| | Ma Ke Kauoha (Mai ka aoao 3 mai) Mrs. Kamaile Huddy ............ .... 25.00 Alosius Leysen ....................... 50.00 Henry Berger (pakui) .................. 50.00 eia nae, aole kekahi mea e hoopomaikai ia ana malalo o keia kanawai e ae ia e ohi i ka huina i hoomaopopo ia ma keia kanawai ina ua mea nei e hoopomaikaiia ana e paa ana i kekahi kulana oihana i ukuia e ke Teritore o Hawaii, a i ole e kekahi o kona mau mahele aupuni malalo aku; a eia hou no hoi, o ka uku hoomau o na wahinekanemake, e pau no ia i ko lakou manawa e mare hou ai. O keia mau uku ia ana, ma keia ke hookaawaleia nei ia mailoko mai o na loaa mau e komo ana ileko o ka waihona o ke Teritore. PAUKU 2. E mana keia kanawai mai a mahope aku o ka la 1
o Iulai, 1927. Aponoia i keia la 3 o Mei, M. H. 1927. W. R. FARRINGTON,
Kiaaina o ke Teritore o Hawaii. KANAWAI 268 (Bila Hale Helu 427.) HE KANAWAI E HOOMAOPOPO ANA i KA LOAA Hou ANA MAI
HE AINA Hou E HOONUI AE AI i KE KAHUA o KA FEA TERI-
TORE, A E HOOKAAWALE ANA I HAAWINA DALA NO IA HANA. E Hooholoia e ka Ahaolelo Kaukanawai o ke Teritore o Hawaii: PAUKU 1. Ma keia ke hoomanaia nei a ke kauohaia nei ka
Luna Nui o na Hana Aupuni e kuai aku a lilo mai i kela apana
aina apau e waiho la ma ka aoao mauka o ke kahua o ka Fea
Teritore a e pili pu mai ana no hoi me ia kahua, nona ki ili o
elua haneli me kanahakumamaha tausani, elima haneri kanakolu-
knmamalima (244,535) kapuai kuea, oi aku a emi mai paha, e
noho ona ia nei i keia manawa e ka hui Fair Grounds Land Trust,
i pakui a hoonui ana i ua kahua nei o ka Fea Teritore. PAUKU 2. O ka huina o kanalimakumamaha tausani dala ($54,-000.00) a i ole o ka huina e lawa ai, ma keia ke hookaawaleia nei mailoko mai o na dala apau e waiho ana ma ka waihona o ke Teritore, i hookaawale mua oleia, no ke kuai ana aku a lilo mai i ua aina nei e oleloia nei. PAUKU 3. E mana keia kanawai i kona aponoia ana,
Aponoia i keia la 3 o Mei, M. H. 1927. W. R. FARRINGTON,
Kiaaina o ke Teritore o Hawaii. KANAWAI 269 (Bila Senate Helu 189.) HE KANAWAI E HOOLOLI ANA I KA MOKUNA 143 o NA KANA-
WAI I HOOPONOPONO HOUIA o HAWAII 1925, MA KA PAKUI
ANA I MAU PAUKU Hou HE ELUA ME UA MOKUNA LA, A E
IKEIA o NA PAUKU 2450A AME 2450B, E PILI ANA i KE
KUAI IA AKA MALALO o KEKAHI KAUOHA A KEKAHI AHA
I NA KEA KUMUPAA o KEKAHI HUI. E Hooholoia e ka Ahaolelo Kaukanawai o ke Teritore o Hawaii. PAUKU 1. O ka Mokuna 143 o na Kanawai i Hooponopono
Houia o Hawaii 1925, ma keia ke hoololiia nei ma ka pakui ana
aku me ua mokuna la i elua mau pauku hou, i ikeia na Pauku
2450A ame 2450B, a e heluhelu ana penei:
"Pauku 2450A. O kekahi mahele iloko o kekahi hui i noho
ema ia e kekahi kanaka i hoopiiia, ua hiki no ke hoopaaia malalo
o ka olelo hooholo a kekahi aha o ke Teritore o Hawaii, ma ka
hoikeia ana aku i ka Peresidena, kakauolelo, puuku, a i ole o ka
agena hoohana o ua hui nei i ka ike ua kau ia aku ka hoopaa ana
a ka aha maluna o ua mahele nei, ma ka waiho pu ana ae me ua
lana nui nei i kope i hooiaioia o ka olelo hooholo e hoopaa ana
i ua mahele nei. I ka manawa e loaa aku ai o kela palapala i ho-
oiaioia, ua lilo ia i mea nana e papa aku i ka hoolilo hou ia ana aku
o ua mahele nei, a hoololi ia ka inoa maluna o ka buke waiwai
o ua hui nei; a o kekahi hui e ae ana e hana ia keia hana oiai e
kali ia ana no ke kuai ia ana aku o ua mahele nei i hoopaaia. koe
e like me ia e hoomaopopoia nei maloko o keia, e hoopaiia no ia i
ka hoopai e hoomaopopoia nei no ka hoololi wale ana ae i ka
ona o kekahi mahele. O na mahele apau i hoopaaia, e hiki no ka
kuai ia aku e like me na loina kuhikuhi no ka hoolaha ana, ame
ke kuai ana, i hoikeia ma ka Pauku 2447 o na Kanawai i Hoo-
ponopono Houia o Hawaii 1925.
"I kela ame keia manawa mahope iho o ka hoopuka ia ana aku
b ka palapala hoopaa waiwai a mamua iho o ke kuai ia ana aku,
ma kekahi noi i waihoia ae e ka mea hoopii, a i ole e ka luna aupuni
nana i hoopaa ka waiwai. a mamuli no hoi o ka hoike ia ana aku
i ka mea i hoopiiia a i ole i kekahi mea e ae nana e paa ana ua
mahele waiwai nei, e kauoha ae no ka aha i ua mea nei hoopiiia
a i ole i ka mea nana e paa ana i ua mahele nei e waiho mai i ua
mahele nei, a ia manawa e hiki no i ka aha ke kauoha e haawiia
ae ua mahele la i ka luna aupuni hoopaa waiwai no ka hoomakau-
kau ana e hoololi ia aku. Mahope iho o ke kuai ia ana aku, e
haawi aku no ua luna aupuni hoopaa waiwai nei i ua mahele nei
i ka mea i kuai mai, i kakaukuaia eia ma ke ano he agena no ka
mea hoopii ma ke kanawai, a oia kakaukua ana ua lilo no ia i
mea e kaa ai ke kuleana ona no ua mahele nei i ka mea i kuai mai,
a pau ke kuleana o ka mea i hoopiiia, a ua loaa no i ua mea nei i
' kuai mai ke kuleana e koi aku i ka hui e hoololi ae i ke kuleana
ona maluna o na buke waiwai o ua hui nei, a e hoopuka mai i
palapala hookuleana mahele hou e hoike ana oia ka ona o ua
mahele nei; koe nae keia, ina e paa ia ana ua mahele nei e kekahi
mea e aku no kekahi aie, alaila o ua mea nei e paa ana i ua mahele
nei aole oia e koi ia aku e haawi mai i ua mahele nei i ka luna
aupuni hoopaa waiwai. a ina pela ke kulana, alaila, e kuai hoolilo
aku no ua luna aupuni hoopaa waiwai nei i ua mahele nei me ka
hoike pu ana aku e uku mua ia ua aie nei mamua o ka haawi ia
ana mai o ua mahele nei, a ina pela e hanaia ai, alaila e haawi aku
no ua luna aupuni hoopaa waiwai nei i ua mea nei i kuai mai i ua
mahele nei mahope iho o ka uku ana aku i ua aie nei, a e kaa no
ke kuleana piha maluna o ka mea i kuai mai ai, a e pau ke kuleana
o ka mea i hoopiiia no ka aie; a koe hou no keia, ina e ike mao-
popo lea ia ua nalowale a i ole ua hana ino ia kekahi palapala
mahele e kekahi mea i hoopiiia, ua hiki no i ka luna aupuni hoopaa
waiwai ke kuai hoolilo aku i ua mahele nei me ka loaa ole aku o
ka palapala hooia mahele. aka i ka manawa e hooiaia ai ke kuai
ana, e kau aku no ke kuleana piha maluna o ka mea i kuai mai,
a e pau ke kuleana o ka mea i hoopiiia. Ina, mamuli o ke kaa-
wale ana aku o ka mea i hoopiiia no ka aie mai ke Teritore nei
aku a i ole no kekahi kumu e ae. ua hiki ole i ka luna aupuni hoo-
paa waiwai ke kii aku a paa ma kona Uma i ua mahele nei i oleloia
no ka hoolilo ana aku, e haawi aku no oia i ka mea kuai mai i
palapala hooiaio o ia mea, e hoike ana i ke kumu hiki ole iaia ke
haawi aku i ua palapala mahele la, me ka haawi pu ana aku he
palapala hoolilo no ua mahele nei, a na ia mea e hookau aku ma-
luna o ka mea i kuai mai i ke kuleana apau maluna o ua mahele
nei a hoopau i ke kuleana o ka mea i hoopiiia a i ka manawa e
waiho ia aku ai i na luna nui o ka hui ua palapala hooia hoololi ne;
a ua luna aupuni hoopaa waiwai nei, e kuleana no ua mea nei i
kuai mai maluna o ua mahele nei i nalowale a i ole i hanainoia."
"Pauku 2450B. O kela ame keia ona a mea e paa ana i kekahi
mahele i hoopaaia mamuli o kekahi olelo hooholo a kekahi aha e
kuai hoolilo aku, a i ole ma kekahi ano e ae a haawi aku ana i ua
mahele nei me ka ae ole aku o ka mea ana i noho aie ai, a i ole | a ke kauoha paha a ka aha, a i ole, i ka manawa e koi ia aku ai
e ka luna aupuni hoopaa waiwai e haawi mai i ua mahele nei, e
hoole ana i ka haawi ana mai i ua mahele nei, ina aole i hoopaaia
no kekahi aie, e ku no iaia ka hewa mikamina, a i ka hoahewaia
ana no ia hewa, e hoopaiia no ma ka hoopai dala aole e oi aku
maluna o hookahi tausani dala ($1.000.00), a i ole ma ka hoo-
paahao no ka manawa aole e oi aku maluna o hookahi makahiki,
a i ole ma ia mau ano hoopai no a i elua, e like me ka ka aha i
manao ai he pono," PAUKU 2. E mana keia kanawai i kona aponoia ana.
Aponoia i keia k 3 o Mei, M. H. 1927. W. R. FARRINGTON.
Kiaaina o ke Teritore o Hawaii. KANAWAI 270 (Bila Hale Helu 197.)
HE KANAWAI E HOOLOLI ANA I KA MOKUNA 166 o KA KANA-
WAI I HOOPONOPONO HOUIA o HAWAII 1925, MA KA PAKUI ANA AKU ME IA I PAUKU HOU I IKEIA O KA PAUKU 2878A, E PILI ANA I KE KUE KUIKAWA.
E Hooholoia e ka Ahaolelo Kaukanawai o ke Teritore o Hawaii: PAUKU 1. Ma keia ke pakui ia nei he pauku hou me ka Mokuna 166 o na Kanawai i Hooponopono Houia o Hawaii 1925, i ikeia o ka Pauku 2878A, a e heluhelu ana penei: "Pauku 2878A. Kue kuikawa, ahea e hanaia ai, a pehea e hanaia ai. Ma kekahi manawa mamua o ka hookolokolo ana o kekahi kanaka he kuleana kona maloko o ka hihia e ku ana, a i oleia iloko o ka lanakila o kekahi o na aoao o ua hihia nei, a i ole e kue ana paha i kekahi a i ole ia laua no a i elua, ua hiki no iaia ke waiho ae i kue kuikawa ina no ka hihia ma ka aha kaapuni a i ole ia ma ka aha apana. He kue kuikawa ka i hanaia ina kekahi kanaka e ae ia e lilo i mea e komo mai ma ka hihia e ku ana mawaena o kekahi mau mea e aku, ma ka huipu ana aku me ka mea hoopii ma ke koi ana i ka mea e koiia mai ana ma ka palapala hoopii, a i ole ma ka huipu ana me ka mea i hoopiiia ma ke kue ana aku i ke koi a ka mea hoopii, a i ole ma ke koi ana aku i kekahi mea i like ole aku me ke koi a ka mea hoopii ame ke pale a ka mea i hoopiiia, a e waiho ia ae ana ma kekahi palapala hoohalahala, e hoike ana i na kumu o ke kue kuikawa ana, i waiho ia ae me ka ae ana aku o ka aha a i waiho ia aku he mau kope o ia hoohalahala ina mea e lawelawe ana i ua hihia la i hiki ole mai, a mamua o na poe i hiki a i ole o ko lakou mau loio, a na lakou e pane a e waiho ae i pane hoohalahala, a i ole e pale ae ana ma na ano e ae i ua kue kuikawa nei iloko o umi la mai ka waihoia ana aku o ua kue kuikawa nei, a i ole iloko o kanakolu la, ina i kahi e aku kahi i haawiia aku ai ke kope o ka palapala kue kuikawa." PAUKU 2. E mana keia kanawai i kona aponoia ana.
Aponoia i keia la 3 o Mei, M. H. 1927. W. R. FARRINGTON
Kiaaina o ke Teritore o Hawaii KANAWAI 271 (Bila Senate Helu 29.) HE KANAWAI E HOOMAOPOPO ANA I NA HANA Hou o KE
AUPUNI. E Hooholoia e ka Ahaolelo Kaukanawai o ke Teritore o Hawaii: PAUKU 1. O na Kuina malalo iho nei ke hookaawaleia nei ma keia no na hana e hoomaopopo ia nei, mailoko mai o na dala apau e waiho ana maloko o ka waihona o ka lehulehu a i ole e loaa mai ana i ke Teritore ma keia mua aku ma ka waihona aie, a ua hiki no ke hoopukaia na bona aie e like me ke kauoha a ke kanawai no ka huina e lawa kupono ai na huina e hookaawaleia nei: NA HANA HOU O KE TERITORE Na Hana Hou o na Uwapo ame na Awakumoku.
(E hooliloia malalo o ka hooponopono ana a ka Papa Komisina
o na Awakumoku.) 1. Uwapo ame na hooponopono hou ana o ke awa,
Awa o Honolulu, me na awa o Kapalama ame"
Kewalo, kuai ana i ka aina ame na kuleana e
ae, ame ka hoopii ana no ke kuai ma ke kana-
wai i mea e pono ai ...................... $ 350,000.00
2. Hooponopono hou ana i na uwapo ame ke awa
kumoku o Kahului, Uwapo Helu 2 ......... 150,000.00
3. Hooponopono hou ana i na uwapo ame ke awa
kumoku o Kahului, Uwapo Helu 1 ......... 200,000.00
4. Halii hou ana i ke alanui e holo la i ka Uwapo
Kuhio, Hilo ............................. 25,000.00
5 Na hooponopono ana i ka uwapo ame ke kahua
o ka uwapo ma Nawiliwili ................ 250,000.00
6. Uwapo, ka hele na aku ame ke kahua uwapo ma
Hoopuloa a i ole wahi kokoke mai ......... 20,000.00 Na Hale Hou ame na Hooponopono Hou ana.
(E hoohanaia malalo o ka hooponopono ana a ke Keena
o na Hana Aupuni.) 7. Kukulu ana i na uwapo paa, Alanui Kalakaua ame Ala Moana, Honolulu ................ $ 100,000.00 8. Hale Pupule o ke Teritore ma Kaneohe, me na lako .................................. 500,000.00 9. Hale Malama Buke o Hawaii, hale ame na lako 300,000.00 10. Hale Malama Buke Kalana o Maui, ma Wailuku, hale ame na lako .................... 75,000.00 11. Male Malama Buke o Hilo, hale ame na lako . . . 25,000.00 12. Kula Hoopololei o na Kaikamahine, na hale, kahua ame na lako ............... ....... 250,000.00 13. Hoopau loa ana i ke alanui ma ke kae o Kahawai o Waimea ........................... 175,000.00 (E hooliloia malalo o ka hooponopono ana a
ke Kula Nui o Hawaii,) 14. Ekolu hale a'o enekinia ..................... $ 60,000.00 15. Hale a'o i ka ike o na mea ulu, na holoholona ame na mea pili kino kanaka ......... . ..... 150,000.00 16. Hale Hooikaika Kino ame na lako ........... 50,000.00 (E hooliloia malalo o ka hooponopono ana a ke Komisina o ua Home Hawaii, a na ia Komisina e uku, mailoko mai o ka waihona aie o ua Komisina la, iloko o ka waihona o ke Teritore, i ka huina e lawa ai ka ukupanee ame ka huina hoihoi aie maluna o na bona e hoopukaia ana no keia itamu malalo iho nei, e like me ke koi a ka Pauku 220 o ke Kanawai Komisina o na Home Hawaii o 1920). 17. Oihana wai o Hoolehua-Palaau ...... . . . . 50,000.00 PAUKU 2. O na huina malalo iho nei ma keia ke hookaawaleia nei no na hana malalo iho, mailoko mai o na dala apau e waiho ana maloko o ka waihona i keia manawa a i ole e loaa mai ana i ka Puuku ma keia mua aku mamuli o ka hoopuka ia ana aku o na bona aie, a e hiki no ke hoopukaia na bona aie e like me ke kauoha a ke kanawai no na huina e Iawa ai na huina ma keia e hookaawaleia nei; eia nae, o na huina e hoomaopopoia nei ma na itamu 18 a ka 54, a huipu me ia helu hope, koe na huina o na itamu 19, 21 ame 46, e kaa ana lakou malalo o ka hoohana ana | a ka Enekinia o na Alanui Kaapuni Teritore, e hoohanaia no lakou e na Papa Lunakiai o kela ame keia Kalana a Kulanakauhale ame Kalana, mamuli o na palapala kii ame na kuhikuhi ana i hoomakaukauia e ka enekinia o ua kalana a kulanakauhale ame kalana a, me na kuhikuhi a ka Pauku 4 o keia kanawai Kukulu ana, hoomoe hou ana, hooponopono hou ana i na alanui ame na uwapo alanui; na oihana lawe ino; na oihana wai; na laina paipu ame ko akou hooloihiia ana; hooki'o wai ana; na haukipila ame na lako; kahua kinipopo laau; hooponopono aina poho ana. OAHU: 18. kukulu ana i Hale Aupuni Kulanakauhale, Honolulu ................................. $ 750,000.00 Eia nae, i ka manawa e loaa ai a e hookaawaleia ai ka huina o $250,000.00. e hiki no i ka Papa Lunakiai ke kalahea i aelike no ke kukuluia ana o ka Hale Aupuni holookoa, ma ke kumukuai aole e oi aku maluna o $750,000.00, me ka nana ole ana ae i na koi a na Pauku 1479 ame 2178 o na Kanawai i Hooponopono Houia o Hawaii 1925, a aole kekahi lala o ka Papa Lunakiai o ke Kulanakauhale ame Kalana o Honolulu e hoopaiia malalo o ka Pauku 2178 o ua mau Kanawai nei i Hooponopono Houia, no kekahi hana i hanaia e ia, a i ole e ua Papa Lunakiai uei i oleloia e kue ana i ua pauku nei i oleloia mamuli o ka hooliloia ana o ka huina e hookaawaleia nei maluna ae. 19, No ka hoopau ana aku i ke Alaloa Kamehameha, mai ka lae aku o Kualoa a hiki i Waiahole . . . 100,000.00 20. Kuai aina ame ke kukulu hale hookolokolo a paahao ma Wahiawa ...................... 10,000.00 21. Alaloa Kamehameha ame na uwapo alanui . . . . 325,000.00 22. Oihana wai o Lualualei ......... . ........... 25,000.00 23. Oihana wai o na home hookuonoono ma Aiea. . 25,000.00 24. Kuai ana i aina e lawa ai, ma Palolo, Apana o Honolulu, ina no ma ka hoopii kanawai ana a i ole ma kekahi ano e ae e loaa mai ai, i wahi kahua paani kinipopo laau no ka lehulehu, a no na lilo o ka hana ana i kahua paani popo laau malaila o 18 lua hoinaina popo. . 75,000.00 Eia nae, o na aina aupuni apau ma ke awawa o Palolo e lawa kupono ai ua kahua paani nei, e hoihoiia aku no ia i ke Kulanakauhale ame Kalana o Honolulu e ke Kiaaina e like me ke kuhikuhi a ke Kanawai Ogana, a ma keia ke kauoha a ke koiia nei ke Kiaaina e hana i na hana apau e pono ai keia koi malalo o keia kanawai. 25. Oihana wai o na home hookuonoono o HalekouKaneohe .............................. 20,000.00 Eia nae, o ka aelike no keia, e koi aku no ia, e
hookomo pu ia maloko olaila e hoopiha ia he
aina aupuni aole e emi iho malalo o kanaono-
kumamalima eka aina makai o Ala Moana, e
hoopihaia a iliwai no ke kumukuai aole e oi
aku maluna o elua haneri tausani dala ($200,-
000.00), e holo ana ua aina nei e oleloia nei
mai kekahi wahi e kokoke la i ke Alawai Oki
o Waikiki a e holo ana a hiki aku i kekahi
wahi kokoke i ke awa o Kewalo, e like me ia e
kuhikuhiia ai e ka Papa Komisina o na Awa
Kumoku; koe nae keia, mamua o ka hoopaaia
ana aku o kekahi aelike, e ka aina e hoopihaia
ana ame ka aina aupuni makai o ke Alanui
Ala Moana, e hooliloia aku no ia i ke Ku-
lanakauhale ame Kalana o Honolulu, e like
me ke kuhikuhi a ke Kanawai Ogana a i ole o
kekahi kanawai e ae a ka Ahaolelo o Amerika
Huipuia e hana ai, a ke kauohaia nei ke Kia-
aina o ke Teritore a ke hoomanaia nei oia e
lawelawe i na hana apau e holomua ai keia
hoolilo aina. HAWAII: 28. Na laina paipu ame ko lakou hooloihiia ana, Hilo Hema ................................ $ 100,000.00 29. Oihana wai, Hilo Akau ..................... 10,000.00 30. Oihana wai, Kohala Akau .................. 30,000.00 31. Alanui Holopuni, Awawa o Kaawalii, Hilo Akau 75,000.00 32. Alanui Kukuihaele ........................ 50,000.00 33. Alanui Kuahiwi, Kohala Akau e holo la i Waimea ............. ..................... 100,000.00 34. Alanui Holopuni, Kona Akau e holo la i Kohala Hema ............................. 50,000.00 35. Alanui Holopuni, Kona Hema ............... 50,000.00 36. Alanui Holopuni, Kau ...................... 60,000.00 37. Alanui Keaukaha ..................... 50,000.00 38. Na uwapo puna ame na piina aku ............ 100,000.00 39. Haukupila Hoomanao o Hilo ame ua lako ..... 85,000.00 40. Haukipila o Laupahoehoe ame na lako ........ 30,000.00 MAUI: 41. Oihana wai Kaupakalua-Pauwela ............ $ 20,000.00 42. Wahi hooki'o wai laina paipu o Kula ......... 20,000.00 43. Oihana wai o Ulumalu-Peahi ............... 25,000.00 44. Oihana wai o Wahikuli ..................... 10,000.00 45. Oihana wai o Molokai Hikina ............... 10,000.00 46. Alanui, Paia e holo la i Haiku ................ 100,000.00 47, Alanui ame Uwapo, Kaunakakai e holo la i Hoolehua ............................. 50,000.00 48. Alanui, Lanai ............................. 25,000.00 49. Alanui Holopuni, na uwapo puna ame na piina aku ................................... 30,000.00 KAUAI: 51. Oihana wai, Lihue-Nawiliwili.......... ..... $ 100,000.00 52. Na uwapo puna ................ ............ 75,000.00 53. Hooloihi ana aku i ka oihana wai o Kalaheo. . . 15,000.00 54. Oihana wai o na home hookuonoono o Wailua.. 10,000.00 Ina o ka huina i hoomaopopoia no kekahi itamu ma keia pauku a aole e pau loa i ka hooliloia ana no ua itamu la mamua o ka pau loa ana o ia hana, o ke koena iho e koe ana, mahope iho o ka pau ana o ka hana o ua itamu nei, ua hiki no ke hooliloia aku no ka hana o kekahi itamu e aku maloko o ia kalana a kulanakauhale ame kalana hookahi no, a o ke koena aku e koe ana mahope iho o ka pau loa ana o ka hana o na itamu apau, e hoihoi ia aku no ia iloko o ka waihona o na hana hou oloko o ua kalana a kulanakauhale ame kalana nei. PAUKU 3. E uku ae no kela ame keia kalana a kulanakauhale ame kalana i ke Teritore, i ka la e ukuia ai na ukupanee o na bona aie i hoopukaia aku e ke Teritore, a o na loaa nae ua hooliloia no na hana i hoomaopopoia maloko o na itamu e oleloia nei mai ka 18 a hiki i ke 54, komo pu laua a elua, i ka ukupanee maluna o ke kumupaa i kulike aku me ka waiwai io o ua mau bona nei ma ka pakeneta i hoomaopopoia maloko o ua mau bona aie nei, a pela pu no hoi, e hoomaka ana mai ka la ukupanee elua mahope mai o ia la i na makahiki apau ma ia hope mai, no ka manawa o ke ola ana o ua mau bona aie nei, e uku puia aku i huina aala, a o ua mau huina dala la i uku mau ia i kela ame keia makahiki ke houluuluia ae, a huipuia aku me ka ukupanee maluna o ia waihona i houluulu puia i kela ame keia makahiki ma ka eha pakeneta, e piha aku ka huina waiwai io o ua mau bona aie la, i ka pau ana o ka manawa e piha ai ua mau bona nei; a ke hoomanaia nei a ke kauohia nei ka Luna Hooia o ke Teritore e huki ae mai ka huina o kekahi bila kikoo dala e hoopukaia ana eia i ka puuku o ua kalana a kulanakauhale a kalana la, i ua mau huina Uala nei e koi ia nei ma keia pauku i ka piha ana o ka manawa, e uku ia e ua kalana a kulanakauhale ame kalana nei, a e holo aku no na | likiki no ia mau huina i hukiia ae mawaena o na puuku o ke Teritore ame kela ame keia kalana a kulanakauhale ame kalana pakahi; koe nae keia, o ua kalana a kulanakauhale ame kalana la, ina e makemake kona papa lunakiai e hana pela, e ae ia no e uku ae no ua mau bona aie nei ma ua mau la uku ukupanee nei i huina leleoi, a i ka manawa o na huina apau e ukuia ana mawaho ae o ka ukupanee e hiki aku ai ka huina i ka waiwai io o na bona aie i noho aie ai ua kalana a kulanakauhale ame kalana nei, alaila e pau loa ka noho aie ana o ua kalana a kulanakauhale ame kalana la no ua mau bona aie nei, ke kumupaa ame ka ukupanee. O kela ame keia huina leleoi e uku ia ana e like me ia i hoakakaia ae la, e hookomoia aku no ia ma ka waihona hoihoi aie i hoomaopopoia ma na kanawai a ka Ahaolelo e hoomana ana a e koi ana e hookaawaleia i waihona hoihoi aie no ka uku ana i na bona aie o ke Teritore, e kau la ma na aoao 1942-3-4, Buke II, o na Kanawai i Hooponopono Houia o Hawaii 1925, i hoohui puia aku me na huina e koi ia nei e hoahu ia e ua mau kanawai nei. PAUKU 4. Aole kekahi dala e hooliloia malalo o na itamu 18 a ka 54, i hui puia laua a elua, aia wale no a o ke ano o ka hana ana, na mea e hoohanaia ana, na palapala kii ame na kuhikuhi ana i manaoia no ka hoohana ana aku i ke kukulu ana, hoomoe hou ana a hana hou ana i kekahi mau paipu lawe mea ino, oihana wai, na laina paipu ame ko lakou hooloihiia ana, wahi hooki'o wai, haukipila, hoopiha aina me ka lepo eli awa, kahua kinipopo laau, uwapo a mau uwapo, ame na alanui e manaoia ana e ukuia mailoko mai o na dala i hoomaopopoia maloko o na itamu e oleloia nei, e ike muaia a e apono muaia e ka Luna Nui o na Hana Aupuni. Mamua o ke aponoia ana o ia ano o ka hana ana, na mea e hoohanaia ana. na palapala kii ame na kuhikuhi ana, e hele mua aku ua Luna Nui nei e oleloia nei e makaikai i ka wahi o ka hana e manaoia ana e hanaia, i kamaaina oia i na mea apau e pili ana i ua hana nei e makemakeia nei e hana aku. PAUKU 5. E ikeia keia kanawai o ke Kanawai Waihona Bona
Aie o 1927. PAUKU 6. E mana keia kanawai i kona aponoia ana.
Aponoia i keia la 3 o Mei, M. H. 1927. W. R. FARRINGTON,
Kiaaina o ke Teritore o Hawaii. KANAWAI 272 (Bila Senate Helu 162.) HE KANAWAI E HOOMANA ANA I KA HOOPUKAIA ANA o NA
BONA AIE o NA KALANA A KULANAKAUHALE AME KALANA. Oiai, o na kauoha o na kanawai e ku nei no ka hoopukaia ana aku o na bona aie, mahope o kekahi koho balota ana maloko o ka kalana a kulakauhale ame kalana, aole i akea kupono ma na ano apau e hoolawa ai i na koi o na hana a ka lehulehu, a he mea pono e hana hou ia i mau kanawai hou e holopono ai na hana hou iloko o na kalana ame ke kulanakauhale ame kalana; a Oiai, he mea pono o na aie ana apau ma keia mua aku, ame na bona e hoopukaia aku ana, e hoopukaia me ka hooko pono ia ana o ka manao o ke Kanawai a ka Ahaolelo o Amerika Huipuia i hana ai no ka hooponopono aupuni Teritore ma Hawaii nei, i aponoia ma ka la 30 o Apelila, M. H. 1900, ame na hoololi apau e ku ana ma ka la e hoopukaia ana ua mau bona aie nei, a o ka mana e hoopuka i ua mau bona aie nei e hana ia malalo o kekahi mau kanawai kailike, nolaila, E Hooholoia e ka Ahaolelo Kaukanawai o ke Teritore o Hawaii: PAUKU 1. Ma keia ke hoomanaia nei a ke kauohaia nei ka puuku o kela ame keia kalana a kulanakauhale ame kalana, me ke apono ana mai a ka Papa Lunakiai, e hoopuka i kela ame keia manawa i mau bona aie no ua kalana a kulanakauhale ame kalana la i oleloia, me na hooia ukupanee i hoopili puia aku me ia mau bona aie, a hiki aku i ka huina aole e oi aku maluna o elima pakeneta o ka helu waiwai o na waiwai apau maloko o ua kalana a kulanakauhale ame kalana nei, a aole hoi e oi aku, no ka makahiki hookahi, maluna o hookahi pakeneta o ua helu waiwai la, e ukuia ke kumupaa ame ka ukupanee ma ke dala gula o Amerika Huipuia, a i ole o ka waiwai i like me ia, ma kona a-na waiwai i keia manawa, e like me ia i hoomaopopoia maloko o keia kanawai e hooholoia nei. PAUKU 2. Aole kekahi bona aie o ia ano e hooopukaia, koe wale no a he mau bona i hoopukaia malalo o na kuhikuhi ana a ke kanawai i kapaia "He kanawai e hoomana ana i na mahele aupuni kulanakauhale e hoopuka i mau bona aie no na hana aupuni" Buke II, o na Kanawai i Hooponopono Houia o Hawaii 1925, aoao 1947-1954, koe wale no a malalo o ke Kanawai a ka Ahaolelo e hoomaopopo ana i na hana e hoopukaia ai ua mau bona aie nei, a aia no hoi a aponoia e ka Peresidena. O ia apono ana ma ka aoao o ka Peresidena, he hooia oiaio no ia ua hooko ia na koi apau a ke kanawai a o ua mau bona aie nei aole e hiki ke hoopaapaa a hooleia. PAUKU 3. O na bona aie apau e hoopukaia ana malalo o keia kanawai, e hookauia no ka ukupanee, e ukuia ana i kela ame keia hapa makahiki, ma ka pakeneta aole e oi aku maluna o elima pakeneta o ka makahiki, a e hoomaopopoia ka ukuia ana iloko o iwakalua makahiki a hoopau loa iloko o kanakolu makahiki mai ka la aku o ka hoopukaia ana o ua mau bona aie nei; koe nae keia, o na bona aie i ikeia ma na oihana kalepa a i kapaia o na bona aie kailike, e ae ia nei no hoi kona hoopukaia ana ma keia kanawai, ua hiki he hoopuka ia aku no kekahi manawa i emi mai, a e piha ana ko lakou kumupaa i kela ame keia makahiki mahope aku o ka elima makahiki mai ka la i hoopuka mua ia ai ua mau bona aie nei, a o ka uku kumupaa hope loa ana aole e oi aku maluna o kanakolu makahiki mai ka la i hoopuka mua ia ai ua mau bona nei. PAUKU 4. O na bona apau e hoopukaia ana malalo o ka mana o keia kanawai e hemo no na auhau apau mailaila mai, a o ka uku ana i ke kumupaa ame ka ukupanee, e lilo no ia i koi mua maluna o na waiwai apau maloko o ke kalana a kulanakauhale ame kalana e hoopuka ana i ua mau bona aie nei. PAUKU 5. Ina he kauoha e ae kekahi a ko kanawai, e hoolilo
ia na loaa apau o na bona aie e hoopukaia ana no na mea i hoo-
maopopoia ke kumu o ka hoopukaia ana o ua mau bona aie nei,
e like me ia i hoakakaia ma ke kanawai a ka Ahaolelo i hana ai,
a malalo hoi olaila i hoopukaia ai ua mau bona aie nei. PAUKU 6. Ua hiki no i ka puuku o kela ame keia kalana a kulanakauhale ame kalana, me ke apono pu ana mai a ka Papa Lunakiai, ke kau iho i ka huina nui o ka bona aie hookahi e hoopukaia ana malalo o ka mana o keia kanawai, ame ka wahi e ukuia ai ke kumupaa ame ka ukupanee o ua mau bona aie nei a i ole o kekahi o lakou, ame ke ano o ka ukuia ana. Ua hiki no iaia ke hoomakaukau i ke ano o ke kuai ia ana aku o ua mau bona aie nei, a i ole o kekahi hapa o na bona aie i kauohaia e hoopukaia. Oia hoomakaukau ana e hoomaopopoia no ke kuleana o ke kalana a kulanakauhale ame kalana e kuai hoolilo aku i ua mau bona aie nei, ma ka hoolaha ana ae ma ke akea, aka nae, aole kekahi bona e hoolilo ia aku ma ka huina malalo iho o kona waiwai io piha; a i ole, ua hiki no i ka puuku, me ke apono ana mai a ka Papa Lunakiai, ke ae aku i kekahi koho me Ua hoolaha mua ole aku, ina ua koho nei a aia maluna ae o ke kumukuai hope o na bona i hooliloia mamua koke iho. PAUKU 7. O na bona aie apau e hoopukaia ana malalo o ke kauoha a keia kanawai e hanaia maluna o kekahi papapa'i haokila, a e kakauinoaia e ka puuku o ka kalana a kulanakauhale ame kalana, ame ka Meia ame ka Lunahoomalu o ka Papa Lunakiai, a e kakaukuaia e ka Luna Hooia, a e silaia me ke sila o ke kalana a (E nana ma ka aoao 8) | |