Ka Nupepa Kuokoa, Volume LXVI, Number 41, 27 October 1927 — MAKEMAKE KA LEHULEHU E IKE I NA HOPENA MAIKAI. [ARTICLE]

MAKEMAKE KA LEHULEHU E IKE I NA HOPENA MAIKAI.

Eia ka iehulehu o na makaainana o keia kulanakauhale ke nana. aku nei i ke kulana o ka oihana makai o Honolulu nei, malalo o ka noho poo ana a ka Makai Nui Gleason, Va meia ame na hoa o ka papa lunakiai kulanakauhale o ka hoonoho ana aku i poo ma kela oihana, ma ka manawa a ka Makai Kui David L. Desha, o ka waiho ana mai i kela oihana he inau pule lehulehu ae nei i hala. O kekahi mau loina lawelawe pili oihana a ka Makai Nui Gleason o ka hana ana iloko o na la aku la i hala, o ia.no kona hoopau ana aku i kekahi mau makai ana i ike ai, i ke kupono ole maoli; a kapae aku hoi i kekahi mau makai, no ka manawa, ma ke ano i haawina a'o, aole wale no maluna o n amakai i ku-e maoli i ka lakou oihana, aka maluna pu kekahi o na. kanaka.apau iloko o ka oihana makai. O ka hoopau ana i na makai i ike maoli ia ko lakou ku-e i ka lakou oihana, mamuli paha o ko lakou hoopilimeaai, ke kolohe, ka alunu a poholalo paha, me ka hahaki pu i ke kanawai, he hana ia e haawiia ai na mahalo ana i ka Makai Nui Gleason; a ua kupono ole na makai o kela ano e hoomauia aku iloko o ka oihana makai. Ma kona hookiekie an aae hoi i kekahi poe i kahiko iloko o ka oihana makai, ma na kulana ano nui, no keia nee ana aku, « manao aku kakou, o kekahi ia o na alahele no ka hooiia ae oka maikai ame ke kupono iloko o ka oihana makai; aole hoi no ke kulana hoaloha a mau kumu e ae paha. Ma kona hookiekie ana ae hoi i kekahi poe i kahiko iloko poo' o ka oihana makai. ahiki aku i na niakai kuhuina, he poe hooko wale no lakou i ke kanawai; maluna o lakou i kauka'iia aku ai ka maluhia o keia kulanakauhale, pela hoi ka palekana o ka noho ana o na. kanaka, a maluna ae olaila; ua ili pu aku maluna o lakou ke ko'iko'i o ka hookaawale ana ia Honolulu neii, maina hana hakihaki kanawai apau, i hoōpihaia .ai ka oihana makai, malalo o na poo mua aku nei i au, i na ea polopolona o na hana poholalo ame ke ki-pe.