Ka Nupepa Kuokoa, Volume LXVI, Number 53, 1 December 1927 — Page 2

ELUA NUPEPA KUOKOA HONOLULU T. H. POAHA, DEKEMABA 1, 1927

no kuu wahine, ua hooholo iho la au, ua lawa ko maua noho
ana maanei nei, ua oi aku ko maua kaawale ana mai ko olua
alo mai mamua o ka noho ana mai o kuu wahine e hoopilikia
i ko olua noonoo."
"Aole o'u makemake e ku oe e Kalifoda a hele mailoko aku

o keia home," wahi a Mr. Vini, me koha ike maoli ana iho i
ka hilahila iloko ona, ina nei no ke ku o kana keiki a hoi aku
he wahi okoa e noho ai. .

"O ka iini ame ka makemake nui iloko o'u, o ia no kou noho mai, a hana aku au i na mea apau e loaa ai ka oluolu maikai ia oe, no ka mea ua ike maoli iho no au i ko'u aie nui ia oe e Kalifoda."

"Aohe oe i aie ia'u ma kekahi ano, aole loa. Ke hoike aku nei au ia oe i ka mea oiaio loa, aole loa ali e ae ana e lawe mai i kekahi mea mai ia oe mai ho ko'u pono wale iho no, ke ole ia e holo like aku maluha o Kaloke, ka mea i oi aku ko'u pulama iaia iloko o kuu puuwai, mamua o ko'u ola iho," i pane mai ai o Kalifoda me ka paa o kona manao, e hiki ole ai ke maliu mai i koha makuakane, a mahope o kona hoomaha liilii ana iho, ua hoomaka hou mai la oia e kamailio:

"Ua hoike okoa mai nei o Kauka Walaka i kona manao, ma
ka Ia mahope aku o ka la apopo, e haalele iho ai au i keia ho-
me, a ua hoolala oia i na mea apau e pili ana no ko'u laweia
aku no ko'u mau rumi hou, a iloko o na pule elua o ko'u noho
ana malaila, e lawelaweia ai na hana kaha maluna o kuu kino,
a'u e manao nei, ua loaa mua aku ka lohe ia oe no kela hana."

He oiaio ua hoike mua ia mai ka lohe ia Mr. Vini e Kauka Walaka no ke kahaia aku o kana keiki, me ka lilo o kela hana i mea hoopilikia loa aku i kona noonoo, o ka mea apiki nae, iaia i lohe mai ai i ko Kalifoda kamailio aku no kona kahaia ua hookahaha loa ia aku ua kanaka nei, no ka pihoihoi ole o ka mahao o ke kanaka opio, hie he mea la, aole ona maka'u a weliweli paha i kela hana aki.

Hookahi nae mea a kela kanaka i mamake ole ai e haawipio o ia no kona ike aku ia Kaloke ma ke ano he wahine na kana keiki, ua paa maoli no koha manao, aole e hookipa mai i kela wahine opio me ka manao maikai; ana no e ike la, aole ia he haha kupono ma kona aoao, ka makuakane o ke kane a Kaloke, aka nae elike me ke ano o ka poe hanohano a waiwai, aole o lakou ike wale iho i ka poe haahaa a ilihune, pela no keia kanaka i nana aku ai ia Kaloke.

No ka hana hoopakele nae a Kalifoda i kona ola, ua ma-
kamake o Mr. Vini, e hana aku i na mea apau e pono ai kana
keiki; aka iloko no o ia manawa hookahi aole oia e haawipio
ana i hookahi iniha o kona kahua i ku ai, no ka hookipa ana
mai ia Kaloke me ka manao maikai iloko o kona puuwai, me i
kona ike no nae ua oi kela aku na ano o kela kaikamahine, i
kona ano ame na ano o koiia ohana.

Me ka hunahuna ole iho, hoike okoa aku Ia o Mr. Vini i ka nui o kona kaumaha no kela haalele mal o Kalifoda i kona, a hele aku no kahi okoa e noho ai, me kona au'a okoa ana aku ia Kalifoda, e noho mai, aole nae he maliu mai o ke kanaka opio, aka hoike mai la oia i ka paa o kona manao me ko Kaloke e haalele iho laua i kela hale ma kekahi la mai.

"Pehea e hiki ai ia oe ke noho kaawale ma kekahi wahi koa?" i hoike, aku ai o Mr. Vini i kona manao, mahope iho o ke akakuu ana mal o kona manao pihoihoi, i ka lohe ana i ka manao o kana keiki. "Auhea kau dala e hiki ai ke ukuia aku kou mau hoolilo apau o ka noho ana?" (Aole i pau.)


	HE MOOLELO -No- KALOKE a i ole Ka Mea i Kapaia ka Moiwahine o na Puuwai Kupaa. MOKUNA XLII. "O keia iho Ia anei ke ano mau o kau mau meaai e lawe mai ai, na ka wahine a kuu kaikunane, ka mea nana e makaala mau nei i kona pono i ke ao ame ka po, kela wahine i hele a omali kona kino, e noho mai la ma ka hale maluna?" me kona kuhikuhi ana iho i na apana palaoa elua, he niau uala kahiki, me na apana pipi lahilahi elua ame ke kiaha waiu. Namunamu wale iho la no ke kauwa me ka puka pono ole mai o na olelo, i kau a mea o ka piha maka'u ia Ane, a ia wa i poha hou aku ai ka leo o ke kaikamahina opio i ka i aha aku: "E hoihoi hou oe i keia mau meaai iloko o ka halekuke, a e olelo aku i ke kuke, e haawi mai i mau meaai maikai, na meaai, a ko'u mau makua ame a'u e ai ai, aole o keia mau meaai i kupono na na ilio wale no e ai. Ma keia hope aku, o ha meaai e laweia mai a haawi i ka wahine a kuu kaikunane, o ia no na meaai maluna o ka makou pakaukau, a e haawiia aku iaia, i ka wa wela a pumehana." Huli aku la ke kauwa hele no ka hoihoi hou ana i na meaai noloko o ka halekuke, aia hoi ma kona helehelena ka hoka ame ka hoopepe; no ka hiki ole iaia ke hookiekie mai maluna o kela kaikamahine. Mai kela manawa mai, akahi no a ike maoli iho o Kaloke i ka laweia mai o na meaai kupono nana, a ike okoa iho la no hoi oia i ka ono ke ai aku, aole hoi elike me mamua aku, ua hoohalike maoli ia mai no oia, me he wahine haahaa loa la, ai i ole he wahine ilihune paha. E mikiala mau ana o Ane i na manawa apau mahope mai, ma ka nana ana i na meaai i Robaka e Iawe ai na Kaloke, he olaio, aole e hiki i ke kuke a i ole i ke kauwa lawelawe paha, ke pale ae i ke kauoha a keia kaikamahine, no ka mea ua nana aku na kauwa apau maloko o kela home iaia, ma ke ano he leo mana nui kona ma na mea apau. Ua pii maikai mai ka ikaika o Kalifoda, mahope o kela huli hoi ana mai o Ane. He mau manawa no kekahi o ka ehaeha e hoea mai ai maluna ona, me ka hiki ole iaia ke uumi iho i kela pilikia; a he mau manawa no hoi kekahi e oluolu ai, a iloko nae o kona manawa eha ole, e hoomaopopo mai ai oia, i na mea e hoopuni ana iaia. Ua hoopiha loa ia aku ke kanaka opio i ka loaa ana o ka ike iaia, i ka pipili o na manao aloha mawaena o kona kaikuahine ame Kaloke, aka nae no na hana a kona mau makua i kana wahine, elike me ia ana e hoomaopopo mai ana, ua lilo ia i mea hookaumaha aku i kona noonoo. Ke hoomaopopo pu la no hoi oia, aole he kamailio wale o kona mau makua ia Kaloke, koe wale no a hiki ole ia laua ke alo ae i kekahi manawa; a i ka pii mahuahua mau ana ae o kona maikai, me ka hoea mau aku o kona mau makua e ike iaia; ua hooi loa ia ae kona ike, i ke kulana oiaio maoli o kona mau makua no kana wahine, o ia no ka piha o ko laua naau i ka hoowahawaha ame ka makemake ole. Aia iloko o ke kanaka opio ka makemake ole maoli, no kela hoohaahaaia o kana wahine, ua kakali malie nae oia i kona manao, ahiki i kekahi la, i ka manawa o kona makuakane hoea aku ai e ike iaia, a oiai o laua kokoolua wale no koloko o ka rumi, ia manawa i hoomaka mai ai o Kalifoda e kamailio "Ke pii mau ae nei ko'u maikai iloko o keia pule, a ina penei iho la ko'u maikai mau, malalo o na kiai ame na makaala ana, e loaa nei ia'u alaila aole e loihi na la i koe e kakali aku ai, o ka hiki no ia ia'u ke holoholo. Ua nui maoli no kau mau hooikaika ana e papa, no ko'u pono!" ''Pehea auanei e hiki ai ia'u ke alo ae, mai ka hana ana aku i na mea apau e palekana ai kou ola, no ka mea ua pakele ko'u ola ma kau hooikaika ana," i pane aku ai ka makuakane me ka leo haalulu, o ka mea e uumi ana i kona manao kaumaha me ka ehaeha, mamuli o kona hoomaopopo ana i na ano kilakila o kana keiki ma ka hoopakele ana i kona ola, oiai nae ua nanakee aku oia i kana keiki ma kela halawai ana o laua ma ka hale hoolulu kaaahi. "Ina ua hoomaopopo oe i ka'u mea i hana aku ai nou aia iloko o kou puuwai ka manao hoomaikai, no ka palekana ana o kou ola, ma o'u nei, alaila hookahi a'u mea i makemake ai ia oe e hana mai no'u," alaila nana pono loa mai la o Kalifoda ma na maka o kona makuakane. "Heaha ia mea au i makemake ai e Kalifoda kuu keiki? Ina me ke dala e hiki ai ke loaa mai kau mea i makemake ai, alaila ua makaukau au e hooko aku i na manawa apau." "Aole ma ke kuai ana aku me ke dala, e loaa ai ka mea a'u e makemake nei," i pane ae ai o Kalifoda me ka leo kaumaha "O ka mea a'u i makemake ai, o ia no kou nana ana aku ma-luna o kuu wahine me ka oluolu, a e hoikeike aku hoi i kou manao aloha nona, me he mea la, ua hana mai oe ia mau mea maluna o kau keiki nei." "E pono kaua e waiho malie i ke kamailio ana no ko wa-hine," i pane ae ai ka makuakane, me ka hoike okoa ana ma i kona ano okalakala. "Ma kou mau makemake e ae apau ina no u he mea e konoia mai ai au e hoolilo aku i ka hapalua o ko'u mau waiwai, ua makaukau loa au e hooko aku; aka nae o kou koi ana mai, e nana oluolu aku au, maluna o keia kaikamahine o ke kulana haahaa, ka wahine au i mare aku ai, me ka maliu ole mai i ke ka-ua aku a kou makua nei, ke hoole Ioa aku nei au i ka ike ana iaia, ma ke ano oia kekahi o ko'u ohana." Me ke kakali ole aku e lohe i ka pane a kana keiki, no kela wau olelo ku ino ae la o Mr. Vini iluna, me ka haalele ana aku ialoko o ka rumi o kaua keiki, a pani ino mai la i ka puka. I kela hala ana mai o ka makuakane, ua noho hookahi aku la o Kalifoda, me ka noonoo nui ana, i na olelo i kamailioia mawaena ona ame kona makua, a i ka hoea ana mai o Kauka Walaka ma kela ahiahi, kauoha okoa aku la oia i ke kahu malama ma'i, e haalele mai ialoko o ka rumi, i hiki ai iaia ke kamailio i kona manao imua o ke kauka wale no me ka lohe	ole mai o kekahi mea okoa aku, koe wale no o Kaloke. "Pehea, ua manao no anei oe e kuu kauka maikai, he mea kupono no'u ka hoi ana aku no kekahi wahi okoa e noho ai?" Leha aku la ka nana ana a ke kauka maluna o Kaloke, a iaia i ike aku ai i ke kulou o ke poo o ka wahine opio ilalo hoomao-popo koke iho la no ola i ke kumu nui, o kela ninau a Kalifoda i waiho aku ai iaia, no ka hoohee ana i wahi okoa oia e noho ai, a o ia kahi o ka hoomaoe ana mai: "Ke makemake nei anei oe e nee no kekahi wahi okoa aku e noho ai?" "Ina hoi paha no kou apono mai alaila, ua mamake au e hoi a hoho maloko o kela mau rumi a'u i hoolimalima ai, a i hoonani ai, no kuu wahine nei, he mau pule aku nei i hala,'' i hoakaka ae ai o Kalifoda, ma ke aho hoopokole Nana hou mai la ke Kauka Walaka maluna o Kaloke, a no ka hele a nananakea maoli kona helehelena, e hooiia, aku ai ka pilikia o ka wahine opio, ke loihi ko Kaloke noho ana maloko o kela hale, nolaila haawi koke mai la oia i kana pane i ka i ana mai: "Ina o kou makemake maoli no ia o ka hoi aku maloko o kela mau rumi e noho ai, alaila ke haawi aku nei au i ka'u apono no kela manao; a e haalele koke oe ialoko nei o keia home, elike me ki hikiwawe e loaa ana?" Ua hookahaha loa ia aku ko Kalifoda manao, no keia pane a ke kauka, a o Kaloke pu no hoi kekahi iloko o kela noonoo hookahi, me ko laua nana like ana mai maluna o ke Kauka Walaka, a o ia ka ke kauka o ka hoomau ana aku i kaiia kamailio ana: "Aole e kala i komo ai ka noonoo iloko o'u, e kamailio aku imua o olua i kekahi mea ano nui, nae ahiki i ka hookoia ana o kela manao, o ia hoi ua kukakuka au me Kauka Hamona, a ua hooholo maua me ka manao lokahi, he hookahi wale no haha pono, e lawelaweia maluna ou e Kalifoda o ia ke kaha ana i kou kino, i maopopo poho ai na pilikia apali i loaa ia oe." Ua like pu keia mau olelo a ke kauka, me kekahi pahi i houia aku ma ka puuwai o Kaloke, a ua loaa pu no hoi ia mahao hopohopo hookahi ia Kalifoda no kona palekana, aka nae hoike okoa mai la oia i kona manao, i ka i ana mai: "Ua noonoo mua no au, e hoea mai ana he manawa e lawelaweia ai na hana kahi maluna o'u; no ka mea ua ike maoli iho no au i ka hui o ka poino i loaa i ko'u iwikuamoo, a i kekahi manawa, e ike maoli ana au i ka maeele o ko'u mau lima." "O kou pilikia nui hookahi i wale no kela i koe; no kou mau wahi e ae i eha, ke maikai ae nei, e ola ai i ka manawa ku-pono. Ua hoopohihihi loa ia ko'u noonoo no kela eha ma kou iwikuamoo, malia ua poino kekahi mau mea paahana, a no ia poino, i holo ai ka maeele au e hoakaka mai nei." "O ka manawa hea ka wa kupono au i manao ai, no ka nana ana i ko'u wahi pilikia ma ke kua?" "Aole e hiki ia'u ke hoike aku i kela manawa, aka malia paha iloko o na puu elua mai keia manawa aku, i ka wa a'u e ike ai ua loaa ka ikaika kupono ia oe, e hiki ai ke hoomanawanui, i na hopena o ka hana kaha e lawelaweia aku ana ma- luna ou." Ua hookahaha loa ia aku ka manao o Kauka Walaka, iaia i ike aku ai i ka hoihoi ma ka helehelena o Kalifoda, o kana i manao mua ai, e lilo ana kona kamailio aku no ke kaha ana iaia, i mea ku-e na ke kanaka opio, a i ole, i mea hoihoi ole paha, a o ia ka ua o Kalifoda o ka pane ana mai. "E lawe koke aku ia'u mailoko aku o keia hale no kekahi wahi okoa, ke manao nei au, he oi aku ko'u noho ana maloko o na rumi a'u i hoomakaukau ai, owau wale no me ka'u wahine, mamua o ka noho ana ma keia home. E loaa he ma-nawa no maua e hoohauoli ai ia maua iho, no ka mea aole i loaa ia maua he hauoli no ko maua mahinameli," alaila huli mai la oia imua o Kaloke, a kamailio hou ae Ia: "Ua lokahi anei kou manao e kuu Lede Kaloke, no keia hoi aku o kaua e noho maloko o ko kaua mau rumi?" "Aole a'u mea hauoli e ae, o ka ike wale aku no i ka hookoia o kou mau makemake apau," i pane aku ai no hoi o Kaloke aia nae iloko o kona naau, ka hauoli piha, no kona kaawale mailoko aku o kela home, a ka lokoino ame ke aloha ole i noho ai. "Aia no i kau manawa kupono i ike ai a ke kauka, o ka wa iho Ia ia e lawe aku ai ia'u mailoko aku nei o keia hale, a mai hoohakalia, no ka mea ua hele au a uluhua i ka noho ana maanei nei." "I ka la mahope aku o ka la apopo, e laweia ai oe no kela wahi hou; a ma ka la apopo, e hoolaia ai i na mea apau e pili ana no kou laweia aku," wahi a Kauka Walaka, me kona hoonanea apa aku i ka mea ma'i, ma ke kamailio ana ma na kumuhana like ole, a iaia no ka ike, aole he mau manao pihoihoi iloko o ka mea ma'i, haalele mai la oia ia Kaloke, me ka hoo-maikai iloko o kona naau, no ke kaa ana ma ka aoao o Kalifoda ke koi ana mai e hoihoi iaia no kahi okoa, oiai no nae, o ka iini nui no ia iloko o Kauka Walaka, no ka pono o Kaloke. Ma kekahi kakahiaka ana ae, hoike mai la o Kalifoda i kona makuakane no kona manao ana e haalele iho i kela home, a hoi aku maloko o kekahi mau rumi ana i hoomakaukau, muu ai nona ame kana wahine ma ke Alanui Eiwa, me ka hookahaha loa ia o ka manao o ka makuakane, a o ia ka Mr. Vini o ka ninau ana mai, iaia o ka hoea anu aku imua o Kalifoda: "E hoihoiia aku ana anei oe no ke Alanui Eiwa?'^ wahi a Mr. Vini, mahope iho o ke akakuu ana mai o kona mau manao pihoihoi, "He hana hiki ole loa ia'u ka ae ana aku e hooko i kela manao ou, Heaha ke kumu nui o kou manao ana e hoi no kela wahi?" ' "Hookahi no kumu nui o ko'u makemake ana e hoi no kela wahi, no ko'u makee i kuu wahine, e kaawale aku oia ma kahi e hoohaahaa ole ia aku ai oia." "Ua hoohaahaaia aku anei kau wahine, me ka hoopilikia ole aku ma kekahi ano?" "Auhea oe e kuu makuakane, ua hana aku oe i kekahi o na hoohaahaa ino loa, ma ka hookipa ole ana aku iaia, ma ke ano oia kekahi o kou ohana. O kou hana ana pela i kuu wahine, ua hoole mai oe ia'u, aole au he keiki nau." "Aha, ke puhi wale aku nei anei oe i ka manao o ko wahine e huki ia oe mailoko aku o ka home o kou mau makua, kahi e loaa ai ia oe na mea apau e pono ai kou noho ana iloko o ka manawa o kou poino, a hoi aku maloko o na rumi hoolimalima, kahi i kupono ole nou e noho ai?'' me ka hoike okoa ana ae o Mr. Vini, i kona inaina aole ma na olelo wale no, aka ma ke ku'iku'i ana iho kekahi iluna o kona kuli. "Aole loa he hookahi huaolelo a kuu wahine i kamailio mai ai ia'u no ka nee ana mai keia wahi aku, no'u pono! no keia manao ua lawa ko'u noho ana maloko o keia home. Aole ioa he manawa a k uu, wahi ne i kamailio mai ai no na mea i Hanaia aku iaia, a i ole no ka oluolu maikai ole paha o kona noho ana maanei nei, aole loa. Me kuu mau maka ponoi, i hakilo aku ai au, a ike i ke ano o kau mau mea i hana aku wahine, a pela pu hoi na hana ma ka aoao o kuu makuahine; a ia oe i hoakaka maoli mai ai i kou manao ia'u i nehinei e oili ana

HOOKOHUIA I KAKAUOLELO NA

KA ELELE HOUSTON.

Ma ka la 19 o ka mahina o Nove-maba aku nei i hala, i hookohu mai ai ka Elele Lahui Victor K. Houston, la Daniel P. McGregor o kela kulanakauhale i kakauolelo nana, a no ka uwe ana ae i keia kulima, e haalele iho ana o Daniel P. McGregor ia Honolulu nei no Wakinekona, ma ka la 22 o keia mahinu, maluna o ka moku lawekoa Cambri, ma ke alahele o ka Puali o Panama ame Nu loka.

Ma ka la 3 e ka mahina o Ianuari

o keia makahiki ae, i manaoia ai, e
hoea oia ma Wakinekona. Oiai ma
ke kulanakauhale poo o Amerika,
aole wale no o ke kulana kakau-
olelo na ka elele mai Hawaii aku
nei, kana e lawelawe ai aka e komo
pu ana oia maloko a ke kula nui o
Georgetown no ka hoomau ana aku

i kona a'o ana i ka makaukau o ka
oihana koa; a e komo pu ana no hoi
oia ma ke kula kiekie o Keoki Wa-
kinekona no ke a'o ana i ke Hana-
wai, ma na hora ahiahi.

He kanaka opio o McGregor i hoonaauao mua ia maloko o ke kula o Kahehuna, a i kona puka ana mai kela kula mai i komo aku ai i ke Kula Kamehameha; a mai kela kula mai, i komo aku ai i ke kula nui o Hawaii, a he haumana no oia maloko o kela kula; ma kona manawa

o ka hookohuia ana mai nei i ka-
kauolelo no ka elele lahui mai Ha-
waii aku nei.

HAINA NANE.

Mr. Lunahooponopono o ka Nupepa Kuokoa, Aloha oe:—E oluolu oe

i wahi rumi kaawale o kau nupepa
ka hiwahiwa hoi a ka lahui no ka'u
haina o Ka nane a ke keiki o ka
Aekai o Palemano, o ia hoi keia:

Kuu i'a pili pu me ke kanaka, loaa i ka wailele o Hiilawe, he mea nui au i na lahui kanaka apau; a he hauoli hoi na kuu aloha o ke kai maokioki; a ninau iho la.

Heaha ka haina o kuu i'a?

Haina, KALA, o la ka i'a pili pu me ke kanaka. Penei na wehewehe ana.

I ka wa e aahu ai na kanaka o na lahui Iike ole i ko lakou mau palule e pili ana ua i'a nei i ko lakou mau a-i o la hoi a-ikala, a loaa a loaa aku la ua i'a nei i ka Wailele o Niakala; a hooheno iho Ia ua kaikamahine nei o ke kai maokioki auwe ke aloha e; o ka Honesakala e, e kala no au i i aku ai a na'u ia pua mai kii oe, kaua pu ilaila. W. P. K. AEKAI O KAHIKI AUAKEA

Keali. S. Kona Hawaii

Hopu hewa mai la oe i ka loli i ka i'a maka ole. Huli hou ia mai!— L. H..

PAA HOU KA PAAHAO MAHUKA
I KA HOPUIA.

Mahope o ka hele lanakila ana no na pule elua, me ka noke pu no hoi o na makai i ka hookolo mahope o kona meheu, i paa ae ai o Ellis Wright, he paahao holo mahuka ma ka auwina la, o ka Poakolu o ka pule aku la i hala a hoihoi hou ia e hoopaa maloko o ka halepaahao.

Ma ka ia e o ka mahina aku la o Novemaba i hala, i holo mahuka ai

o Wright iaia o ka hele pu ana me
kekahi kiai, e kii i kona mau lole
maloko o kekahi hale, oiai ua hoi-
hoi hou ia ae o Wright noloko o ka
halepaahao, no kona malama, kupo-
no ole i na rula e pili ana i na paa-
hao i hookuuia malalo o ka hoo-
malu.

Ma ka hoakaka a ka Makaikiu John McIntosh, o Wright kekahi o na paahao ino. Ua hopu mua ia oia e Hulaia, no ka wawahihale iloko o ka 1921; a i ka 1922, i hookuuia ai oia Iloke o ka 1924, ua paa hou oia i ka hopuia me ka noho hou iloko o ka

halepaahao.

Ua hookuuia nae oia mahope mai, aka iloko koke iho nei no o ka mahina o Novemaba, ua hopu hou ia oia, no ka hoopuka ana i kekahi kikoo dala apuka; a oiai e hoihoiia aku ana noloko o ka halepaahao, i hoomaka ai oia e holo manuka, a ma na ulia pomaikai wale no i paa koke ai oia i ka hopuia.

KAILIIA KE PIHI O KA MAKAI

KAUWAI.

No ka hoao ana e hoohana i ko-na kulana oihana ma ke ano he makai kauwai, ma ka ohi ana i na dala ana e ke kaki ana no ka ukuia mai i kona kalapu hookani plla i hopuia. ai o Antone Cabriel ma ka po

o ka Poakolu o ka pule aku la i
hala, a ma ka Poalima iho nei, i
Hulili mai ai ke pihi makai mai iaia
mai me ka hoopau au ia ana o kona
komisina makai kauwai, e ka Makai
Nui Gleason, mahope o kona hoo-
lohe ana i na mea e pili ana i na
hana i lawelaweia e Cabriel.

l kulike ai me ka hoike i waihoia ae e ka Makai Frank, ka makai nana

i ninaninau pono i ke ano o na mea
e pili ana ia Cabriel: ua hoea aku
ka o Antone Cabriel ame kona hui
himeni ma ka homa o Kapena Lan-
sing, o ka oihana kaua o Amerika
no ka hoonanea ana, a i ka wa i
pau ai o ko paau ana a kela hui
Uauai, la wa i koi aku ai o Cabriel,
e ukuia mai kekahi huina dala ana
i kaki aku ai maluna o ke Kapena
Lansing, he huina a kela aliikoa
i ike ai i ka pii loa.

Ua hooke ke Kapena Lansing i ka uku ana i kela huina dala no ia kumu, i hoikeike okoa ae ai ka o Cabriel i kona pihi makai, a koi aku la me ka ikaika ma kona ano he makai kauwai e ukuia mai na

dala ana o ke koi ana aku.

No kela hana ma ka aoao o Antone
Cabriel, i kailiia ai kona pihi makai

a ka Makai Nui Gleason.