Ka Nupepa Kuokoa, Volume LXVI, Number 41, 27 October 1927 — HE HOALOHALOHA NO KA MAUA MEA ALOHA HE KEIKI. [ARTICLE]

HE HOALOHALOHA NO KA MAUA MEA ALOHA HE KEIKI.

E Mr. Lunehooponopono o ka Nupepa Kuokoa, Anoai pu kaua:—E oluolu tnai hoi, ina he wahi ruml kaawale kekahi o ka hiwahiwa aka lahui, e hookomo ilio hoi i ka maua wahl puolo walmaka ma ia wahi, i lke mai ai ka ohana na makamaia ame na hoaloha, mai ka la puka mal ma Kumukahl, a i ka welona a ka la i Lehua, o kuu Leialoha Waialae ua hala i ke ala hoi ole mai. Ua hanauia mai oia mai ka puhaka mai o Mrs. Waialae, kona mama, ame Wm. Waialae, kona papa 1 ka la 15 o Aperila A. D. 1907, ma Kealakekua, Kona Hema, Hawai. Ua hoihol la ola i kc Kula o Lahainaluna i ka 1920 no ka hoonaauao ana. Ma ka makalilki 1922 l lioiliol hou ia ai ola i ke kula nui o Hilo Boarding School e Rev. J. Upchurch. Ma ia kula no oia a hikl wale i kona paa ana aku. 1 Puuhale i ka makahiki 1925 i lawe ia mai ai oia 1 Molokai nei. Ia makahiki*-no Sept. 21 i hoohuiia ai ola iloko o ka berita o ka mare e Elder John M. Bright. O na makahiki o kona hanu ana i na ea 0 kela ao inea he 20 me 5 mahina, ma ka la 15 o Sept. hora 12:30 p. m., 1 pauaho mai ai oia i keia ola ana a hoi aku la ka uhane i ka mea Nana i hana mai. Minamina wale ke hoomanao ae! He keiki akahai a he hoopdno ma kana mau hana apau. O ka mea i hanauia e ka wahine he hapa kona mau la a piha me na popilikia. Hoonani ia ke Akua ka Mea Nana 1 hana ke kino ame ka- uhane. Moe ika moe kau moe hooilo. Aloha no! Ua hoohuaia mai ko maua kitapai mai he 5 keiki, he 3 keikikane, he 2 kaikamahine, ua hala e kona mau pokii mamua o ko 1 ala hele ana i hele aku la a koe iho la he hookahi keikikane a hookahi kaikainahlne. Ua malama ia kona auaina haipule e ka Rev. Mahilahila maloko o ka halepule o Kanaana Hou, malaila i kai hou aku ai ka huakai hoolewa no ka pa ilina o ka L. D. 3., a malaila i malamala al kona anaina haipule hope loa e T. K. kainuwai ame ke Kahu Mahilahila. Ke mahalo aku nei makou i ka peresldena o ka L D. S., na hoahanau kane ame na hoahanau wahine. i ka ae ana mal e hoomoe aku 1 ka makou mea aloha i ka pa ilina o ka L. D. S.. Ke hoomaikai pu aku nel no hol m&kou, i na makamaka ame na hoaloha ame kona poe hoalianau no ka lakou mau makana po-ke pua ame na lei, a lakou i haawi mai al. E oluolu e lawe aku i ka makou hoomaikal. Na ko kakou makua iloko o ka lanl, ame ka Haku lesu e kokua, e kiai a e malama mai ia kakou apau iloko o kona aloha. Ka makou pule keia, ka poe i hookaumaha la ka naau. Ma ka inoa o lesu amene.\ Makou iho no me ka luuluu, I WILLIAM WAIALAE, MRS. ANNIE WAIALAE, MRS. J. WAIALAE. Kalaupapa, Molokai.