Ka Nupepa Kuokoa, Volume LXVI, Number 35, 8 September 1927 — HAINA NANE. [ARTICLE]

HAINA NANE.

Mr. Lunahooponopono, Aloha 6e:— Ke nonoi aku nei au i kou oluolu ina he wahi rumi kaawale kekahi o ka hiwahiwa a kaua no ka'u haina o ka nane a ke keiki o ke Ehuk&i o Palemano. Kuu i'a pili mau me ke kanaka aole wa e kaawale ai; aole au e loaa ia oukou me ka hauoli, me ka ehaeha au e loaa ai. Heaha ka inoa o kuu i'a? Haina pololel. He PAAKAI ka Inoa piha o ko i'a, aole wa e kaawale ai e noho pu ana ia me oe ma kou home ame kau papaaina. He mea oiaio me ka luhi e hana ai ka mea kau paakai ahiki i ka lilo ana i paakai, elike me ka poe kau paakai o Kakaako 1 ke au 1 hala, me ke alla-paakai ma Moanalua. Ua lawa keia mau wehewehe, oiai ua ike oe e ka mea heluhelu i ke, ano o ka hana ana, lna aole 1 kulike ka mahele me ka hoohelui no ke i-e opala«ia, lOANE KAHALA, Ua kapeke mai la ka mahele me ka hoohelu, ua ewa ka pilina me ka nihoniho, a ua hapaku'e ka nōme ana a ka huila. Huli hou ia mai! —L. H. — —i—