Ka Nupepa Puka la Aloha Aina, Volume I, Number 58, 18 December 1893 — Page 2

KA NUPEPA PUKA LA ALOHA AINA.

Ua Mau ke Ea o ka Aina i ka Pono.

NA RULA ALARA O KA NUPEPA PUKA LA

ALOHA AINA

 

E hoopuka mau ia aku ana ma kela la a me keia la ka nupepa puka la Hawaii ALOHA AINA.

 

E hoopiha ia ana kona mau kolamu me na manao kalaaupuni naauao maluna o na ninau lehulehu o ka la, na moolelo, na kaao, na nuhou kuloko a kuwaho, na manao alakai naauao o na makamaka i kakau inoa ia.

 

E hoopuka ia no na olelo hoolaha, na mele, na kanikau, no ka uku loaa mua.

 

E hoounaia aku no na pepa ka poe kauoha mai, ke hooili pu mai i ka uku pepa.

 

O ka uku pepa, he hapaha ko ka pule, hookahi dala o ka mahina, umi dala o ka makahiki a umi keneta no ke kope hookahi.

KEENA HANA

MA KA HALE O KILIKINA 

Alanui Papu, Honolulu

_________________

Aloha Aina.

_______________

T. K. Kaunamano

Ona, Lunahooponopono a me Puuku

Poakahi, Dekemaba 18, 9381.

____________________

Na ke Akua Mana no.

I kakoo mai i ka Moi.

A me kona lahui pu.

A puai na pae moku.

Mai Hawaii a Niihau.

Eia no o Iehova me kakou.

Nana no i kakoo mai.

Me kona Mana nui.

Eia hoi ua kokoke mai.

Ka la nani kamahao.

He la e hauoli ai.

Ka la i ku hou mai ai.

O ka lanakila kamahao,

Mele mau oli ae Amene.

 

He la nani e hauoli ai.

No na pae moku a pau.

Naue pu ae no a like.

Me na leo pule himeni pu.

Oli ae kakou hauoli e.

Lokahi pu me na leo mele.

Ka Moi me kona lahui pu.

Mele ae hapai pu oli ae.

Iehova ke Lii Mana.

A nana i malama no.

Me kona mau eheu i uhi mai

I moe hauoli ai kakou.

Me ka maluhia olinolino e.

Hauoli Pu kakou.  Amene.

____________________

 

       ke hoolaha aku nei makou i na alii makai, a me na makai i haalele aku i ka oihana makai ma ka hora 9 o keia kakahiaka.

Na Alii Makai.

W. H. Kealakai, Mr. Nahoolewa a me kaiena.

Na Makai.

Palau, Peka, Damiena, kahoino, kahaleaahu, keawehawaii, kauahi, kaulukoa, kahilikane, kahimalani, B. Paakai, Eleneke, Pa, Puakalehua, Mokuahi, D. keliiaa, Sam, Haluapo, Leialoha

       O ko lakou huina 21, o lakou na makai iloko o ka laina ma ke kauoha a ka Ilamuku E. G. Hikikoki.

       Haawi ae la ka Ilamuku i kana kauoha penei, o na makai apau e kakoo ana i ke aupuni kuikawa, na lakou ka hana.

       A o na makai apau e kue ana iloko o ka laina, aole a lakou kakoo ana i ke Aupuni kuikawa, ua puka mai la mai loko mai o ka laina he 21 ko lakou nui, e like me ka papa inoa maluna ae a makou e hoolaha aku nei.

       O ka hapalua aku o na makai, o lakou kai lalau i ka pu k poka, kai kipi i kona Alii, a kipi hoi i ko lakou Aina, a o ko lakou mau lima ke hoouna mai ana i ka elele ahailono o ka make, maluna o ka io o na io, a me ke koko o na koko, a maluna o na lepo aloha o ko lakou aina, a ko lakou mau puuwai e menemene ole ai.

       A eia iho malalo nei ko lakou mau inoa, i haawi ia mai ia kakou e hoike ae.      

Na Makai kakoo i ke Aupuni kuikawa

kanae, Ilaka, ku, Paakaula, Holi, Needom, Lokana, John Stone, kolopana, kaulua, Wills Nohunohu, kamaka, Pomaikai, keoni kamu.

       Aole nae i pau loa mai ka nui o na inoa e kakoo ana i ke Aupuni kuikawa.

       O na poe maikai no lakou na inoa he 21, no lakou ka puuwai a me ka umauma i a ia e ke ahi enaena o ke aloha i ko lakou Alii a i ko lakou Aina, a i ko lakou lahui o ka io hookahi.

____________________________

HILAHILA KA AKENA

_____________

(No ka Holomua puka la haole mai.)

       Mauliawa! He 18 mea hale kuai, a he poe loio, a poe hana aniani, olelo iho la, o lakou me 150 o na pa hana a me na pae mai o na halana piha-a hui pu iho. Alaila ku aku me ka wiwoole mahope o na koa i paluluia e na eke one. O W.O. Smith ka loio Kuhina, hoole oia i na koa a me na moku o America a me kahi amua e ae, i ka ikaika ole, he hiki wale no ia lakou ke kuipalu aku. (Hele i ka maka ka hiki.) Eia hou; ina e lanakila ole, oiai no nae o smith ma hope o na eke one, alaila, kahea aku la 'hele imua' e o'u poe koa a o makou no ea e noho no mahope o ona eke one e pee ai me ka hooholo ana e holo i kahi e pakele ai, ke ai maka ia mai oukou e na puali o San--, me kona manuwa. Bifi da lemu ia oukou.

________________________

MAU OLELOAO.

___________

       I ko makou lahui Aloha, ke ao aku nei makou e noho no me na manao haipule maloko o ko  oukou mau hale, papani i ko oukou mau ipuka, pule aku i ko oukou makua i na no ma kahi nalo, a nana no e uku mai ma ke akea.

       Nui na kanaka ma kai o ka uapo, aole nae a lakou mea eha ma ka lima o ke ano mau no o ka ike i na me hou e hana ia ana no ka aina aloha, a no ko lakou alii pu.

       Kokoke loa ka la e hauoli ai kakou, na Iehova mai no ko kakou akua mana, a nana i haawi mai i la e lanakila ai ka lahui Hawaii; e hoopau ia na manao kue me na manao ohumu ino e kaa mau no lakou malalo o ka po; e hauoli mau kakou

       Aohe he manawa i koe e uluhua ai kakou, ua kokoke loa ka la a oukou e haaheo ai no ko oukou lanakila e like me ko Amerika lokomaikai, nolaila, ke hana mai nei oia i kana hana pono no kakou, e helinai kakou i kana mau hana pono.

       E aloha aku oukou i ko oukou mau enemi, e hauoli pu, e haawi aku i ke aloha, mai hoehaeha i ko oukou mau hoa kanaka, o kipa hewa ke aloha i ka ilio; e noho malie, e noho akahele, e noho haahaa ka naau me ka oiaio.

       Ina oukou e olelo ino ia mai, e olelo maikai aku oukou, ina kui ia mai oukou ma ka akau, e haliu aku oukou ma ka hema e haawi aku i ka ai palupalu i kou hoa aloha.

       Mai lawe a owiliwili i kou hainaka keokeo a ulaula i mea hoonaukiuki aku i kou hoa aloha maikai a honi aku oe i kou enemi i ka honi hoauo; a o ka pono ka kakou e hana a haule mai na lani.

       Ke olelo mai nei kekahi poe apopo ka! ka la hoano e malia ai a oia ka ka la hauoli no kakou apau, ina pela mai olioli wale i na mea no ka la apopo, he mea maikai nae e hoopaanaau ai.

____________________________________

HE KAUPAONA.

___________

       He kino no ko keia inoa "kaupaona", a ua kuluma i ka ike ana i kahi o keia mau mea maanei a me kau wahi e ae. He kaupoana ko na aina naauao me na aina naaupo. He okoa ka hiona o kahi me kahi, he kaupaona no ka Lani, a peia no ko ka Honua, ke hoopokole nei au ma ka hoohalikelike olelo ana. Eia: Mamua aku nei ua kaena ae o Nupepa kuokoa a kiki haae, e haanou ikaika ana na maka "e mau loa o @@ kuikawa" aka ua "@@2 i keia wa. Oiai o ke k@@nu a lakou o hool@@ ke wela loa, a ina he mea io a koko, aole e nele ka @@@ o ka moa pilau. Na @@@ i hoopau, a nolaila ke @ nei o "kaupaona" ia. Eia @ Haanou hou iho la e @@

welo ana o ka hae America ka pahu hae aupuni aka @@@ mai la o Blount a huki ia iho ilalo he "kaupaona" ia aku hou no. Ua ike ia e aie na kela pakahi o Aupuni ku eia kakou ke ike nei i keia la "aole" o na "iole" a m@@ "puaa" a paha kai i ike mai ia @@u. Hookahuliia o Aupuni @@ hooa mai la o Blount a h@@ hiki mai la o Wills, aole @@ hiki mai o moku ahailono, @ aneane nei e ko ka up@ a ka @ he "kupanaha ia". He @@@@ ko ka me kipi a pela Wale @@@ kokoke e hooko ia kela ole@@ Buke nui "o kau mea e lulu oia no kau e ohi ai." A@@@ hoi oia keia: "pomaikai ka @@ kaniauhu no ka pono, a @@ mea e hoomaha ia aku lakou @@  Ua kokoke ka Iubile mako@@ kou mau ipuka, ua ane p@@ hooilo; a ke ike lihi ia aka@@ ka muo o ka laau Figu. ke@@ ia aku nei ka leo maokioki @@ hauoli o ke kahukuku. @@ na kikikou hooalohaloha, @@ a ia ano manu hookahi, @@ a paa a hiki, a kau i ka@@ ane.

_____________________________

 

KEIKI PELEKANE

______

       E ku ana ma ke alanui @@@ia kekahi koa manuwa @@ kane, ma ke poo o ke @@ o ka Hotele Hawaii. O @@@ pane i ka ninau a ka @@@ kulana i na loaa mai @@@ kauoha, alaila, e pane aku @@@ au i ka manuwa no ka @@@ ua piha na waapa @@@ me na lana i ua koa o 200 ka lele mai iuka nei o ka @@ me ka

lawe i ua kauoha @@ oko no ka hana i k@@@ hana aku.