Ka Nupepa Kuokoa, Volume LXVI, Number 35, 8 September 1927 — KA HOIKEIKE FEA TERITORE. [ARTICLE]

KA HOIKEIKE FEA TERITORE.

Ua hoea mai i ka hopena o ka hoikeike fca eono o ke teritor€ ma ka po oka Poakahi iho nei. Iloko ona la ehiku o ka iiamama ana o kela hoikeike fea mai ke ao mai ahiki i ka po, he kanahiku-kumamalua kaukani poe i hoomaopopoia, i hoea ae e nana i na hana hoikeike o keia makahiki, he heluna ma3iuahua maoli. e kanalua ole ai ia kakou ke olelo ae, ua loaa no i kekahi mahele nui loa o ka poe makaikai, he mau pomaikai, no ko lakou liele ana ae e nana no lakou iho, i na hana hoikeike; a ua makepono hoi ko lakou uku ana i na kaki oluolu. i wahi no lakou e ike ai ia mau mea. He ninau pohihihi no ka loaa aua o ka mahalo ma ka aoao 0 ka lehulehu, no na hana hoikeike apau i malamaia i keia makahiki, elike no me ka hiki ole ke lokahi, na mea apau, maluna ona kumuhana apau; hookahi nae mea maopopo loa, ua hala aku la.ka hoikeike fea o keia makahiki, me ka holopono; a ina he mau hoohalahala ana kekahi, a he mau hana hoikeike paha i holopono ole, alaila, e lilo ka hoikeike fea,e hoea mai ana, i hoikeike oi ae o ka makaukau ma na ano apau. He oiaio elike me ka hoakaka a Konela Schofield, ka lunahoomalu o ke komisina fea, ina he holo na kaa uwila 110 ke kahua hoikeike fea; e hooi loa ia ae ana ka piha o-kela fea, oiai o ke alahele e hoea ai ilaila, kekahi kumu ia nana i kaohi 1 ka poe i nele i na kaa otomobile, i ko lakou hoea mau ana aku no kela wahi i na la apau. * ♦.

Ina he pololei na hoike pili kalaiaina, no ke kulana o na moho lunahoomalu o ka papa o na lunakiai o ke kalana o Hawaii, c oiliili mai nei iloko o keia mau la, no ka hooi loa ia ae o ka ikaika holo haloka o ka Lunahoonialu Samuel M. Spenc*r, c koho maoli ia ai oia a puka, ma ke koho baloka wae moho; alaila, he keu aku a ke kupaianaha o ke kalaiaina; ma kahi la hoi a ka uwahi e hi-o ai, he makole koonei! Nui no ka poe lele moku e make mau mai nei ma na aina mamao iloko o keia mau la, aole no nae ia he kumu, e hooemiia iho ai na manao uilani iloko o na kanaka hookelakda, c noho mana maluna o ka lewa; no ka mea ke hoolala mau ia mai la no na huakai lele iluna o ka lewa mai kekahi wahi a i kekahi. Maikai nae kela, pela wale no 'e hoopauia ae ai na pilikia o ke kaahēle.ana ma keia mua aku iluna o ka lewa. : Hoike nial la kekahi o na makai • kuhiiina 1 kona manao ia makou iloko o na la aku la i hala, ina he hooko pono, ka oihaaa makai \ na hana i hookauia aku maluna o kela ame keia

makai, e na kanawai o ka aina, alaila e hapa loa mai ana ka lawelaweia, o ka hana piliwaiwai ma keia kulanakauhale; ina o keia iho Ia ka mea oiaio; alaila ua loaa aku ka ike i kela niakai, no ka meahuna pili i ke kumu lanakila o kela hana hakihaki kanawai. Hookahi hana' hoopihoihoi noonoo i koe e hookokoke mau mai nei i kela ame keia la, o ia no ke koho baloka, o na luna oihana o na Kalana o kakou, iloko o keia mahina ae. Nana mai no e na mana koho baloka a na kanaka a oukou i ike maoli ai no i ke kupono, i kauwa na ka lehulehu, makepono ka haawi ana aku i na baloka ia lakou, no ka mea, me na kanaka kupono ma na poo o na oihana like ole, e lawelaweia auanei na hana o ka lehuleliu, me ka pololei ame ke kulike.