Ka Nupepa Kuokoa, Volume LXVI, Number 28, 14 July 1927 — KA IPUHAO KALAIAINA [ARTICLE]

KA IPUHAO KALAIAINA

Ke paila mai la ka ipuhao kalaiaina ma na kalana o Hawaii ame Maui iloko o keia mau la, e hoolalelale mai ana, 110 ka hoouka kaua o na luna oihana a hoea mai iloko o ka mahina o Okatoba ae nei. Aole kakou i malihini i na hana kalaiaina ma Hawaii nei, o kela iho la no ke ano o ia hana, o ka hoopapa mua no, i ikeia ae ai ke kulana ikaika o na moho; he mea pono no nae e hoo-" manaoia keia mea oiaio loa, pehea ka nui o na Wooikaika. ana a na iribho, e loaa ka lanakila ia lakou ma ka pahu haloka, ua naauao na mana koho iloko o keia mau makahiki, no ka lakou mea e hana aku ai, me ka puni ole i na hoonuinui ana mai a kela poe moho alualu oihana. O na hana no i lawelaweia i ka manawa e paa ana i _na kulana oihana, ka maunu kii baloka kupono loa no ka hooma« hou ia aku o na luna oihana kahiko a i ole, kiolaia ae paha mai kela mau kulana ae, a hoonoho aku i poe hou ma ia mau wahi, no ka hoao ana i ko lakou kupono e lilo i mau kauwa na ka lehukhu. Ua halawai ka Lukanela Charles L. Williams me ka make ulia, mamuli o ka haule ana o kona mokulele iloko o ke kai mawaho ae nei o Waikiki, oiai oia e hooko ana i kana oihana; be make hanohano loa, iloko o ka noonoo o na kanaka koa apau. Aole he ilina oi loa ae o ke kupono no ka waihoia aku o kona kino make, mamua o ka papaku o ka moana; e lilo ai na hoao ana e hoopakele mai i ka mokulele, i hana ku i ka mana'ona'o, ina nei no ka loaa o ke kino o kela aliikoa. Ke hoohaiki loa ia mai nei na wahi e kukulu ai i na kaa otomobile ma na alanui o ke kūlanakatihale nei, mamuli o na kauoha kanawai hou a ka papa lunakiai kulanakauhale e hana mai nei. E lilo ana keia hoohaiki ana, i kuniu e hoalaia māi ai na manao maikai ole iloko o ka poe he mau kaa otomobile ko lakou; ina nae he mea keia e hoemiia mai ai na ulia poino e loaa ana i na kaa ame ka poe helewawae, alaila ua pono no kela hoohaiki ana mai i ka pono kukulu i na kaa ma na wahi 0 ka lehulehu. ' Me ka Makai Nui Desha, i makaukau me kona mau makaikiu elima no ka hopuhopu ana aku i ka poe hakihaki kanawai; pela hoi ka Hope Makai Nui Cassidy, me kona poe makaikiu ame ka Loio Kulanakauhale Davis, me kona mau makaikiu, e manao aku kakou, e kaawale ana o Honolulu nei mai na hana piliwaiwai mai, ke kuai waiona, na hale hookamakama ame na hana hakihaki kanaw r ai e ae; hele no hoi a loaa ole ka maluhia ame ka maemae i keia kulanakauhale, iloko o ka nui o keia poe makaikiu, alaila ua hoomaunauna wale ia na dala a ka poe uku auhau, no na uku nunui o ka mahina, o kela poe hooko kanawai. E oluolu mai no e na makamaka e hoomianawanui no ka liiki ole ia makou ke hoopuka koke aku i na manao i hoounaia mai i keia pepa, no ka lilo nui o kekahi wahi o ka nupepa 1 na.kanawai o ka ahaolelo; ke loaa no nae ka manawa kupono, e hoopukaia aku ana no kela mau manao ; no ka mea ua iini mau makou, e hoolawa aku i na makemake o ko ke Kuokoa poe heluhelu i na manawa apau.