Ka Nupepa Kuokoa, Volume LXVI, Number 20, 19 May 1927 — Page 5

NUPEPA KUOKOA, HONOLULU, T. H. POAHA, MEI 19, 1927. ELIMA


KA KUUHONA. ( Kakauia e Kaleionamoku) KUU LAHUI HAWAII. He kuleana kou e ka mea helu- helu e kaena a e olelo, me ka hila- hila ole. "Kuu Lahui Hawaii Aloha"; a oiai eia ke lawe nei ka make, a eia ke kanu ola ia nei kakou, mai ka heluna o 400.000 ka nui a i keia ma- nawa aole e piha 40,000, nolaila, i ka manawa o kakou e noonoo ai i ko kakou kulana, e olelo a e puana oe e ka mea heluhelu, "Kuu Lahui Ha- waii Aloha", me na hooholo ana, e hana i ka la ame ka po, no ka ulu hou ana o ko lahui; a ke waiho mai nei na Kepani, i kela mau la wale aku nei no i hala, i kekahi haawina, no kakou na Hawaii e noonoo ai, a e hoohalike ai. Heaha ka kakou i ike iho nei e lele ana. me he lupe la? Ua ike iho nei kakou a ua ike mau no kakou i na makahiki apau loa mai ka manawa i pae mai ai na Kepani ma ko kakou aina hanau ahiki i keia la i ka lele mau o ka lupe i'a e hoike mai ana ia kakou hookahi manawa a hookahi la o ka makahiki lakou na Kepani, ma ke ano lahui e noonoo ai a e hana ai i na hana no ka holomua o ka lakou poe keikikane. He okoa no ka la o lakou e noo- noo ai no na kaikamahine a lakou. Heaha ka manao o keia i'a? Ma Ia- pana o keia ano i'a "carp'" aia wale no iloko o na muliwai, a e ake mau ana keia ano i'a a pii a e au iuka: o ia hoi i ka wai e kahe ana no kai eia keia ia'u ke pii nei no uka, i ka wai e kane ikaika ana no kai, eia keia ano i'a ke lele nei e holo ana a e pii ana nouka e pii mau ana keia ano i'a nouka. Hoike aku la na makua i ka lakou poe keikikane i keia i'a, a wehewehe aku la ia lakou i ke ano o keia i'a, i ka pii mau iuka iluna, aole ku o keia i'a i kahi hoo- kahi, a paipai aku la e hoohalike lakou me keia i'a. I na makahiki apau loa, e paipai mau ana lakou i ka lakou poe keiki e hoohalike me keia "carp" a lakou. Aole nele ke komo o keia manao maikai iloko o na keiki ina e paipai mau ia ana i keia ame keia manawa. Heaha ka kakou i'a. o Hawaii nei, e hoohalike ai me keia ano i'a a na Kepani? E hoolele ana no anei kakou i kekahi lupe o keia ano, ma keia mua e hoea mai ana? He hana maikai no keia a keia la- hui holomua ma na ano apau loa, e hana nei? Mau kaukani makahiki aku nei i hala, i ka hoomaka mua ia ana o keia ano hoolele lupe ma lapa- na ua malama wale ia no no ka hoomanao ana i na keiki a na alii o lP^m -^n^, a mahope mai ua komo pu mai ka lehulehu. a ke ku nei -^la ap6 hoomanao ana, ma kela aina mamua o ke au Kristiano a kakou e ike no. Ina he aloha kakou i ko kakou lahui a he aloha no kakou he mea - aa Aul'no e hoohalike kakou me ke- ia lahui holomua o ke ao nei, a e hana kakou i kekahi hana o keia ano Ke manaolana nei makou e hoea mai ana no ka la e waihoia aku ai keia kumuhana imua o oukou a o keia ana kekahi o na hana mua a makou e hana ai i ka manawa e loaa ai ka halehana a "Center" a makou e ka- kau mau nei. KUU AINA ALOHA. Hookahi o kakou aina, o Hawaii nei wale no. He mea oiaio, he nui ke- m aupuni Amerika o kakou a he mea oiaio he nui a he lehulehu na moku- aina ame na teritore o keia aupuni makua o kakou, aka, hookahi wa- le no Hawaii aloha hookahi wale no aina kulaiwi a hookahi wale no aina hanau o kakou a hookahi wale no aina i eha ai ka ili o na kupuna o kakou i ka ihe. Aloha, aloha no o Hawaii aina! I ka manawa o kakou e ku ai a nana e ike ana kakou i ka pii o na hale o kela ame keia ano, maluna o ka papalina aloha o Hawaii nei, a o na limahana a o ka poe no lakou keia mau hale, he poe wale no no na aina e, a aole anei komo ka noonoo iloko o kakou, na keiki o ka aina, e hooholo e hoohalike lakou me keia poe e pii mau nei ko lakou noho ana imua no o na ihu o kakou? Ua ku na hale banako hou a eia ke komo nei ka poe hana iloko o ka hale hou o lakou o ka Hui Kukui Uwila, a eia no kakou ke kunana nei Ma na aoao o ka puka e komo ana i ka hale hou o ka Banako Hawaii, eia kakou ke ike nei i ke kalo e ulu ana. Aole i maopopo ia makou he kalo ai paha aole paha aka, he kalo nae ka kakou e ike nei nolaila, i kela ame keia la o makou e kaalo ai i keia banako a ike i keia mau mala kalo, aia ko makou noonoo ana no na la e ulu nui ana ke kalo, a noonoo pu no hoi no na alanui a kakou e hana ai a hoopiha hou ia o Hawaii aina nei me ke kalo. O keia ano kekahi o na hana ano nui a kakou e noonoo ai, no ka mea, ina e nalo Ioa ana ke kalo a aole a ka- kou poi e ai ai, o kakou na Hawaii ke poino ana. Pehea ina he hiki ke ulu ma ke alanui Papu ame Bi- hopa, he kumu no anei kekahi e hiki ole ai ke ulu keia meaai a ka- kou iloko o na pahale o kakou, he kumu no anei kekahi e hiki ole ai ke kanuia a ulu ma kekahi wahi okoa ae? Ua pau ka noho ana o ka Aha- olelo a o ka mea i ikeia, ua hoopiiia na uku o na luna aupuni, a ma keia hana ana a ka ahaolelo, ua haawiia aku la $137,000.00 no keia hoopiipii uku. Kupaianaha no hoi. Me ka	NO KA MAKE ANA O KA BEBE I HOOPAUIA AI KA AHAAINA MARE Ua hoopau koke ia ka hauoli ana ma kekahi papa ahaaina mare no ke- kahi mau Kepani o Hadao Sasaki ame Ziro Yamane ma ka po o ka Poaono, Mei 7, mamuli o ke pa-hu ana o kekahi Ipukukui gasoline, me ka papaa ana o kekahi bebe ekolu makahiki a make, ame ka eha ku- konukonu loa ana o kekahi kaika- mahine uuku 12 makahiki, me ka liilii Ioa o ka manaolana no kona ola hou ae, ame ka papaa ana o na kino o kekahi mau kanaka makua eha i ke ahi ma ka manawa a lakou e hooikaika ana e kinai, elike me ka hoakaka a kekahi lono mai Kealake- kua, Hawaii mai, o ka loaa ana mai ma ka Poakolu o ka pule aku la! hala. Ma ka hoakaka ma ka moolelo e pili ana no kela ulia poino, ma keka- hi manawa ka mahope iho o ke au- moe ka loaa ana o kela ulia, ma ka manawa a kekahi wahine i hele aku aI e kinai i ke kukui maloko o ka rumi kahi a na keiki e moe ana, a oiai aohe ka oia i ike i ka lawelawe ana ia ano ipukukui, ma kahi o ko- na kinai iho ua hoonui loa ae la oia i ka a ana a lalapa ae Ia ke gasoline. No kona uwa ana ae no ke kokua i holo maI ai kekahi poe iloko o ka rumi eia nae, mamuli o ke ea iloko o ka ipukukui ua lele aku la ka ula- ahi i kekahi aoao o ka rumi kahi a na keiki e moe ana iluna o ka moe a lalapaia ae la ka paku makika a i lilo ai ia i kumu no ka bebe ekolu makahiki e make ai. No ke kaikamahine uuku 12 makahiki, ua lawe koke ia aku oia i ka halema'i ma Kona a no kona palekana ae ao- he ka he manaolana. No na kanaka makua eha i papaa ai i ke ahi ma ka home no lakou i lapaauia ai. He ohana nui ka ka ohana Sasaki, o Y. Sasaki he mea malama haleku- ai mauka o Keauhou, a nana kela bebe i make ai, a no kahi kaikama- hine uuku 12 makahiki na kona kai- kaina la a maloko o kona hale ka ahaaina mare i malamala ai. Ua nui ka ke aloha la o Y. Sasaki ame kana wahine, no ka mea o ka ekolu iho la ka kela o ka laua mau keiki l make mamuli o ka ulia. O kekahi keikikane a laua, i kona manawa ka e paani ana maluna o ka holo- papa kaulai kope ua haule aku la ola iloko o kekahi kula wai a piholo a make aole kekahi mea kokoke ma- laila e hoopakele ae ai iaia: ka elua o ka laua mau keiki ua piholo iloko o ke kai ma Kawaihae, a o ka ekolu na ke ahi iho la o ka po Poaono. nui no o ka auhau, kapili pu ia aku la keia huina, a o ka hopena, aole e emi ana ka auhau, aka, e pii aku ana paha. NA AINA E. Ma Lourdes, kekahi o na kulana- kauhale liilii o Palani, he halepule e hele nei ka poe e pule la Maile, ka makuahine o Kristo, e nonoi i kana Keiki a loaa ke ola maikai a e pau ka ma'i, ia lakou ka poe e hele nei ilaila. He nui a he lehu- lehu ka poe o ke ao holookoa e hele nei i kela wahi. l kela mahina aku nei, o Eugeane Levillian he 34 ona makahiki ame Edmona Germain he 64 ona makahiki, a he mau makapo laua, ua hoomaka laua e helewawae mai ko laua home ahiki i keia ku- lanakauhale, he huakaihele o 950 mi- le, no ka pule ana e loaa hou ka ike ia laua, a me keia manaolana laua e hele nei i kela loa, e hoopapa hele ana, e naue hele ana. Ea, nui no hoi ka manaoio o kela mau Palani Ina no hoi e "manaoio" ana kakou e hele hoomanawanui, e hele hooika- ika maluna o ke alanui o ka hoo- manawanui ame ka hooikaika no ka pono, pomaikai a holomua o ka La- hui o kakou. O Vincenzo Gemito, he Italia oia He mea hana kii (statute) ola. Iwa- kalua makahiki aku nei i hala, ua haawiia i keia Italia ka medala ha- nohano a kiekie loa e ke aupuni o Palani mamuli o kana kii i hana ai Ua koikoiia aku oia e ke aupuni o Palani e noho i Palika a e lilo oia i Palani; aka, ua hoole aku keia Italia a hoi no no kona aina hanau o Italia. Mahope koke iho o kona ho- ea ana ma kona aina hanau, ua loa oia i ka ma'i pupule; aka, ua ma- lama maikai ia no e kana kaikama- hine a ua ola a ua maikai loa oia, mahope o kona ma'i ana no iwakalua makahiki, a i keia manawa, ua ele- makule loa oia. Nolaila, mamuli o ka hana a kela kanaka, ua haawi aku la ke aupuni Italia, i kakoo nui ia e Musilini ke kuhina nui o kela au puni, i ka huina o $50,000. He nana maikai keia a kela keiki i malama hoomanawanui ai i kona makua, e koikoi mai ana ia kakou e malama no kakou i na makua o kakou, a he hana maikai no hoi na kela supu- ni i ka haawi ana i keia huina dala no ka malama ana i kela ohana, oiai mamuli o ka hana ana a keia Gemi- to i loaa ai ia Italia kekahi hoomai- kaiia ana ma kela ano hana.	KA HOME LUNALILO E KAULANA NEI. Mr. Lunahooponopono, Nupepa Ku- okoa, Aloha oe:— E oluolu oe e hoo- kipa aku i keia manao e kau ae la maluna, a nau ia e oniu hele aku i ike mai ai na makamaka ame na hoaloha o kaua. Ua wawaia ae no ka hoonee ana aku i na hapauea kane ame na wa- hine no kekahi home hou, he mau mile ka mamao mai ke kulanakau- hale aku, ma keia mua koke iho. Hoomanao ae la au, no ka hoola- ha a ka Mea Hanohano W. O. Smith kekahi lala o ka papa kahu waiwai i waiho mal. Hoopukaia iloko o ka Nupepa Kuokoa i ka malama o Ia- anuari M. H. 1926, penei ka heluhelu ana o kekahi hapa. Ua hana ka Moi Lunalilo i kana palapala kauoha i kekahi hapa o kona waiwai no ka hoolako ana no ka poe Hawaii elemakule a luahine o ia kela wahi ma ke awawa o Ma- kiki oiai ko lakou mau la e ola ana. He iwakalua-kumamakahi eka ka nui o kela apana aina i hookaawale ia no ke kahua o ka Home Lunalilo I keia manawa ala inawaena o ke kanaono-kumamalima ame kanahi- ku-kumamalima mau elemakule kane ame luahine e malamala mai nei ma kela home. O ka pololei he kanalima-kuma- malua. Owau o ka mea e kakau nei i keia moolelo kekahi. I ka Ia 31 o Iulai 1925, l heluia al ka waiwaiio o la waiwai, he $259,582.84 ma ka ho- ike helu waiwai o kela waiwai no ka manawa mal ka la 1 mai o Au- gate a ka la 22 o ka malama o lanu- ari o ka makahiki 1926, na loaa apau he $21.787.70; a o na hoolilo he $16,- 950.93. O ka uku komisina o na kahu wai- wai he $484,52. Mahope iho o ke ku ana o keia Home Lunalilo ma Makiki no kekahi mau makahiki lehulehu i hala e hoo- maemae hou ia ana ka hale ame ke- kahi mau hoololiloli hou me ka ma- lama i na hapauea ma ke kulana maemae me ka hoomahuahua i na meaai. Mahope iho o ka hoo- lilo loa ana ae o ke aupuni Teri- tore i na eka aina he 36 i na kahu waiwai o la home, ke pau na hoo- ponopono ana no ia hana, e kuaiia aku ana ka aina, a i ole hoolimali- maia aku ana e na kahu waiwai. O na dala apau e loaa ana e hooliloia kekahi hapa no na hanahou e pili ana no ia home. O kekahi kela o na home i hookaa- waleia no na Hawaii hapauea, a pa- lupalu maloko o ke teritore, a ua kukuluia hoi i kulike me ka pala- pala kauoha a ka Moi Lunalilo i hana ai no ka pomaikai o na Hawaii pa- lupalu kama ole. Ina pela iho la i manaoia ai no ke kuai a hoolilo, me ka hoonee pu ana aku i na hapauea no kekahi wahi okoa; ua maopopo loa ma neia wahi ho la no e nalohia aku ai ke kie- kie ame ke anoano kilakila o ka inoa o ka Moi Lunalilo ame ke kalaunu moi e kau pono nei maluna o na pala omua o kela hale; ua leha mai la na ku-emaka. E nui aku ana na pomaikai loaa maluna o kela apana aina i hoohana ole ia; nanao okoa mai la na lima huluhulu o Iakoba: O ka leo ka leo o Iakoba, a o na lima na lima huluhulu o Ekau, wahi a Ikaaka. I ko'u heluhelu ana i kekahi o na nupepa Haole o na malama i hala ae nei e hoolaha ana no kekahi ona- miliona i hiki mal i o kakou nei e hoike ana ina e loaa he kahua mai- kai no ke kukulu hale hokele, ke kahua o ka Home Lunalilo, he kahua maikai no ke kukulu hokele ame na hana imi pomaikai. O kekahi no ho e aneane aku ana e hoopuniia na aoao o kela apana aina e na kau- hale o ka poe ulakolako ma kela mua iho. Nolaila aole e kupono e ku kekahi hale hanai moa iwaenakonu lio ka mea he uluhua ka pepeiao i ka olo- walu a ka moa i ka wanaao. Ina pela iho la ka hoonee ana i keia home hou ma ka aoao hikina o kela kulanakauhale, oiai e hanaia aku ana ke alanui holopuni Kameha- meha aia mawaena o 20 ame 30 ma- kahiki, e piha aku ana i na kauhale hou no ka mea ke nee nei ke kula- nakauhale no ke kukulu hikina. O ka nee hou ana paha a ku ia iluna o ke kahua aina o ke koa kau lana i ke kiki pu manu ai laiki awala na hulu l ka puapua, oia o Kaluaikoolau. Hu ka akai O kakou o ka poe i makee i ke ola o kela lahui Hawaii ka pono ka maluhia ame ke kaulike, ua pakoli ae kakou me ka manao makee i ke kanawai Sabati ame ke okiia o Kamaki Kuea i alanui. Poina loa iho la ka manao makee i keia lahui Hawaii ponoi e amo aku nei na maka iloko o keia mau hana hoopalaimaka. Ke kaena nei lakou i ka inoa o Kamehameha, ka Napo l --. o ka Pakipika, a pehea ka inoa o ka Moi Lunalilo ka moop -na ponoi a ka Nai Aupuni i haawi mai i na pono ame na pomaikai i na palu- palu Hawaii olai ko lakou mau la e ola ana. Ke Kulana o na Hana Ame ka Ma- lama Ana i na Hapauea.	I ko'u komo ana aku ma ka Home Lunalilo iloko o Mei la 5 M. H. 1923; aia he mau kaapio ame ka buke ame a kaa hana i hoolei wale ia. E loaa ana he mau dala kupono ke hooliloia, Nui ka wahie kiawe kuai. He mau tona nanahu, he nui aku na hana uhaai i koe. Pipi waiu, waiu, waiubata, he mau haneri moa ame huamoa, hoolilo a kuai aku no ka pomaikai o ko lakou pakeke. Iloko no o la hapa makahiki a'u i komo aku ai, kuai ka berena, paka; kopaa ame ke ahi koe. I keia wa pau ka olelo haakei a Mrs. Smith imua o na palupalu kane. Your king Luna-.io no more money. Ua lilo ia mea na keia poe e akaaka ai. I ka wa i lilo ae nei oia ka lunanui o ka home, ma kahi o kana kane A. H. Smith, hoi ka olu i Waipio, aohe kani leo o na manu Olaa. Na meaai poi, palaoa, i kahi wa raiki uala. ka i'a kini kamano, sardines, aku, ahi, i'o huki o ka a-i ka pipi, i'o olona o ka oloolo wawae ka pipi. Aia ma kahi o ka io pipi kahi kula, aole kela he hookano aka e ike mai e ka mea heluhelu, o ka hapanui o na hapauea aia ko lakou mau makahiki mal ke 60 ahiki i ke 83 nawaliwali ka opu hoowaliai, no ka mea aole wahi momona o keia ano i'o pipi nana e hoopakika ialoko. No ka paina ana, p- wali mai ka i paina a i 1½^ o ke pola. I'a like me ka rula mau, 1 apana palaoa, aole waiupaka, pola ki. Hora 7 a. m. ame hora 4 p. m. Ina he kakahiaka ai pipi o Ke koena meaai o ke ahiahi aku a na haku, uhaoia iho la iloko o ka makou ipuhao. Ua hiki ke maopopo loa o ka lilo meaai no ke kanaka hookahi aia ma kahi o ka 25c a i ole he 20c o ka la. O na pahu meaai i hiki mai ma ka inoa o ka home, pahu waiupaka Nukilani, aila palai, waiukia o na ana like ole, na lakou wale no ia, na ka poe ai Ioaa; aohe nanaia iho o ka pono o neia poe palupalu. Ina he Hawaii ponoi ma keia wahi, ke nui la ka leo i ka uwa i ka hoonui lilo, uhaai, a pela aku. Loaa ke dala i ka holoke iuka i kai, aole mea i hanaia. Ina ma'i a make kekahi hapauea kane. a wahine, aohe kiei iho. He oiaio ina e loaa kekahi i ka ma'i i na wa Iike ole o ka po, ua kaupalenaia ka manawa hora ewalu p. m. pau ka loaa ana o ka laau. O kekahi aole he aeia e hoomo'a ka makou ipuhao meaai iluna o ke kapuahi o ka halekuke; a no ia mea, o makou he poe kakaikahi wale no hiki ke lawelawe a hoomo'a me ka hoolako i ka ipuhao ipu-ki, pa palai, a hoomo'a ponoi iho oe, e loaa ana ka maemae. Hookahi wa haawi lole o ka makahiki, 1 lolewawae ahinahina 1 palaka uwewahine, a i ole palaka bolu, e kuaiia nei ma na halekuai no ke 60c 1 palema'i oluna oiaio, paakakini, hanaka kelepa, 1 paa kamaa Iole, aole papale, no ka mea, ua Iike no keia poe me ko ka Laepohaku. Haawina kumau o ka mahina, 1 apana paka 1 pahu ahikoe, 1 apana kopa, ua like no na haawina o na kane me na wahine, O makou o na palupalu kane a wahine, aohe o makou ake nui i na meaai haole, Aka poi wale no me kahi apana i'a kupono kahi pola ki no ke puanuanu o ke kakahiaka, o ka piha maikai ia o ka opu no no eiwa hora o ka la. Ina pela iho la ka nee ana o na meaai i hanaia iloko o na makahiki he 40 a oi, oiai ke nana aku i keia home ame na hale o na limahana, me he la mai ko lakou kukuluia ana ahiki i keia la, aole i hoomaemae hou ia. Ua kupono loa keia home e noho lunanui ia e kekahi kanaka Hawaii ponoi i makee i ka pono kaulike; oiai he Home keia no na Hawaii, ka makou e ai ai, o ia no kana. Aole i poe ai waiubaka . He hookae i na i'a i'o ulaula elike me ke ahi ame ke aku. Aia no a he amaama nui o ke dala, a o na mea pii o ke kumukuai no ko lakou pono iho ame ka pomaikai o ko lakou ekeeke. He home nou e Hawaii ponoi, he lima kanaka Hawaii. Holoi aiana lole, wahine Hawaii. Na hope o ka lunanui he mau wahine Hawaii ponoi, akahai, oluolu makaukau i ka lawelawe ana i na hana o ka home ame ka hooko pono i na kauoha o ka noho ana o keia home. Oluolu me ka piha hauoli. O ka huina o na palupalu kane he 29. O ka huina o na wahine, he 13 ua like me 42. Oluolu maikai ke ola kino o ka poe apau loa. Ke kakau nei au i keia moolelo i ka la 4 o Mei, 1927, o ka la kela i piha pono ai he eha makahiki ma keia home. Nolaila e kala mai ia'u no ko'u hoopuka ana i keia manao pepa. He mau hana keia a ko'u mau maka hui me ko'u noonoo maikai i ike pono. Aole hakuepa. Aole no hoi no na manao lili pilikino, aka, no ka oiaio, oiaio loa, na keia mea i kono mai i ko'u lunamanao, e hoike ae ma ke akea, i ike mai oukou e na makamaka ame na hoaloha, pela iho la ka e hanaia nei. He mau mea keia e hiki ole ai ke hahao ae malalo o ke po'i ipuhao keleawe o na manao hoonaaikola. Me ka mahalo nui i ka Lunahooponopono o ka Nupepa Kuokoa me na keiki o ka papapa'i ko'u welina mau loa. ABERAHAM L. MAALO, Lunalilo Home.	HAINA NANE Mr. Solomon Hanohano, Aloha oe: — E oluolu hoi oe e hoike ae i ka'u haina o ka nani, a ke keiki o ka p^Ii kapu o Keoua. Kuu manu hele pu me ke kanaka heaha ia? Haina, UKU; o ia ka ma- nu a ke Akua i hoopili paa ai me ke kanaka, ina hele ke kanaka, hele pu no. Me ka lunahooponopono ko'u alo- ha nui. Me na keiki hoonohohua ko'u good bye. KAOPUAUAOKONA, Aole ka uku he manu, nolaila, ua pili paewa loa mai la kau haina. Huli hou ia mai!— L. H. Eia no ke hakaka mai nei na Pake ma Kina, a eia ke kunana nei o Ia- pana. Eia ke kokua mau nei na Lu- kini ia Kina, a ua manaoia e hui ana o lapana, Lukia ame Kina i kekahi o keia mau la, no ka makaala ana i ka holomua o Akia no ka poe Akia no, a ina e hoea mai ana kela la, e ikeia ana no ka holomua o na Akia. OLELO HOOLAHA HONOLULU ACADEMY OF ARTS (Hale o na Hana Akamai Noeau) 900 Alanui Beritania HAMAMA l KA LEHULEHU Na la Sabati, hora 3 a 6 p. m. Na Poalua, hora 2 a 5 p. m. Na Poaha, hora 2 a 9 p. m. Na Poaono, hona 10 a. m. a 5 p. m. 6458— Apr. 14, 21, 28; Mei 5, 12, 9, 26. AINA KUAI EMI LOA. $950— Lot 46x100 9th ave., Palolo. 20 down, $10 per month. $1000— Lot 50x100, Strauch Addn., Kaimuki. $25 down, $15 per month. $1200— Lot 50x100. Kapiolani Tract Kalihi. $25 down. $15 per month. $3250— 2 bedroom house with garage. Lot 50x100, Kapahulu. Easy terms $3500— 2 bedroom cottage. Thomas Tract, Kalihi near King Street, Easy PAULO KALAUKA (P. E. R. STRAUCH) 1026 Alanui Kamika. Kelepona 2183 Ahiahi 78917 OLELO HOOLAHA Pa Ilina o Kawaiahao. Ke haawiia aku nei ke kauoha i ka poe apau he mau pa ilina ko la- kou ma ka ilina o Kawaiahao e hele ae e hoomaemae i keia manawa. O ka mea o hoomaemae ole ana i kona pa, e kakiia no oia i kanalima ke- neka. E malamaia ana he halawai no ka poe kuleana pa ilina o Kawaia- hao, ma ka hora 10 a. m., o ka la 30 o Mei nei, maloko no o ka pa ilina o Kawaiahao, a ua makema- keia ka poe kuleana apau i kela pa ilina, e hoea ae ma ia halawai no ka hoolohe ana i kekahi mau kumu- hana ano nui, i pili i ko lakou pono. JOHN KE, Luna Pa Ilina o Kawaiahao. 6462— Mei 12, 19. HOOLAHA I KA POE PAA AIE O KE SUN CHONG SUNG CO., LTD. Ma keia ke haawiia aku nei ka hoolaha i ka poe paa aie apau o ka Sun Chong Sung Company, Limited, e waiho mai i ka lakou mau koi i ka mea nona ka inoa malalo iho noi, ma ka Helu 1634 Alanui Makiki, Honolulu, iloko o kanaiwa la mai ka la 23 aka o Aperila, 1927, a o na koi apau e waiho ole ia mai ana pela e hoole mau loa ia aku no. Hanaia, Honolulu, Aperila 28, 1927 Y. AHIN. Kahu no ka Poe Paa Mahele ame ka Poe Paa Aie o ke Sun Chong Sung Company, Limited. 6460— Apr. 28: Mei 5. 12. 19, 26. MALOKO O KE KEENA O KA PUUKU, TERITORE O HAWAII. Ma ka nana o ka hoopau ana O KA NANKING HOUSE. LIMITED. HOOLAHA l KA POE PAA AIE. No ka hookohu pono ia ana mai o ka mea nona ka inoa malalo nei i Kahuwaiwai no ka poe paa aio ame ka paa mahele o ka NAN KING HOUSE, LIMITED, he hui Hawaii, ma keia ke haawiia aku nei ka hoolaha i ka poe paa aie apau o ka hui i oleloia e waiho mai i ka lakou mau koi, i hooiaio kupono ia me na palapala kupono, ma ke keena o kona loio Hooa Wo Wong, 1042 alanui Kamika, Honolulu, T. H. maloko o na la he kanaiwa (90) mai ka la aku o ka hoopuka mua ia ana o keia hoolaha, a i ole pela, e hoole mau ia aku no. LEE ONO, Kahuwaiwai no ka Poe paa aie ame ka poe Paa Mahele o ka NANKING HOUSE, LIMITED. 6461— Mei 5, 12, 19, 26; Iune 2. HOOLAHA KUAI O NA HOOLIMALIMA AUPUNI. Ma kela ke haawiia aku nei ka hoolaha akea ma ka hora 10:00 a, m., Poakahi, Iune 20, 1927, ma ka puka mamua o ka Hale Kalana, Lihue, Kauai, malaila e kual hoolilo la aku ai ma ke kudala akea i ka poe koho kiekie loa malalo o na manao o ka Pauku 73 o ke Kanawai Kumu o Hawaii a o na Kanawai Hooponopono Hou ia o Hawali 1925, na Hoolimalima Laula o na aina Aupuni mahope ae nei: 1. Apana 28, na Aina Hookuonoono o Lawai, Koloa, Kauai, nona ka iliaina o 7.89 eka, oi aku a emi mai paha: manawa o ka hoolimalima, 15 makahiki mai Iune 20 1927 aku; uku hoolimalima haahaa, $80.00 o ka makahiki e uku hapa-makahiki mua ia. E komo ana maloko o ka hoolimalima e hoopukaia aku ana e apo ana i keia apana he hookoe ana o na pono alahele no na auwai ame na Iuapao e moe ana ma keia apana hui pu me ke kuleana e komo ai maloko o ka pono alahele i oleloia ma kekahi manawa no ka nana ana ame ka malama ana, a e hookoe pu ana i na pono pili kahakai i na wai maloko o na auwai i oleloia.


	2. Apana i a 14, komo pu na apa- na a elua, o ku Apana Aina Pa- hale o Kapaa, Kapaa, Kauai, no- na ka maina o 8:48 eka, oi aku a emi mai pana; manawa o ka hoolimalima 10 makahiki mai Iune 20, 1927, aku; uku hooli- malima haahaa, $106.00 o ka makahiki, e uku hapa-makahiki mua ia. E komo ana maloko o ka hoo- limalima e apo ana i keia mau apana he hookoe ana o na pono alahele apau no na auwai, na alahao ame na laina paipu e moe ana i keia aina me ka pono no ka malama kupono ia o ka laina paipu e komo ma ka pono alahele i oleloia ma kekahi ma- nawa no ka nana ana ame ka malama ana me ka ili ole aku o na ko'iko'i no ke poho i ke- kahi mau oo meaulu e kanuia ona maluna o ka pono alahele i oleloia. E komo ka laina paipu i oleloia iloko o ka lepo, e kau ke Teritore i ke ko'iko'i maluna o ka mea e lilo ai, no ka mala- ma maikai ia o ia mea no keka- hi poho i loaa i ka laina paipu i oleloia i hanaia e ka mea i lilo ai ma ka hoomakaukau ana i ka aina i oleloia no ke kanu ana a i ole no ke oki ana paha a i ole ma kekahi ano e ae paha i hoohanaia ai ka aina. E kaa na hoolimalima e hooliloia aku ana malalo o na kumu aelike ame na kulana apau o na Hoolima- lima Laula Aupuni i hoopukaia e ke Keena o ke Komisina, o na Aina Au- puni. E kaa ke kuai maluna ae malalo o na kulana mahope ae nei: E uku ka poe e lilo ai, ma ka haule ana o ka hamare i ka uku hoolimalima o na mahina mua eono hui pu me na lilo apau o ka hoolaha ana ame na kaki e ae apau i pili me ka hoomakau- kau ana ame ka hoopuka ana i na hoolimalima l oleloia. No ka hoakaka aku i koe e ninau ae ma ke Keena o ka Hope-akena, Mr. J . M. Lydgate, Hale Kalana, Li- hue, Kauai, a i ole ma ke Keena o ke Komisina o na Aina Aupuni, Hale Oihana Teritore, Honolulu, kahi o na kii palapala aina o na aina e hoo- limalimaia aku ana ame ke ano o na Hoolimalima Laula Aupuni e waiho nei a e ikeia ai. Hanaia ma Honolulu maloko o ke Keena o ke Komisina o na Aina Au- puni, Hale Oihana Teritore, i keia la 11 o Mei 1927. C. T. BAILEY Komisina o na Aina Aupuni 6463 — Mei 19, 26. HOOLOHA KUAI O KA HOO- LIMALIMA AUPUNI Ma keia ke haawiia aku nei ka hoolaha akea ma ka hora 10:00 a. m., Poalima, Iune 10, 1927, ma ka puka mamua o ka Hale Oihana Teritore, Honolulu. T. H., malaila e kuai hoo- lilo ia aku ai ma ke kudala akea i ka mea koho kiekie loa malalo o na manao o ka Pauku 73 o ke Kanawai Kumu o Hawaii a o na Kanawai Hooponopono Hou ia o Hawaii 1926, ka Hoolimalima Laula o ka Apana Aupuni mahope ae nei: Koena Aina Aupuni ma Pilia- moo, Kamoiliili, Honolulu, ma ke kihi o ke Alanui Beritania ame ka moali alanui e moe ana i ke Kula Hanalima o na Kaika- mahine, nona, ka iliaina o 51,-	680 kapuai kuea, oi aku a emi mai paha; manawa o ka hoo- limalima, 20 makahiki mai Iune 10, 1927 aku; uku hoo- limalima haahaa $150.00 o ka makahiki, e uku hapa-makahiki mua ia. E kaa ka hoolimalima e hooliloia aku ana malalo o na kumu aelike amo na kulana apau o na Hoolima- lima Laula Aupuni i hoopukaia e ke Keena o ko Komisina o na Aina Aupuni a malalo uo hoi o kekahi mau kulana paku'i a i hookoeia e hookomoia aku ana maloko o ka hoolimalima o hoopukaia aku ana mamuli o koia kuai, e hoakaka ana elike me keia: A. Ke hookoe nei ke Teritore o Hawaii i ke kuleana e unuhi hou ma kekahi manawa a i ole hoopau paha i ka hoolimalima i oleloia ma ka haawi ana i ka mea e lilo ai i hoolaha i kakau- ia o ekolu mahina, i ka ma- nawa e koiia mai ai kokahi mahele a i ole o ka aina holoo- loa paha i hoolimalima no na hana o ka lehulehu. B. Ua hoomaopopoia a ua aelike ka mea e lilo ai i ka unuhi hou ia ana o kekahi mahele o ka aina i oleloia, e hoemiia iho ka uku hoolimalima elike me ia i hoakakaia ni maloko o na Hoolimalima Laula i hoopukaia e ke Keena o ke Komisina o na Aina Aupuni, a i ka unuhi holookoa ia ana, a i ole hoo- pauia paha o ka hoolimalima i oleloia, e aeia ka mea e lilo ai e hoonee aku i kekahi mau hanahou i kukuluia eia ma- luna, o ka aina i oleloia iloko o ka manawa e mana ana ka hoolimalima i oleloia, a i ka manawa e pau ai, ke ae nei ka mea e lilo ai, aole oia ma ke- kahi ano e hooili aku maluna o ke Teritore o Hawaii no ke- kahi koi no na poho a no na hanahou paha a i ole no ko poho paha no ka manawa i pau ole o ka hoolimalima i oleloia. C. Ua hoomaopopo pu ia no hoi a ua lokahi pu ka mea e lilo ai me ka hoomaopopo o ke kule- ana e hoonee i na hanahou, ua pili wale no ia, i ka manawa e hoohanaia ai ka pono i hoo- okeia e ke Teritore o Hawaii e unuhi hou ma ke ano holoo- koa a hoopau paha mamua ae o ka pau ana o ka hoolimalima i oleloia. E kaa ke kuai maluna no malalo o na kulana mahope ae nei: E uku ka mea o lilo ai, ma ka haule ana o ka hamare i ka uku hoolimalima o na mahina mua eono, hui pu me na hoolilo apau o ka hoolaha ana ame na kaki e no apau i pili me ka hoomakaukau ana ame ka hoo- puka ana i ka hoolimalima i oleloia No ka hoakaka aku i koe e ninau ae ma ke Kena o ke Komisina o na Aina Aupuni, Hale Oihana Teritore, Honolulu, kahi o ke kii palapala aina o ka aina e hoolimalimaia aku ana ame ke ano o na Hoolimalima Laula Aupuni e waiho nei a e ikeia ai. Hanaia ma Honolulu, maloko o ko Keena o ke Komisina o na Aina Aupuni, maloko o ka Hale Oihana Teritore, i keia la 9 o Mei, 1927. C. T. BAILEY, Komisina o na Aina Aupuni. 6462— Mei 12, 19.