| | HE MOOLELO -No- KALOKE a i ole
Ka Mea i Kapaia ka Moiwahine o na
Puuwai Kupaa. MOKUNA XXXIX. Hakalia no a pau ke kamailio ana a Mr. Vini me ke kauka,
o kona kau ae la no ia mamua o ke kaa me ke kalaiwa, a hoo-
maka aku la ka holo malie ana o ke kaa. Iloko o ka pokole
o kela wahi o ka holo ana aku o ke kaa, he keu aku ka nauki
maoli o Kaloke, o ka noonoo nui wale no iloko ona, o ia ka
hoea koke aku o ke kaa i ka hale, a kaa aku kana kane ma-
lalo o ka lapaau ana mai a kekahi kauka akamai.
O kela hapaiia ana aku o Kalifoda mailuna aku o ke kaa
noloko o ka hale o kona mau makua, kekahi hiona ku i ka
hoehaeha i ka manao, eia nae aole o Kaloke, i hookaawale iaia
iho, mai ka aoao aku o Kalifoda; a i ke komo ana aku iloko
o ka hale, aole i lilo na mea hoonani oloko, i kumu no ke kai-
kamahine opio, e lilo aku ai kona noonoo ilaila, aka ke ukali
mau la no oia ma kahi a na kanaka e hapai la ia Kalifoda
no ka hale maluna.
I ka manawa i hoomoeia aku ai o Kalifoda iluna o kekahi
moe, i hookaawaleia nona, noho iho la o Kaloke maluna
o kekahi noho, ma ka aoao o ka moe, aia mau kona mau maka
maluna o ka helehelena o kana kane i na manawa apau.
Aole loa he wahi hoihoi iki iloko o Mr. Vini, no kela noho
kokoke aku o Kaloke ma ka aoao o Kalifoda, a oki loa aku
hoi kona makemake i kela kaikamahine maloko o kona home,
aka no kona nana ae nae, he poe okoa kekahi maloko o ka ru-
mi, nolaila ua hiki ole iaia ke kauoha aku ia Kaloke e ku a
hoi no kona wahi.
Oiai no e hooponoponoia ana na mea apau e oluolu ai ka
hiamoe ana o Kalifoda, ua loaa mai la kekahi kelekalapa ia Mr.
Vini, e hoakaka ana, no ka hala ana aku o Kauka Hamona,
kekahi kauka kaha akamai loa, no kahi mamao, e hiki ole
ai oia ke holo mai, no ka nana ana i ka mea poino, aka nae he
kauka okoa ke hoea mai ana ma kona wahi, he kauka no i like
aku kona ike ame ke akamai me ko Kauka Hamona.
Oiai e kakali ana o ka hoea mai o ke kauka, ua hoi aku la
ka poe na lakou i kokua mai, ma ka hapai ana ia Kalifoda, no
ko lakou mau wahi, a koe wale iho la no na makua o ke ka-
naka opio ame Kaloke maloko o ka rumi, a o ia ka Mrs. Vini
o ka huli ana ae no kahi o kana kane e noho mai ana, a ninau
aku la:
"Heaha ke kuleana o keia kaikamahine o ke komo ana mai
nei maloko o keia rumi?" wahi ana me kona nana ana mai ma
ka helehelena o Kaloke.
"Na kona manao ponoi no i kono aku iaia e hele mai; aole
e hiki ia'u ke ku-e aku, no ka mea ua nui loa na kanaka ma
kahi i poino ai o Kalifoda," i pane aku ai no hoi o Mr. Vini,
me kona nana pu ana aku maluna o Kaloke.
''Ua hiki ia oe ke hoi no kou wahi i keia manawa, aole he
mau hana hou ma kou aoao i makemakeia no ka pono o ka
Mea poino!"
"E na Lani, e kokua mai ia'u!" i noonoo wale iho ai no o
Kaloke iloko ona. "Ua piha anei ka honua nei i ka poe loko-
inoa elike me keia?"
No kekahi mau sekona pokole, aole e hiki ia Kaloke ke
pane koke mai, aka i ke akakuu ana iho o kona mau manao
maikai ole, ia wa i ku ae ai oia iluna a pololei, nana mai la
wa na maka o Mrs. Vini, me ka pane ana mai:
"Auhea oe e ka madame, ke hoomaopopo nei au, aole o'u
makemakeia maloko nei o keia home, a ua hoopiha loa ia mai
kuu uhane me ke kaumaha no ia mea, aka nae ma ke ano he
wahine au i mareia, aole loa o'u makemake e kaawale mai ka
aoao aku o ka'u kane."
"He wahine anei oe i mareia?" i pikanana mai ai ke kamai-
lio ana a Mrs. Vini, me ka hele hoi o kona mau maka a ku-
nahihi, i kau a mea o ka inaina, oiai ua ku-e ino loa oia i kana
keiki mai ka lawe ana aku ia Kaloke i wahine mare nana.
"Ae, ua mareia maua ma ka hora umi-kumamakahi o keia
kakahiaka, a'u no e manao nei, ua maopopo mua ia oe ia mea,"
wahi a Kaloke me ka eueu o kona mau lehelehe, no ka hoo-
manao ana ae, eia ka o na haawina ehaeha ke ukali aku ana
mahope o ka hauoli.
"Pehea auanei e hiki ai ia oe ke noho mai, oiai aole he rumi
kaawale i koe oloko nei o ka hale nou?" i kamailio hou mai
ai o Mrs. Vini.
Nana ae la o Kaloke ialoko o kela keena nui, pela hoi ma-
loko o ka rumi komo lole e pili kokoke mai ana, me kona pane
hou ole aku, alaila hele mai la oia a ku iho la ma ka aoao o
ka moe o kana kane, a kau aku la kana nana ana maluna o
kona helehelena me ka manao kaumaha.
Aohe a Kaloke noonoo hou ana aku no Mr. Vini ame kana
wahine, hookahi mea nui iloko o kona noonoo, o ka hoea koke
mai o ke kauka, a hoike aku i kana ike, ina paha no ke ola
a i ole no ka make aku paha o kana kane.
Ua piha pu na makua i na manao kaumaha no ka poino i kau
aku maluna o ka laua keiki, na ia manao kaumaha, no ka po-
ino i kau aku maluna o ka laua keiki, na ia manao kaumaha,
i kaohi aku i ko laua manao, e kipaku okoa mai ia Kaloke mai-
loko aku o ko laua home.
He mau minuke helu wale no mahope iho, lohe aku la o Ka-
loke i ka hoea ana mai o ke kauka, a lohe pu aku la oia i ka
leo o ke kamailio ana mai i ke kauwa, he leo i kamaaina iaia;
a i ka hoea ana mai o ua kauka nei noloko o ka rumi e noho
aku ana o Kaloke, aole oia i hoohewahewa i ka mea o ka hoea
ana mai la, o ka Haku Walaka no ia, kela kanaka opio ana
i kamaaina ai, no kekahi mau mahina loihi.
Ua ku koke mai la o Kaloke iluna, me ka haawi ana mai
! kona lima imua o ke kauka, me ka hooho pu ana ae i kona
inoa i ka i ana mai:
"Auwe, o ka Haku Walaka!" wahi ana me ka nui ana iho
o kona hanu, alaila leha mai la kana nana ana ma na maka
o ke kauka opio a hoopuka hou mai la i keia mau olelo:
"Ke hauoli loa nei au no kou hoea ana mai, o ka'u uwalo
wale no imua ou, e hoikaika oe e hoopakele ae iaia mai ka
make mai!"
Hopu aku Ia ka Haku Walaka i ka lima o Kaloke me ka pu-
liki ana iho, ma ke ano e hoolana aku ai i ka manao o ke kaika-
mahina opio, alaila i aku la:
Ina eia iloko oia ka mana e hiki ai ke hoopakele i kona ola,
alaila e hookoia ana kou makemake, a e hoao oe e noho ma-
lii a e malama i ka manao koa."
Hoonoho iho Ia ka Haku Walaka ia Kaloke maluna o ka | noho ana o ke ku ana mai e lululima me ke kauka opio, alaila
huli aku la ka nana ana a Walaka maluna o ka mea poino.
Ke nana mai la o Mr. Vini ame kana wahine i kela hiona
nana i hookahaha loa aku i ko laua noonoo, no ke kamaaina
mua ana o kela kauka ia Kaloke ke kaikamahine a laua i hoo-
wahawaha loa a i a ua hooi Ioa ia ae hoi ko laua inaina.
Me ka hoohakalia ole iho i kana hana, hoomaka koke aku
Ia ke Kauka Walaka i ka nana ana ia Kalifoda, ma ke kaha
ana i kona kino, a iloko o ka hora hookahi a ke kauka e lawe-
lawe la i kana oihana, aole e hiki ia Mrs. Vini ke noho aku ma-
loko o ka rumi, ua kono okoa ia oia e hoi noloko o kona rumi;
a no Mr. Vini hoi, oia pu kekahi i haalele mai ialoko o kela
rumi, no ka menemene i na hana a ke kauka.
O Kaloke hookahi wale no ka mea hiki ke noho maloko
o kela rumi, a hooko aku ma na mea apau a ke kauka e kau-
oha mai ai iaia, elike no me kana i hana aku ai, ma ka manawa
a Kauka Walaka i kaha ai i kana keiki ponoi.
O ka hele hoi ia ahiki i ka pau ana o kela nana a ke kauka,
hoike mai la oia ia Kaloke, he ekolu mau iwiaoao i haki, o ka
hana nui, o ia no ka hoihoi hou ana ia lakou elike me mamua
a aia kekahi wahi uliuli ma ka iwikuamoo, ma kahi e hooku'i
la me ke kikala, a hoakaka pu mai la no hoi oia, malia he mau
wahi e ae no kekahi maloko o ke kino i poino, he manawa okoa
aku nae e ikeia ae ai ia mau pilikia.
Ma kela manawa a ke kauka e noke ana i ka nana i ke kino,
e uwe okoa ae ana o Kalifoda i ka eha, me ka hoi pono ana
mai no hoi o kona noonoo maikai, a hakalia no a pau ka hana
a ke kauka, ua moe lolo hou aku la oia iloko o ka nawaliwali
a hookahi no hana, o ka noke i ka puliki i ka lima o Kaloke e
paa iho ana me ka manao makee.
No na hora ekolu ka noho ana o ke Kauka Walaka ma kela
home, no ka nana ana i ke kulana o ka mea poino, a i kona
ike ana, ua loaa ka hiamoe maikai ia Kalifoda hoakaka ae la
oia i kona manao, no ka huli hoi ana aku no kona wahi, ia wa
i huki aku ai o Mr. Vini iaia noloko o kekahi keena kaawale,
no ke ake ana e lohe ponoi i ka manao o ke kauka no kana
keiki.
Me ka hunahuna ole iho i hoike aku ai no hoi o Walaka no
ke ko'iko'i o ka pilikia i kau aku maluna o ka mea poino, aka
nae ma kona manaoio, e hoopakeleia ana no kana keiki, ke
haawiia kekahi manawa nui kupono, ma ka lapaau ana me ke
akamai o ke kanaka.
"Pehea i loaa ai kela poino i kau keiki?" i ninau okoa mai
ai o Kauka Walaka no ka manawa mua ba i ke ano o kela
pilikia.
Hoakaka aku la no hoi o Mr. Vini ma ke ano nui, i na mea
a kaua e ka makamaka heluhelu i ike mua ae nei, no ka hiolo
ana mai o na pahu nunui mailuna mai o ke kaa kalaka, a oiai
ke kanaka opio e hoopakele ana i kou aole, pela i kau aku ai
ka poino maluna ona.
"Ua pomaikai maoli oe, a ua pakele mahunehune ke ola o
kau keiki, ina nei no ka loaa pono mai o ke ka'e o kekahi o na
pahu nunui, i ka iwikuamoo o kau keiki, aole he manaolana no
kona ola; ua make ola iloko o ka manawa pokole loa."
He mea makehewa wale no i ke kauka ka hoike ana mai i
kana mau mea i manao ai no kela poino, oiai ua hoopiha loa
ia o Mr. Vini me ka menemene ame ka maka'u pu, aka i aku
la nae oia i ke kauka:
"Pehea e hoouna mai ana anei oe i kekahi kahuma'i makau-
kau no ka nana ana i kuu keiki ?" wahi ana no ka hoololi ana
ae i ka laua mau mea e kamailio ai.
"Ae, e hoouna koke mai ana au i kekahi kahuma'i makaukau
ma ka manawa a'u e hoea aku ai no ka halema'i."
"Pehea la kou manao e ke kauka, he mea maikai anei ka hoo-
kaawale ana i na mea apau mailoko aku o ka rumi o ka mea
ma'i?" wahi hou a Mr. Vini, no kona makemake mai no keia
e kaawale loa o Kaloke mailoko aku o kona home, a mai ka
noho kiai ana hoi ma ka aoao o ka moe o Kalifoda.
Ke hoomaopopo la o Kauka Walaka i ka manao o Mr. Vini
ma keia ninau ana aku iaia, oiai ua ike oia i ka maikai ole o na
helehelena o kela kanaka ame kana wahine, oiai oia e lululima
pu ana me Kaloke, a o ia kana o ka pane ana aku:
"Ma na ano apau, he mea maikai ka hookuu ana aku i ka
mea ma'i e hooluolu me ka hoopilikia ole aku i kona noonoo;
a he mea pono no, aole e noho mai kekahi mea ana i hoihoi
ole ai maloko o kona rumi. Ua hiki no i kana wahine ke noho
pu me ia, ina o kona makemake kela, a ina no hoi ua hiki i
kana wahine ke hoomanawanui. O ka mea nui e makaala loa
ai, o ia ka hoala ole mai i na mea e hoopilikia aku ai i kona noo-
noo."
Ua piha loa o Mr. Vini i ka hoonaukiuki no kela pane a
ke kauka, a oiai he mea nui na kauoha apau mai ke kauka mai,
nolaila he mea makehewa kona hoao hou ana mai e paku'iku'i
olelo, hookahi no hana o ka hooko mai elike me ia i hoikeia aku
ai iaia; aia no nae kela hoowahawaha iloko ona, no Kaloke ke
nohoalii mau la maluna o kona mau noonoo maikai apau.
Mahope o kela kuka'i olelo pokole ana i haalele iho ai ke
Kauka Walaka ma kona alahele na ka halema'i, a iaia e iho ana
maluna o na nuu mabala o ka hale nani o ka ohana Vini, pa-
hola ae la ka minoaka ma kona mau papalina no kana mau
mea i ike ai, no na makua p ke kanaka poino, maluna o Kaloke;
aka ma kekahi aoao hoi, aia ke kaumaha iloko ona, no Kaloke,
no ka hoopuniia ana o koha mau aoao e na haawina kaumaha.
"E ka wahine opio a kuu puuwai i aloha ai, ua hoopiha loa
ia mai kuu naau me ke kaumaha, no ka ukali ana mai o keia
hopena poino, mahope o kou la mare, oiai nae o ka'u leo pule
i kalokalo aku ai i na mana lani, e ukaliia kou mau Ia e na
haawina pookela loa o ka hauoli.
"Ke hopohopo loa nei au, aia ke waiho mai la imua o kou
alahele kekahi mau mea maikai ole no kou ola ana aku, aka
nae he oi aku paha kou hauoli, e ki-na kau kane, mamua o
kona make aku, nolaila e hoao ana au ma. na ano apau e hoo-
pakele ae i kona ola no kou pono," me kela mau olelo e namu-
namu la ma kona mau lehelehe, i hoea aku ai o Kauka Walaka
no kahi o kona kaa e ku mai ana.
Mamua o kona haalele ana mai ia Mr. Vini, ua hoike mai
oia, no kona hele hou mai e nana i ka mea ma'i, ma kekahi ma-
nawa o kela ahiahi. MOKUNA XLI. Owai ka mea hiki ke hoakaka ae i na ehaeha ame na kau-
maha iloko o nu la ame na po, i kiaiia ai ka mea poino me ka
makaala a paupauaho ole, no ka poino i kau aku maluna o
Kalifoda, elike me ia i ikeia ai ma ka mokuna aku la i hala?
O kela poe wale no, na lakou e kiai mau ana i ke ao ame ka
po, ma ka aoao o ka moe o ka mea poino, na lakou e hoike ae i
ke ko'iko'i maoli o ka haawina i kau aku maluna o lakou.
Me he mea la o Kaloke hookahi wale no ka mea i ike i ka
nui ame ke ko'iko'i maoli o na haawina kaumaha i kau aku
maluna ona; aole hoi no ka poino i kau aku maluna o kana
kane, ua maopopo ia, aka, no ka lilo o kona noho ana maloko
o kela home, i mea hoihoi ole ia e na makua o Kalifoda. | Aole i hunahuna iho o Mr. Vini ame kana wahine, i ko laua
hoowahawaha me ka hoihoi ole ia Kaloke, ua hoikeike ma
kela mau mea, ma na ano lehulehu, i ko laua ku-e maoli i keia
wahine opio.
E imihala maoli ana laua ia Kaloke ma ka olelo ana, hoo-
kahi wale no kumu o ka noho ana o Kaloke ma ka aoao o ka
moe o kana kane, mamuli o ke kauoha a ke kauka, oiai nae
wahi hou a laua, ma na manawa apau a kela wahine e noho
kokoke aku ai ia Kalifoda, e noke mau ana ke kanaka opio i ka
onioni, me he mea la, aole he wahi lihi hoihoi iki iloko ona
no Kaloke.
Ma na manawa apau a kela mau mea e maalo ae ai nu kahi
kokoke ia Kaloke, me he mea la, e hoikeike okoa mai ana laua
i ko laua ike ole ana iaia ma kela wahi, a i kekahi manawa
ina e nana aku o Kaloke i kekahi o laua, e hookokoke okoa ma
ana ka laua nana ana iaia nei; a aole no o laua kamailio iki
mai iaia i hookahi huaolelo.
No kona pono nae, ua hookomoia kekahi moe maloko o ka
rumi komo lole, e huli pono mai ana i ka rumi e waiho ana o
Kalifoda, a maloko no o kela rumi e laweia mai ai kana mau
meaai, he mau meaai i ninau mua ole ia mai, ina paha o kela
kana meaai makemake aole paha.
Ma ke ano nui maoli ke olelo ae, o na meaai e lawei amai
ana nana, he mau meaai e ono ole aku ai ka puu, o ka nana
ae nae o ka mea wale no ia e mau ai ka ikaika i kona kino, po-
no ai wale aku la no oia, aia ka pono o ka hala ae o ka la, nana
aku ana ua la hou.
Iloko o na mea apau i hanaia mai nona, aole he manao ohu-
mu i komo iloko o ua o Kaloke, aka ua noho oia me ka hooma-
nawanui, me ka hooponopono ana aku i kona rumi ma ke ano
maiau loa, e waiho ana i kela ame keia mea ma ko lakou mau
wahi iho, a i kekahi manawa no hoi, e kokua aku ana oia i
ka mea malama ma'i; me ka olelo okoa ana iho o kela mea
no kona laki, i ka loaa ana o kekahi kokua makaukau a hoo-
manawanui elike me Kaloke.
Ma na manawa kaawale apau o Kaloke, e noho mau ana oia
ma ka aoao o ka moe me ka paa ana ma na lima o kana kane
a i kekahi manawa no hoi, e hoomoe okoa mai ana i ke poo o
Kalifoda iluna o kona mau lima; a ke kaawale aku oia no ke-
kahi wahi okoa, me ka ha'o o ka ike ana aku o Kalifoda iaia,
e lilo ana ia i kumu kuaki loa no ke kanaka opio, me ke kaapa
wale ana no iluna o kona moe.
I kela la ame keia la, e ike mau ia ana o Kaloke ma ka aoao
o ka moe o kana kane, me ka nohoalii mau ana o ke kaumaha
maluna o kona helehelena, a o na manawa wale no e ikeia aku
ai ka mohala maikai o kona helehelena, ma na manawa e hoea
mai ai ka Haku Walaka, a o Kauka Walaka hoi ma kekahi ole-
lo ana ae, ma na hoa o ke kakahiaka, pela hoi ma ke ahiahi,
no ka mea e hoohalaia ana kekahi mau minuke e laua ma ke
kamailio pu ana.
Ma kela mau manawa a Kauka Walaka e hoea mai ana a
kamailio pu me Kaloke, aole e nele kona hoike mai i na mea
e pili ana i ka Madame Mokana, no ka mea e halihali mau aku
ana ke kauka opio i na hoike imua o kela wahine, no ke ku-
lana o Kalifoda ame ua o Kaloke.
Aole i noho pouliuli o Kauka Walaka i ke kulana oiaio maoli
maloko o kela home, no ka mea ma ka o Kaloke, i ike aku
ai oia, aole he noho aloha o kela wahine opio me na makua o
kane, o ka manawa wale no e ikeia ai ka mohala maikai o kona
helehelena, aia a hoea aku ke kauka imua ona, nolaila, ma ke-
kahi la, i kamailio okoa aku ai o Kauka Walaka iaia i ka i ana
aku:
"He mea pono ia oe e hele holoholo i kekahi manawa ua hele
maoli kou helehelena a nananakea, no kou paa loa maloko nei
o ka hale."
"Aole loa e hiki ia'u ke haalele i ke kiai ana iaia," i pane ae
ai no hoi o Kaloke, me ka hoao ana mai e minoaka.
"Ke hopohopo loa nei au nou, no ka mea ua hoi ano e loa kou
helehelena mai kela ano kahiko mai ou. E pono oe e hele ho-
loholo liilii, he hana hiki keia ia oe ke hooko, ma ka manawa
e hiamoe ai kau kane. Ke makemake nei au e hooia mai oe
imua o'u i keia manawa, e hele oe i ka holoholo no kekahi ma-
nawa pokole ma keia kakahiaka."
Alaalawa ae la ka Kaloke nana ana maloko o ka mmi, a ma-
loko o kekahi rumi okoa aku, ina paha he mea kekahi e noho
mai ana, a i kona ike ana, ua mehameha kela mau wahi apau;
ia manawa i kamailio mai ai oia me ka leo liilii:
"Ke hopohopo loa nei au, ina nei no ko'u hemo mawaho o
keia hale, aole au e aeia ana e komo hou mai iloko nei."
"Ua maopopo ia'u ka manao o kena mau olelo au i kamailio
mai la, aka nae aole au mea e hopohopo ai, a e maka'u ai paha;
ua ike au i kou kulana oiaio e noho nei ma keia home, a ua
hoike okoa aku au i ko'u manao imua o Mr. Vini no ka pono
o kau kane, he mea pono o oe pu ke kokua mai ia'u ma kou
lilo ana i hope no'u, oiai au e kaawale aku ana ma kahi okoa."
"Ina pela alaila ua pau ae la ko'u hopohopo, a ke hoomaikai
aku nei au ia oe, no kau mea i hana ai no ko'u pono," alaila
nui iho la kona hanu, e hoike mai ana i ka nui maoli o ka eha-
eha o kona noonoo, no na mea i hanaia aku iaia e kela ohana.
"E hoomanawanui hou kaua, a e hooko oe ma na mea apau
a'u e kauoha aku ai ia oe e hana, me kuu manaolana e hoea
mai ana no ka manawa e hoomaalahiia ae ai ke ano o kou noho
ana ma keia mua aku, aole hoi elike me keia manawa ka pili
mau o kou noonoo me ke kaumaha.
"Alaila ke hoolaia nei anei oe e haalele iho au i keia home,
a hoi aku e noho ma kekahi wahi okoa?"
"O ko'u manao maoli no ia, ke ae mai nae kau kane, i kona
manawa e oluolu maikai ae ai."
"Ma kou ike maoli, eia anei ke pii ae nei ke kulana maikai
o kuu kane?" wahi a Kaloke, me ka lamalama ana ae o kona
helehelena, e hoike mai ana i kona piha i ka olioli.
"Aole o'u wahi kanalua iki no ia mea; ke pii malie ae nei
kona maikai, aka me ka lohi no nae. Eia wale no ka'u kauoha
ia oe; ke loaa ka hiamoe i kau kane i kekahi manawa o keia
la, alaila e holo koke oe e ike i ka Madame Mokana, aia oia
ke kakali mai la o ke ake e ike ia oe; ua ku a mehameha maoli
kela wahine, no kou kaawale ana mai iaia mai."
"Aole loa e hiki ia'u ke hoopoina no ka Madame Mokana, ua
hele maoli au a piha i ke aloha nona e noho nei," i pane aku
ai no hoi o Kaloke, me kona hooia pu ana aku, e hele aku ana
oia i ka holoholo, no ka ike ana i ka Madame Mokana.
He mea oiaio, ma kekahi manawa o kela la, i ka wa i hiamoe
aku ai o Kalifoda, haalele iho la o Kaloke i ka home o ka oha-
na Vini, a hele aku la e ike i ka Madame Mokana, i ka halawai
ana ae o na wahine elua i kahi hookahi, ua apo mai Ia ka Ma-
dame Mokana ia Kaloke me ka manao makee, o ia no oe o ka
makuahine ponoi no kana kaikamahine, a ua hookaheia no hoi
ko laua mau waimaka pakahi o ke aloha o kekahi no kekahi,
me ka hoike okoa ana mai o ka Madame Mokana i kona aloha
me ka makee nui no Kaloke, ma ka noke ana i k. a honi ma kona
mau papalina, ka mea i hana ole ia mamua e kela wahine ma-
luna o ke kaikamahine opio.
(Aole i pau.) | |