Ka Nupepa Kuokoa, Volume LXVI, Number 28, 14 July 1927 — Page 1

Page PDF (1.56 MB)

View this newspaper issue

Nupepa Kuokoa

KE KILOHANA POOKELA NO KA LAHUI HAWAll

Ka Nupepa Pookela o na
Nupepa Hawaii

Hoopukaia i na Ka kahiaka
Poaha Apau

BUKE LXVI—HELU 28 NUPEPA KUOKOA, HONOLULU, T. H. POAHA, IULAI 14, 1927 NA HELU APAU, 6471

NAHAHA HE KAA OTOMOBILE
I HOOKU'IIA E KE KAAAHI

Ukali ka Make i Kekahi Wahine Haole Mahope

Mai Mamuli o Kela Ulia o na

Kaa Elua i Hooku'i ai

KE PAILA NEI KA IPUHAO KALAIAINA MA NA KUAAINA

Hoolalelale ko Hawaii ame ko Maui Poe no ke

Kau Koho o na Luna Oihana Kalana e

Hoea Mai Ana i Keia Kau

HALAWAI ME KA MAKE MA
KEKAHI ULIA MOKULELE

Haule ka Mokulele o ka Lukanela Williams Ilo-
ko o ke Kai ma Waikiki Oiai e Hoo-
kahakaha Ana Iluna o ka Lewa

Pau ke Poo o ke Keena Hookapu Waiona Maanei

Hookohuia o John Barrett i

Ilamuku Amerika no ka

Puali o Panama

Ahewa ka Papa
Ola ia Kauka
J. Atcherley

Lokahi na Hoa o Kela Papa

ma ka Olelo Hooholo i

Hoopukaia Ae


	Oiai e haawi ana i ha hoohanoha- no ana i na lukanela koa, na laua i lele mai nei maluna o ko laua mo- ku! -' - holopono loa mai Oka- lana mal no Honolulu nei; o ka huli hoi ana aku no Kapalakiko, ma ke kakahiaka o ka Poakolu o ka pule aku la i hala, maluna o ka moku- ahi Maui. i halawai ai ka Lukanela Charles L. Williams me ka make. mamuli o ka haule ana o kona mo- kulele iloko o ke ' ' mawaho ae nei W'--o-' me ka awe pu ana i ko- na kino iloko o ka hohonu o ka mo- ana. ^e eono ka nui o na mokulele o ka lele ana ma kela kakahiaka, no ka ' --"ano- - ana i na Lukanela ^.w 3. Ma.' lana ame Albert F. I7^8enbe7B^-'. oiai laua maluna ka mokuahi Maui, e holo ana nowaho ae nei o Waikiki; a iloko o ka imo ana o ka maka, aia hoi elike me ka poka o ka oili ana mailoko aku o ka pukuniahi, pela iho la ka hiki- wawe loa o ka iho ana mai o ka mokulele o ka Lukanela Williams mali ' -al o ka lewa, a haule iloko o ke kai. Ua holopono no ka lele hoopo- kakaa ana a kela mau mokulele i ka mokuahi Maui, me ka lele like ana iluna, a iho mai ilalo; i ka ma- nawa nae o ka iho ana mai o ka mokulele Wili!- ma kahi o ka hoopii --u- ana a iluna o ka lewa, ua haule aku Ia ia iloko o ke kai. Ma ka manawa o kela haule ana o ka mokulele iluna o ke kai, ua pau kekahi mau wahi o ka moku- lele i ka poino, me ka pu-ko o ke kai iluna. Aole no i mamao kahi i haule ai o kela mokulele mai ka mokuahi Maui aku, nolaila ua hookuu koke ia na waapa ilalo, ma ka manawa nae o ka hoea ana aku o kela mau waapa no kahi o ka mokulele i haule iho ai, aohe mea ikeia aku, koe wale no ka hu'ahu'akai, pela hoi me ka aila, i ka lana iluna o ka ilikai. No ke kino holookoa o ka moku- lele, pela hoi ka Lukanela Williams, ua piholo aku iloko o ka hohonu o ka moana. No ka hora hookahi ke kalewa ana	o ka mokuahi Maui, ma kahi i haule ai o ka mokulele, a i ka manawa i maopopo ai, aole ne manaolana i koe, no ka loaa o ke kino o Williams me ke ola, ua hoomau aku la kela mokuahi, ma kona alahele no Kapalakiko me ka lilo hoi o na Lukanela Maitland ame Hegenberger, i mau hoike ikemaka, no kekahi o na make kupaianaha loa, i ikeia ma Hawaii nei. Ua hoounaia na waapa lawai'a nunui o na Kepani, no kahi o ka ulia poino, aole no he waiwai koe wale no nae ka loaa ana o kekahi mau apaapana o ka mokulele poino. He mau hora mahope iho, i hoea ae ai ne moku eliawa me ka hooikaika ana e loaa ke kino o ka lukalela make, u alilo wale nae ia hooikaika ana i mea waiwai ole. Malamala ka Hoolewa Ma ka hora umi a oi o ke kakahiaka o kela Poakolu ka loaa ana o ka make ulia ia Williams, a ma ia manawa hookahi no, i malamaia ai na hana hoolewa maluna o ke kino wailua, ma ke kakahiaka o ka Poaha ae. Oiai nae aole he kino make i loaa maoli aku, e kohu pono ai e malamala na hana hoolewa, ua malamala no nae kela nana, ma ka lele ana o na mokulele iluna o ka lewa, oiai hoi ka bana puhiohe e paani ana i kekahi mele hoolewa, me ke kila ana o na pukuniahi, elike me ka rula paa o na hoolewa koa o keia ano. Maluna pono ae o kela wahi i haule ai o ka mokulele iloko o ke kai, i kiola iho ai na mokulele i na pua, maluna o ke kai, me ke ku o kela hana i ka ilihia me ke kaumaha pu, ma ka aoao o ka oihana koa ame ko ke kulanakauhale nei mau makaainana. Ua noke kekahi poe lehulehu maluna o na waapa Kepani i ka huli i ka mokulele, me ka manao, e huki iluna, me ka holopono ole, aka no ke kino make nae o ka Lukanela Williams, he hookahi haneri dala makana i kauia ae, no ka mea iaia e loaa ai kela kino a i ole hoike ae paha i kahi i waiho ai.

E HOI MAI ANA OIA

I KEIA MAHINA AE

Hookoia na Mea i Lohe Mua

ia no Kona Hookohu

Hou Ole ia Mai

Ma ka lono kelekalapa o ka loaa ana mai i keia kulanakauhale mai Wakinekona mai, ma ka Poakahi iho nei, i loaa mai ai ka ike i koonei poe no ka hiki hou ole ia John Barrett, ke hoi mai no Hawaii nei, ma ke ano he poo no ke keena hookapu waiona; a ua hookohuia mai la oia i ilamuku Amerika no ka Puali o Panama.

I kulike ai me kela kelekalapa aole he hope i hookohuia mai i keia manawa, no ke pani ana ae i ka makalua, i hoohakahakaia iho, mamuli o kela pau ana o John Barrett.

Aia o John Barrett ma Wakinekona i kela manawa; ua kauohaia mai oia no ka hoea ana aku imua o Seymour Lowman, ke kokua kakauolelo hou o ke keena kalaiaina, ka mea iaia na hana apau i pili i ke kanawai hookapu waiona, pela pu hoi ka hoea ana ae o na akena hookapu waiona o na wahi like ole o Amerika.

Hookahi kumu i manaoia, no ka hiki hou ole ia John Barrett, ke noho i poo no ke keena hookapu waiona ma Hawaii nei, o ia no ke kaa ana o na hookohu oihana apau, ma keia mua aku, malalo o na rula hooponopono o na oihana civila, o ia no aia a he eono makahiki o kekahi mea e lawelawe ai i na hana o ka aupuni, alaila kuleana oia e paa i ke kulana poo no ke keena hookapu waiona maanei, a ma kekahi mau wa-hi e ae o Amerika.

No ka hooponopono ana nae i na hana o kono keena ma Honolulu nei, e huli hoi mai ana no o John Barrett, e hoea mai ai oia ma ka la 6 o keia mahina ae, a i ka pau ana o kana mau hana maanei e haalele iho ai oia no kona kahua hou o ka hana, ma ke ano he ilamuku Amerika.

PILI IAIA KA HEWA
ELIKE ME KA HOOPII

Hoomauia no Nae Kona Lai-
kini e Lawelawe i ka Oi-
hana Kauka Lapaau

O ka hopena o ka noii ame ka huli pono ana a ka papa ola, i na kumu hoohalahala e ku-e ana ia Kauka John Atcherley o Molokai, no kona hoohemahema, me ka makaala ole, no ka pono o ka makuahine nanau bebe; ke kumu o ka make ana

o ka makuahine me ka bebe; o ia
no ka hoopuka ana ae o kela papa,

i ka olelo hooholo, e hooili ana i na
hoahewa ana maluna o Kauka At-
cherley elike me na kumu hoohala-
hala: ela nae aole i lawe ka papa
i ka laikini kauka mai iaia ae.

Ua lokahi na hoa o ka papa ola, ma ka olelo hooholo i hoopukaia ae, e hoahewa ana ia Kauka Atcherley no ka ili ana aku o na ko'iko'i o ke ahewaia maluna ona, no ka make ana o ka makuahine me kana bebe, ma ka la 15 aku nei o ka mahina o Mei.

Ua hoahewa loa ka papa ola ia Kauka Atcherley, no kona kahea ole ana i kekahi kauka okoa aku no ke kokua ana mai iaia, no kela pilikia; a ua hoike mai oia, i kona hemahema maoli, ma ka lawelawe ana i kana oihana kauka.

Ua hoolohe kela papa i na hoike apau, ma na aoao a elua, no ke kakoo ana i na kumu hoohalahala, a no ke kakoo ana ia Kauka Atcherley: mailoko mai o na oleloike i waihoia ae imua o kela papa, i hookahuaia ai ka olelo hooholo maluna ae nei; o ia ka hooili ana o ko papa i na ahewa ia Kauka Atcherley, elike me na kumu hoohalahala; aka nae no ka laikini e lawelawe i ka oihana kauka, aole he mau kumu kupono a ka papa i ike ai, no ke kaili ana mai iaia ae, a ua hoomauia aku no kela pono me Kauka Atcherley, no ka lawelawe ana i kana oihana, oiai o kela wale no ka hana e pono ai kona ola ana me kona ohana.


	Oiai e ku ana ma Puuiki, Waialua ae nei, ma ka hora umi-kumamalua a oi o ke awakea o ka Poakahi iho nei, i hooku'iia aku ai ke kaa oto- mobile o Miss Louise A. Stixrud, he wahine hooikaika ma na hana kokua manawale'a e ke kaaahi, o ka hui Alahao o Oahu, a o ka hopena i ikeia o ia no ka pau ana o ke kaa oto- mobile i ka nahaha, a make hoi kela wahine maloko o ka halema'i o Waialua ke manawa pokole mahope mai o ka halawai ana me ka ulia poino. Ua holo aku o Miss Stixrud maluna o kona kaa otomobile, a ku iho la maluna o ke alahao kaaahi, me ka lele aku o kona kokoolua, o Mrs. Isadore Moony ka inoa ilalo mailuna aku o ke kaa, no ka wehe ana i kapuka-pa, ma kekahi aoao o ke alanui, i hiki ai i ko laua kaa ke komo aku iloko. Ma ka hoakaka a Mrs. Moony, aole oia i ike i ka holo ana mai o ke kaaahi a i ole lohe paha i ka nakeke o ke alahao, o kana mea i ike lala o ka wehe ana aku i ka puka pa, huli mai la nana i kahi o ke kaa otomobile e ku ana, o ia no ka holo ana mai o ke kaaahi a hooku'i aku la i ke kaa otomobile, me ka hoomau ana aku o kela kaaahi i ka holo, ahiki i a paa ana ma kahi he kanahiku-kumamalima kapuai ma kahi mai o kela hooku'i ana. Ua hookauia na wahine a elua maluna o ke kaaahi, me ka laweia ana aku no Waialua; me ka hoihoi awiwi ia ana aku o ka wahine poino noloko o ka halema'i o Waialua eia nae mamuli o ke kukonukonu loa o na pino i loaa iaia, oa hiki ole ke hoopakele ae i kona ola, oa make oia he umi minuke mahope o ka hoea ana aku no ka halema'i. Ma na mea i hoomaopopoia, no ke ano o na poino i loaa ia Miss Stixrud ua haki kekahi o kona mau iwiaoao a ua komo aku kekahi mau iwi haki i kona mau akemama a mawaho ae o kela poino, ua nui na wahi o kona kino maloko i pilikia. Ua pau pu kona kino i ka mokumoku, pela hoi ma kona mau wawae, a ua eha kona poo. E huli hoi mai ana kela mau wahine mai na kauhale mai o na kaikamahine ma Puuiki, kahi a laua o ka hele ana aku ma kela kakahiaka no ka hoihoi ana i kekahi mau kaikamahine o Waipahu ma kela wahi. No ka manawa i aneane e piha ka makahiki i noho hana ai o Miss Stixrud, no ka home o na kaikamahine ma Waipahu, aka mamua aku o kela manawa, he lunanui oia no ka Home Susannah Wesley ma Honolulu nei, mai ka makahiki 1920 mai. Mamua o ka hoea ana mai o keia wahine no Hawaii nei, ua noho hana mua oia ma ke ano he mea kokua i ka poe pilikia ma Pilipine; o kela maa no ia ano hana ke kumu o kona hoomau ana aku i na hana kokua maanei nei. E LELE ANA NO IAPANA MA KA LEWA. Aole i pau na manaolana o Ri- chard Grace, kela haole pakalaki, o ka hoao ana e lele maluna o kona mokulele mai Kauai aku no Kapala- kiko, me ka holopono ole, no kona hoao hou e lele, ke paa kona mo- kulele e kapiliia mai la i keia mana- wa ma Okalana. Mamuli o kela holopono ole o ko- na lele ana mai Hawaii aku nei, no Amerika, no ka poino ana o kona mokulele; e komo pu ana oia me na kanaka lele moku kaulana e ae, e alualu mal ana i na ukumakana i waihoia ae e James D. Dole. Wahi a Mr. Grace. i kona moku- lele e hoea ai no ke kahua moku- lele Wheeler ma Leilehua mai Kapa- palakiko mai e hoomaha lilili ana oia maanei, alaila huli hoi hou aku no ma kela mokulele no Amerika, a mai Seattle ae, e lele ai no Iapa- na ma ke alahele o Honolulu nei. PARIS, July 6.— O Charles Levine, ke kanaka i Iele pu mai al me Cham- berlain mai Nu Ioka mai ahiki i ke kikowaena o Kelemania me ka hoo- maha ole ka i hoikeia ae ma kekahi la aku nei i kona koho ana i kekahi pailaka he kanaka Palani nona ka inoa e hoikeia aku ana mahope. no ka lele ana mai Parisa aku nei ahiki i Nu Ioka. Ua hoole o Chamberlaina i ka Iele pu ana me ia mamuli o ke- kahi mau aelike e ae ana i hoopaa ai iaia iho.	NOHO POO O MAKUE MAKAWEO I KA OIHANA KINAIAHI O HILO. Ma kekahi manawa pokole ae nei i hala, i kikooia mai ai o Makue Ma- kaweo, o ka oihana kinaiahi o Ka- lihi, e ka Lunahoomalu S . M. Spen- cer, o ka papa lunakiai o ke kalana o Hawaii no ka noho poo ana i ko keena kinaiahi o Hilo, Hawaii, no ka hookau ana ae i kolaila oihana ki- naiahi, ma ke kulana makaukau mo ka makaala i ka wa o ka hana. Maloko o ka nupepa Hilo Tribu- ne-Herald o ka Poalima aku nei i hala, Iune 8. i hoakakala ae ai ka lawe ana ae o Makue Makaweo i kona kulana hou me ka hoohana ana i na kanaka kinaiahi ma na hana paikau hookahakaha e hoo- kauia ae ai kela oihana ma ke kulana makaukau ma kela mua aku. I kulike ai me kela hoakaka ma ke ano meahou, ma kela kakahiaka Poalima, i puka ai na kanaka kinai- ahi, maluna o ke kaa kinaiahi, ma ka hana hoomaamaa a hookahaka- ha, a e paa mau aku ana kela hana hoomaamaa he elua manawa i kela ame keia pule. Ma ka Poaha koke aku nei no i lawe ae ai o Makue Makaweo i ka noho poo ana i ka oihana kinaiahi o Hilo, a no ka lawe ana ae i ka mana o koha kulana hou, i hoohana aku ai oia i na kanaka, ma na alahelo apau ana i manaoio ai pela e hooiia ai ke kupono ame ka makaukau o kela oihana ma keia mua aku. Elike me ka hoakaka ma kela mea- hou, e lawe hou ia ana ke kaa ki- naiahi no ka hoomaamaa ana a i ka hoi ana ae o na kanaka no ke keena kinaiahi e hoohalaia ana ke- kahi manawa, ma ka hoomaamaa ana, ma na hana pili i na iliwai. Ma ka manawa ka i puka ai ke kaa kinaiahi ma kela Poalima, ua holo pololei aku la no kahi o na ki-wai like ole, me ka hookomoia ana o na iliwai me ka hikiwale loa, a ua haawiia na kauoha i na kanaka kinaiahi apau, no ka lakou mau mea e hana ai, me ke kakali ole aku o kekahi i kekahi. Ma ka hoakaka a Mr. Makaweo, he elua mau la iloko o kela amo keia pule e hookaawaleia ana, no ka hoo- maamaa ana o na kanaka o ia ka lawe ana i ke kaa enekini i kekahi manawa a i kekahi manawa no hoi. o ke kaa iliwai. O ka hoomaamaa mau ana i na kanaka o ka oihana kinaiahi i na manawa apau, ma ka manaoio o Mr. Makaweo, o ke alahele wale no ia e loaa ai ka makaukau ame ke ku- pono i kela oihana; a e hoohana aku ana oia i kona poe kanaka, ma na makaukau apau i loaa i ka oiha- na kinaiahi o Hilo, i makaukau mau ai lakou, ma na manawa e puoho ae ai na pauahi. O Mr. Makue Makaweo wale no ia e noho mai la ma Hilo i keia ma- nawa ma kona kulana oihana hou aka iloko o ka wa pono, e holo aku ai kona ohana no ka hui pu ana me ia ma ka Ua Kanilehua. HOLOMUA KE KULANA O KA AHA- HUI KAAHUMANU. Ma ka Poalua, Iulai 5, 1927, i noho ae ai ka halawai kumau o ka Aha- hui Kaahumanu, me ka waihoia ana ae o ka hoike no na loaa ame na hoolilo o ka ahahui; a ua koho pu ia hoi na lunanui o ka ahahui no keia makahiki e nee aku nei. Ma ka hoike a ka Puuku Mrs, R, Kelle ame Henry Smith; Jr., kahu malama waiwai, he $7,773.49, ka wai- wailo o ka ahahui i keia manawa. a he pa-ilina no kona mau hoaha- nau ke make, o ka poe ilina ole mai Hawaii Kauai. Ua koho hou ia no na lunanui kahiko apau no lakou keia mau inoa malalo iho nei: Miss Lucy K. Peabody peresidena; Mrs. Caroline Wallace. hope-pereside- na; Wm. Lahilahi Webb, kakauolelo nui; Mrs. Lilia K. Aholo. kakauolelo no na make; Mrs Esther W. Kelle. puuku; Miss Kawailani Sylva. komite no na ma'i: Mr. Henry, kahu mala- ma waiwai; Mrs. Ellen Dwight Smy- the, lunahooia. Na lala hoi o ka papa hooko, o ia o Mrs. L. Ahrens. Mrs . Lizzie Kahoo- kano. Caroline Robinson, Mrs.Julia Kahanamoku, Mrs. Kalani Henriques. Mrs. Elizabeth De Fries, Mrs. Eliza- beth Gittel, Mrs. Maikai Kaleo


	He mau mahina loihi no koe, ala- ila hoea mai i ka malamala ana aku o ke koho oloka o na luna oihana o na kalana ke oiliili e mai nei no na nuhou pili kalalaina iloko o kela mau la, e hoike mai ana aia ke paila mai la ka ipuhao kalaiaina iloko o keia mau la, e hoike mai ana, e nana- na maoli ai ka hoouka kaua o na luna oihana kalana i keia makahiki. No ke kalana o Hawaii he mau moho lehulehu ka i loheloheia ae, e holo mai ana no ke kulana luna- hoomalu o ka papa o na lunakiai. a ke hoopapa mai nei kela ame keia moho i kona kulana ikaika, mamua o ka hoea ana mai i ke kau koho ba- loka wae moho iloko o Okatoba ae nei. He eha mau moho e holo ku-e mai ana ia S. M. Spencer no ke kulana lu- nahoomalu o ka papa, ma ka aoao Repubalika: ina ka no ka loaa o ka waeia i kekahi o na moho a ka aoao Repubalika, alaila e huli mai ana na moho i haule a haawi i ka lakou mau kakoo ana, no ka moho i waeia. O na moho e holo ku-e mai ana ia S. M. Spencer, oia o Ernest Akina o Kohala, Julian Yates o Kona, Bill Vannatta o Hamakua ame A. M. Ca- brinha o Hilo: eia nae ma ka oleloia. iwaena o keia mau moho apau, o Ernest Akina, ka moho ikaika. Ma ka aoao Demokarata hoi, o Har- ry Allen wale no ka moho i maopopo Ioa e oili mai ana a ku imua o ke kahua mokomoko; no keia manawa nae ke noho hamau mai nei oia, no ke kakali ana a kokoke aku i ka wa e hoouka maoli ia ai ke kaua kalaiaina. Ma kekahi oleloia, ina nei no ka holo i'o mai o Ernest Akina i moho no ke kulana lunahoomalu o ka pa- pa, alaila e waiho ana kona kaikai- na, oia o Arthur i ke kulana luna- kiai o lilo ko laua holo ana a elua. i kumu hoonawaliwali ia Ernest Aki- na. No Julian Yates aole e kala ka- hiko i hoomaopopoia ai kona ma- kemake nui e lilo oia i lunahoo- malu no ka papa, hookahi wale no kumu o kona kau ole ana ma kela kulana, no ka lawa ole o ka ikaika iaia, e lanakila ai maluna o S. M. Spencer. No Bill Vannatta hoi o Hamakua, hookahi ka kumu nui o kona ma- kemake ana e bolo ku-e mai ia S. M. Spencer, no kekahi mau hana no i lawelaweia e Spencer, o ia ka loaa ole aku i ka apana o Hamakua, na kokua pili dala mai ka papa aku. Ma ka aoao hoi o Cabrinha, ua paa kona manao. no kona lanakila maluna o na moho apau o ka aoao Repubalika, e alualu ana i ke ku- lana lunahoomalu, no ke kumu, e huliamahi ana na Pukiki e koho iaia i hui pu me kona mau hoaloha iwa- ena o na lahui e ae e hiki ana iaia ke hoohaule i kona mau hoa moko- moko. No na hoa o ka papa lunakiai he ? -;: na inoa i loheloheia ae, ke hoo- lala mai nei kekahi poe e holo ma ka paa me ka hoopilipili ana aku me na moho lunahoomalu; aole nae : ' mea i maopopo loa i kela mana- wa aka iloko o keia mau la aku, e puka okoa mai ai ka papainoa o ka poe e alualu mai ana no na kulana oihana like ole. E Holo Moho Hou Mai Ana No ke kulana makai nui e holo hou mai ana no o Sam Pua he moho ma ka aoao Repubalika. Oiai ua hooholo ka ahaolelo aku nei i hala, i kekahi ukuhoomau nona, ke waiho oia i ka noho makai nui ana no ke kalana o Hawaii, ua hoole ae ka Makai Nui Sam Pua, aole oia i ma- kemake e waiho i ka hana o ke au- puni l kela manawa, oiai he ikaika no kona kino a ua makemake pu oia e hoopakele i ke kalana, mal ka uku ana iaia i ekolu haneri me ka- nalima dala o ka mahina ma ke 7-.^o he ukuhoomau, a uku aku ana i ka makai nui hou e kohoia ana ma kona wahi. No na kulana oihana e ae, aole he hopohopo iki o ka poe e paa nei i kela mau kulana no ke kailiia o ka hanohano a lakou e paa nei i keia manawa. Ke Kalana o Maui Elike no me ke kulana owelawela o ke kalaiaina i hoomaopopoia iloko o keia mau la ma Hawaii, pela no ma ke kalana o Maui, me ka oiliili ana ae o kekahi mau inoa hou, no	ke kiola mai i ko lakou mau papale iloko o ka rina. Ma na helehelena e nanaia aku nei i keia manawa, elike me na hoike i loaa mai i keia kulanakauhale, o ke koho baloka e hoea mai ana, ma kela kalana, o kekahi koho baloka hahana loa ka ia, i ikeia ma ka mo- olelo o na hana kalaiaina maanei nei. No keia mau la e nee nei eia o Harry Mossman, o ka aoao Demoka- rata, ke hoopapa e nei no i kona kulana ikaika, e holo moho mai no ke kulana lunahoomalu o ka papa. e ku-e ana ia Sam Kalama; a iloko no hoi o ia manawa hookahi ke hooikaika pu nei oia, e loaa he paa baloka piha ma ka aoao Demokarata no na hoa o ka papa lunakiai ame na kulana e ae. O Sam Kalama wale no ka moho i maopopo i keia manawa, ma ka aoao Repubalika, no ke kaulana luna- hoomalu; a aole he Repubalika i ma- kemake e holo ku-e iaia ahiki i kona hoike okoa ana ae i kona ma- nao e waiho i kela kulana. O David T . Fleming, kekahi hoa o ka papa lunakiai, ka mea e noho hoomalu mai nei i na hana o ka pa- pa, ma kahi o Sam Kalama, iloko o na pule lehulehu aku nei i hala, ma- muli o ke oma'ima'i o Sam Kalama, a ua hoike okoa ae oia i kona ma- nao, aole oia e ku-e ana ia Kalama, aia wale no a waiho maoli mai oia i kela kulana, ia wa e oili okoa mai ai o Fleming iwaho a holo he moho lunahoomalu no ka papa no keia manawa nae, hookahi no mea i mao- popo iaia, e holo lunakiai hou mai ana no oia. No na hoa ka o ka papa lunakiai e noho mai nei i keia wa, mawaho ae o Fleming, oia o Lake, Drummond ame Garcia, ua emi mai ko lakou ohohiaia, a he kulana kanalua ko lakou ke nana aku. No na kulana oihana e ae, aole he kanalua iki o ka poe e paa mai nei i kela mau kulana pakahi, no ko lakou koho hou ia; o ke kulana pohihihi wale no o ia ke kulana o ka lunahooia no ke pani ana ae i ka makalua i hoohakahakaia iho, ma o ka make ana o ka Lunahooia Char- les Wilcox, he manawa pokole wale ae nei no i hala. PAKELE ELUA MAU OLA MA KA ULIA KAA OTO. Mawaho ae nei o ke alanui Kala- kaua, e kokoke ana i ke alanui Le- wis, i pakele mahunehune ai ke ola o James M. Laird, he limahana no ke Waterhouse Trust Co., ame David K. Kawananakoa, mamuli o ka pa- kika ana o na huila o ko laua kaa otomobile e kau ana, me ka holo ana a hooku'i i ka pou kelepona ma ka po o ka Poakahi iho nei. Ua pau ke kaa otomobile i ka na- haha, i kela hooku'i ana aku i ka pou kelepona, me ke kiolaia ana o na kanaka elua mailuna aku o ke kaa. Na kekahi poe o ka hoea ana mai. a ike i na kanaka poino, i hoihoi aku ia laua no ka halema'i o na poino ulia; malaila i lapaauia mai ai na wahi i eha o kela mau kanaka, a mahope mai i hoihoi loa ia aku ai no ko laua mau home. Ma ka moolelo pokole e pili ana i kela ulia poino, o David Kalakaua Kawananakoa ka mea nana e hoo- kele ana i ke kaa otomobile, a i ka hoea ana no ke alanui Lewis, ua hoao iho la oia e hoopaa i ka pe- leki o ke kaa, o ka wa nae ia i holo pahu'a aku ai ke kaa me ka pakika ana o na huila, me ka pii ana aku maluna o ka paehumu o ka aoao o ke alanui, a hooku'i i ka pou kele- pona. E hoihoi ana o Kawananakoa ia Laird no kona home ma Daimana Hila, ma ka manawa o ka loaa ana i ka ulia poino, me ka nui o na eha i loaa ia Laird mamuli o kona moku moku i ke aniani nahaha; a hapa mai ka eha i loaa ia Kawananakoa. Mahope iho o ka lapaauia ana o kela mau kanaka, maloko o ka hale- ma'i o na poino ulia ua hoole laua, i ka hoi ana maloko o ka Halema'i Moiwahine, no kela kumu, i kauoha okoa ia ai ke kauka ohana o Laird, a mamuli o kana kauoha, i hoihoi loaa aku ai laua no ko laua mau ho- ma pakahi

IKE HOU IA KA MADAME PELE
MA HAWAII.

Mahope iho o ka hoomalolo ana no na makahiki ekolu ae nei i hala, i puoho hou ae ai ka pele ma Halemaumau ma ka po o ka Poaha aku nei i hala, me ke konoia ana o na kanaka mal na wahi like ole mai o Hawaii, e hele e ike maka no lakou iho i kekahi o na hiona nani, a lakou i ike ole ai mamua.

I kulike ai me ka meahou o ka hoounaia ana mai i keia kulanakauhale, no ka puka hou ana ae o ka pele, mai Hilo mai, e hoakaka ana ia, no ka oili ana ae o ka pele ma kekahi mau wahi eha, a kahe mal la noloko o ka luapele nui, oiai hoi ka poe makaikai ma kahi o ke kaukani a oi, e nana aku ana me na manao hialaai, no ke ku maoli o kela hiona i ka nani.

O kekahi o na hiona nani i ikeia o ia no ka punohu uwahi e pii ana iluna o ka lewa ma kahi o ka hookahi haneri me kanalima kapuai ke kiekie, a e helelei iho ana ka lehu pele ma ka'e o ka lua.

Me kela nuhou no ka puoho hou ana o ka pele ma Hawaii, i haalele iho ai he heluna nui o na malihini makaikai la Honolulu nei, ma ka mokuahi Haleakala o ka Poalima i hala a e kau aku ana kekahi poe ma ka mokuahi Matsonia o keia ahiahi, e hoea aku ai ma kahi o ka aneane e piha ka elua kaukani poe makaikai i ka pele ma Hilo.

Elike me ka loaa mau mai o na hoike i Honolulu nei, no ka oi ae o ka a ana a ka pele iloko o keia mau la, pela no ka nui o ka poe makemake e holo no Hawaii, no ka makaikai ana; me ka makaukau o na hui mokuahi e hookipa aku i na ohua i makemake e holo ma na mokuahi Matsonia, Los Angeles ame kekahi o na mokuahi o ka hui mokuahi holo pili aina.

WASHINGTON, July 6.—Ua hookaaia aku e ka Repubalika o Liberia, maloko o Aferika Waena, ke koena hope loa o kona aie ia Amerika mamuli o ke kaua nui o ke ao. Ua haawiia aku e ke Kuhina nui o Liberia ia Ogden Mills he bila kikoo o $25,600, komo pu me ke kumupaa ame ka ukupanee.

MA NA KII I PAA AI ELUA KEIKI
NO KA AIHUE.

Mamuli o na kii a kekahi mau keiki elua o ke pa'i ana, ia laua iho. me kekahi mea pa'ikii o ka Iawe aihue ia ana e laua, i paa ae ai he elua mau keiki, no laua na inoa o Harold Mock ame Taro Furoki i ka hopuia, ma ka Poaono iho nei, me ka manaoio o ka oihana makai, ua lilo ka paa ana o kela mau keiki i kumu e hoopauia ai na pohihihi, no ka aihue i hanaia ma na home he umi-kumamakahi ma Kaimuki.

Hookahi nae kumu o ka paa ana o kela mau keiki i ka hopuia, o ia no ka loaa ana aku o kekahi kii i pa'iia, a i hoomaikai ole ia, maloko o ka home o Mrs. A. E. Aldrich, kekahi hoi o na hale i komo aihueia ma ka pule aku nei i hala.

Ua laweia ae kela mau kii i ka oihana makai a ma ka laweia ana o na kii, ma kekahi o ua hale pa'ikii, no ka hoomaikai ana mai, ua ikeia he hookahi o kela mau kii, no kekahi ohana, a he elua mau kii, no kekahi mau keiki elua.

I wahi nae e maopopo ai, malia paha ua pili na keiki elua maloko o na kii no na aihue i hanaia, ua hoounaia kekahi mau makaikiu no Kaimuki, a ua hooia mai kekahi poe keiki lehulehu, i na mea no laua na kii, me ke kuhikuhi okoa la ana mai o kahi i noho ai na keiki elua.

Ma ka hopuia ana o kela mau keiki elua i ae ai laua no ke komo ana maloko o na hoaie he umi-kumamakahi, me ka loaa mai o ka nui o na waiwai i aihueia; o ka hapanui

o kela mau waiwai. he uwaki pakeke.
na banako ma na nome, na dala no

hoi, ame kekahi mau waiwai e ae.
O ka mea pa'ikii, a laua i pa'i ai

iko laua mau kii, he waiwai no
kela o ka aihueia ana mal ka home
mal o Kauka B. Mobbs.

Ma ka oleloia, mamua ka o ke komo ana o kela mau keiki maloko o kekahi hale e kikeke ana laua i ka puka, a ke wehe ole ia mai, o ka wa la e komo aku ai, ina no la ma ka wawahi ana i ka puka aniani, a i ka puka paha.

Ua waihoia ai kela mau keiki imua o na luna oihana o ka aha hookolokolo o na kamalii.

HANAIA HE KARAIMA WELIWELI
MA NU IOKA.

E hoakaka ana kekahi meahou kelekalapa o ka hoolaunaia ana mai no kela kulanakauhale ma ke Sabati aku la i hala, mai Nu Ioka mai, no ka hanaia ana o kekahi pepehikanaka ku i ka weliweli, i ike ole ia kona lua ma ka moolelo o na hana karaima o kela kulanakauhale, mamuli

o ka pepehiia ana o kekahi mau wahine ekolu, me ka hoopuehu liilii

ia ana o na apaapana o ko lakou mau kino ma na wahi like ole.

Ma ka hookolo ana nae a na makaikiu mahope o ka meheu o ka mea nana i lawelawe i kela karaima pepehikanaka ku i ka weliweli, i paa ae ai o Ludwig Lee, ka mea nana e ma-lama ana i kekahi hale hoolimalima ma Burukalina i ka hopuia.

Maloko o ka paka Battery, ma ka hikina loa o ka mokupuni Manhattan, i loaa aku ai he mau u-ha lehuehu i hoomaopopoia no kekahi poe wahine no kekahi mau wahi e ae o kela mau kino, ua koho wale ia, ua kiolaia iloko o ka wai.

Maloko hoi o ka pa o kekahi luakini ma Burukalina, i loaa aku ai he hookahi u-ha me ke kikala, ua wa-hiia iloko o kekahi pepa haulaula he mau iwi i kohoia no kekahi wahine aoo.

Ma kahi hoi e komo aku ai i kekahi halekeaka, i loaa aku ai ka umauma, ka poohiwi ame hookahi lima o kekahi wanine, a maloko aku o ka halekeaka i loaa ai he peahilima.

Mamuli o kela mau ike maopopo loa, no ka hanaia ana o ke karaima pepehikanaka me ka weliweli, i hoalaia ai na manao wikani o na makai. e hookolo aku mahope o ka mea hana karaima ahiki i ka loaa ana o

1 Ike. maloko o ka hale hoolimali-
ma ma Burukalina, i hanaia ai kela
karaima ekaeka loa.

Ua loaa .-'— kekahi ko'ilipi, me
o. ia mau pahiolo ame ho......u ha-

mare ua hele a hauka'e i ke koko, a ua manaoia. o kekahi o na wahine

pepehiia, o Mrs. Albert Bennett kona inoa, ka mea iaia ka moraki o hale hoolimalima.

I ka manawa i pahola ae ai ka nuhou no kela karaima i hanaia, ua

ELUA WAHINE E ALUALU MAI ANA

I KA MAKANA.

Maiwaena mai o ka nui o na kanaka kaulana i ka lele maluna o na mokulele, e komo mai ana ma ke alualu ana i ka uku makana o kanakolu-kumamalima kaukani dala, no ka helu ekahi ame ka helu elua, i waihoia ae e James D. Dole, ka moi o ka oihana kanu halakahiki o Hawaii nei, no ka mokulele mua loa ame ka mokulele helu elua, e hoea ana i Hawaii nei, mai Amerika mai; he elua mau wahine e komo mai ana ma ke alualu ana i kela mau makana.

O ka wahine nana e hookele mai ana i ka mokulele, oia o Auggie Peddlar, he wahine loea lele moku no Flint, Mikikana, a o kona kokoolua, oia o Mildred Doran. E paa pu mai ana laua ma ke ano i hoa no laua i kekahi ilio.

Mamua o ka haalele ana aku o ka mokulele o kela mau wahine ia Mikikana no Kapalakiko, e hookomoia ana na meahana apau iloko o kela mokulele no ke kuhikuhi ana i na alahele pololei o ka lele ana iluna o ka lewa.

Ua kapiliia ka mokulele o keia mau wahine ma Nebraska, he mokulele nui, i oi aku mamua o ka mokulele Columbia, o ka lele ana me ka holopono loa mai Nu Ioka aku no Kelemania he mau pule wale ae nei no i hala.

Na na kanaka lawelawe oihana o Flint, i kokua ae i na dala, no ke komo ana o keia mau wanine, ma ka hookuku o na mokulele, e lele mai ai no Hawaii nei, ma ka la 12 o Augate e hoea mai ana.

momoku koke mai i ana kana ma kahi o na kaukani ka nui no kela hale hoolimalima, aka nae ua lawe koke ae ka oihana makai i ka hoomalu ana, me ke kaa hoi i na makaikiu, ka huli ame ka noii pono ana aku i na mea i hanaia.

Ma ka hoomau ana aku i ka huli ana ma kela ame kela wahi, i loaa hou aku ai na apana o na kino ma na wahi lehulehu.

Ma ka manawa o ka hopuia ana o Lee, e komo ana oia i kekahi palule i hele a hauka'e i ke koko.