Ka Nupepa Kuokoa, Volume LXVI, Number 41, 27 October 1927 — MAI HOOHILAHILA E NA KANAKA HAWAII. [ARTICLE]

MAI HOOHILAHILA E NA KANAKA HAWAII.

Ua hoikeia mai ka lohe i keia pepa no ka hapa loa o na kanaka. Hawaii e hele nei, ma ka halekuai pipi Metropolitan, e kuai ai i pipi na lakou, no ka hilahila i kela wahi kuai pipi, no ka mea he poe haole na ona o kela wahi. - Ina o keia ka mea oiaio, alaila e hoopau i kela manao hilahila, a e hele koke ae i keia manawa, no ka mea aole wale no o ka maemae ka na Hawaii e ike aku ana maloko o ka Metropolitan Meat Market, aka o ke emi me ka oluolu pu kekahi 0 na i'o pii, i hui pu ia me ka momona ame ka makamaka hou, mamua o na pipi e kuaiia nei ma na makeke e ae. E hoomaa e na Hawaii i ka hele ana ma na hale oihana o na haole, eia ka auanei he oi aku ka makepono o kolaila mau mea kuai i ko na wahi e ae, o ka hilahila, lilo ma'uwale kekahi mau dala mahuahua, ma ka uku ana i na meakuai o na wahi 1 maa ia lakou i ka hele mau ana malaila e kuai ai; e loaa ai he mihi ana mahope mai, he mihi make nae wahi a ka olelo, ua lohi loa. —>. - !

O ka meahuna pili i ka mana hoola o ka pohaku a na kanaka 0 ke» kulanakauhale e hele mau nei e hamo, ma Wahiawa ae nei, he ninau ia i mahae ai ka noonoo o na kanaka; o kela mana hoola wahi a kekahi poe mai ia lehova mai no ia, a o ka keleahi poe hoi mai ke diabolo mai. Eia ko makou manao ma keia ninau, ina ua kukuluia na ekalesia no ka hoomana ana ia lehova ame lesu Kristo Kana Keiki, alaila mailoko ponoi ae o na ekalesia, a mai ka poe ponoi ae e manaoio ana 1 kc Akua Nona na ekalesia i kukuluia ai, e oili ae ai ka hoola ana a ke Akua Nona ka lani ame ka honua, aole mai kekahi pohaku mai, a mai kekahi mea e ae paha i hanaia c Kona lima, a e na lima o na kanaka, i lihi launa ole aku i na ekalesia o ke Akua. Oka poe i hele aku ai i kela pohaku, a e hele nei no i keia manawa, o kekahi mahele nui o lakou, he poe aia no ka noonoo ihope i na akua i maa i ka hoomanaia, a e hoomanaia nei no i keia manawa, e ko lakou mau lahui pakahi; a o kekahi poe, ma na lehelehe wale iho no ko lakou hookokoke ana aku ia lehova, ua mamao loa nae ko lakou naau mai laia mai; ina nae ua hoopauia ko lakou mau pilikia, ma ka hele ana i kela pohaku; aole ia no ko lakou manaoio ana ia lehova ame lesu Kristo Kana Keiki, no ka mea ua hiki no laia ke hoola mai i ko lakou mau pilikia apau, maloko o ko lakou mau home iho, me ka hele ole e pule imua o kela pohaku, a e liamo aku paha i na lima maluna ona. Ua hookaawaleia keia pule holookoa no na hana hooikaika o na makaainana o keia kulanakauhale, no ka pono o ka Waihona Kokua Manawalea; kela hana i koi mau ia aku ai kakou, i na makahiki ae nei i hala, e haawi i na kokua ana no keia waihona. Aole no ka pono ame ka pomaikai o ka mea hookahi, a no kekahi lahui hookahi paha, i makemakeia ai e loaa ka waihona kokua no ka malama ana i na home, i kaa aku ai ka malama ana maluna o ka lehulehu, aka no na mea apau. Ke malamaia nei na wahine kane-make, na keiki makua ole, na hapauea, ame kekahi mau wahi e ae he nui, mailoko mai o na dala e haawiia ana e ka lehulehu no keia waihona kokua; ma ko kakou haawi ana ae i ka kakou maii haawina kokua no keia waihona, ua hoikeike ae kakou, i ko kakou kokua ana ia kakou ponoi iho, ma o ka holo ana aku o na poinaikai, maluna o ka poe pilikia a poino iloko o ko kakon lahui ponoi; a pela no hoi me na lahui eae e noho pu nei me kakou. . Hookahi koho baloka i koe a na kalana o kakou e malama 'mai ana iloko ae nei o mahina o Novemaba; oiano ke koho ba!oka nui, no ke koho hou ana i ka poe i loaa ole ka heluna .«ui o n ahaloka, e puka ai lak'ou, me ke koho baloka hou ole ja, iloko iho nei o keia mahina. No na moho ma ka aoao Re'puhalika, i waeia ae, a i loaa ole nae ia lakou ka hapanui o na baloka, e puka maoli ai, ma ke koho baloka wae moho aku nei, he kana na na Repubalika apau, ke koho ana i kela poe moho, me ka lilo ole o ka haule ana o kekahi mau moho, i alualu no na kulana oihana like ole, i kumu no lakou e hookekee ai, a nuha paha me ka holo ana a koho i na moho o ka aoao Demokarata, o ka hana ana pela, aole wale no i hoike *e kela poe i ko lakou mau ano oiaio, aka ua hoike pu ae lakou S ko lakou kmnakaia ana i ko lakou aoao kalaiaina iho.