| | KA REV. H. H. PALEKA. Ma ka auwina la o ka Poakolu o ka pule aku la i hala, i
pauaho mai ai ka Rev. H. H. Paleka, ka mea i noho kahu no
ka ekalesia o Kawaiahao, no na makahiki he kanalima-kuma-
maha, i ke kanaiwa-kumamakolu a oi o kona mau makahiki
o ke ola ana.
Kakaikahi loa na kahunapule i noho kahu no na ekalesia
Hawaii, iloko o na makahiki loihi, elike me ka Rev. H. H. Pa-
leka.
Ma ke ano, ua ulu pu ae oia me na Hawaii iloko o kona
Inau la kamalii, ua hoonaauaoia ma Hawaii nei, maloko o na
kula o na la i hala; ua launa nui aku me na Hawaii, ma ka
hoolala ana i na hana apau e pono ai ke aupuni o ke Akua ma
ka honua nei; ua hiki no ia kakou ke olelo ae, me he mea la,
aia mau no kona noonoo ana no na Hawaii ahiki i kona hia-
moe ana aku la.
No na makahiki he kanalima a oi, kona noho kahu ana no
ka ekalesia o Kawaiahao, e hoike ana i ka olelo a ke Akua,
ma ka olelo Hawaii, me ka makaukau; o na hoahanau kahi-
ko o kela ekalesia e ola nei i keia manawa, aole e hiki ia la-
kou ke hoopoina, i na hoomanao ana nona; a e loheia ana no
ko lakou olelo iloko o keia mau la; no ka oi aku o ke kulana
o ka ekalesia i kona wa e noho kahu ana.
Iloko o kela mau makahiki loihi o ka noho kahu ana o ka
Rev. H. H. Paleka no ka ekalesia o Kawaiahao, he mau ma-
kahiki ia i hoohalaia eia, aole wale no ma ka hooikaika ana e
hoomahuahuaia ae ka pono Kristiano iloko o na hoahanau o
ka ekalesia; aka e loaa ka noho aloha me ke kuikahi ana ma-
waena ona ame na hoahanau; a o ka mea oi loa aku, e maka'u
na kanaka i ke Akua.
Aole wale no ma kona ano kahunapule, i alakai aku ai oia
i na kanaka, ma na alahele o ka pono ame ka pololei o keia
ola honua ana, aka ua hoikeike aku oia ma na ano he nui, i
na mea kupono a na kanaka Hawaii e hana ai, iaia i lilo ai i
lunahooponopono no keia nupepa no kekahi mau makahiki.
O ka Rev . H. H. Paleka kekahi meapaahana a ke Akua, no
ka hoolaha ana aku i ka pono o ka euanelio ma Hawaii nei;
a elike me na kanaka apau i hiamoe aku, mahope o ka lakou
mau hooikaika ana, no ka pono, ka pomaikai ame ka holomua
o ko lakou mau hoa-kanaka; ka paakiki o ka hiki ana ke hoo-
poina ia lakou, pela no auanei e hiki ole ai i ka poe i kamaaina
iaia, a i ike i ke ano o kana mau hana, ke hoopoina i na hoo-
manao ana nona.
NA KOKUA NO NA HANA MANAWALEA Ua hoea hou mai i ka wa e kaheaia mai ai na makaainana
apau o keia teritore, e haawi mai i na kokua manawale'a, no
na home lehulehu, i kaa aku ai maluna o na makaainana, ke
ko'iko'i o ka malama ana i ka poe e noho ana maloko olaila.
E lilo ana na la mai ka la 24 aku a ka la 29 o Okatoba ae
nei. i manawa, no ka lehulehu o na makaainana, e haawi ae
ai i ka lakou mau kokua manawalea. O ka huina nui o na
dala i makemakeia no keia makahiki, aia ma kahi o ka $450,-
000, ua oi ae keia huina kokua, i ko ka makahiki aku nei i
hala, no ke kumu, he eha hou mau home, i kaa aku ke kokua
ana malalo o keia waihona manawalea.
Pehea ka uuku ame ka nui o na kokua e haawiia ana no
keia hana, hookahi mea ano nui, e haawiia aku ana na kokua
ana i ka poe iloko o ka noho pilikia ana, o na lahui like ole;
a ma kekahi olelo ana ae hoi, ua ili mai ke ko'iko'i o ka hana
ana aku i na mea e hauoli ai, a e pono ai kela poe maluna o
kakou, ka poe e noho nei me ka lanakila ame ka pilikia ole. KA NINAU PILI I NA OPALA. O kekahi o na kumuhana i lilo i ninau nui a ko'iko'i na
ka papa lunakiai kulanakauhale e noonoo ai, o ia no ke ala-
hele maalahi, e hoopau aku ai i na opala o keia kulanakauhale,
no keia kumuhana, i hoamanaia aku ai kekahi o na enekinia o
ke aupuni, e holo no Amerika, e huli pono aku ai i ke ano o
ka hoopau ana o kekahi mau kulanakauhale, i na opala.
I ka nana aku, he hana hoemi lilo, me ka nui ole mai o na
hoopilikia ana ka lawe ana i na opala ame na kini i ka mo-
ana e kiola ai, elike me ka manao hoakaka o ka Lunakiai Pa-
checo. O na mea kaumaha. e laa na kini. na omole, e piholo
ana lakou iloko o ka moana, aka no na opala, e lana ana lakou
iluna o ka ilikai, a e puhiia ana e ka makani, ahiki i ka pae
ana iuka o ka aina, ma keia ano iho la, e lilo ana na opala ki-
olaia i ka moana, i mau mea hoopilikia mai, ma kekahi mau
wahi.
E hoopau ke puhi ana i na opala ma ke alanui Ala Moana
e pono ai, no ka mea, o ka uwahi e hoopiha mau ana i ka lewa
i ke ao ame ka po; he mau mea maikai ole kela i na malihini
e komo mai nei ma ko kakou kulanakauhale, a i makemake
kakou i na mea apau e mahaloia ai keia kulanakauhale, alaila
e hookaawale loa, i na mea a kakou i makemake ole ai, e lilo
i kiko eleele e hapala ana i ko kakou aina nani. Aole i hoi nele ka leo uwalo o na ma'i o Kalaupapa, no ka
hoomau hou o ka Lunanui Cooke i ka noho ana he makua no
lakou, no ka mea ua hoopau loa o Mr. Cooke, i kela manao
ona, e waiho aku i ka noho limanui ana no ke kahua ma'i ma
Kalaupapa. Ke mahalo nui nei keia pepa i ka manao kilakila
iloko o Mr. Cooke, iaia i hoakaka ae ai i kona manao maoli;
o ia hoi, aole no ka uku a no kekahi mea e ae paha ke kumu
o kona manao ana e noho limanui no ke kahua ma'i, aka ina,
ua hoohauoliia aku ka manao o na ma'i, a ua hooluoluia aku
ko lakou noho ana, mamuli o kana mau hana, alaila ua uku
pono ia mai oia ka mea i oi aku mamua o ke dala ame ka wai-
wai. Me na heihei waapa e malamaia ana maloko ae nei o ke awa, ina ka Poaono e hoea mai ana, e komo hou aku ana ko ke kulanakaahale nei, iloko o na hoohauoli ana, me na manao hookelakela, no na hui heihei waapa e aha'i ana i na lanakila o na heihei ma kela la. I wahi nae e loaa ai ka hauoli i kekahi poe no kela mau lanakila, he mea pono, e haule ka aoao o kekahi poe, a e kau aku ke kaumaha maluna o lakou; nolaila aia no ka hauoli ame ke kaumaha pu ke ukali la, ma na heihei o keia Poaono, elike no me ke ano mau o na hana hookuku apau, no ka lanakila. | Nuhou
Kuwaho WAKINEKONA, Sept. 7— He huakai no kekahi poe imi i hoolakoia mai e ke kula nui Shithsonian ke hoouna koke ia aku ana mai Nu Ioka aku no ka hele ana a huli maloko o ka apana aina e pili ana i ka Muliwai Orinoco ma Amerika Hema no Paul Redfern, ke kanaka i nalowale ai ma kana lele ana ma ka lewa mal Brunswick, Georgia aku no Berazila. HAVANA. Sept. 7— Ua hooholo na luna aupuni kiekie ame ka Peresi-dena Machado e noi aku i ka ahaolelo lahui e hooholo mai i kanawai e kaupalena ana i ke kopaa o Kuba a i kekahi heluna nui e hooholoia ana mahope aku o ka huli pono ana i ke kulana ame ke ano o na makeke. NU IOKA, Sept. 7 — Ua hoolimalima ia o Robert Wilson kekahi hoa o ka hui loio o ke alanui Wall e ke aupuni o Mekiko i loio no ke kupale ana i na kanaka eono i hopuia ai ma ke ano hoohuoi iloko o ka manawa o ka hoopa-huia ana o na hale aupuni ma Burukelina. Eha o kela poe i hopuia ai he mau kanaka Mekiko a i ka wa a Wilson i hiki mai ai i ka Repubalika nei o Mekiko no ka hookolokolo ana ia lakou i kela la i hoolimalimaia aku ai oia no ke kupale pu ana i na kanaka e ae elua a e kupale oia i na kanaka apau eono. NU. IOKOA, Sept. 7— Ma ka Poakahi i hoopa-huia al na hale aupuni mawaena o ka hale hookolokolo o ka aha kiekie ame ka hale hana. Ua pau loa na puka anlanl o na hale e ae o ke kuea e hoopuni mal ana ia mau hale i ka nahaha a he puka nui hamama hoi ma kahi o ke alanui helewawae mamua aku o ka hale hookolokolo. DETROIT, Mich., Sept. 10— Ma ka hora 4 ponoi o kela auwina la i ki ae ai o Edsel Ford i ka poka mua a ia wa i lele ae ai ka baluna Sepania i hookomoia mai ai "Ka Hispania" i ka lewa no ka heihei ana no ka makana a Gordon Bennett. He umi-kumamaha mau baluna e ae i lele ae i ka lewa he elima minuke ke kowa o ka lele ana ae a kekahi mahope o kekahi, mahope iho o ko ka Major Molassand Maldonado lele ana ae a kau i ka lewa. No kekahi manawa ka lele pohai ana ae a na baluna i ka lewa ahiki i ko lakou laweia ana aku e ka makani no ka hikina-akau. Ua manaoia ma kekahi wahi o ka apana aina o Quebec, ma Kanada, a i ole ma Nova Scotia paha ko lakou pahuhopu. GENEVA, Sept. 12— He makana o $2,000,000 ka i haawiia ae e John D. Rockfeller Jr., i ka Ahahui a na Lahui, o keia ka mea hou i hoikeia ae i kela la e ka Peresidena Guani o ka ahahui. Ma ka haawi ana ae a ka moi o ka aila i kela makana ua hoakakaia e hoohanaia aku ia dala no ke kukulu ana i hale hoahu buke me ka hoolakoia o la hale a ka ahahui i na buke. Ma ka akoakoa ana a ka ahahui i kela la i aponoia ai ka makana a Rock-feller, me ka hoakaka ana i na manao mahalo a hoomaikai no kona lokomaikai. WAKINEKONA. Sept. 10 — O ke kaua mawaena o ka poe kuai waiona ame na makai hookapu waiona o ke aupuni ua hoohua mai i ka make ana o 200 mau kanaka mai ka manawa mal o ke kanawai hookapu waiona i hooholoia ai, elike me ka hoike papahelu a ke keena waiwai. He kanalima-kumamaha mau akena hookapu waiona i pepehiia a make iloko o ka wa o ka nakaka ana me ka poe hana a kuai waiona, a ku-e kanawai waiona. Eono mau makai kiai ma na kapa kahakai i pepehiia a make e ka poe hoopae malu i ka waiona, a he hookahi haneri poe e ae e na mokukaua a ke aupuni na lakou e hopu i na moku hoopae malu mai i ka waiona i make i ke ahi, piholo i ka hohonu o ka moana mamuli o ka hoopa-huia ana o na moku Iliili e hahai a e hakaka aku ana me ka poe hakihaki kanawai. Ia manawa hookahi, 125 poe ku-e kanawai waiona i make i na akena o ke aupuni. Ma kela ame kela hakaka ana ua ikeia ko na kanaka o ke aupuni kupale ana no lakou iho. Aohe moolelo i malamaia maloko o ke keena waiwai no ka heluna o ka poe i eha ma ke kaua ana no ka hooko, ana aku i ke kanawai, aka nae, ma ke kono wale a na luna aupuni he mau kaukani lehulehu ka poe i eha ma ka manawa o ka hooko ana i ke kanawai. | PAA KEKAHI MEA I MANAOIA HE
KINO KANAKA I KA MAKAU. Oiai e lawai'a ana ma na kapakai o Waimanalo ae nei, ma ke ahiahi o ka Poaha aku nei i hala, i paa mai ai i ka makau he lakeke. i maa l ke komoia e na kanaka lelemoku, ia Manuel De Mello ame Manuel Gomes, me ke koho wale ia, no kekahi o na kanaka lele-moku, o na mokulele i poino ma ka heihei o na mokulele no ke alualu ana i na makana a James D. Dole i haawi ai mamua aku nei. Ua hele aku kela mau kanaka i ka lawai'a ma Waimanalo ae nei, oiai e lawai'a ana, ua paa mal la kekahi mea, i ka makau a Manuel De Mello, a hoomaka mai la oia e huki, a i ke kokoke ana mal iaia, ua ike aku la oia me ka maopopo loa, me he kino la no kekahi mea, i paa iloko o ke kaliki. aole he poo a aole no he mau wawae. No ke okaikai loa ma kela manawa, ua hemo hou aku la kela kaliki mai ka makau aku, a oiai o Manuel Gomes e ku ana ma kahi kiekie, oia pu kekahi i ike mai, i ka lakeke i ka paialewaia e ke kai. No ka elua o ka manawa ua hoao kela mau kanaka e kihele hou i ka lakeke me ka makau, a mahope o na hooikaika ana, i lou hou ai ua lakeke nei, eia nae, no ka ikaika no o ke kai, ua hemo mai ka makau aku. Ma ka Poalima mai, ua hoomau no kela mau kanaka, i ka huli ana i ka lakeke i paa ai ia laua i ka makau me ka hui pu ana aku o kekahi poe hou ae ekolu me laua, aole nae he mea i paa hou ia lakou, koe wale no ka loaa ana aku o kekahi apana o ka a-i o kekahi lakeke, i pae ae iuka o ka aekai. Ua manaoia, i kinohi, he hapa kela no kekahi kukini i laweia e na kanaka lawai'a no kahakai; ua laweia mai nae kela apana o ka lakeke no Honolulu nei, a i ka manawa i ike ai o Kapena M. B. McComb, aoole oia i hoohakalia iho i ka hoakaka ana ae i kona manao, o kela no ka hapa o ka lakeke, i maa i ke komoia e na kanaka lele-moku. Ua hoakaka pu ae oia, aole kela he apana kahiko, aka he mea hou loa, a ua kaawale hoi, mai ke kino holookoa aku o ka lakeke. EKOLU KAUKANI DALA KOIPOHO I AEIA E KE KIRE Mahope iho o ka hoolohe ana i ka hoopii koipiho a Pena Taba, o Lihue, Kauai, e ku-e ana i ke Kauai Modern Bakery, no ka make ana o kana keikikane uuku o ewalu makahiki i ke kaa kalaka o ka hui puhipalaoa i hoopuka mai ai na kiure o ka aha hookolokolo a ka Lunakanawai Kaapuni Cristy, i ka lakou olelo hooholo, e haawi ana i ka pono ma ka aoao o ka mea hoopii, me ka hoemiia ana mai nae o ka huina dala o ke koipoho, He iwakalua-kumamalima kaukani dala, ke koipoho, a Pena Taba i hookomo ae ai iloko o ka aha hookolokolo, no kela make ana o kana keiki, a e koi ana no ka ukuia aku o kela huina dala ae la e M. R. Jar-dine. J. C. Jerves ame Frank Medeiros na ona o ka hale puhi palaoa, ame Louis Robello, ka mea nana e hookele ana i ke kaa kalaka. He hookahi hora a oi o ka noonoo ana o ke kiure i ka lakou olelo hooholo, mamua o ka lokahi ana, elike ae la me ia maluna. He mau keiki Kepani liilii, no laua na makahiki pakahi he elima ame ka eono, na hoike ma ka aoao o ka mea hoopii, wahi a kela mau keiki, e hoao ana ka ke keiki uuku i make ai, e holo, i ole ai ola e hooku'iia aku e ke kaa kalaka, ma ka manawa o ka loaa ana i ka poino. Ma ka aoao hoi a ke kiakaa o ke kaa kalaka, o kana hoakaka imua o ka aha, o kela keiki ka i holo ae mamua o kahi a kona kaa e holo aku ana. pela i loaa ai i ka poino. Ma ka po o ka Poakolu o ka pule aku la i hala, ka hoopuka ana ae o na kiure i ka lakou olelo hooholo, e haawi ana he ekolu kaukani dala ke poho e ukuia aku ia Pena Taba O Fred Patterson ka lolo ma ka aoao o ka mea hoopii, a o Philip L. Rice hoi ka loio ma ka aoao o ka poe i hoopiiia. PIHOLO ILOKO O KE KAI A MAKE MA HILO. Ma ka Poaha o ka pule aku la i hala i kulike ai me kekahi meahou o ka loaa ana mai i keia kulanakauhale, ma ka Poalima ae, i piholo ai o William Eleneki, he lunanana no ke Alanui o ka Luapele. e hanaia mai nei malalo o ka aelike, oiai oia e au ana maloko o ke kai mawaho pono mai o ka hale o ke Club Seaside. E lawai'a ana ka o William Eleneki ma ke kakahiaka o kela Poaha, me ka upena kiloi; alaila hoomaka aku la pia e au iloko o ke kai, me ke kau no o kana upena iluna o ke kua, me ka paa no hoi o na kamaa ma kona mau wawae. Ma ka manao wale ia, hookahi kumu o kona piholo ana iloko o ke kai, mamuli no la o ka hihia ana i ka upepa. Ua loaa nae oia mahope mai, a ua lawelaweia na hana | Nuhou
Kuloko He mau heihei waapa ke malama-
ia ana maloko o ae nei o ke awa,
ma Keia Poaono iho, me ka nui o na
hui hoehoe waapa e komo ana ma
na heihei like ole o kela la. Ma ka noho ana ae o ka halawai a ka papa ola ma ka Poakahi iho nei i hooholoia ai, o na ma'i apau mauka ae nei o Kalihi, e hoao ana e lele maluna o ka pa, ma ke ano holo mahuka, no lakou na makahiki i emi iho malalo o ka umikumamaono, e hoopaaia aku ana lakou maloko o kekahi mau rumi, e kukuluia aku ana ma keia mua aku. Ma ka Poalima aku nei i hala, i hoomanao ae al o Mrs. R. Lishman, no ka piha ana iaia o na makahiki he kanaiwa-kumamaha, me ka hoea ana ae o na ohana ame na hoaloha lehulehu e ike iaia me ka haawi ana ae i ko lakou hoomaikai, no ka loaa ana laia o kela mau makahiki lehulehu, mamuli o ka lokomaikai o ke Akua. Mamuli paha o ka ike ana, he oi ae ka pono o ka hoi ana e nana i ka hoopa'i i kaula mal maluna o laua, i unuhi hou ai o Alec Kovoloff ame Edward Kekoa i ka laua hoopii hoohalahala ma ka Poakahi iho nei, he iwakalua la hoopaahao ka hoopa'i o kekahi, a he iwakalua aala hoi ka hoopa'i o kekahi. Ua loaa mal nei ka haina pololei o ka nane a ke keiki o na Kona, o ia hoi ka i'a pili mau me ke kanaka. He elua mau mea i kulike loa ka laua haina, a kela pule ae e hoopukaia aku ai. Ma ka Poalua nei i hooloheia al
ka hihia pepehikanaka o kekahi Pi-
lipino o Rastor Ranara ka inoa, no
kona hou ana l ka pahi ia Joseph
Kainui a make ma ka la 21 o Au-
gate aku nei i hala, ma kekahi aha
piliwaiwai. Oiai e halihali ana i kekahi mau galani okolehao ekolu maluna o ke kaa otomobile, i paa ae ai he hookahi wahine Kepani, he hookahi koa ame hookahi Kepani kane i ka hopuia e ka Kope Ilamuku Thomas Clark ame kekahi makai koa ma ka Poaono aku nei i hala, oiai e holo mai ana kela kaa no Leilehua mai Waialua mal. Ma ka Poakahi iho nei, i hala aku
ai ke Kahukula Nui Will C. Crawford
no Maui, no ka nana ana i na kula
ma kela mokupuni. He apana o ke kaliki o na kanaka lele-moku, ka i loaa hou aku ma kapakai o Waimanalo. ma ka Poaono iho nei la E. A. Ross, i kulike loa na ano me ka apana o ka loaa ana ia Mello ame Gomes ma ka Poaha aku, ma Waimanalo no. Elike me ka maa i na makahiki aku nei i hala, e haawi ae ana na limahana o ka oihana leka o Honolulu nei, he paina hoohauoli ma Kuliouou ma kela Poaono iho, Sept. 17. Ua nee ae nei na keena kuai aina o Paulo Kalauka (P. E. R. Strauch), maloko o na keena oihana o ka Henry Waterhouse Trust Co., ma ke kihi ewa makai o na alanui Papu me Kalepa. No ka piha loa o na kolamu o ka
nupepa i keia pule. i hoopaneeia ai
ka hoopuka ana aku i kekahi mau
palapala a na makamaka, a no kela
pule ae. No na hana hookipa i ka mokuahi Malolo, ke hoea mai iloko o ka mahina ae nei o Novemaba, o ke Kamaliiwahine Kawananakoa ka i hookohuia i poo ma kela hana hookipa i ka mokuahi hou. Ma ke Sabati iho nei i hoomanao ae al o Mrs. Elizabeth Kekaaniau Pratt, o ka lalani pololei o Keoua, ka makuakane o Kamehameha I, no ka piha ana lala o na makahiki he kanaiwa-kumamakolu. Oiai e nanea ana i ka hana maloko
o ka paka ma Hauula, ma ka Poa-
kahi, ka la o na limahana i haule
aku al a nalowale he hookahi haneri
me eono dala ma ka bila mai ke-
kahi aku o na pakeke o ka lolewa-
wae o Charles Baker, ka mea ma-
lama paka o Hauula, o kahi nae o
ka laki, ua loaa kela mau dala, i
kekahi mau keiki Ulili elua, a noinoi
hou mai Ia laia. O na keiki ia Iana
i loaa al kela mau dala, o Hamilton
Yap, he umikumamakahi makahiki
a o Leopold Tribe, nona na maka-
hiki he umi-kumamalua. apau e hoi hou mal al ke ola i ko-
na kino, me ke poho o na manao-
lana apau. | MAKE HE POKO RIKO NO KA HA-
HAUIA ANA O KONA POO. Ma ka Poalua, o ka pule aku nei i hala, maloko o ka halema'i ma Pala, Maui, i kulike ai me kekahi meahou o ke kakauia ana mal Wailuku, Maui mai i make ai he Poto Riko nona ka inoa o Feliz Monzan, a nona hoi na makahiki he 56. mamuli o ka hahauia ana o kona poo i ka pauku laau, e kekahi Poto Riko okoa aku, o John Garcia ka inoa. I kulike ai me kela meahou, ma ka po o ka Poaono mamua aku, ka hanaia ana o kela hoeha, ma ke Camp ma Haliimaile. He aha hulahula ka ka l hoomakaukauia e John Garcia, a iwaena o ka poe i konoia, o Feliz Monzan kekahi, o kana kaikamahine ame ka hunona wahine i hoea ae ma kela po. I ka hoea ana ka i ka hora umi, manao iho la o Monzan ua lawa kela manawa no kana mau kaikamahine e kaawale ai mai ka hale mai, nolaila hoihoi aku la oia ia laua no ko lakou home a hoi hou mai la no kahi o ka aha hulahula. Ma kela hoea ana aku ka o Monzan a hui me John Garcia ua olelo mal la o Garcia, e hele laua no ka home o kona makuahine, me ka ukali pu ana aku o kekahi Poto Riko okoa aku o Rodriguez ka inoa. I ka hoea ana aku o kela poe Poto Riko ekolu no ka home o Mrs. Garcia, ua koi aku la o Monzan e komo iloko ua ku-e mai la ka o Mrs . Garcia, me ka olelo pu ana mai, ua hiamoe na keiki lilili: ua koi paakiki aku la no ka kela Poto Riko e komo iloko, a ua hoole paakiki loa mai la no hoi o Mrs. Garcia, no kela kumu, i hoopuka okoa aku ai o Monzan i na huaolelo kupono ole; a no kela mau olelo i komo mai ai o John Garcia, ma ka aoao e kupale ana i kona makuahine. Mahope ka o ke kamailioia ana o kekahi mau olelo ikaika mawaena o na Poto Riko, i hele aku ai o Monzan nowaho o ke alanui, a koi mai la ia John Garcia, e hele aku laua ma Kahi akea e hakaka ai. Ua hoole aku la o Garcia aole ona makemake e hakaka, a la wa i olelo aku ai o Monzan, e hele ana oia no ka hale o Garcia, a hoohaunaele aku i ka aha hulahula. Ua hele like aku la kela mau Poto Riko no ka hale o Gacia, me ko laua noke mau no i ke kamailio, a aia no hoi ka ekolu o na Poto Riko, ke ukali aku la mahope o laua, a i ka hoea ana ma kahi o kekahi puu wahie e waiho ana lalau aku la o Garcia i kekahi pauku laau, a hahau mal la ma ke poo o kona hoa no elima a i ole eono paha manawa, o ka hina no ia o Monzan ilalo o ka honua. Mahope o kela hahau ana aku ia Monzan i ka pauku laau, i hele okoa aku ai o John Garcia e haawi iaia iho i ka oihana makai. a ma ka hele ana mal o ka Hope Makai Nui Frank Silva e huli pono l ka mea i hanaia, i loaa mai ai iaia o Monzan, ma kahi kokoke i ka hale o Garcia, a hoihoiia aku kela Poto Riko me ka hikiwawe loa noloko o ka halema'i o Pala: malaila oia kahi i lapaauia ai, me ke kamau o ke ola iloko ona, ahiki i ka make ana ma ka hapalua o ka hora ewalu o ke kakahiaka o ka Poalua mai. Ma ka ike a ke kauka, nana i lapaau i kela Poto Riko i make, ua naha ke poo o kela Poto Riko; no kela kumu, i hopuia ai o Garcia a hoopaaia maloko o ka halepaahao, no ka waihoia aku o kona hihia imua o ke kiure kiekie ke noho mai. IWAKALUA-KUMAMAONO KAUKANI DALA KA LOAA O KA FEA. I kulike ai me ka hoike a Konela
R. M. Schofield, o ka waiho ana ae
imua o Kiaaina W. R. Farrington, ka
lunahoomalu o ke komisina fea; ua
hiki aku ma kahi o ka $26,387.78
ka loaa o ka hoikeike fea ma keia
makahiki.
Ma ka hookuku ana i na loaa o
ka hoikeike fea o keia makahiki, i
ko ka makahiki aku nei i hala, ua
Uke me $1758.31 ka oi ae o na loaa
o kela makahiki; a mahope o ka la-
we ana i na hoolilo apau e koe ana
maloko o ka waihona no ka hoike-
ike fea o kei amakahiki ae, he $14-
308-72.
Ma ka hoomakaukau ana i na ho-
ikeike fea o keia makahiki. he $14 -
308.41 ke koena iloko o ka waihona
malalo o ka hoohana ana a ke ko-
misina fea, a ke huiia me na loaa o
keia makahiki ua Iike ia me $40,-
897.19: a o na hoolilo hoi he $24-
829.4, nolalia o ke koena maloko o
ka waihona no ka hoikeike fea o
keia makahiki ae he $16,067.72.
Wahi a Kiaaina W. R. Farrington,
o ka hoakaka ana ae no na mea e
pili ana i ka hoikeike fea, he mea
pono e malama mau ia i kela ame
keia makahiki, a ina no ka hoo-
moeia o ke alahao kaa uwila, e holo
ai na kaa uwila ahiki i ke kahua
hoikeike aole he kanalua iki, no ka
hooi loa ia aku o na loaa o kela
hana. | |