hope aku.

Ma ka aoao hoi o na malihini, aole wahi noonoo iki iloko o lakou no na inoa Hawaii, ame na kanaka nui a ko'iko'i o keia mau mokuponi; e kikoo ana no ko lakou noonoo, i na inoa okoa loa, elike me ko lakou malihini ana; a malalo iho la o keia kulana i kapaeia aku ai ka inoa o John Cummins mai ke Kula Kiekie Opio aku, e ke Kahukula Nui Crawford, a kapa aku la oia i ka inoa o Wakinekona, ka Peresidena mua loa o Amelika; a i hoopakele wale ia no keia inoa o Cummins, ma o ke apono ana ae o ka papa o na lunakiai o ke kulanakauhale, e mau aku ka mana ame ke kuleana kapa i na inoa

o na kula me ka kela papa, aole me kekahi mea okoa aku.
O ka papa o na lunakiai o ke kulanakauhale ke kuleana

ame ka mana e kapa ai i na inoa o ko kakou mau alanui; me
ke kapaia ana o kekahi mau inoa Hawaii lehulehu e o mai nei

i keia manawa; ina paha no ko kakou apono ole ia mau inoa
i kapaia hookahi, mea nui, o ia kela mau inoa Hawaii, aole
he mau inoa ma ka olelo Beritania, oiai no nae aole i nele ke
kapaia ana o kekahi mau alanui, i na inoa haole.

Ma ko kakou ano he poe Hawaii, a he kupa maluna o ko kakou aina hanau, e lilo i hana na kakou, ke kakoo mau ana i na inoa o kekahi poe Hawaii, i kupono e kapaia aku maluna

o na kula a mau alanui paha: ina u akupono kela mau inoa
e kapaia, mamuli o ko lakou lilo ana i poe kuleana i na wahi
a i na hana paha e manaoia ana e loaa i mau inoa.

Nui na inoa Hawaii i kapaia aku ma kekahi mau wahi o keia kulanakauhale ke nalowale loa aku nei nae kela mau inoa, o na halekula hou, e hoea mai ana i ka manawa e ala hou ole mai ai he pilikia ma keia mua aku, ua kaa wale no

i ka papa lunakiai ke kuleana e kapa ai i na inoa, aole i ke-
kahi poe okoa aku, me ka nana ole ia o ko lakou kulana oihana.

KA NINAU WAI O KA POE HOOKUONOONO
O WAIANAE.

Ma kekahi mau la aku nei i hala, ua hookomoia aku iloko

o ka hale o na lunamakaainana, he hooponopono kanawai, e
koi ana e hookaulike ia ke kau ana i ka auhau wai o ka poe
e noho nei ma na aina hookuonoono o Lualualei ahiki i Na-
nakuli, Waianae, me ka auhau wai a ko Honolulu nei poe e
uku nei malalo o ke ana mita.

Ma na hoike i loaa mai i keia keena, ua hookauia aku kekahi pilikia nui maluna o ka poe hookuonoono o Lualualei, aole wale no, mamuli o ke kiekie loa o ke ana auhau wai i kauia aku maluna o lakou, aka mamuli kekahi o ko lakou koiia ana aku, e uku ma ke ano hoopaa i kekahi mau dala, no na mita i hookomoia aku, ka mea i hana ole ia ma Honolulu nei.

No ka pono o ka poe hookuonoono e noho mai nei ma kela mau aina ma Waianae, he hana kupono loa na na hoa o ka ahaolelo e noho mai nei ka hele maoli ana e nana no lakou iho i ke kulana o ka noho ana o kela poe; a e loaa mai ka ike ia lakou no ke ano o ka wai e hoolakoia nei i ka poe hookuonoono, ame kekahi mau mea e ae he nui, e hoopau ia ai ko lakou mau pohihihi, no na mea kupono e hanaia aku ai no kela poe.

Mamuli o ka hookuuia ana o kekahi mau Pilipino elua, no laua ke kaa otomobile i hooku'i aku ai a loaa ka poino i ka mea

i hookuiia aku e ke kaa, e na kiure o ka aha hookolokolo kaapuni i kela mau la aku nei i hala, no ka lawelaweia ana o na hana hoeha ma ke ano hooweliweli, i wahi e ae okoa ae ai kela mau Pilipino i ko laua hewa; i haawiia mai ai he haawina a'o kupono Ioa na na poo o ka oihana makai, e hana aku ai ma keia mua aku i na lawehala, o ia hoi o ko lakou kapae loa ana i na hana hooweliweli, i wahi e ahewaia aku ai ka poe e hopuia ana malalo o na hewa like ole.

He mea na na makaainana o Hawaii nei, e haaheo ai, o ka oi Ioa aku nae, i na makaainana o keia kulanakauhale, no ka loaa ana ia kakou o kekahi hale banako kilakila loa mamuli o ka hoauia ana, ame ka wehe hamama ia ana ae o ka hale banako hou o ka Banako o Hawaii, ma ka Poakahi iho nei, he hoike maopopo loa keia no ke kulana holomua o keia te-ritore ame kona mau oihana lehulehu iloko nei o ka aina.

Eia ke aupuni kulanakauhale a kalana o Honolulu nei, Hoko o ke kulana kupilikii, ma na mea pili dala no keia nee ana aku, elike me ka hoike a ke komite waiwai o ka papa lunakiai o ka waiho ana ae imua o ka papa ma ka halawai o ka e pono ai e hookauia aku, aka maluna no ia o na poo o na kee-po o ka Poalua iho nei; aole nae maluna o ha'i aku na ahewa na oihana ame ka papa o na lunakiai, no ko lakou lawelawe ole ana i na loina hoomakaulii, ma ka hoolilo ana i na dala o ka lehulehu.

Ke hoonioni hou ia mai nei ke kanawai Sabati i keia manawa e ka ahaolelo kuloko, o ia ka hoonoa ana i kekahi manawa o kela la, no ke kuaiia o kekahi mau waiwai, ame ka hoonoa ana aku i na mea i hookapuia i keia manawa. Elike me ka moolelo o kekanaka kumeka kamaa ame ka elepani, pela no ka oiaio Ioa o ka mea a kakou e nana aku nei, e hoea mai ana i ka manawa e hooliloia ai ka laahia o ke Sabati i mea ole; no ke kumu he uuku loa ka mahele o na makaainana I manaoio i na a'o ana a na hoomanalo kakou; aia ka hapanui, ma ka aoao e nana ana i ko lakou pomaikai pili honua wale no.

Palua ka Nui e ke Kaahele Ana i Hawaii nei

ILOKO O 5 MAKAHIKI

Hoomau i ka Hoolaha Nui Hou ae ka
mea e mau ai ka ulu ana

8.000 poe makaikai i kipa mai i Hawaii nei i ka 192l. 16762 i kipa mai i ka makahiki aku la i hala. Ua hoike mai na huahelu i ka pii mahuahua mau ae mahope mai nei o ka hoolaha mau ana aku o Hawaii nei, e hoikeike ana i ke ao holookoa i kona mau luhiehu ma ke ano he aina nani no ka hoomaha ana apuni ka makahiki.

Ua pii mahuahua mau ae ka haawina no keia hoolaha ana. I ka makahiki aku nei i hala ua hiki aku ka hoolilo ma kahi kokoke loa i ka $130.000. He mea pono ia e hoomahuahuaia ae i ka $200.000 no na makahiki pakahi elua e hoea mai ana.

O na hopena i ikeia no na makahiki he 25 i hala ua hoike mai ia e upu aku kakou no ka holomoku mai o ke kaahele ana ma ke ano mahuahua, elike me ka nui o ka hoolaha ana.

Aohe i "mahinu iho" na mea pili ia Hawaii nei. Ua hiki ke loaa na wahi kiekie i keia Oihana Mikiala Ekolu i moeuhane ole ia iloko o na makahiki pokole i hala aku nei. Ua ohi ia i kona mau pomaikai, ma ke ano pili pololei loa a pili kapeke paha, iwaena o na kanaka APAU o na Mokupuni APAU. O kona holomua neemau me ka mahuahua o ia ka holomua no na mea apau—o ia hoi o OE kekahi!

Aole i hoopilikia aku o Hawaii nei i ka poe i manaoio iloko ona mamua aole ia i keia manawa. Ke noi aku nei makou ia oe e manaoio iaia i keia wa a e hoike ia manaoio ma ka hana. I ka manawa e kipa aku ai kekahi lala b ke Komite e ike ia oe i keia pule ae, e haawi me ka lokomaikai i hoike no kou manaoio ma keia hana kilakila.

KE MANAOIO NEI MAKOU IA
HAWAII

E Hooulu Kakou!

Komite o Hookahi Haneri

E hana ana no ka Hooi Ana ae i ka Waihona no ka Hoolaha
Ana no Hawaii, Kakooia e na Ahahui Kalepa
i Huiia o Hawaii.


	NA ANOAI O KA WAIKEA ME KA WAIULAILIAHI E KAULANA NEI, Ma ka la 27 o Feberuari i hala, i hele aku ai au ka mea e kakau uei i keia anoai me ka'u mau keiki i ka halawai, oia o Mas. James Kahele, Miss Mabel Kahele, Miss Edith Palea. I ka pau ana o ka halawai; o ia hoi na hana pili i ko ka uhane; nia hoi ma ka home noho o ia mau makua puuwai hamama, Mr & Mrs. K. Aana, mo ka laua mau keiki, he hoomanao piha makahiki no ka laua moopuna. Ua kipa aku la kou meakakau nei me ka'u mau keiki, e ike i ka nani o ka Waikea mo ka u'i hooheno o ka wai ulailiahi. Ke ike la kou meakakau nei, he elua mau pakaukau loloa i hoohi-wahiwaia me na lau uliuli o ke kuahiwi, he u'i mai hoi kau, aia hoi maluna o keia pakaukau na ono like ole i hoomakaukauia, e na u'i hooheno o na wai kaulana; poi uouo kaohi puu, puaa laulau, puaa kaluakele, meaono, wai lemi. Amaama momona o Niumalu, kuolo ono loa, i hana maiau ia e na u'i hooheno o na wai kaulana. He nui wale aku na ono liko ole, liki ole i kou meakakau nei ke helu aku; no ka mea, ua Iawa i na mea apau, e hoohalahala ole ai ka nanao. Sure kela. Aia hoi kou meakakau nei, ke kilohi la ka nana ana, ua kohu papakonane i ka pae opua, ka waiho kahela i ka Ia'i, e iho ana ka akau, ho ka hema, me nei no, me nei iho, me nei ae, me nei aku! Ilaila walo iho la no e apaia mai i o Hanale, a hookuonoono maoli o Keoni Bulu i ka lua o Kuhaimo-na; a eha iho la i ka eha lima ole a ke aloha. Ua Iawa keia mau anoai, o ka Waikea me ka nani poina ole o ka Waiulailiahi, ko huli hoi nei kou meakakau, na wai kaulana o ka Waikea, me ka Waiulailiahi. Ko kalokalo ao nei kou meaka-kau i ka Makua Lani, e hooloihi na la o ke kamaiki a kau i ka puaaneane, a pela pa no hoi me kona mau makua; na kupuna hoi ko kama. O ke alona no ko ou ou a hui hou aku no kakou. He ka mahalo nui Ioa. KAUAI BEAUTY,	KAAWE HE WAHINE KEPANI IAIA IHO MA MAUI He wahine Kepani o Suda Tama- saki ka inoa, a i ike pu ia hoi ma ka inoa Nishimura, nona ka na ma- kahiki he 69, a ma Waikapu kona wahi o ka noho ana, a i nalowale hoi mai ke kakahiaka mai o ka Poalima aku la i hala. Loaa aku oia e lewalewa mai ana iluna o ke kumulaau koa ma kahi kokoke i ka he kupapau o kana kane na ke sabati iho nei. Mamua iho ka o ka lawe ana o Mrs. Tamasaki i kona ola he mau pua kana o ka waiho ana iho ma- luna o ka he o kana kane, kona hoapili ana i aloha ai. Ma ka oleloia ua pilihua loa ka noonoo o keia wahine mamuli o ka hele ana o kana keikikane o keakea i na luna o ka oihana hoopae mai i na lahui o iloko nei o ka aina aole e haawi mai i palapala Hookaa nona a hoi ai i Iapana, a na manaoia o keia ke kumu o kona ehaeha loa ana a i lawe okoa ae ai i kona ola ma o ke kaawe ana iaia iho. Ma ka auwina la o ke Sabati iho nei i malamaia ai kona hoolewa ma Wai- kapu.

Kekahi Hiona Keia Oloko o ka Banako Hawaii

e Huli Mai Ana i ke Alanui Moi.