Ka Nupepa Kuokoa, Volume LXVI, Number 13, 31 March 1927 — UA POLOLEI KA MANAO O KA PAPA LUNAKIAI [ARTICLE]

UA POLOLEI KA MANAO O KA PAPA LUNAKIAI

Ma ka ninau e piii ana i ke kapa ana aku i na inoa o na kula ma Honolulu nei, ua haawi ae ka papa o na lunakiai o ke kulanakauhale, i ke apono ana, i ka olelo hooholo, a ka Lunakiai Svlva e haawi ana i ke kuleana ame ka mana i ka papa e kapa ai i na inoa, me ke kuleana ole o kekahi mea i pili ole aku i ka, papa lunakiai, ke kapa i kana inoa iho i makemake ai. Ua ala mai kela keehina i laweia ae e ka papa lunakiai kulanakauhale, no ke kapaeia ana o ka inoa Cummins, a kapaia aku la ! inoa o Wakinekona, ma ke Kula Kiekie Opio, i kukuluia maluna o ka aina o John Cummis; me ka hoopukaia ae o kekahi mau manao hoakaka lehulehu o kekahi poe maluna o kela mau inoa a elua, e kakoo ana, a e ku-e ana i ua mau inoa pakahi la. Ma ka nana aku i ka nee ana o ke au o ka manawa, ua mahaelua ke ano o ka noonoo ame ke kulana o na kanaka e ola nei i keia wa, o ia hoi, no na kupa o keia mau mokupuni o Hawaii nei, aia iloko o lakou na manao makee, i na inoa Hawaii, pela na hoomanao ana no kekahi mau makaainana ame na alii kiekie, no lakou na inoa, a lakou i hiipoi mau ai, a i makemake loa ai e mau aku ke o ana, i na hanauna ma keia hope aku. Ma ka aoao hoi o na malihini, aole wahi noonoo iki iloko o lakou no na inoa Hawaii, ame na kanaka nui a ko'iko'i o keia mau mokuponi; e kikoo ana no ko lakou noonoo, i na inoa okoa loa, elike me ko lakou malihini ana; a malalo iho la o keia kulana i kapaeia aku ai ka inoa o John Cummins mai ke Kula Kiekie Opio aku, e ke Kahukula Nui Crawford, a kapa aku la oia i ka inoa o Wakinekona, ka Peresidena mua loa o Amerika; a i hoopakele Avale ia no keia inoa o Cummins, ma o ke apono ana ae o ka papa o na lunakiai o ke kulanakauhale. e mau aku ka mana ame ke kuleana kapa i na inoa 0 na kula me ka kela papa, aole me kekahi mea okoa aku. O ka papa o na lunakiai o ke kulanakauhale ke kuleana ame ka mana e kapa ai ina inoa o ko kakou mau alanui; me ke kapaia ana o kekahi mau inoa Plawaii lehulehu e o mai nei 1 keia manawa; ina paha no ko kakou apono ole ia mau inoa i kapaia hookahi, mea nui, o ia kela mau inoa Hawaii, aole he mau inoa ma ka olelo Beritania, oiai no nae aole i nele ke kapaia ana o kekahi mau alanui, i na inoa haole. Ma ko kakou ano he poe Hawaii, a he kupa maluna o ko kakou aina hanau, e lilo i hana na kakou, ke kakoo mau ana i na inQa o kekahi poe Hawaii, i kupono e kapaia aku maluna ona kula a mau alanui paha: ina u akupono kela mau inoa e kapaia, mamuli o ko lakou lilo ana i poe kuleana i na wahi a i na hana paha e manaoia ana e loaa i mau inoa. Nui na inoa Hawaii i kapaia aku ma kekahi mau wahi o leeia kulanakauhale ke nalowale loa aku nei nae kela mau inoa, o na halekula hou, e hoea mai ana i ka manawa e ala hou ole mai ai he pilikia ma keia mua aku, ua kaa wale no 1 ka papa lunakiai ke kuleana e kapa ai i na inoa, aole i kekahi poe okoa aku. me ka nana ole ia o ko lakou kulana oihana.