Ka Nupepa Puka la Aloha Aina, Volume I, Number 23, 27 October 1893 — Page 1
| This text was transcribed by: | Betty Yang Green |
| This work is dedicated to: | Awaiaulu |
KA NUPEPA PUKA LA ALOHA AINA.
Ua Mau ke Ea o ka Aina i ka Pono.
HONOLULU , POALIMA, OKATOBA 27, 1893 MELU 23
(
sept30-tf
sept30-tf
sept30-tf
sept30-tf
sept30-tf
sept30-tf
sept30-tf
sept30-tf
sept30-tf
sept30-tf
sept30-tf
sept30-tf
sept30-tf
KA MOOLELO KA AO HOO NANEA!
= NO =
Kinikalapu
- Ka -
Ui opio noho nahele o Kanediro Ene lani kahiko.
Ka hoao paio o na kanaka ikaika ewalu.
Ka ui lawe ia ai i ka lewa e Ilailama ke Akua hoopahaohao.
Ka ui loaa ai ka mana no ke komo kula me ka ipukukui aniani kula ekaeka.
Ka mea nona ka lio lele i ka Hikina a ka la.
Ka Haleaniaai Lale i hoopaaia me na Owililauoho kanaha e na kanaka eha.
Ka make ana o Hailama kehi Akua Pahaohao.
Kakau iho la ua keiki alii nei i leta na kana wahine alii.
PELEKANE OCT. 27, 1017
Mameriano
Kula uka iu o Farani,
Aloha oe: -
O ka la 30 o keia malama e hui pu ana kaua ma Farani.
Ua paakiki loa ko’u makuakane e like me ka manao mua ana i hole mai ai ia’u elua a ekolu manawa; aole oia i hoololi ae i kona manao paakiki.
Owau iho no,
Ioane mariona.
Lawe ae la eia i keia leta ma ka Hale Leta.
Iaia i hoi mai ai mai ka hale leta mai, olelo mai la ka makuakane.
E kuu keiki, ke manaopaa nei no anei oe i ka mare wahine i hanau maluna o ka lepo o Farani ka enemi enaena nana e paila mau ana me ka poina ole?
Pane aku la ua keiki aei, ae, oia mau ko’u mau manao me ka loli ole.
Olelo aku la ka Moi i kana keiki, iloko o na la eono e pane oe imua o’u. E kuu makua ua loihi loa ia manawa, e pane aku au ane.
Ina pela e pane mai e kuu keiki, wahi a ka moi.
Pane aku la kana keiki, e ae no oe ia’u mare i ka’u wahine aole ia wahine i maopopo ia’u, aole hoi au i maopopo iaia, aka, ma ko ke Akua manao, ua hoohui oia ia maua, hookahi maua.
Pane aka la ka moi, ua ike anei oe i kela puka e hamama mai la. Ae aku la ke keiki, a eke paakiki oe, o ka puka ia nou e hele ai mai keia halealii aku, wahi a ka moi i kana keiki.
Noho malie iho la ua keikialii nei, no ke kali i koua makuahine, e haawi aku i kona alo ha hope loa nona.
I kona makuahine i hiki mai ai, kamailio aku la ke keikialii a hiki i ka pau ana o na kamailio mua a laua me ka makuakane.
E kuu haku, pehea la oe i hana aku ai i ka kaua keiki i ka mea paakiki loa?
E kuu Wahine, o kau olelo, he kipi ana ia ia’u a me ko’u aupuni, o oe a me ke keiki a kaoa he mau kipi olua i kuu aupuni.
He hiki anei ia o eke hoaahu mai i ka lepo o Farani maluna o’u ka mea a’u i lealea ole ai. A o keia anei ka manawa e hio a au i hoaloha no kuu enemi?
Ma ke kaohi a ka makuahine, alu koke iho la oia no hookahi no.
Ia wanaao hele aku la ua keiki nei a ma kahi a kona makuahine e moe ana.
He Moolelo
- NO –
Aukeleuuiaiku.
Ka umikamamakahi o na Keikakane Ike Kapapaiakea.
Ka Hoolei ana a na Kaikuaana ia Aukelenuiaiku ilalo o ka lua o ka
Mopianea.
Ka haawi ana a ka Moo ia Aukele nuiaiku i ka Mana.
Ke Oia ana o Aukelenuiaiku.
Ka Make Elua ana o Aukelenuiaiku.
Ka Malama Maikai ana o Aukelenuiaiku i kona Akua ia Lonoikaoulia lii.
Ka Hoao ana me ka Moiwahine Namakaokahai.
Ka pii ana o ka huakai e komo iloko o ka Hale Hoano.
I kulike me ka Iku a me ka Kapapaiakea mau hoonohonoho ana iloko o ka hale oihana kahuna o Kahaaliali elike me na papa o kela a me keia ano iloko o nap o eono, mai ka po o Laaukukahi a hiki i ka po i o Kaloapau. Eia iho na hoonohonoho ana o ka huakai e pii ana a komo iloko o ka hale hoano. E nana i ka Helu 16.
Papa Mua.
He kanaha kahuna alii kapu maoli na lakou e komo ka eheu akau o ka Hale Hoano.
Papa Ehua.
He kanaha kahuna alii kapu maoli o keia papa na lakou e komo ka eheu hema e ka Hale Hoano.
Papa Ekolu.
He kanaha kahuna alii kapu maoli o keia papa na lakou e komo ka eheu hema e ka Hale Hoano.
Papa Eha.
He papa keia o ka Moi Iku Hai aia oia iloko o ka Hale Hooano i keia po iho la kei, aole ana oia iloko o keia huakai.
Papa Elima.
Na Puhipu o kihapu a me Imakaloa na na alii kau akau, a kau hema o ka mahele aloa, akolu o na makua alii,
Papa Eono.
Na ka makua alii akahi, alua, eha e kai i na pahu o Naniuaola ma ka akau o ka lepa a me Kamau ma ka hema o kalepa.
Papa Ehiku.
Na ka makua alii akahi o ka mahele mua e paa i ka lepa (Hae) ia Weloula, a e alakai i na hanauna a me na mamo.
Papa Ewalu.
Ka laau Ke’a Ulaula o ke Akua makahiki la oi.
Papa Eiwa.
Ka Pahu o ke Akua Ola o Kane e amo ia ana e ka lau hanauna alii o ka lahui Alaea oia Kaikialealea.
Papa Umi.
Ka Iaau Ke’a Omaomao me na lepa loloa, keokeo a ulaula ewalu ka nui e kau ke’a ana maluna o ka pahu Kanawai, Kanoha, Berita.
Papa Umioumamakehi.
Na makua alii o ka lahai kanaka i oleloia kaikialealea he lau ko lakou nui.
He piha hookeke ko na makaikai o ka Merry-go rouna i ke po Poakolu nei.