Ka Nupepa Kuokoa, Volume LXVI, Number 13, 31 March 1927 — KA NINAU WAI O KA POE HOOKUONOONO O WAIANAE. [ARTICLE]

KA NINAU WAI O KA POE HOOKUONOONO O WAIANAE.

Ma kekahi mau la aku nei i hala, ua hookomoia aku iloko 0 ka hale o na lunamakaainana, he hooponopono kanawai, e koi ana e hookaulikeia ke kau ana i ka auhau wai o ka poe e noho nei ma na aina hookuonoono o Lualualei ahiki i Nanakuli, Waianae, me ka auhau wai a ko Honolulu nei poe e ■uku nei malalo o ke ana mita. Ma na hoike i loaa mai i keia keena, ua hookauia aku kekahi pilikia nui maluna o ka poe hookuonoono o Lualualei, aole wale no, mamuli o ke kiekie loa o ke ana auhau wai i kauia aku maluna o lakou, aka mamuli kekahi o ko lakou koiia ana aku, e uku ma ke ano hoopaa i kekahi mau dala, no na mita i hookomoia aku, ka mea i hana ole ia ma Honolulu nei. Xo ka pono o ka poe hookuonoono e noho mai nei ma kela mau aina ma Waianae, he hana kupono loa na na hoa o ka ahaolelo e noho mai nei ka hele maoli ana e nana no lakou iho i ke kulana o ka noho ana o kela poe; a e loaa mai ka ike ia lakou no ke ano o ka wai e hoolakoia nei i ka poe hookuonoono, ame kekahi mau mea e ae he nui, e hoopau ia ai ko lakou mau pohihihi, no na mea kupono e hanaia aku ai, no kela poe. Mamuli o ka hookuuia ana o kekahi mau Pilipino elua, no laua ke kaa otomoile i hooku'i aku ai a loaa ka poino i ka mea 1 hooku'iia aku e ke kaa, e na kiure o ka aha hookolokolo kaapuni i kela mau la aku nei i hala, no ka lawelaweia ana o ng. hana hoeha ma ke ano hooweliweli, i wahi e ae okoa ae ai kela mau Pilipino i ko laua hewa; i haawiia mai ai he haawina a'o kupono loa na na poo o ka oihana makai, e hana aku ai ma keia mua aku i na lawehala, o ia lioi o ko lakou kapae loa ana i na hana hooweliweli, i wahi e ahewaia aku ai ka poe e hopuia ana malalo o na hewa like ole. He mea na na makaainana o Hawaii nei, e haaheo ai, o ka oi loa aku nae, i na makaainana o keia kulanakauhale, no ka loaa ana ia kakou o kekahi hale banako kilakila loa mamuli o ka hoauia ana, ame ka wehe hamama ia ana ae o ka hale hanako hou o ka Banako o Hawaii, ma ka Poakahi iho nei, he hoike maopopo loa keia no ke kulana holomua o keia teritore ame kona mau oihana lehulehu iloko nei o ka aina. Eia ke aupuni kulanakauhale a kalana o Honolulu nei, iloko o ke kulana kupilikii, ma na mea pili dala no keia nee ana aku, eiike me ka hoike a ke komite waiwai o ka papa luna-| kiai o ka waiho ana ae imua o ka papa ma ka halawai o ka e pono ai e hookauia aku, aka maluna no ia Q na poo o na keepo oka Poalua iho nei; aole nae maluna o ha'i aku na ahewa na oihana ame ka papa o na lunakiai, no ko lakou lawelawe ole ana i na loina hoomakaulii, ma ka hoolilo ana i na dala 0 ka lehulehu. Ke hoonioni hou ia mai nei ke kanawai Sabati i keia manawa e ka ahaolelo kuloko, o ia ka hoonoa ana i kekahi manawa o kela la, no ke kuaiia o kekahi mau w r aiwai, ame ka hoonoa ana aku i na mea i hookapuia i keia manawa. Elike me ka moolelo o kekanaka kumeka kamaa ame ka elepani, pela no ka oiaio loa o ka mea a kakou e nana aku nei, e tioea Tnai ana i ka manawa e hooliloia ai ka laahia o ke Sabati i mea ole; no ke kumu he uuku loa ka mahele o na makaainana 1 manaoio i na a'o ana a na hoomana'o kakou; aia ka hapanui, ma ka aoao e nana ana i ko lakou pomaikai pili honua wale now