Ka Nupepa Kuokoa, Volume LXVI, Number 36, 15 September 1927 — KA REV. H. H. PALEKA. [ARTICLE]

KA REV. H. H. PALEKA.

Ma ka auwina la o ka Poakolu o ka pule aku la i hala, i £auaho mai ai ka Rev. H. H. Paleka, ka mea i noho kahu no |c& ekalesia o Kawaiahao, no na makahiki he kanalima-kuma-tnaha, i ke kanaiwa-kumamakolu a oi o kona mau makahiki b ke ola ana. i Kakaikahi loa na kahunapule i noho kahu no na ekalesia pawaii, iloko o na makahiki loihi, elike me ka Rev. H. H. Paleka. Ma ke ano, ua ulu pu ae oia me na Hawaii iloko o kona inau la kamalii, ua hoonaauaoia ma Hawaii nei, maloko o na Wula o na la i hala; ua launa nui aku me na Hawaii, ma ka fcoolala ana I na hana apau e pono ai ke aupuni o ke Akua ma |ca. houoa nei; ua hiki no ia kakou ke olelo ae, me he mea la, Hia maa no kona noonoo ana no na Hawaii ahiki i kona hiahioe ana aku la. Xo na makahiki he kanalima a oi, kona noho kahu ana no ka ekalesia o Kawaiahao, e hoike ana i ka olelo a ke Akua, ma ka olelo Hawaii, me ka ipakaukau; o na hoahanau kahi'leo o kela ekalesia e ola nei i keia manawa, aole e hiki ia lakou ke hoopoina, i na hoomanao ana nona; a e loheia ana no ko lakou olelo iloko o keia mau la; no ka oi aku o ke kulana o ka ekalesia i kona wa e noho kahu ana. Iloko o kela mau makahiki loihi o ka noho kahu ana o ka Rev. H. H. Paleka no ka ekalesia o Kawaiahao, he mau makahiki ia i hoohalaia eia, aole wale no ma ka hooikaika ana e heomahuahuaia ae ka pono Kristiano iloko o na hoahanau o ka ekalesia; aka e loaa ka noho aloha me ke kuikahi ana mawaena ona ame na hoahanau: a o ka mea oi loa aku, e maka'u na kanaka i ke Akua. Aole wale no ma kona ano kahunapule, i alakai aku ai oia \ na kanaka, ma na alahele o ka pono ame ka pololei o keia ola honua ana, aka ,ua hoikeike aku oia ma na ano he nui, i na mea kupono a na kanaka Hawaii e hana ai, iaia i lilo ai i lunahooponopono no keia nupepa no kekahi mau makahiki. O ka Rev. H. H. Paleka kekahi meapaahana a ke Akua, no ka hoolaha ana aku i ka pono o ka euapelio ma Hawaii nei; a elike me na kanaka apau i hiamoe aku, mahope o ka lakou mau hooikaika ana, no ka pono, ka pomaikai ame ka holomua o ko lakou mau hoa-kanaka; ka paakiki o ka hiki ana ke hoopoina ia lakou, pela no auanei e hiki ole ai i ka poe i kamaaina iaia, a i ike i ke ano o kana mau hana, ke hoopoina i na hoomanao ana nona.