Ka Nupepa Kuokoa, Volume LXVI, Number 41, 27 October 1927 — Page 4

Page PDF (1.67 MB)
Nupepa Kuokoa
KE KILOHANA POOKELA NO KA LAHUI HAWAIl
NA MOOLELO HOONANEA, NA NUHOU KALAIAINA
ME NA NUHOU O KA MANAWA
AOAO NO NA MANAO PEPA
SOLOMON HANOHANO, LUNAHOOPONOPONO.
EHA NUPEPA KUOKOA, HONOLULU T. H. POAHA OKATOBA 27, 1927
KA BANA HAWAII.
Mamuli o ke noi a ka Ahahui A4 Club, e puhi hou ka Bana Hawaii i na mele Hawaii wale no, elike me ia i puhi ai ma ka pa'lii i ka po mamua iho o ka holo ana o ka Bana i Maui l keia mahina iho nei; oiai ua lohe ole kekahi poe, i ua mau mele Hawaii nei, a ike ole no hoi i na paalole hou o na keiki o ka bana, elike me ia i akena wale ia aku ai: nolaila ua hooholo iho au, e puhiia aku ana ua mau mele Hawaii nei, a e aahuia aku ana ua mau paalole hou nei, i keia Lapule iho Okatoba 30, 1927. auwina la hora 3. ma Kapiolani Paka.
O ka papa kuhikuhi no o kela po ma ka pa'lii, pela ana no keia.
Ma keia mua aku. e komo mau la aku ana keia paalole hou l ka po, oiai ke kokoke aku nei i na po anu, a he mea pono e lako na keiki puhiohe me na lole pumehana. Hele mai oukou e na Hawaii oiaio i lohe pono he ole hoi ka lohe mai ia hai mai!'
JOHN AMASIU.
Kumu Puhiohe Bana Hawaii.
PIHOLO IA HAWAII ILOKO O KE
KAI A MAKE
Mawaho ae nei o Waikiki, ma ka auwina la o ka Poakahi aku la i hala, i piholo ai o Sam Kahikulani iloko o ke kai, oiai oia e lawai'a ana, o kahi nae o ka laki ua loaa aku kona kino make i kona mau hoa
o ka hele pu ana i ka lawai'a ma kela
la.
Ma ka hoike i waihoia ae e ka Makai George Perry ka makai nana
i ninaninau i ua mea e pili ana i ke
piholo ana o kela Hawaii iloko o ke
kai. ua hoea aku ka o Sam Kahi-
kulani me kona mau hoa oia o Mrs.
Rose Maui ame Naeole Liha no Wai-
kiki ae nei ma kela Poakahi.
Mamua ka o ka hele ana aku o Sam Kahikulani iloko o ke kai honi mua aku la oia ia Rose Maui, me ka au ana aku no kuaau.
He manawa loihi ka mahope nui. ike aku la o Rose Maui i kekahi mea eleele iloko o ke kai. a no kona manao he naho paha no ka i'a. kahea aku la oia ia Liha e hele mai.
Ua au Uke aku la laua ao kahi o ka mea eleele o ka Ikeia ana aku. a o ka hopena o kela au ana o la no ka loaa ana aku o ke kino o Kahikulani e lana ana malalo iho
o ka ilikai, me ka huli o ke alo ilalo.
Ua hoihoiia mai ke kino make no
uka o ka aina maloo a hoihoi Ioa ia mai ma ke kaa makai no ka halema'i o na poino ulia, a ma ka nanaia ana malaila, i hoike ae ai o Kauka Chock, ua haalele kahiko ke ola i ke kino, e hiki ole ai ke lawelawe aku
i kekahi mau hana e hoopakeleia ae
ai ke ola o ka mea poino.
NA MARE.
John Medeiros ia Caroline Kamalu, Oct. 8.
Abraham P. Phillips ia Annie N. T. Frank, Oct. 8.
Lui Kawehe ia Lucy Ah Choy. Oct. 18.
NA HANAU.
Na Mr. ame Mrs . William Solomon, he keikikane, Oct. 8.
Na Mr. ame Mrs. Vederine Mara. he keikikane, Oct. 12.
Na Mr. ame Mrs. William K. Karratti, he kaikamahine, Oct. 22.
NA MAKE.
Hattie Maui, ma ka Halema'i Moiwahine. Oct. 18.
Moses Keawekane, Jr. ma ke Kuea Makuna. Oct. 18.
Karratti, he bebe hanau hou ma
a Halema'i St. Francis, Oct. 22.
R. Waialani Gray, ma ka Hale-
ma'i o na Kamalii. Oct. 22.
David Pio, Jr., ma ke alanui Pa-
hala. Oct. 22.
John Palakiko, ma Kalihi, Oct. 22. John Paresa, ma Kahuku, Oct. 24. Kahikulani, ma ke kuaau o Waikiki, Oct. 24.
He ekolu mau makai i hoopauia
ka Makai Nui Patrick Gleason
oko o na la aku nei i hala, mai ka
oihana makai aku o Honolulu nei
mamuli o na kumu a ka makai nui
i ike ai, no ko lakou kupono ole e
hoomauia aku maloko o ka oihana.
He aha hulahula ke malamala ae ana maloko o ka hale hui o na Moremona mauka ae nei o Kalihi a o ke kalapu a na keiki makapo ka mea nana e hoonanee, ae ana i na mele hulahula a o na pomaikai no kela aha hulahula e holo aku no ia no na keiki makapo.
Nuhou
Kuloko
Mahope iho o ko kaama'i ana no kekahi mau la kakaikahi walo no i pauaho mai al o John Palakiko, he mea pulumi no ka halekula o Kalihikai i keia ola ana ma ka hapalua o ka hora eha o ka auwina la o ka Poaono aku nei i hala, a ma ka Poakahi iho nei i hoomoeia aku ai kona kino wailua ma ka ilina o Kalaepohaku. Ma ka poakahi iho noi i hukiia a ka mokuahi Haleakala Iluna o ke alahuki moku, no ka nanaia o kona mau wahi pilikia, a ma ka la 4 o Novemaba ae nei, o hoomau aku a ola ma kona mau awa no Hawaii. O na hui kinipopo pekuwawae o na Kula o Sana Lui ame Makinele, ke ulele ae ana ma ke kahua kinipopo ma Kamouliili ae nei, ma ka auwina la o kela Poaono iho, a o no hu hoi o ke Taona nei me ka Oahu Blue no ka auwina la Sabati aku. Oiai aole i loaa ka lanakila ia H L Holstein, ma ke kau koho baloka wae moho aku la i hala, no ke kulana loio kalana, no ke Kalana o Maui, ua hookohu hou ia aku nei no oia, i akena hopuhopu waiona no kela kalana, ka oihana ana o ka waiho ana aku, mamua o kona holo baloka ana. No ka loaa ole no he wahi kaawale o ka nupepa i kela pule. nolaila ua hoopaneeia ka hoopuka ana aku 1 kekahi mau palapala a na makamaka o ka hoouna ana mai a no kela pule ae. He hoike kekahi o ka loaa ana mai i keia kulanakauhale, no kekahi mau hooikaika e hanaia mai la ma Wainekona, no ka hoihoi ana mai 1 ka mana o ka hoohana ana i ka paka o Kewalo ae nei malalo o ke teritore . He hoopii ka i hookomoia ae iloko o ka aha kaapuni o Kauai e kekahi poe Pilipino ekolu no ko lakou hoehaia ana e Mike Morse me ka ike ka o ka Lolo Kalana Kaulukou i kela hana, elike me kekahi meahou o ka loaa ana mai i kela kulanakauhale mai Lihue, Kauai mai. Ma ka halawai kukakuka o ka malamala ana ma ka Poakahi iho nei, mawaena o ka Makai Nui Gleason, ka Lolo Kulanakauhale Davis ame ka Meia Arnold i aponoia ai na hoololiloli a ka Makai Nui Gleason i makemake ai no ka nee ana aku o na nana oloko o ka oihana makai o Honolulu nei, no keia mua aku. Maloko o ka Metropolitan Meat Market na i'o pipi momona makepono e loaa al, ke hele ae na Hawali inalaila e kual ai i ka lakou mau i'o pipi kupa hana ku, mamua o na wahi kuai pipi e ae. Eia no ke holomoku nei na kanaka o no lahui like ole o kela kulanakauhale, 1 ka hele e hamo i ka pohaku hoola kupaianaha malalo ae nei o Wahiawa me ka loaa no hoi o ka pomaikai i kekahi poe, a nele no hoi kekahi poe. Eia ka oihana koa o Amerika ke hoolaia mai nei, e hoohana aku i ka mokulele a na aliikoa, o ka lele ana mai me ka holopono loa no Hawaii. no ka halihali ana i na kanaka o ka oihana koa ame na ukana, mai kekahi wahi a i kekahi maluna o ka lewa.
IKEIA KA EPA O KEKAHI MAU
KUMUPOO O NA KULA.
Imua o ka halawai a ka papa lunakiai kulanakauhale ma ka po o ka Poalua iho nei, i hoakaka ae ai ka Lunakiai Kauka Dai Yen Chang, ka lunahoomalu o na kula ame na halekula, i ka hopena o kana noii ana, i na hana a kekahi mau kumupoo o na kula, e pili ana i ka poe e kuai nei i na meaai i na keiki kula. Wahi ana, o ka hana a kekahi mau kumupoo i lawelawe al, o la no ke koi ana aku i ka poe e kual nei i na meaai i na haumana kula, e haawi wale la mai na meaai me ka uku ole i ka lakou mau keiki ponoi, i hiki ai i kela poe ke kuai i na meaai i na kamalii. O ka hana hoi a kekahi mau kumupoo, o la ka hookikina ana i kela poe kalewa i na meaai, e hookupu lakou i kekahi waihona dala, no ke kuai ana i kekahi mau mea na na kamalii. Ma kekahi mau kula ka, ! loaa aku ma ka ninaninau ana a keia lunakiai, i loaa mai ai iaia ka ike, no ke koi maoli la ana aku o kela poe kalewa i na meaai e haawi mai i dala, i hiki ai ke aela aku lakou e kual i na meaai i na haumana kula. Ma kela halawai no hoi a ka papa i hookomo ae ai oia he hoololi kauoha kanawai hou e haawi ana i ka mana i ka papa lunakiai kulanakauhale wale no, aole hoi i na kumu poo o na kula. ka ae ana aku i kekahi mea e kuai i na meaai i na haumana o na kula aupuni, a mau kula kuokoa paha.
HOAHEWAIA NO KA HEWA HOEHA I ULU MAI MAHOPE O KA HOO-PAAPAA ANA NO KA PA UWEA OOI
Mahope o ka noonoo ana a ke kiure o ka aha kaapuni a ka Luna kanawai E. K, Massee maluna o na oleloike ma ka hihia hoeha me ka mea eha ku i ka make i hoopiiia ae al o Alfred P. Perry ma ka Poa kahi nei, no ka aneane e piha ka hora ua hoihoi ae la ia kino i kana hoike i ka aha e ahewa ana la A. H Perry no ka hewa hoeha, a ma ka hora 10 o keia Poaono ae e kauia aku al ka hoopai maluna o Perry. Ua ulu mai keia hihia mamuli o ko R, C. Gibbs hana ana i kekahi pa Iloko o ke kai me na uwea kalakala ma kahi a na keiki a Perry e auau ai, a ua ulu ae he hoopaapaa hahana mawaena o laua. Ma ka Perry olelo imua o ka aha he hamare ka Gibbs e paa ana Iloko o kona lima me ka manao e hili mai iaia, a olai he huka waapa ke paa ana iloko o kona Uma la manawa. ua hou mai la oia ia huka waapa i ka iwiaoao o Gibbs; ma ka la 13 o Sepatemaba aku nei i hala ka hanaia ana o keia hihia. He eha mau kumuhoopii i hoopiiia ae al o Perry, oia ka hihia i hookolokoloia al oia ma ka Poakahi nei, a he ekolu mau hihia e ae, he elua hoopii no kona olelo ino a hookani no ka hooweliweli. O na hihia oleloino o Perry ua hoopau wale la e ke kiure, a no ka hihia hooweliweli ua hoole ka Lunakanawai Massee i ka hoolohe ana la hihia, a ua hoihoi hou la ae na ka aha hoomalu e hoolohe la hihia o Perry. O Fred Patterson ka loio ma ka aoao hoopii, a ma ko Perry aoao o ka Lunakanawai Oliver P. Soares. Ma ka Poalua nei o Perry hoi ma ka aoao hoopii a ua hooloheia kana hihia e ke kiure, o ua mea l hoopiiia ae ola o Carl ame Fred Vickery no ka hoeha ana la Perry ma ka la 13 no o Sepatemaba i hala, ma Puuloa. Ma keia hihia o ka Lunakanawai Oliver P. Soares ka loio ma ka aoao hoopii, a o Patterson hoi ma ka aoao o na mea i hoopiiia. O na kiure na lakou i hoolohe i ka hihia o Perry oia keia A Kam Lum, Kam ou Wong. G. Cassidy, Jas. F. MacKenzie, M. G. Norberry. A. A. Tam, J . K. Naiwi, E. S. L. Dunn, C. F. Cleveland, H. P. Hustace, Jas. K. II, ame Kahale Cockett. NOII KA LOIO KUHINA MA KEKAHI HANA I LAWELAWEIA
Ua hookomoia aku iloko o ka aha
kaapuni o Kauai, he mau palapala
hoohiki, e kekahi mau Pilipino elua,
ma o ko laua lolo la, i kulike al me
kekahi meahou o ka hoikeia ana mai
i keia kulanakauhale, a ua manaoia,
e lilo ana kela mau palapala hoohiki,
i kahua, no kekahi mau Kumu hoo-
halahala e ku-e ana i ka Loio Ka-
lana Kaulukou.
Ma ka palapala hoohiki a kela mau
Pilipino, e hoakaka pakahi ana laua,
no ka ike o ka Loio Kalana Kau-
lukou, i ko laua hoehaia ana e ke
Kakiana Makaikiu Mike Morse, ma-
loko o ka halepaahao o Lihue, me ke
kumu ole.
Mamuli o kela mau olelo hoohiki,
i holo okoa aku ai ka Lolo Kuhina
Lymer no Kauai, no Ka ninaninau
ame ka huli pono ana i na mea oiaio,
e pili ana i na kumu hoohalahala i
waihoia ae imua o ka aha kaapuni
o Lihue.
KE KUAIIA NEI NA I'O PIPI MA-
KEPONO.
Ke kuai nei ka Metropolitan Meat Market, ka halekuai pipi, e kokoke a ma ke kihi mauka o na alanui Moi me Betela, i na i'o pipi momona me ke kumukuai makepono i na la apau, a oiai o ka i'o kupa, ka mea haule ole i na Hawaii no ko lakou mau pakaukau. e hoolawaia ana ko akou mau makemake ke kipa ae ma kela halekuai pipi kahiko loa o kela kulanakauhale. He maemae ke kulana o kela halekuai, o kekahi kumu paha la o ka hilahila o na Hawali i ka hele ana ae malaila e kual al i ka lakou mau i'o pipi, e hoopau loa i ka noonoo o kela ano; no Ka mea ua makaukau ka poe maloko o kela halekuai, e apo mai a hookipa aku, l na mea apau, me ka nana ole ma ka nani o ko lakou mau lole a Inoino paha, a i ole la ma ko lakou kulana paha o ka noho ana. He oi ae ke emi me ka makepono o na i'o pipi maloko o kela makeke. mamua o na wahi e ae, he momona no hoi ka pipi, me ka hou; ma ke kuai mau ana i na i'o pipi emi a makepono maanei nei, e koe mau na kekahi mau keneka, e ukuia ana ma na wahi pipii o ka i'o pipi e kuaiia ana, a l ka hala ana he mau mahina, ua nui maoli na kenikeni komo aku maloko o na pakeke, o ka poe na lakou na i'o pipi, i kuai mau ia mamua aku, olai nae ina ma ela makeke e kuaiia ana e koe ana a mau kenikeni maloko o na paeke o na Hawaii. "Aohe hewa o ka hele ana malaila e hoao al; e ninau uo Mr. A. Louis, he limahana kahiko noloko o kela makeke, i kamaaina i kekahi mahele nui o na Hawaii ma kela kulanakau-hale a ua makaukau mau ola, e hoolawa mai i na makemake o kona
MAKEMAKE KA LEHULEHU E IKE I NA
HOPENA MAIKAI.
Eia ka lehulehu o na makaainana o keia kulanakauhale ke nana aku nei i ke kulana o ka oihana makai o Honolulu nei, malalo o ka noho poo ana a ka Makai Nui Patrick Gleason ka meia ame na hoa o ka papa lunakiai kulanakauhale o ka hoonoho ana aku i poo ma kela oihana, ma ka manawa a ka Makai Nui David L. Desha, o ka waiho ana mai i kela oihana he mau pule lehulehu ae nei i hala.
O kekahi mau loina lawelawe pili oihana a ka Makai Nui Gleason o ka hana ana iloko o na la aku la i hala, o ia no kona hoopau ana aku i kekahi mau makai ana i ike ai, i ke kupono ole maoli; a kapae aku hoi i kekahi mau makai, no ka manawa, ma ke ano i haawina a'o, aole wale no maluna o na makai i ku-e maoli i ka lakou oihana, aka maluna pu kekahi o na kanaka. apau iloko o ka oihana makai.
O ka hoopau ana i na makai i ike maoli ia ko lakou ku-e i ka lakou oihana, mamuli paha o ko lakou hoopilimeaai, ke kolohe, ka alunu a poholalo paha, me ka hahaki pu i ke kanawai, he hana ia e haawiia ai na mahalo ana i ka Makai Nui Gleason; a ua kupono ole na makai o kela ano e hoomauia aku iloko o ka oihana makai.
Ma kona hookiekie an aae hoi i kekahi poe i kahiko iloko o ka oihana makai, ma na kulana ano nui, no keia nee ana aku, e manao aku kakou, o kekahi ia o na alahele no ka hooiia ae o ka maikai ame ke kupono iloko o ka oihana makai; aole hoi no ke kulana hoaloha a mau kumu e ae paha.
Ma kona hookiekie ana ae hoi i kekahi poe i kahiko iloko poo o ka oihana makai, ahiki aku i na makai kuhuina, he poe hooko wale no lakou i ke kanawai; maluna o lakou i kauka'iia aku ai ka maluhia o keia kulanakauhale, pela hoi ka palekana o ka noho ana o na. kanaka, a maluna ae olaila; ua ili pu aku maluna o lakou ke ko'iko'i o ka hookaawale ana ia Honolulu neii, maina hana hakihaki kanawai apau, i hoopihaia ai ka oihana makai, malalo o na poo mua aku nei i au, i na ea polopolona o na hana poholalo ame ke ki-pe.
MAI HOOHILAHILA E NA KANAKA HAWAII,
Ua hoikeia mai ka lohe i keia pepa no ka hapa loa o na kanaka Hawaii e hele nei, ma ka halekuai pipi Metropolitan, e kuai ai i pipi na lakou, no ka hilahila i kela wahi kuai pipi, no ka mea he poe haole na ona o kela wahi.
Ina o keia ka mea oiaio, alaila e hoopau i kela manao hilahila, a e hele koke ae i keia manawa, no ka mea aole wale no o ka maemae ka na Hawaii e ike aku ana maloko o ka Metropolitan Meat Market, aka o ke emi me ka oluolu pu kekahi
o na i'o pii, i hui pu ia me ka momona ame ka makamaka hou, mamua o na pipi e kuaiia nei ma na makeke e ae.
E hoomaa e na Hawaii i ka hele ana ma na hale oihana o na haole, eia ka auanei he oi aku ka makepono o kolaila mau mea kuai i ko na wahi e ae, o ka hilahila, lilo ma'uwale kekahi mau dala mahuahua, ma ka uku ana i na meakuai o na wahi
i maa ia lakou i ka hele mau ana malaila e kuai ai; e loaa ai
he mihi ana mahope mai, he mihi make nae wahi a ka olelo,
ua lohi Ioa.
O ka meahuna pili i ka mana hoola o ka pohaku a na kanaka
o keia kulanakauhale e hele mau nei e hamo, ma Wahiawa ae nei, he ninau ia i mahae ai ka noonoo o na kanaka; o kela mana hoola wahi a kekahi poe mai ia Iehova mai no ia, a o ka kekahi poe hoi mai ke diabolo mai. Eia ko makou manao ma keia ninau, ina ua kukuluia na ekalesia no ka hoomana ana ia Iehova ame Iesu Kristo Kana Keiki, alaila mailoko ponoi ae o na ekalesia, a mai ka poe ponoi ae e manaoio ana
i ke Akua Nona na ekalesia i kukuluia ai, e oili ae ai ka hoola ana a ke Akua Nona ka lani ame ka honua, aole mai kekahi pohaku mai, a mai kekahi mea e ae paha i hanaia e Kona lima, a e na lima o na kanaka, i lihi launa ole aku i na ekalesia o ke Akua. O ka poe i hele aku ai i kela pohaku, a e hele nei no i keia manawa, o kekahi mahele nui o lakou, he poe aia no ka noonoo ihope i na akua i maa i ka hoomanaia, a e hoomanaia nei no i keia manawa, e ko lakou mau lahui pakahi; a o kekahi poe, ma na lehelehe wale iho no ko lakou hookokoke ana aku ia lehova, ua mamao loa nae ko lakou naau mai Iaia mai; ina nae ua hoopauia ko lakou mau pilikia, ma ka hele ana i kela pohaku; aole ia no ko lakou manaoio ana ia Iehova ame Iesu Kristo Kana Keiki, no ka mea ua hiki no Iaia ke hoola mai i ko lakou mau pilikia apau, maloko o ko lakou mau home iho, me ka hele ole e pule imua o kela pohaku, a e namo aku paha i na lima maluna ona.
Ua hookaawaleia keia pule holookoa no na hana hooikaika o na makaainana o keia kulanakauhale, no ka pono o ka Waihona Kokua Manawalea; kela hana i koi mau ia aku ai kakou, i na makahiki ae nei i hala, e haawi i na kokua ana no keia waihona. Aole no ka pono ame ka pomaikai o ka mea hookahi, a no kekahi lahui hookahi paha, i makemakeia ai e loaa ka waihona kokua no ka malama ana i na home, i kaa aku ai ka malama ana maluna o ka lehulehu, aka no na mea apau. Ke malamaia nei na wahine kane-make, na keiki makua ole, na hapauea, ame kekahi mau wahi e ae he nui, mailoko mai o na dala e haawiia ana e ka lehulehu no keia waihona kokua; ma ko kakou haawi ana ae i ka kakou mau haawina kokua no keia waihona, ua hoikeike ae kakou, i ko kakou kokua ana ia kakou ponoi iho, ma o ka holo ana aku o na pomaikai, maluna o ka poe pilikia a poino iloko o ko kakou lahui ponoi; a pela no hoi me na lahui e ae e noho pu nei me kakou.
Hookahi koho baloka i koe a na kalana o kakou e malama mai ana iloko ae nei o ka mahina o Novemaba; o ia no ke koho baloka nui, no ke koho hou ana i ka poe i loaa ole ka heluna nui o na baloka, e puka ai lakou. me ke koho baloka hou ole ia, iloko iho nei o keia mahina. No na moho ma ka aoao Repubalika, i waeia ae, a i loaa ole nae ia lakou ka hapanui o na baloka, e puka maoli ai, ma ke koho baloka wae moho aku nei, he hana na na Repubalika apau, ke koho ana i kela poe moho, me ka lilo ole o ka haule ana o kekahi mau moho, i alualu no na kulana oihana like ole, i kumu no lakou e hookekee ai, a nuha paha me ka holo ana a koho i na moho o ka aoao Demokarata, o ka hana ana pela, aole wale no i hoike ae kela poe i ko lakou mau ano oiaio, aka ua hoike pu ae lakou i ko lakou kumakaia ana i ko lakou aoao kalaiaina iho.
Nuhou
Kuwaho
HENDAYE, Oct. 17—Ua kalaheaia aku i na kanaka eli lanahu mai o a o, e haalele i ka hana maloko o ka apana o Asuria o Sepania no ke ku-e ana aku a no ka hoohalahala ana hoi i na rula ana a ke aupuni i keia la elike me ka lono ma ke kelekalapa o ka loaa ana mai ianei Ua hoomaopopoia i nei manawa he 60,000 mau kanaka eli lanahu i haalele aku i ka lakou mau hana.
KAPALAKIKO Oct. 17—Ua hooko piha ia e ka mokuahi hou o ka Hui Mokuahi Matson ka Malolo na mea a pau i koiia ma ka aelike ma kana holo hoao ana i pau iho la i keia la, elike me ka lono l loaa mai ianei mal Nu Ioka mal o ka loaa ana ae i na keenahana o ka hui maanei. O ia moku e hooholoia aku ana no ka hana mawaena o Kapalakiko ame na holo iloko o ia manawa ma ka 22 mile i ka hora. E holo mai ana ka Malolo mal Nu Ioka mai no Kapalakiko nei ma ke alahele ae o ke Alawai o Panama ma ka la 27 o Okatoba.
RIO DE JANEIRO, Oct. 17.—Ua hoea mai ianei i keia la ke Capt . Fleudonne ame ka Lieut. Le Brix maloko o ka laua mokulele Breguet ke "Nungesser & Colt". O na kanaka Palani i holopono loa ka laua lele ana mal ma ka lewa maluna ae o ka moana Atelanika mai St. Louis, Senegal, Aferika, Natal, Brazil, ma ka pule i hala, me ka ulumahiehie loa l hookipaia mai ianei. E lele aku ana laua l ka hema ma Ke kapakai Hema ma ka la apopo no Buenos Ayers, ka laua pahuhopu.
LOS. ANGELES, Oct. 18—No ka oi aku o ke aloha o Mrs. Marguerite G. Collins, kana wahine, i ka ilio mamua o ke aloha lala, i koiia ai
o Wallace Collins e hookomo ae i ka hoopii okimare i ka aha oki-mare, elike me kekahi hoopii i hookomoia ae i ka aha kiekie. Ma ka Collins mau olelo e hooiaio ana i kana hoopii, "ua malama mau kana wanine i kana ilio milimili me ia i na manawa apau, a aohe loaa he manawa no kana kane, he oi aku ka pipili o kana wahine i ka ilio mamua ona," wahi o ka hoakaka maloko o kana hoopii.
VIENNA, Oct, Oct. 22—Ua manaoia ka Moi Alexander o ke aupuni Jugo-Slavia i maka no ka poka a ka mea pepehikanaka, elike me na lono
i hooiaio ole ia mai o ka hiki ana mai ianei i keia la mai Bulgaria mai. Ua hoakakaia mai ma ia lono na ke kuhina o ko na aina e maloko o Jugo-Slavia i huai ae i na hana hoohalua i hoolalaia aole no ka Moi Alexander wale no aka no na kuhina Jugo-Slavia pu kekahi ma na aina e. Ma ka manaoia ua panikuia ka mokuna aina mawaena o Bulgaria ame Jugo-Slavia, mai ke komo ana mai a na lahui e Iloko o Jugo-Slavia, koe na kaaahi laweleka, aohe mau kaaahi i aeia e a'e mai ma kela aoao o ka mokuna aina.
RICHMOND, Oct. 22.—He kanahakumamawalu poe i koikoi loa ka eha a i lawe koke ia aku lika halema'i me ka awiwi loa i ka manawa
o na noho laau iloko o ka hapaha
mua o ka manawa e paani kinipopo
ana mawaena o ke Kula Nui o Me-
relana ame ke kula a'o koa o Vere-
kinia i keia auwina la i hiolo ai. I
ke Kula Nui o Merelana ke eo o ia
paani ana he 10 i ka 6.
LADANA, Oct. 22—Ua hoikeia mai ianei e ka meakakau meahou o ka nupepa Morning Post ma Allahabada
i keia la he haunaele hahana loa maloko o Inia. He kanakolu-kuma-maono poe l make l hoikeia mai ma Jubolpore. Ma Chudwara kahi oi loa aku o ka haunaele, kahi a na makai i hookapu ai l kekahi huakai a na kanaka Hinedu a laweia na kii hoomanamana a lakou e na makai. Ua ku-e na Hinedu i na hooponopono aupuni ana a na okana aina iwaenakonu o ka aina, o ia ka mea i hoikeia mai.
Mahope o ke kaawale ana mai
kona ekalesia mai no na pule ekolu
ae nei i hala, i huli hoi aku ai ka
Rev. Kaumeheiwa no ka Moku o Ka-
ma, ma ka Poakahi iho nei.
E HOOKOHU HOU IA MAI ANA KA
ILAMUKU OSCAR P. COX
I kulike ai me ka lono kelekalapa o ka hoea ana mai no Honolulu nei, mai Wakinekona mai, ma ka Poaha aku nei i hala, i hakalia wale no ka hookohu hou la mai o ka Ilamuku Amerika Oscar P. Cox, i ka noho mai o ka ahaolelo lahui iloko o ka mahina ae nei o Dekemaba.
Ua pau ka manawa ma ka hookohu mua o ka Ilamuku Amerika Cox, ma ka la 16 aku nei o ka mahina o Augate, eia nae ke paa mai nei no ola i kona kulana, ahiki i ka loaa ana mai o kona hookohu hou.
Ua haawi ae ke komite kuwaena teritore o ka aoao Repubalika, i ke kakoo ana i ka inoa o ka Ilamuku Amerika Cox no ka hookohu hou ia mai me kela kulana.
HE LOEA HOOKANI GITA ME KE
KILA.
He kii keia no kekahi keiki Hawaii akamai hookani pila me ke kila o Mr. Sam Ku, Jr., kona kaikuaana, inoa. Ua hanauia ola ma Honolulu, o Mrs. Elena Mahu kona mama, ame Sam Ku, Sr. kona papa. kekahi o na kiai ma ka hale pupule. He elua a laua mau keikikane, ola o Mr. Sam Ku, Sr. kona kaikuaana, e kaapuni mai la i na aina haole, ma ke ano he loea ma ka hookani
pila a o ia ike i loaa laia, o ia no ka kona pokii e hana nei ma Kauai, he piha makaukau, a ua lawa maoli ma keia hana. I kona manawa bebe ua lawe hanai ia e Albert Akana, ame Mrs. Mary Akana Mahu, a mamuli o ka nawaliwali o kona kahuhanai, ua hoi mai la no Kauai, ahiki i ka haalele ana mai o kona kahuhanai i keia ola ana ma ka mahina o Augate i hala, a koe oia me kona mama. a nana no e malama nei iaia ma na mea apau o ka noho ana.
NO KA LAWELAWE I KA HANA
HUKI NIHO ME KA LAIKINI OLE
I PAA AI I KA HOPUIA
He ekolu mau Kepani i lawelawe i ka hana huki niho me ka loaa ole o ka laikini mai ke aupuni aku e haawi ana i ka mana ia lakou e lawelawe ia oihana, i paa ae ai lakou i ka hopuia a l hooloheia al hoi ko lakou mau hihia imua o ka Lunakanawai Hoomalu Harry Steiner ma ka la 3 o ka pule i hala, mamuli o ka huli pono ana a ka papa na lakou e ninaninau i ka poe noi laikini huki niho no lakou kela mau inoa, Nobukichi Kagawa, George Shodai ame Hishiro Shigemura, a kaula mai na hoopa'i maluna o lakou pakahi. No Kagawa, he hoopa'i hoomalu kona no 13 mahina aole e lawelawe hou ia hana, no George Sho-
dai he $200 kona hoopa'i, a no Shogemura he $100 kona hoopai me na koina o ka aha. Ma ka manawa o ka hopuia ana o keia poe ku-e kanawai, ma ka oleloia ua paa pu ae l na makaikiu na lakou l hopu i nei poe na mea hana a lakou, o ie na mea huki niho, na noho ame na meahana apau e pili ana ia hana. No ka loihi o ka manawa a kela poe i lawelawe ai i keia hana ku-e kanawai aole l hoakakaia, a me he mea la ua loihi ka manawa a nei poe i hana malu ai, a ua loaa ia lakou na pomaikai no ia hana me ka malu ahiki i ka huliia ana aku la a loaa pono nei poe apuka i ke aupuni.
MAKE O REV. JAMES KANOA PA-
ELE, ME KA HIKIWAWE LOA
Mawaena o ka hora 3 ame ka hora 4 p. m., o ka auwina la Poalima, Oct. 7, 1927; oiai o J. K. Paele e heluhelu ana i kana hoike puuku o na C . E., o ka Mokupuni o Oahu imua o na hoa o ka Aha Mokupuni e noho ana ma Kaumakapili, l ka pau aha o kana heluhelu ana, ua aponoia ka hoike me ka lokahi. Ia manawa i hoi aku al ola maluna o kona noho no ka hooluolu aina. Aole i hala he mau minuke 5 o kona noho ana maluna o ka noho, ua ikeia aku la kona hehee ana iho a haule ana l ka papahele; ua holo aku nei na hoaloha e lomilomi a hapaiia aku la ma kekahi rumi aku, ua nokeia l ka lomilomi, a ua kaheaia ke kauka, aneane he hapalua hora mahope ua hoea mai la ke kauka; oiai ua hiki mua mai ke kaa makai. I ka nana ana o ke kauka ua hoopuka mai, oia i kana pane ua make oia mamua o kona hiki ana mai; nolaila, lalau iho la ka lima o ke aupuni a lawe aku la no ke keena o ka papa ola ka pahuhopu. I ka pau aua o ka hana a ka papa ola, ua hoihoiia no ma ia ahiahi ma ka hale kupapau o Silva me ka manaoia a kakahiaka Lapule, alaila hoihoi mai l kona kino no ka ilina o ka halepule o Waikane. I ka pau ana o na hana o ka Aha Mokupuni ma ia ahiahi, ua hui kuka
ae la ke Kahu Kula Sabati, Mrs. Emily N. Rocha me ke kakauolelo Ed . K. Haleakala o ke Kula Sabati o ka Ekalesia o Waikane, a hooholo e pono no e hoihoiia ke kino o ka mea i hala ma ia ahiahi Poaono a waiho maloko o ka Hall o Waikane i loaa ai ne manawa e ike ai na hoaloha. Nolaila, ua hele aku ke Kahu Kula Sabati Mrs. Emily N. Rocha a hui pu me ka Makua Rev. Paalua Kellett, a kuka no na mea e pili ana no ka hoihoi mai i ke kino, a ua apono mai ke kahu.
Ma ia ahiahi no hora 4 haalele ke kaa kupapau ia Honolulu, a hora 5:30 minuke aia hoi e moe ana o J. K. Paele maloko o Lanakila ka hall hoi ana i aloha nui ai. Ma ia ahiahi no ua hoea mai na hoaloha, a o ka oi loa aku ma ke Kakahiaka Lapule ae l Iliki mai al na Kahu, Rev. H. K. Poepoe ame Rev. Kaumeheiwa, hiki mai na makuahine o Waialua, ko Hauula mau hoa paahana mai o a o, hui pu no hoi me na hoahanau o ka ekalesia o Waikane, a hiki pu mai me ko makou Makua Mr. L. L. McCandless. No na mea e pili ana i kona wahi i hanau ai ame kahi i hoonaauaoia ai, ke ano o kana hana, ke hoola nei au ua pololei na mea l hoolaha mua ia mai, o ka'u hoohalahala wale no no ka hapa mua o na mea i hoolahaia, aole l pololei. Kaa ke Aloha i ka Lio Oiai, ma ke kakahiaka Lapule ae oiai e eliia aua ka lua ka hale hoi o ka mea l hala; a mawaena paha o ka hora 7 ame ka hora 8. o ke kakahiaka aia hoi ua ikeia aku la kahi lio o J. K. Paele e kuoe hele mai ana ma ke alanui; ua iho pololei mai ia maiuka mai o Waiahole, hele pololei no keia lio a komo no i ka puka-pa o ka halepule o ka Ekalesia o Waikane; hele pololei no keia Lio a kahi a J. K. Paele e kukulu mau ai, malaila ola kahi i ku ai a loihi a hoomaka aku oia e hele mao a maanei e ai mauu ai. Ea e na haipule, ua kaa ka ike ame ke aloha i ka holoholona, pehea hoi kaua e ke kanaka. Ua hoomaopopo ka holoholona ua pau kona ike ana i kona kahu, nolaila, i hele mai ai ia e ike hope, loa i ke kino lepo. Kupanaha no na Kupanaha!
NA HOOMAIKAI.
Ke haawia aku nei na hoahanau o ka Ekalesia na haumana o ke Kula Sabati, ame na hoapaahana o ka Ahahui C. E., o ka Ekalesia o "Waikane i ko lakou hoomaikai nui i ka Ahahui Mokupuni o Oahu ame ka Ahahui C. E., o ka Mokupuni o Oahu, i noho ma Kaumakapili, Honolulu, Oahu, no na lulu i loaa mai ai mai ia lakou mai, a kuaiia aku i mau pua hoonanohano no ka la hope loa o J. K. Paele a hoi aku ka lepo i ka lepo, a pela no hoi la makamaka haole W. A. Hall me kana makana pua ame na hoaloha no apau. Owau iho no, E K. HALEAKALA, . Puuku o ka Ekalesia o Waikane.
ma hoaloha i na manawa apau;
pela no hoi me na limahana e ae
apau maloko o ka Metropolian
Meat Market
HOOLAHA HALAWAI
Ma keia e ike na lala apau o ka
Ahahui Hoolewa Aloha Lahui o Le-
haina, e malamala ana ka Halawai
Makahiki o keia Ahahui ma ka Hale
Hookolokolo ma Lahaina, Kalana
o Maui, Teritore o Hawaii ma ka
Poaono, Novemaba 12, 1927 hora 10
kakahiaka. Ua makamakeia na lala
apau e hiki mai ma ia halawai.
Ma ke kauoha a ka peresidena.
DAVID K. KAPAKU.
Kakauolelo
64 5 Oct 27: Nov. 3.