Ka Nupepa Puka la Aloha Aina, Volume I, Number 21, 25 October 1893 — O KEKAHI Lahui i Kapaia Ka Mu o Laauhaelemai. Ka poe i kapaia he poe ai Maia. [ARTICLE]

O KEKAHI Lahui i Kapaia Ka Mu o Laauhaelemai. Ka poe i kapaia he poe ai Maia.

Loloa ae hana ia me he hale halau ala ka loihi, e uhi ia o luna me na lauhulu maia a me na la-i a me ka ma-u, a pela aku a pau ia mea i ka hoolako ia, alaila e hana ia he kapuahi nui i waena konu o ka hale. E hoolilo ia eha wahi e moe ai keia poe. Ka nuu mua, i ke kapuahi ia poe; ka pulehu o ka maia o kekahi ao ao, a pela nohoi me kekahi aoao. O kapuahi o ka nuu hope, o lakou ka poe nana e ai e na mea ai a pau o keia kapuahi maia a pau ia a ho-a hou, alaila hoi keia poe no hope a lilo aku ia lakou ka ai ana o ka maia. No ka mea oia ka rula paa o ka lahui Mu, oiai o ka maia ka ai nui aia lahui kanaka O ko lakou kapa e moe ai o na lau maia maloo; ua hana ia no me ka haku ana o ka lai a a huipu, me ka hana ana i na ha-maia a o ko lakou malo he pa-aa maia; o ko na Wahine he la-i maloo i hana ia me he pa-u hula ala: o ka halii o ko lakou Wahi e moe ai ua hana ia me na lauhulu ma kekahi aoao o ko lakou hale loloa.

E hoopiha i na lauhulu a kiekie, alaila i ka Wa e moe ai, e lele aku ke kanaka a waena konu o kahi i hoopiha ia i na lauhulu, o ka wa ia e moe ai o na kane; o na wahine hoi o e moe lakou i na nuu mua, aolo e hiki i na kane e hele aku ma kahi o na wahine haumia ai o ko lakou Wahie e paani nui ai o na kahawai ma na mea kino, a he lahui mama kela i ka pii maluna o na laau a me na po haku pahee i ulu ia e na limu a he lahui kino pauhananuu ano palahalaha; poupou ko lakou apahu kino; he lahui hoihoi lakou i ke anu elike me ka Makinika a me ka Nakulu o Alika Ua olelo ia mamua aku o ka makahiki i hiki mai ai o Kapena Kuke, e noho ana no kela lahui ma uka o Laau; a he kuahiwi nui no kela a he aina maikai i ka mahi kalo, a he nui loa na lo'i kalo e hiki ai e kanu ia, o ke ano nae o ka noho ana, aole oe e ike i ke kai no ka mea, he loihi loa. O kela lahui, ina e kokoke e hanau ka wahine, alaila, e hookokoke aku la kou ma napali. a e hana ia he mau hale lauhulu a e mama ia ka awa, a e waiho ia i hookahi pohaku a-la hinuhinu i waenakonu o keia papai hale a e noho mau ke pale keiki ma ka puka o ka papai hale o ka mea hanau keiki a hiki i ka wa e hanau ai o keia Wahine.