| | He Moolelo
—No Ka— Lanakila ma o ke Kali Ana MOKUNA XV. I ka manawa ana i ike iho ai o ka manao aloha iloko o kona noonoo no kela ame keia hoahanau ona ua aneane loa e mamao mai iaia aku, kela aloha ana i ike iho ai iloko ona oia kona kiai ame kona ikaika iloko o kona mau la o ke ola ana mamua aku ; ua aneane e mae Ioa a o na manao lokoino ke ulu mau ae ana, na manao alunu a nona wale iho no na pono aole no hai, ulu pu mai Ia me na manao haakei, o na manao koa i hoomanawanui ua loli Ioa, ahe mau ano wale no o ka hoomalae a hoopunipuni iloko ona kana e hoike aku ana i kona mau hoahanau. Hookahi wale no mea hoopakele mai iaia mai ka poino mai, oia na leka a ke kaikunane o ka loaa ana mai iaia i piha me na manao aloha ame ka hilinai piha mai maluna ona e kiai a e makaala loa ana oia iaia iho, aka nae o kana mau haina i makemake ai i ke kaikunane e pane mai aohe i hoakakaia mau maloko o ka Ieka, a ua lilo ia i mea kaumaha a hoohoka iaia. Me keia mau manao maikai nae i loaa mai ke kaikunane mai maloko o kana leka iaia, aole no ia i lilo i mea e hoomamaia ae ai kona kaumaha, no ka mea, e ulu mau ae ana ua hoomanao ana iloko ona; i ka wa o kona papa e ola ana, ua lipiwale, ua lilo oia i mea nuku mau ia mai e na hoahanau piliwale, ua jlijljo oia i mea nuku mau ia mai e na hoahanau 0-.a, No keia pilikia i loaa mau iaia, ua emi mau mai ka hoihoi, ame ka ikaika o kona kino i like ole me ko na manawa maloa ia; i nei manawa nae ua like oia me kekahi kaikamahine mua aku, aka hookahi mea nui loa iloko o kona noonoo oia no ke aloha i ke kaikunane, a e ulu mau ana ka makemake iloko ona e hoi hou a noho me ia me ko laua kulana ilihune loa no ia manawa, a malia, o hoea mai he au e loaa ai na pomaikai, o ke kaawale aku no ia o na mea hoopilihua noonoo apau. MOKUNA XVI. Ia Eseparana e alo ana i keia mau haawina inea a hookaumaha noonoo a pau ana i ike iho la maloko o ka home Rikekeka aia hoi o Gasepa ke ola mai la maloko o ke kukalakauhale nui o Ladana me na hoao lehulehu, aole nae ma ke ano i like me ka Eseparana e ike nei nona iho, aka, ma kekahi ano okoa ae. Ua hoololiia laua ma ke ano kupanaha Ioa, no Eseparana iho, i ka nana aku, ua nui ka pilikia i loaa iaia, no Gasepa hoi o kona pilikia o ia no ka loaa ole o kana hana kupono ; o kekahi pilikia nui ona oia kona ake a ka hana nui o ke dala, he manao alunu a puniwaiwai, he ake oia e nui koke mai ke dala a i ole ka waiwai i ka manawa pokole. O kekahi pilikia nui no keia o kanaka o ke ake e nui koke ka pomaikai i ka manawa hookahi, aole ka hoomanawanui a me na hunahuna liilii e ulu ai ahiki i ka nui ana. Ua hoao ikaika loa ia kona manao ahonui mamuli o ke kakali ana no ka manawa loihi no ka loaa mai o ka hana i hoikeia mai ai iaia, aohe nae he loaa iki mi, ua lilo ia manawa i kaliia me ka hua ole i manawa poho wale no, i kela ame keia pule e ulu mau aku ana hoi kana mau wahi kenikeni i loaa mai ahiki i kona ike ana iho e hahaiia mai ana oia e ka Olohe i kekahi la, he mea weliweli hoi ke kiei ana mai o ka iliohae ma kona mau ipuka. Ua emi pu mai ka ikaika o ke kino, kela manao hoomanawanui iloko ona ua emi Ioa mai, a ua lanakila mai ka uluhua, ka hoihoi ole ame ka manao e aho ka make ana mamua o ke ola ana. Aohe mana hoomalu iaia iho ia manawa. Mamuli o keia manao uluhua a hoihoi ole ua emi mai ka piha maikai a ohaha o kona mau papalina, hohoma ke nana aku, elike no hoi me ka loli o ko Eseparana helehelena, a no ka mea, o kona ilihune ia manawa ua hiki ole ke hoohalikeia me ko Eseparana he ai mau oia, a no Gasepa nei e pololi mau ana kona opu me ka nele loa i na meaai e ola ai. O ke kumu koikoi loa o kona pilikia mamuli no ia o ke ku-lana o ke aupuni o Palani ame ka holopono ole o ka hana a ka hai i hoomoeia aku ai na dala a ka makuakane, kahi ana e kaukai aku ana i kona pono maluna o na dala puka ame na dala mahele, a ua hoomahuahua hou ia iho hoi mamuli o ko Eseparana hoihoi ole i ka noho ana ma Rikekeka, a me ka loaa ole o kekahi dala iaia e hiki ai ke kokua aku iaia, o keia haawina hookaumaha hope ka mea oi aku o ka hookaumaha i kona noonoo. Iaia e noho hana ole ana, a e kakali ana hoi no ka loaa mai o ' hana i oleloia mai ai aole oia i hoopau i kona manaolana no ka loaa mai o ka hana elike me ia o ka hoikeia ana mai iaia, i ka manawa kupono, a iloko o ia manawa hookahi ana hana o ka hooikaika ma ka huli ana i kana mau haawina i mea e kaa nui ai iaia ka ike hohonu ma ka olelo Enelani, no ka mea, me ia makaukau ona ma ia olelo e loaa ai iaia ka hana maalahi a e lilo pu ai kona ola i mea waiwai. "a kekahi ahiahi Ioa o ka auwina la iloko o ka mahina o Okatoba, he hana kana o ka hooikaika ana ma kekahi hana uruhi, moolelo a komo ana no ka hakuwahine o ka hale, me ka helehelena hoihoi, a i mai la, he malihini aia mawaho i makemake e ike iaia, me ka haawi pu ana mai i kekahi apa- -'- ^pa hoolauna. -'- kau ana iho no o ka ike a kona mau maka maluna o ia apana pepa, ike koke iho la no oia o Mr. Makena ia malihini ''''- " ne ka Eseparana o ka hoike mua ana mai iaia maloko ' ^i.-.a leka e hiki mai ana o Makene e ike iaia i kekahi la. kalele koke iho la oia i kana hana a hele aku la me ka e ' ^i no ka hui a haawi ana aku i kona aloha i ka malihini, me ka hauoli nui iloko o kona naau, a no ka mea, elike me ko - ^ 'a-ana mekemake loa e loaa kekahi hoa nona e kamailio ;-- --' pela no me ia, no ka mea ua ike iho oia i kona mehameha, ''''"-! -ae, he wahine oluolu loa kona hakuhale wahine a he kamalio mau mai no hoi iaia i ko laua wa e hui ai, koe nae, ka noho pu ana. " laua manawa i hui ae ai ua piha o Gasepa i ka hauoli, ^ -a mea he keonimana oiaio o Makene mailoko awaho, a | he hoakamailio hoi e hauoli ai, no ka mea, he kanaka piha kamailio a moolelo o Makene, aole oia i like me kekahi poe Pelekane e ae ke ano hookae a hoihoi ole mai i ke kamailio nui, aka, ua hoike mai o Makene i kona ano hoaloha oiaio. me ke aloha pumehana, a mamua o ka hala ana o kekahi manawa loihi, ua kamailio laua ma ke ano me he mea la ua kamaaina wale kekahi i kekahi no kekahi manawa loihi mamua aku. He like ole ko laua mau helehelena kekahi mai ko kekahi ae. No Makene, he kanaka maikai oia o ka helehelena, he piha pono kona mau papalina, ka hiohiona o ke ola kino maikai, he lamalama kona mau maka a he oluolu kona helehelena a he ikaika ke kino. No Gasepa de Mabilona hoi, he hohoma kona mau papalina, he kaumaha kona helehelena i ka nana aku, he ano nawaliwali kona kino, a oiai he hoihoi no kana kamailio ana ame kona helehelena, eia nae, he ano hoihoi hoomalae, no ka mea, ma ka mea oiaio, aohe maikai o kona noonoo ame kona ola kino, ame ke ano o kona ola apa, elike me ia i ikeia ae nei nona mamua. No ka manawa loihi ko laua u noke ana i ke kamailio no ka mea e pili ana i ke kaua loihi mawaena o na Palani me na Perusia, a iloko o ia manawa i hoakaka mai ai o Gasepa he koa oia noloko o ka pualikoa kiai lahui o Palani a iloko o ke kaua mamua o ko Makene haawi ana mai i ka leka a Eseparana, ia wa i loli ae ai ka laua mau mea o ke kamailio ana no ka home Rikekeka ame Eseparana, a pela hoi me ke ano o kona ola ana maloko o ia home a iwaena hoi o ka ohana Kolisona. "Maloko o ka leka a kuu kaikuahine o ka loaa ana mai e hoakaka ana oia i kona hoihoi ole i ka noho ma kela wahi, a hookahi ana mea o ke kalele nui ana i kona manao mahalo oia ka halepule. Lohe mai au o na kulanakauhale ka e ku ana o na halepule ka oi aku o ke kaulana maloko o Enelani, pela anei? "He wahi kaona uuku no kela, he kahiko loa nae kona mau hale ke nana aku, a me he mea la he ano ololi mai, a ke kanalua nei au i ka olelo ae he oi ae kona meha pu o ka noho ana aohe mau halehana e loheia aku ai ka nakeke elike me na kulanakauhale e ae eia nae, he maluhia wale no mai o a o, o ia paha ka Eseparana o ke kakau ana mai la ia oe he wahi hoihoi ole ia kela e noho ai, aohe mau mea hoohauoli ae i ka noonoo, me he mea la he poe make wale no koloko o kela kulanakauhale." "Aole keia o ka makamua loa o ko'u noho ana ma kela wahi, a ke hooia aku nei au imua ou aia no he poe maikai a piha hauoli ma kela wahi, ina e hiki ana ia oe ke hui a launa pu aku me lakou. Aia no he mau hana kolohe a he poe kolohe lehulehu maloko o ia kaona, a he mea pono no i kekahi e hoomamao mai ia oe mai, a i ole pela e komo pu aku aoa ia iloko o ka puulu o ia poe a hookahii ka huikau pu ana." "Ua hiki no paha ia oe ke noho malaila, no ka mea he kuleana kou, aka no ka poe i maa i ka noho ma na wahi laukanaka a ma na wahi e hoohauoli mau ia ai ka noonoo e hoowahawaha ana; no ke Dean Kolisona aole paha i like kona manao me kou." "O, ma ka mea oiaio e hoike aku ia oe o ia ano poe aohe o lakou noonoo nui no na mea e hoohauoli ai i ko lakou noonoo, aia ko lakou noonoo nui ma ke kilo ana i na hokulele o ka lani, a manao au o ia ke kumu o ko kaikuahine i hoihoi ole ai i ka noho ma kela wahi a olelo iho la i kona molowa a hoihoi ole i ka noho ma Rikekeka; o ka aoao hookaumaha wale no nae i kona noonoo kana i ike, koe aku na mea hoohauoli mai i kona noonoo. Ua lohe au i ke kaena a Mrs. Moateleka o ko lakou ohana wale no ka hui pu me na ohana o na bihopa ame ka aha o na lunakahiko." "Ae, ua hoike mai o Eseparana ia'u no ia mea maloko o kana leka, na paina no hoi i haawiia no na ohana o na bihopa, a ke noonoo iho he poe haiki maoli kela o ka noonoo, aohe palia o lakou noonoo he mau mea oi aku kekahi mamua o na mea apau a lakou i ike ai." "Ua ikemaka no anei oe i ke Dean Kolisona?" i ninau mai ai o Makene, me kona kanalua loa no nae. "Aohe au i ike iaia no ka mea mamua aole ona noho hoaloha me ko'u mau makua, a i nei manawa nae, he kanaka maikai loa oia no ka mea, ke kokua mai nei oia ia maua, o ia hoi nana e malama a e hoolako mai la ia Eseparana me na mea apau nona e pono ai oiai oia e noho pu ana me ia. "E hiki ana no nae ia oe ke ike iho me ka maopopo oia ola ana me ke kauka'i aku i na pono o ke ola ana ia hai aole he maikai malalo o na ano pilikia a ilihune o ka noho ana. Ma ko'u manao aole no e nele aku la ko Eseparana ehaeha. Pehea kona nanaina i kau ike aku, he helehelena hauoli anei kona?" He ninau kupono ole keia i ko Makene manao. No ka minuke paha kona hamau ana alaila i mai la: "Ma ko'u ike aku aohe ona hauoli ; ma ko'u hoomaopopo aku ua hooikaika mau oia i kela ame keia manawa e hana elike me ka maikai loa e hiki ana iaia, i mea e ikeia mai ai he hoolohe; o kana o ka olelo kaulana o ka hoike ana mai ia'u o ka 'Hoomanawanui' ka makia o kona ola ana." "O, aloha ino ka oia !" i pane mai ai o Gasepa me ke kani ana iho o kona leo uhu, e hoike ana i kona kaumaha. He minuke ka noho hamau ana o laua mahope iho, a iloko o ia manawa ke haka pono loa la o Makene i ka helehelena o kona hoa, a ke ike pu mai la hoi i ke kaumaha o ka helehelena o ke kanaka opio, a komo iho la ke aloha iloko ona ia minuke, no ka mea, ua ike iho la oia ia wa ua piha ke kanaka opio i ke aloha i kona kaikuahine. Alaila, ninau aku la oia i kekahi ninau i aneane no elike ka paakiki o ka haina me ko ka ninau mua i ka i ana aku: "No kela mau pilikoko ou, pehea, he oluolu no anei lakou ia olua? Mai huna aku oe i kou manao oiaio me ka hoike ole mai ia'u, no ka mea, he makemake au e lohe aku i maopopo ia mea ia'u." "No ke Dean Kolisona, he kanaka puuwai hamama oia, he aloha, a he lokomaikai hoi, he like ole kona manao ame kana mau hana ma kekahi mau mea lehulehu me ko na kaikamahine ana aia no ke koikoi o kona noonoo maluna o kana hana kilo lani." "A pehea, he makemake no nae paha oia ia Eseparana?" wahi a Gasepa. "He ninau ia au e hiki ole ai ia'u ke pane aku i kekahi haina kupono, no keia kumu, aohe au i ike aku ialoko ona, aka nae, ma ka mea a'u i hoomaopopo aku, elike me kahi ike poliuliu loa he makemake no oia, no ka mea, aohe ana mea e ae e hana mai ai no Eseparana o kona hoike wale mai no ia mea ina aole ona makemake, aohe paha oia e ae ana e noho aku o Eseparana imua o kona alo, a i lala hoi no kona ohana. Hookahi a'u manawa i ike ai e hele holoholo pu ana oia me Eseparana, elike me ka'u e hoomanao nei, ma kekahi la, he hiohiona ia a kaua e ike iho ai no kona makemake ia Eseparana." | Hauoli iho la ko Gasepa noonoo ia manawa no kona lohe ana mai la i keia mau hoakaka a Makene, a ua loaa iho la hoi ka maha iaia alaila ninau mai la no kekahi mau lala e ae o kela ohana, pehea la ko lakou manao no Eseparana. "No ia ninau au aole hiki ia'u ke hoike aku i ka mea oiaio a no ka mea i ka'u nana aku ia Mrs. Moateleka, me he mea Ia aohe ona hoihoi i ka hoi ana aku o Eseparana e noho pu me lakou. He oiaio, he lede lokomaikai oia, ma ka nana aku nae a kaua iaia mawaho, aka maloko ona he wahine pikanana mau oia, he wahine kona painuu a hoomaopopo mau, o kona aloha ame kona pulama ana aia wale no maluha ona, a me he mea la he mea e loa o Eseparana iaia. "No kekahi mau hoahanau e ae ona aohe nui o ka ike i loaa ia'u no lakou ; o Konelia, oia ka wahine naauao a maluna ona ka hilinai a ko lakou makuakane, a oia no hoi kana mea punahele loa, a no ka muli loa, o Beta ka inoa, he kaikamahine noho malie loa oia, he like ole loa kona ano ame kana hana me ka kona kaikuaana, aohe no ona kamailio nui wale mai, iloko wale no o ka rumi hoahu buke ka hapanui o kona manawa e hoohalaia ai ma ka heluhelu ana." Me ka mumule o Gasepa i noho iho ai me ka nalu nui iloko ona no keia moolelo ana o ka lohe ana aku la e pili ana i ka ohana ma ka hale Rikekeka a no ko Makene manao o niele hou mai o Gasepa iaia a oi aku kana mau mea e hoakaka aku ai mamua o ka Eseparana mau mea i makemake ai ana e hoike mai ai i ke kaikunane, ku koke ae la oia, aohe nae oia i hele koke aku ahiki i ka pau ana o kana hoakaka no kona wahi e noho ana ma ka Hokele St. John Wood, a kono pu mai la iaia e hele aku e ike iaia maloko o ia hale. Ma kekahi pule ae loaa hou mai la he leka ia Gasepa mai ke kaikuahine mai, aole nae he mau hoakaka maloko o ia leka e haawi mai ana i ka hauoli i kona noonoo, a oiai aohe hoakaka maloko o ka leka e hoike mai ana no ke kuhalahala a maikai ole paha o ko Eseparana noho ana ma ka Rikekeka eia nae, he hiki no iaia ke ike iho oia maoli no ka mea oiaio, hookahi wale no hopunaolelo iloko. o ia leka ana i makemake ai e noonoo nui oia keia malalo nei: "E noonoo mau ana au no kou noho mehameha a ke hauoli nei nae au i ko Mr. Makene kipa ana aku la e ike ia oe. He piha oluolu loa oia ia'u i kona manawa i hiki mai ai ianei. Ua like o Rikekeka nei me kekahi wai opilopilo i ku no ka manawa loihi, a ua like hoi me ka punawai i hoopihaia ai i ka opala ame ka pohaku maloko o kela wahi kahiko o kakou ma Mabilona, i ka wa e paa ai ka wai a paakiki iloko o ka hooilo, a he like loa hoi me ka pua lilia i palapu a puka ke nana aku." Hakalia no a pau ka Gasepa nana ana i ka leka opiopi iho la oia me ka hoihoi ole a hookomo iho la i ka pakeke o kona kuka, no ka mea, ike koke iho la no oia i ka manao he hoowahawaha loa o Eseparana i na hoahanau ona, me kona makemake ole iho la e lilo na olelo hoinoino a ke kaikuahine maloko o kana leka i mea hoinoino pu i kona noonoo, o kona oili aku la no ia hele no ka hokele a Makene i kuhikuhi mai ai ilaila oia e loaa aku ai. I ka loaa ana o ka hale, hookipaia aku la oia iloko o kekahi rumi e kekahi keiki hana oloko o ke keena penakii o Makene a loaa aku la no hoi o Makene iaia maloko olaila e hoopapau ana ma kana hana he penakii i pau koke kekahi mau kii a kekahi kanaka Sekotia o ka hoolale ana mai iaia, e hana koke oia ahiki i ka pau ana. "O oe mai la ka ia, e Mr. Mabilona opio," i mahamaha mai ai ka Makene leo kono? "E oluolu e noho iho ma kela noho," wahi hou ana. "Ae, owau mai la keia, a ke hopohopo nei nae au no ko'u hoea ana mai la i kou manawa e paa loa ana i kau hana, e lilo ai ko'u hoea ana mai la i mea hoouluhua aku paha ia oe, no ka mea pela ke ano o kekahi poe, i ko lakou manawa e makemake ai e pau koke kekahi hana hikiwawe loa i hoolaleia mai, e uluhua ana lakou i ka hoea mai o kekahi mea hoopau manawa wale ia lakou ma ke kole ana. "E huikala mai oe ia'u, e Mr. Makene, no keia hoea ana mai la a'u i kou wa pilikia loa i ka hana," i pane aku ai o Gasepa. "O mai hookaumaha i kou noonoo no ko'u paa loa i ka hana, he nui a Iawa loa no ko'u manawa e hoopau koke ia ae ai no keia hana i ka wa pono, no hoi; heaha ka hua i ka umauma?" Haalele koke iho la o Mr. Makene i kana palaki ame kana papa, kahi ana e omilo ai i ka hulu pena i mioimo ke pena aku a hele koke mai la e lululima me Gasepa a i mai la : "Ke hauoli nui nei au no kou hoea ana mai Ia! Aohe o'u paa loa i ka hana o keia wahi hana au e ike mai la la ea, he liilii loa, a e pau koke ae ana no maloko o ka manawa pokole hookahi a'u mea haohao o ka hoike mua ole ana mai nei o kahi keiki i kou inoa, no kona makau paha i kou inoa Palani, a i ole e moeuhane ana paha au la no ka wailele o Sekotia a'u e pena ana." "Pela ka mea maopopo Ioa i ka noonoo iho," i pane aku ai o Gasepa me ka minoaka ana iho, "No ka mea ina kela keiki i hoike mai nei ia oe i ko'u inoa e hookahahaia iho ana no kou noonoo ke lohe aku i kana inoa e hoike mai ai ia oe o Dull Muddle On" ma kahi o De Mabilona. Nee ae la o Makene i ka akaaka a i mai la: "Ua naauao maoli ka kela keiki no kona hoike mua ole ana mai nei i kou inoa, ina la paha ua lilo oe i mea pahaohao loa na'u. He wahi keiki kolohe no kela i kekahi manawa, i malama wale no au iaia maanei no ko'u makemake i kona eleuka maikai no hoi o kona helehelena, me he mau maka la no kekahi anela kona. "E nana aku paha oe i kona kii la e kau mai Ia ma ka paia, aohe i pau pono loa ka'u hana no ia kii ; e ike aku oe he mau eheu kona mahope o kona kua, elike me ko kekahi anela e paa ana i kekahi o-le, a mahope aku ona ke ao kaalelewa a me he mea la aia oia i ka lewa kahi i lele mai ai. No keia makahiki ae he mea hauoli no'u ka ike ana aku iaia oia hoi i kona kii maloko o ke kula nui Helu 131, ma ka inoa 'Master John Jones !' " a ke hoike aku nei au ia oe i nei manawa e hooko aku ana au ia mea." Ko Gasepa manawa hoi keia o ka akaaka. Aia kekahi mea ano hou loa ana i lohe iho la ma keia moolelo i huki nui ia aku ai kona noonoo a poina ae la oia i kona mau pilikia ponoi, a noho aku la hoolohe i ka Makene iloke mai i ke kamailio me kona piha hauoli loa mahope o kona hana ana ia la ahiki ia manawa. Ia Gasepa i huli ae ai kana nana ana ma o a maanei o ia rumi, mamuli o ka maemae o kana mau mea a pau e ike aku ana ke hookani wale la no oloko ona no ka maiau maoli o ka hanaia ana o na mea apau He rumi hookipa ia ma ke ano o kana ike iho, eia nae, ma kekahi olelo ana ae he hapa o ia rumi he wahi hoonanea, a he hapa he wahi hana no Mr. Makene, no ka mea, e kuku mai ana kana mau mea hana apau ma kekahi aoao. (Aole i pau.) | |