Ka Nupepa Kuokoa, Volume LXVI, Number 16, 28 April 1927 — Page 6

Page PDF (1.60 MB)
Nupepa Kuokoa
KE KILOHANA POOKELA NO KA LAHUI HAWAII
AOAO NO NA MANAO PEPA
SOLOMON HANOHANO, LUNAHOOPONOPONO
NA MOOLELO HOONANEA, NA NUHOU KALAIAINA
ME NA NUHOU O KA MANAWA
EONO NUPEPA KUOKOA, HONOLULU, T. H. POAHA, APERILA 21, 1927
HOLO MA KA HELUHELU ELUA
ANA KA BILA UKUHOOMAU O
KA MAKAI NUI PUA
O ka B. H. 6 e haawi ana i ka
Makai nui Sam K. Pua o ke Ka-
lana o Hawaii i ka ukuhoomau o
$350 o ka mahina no kona wa e ola ana a i aponoia ai ka hooholo loa ana maloko o ka hoike a ka hapa uuku o ke komite aupuni kulanakau-hale, kalana ame ka hana kivila, ua a ponoia, mahope o kekahi paio hahana ana. Ma ka hoike a ka hapanui o ke komite e hoemiia mai ka huina ukuhoomau mai ka $350 a i ka $262.50 no ka mahina. Ma ka Poalua nei i heluhelu ekolu ia ai ia bila.
NALOWALE HE KAIKAMAHI-
NE OPIO ILOKO O KE KAI
MAWAHO AKU O HALEIWA
He kaikamahine nona na makahiki 9 a nona hoi ka inoa o Sophia Feary, ka mea i manaoioia ua piholo oia iloko o ke kai mahope iki iho o ka hora 5 o ka Poakahi nei makai aku o ka Hale hookipa Sea View ma Haleiwa.
I kulike me ka hoakaka a ka Makai Kauahikaua me Rosie Simerson, he kaikamahine o 17 makahiki, o Sophia Feary i paani pu ai ma kahi e pili ana i kahaone. Ua au aku la o Miss Simerson iwaho i kekahi lapa laau aneane 100 i-a ka mamao mai kahaone aku a haalele
iho la ia Sophia iluna o kahaone, a ua hala iaia kekahi manawa ma-kahi o ka lapa laau, a i kona manawa i hoi mai ai aohe ona ike mai ia Sophia, o na lole wale no ona ke waiho ana maluna o kahaone.
Ma ka manaoia ua hoao ke kaikamahine e au iwaho i kahi o ka lapa laau a Miss Simerson i au ai a ua piholo oia iloko o ke kai. Aohe ikeia o kona kino mahope o ka huliia ana ma ia po iho, a ma ke kakahiaka ae o ka Poakahi i hoomaka hou ia ai ka huli ana. O ka elua iho la keia o na opio i piholo iloko o ke kai a nalowale loa ko laua mau kino, ka mua, o Edward Ho i piholo ai mawaho aku o Kahala ma ke Sabati, a o keia kaikamahine iho la ka lua.
NA HANA O KA AHAOLELO
(Mai ka Aoao Elima Mai.)
KA HALE
La Hana 42—Apr. 6.
Na Bila
B. H. 412—E pili ana koia i na poho no na waiwai i hoahewaia no na hana o ka lehulehu.—Ashford.
B. H. 413— Pili keia i na hana ame na hihia ma ka aha hooponopono waiwai.—Stillman.
B. H. 414—E pili ana keia i ka uku o na hana hoikeike akea.—Chillingworth.
B. H. 415—E hookaawale ana i ka huina o $5.90 no ka uku ana ae ia F. P. Alexander—Petrie.
B. H. 416—Pili keia i na kuaau, na papaakea ame ke one.—Komite Aina Aupuni. Holo Ma Ka Heluhelu Ekolu Ana
B. H. 189—E hookaawale ana i $5625 no ka uku ana ae ia Carl Ontai ame L. Ayau, na hope i ku-bona ma ka aelike no ka hooakea ana i ke alanui pili kahakai o Waimanalo.—Lyman
B. H. 200—E hoakaka ana i ke apono o ka ahaolelo kuloko i ke Kanawai a Morrill ame na kanawai o ae o ka ahaolelo lahui.—Muller.
B. H. 314—E koi ana i na hooia ho na kanawai o na aina e, e koi ana e hookaulike me na kanawai kuloko.—Silva.
B. H. 536—E koi ana i na loio kalana, e kupale, no na luna oihana
o ke aupuni ma na hihia apau e
ku-e ana i ke kalana.—Clark.
B. H. 370—E pili ana keia i na hoopii limanui no ke kipaku ana i na luna oihana.—G, P. Cooke.
B. H. 380—E hoopau ana i ke kanawai i hanaia, no ke kaki ana
i ka poe e komo ana ma kahi ho-
ikeike i'a.—Marcallino.
O. H. H. (joint) 11—E koi ana i ka ahaolelo lahui e hookuu mai i na luna oihana teritore, na luna oihana kalana ame na limahana, mai ko lakou uku ana i na auhau loaa makahiki federala.—Stillman.
B. S. 55—E hookuu ana i na waiwai i hoolimalimaia i ke aupuni kulanakauhale a kalana o Honolulu nei, mai ka uku ana i ka auhau, oiai e ukuia ana ka auhau e ke aupuni kulanakauhale.—Judd. Waihoia ma ka Papa.
B. H . 85—E hoakaka ana no ka holomua o ka hana hoopulapula a e noi aku ana i ka ahaolelo lahui, e hoopahola mai i ka hana hoopula pula apuni keia teritore.—G. P. Cooke.
B. H. 158—E hoakaka ana i uku ka'ulele no na hana i lawelaweia e na limahana o ke aupuni, mawaho ae o na manawa hana maamau.— Chillingworth.
B. H. 305—Pili i na kuaau, ka papaakea ame ke one.—Komite o na Aina Aupuni.
B. H. 347—E hookuu ana mai ka auhau ae i na waiwai i onaia e na hui malu.—Lyman.
KA HANA HOOMANAO A KA AHAHUI
KAMEHAMEHA
O na hana hoomanao i malamaia ae e ka Ahahui Kameha-meha ame kona mau ahahui lala ma keia kulanakauhale iloko o na la ekolu o ka pule aku la i hala, no ka piha ana o na ma-kahiki he iwakaua-kumamalima o ke ku ana o keia ahahui, o kekahi ia o na hana e hiki ole ai e hoopoinoia me ka maalahi e na malihini i kipa mai i o kakou nei, iloko o kela mau la.
He hana paha keia a kekahi poe o kakou e olelo ae ai uo ka
lealea hoikeike wale no; malia paha pela ma kekahi ano ke
nana aku, aka nae aia iloko o na hana hoomanao i malamaia
he mau haawina a'o lehulehu loa, e hookaakaaia ae ai na maka
o na malihini, no ke kulana oiaio iloko o kakou na Hawaii.
O na hana hookupu, ka ahaaina luau nui, pela na hana hoikeike maloko ae nei o ke awa, he mau hana ia i ike ole ia e na malihini ma ko lakou mau aina iho; nolaila ua uku pono ia mai na hooikaika ana ma ka aoao o ka Ahahui Kamehameha ma o na manao mahalo i haawiia mai e na malihini; a o ka mea oi loa aku nae, ua loaa aku ia lakou kekahi ike, no na hana lokomaikai a kilakila a na Hawaii o ke au kahiko i hala, i lawelawe mau ai.
Ua holopono maoli na hana hoomanao i hoolalaia ai; ua hoauheeia aku na manao pihoihoi o na mea apau, no kekahi mau kulana maikai ole i hopohopoia ai, no keia kumu, e haawiia ai na hoomaikai kiekie, i ka poe apau i komo iloko o na hooikaika ana, no ka holopono o na hana apau i hoolalaia ai, no keia anuu mua, o ka hapaha kenekulia o ke ku ana o ka Ahahui Kamehameha.
Malia paha aia no kekahi mau hemahema liilii i ikeia ma kekahi mau wahi, he mea mau no ia ma na ano hana apau, aka nae ua uhiia aku ia maikai ole, e ka nui o na maikai i ikeia a i haawi aku ai ka lehulehu i na hoomaikai ame na mahalo ana.
Aole o keia hoomanao ana ua hala aku la ia me kona mau ano apau e nana aku no ka nee ana mai o keia mua aku!
E KAUIA NA HOOPA'I KO'IKO'I MALUNA O
KA POE AIHUE.
Mamuli o ka paa ana ae o kekahi pulu o na keiki opiopio aihue, ka poe na lakou i komo i kekahi mau home o na makaainana o keia kulanakauhale, a i aihue hoi i na kaa otomobile o kekahi poe, i hoauheeia aku ai na manao pilihua o ka poe no lakou na home i komo aihue ia, ame na ona no lakou na kaa otomobile I hoopoinoia.
No ka paa ana mai nae o kela poe keiki kolohe I ka hopuia me ko lakou ae okoa ana ae i ka hewa i hanaia e lakou, e pono ai, e hookauia aku na mahalo ana maluna o na poo o ka oihana makaikiu o Honolulu nei, ka poe na lakou i hookolo me ke akahele loa ahiki i ka loaa pono ana o kela poe opio.
Oiai ua nui na poino ame na poho i kau aku maluna o ka poe no lakou na waiwai i lilo aku i luahi no na hana hakihaki kanawai a kela poe opio, he pono e hookauia aku na hoopa'i ko'iko'i maluna o lakou, ina nei no ko lakou ahewaia imua o ka aha hookolokolo, e lilo ai ia hoopa'i ko'iko'i i haawina a'o maikai loa no lakou, ame na kanaka opio e ae i makee i ko lakou hele lanakila ana.
NA HOOKOHU OIHANA A KE KIAAINA.
Ma ka Poalua aku la i hala, i haawi ae ai na hoa o ka aha senate o ko kakou ahaolelo i ke apono lokahi ana, me ke ku-e ole i na hookohu oihana o kekahi mau luna aupuni he umi ka nui, i hooka'uluaia ke aponoia ana o ko lakou mau hookohu no kekahi mau la lehulehu; o keia ka hoauheeia ana aku o na manao nune iloko o ka pohai o na luna aupuni ame na makaainana pu, no ke kumu o ke apono koke ole ia ana o na hookohu o keia poe.
Malia paha aia no he mau kumu kupono, ma ka aoao o na hoa o ka aha senate, i hooka'uluaia ai ke aponoia ana o kela mau hookohu oihana; he hana nae keia nana i kukulu aku i kekahi hoike maopopo loa, he mea pono no i na luna aupuni apau i kaa aku ke aponoia o ko lakou mau hookohu malalo o ka aha senate e akahele loa, ma ka hooko ana i ka lakou mau hana, no ka mea o na hemahema liilii a lakou e lawelawe ai he mau mea no ia e hoalaia mai ana, e ka poe i makee no ka lawelaweia o na hana apau o ka lehulehu, me ka pololei ame ka pono.
He mau la helu wale no koe, alaila hookuu ko kakou ahaolelo kuloko e noho mai nei i keia manawa. O keia kekahi kau nui o na bila kanawai i hookomoia ae e hale kaukanawai a elua e mailoko mai nae o kela heluna bila mahuahua, he uuku loa na mea waiwaiio maoli, e pomaikai ai ka lehulehu; a ma ke kahi olelo ana ae hoi, ua kiolaia aku he mau dala nui no na hoolilo waiwai ole.
He mea na keia pepa e mahalo nei i na hoa o ka papa lunakiai kulanakauhale, no ke komo ana aku o ka noonoo iloko o kela papa, no ka pono o ka poe hookuonoono o na aina o Lualualei ahiki i Nanakuli, Waianae ae nei, ma ka hoao ana e hoemi mai i ke ana auhau mita, mai ke ana i kauia aku maluna
o kela poe hookuonoono i keia manawa. Ma ka hoomama ana
ae i na haawe kaumaha a ka poe hookuonoono e auamo ai, he
mea hooluolu aku ia i ko lakou mau manao kaniuhu; e pono ai
i na hoa o ka papa lunakiai kulanakauhale, ame na hoa o ka
ahaolelo kuloko ke ike iho, aia maluna o lakou, ke kau ana
aku o na manaolana o ka poe hookuonoono apau, no na hoo-
ponopono ahaolelo e hoohoihoiia ai ko lakou manao, ma ka
hooikaika ana e imi i na pono ame na pomaikai o keia noho
ana maluna o ko lakou mau home hookuonoono.
E hoomakaukau e i keia manawa e na Hawaii, ina nei no ke apono mai o ka ahaolelo lahui, e pahola aku i ka hana hoopulapula malalo o ke Kanawai Hoopulapula ma na mokupuni apau, elike me ka olelo hooholo hui, a ko kakou ahaolelo i apo-no ai i kela mau la aku nei i hala; alaila aole he hooka'ulua ana iho, o ka hana wale no e hooko aku ai, o ia ke ku ana ae iluna me ka malo'elo'e a hoi aku, ma kela mau aina e noho ai.
Ua ili aku ke ko'iko'i maluna o na hoa Repubalika oloko o ko kakou ahaolelo kuloko, ka hooko ana i kekahi o na kahua hana o kela aoao kalaiaina, o ia ka hana ana i kanawai wae moho, pololei ma ka aoao kalaiaina wale no; e hookaokoa ana mai ke ano a kakou e wae nei i na moho i keia manawa; aole o ka lilo wale no o kela kahuailana i maunu pahele kalaiaina
Kekahi mau lala keia o ka Ahahui Kaumualii o Kauai me na poo o ka Ahahui Kamehameha
Nuhou
Kuwaho
WASHINGTON, Apr. 15.— I ka Lutanela S. A McClelland, o ka pualikoa Marine Amerika i hookoeia e lele ana maluna ae o ka muli-wai Potomae i keia la ua haule iho la oia mai kahi iho elima kaukani Kapuai i ka lewa u iloko o ka wai huihui i like me ka hau i ka wa o ka huelo o kana mokuea i Haki ai. Mahope o kona kuwalawala mau ana i ka lewa iaia e haule iho ana ua holopono kana wehe ana i kaiia mamalu (parachute nui) a mohala ae la i ka wa pono loa e haule ino ole iho ai oia iloko o ka muliwai. Ua hoomau ka Lukanela, McClelland i kaua au ana ahiki i konu ikeia ana mai e kekahi waapa e holo ana maluna o ka muliwai a hoopakeleia oia. Aohe ona wahi i manuheu.
WASHINGTON, Apr. 15— Ua haawiia aku e ke keena o ka oihana kaua moana i keia la na aelike no ko kapiliia ana mai o eono mau mokukaua holo mama o 10,000 tona pakahi. Elua o ia mau mokukaua e kapiliia mai ana e ka hui kapilimoku Newport Mews Shippping Company. I ka American-Bovieri Com-
pany ame ka Bethlem Shipping Com-
pany ame ka Paget Sound Navy
Yard hookahi mokukaua pakahi.
SAN FRANCISCO, Apr. 15.— Ua haalele mai ka Major Francesco de Pinedo, ke kanaka Italia kaulana no ka lele i ka lewa, ia anei no NuIoka ma ka po nei, a malaila oia e kali ana no ka hiki mai o ka mokuea hou mai Italia mai a me ia mokuea oia e hoopau pono aku ana i kana huinakolu ana i hoohapakueia mamuli o ka aia ana o kana mokuea e ke ahi ma Roosevelt Dam ma kekahi manawa kokoke i hala aku nei. LOS ANGELES, Apr. 15.— Oiai ka poo apau e keia kulanakauhale i keia la e hoole ana, eia nae ua hooiaioia mai ia e kekahi poe i ikeia he hoonaueaue olai liilii ka mea i ikeia ma Long Beach a ma Alhambra. Eia nae aohe ka he mau poino i ikeia e like me ka hoakaka a ka lono o ka loaa ana mai.
GENEVA, Apr. 13.— Ua hoikko ae
ka Ahahui a na Lahui i keia la i ka
mea oiaio loa no ka holopono ole o
na hooikaika ana a na elele e loaa
kekahi kahua no ka loaa o ka malu-
hia mau loa no kke ao.
O ke komisina iaia ka hoomakau-
kau ana i ke kahua no ka hoopau
ana i ka hana a na lahui i na moku-
kaua a i noho ai hoi ka halawai ma-
nei no na pule lehulehu aku nei i
hala, no ka hooikaika ana e hanaia
ka aelike no ka hoopau loa ana i
ka hana i na mokukaua a i hoolala-
ia ai no ka halawai hou ana iloko
o ka haulelau, e hoopane loa ana
ma ka la apopo.
ATHENS, Apr. 17.— U hoopihoihoi nui ia ka poe kue ia Venizelos mamuli o ka hoikeia ana ae o na lono maopopo aia ke Kuhina nui mua Eleutherios Venizelos ke huli hoi mai nei i Helene nei. Ua manaoia e hoea mai ana o Venizelos i Atenai nei maloko o hookahi pule mai Palani mai, kahi ana i hoao mai nei e loaa hou iaia ke ola kino maikai i hoonawaliwali ia. Ua manaoia e komo hou aku ana ko kakoo ikaika o ka repubalika iloko o na hana kalaiaupuni ma ke ano he kee hina hoao mua no ka hola no ke kulana peresidena no ka repubalika o Helene nei. CASABLANCA, Apr. 17.— Mahope o ka hoao ana elele i keia la no ekolu manawa me ka holopono ole ua hoopanee loa ke Kapena Saint— Roman, ke kanaka e hoao ana e lele maluna aku o ka Moana Atelanika ahiki i Buenos Aires i kana lele ana no na Mokupuni Canary ahiki i ke kakahiaka o ka Poakahi. Ua hoea mai ke Kapena Saint — Roman ianei mai Marselles. Palani mai ma ka la aku la inehinei
KE ANAINA HAIPULE MA KA
PIKO O PUOWAINA
He mau haneri o ko Houolulu mau makaainana i malama i na ana hoomanao no ka la-i Ala Hou mai ai ka Haku ma ke Sabati iho nei mahope iho o ke kahea a ke Ke'a Keokeo mai ka piko mai o Puowaina, mahope o ka hoomalamalamaia ana aku o ke Ke'a e na kukui hoolele a na ka malamala-ma hoi o ke kukui i hoolele aku i ke aka pouliuli o ke ke'a iluna o ke ao. Maluna o na kaa kekahi poe o ka pii ana a pii wawae no hoi kekahi poe ma ka pali aku, aia ka pono ahiki aku iluna a hookahi ka akoakoa pu ana ma ke anaina haipule i hoomakaukauia e na komite o ka ahahui o na ekalesia. Ma ka hora 6:30 a. m., ka hoomaka ana, a na ka bana Hawaii i wehe mua me kekahi himeni hoano. Na Marshall N. Dana i helu-helu i ke mele a Henry Van Dyke, "Ke Akua o ke ao akea" i hoolalapaia ae e ke anaina haipule no ke Ala Hou ana o ka Haku. Ma ka hora 7 ponoi i hoomakaia ai ke anaina haipule me kekahi hi-meni mai ia Stanley Livingston mai. Mahope iho o keia he heluhelu Baibala, o na moolelo i heluheluia mai na Euanelio mai a na lunaolelo e hoakaka ana i ke Alahou ana o ka Haku, na ke Col. C. R, Boyd o ka Puali Hoola i heluhelu a na Rev . Peter E. Huyler, ke kahu holo laula o ka Papa Hawaii i alakai ma ka pule. O ka Lieut. Commdr. James S. Day, ke kahunapule o ka oihana koa USN, a peresidena, o ka Ahahui Service Chaplain ka i haiolelo mai maluna o kana kumuhana i hoomakaukau ai, "Ka luakupapau Hakahaka". Na Eleanor Hazard Pea-cock, ka wahine o himeni mau ai i na anaina haipule puka'na a ka la i himeni hookahi mai a mahope iho i himeni ai ke anaina i kekahi himeni, "Iloko o ke Ke'a o Kristo ka'u Hoonani. "Na ka Rev. S. L. Desha, kahu o ka Ekalesia o Haili ka pule hookuu, o ka hope loa o na hana ma ia kakahiaka Sabati he mele hookuu mai ka bana Hawaii mai.
APONO KA HALE O NA LUNAMAKAAINANA I KE AOIA O KA HOOMANA Ua mahae na hoa o ka hale o na lunamakaainana ma ka Poakahi nei ma ke koho ana maluna o ka hoike a ke komite hoonaauao a ka hale maluna o ka B. H. 419 i hookomoia ae ai e Oliver P. Soares, ka bila e koi ana i ia oihana hoonaauao, i ka manawa a na makua e noi ae ai no ka hookuuia o na haumana i hookahi hora o ka pule no ke aoia ma na mea pili hoomana e hookuuia ae lakou. Ma ka hoike a ka hapanui o ke komite hoonaauao o ka hoihoi ana ae i ka hale e apono ana ia i ha hooholoia o ka bila. Ua waihoia ae he noi o waihoia ka bila ma ka papa, eia nae ma ke kaheaia ana o na ae ame na hoole, ua haule ke hoi e waihoia ka bila ma ka papa, mamuli o ke koho ana a ka hapanui he 18 ia 11 kue: Ma ka Poalua nei i heluhelu ekoluia ai ka bila.
$125.195 I HOOLILOIA E KA OI-
HANA WAI AME SUA.
O ka huina nui o na hoolilo a ke Komisina wai ame sua iloko o ka mahina o Malaki i hala he $125,-195.13, ho lawe ana aku i ka huina nui o na dala i hooliloia e ke ko-misina iloko o na makahiki elua o ke ku ana a i ka $1,269,359.86 elike me ka hoike i waihoia ae imua o ke komisina e ka enekinia poo o ka oihana wai ame sua Frederick Ohrt ma ke kakahiaka o ka Poakahi nei. He elua mau koho i aponoia e ke komisina ma ka halawai o ka Poakahi nei. Hookahi no $480 no ka uku ana i ka halehana hao Ho-nolulu Iron Works no ka hana ana i na paumawai ma Kalihi a ma kealanui Beritania, a o kekahi no $3,414.30 no ka uku ana ae ia E. J. Lord Construction Company no ka hana o ka hoomoe ana i na paipu-wai nunui ma Kalihi, Nuuanu ame ka hapa o ka apana o Puowaina.
KU I KA NANI KA AHAMELE A
NA MOREMONA
O ka ahamele a na Moremona o ka haawi ana ae ma ka po o ka Poaono aku la i hala, maloko o ka hale hoohauoli mauka ae nei o Kalihi, o kekahi ia o na ahamele ku i ka maikai me ka nani; ka mea i ike mau ole ia ma na ahamele e ae i haawiia ma keia kulanakau-hale. Ma kela ahamele ae ka Bana Ha-waii kahi i hoonanea ai, a na ke kalapu himeni o ka bana i wehe mua i na hana, a no ekolu manawa a kela kalapu i himeni mai ai no ka nui o ke ohohiaia o ka lakou mau himeni. Ma ka papa kuhikuhi o na himeni o kela po, he mau himeni Hawaii ka hapanui, a ua palua a pakolu, ka himeni ana mai a kekahi poe, elike me ka nui ohohia o ke anaina i ka lakou mele ana mai. Me he mea la nae, o ka hoikeike tabalo, o na kaikamahine o na mokupuni ewalu, kekahi o na hoikeike nani i paneeia mai imua o ke anaina ma kela ahamele, no ke kaokoa o ka hanaia ana, mai na ano maamau nei i ike mau ia o kela hoikeike ma Honolulu nei. Mahope iho o ka pau ana o ka ahamele, i hoomaka ai na hana hula-hula, a hookuu ma na hora o ke aumoe. O ke kalapu himeni ka hoi a Alameida, ke keiki makapo kekahi i nui ia no ka eleu ame ka mikioi o ohohia nui la no ke eleu ame kak mikioi oke ano o ka lakou hookani i na pila, pela no hoi ka laiwale o ka lakou mau mele.
1500 MAU KOA MAHINA AMER-
IKA I HOEA MAI I HONOLULU
NEI MALUNA O KA MOKU
HENDERSON
Ma ka Poalima o ka pule aku la i hala i ku mai ai ka moku halihali koa Henderson mai San Diego mai e holo ana no Kina me 1500 mau koa maluna ona a hoopiliia ae ma ka Uwapo 10, mahope iki iho o ka hora 3 o ia auwina la. Ma kona manawa i hookokoke loa mai ai e pili i ka uwapo he hiohiona kona ma na ano apau, elikko me ko ka wa kaua. Ua piha kona mau oneki i na kaa hoolako meaai me na lako no ke kahua kaua ame na koa marina e piha ana mamua o ka ihu a e ake ana e ike mai no ka manawa mua i na hiohiona nani o Hawaii. Mahope iho o ka pili ana mai o ia moku i ka uwapo ua haawiia mai la he mau kauoha ikaika loa e hookaawale na kanaka apau mai ka moku mai aole e hookokoke aku, o ka poe kakau mea hou no na nupepa kekahi i papa pu ia mai aole e pii aku iluna o ia moku. Ua hooleleia mai kekahi hapa o na koa marina iuka nei o ka aina ma ia po ahiki i ke aumoe ana iho, me ka hoolele pu ia ana mai o na makai o na koa mamua o lakou. Ma ka hora 6 o ke kakahiaka Poaono ka haalele ana mai a ia moku i ke awa a holo aku la no Kina ka pahupahu. O kekahi o na aliikoa ma Puuloa i ka kau pu aku me ka regimana o na koa marina maluna o ka moku, a ma kahi o ke 30 a 40 mau luina i hooleleia mai no Honolulu nei a hoihoiia aku no ka hana ma Puuloa. Ma ia po iho na hookipaia ae na koa malihini maloko o ka hale o ka Y. M. C. A. o na oihana kaua aina ame moana, a he mau himeni hoolealea ame na kii onioni na mea hoohauoli i haawiia aku e ko ka aina poe no ko lakou pomaikai. Mamuli o ke onene kaua kipi maloko o Kina e kaua ma o ole mai la i keia la, a e lilo mai la na lahui Amerika, Pelekane, Palani, Italia, ame lapana i mau lahui enemi no na Pake, ke hoolako ae la na lahui e i ko lakou mau koa ame na mokukaua ma na awa o Kina no ke kiai a hoopakele ana i ko lakou mau kanaka ame na waiwai mai ka hoopoinoia ana mai e na Pake, ua make kekahi mau ola o na lahui e i na Pake, a he mau koi ka na lahui e i na Pake no ko lakou mau poho aole ma na ola wale no aka ma na waiwai pu kekahi, a ke nana aku
Nuhou
Kuloko
O kau wahi koena aie i ka pepa
e oluolu hoi e hoomanao mai, o hala
ka wa pono,
O keia ke 54 o na la o ka noho ana o ka ahaolelo kuloko a koe aka eono la mamua o ka pau ana o ke kau o ka 1927.
Ma ka la 2 o Mei e hookolokolo hou ia ai o Abe Santana no ka he-wa hoeha mamua o ka Lunakanawai A. M. Cristy, o ka Loio O. P. Soares ka i hookohuia ae e ka Lunakanawai Cristy no ke kokua ana ia Santana.
Elua mau opio i make mauwale ma kekahi mau la kakaikahi i hala aku nei mamuli o ke piholo ana a make iloko o ke kai he keikikane ka mua, o Edward Ho, ma Kahala ae nei i make ai, a o Miss Feary ma Haleiwa.
O na kanaka eha i manaoia ai ua make mahope o ka huliia ana o ka moana e na moku ame na mokulele no ekolu la a oi, ua loaa hou, a ua hoihoiia ae me ke ola, ua nui nae ka pololi ame ka make i ka wai.
Ua hoea mai nei ka okana hou
o ka halepule o Kawaiahao, ka makana a kiahoomanao hoi no ka piha ana o ke kenekulia o ke ku aua o ka hui o Burua ma, a ke kukuluia mai nei, a e loheia aku ana kona leo ma ka mauawa e hoolaaia ai o Kawaiahao.
Ua hala aku ka Lunahoohana o ka Nupepa Advertiser, Charles S. Crane me kana aliiwahine no kona hoomaha no kekahi mau mahina no ka ainamakua ma ka la aku la i nehinei, e ukaliia aku kana huakai me ka hauoli ame na pomaikai.
Ma ka hoakaka a kekahi mau lono mai Hilo mai aia mawaena o ka $15,000 ame ka $20,000 ke poho ma-muli o ke koikoi loa o ka ua o ka haule ana iho ma ka apana o Kona a lilo kekahi mau bibi, na lio ame na kumulaau i ka wai ma ka auwina la o ka Poakahi nei, iloko o elima hora o ka ua ana, ua loaa ka kekahi mau kaa otomobile ame na hale liilii i ka wai, aohe nae he mau ola i poino.
He eiwa mau paamare hou i moku ke kaula kaakolu i ka pahi a ke kanawai maloko o ka aha a Lunakanawai Desha ma ka Poalua nei, he mau paamare i hakaka ole ia mai e ka poe i hoopiiia.
Mamuli o na hoololiloli hou a e hoomaemaeia mai nei o ka rumi hookolokolo a ka aha hoomalu, ua nee ae nei ia aia maloko o ka rumi hookolokolo o Desha no ka manawa ahiki i ka pau ana o na hoopono-pono hou o ke keena hookolokolo, aole maloko. o ka rumi halawai a ka papa lunakiai elike me ia i hoolala mua ia ai.
He umi mau hoa hanohano o ka ahaolelo kau kanawai o Amerika hiki mai i Honolulu uei maluna o ka moku halihali koa Somme ma ka Poalua nei me kekahi mau aliikoa ame na koa no ka noho paa ana aku ma Guama a ma Manila, a ma ke awakea o keia la e holo aku ai no Guama.
O George Rodrigues ke Poko Riko
i houia ai me ka pahi nui e Rorado
ma ka opu, a i hoihoiia ae ai i ka
Halema'i Moiwahine, ma ke kaka-
hiaka hora 11 o ka Poalua nei kona
make, ana maloko o ka halema'i.
Ma ka halawai a ka papa o na lunakiai o ka noho ana ae ma ka po o ka Poalua iho nei, i lokahi a na hoa o kela papa, e kapa aku ka inoa o ka paka ho uma Pear City o Pachecco Paka, kekahi hoa o ka papa o na lunakiai.
HE 57 MAKAHIKI I KEIA LA
O David Bonaparte Haumea he makai mamua no ka puali makai o Honolulu mai ka wa mai ke Aupuni Kuikawa o Hawaii, a i hoomahaia aku ai mai ka oihana makai teritore aku mahope o ka noho hana ana malalo o ka oihana makai no na makahiki he kanakolu, a i uku hoomau ia he mau makahiki lehu-lehu i hala aku nei, a e hana mai nei hoi me ka Hui Kaaahi O. R. & L. Co., maloko o ka hale hoolulu kaaahi ma ke ano he makai kuikawa, a no na makahiki ekolu ame ekolu mahina kona hana ana malaila, he 57 ona mau makahiki i keia la.
Ua hanauia oia ma lUnl6i, .Kaii, Maui, i ka mahina o Aperila 12, 1870. Iaia i holo mai ai i Honolulu nei ua komo aku oia i ka oihana makai malalo o ka Ilamuki E. G. Hikikoki iloko o na la o ke aupuni Repubalika ma ka la 1 o Ianuari, 1894, a mai ia manawa mai kona paa ana ia kulana me ka mahaloia e na alii makai maluna ae ona ahiki i kona hoomahaia ana mai ma ka manawa i ikeia ai oia ka makai kahiko loa iloko o ka oihana makai o Honolulu. He mau makahiki lehulehu mamua o kona hoomahaia ana mai he "makai kiai" oia i ka bolo ana o na kaa ma ka huina o na alanui Papu ame Kalepa.
He makuakane oia no na keiki he umi-kumamakolu ka nui e ola nei, a he eha i make, a ke noho mai nei oia me kona ohana me ka hauoli ma kona home ponoi ma ke alanui Kealakai, ma ka Lanakila Tract. Iloko o ka ohana a Haumea, he elua wale no laua i koe, oia ame kona kaikuahine Mrs. Kukana Sheppard e noho mai la ma Hawaii. O ia mau no ka nui ame ka ikaika o kona kino e manaolana aku ai no no ka loaa ho maia o na makahiki lehulehu i koe; o kona kino, elike me ia e ikeia ma ke kii maluna ae, he ku-lana o na kanaka nunui a ikaika o kela au kahiko. He kauwa oia na ka lehulehu i mahalo nui ia no ka makala, ka hoopono ame ka malama i ka hana, he kumuhoohalike maikai loa na na Opio Hawaii o keia mau la e hoohalike aku ai,
PAPA KUHIKUHI MANAWA HOI-
KE HAPAHA O NA KULA SABATI
O KA MOKUPUNI O OAHU
Na Kula Sabati:
1. Kaneohe, Apr. 17; haawina o
Malaki 33.
2. Waikane, Apr. 24; haawina o
Malaki 20. .
3. Hauula, Mei 1; haawina o Ma-
laki 27.
4. Kahuku, Apr. 8; haawina. o
Apr. 3.
5. Waialua, Apr., 15; haawina e
6. Wahiawa, Apr. 22; haawina o
Apr. 17.
7. Makua, Apr. 29; haawina o
Mei 1.
8. Waianae, Iune 5; haawina o
Mei 8.
9. Ewa, Puuloa, Iune 5; haawina
o Mei 15.
10. Kalihi-M, Iune 26; haawina o
Iune 4.
11. Kaumakapili, Iune 26; haawi-
na o Iune 11.
12. Kawaiahao, Iune 26; haawina
o Iune 18.
Hoike hui o na mokupuni ma Ka-waiahao,
Kau o ka Aha Pae aina iloko o Iune.
O na hoololi manawa hoike e a ni mua ae ka lohe i ke K. S. N aaaa e malama ana.
SAMUEL K. KAHELE,
K. K. S. N. o ka mokupuni.
aneane e komohia na lahui e iloko o ke kaua me na Pake, oiai o Rusia kekahi e hoonioni mai la mahope o na Pake ma kekahi aoao.