Ka Oiaio, Volume VI, Number 36, 7 September 1894 — Page 3
| This text was transcribed by: | Francine Frost |
| This work is dedicated to: | Awaiaulu |
Nupepa Ka Oiaio.
"O KA PONO KA AIALII E OLA AI KA AINA"
KO KINA A ME IAPANA AUMOKU KAUA.
----------
Ma ka hoike ana no na kulana ikaika o na numoku kaua o oa mau aupuni palahi: ua hoomaopopo ia, o ko Kina aumoku ka oi ma ka paa a me ka maikai o ke kukuluia ana mamua o ko lapana.
O ko Iapana aumoku kaua: he mau moluhao; he 32 mau moku holo mama a me 42 moku lawe mea hoopahu.
O ko Kina hoi he oi aku: he 5 mokuhao o 7280 tona pakahi ka nui, he 3 moku kaua pale holo mama 3 moku lawe topido holo mama, maluna aku o 30 mau moku lawe mea hoopahu A me 11 mau moku ua kukuleia, e ka poe loea kapili moku o Enelani, i mea e hookuku ai i ka loaa ana o ka mea oi ae o ka maikai, me ka hahui ole mamuli'o na rula maa o Enelani O keia aumoku holookoa o Kina oia kekai i o na aumoku maikai loa iuawaena o ko Europa may aumoku
Mai ka manawa o Kina i hoopoinoia ai e na poe Farani; ua hoomau lakou i ka imi ana e loaa keia ike pili anumoku kaua moana, a o lakou kekahi poe oi loa o ke akamai ma na paikau moana ana.
----------
KA $10,000,000 KIPE.!!!
-----------
Ma kai o ka uapo ma ka auina la Sabati nei, (Sept 2) e kamailio ana he mau haole elua no ka mea e pili ana i na dala i hoounaia aku nei i Amerika e na poe aihue aina
Ua kakahele malie aka la ka laua m@ kamailio ana a hiki aku la i kahi o lana i kuaki loa ai: a uanui ko lana heonaukiuki ana i na maino a na mikanele; no neia mau hana hoopilikia a oa poe hookaa auhau o Hawaii nei.
Oi he $10,000,000!! He kipe nui keia i hanaia e keia poe! wahi a kekahi o laua. E! oia ke kumu o Bihopa i hoopau ai i kona lawelawe oihana banako ma Honolulu nei, wahi a kekahi o laua.
O ka mea e hoolohe aku nei i keia mau olelo he haole oia i malihini loa ia laua a elua, a ua huli e aku la ke aio o keia haole mai ia Iana aku, aka, o kona pepeiao ua hoolohe aku oia ia laua. Hu wale ae la no ka lapuwale i hanaia.
--------
KE KAI WA HOOPONO.
----------
Ma ka Poaono nei Sept. 1, 1894 ua hoopauia mai o David Kamiki he Elele Hoopono i no ho loihi ma ke Keena o na Aina E no 18 makahiki
Hookani wale no kumu o kona
hoopauia mai, oia no kona ae ole aku e lawe i ka hoohiki ana e due i ke Aupuni Moi o Hawaii, a e kokua i keia Republika.
Eia iho ke kope oiaio o kona palapala aoomaikai a na enemi o na Hawaii i haawi mai ai:
KA PALAPALA.
Keena o na Ama E,
Honolulu Sept. 1st, 1894.
O maua, o na mea nona na inoa malalo iho nei, ke hoike aku nei me ka hauoli no Kamiki, oiai kona noho Elele ana ma ke Keena o ko na Aina E no na makhiki he 18: he hoopono oia ma kona lawelawe ana, he holomua, a he oluolu o ke kanaka paulele ia, a i oi loa iku hoi i ko makou wa i komo mai ai i ka noho oihana ana.
SANFORD B. DOLE.
Peresidena, Repubalika o Hawaii.
F.M. HATCH,
Kuhina Aina E o Hawaii.
----------------
He Kupanaha no hoi,
---------------
O ka nee ana o ke kanaka mai kekahi kulana a i kekahi kulana, aole ia he mea pahaohao, aka, o ka nee ana mai ka oiaio a i ka hoopunipuni he mea kahaha nui loa ia kela.
Ma ka nupepa Hoolaha Hoomana Enelani i hoopukaia ae nei ma Sept 1, 1894. Ua hoopuka ae ka Lunahoopuka o ia nupepa penei;----
Ua ike piha mai ka Peresidena Amerika Huipuia i ka Repubalika o Hawaii.
Haohao makou i ka manao o Rev. Mackintosh ma keia kukala maanao ana, a hoomanao ae la makou ia Rev, Jno L Stevens, ke Kuhina Amerika hookahuli Aupuni Moi a aihue, aina, He kokua ohumu kipi o Stevens a kokua hoohiki (Kuinukula) Repubalika hoi keia Mackintosh.
He Aupuni Moi, ko Mackintosh (Beritania) he Repubaliko ko Mr. Stevens, aka, ua haalele o Mackintosh i kona Aupuni Makua, a ua lilo i P.G. a mahope ua lilo i Repubalika i paa kona noho Kumukula ana. Ua like no keia me kela moo Lizzard.
-----------
E hoomauia aku no ko makou hakoko ana no ka aloha i ka aina, ka Moiwahine a me ka hae nani o Hawaii nei, e hoike ana makou i na manao hoakaka i ko makou Lahui no ke kupaa ana maluna o ka lokahi.
O na olelo ano aia, hoole i ka mana o ke Akua, a olelo mai, aole e hoolohe mai ke Akua i ka makou mau pule, he mea ia aia ma ko ke Akua lima, ke waiho aku nei makou i na manao o ia ano, na ke Akua e ike ia Kamaki ma a uana no e hooponopono iho me na poe o ka Holemua no ia mea.
O ko makou oihana a me ka makou hana, oia no ka hoomau anai ko ka Lahui Hawaii kupaa mamuli o ka mea e ike ia ia ka pono pili i ka Lahui. Aole no ko makou pono iho aole hoi no ka pono o kekahi ohana imi loaa ai hamu e like me ko ka Holemua, aka, ke kupaa nei no makou mamuli o ka pono hui o ka Lahui o na Paemoku o Hawaii nei.
I na he mea hiki e like ma ko ke Akua aloha, e hooko mai no oia i ka makou pule no ko makou ama.
---------------------
KO HILO TAONA MAU ANOAI.
---------------
1. Ke huli hoi aku nei no Honolulu ma ke Kinau o keia la, na kaikamahine opio o keia Taona, no ko lakou mau halau imi naauao, oiai, ua kokoke mai ka wa e hoomaka hou ai ke kula.
2. Ma ka Lapule i hala, Aug. 26, ia Rev. O.P. Emesona ka haiolelo ma Haili. O kana kumuolelo, e hahai oukou i ke Akua e like me na keiki punahele, Epeso, 5:1. O kana mau manao alakai maluna oia olelo, he oiaio a pololei; aka, aole nae hoi i hoike mai oia i ke kaona nui nana i kono ia ia e lawe mai ia olelo a me ia mau alakai manao ana. Ua hai maoli mai no oia, o keia ke kumu i hooponoai ka hana o na makua misionari i hiki mua i Hawaii ne. He oiaio maoli no ia, Aka o ua mau keiki mikauele nei nae, aole i like me na makua; nolaila huikau a haueka loa na hana oka pono euanelio ma Hawai nei i keia wa.
3. I keia la i hookohu ia ai o H. West e Lunakanawai C.L. Austin, i Lunahooponopono waiwai kuikawa no D. Keaweamahi, ma ke noi ana i Kaluhikana. O ka nui o ke dalo maoli ma ka Banako Hale Leta, he $500.00 kumupaa, ukupaanee no 4 makahiki he $100 a oi paha a he mau waiwai e ai kekahi.
4. E hoomanaoia ana e ka Hui A.A. o Hilo nei ka la hanau o ke Lii ka Moiwahine Liliuokalani, ma keia Lapule ae Sep. 2, a me la 3. He heipule a wahi paina kai ka la 3.
5. Ke hooikaika mau nei no na kakoo o ke Aupuni Repubalika no ke kakau inoa me ka hoohiki aku, he ole na ka maliuia mai, ke hou nei e hou ai i kahi o ka pono, aka, ua like na kanaka me ka manu i pili mua i ke kepau ka eena.
6. Ke hapaiia nei i keia wa e kekahi poe haole o Hilo nei ka hoala ana i hui kukuiuwila no keia Taona ma keia mua aku, aole nae i holopono i keia wa. O ke kumu o ke Kula Hanai ka Luna Nui, a Luna hoohana paha oia Hui.
7. Nui no na Ipuolelo o Hilo nei, loa enae he mau kanuku ili kekehi e hoopili mai ai i ke kumu pepeiao, no na kukai olelo ana.
8. Maemae Hilo nei i keia mau la no ka malie, ua kau iluna ka holowaa ua o Hilo o na mauu hoi Paao, ua mae a maloo Kanilehua,
Hilo, Augate 30, 1894.
---------------------------------------
NA OLELO WAHAHEE.
He mau palapala ka makou i hiki mai nei mai na apana kua aina mai, e hoike mai ana; ua nui na lohe mai ua poe aihue aina e olelo ana ua pau aku la o Bush me Nawahi ma i ka hoohiki no ke Aupuni Repubalika.
He hoopunipuni maluna o ka hoopunipuni, a he aihue hoi maluna o ka pakaha aina, pela keia poe e epa hele nei, a pela hoi e apuka hele nei ina inoa o Bush a me N wahi, i kumu e huli ai na kanaka a hoohiki aku malalo o keia aupuni. Aka, ke hoike aku nei makou imua o ka Lahui Hawaii, aole loa makou i haawi pio iki, aole hoi i hele e lawe i ka hoohiki malalo o keia aupuni. Mai puni aku ina olelo ao a keia poe aihue.
------------------------------------
Ka Hookuku ana ae
---------------------
I ka hookuku ana ae i na poe Hawaii e noho aku nei i na oinana Aupuni me ko na wa o ke au-Aupuni Moi, ua emi papahiku iho ko keia wa, a ina e hoomauia aku pela ka hoonoho oihana ana, alaila, aole loa e hala he hookahimakahiki alaila, ua ikeia he hookahi hapa iwakalua wale no o na poe Hawaii e paa ana i na wahi oihana haahaa loa, a o ke 80 hapa haneri o na luna oihana a pau loa he poe haole o ke kulana haahaa ino loa.
Ua oleloia o kekahi no o keia poe e hookohuia nei ma na oihana, he poe haihai kanawai no ma ko lakou wahi i hele mai ai, aka, eia ka aina o ka hao wale a me ka home o ka powa e ola ai ke ino lapuwale.
O keia ka hua o ke Aupuni a na mamo a na mikanele a me Stevens i ohumu ai e kukulu no Hawaii nei, ua hoopeia mai na poe iho e noho ai hookano maluna o ka luhi a me ka hou o ka lae o na keiki Hawaii o ka aina. O keia no ka hua o ke ao haipule ana a na mikanele ma Hawaii ne.
-------------------------
Heaha ke kumu o ke koi ana mai e hoohiki.
--------------------------
He ninau keia e pono ke pane ia e ka Lahui aka, no makou iho ke pane nei makou, he hookahi wale kumu, a oia no keia.
I mea e paa ai ke Aupuni Repubalika o lakou.
I na no e noho malie ka Lahui, alaila, ua paa ole a mana ole loa keia noho hookohukohu Aupuni ana.
Ua kaena ae lakou, aia ia lakou ka mana a me ka ikaika o ke Aupuni o Hawaii; aka, he oiaio auei ia olelo ana? Aole loa.
No ko lakou ike, aole e mau aole hoi e paa ana ke Aupuni i laweia a kukulu mamuli o ka limaikaika moepoe i ke koi hoomano, e hele ka La lini Hawaii e hoohiki aku. E ka Lahui o ko oukou hoole aku, e like no me ka olelo a Blount, oia ko kakou mea hookahi e pakele loa ai.
Mai puni i na olelo hoomalimali a na poe mikanele. Ua lawa ko kakou paio ana me loia poe.
Mai puni i na hookikina onou mai a ka Holomua. Ua lile lakou he maunu kupaiu na ka mano wiwi ola ia o ka poe aihue aina.
Mai puni hoi i na kanaka ake lawe oihana no ka mea, he nui wale o ia poe i pekuia mai a eia ke hele kuewa wale nei me ka hoino ia e ka Lahui Hawaii.
Mai puni hoi i na hoa hookamani i kipeia o hele e hoowalewale ia oukou o pau oukou i ka make ia lakou nei.
E hoomanao mau oukou i ke aloha no ko oukou aina kona Moi, ka hae a me kona kuokoa ana, alaila, e na na aku i ko ke Akua aloha no keia Lahui.
-------------------------------------
NUI KA POLOLI OI HANA O KA POE HAOLE AEA.
-----------------------
Ma ko makou hoomaopopo ana ua like keia noho Aupuni Repubalika ana me na makeke maauauwa oihana no na poe haole aea haukae mai o na aina e. E noi ana kela haole keia haole i hana nana i kela a me keia wahi iloko o na oihana Aupuni.
He lua ole a he helu ekahi o ka, hilahila ole o keia mea he haole, he lohe wale no i keia mea he noi oihana, he ake oihana he makilo oihana a akahi hoi ka ike ku maka.
Mai ke au mai o ka noho ana Aupuni Moi o Hawaii akahi a ikeia keia mea, o na haole noho paa a i kamaaina ma Hawaii nei, a i mare i na wahine Hawaii a i hanau i na keiki, aole loa lakou i hana e like me na haole aea haukae o keia au o ka Repubalika, ka mea a kekahi poe kanaka Hawaii i akena ae ai he pomaikai nui loa ke loaa ana i na kanaka Hawaii ke lilo o Hawaii i Aupuni Repubalika no na haole aea haukae, ike pono iho, la no nae hoi, pau hoi kuhihewa.
-------------------------------------
UA LOLI HOU KA HOLOMUA.
---------------------------------
Ua huli hou ka Honomua i hope; a ua hoopuka ae nei ma ka pepa o ka la 3 nei o Sepaiemaba; e olelo mai ana penei:
Ua hooia mai ma na mea i ikeia, aole hoi e hiki ke hoohewahewaia; nana poe Hawaii no e koho i ke aupuni a lakou i makemake ai, ina he Repubalika, a i ole ia he aupuni Moi paha."---------
Aha!------Pela ka hoi!------
Ua kukala mua aku nei ka Holomua e hele na kanaka e hoohiki no ka Repubalika, a i keia wa, ke huli houm ai nei i hope nei a olelo mai, na ka Lahui Hawaii e koho i ka lakou aupuni e makemake ai.
Aole anei makou me ka Lah'u Hawaii i hoomaopopo mua a mea? I mea aha ke ao hou ana mai? He lauwili ka Holomua a he holo hope----mahope loa. O keia ke ano oka nupepa i kuaiia e na mamo a na mikanele. Aole manaoio o ka Lahui i ka ka Holomua mau olelo, no ka mea, he lauwili loa oia, a he alakai e hoolauwili i ka manao kupaa o ka Lahui Hawaii.
O ka makou e kono aku nei ika Lahui; e kiloi ina olelo ao a keia Nupepa Holomua i kuana e ka poe aihue Aina.
---------------------------------------
HOOLOLILOLI ANA I NA LUNAKANA WAI APANA.
---------------------
He mau hoololi hou ana ma na kulana o na Lunakanawai apana a puni ka Paeaina.
Mamuli o keia hana a ke Aupuni Repubalika, ua hoike mai no ia i ka ae ole ia aku ka o lawe hoohiki ana aku o ke kanaka, i mea nona e paa ai ma kona kulana oihana. Ua lilo wale aku no ka inoa no ka makemake e paa iho ma ka oihana, aka, ua kipakuia mai la nae mai ka oihana mai. O ka mea ia e lolo ai ka (hoopili mea ae)
Ma keia hana e maopono loa ai ke kumu nui o ka lawe ana o na kahunapule i ka hoohiki kue i ke aupuni Moi o Hawaii, no ke ake e loaa na apana dala kum kaia.
Nolaila, e makaala loa ua hoahanau aloha aina o na Ekalesia o Hawaii nei
Penei na hoopau oihana a me na hookohu oihana ana.
No Hawaii:-- Ua hoole loa o J.M. Kauwila i ka ho hiki Repubalika, a ua waiho aku i kana oihana Lunakanawai na ka Apana o Puna Hawaii; a ua pani ia kona wahi, e Rev W. Kamau, he kahunapule kumakaia aina no Kalapana. Puna Hawaii.
O Samuela H. Mahaka ne Lunakanawai Apana no Konala Hema Hawaii, he kumakaia Moi, ua lawe ika hoohiki, a ua peku ia mai nei o D. S. Kahookano kumakaia ka pani aku i kona wahi. Lolo iho ia ka hoopilimea ai.
O.D.B. Kaaiawamaka Lunakanawai o Kona Akau, e hoopauia aku ana, i kakali wale ia aku no no ka loaa ae o ka poe kumakaia.
No Maui:--- O Charles Copp. Esq Lunakanawai o Makawao, he aloha aina oiaio, ua ae ole oia e lawe ika hoohiki kue aupuni Moi, aka, no ka loaa ole okona pani, ke waiho wale ala no ia wahi. He hauoli nui ko ka Lahui Hawaii no na poe i kupaa i ke aloha aina
No Honuaula, ua waiho mai o J.M. Kealoha Esq. i kona noho Lunakanawai ana a ua paniia kona wahi e J.M. Napolua kumakaia aina
No Oahu:--No Honolulu, ua hookohu ia o A.Perry ma kahi Mr. Roberston i lilo i Hope Loio Kuhina, ma kahi o Waiila opio i waiho mai ai.
No Waiauae, ua hookohu ia o J. Kekahuna, kahunapule kumakaia i Lunakanawai ma ko J.K. Kupau wahi no kona ae ole e hoohiki ku makaia i kona Aupuni Moi.
No Koolauloa, ua hoole loa o John Kaluhi Esq, i ka lawe hoohiki ana no keia aupuni repubalika, a aole i loaa ka mea pani ma kona wahi. Nui ka mahalo ia o keia kanaka kahiko i kona kupaa.
No Hanalei, Kauai, O.J. W. Lota ka hoopilimeai holookoa, ua hoololi ia ae la ia no Hanalei, i Lunakanawai owala kiaha rama no ia wahi, a ua hoopau ia hoi o R. Puuki, no kona ae ole e lawe i ka hoohiki a ka poe palaha aina.
No Kawaihau, ua hookohu ia aku la o Chas Blake i Luna kanawai no ia apana, no ka mea, he kumakaia Lahui oia.
Ua waiho aku hoi o James Kukona i kona noho Luna Pa Aupuni ana no Makiki, no kona ae ole i ka hoohiki ku i ke Aupuni Moi. A he kanaka inuawa no Kalihi ka Luna Pa hou.
O Rev. H.K. Meemano ake oinana o Ewa kai noi e lilo i Elele no ke Keena Aina E ma kahi o David Kamiki i haalele ai.
O S. W. Kaai a me W.P. Haia na mea o Hana i noi mai i Laikiai Loio, a ua olelo ia aku, aia a ae e lawe hoohiki, alaila, loaa ka laikiui, ua hiki hoi o ka lakou nei kau Malolo hoi keia; aole hoi lakou i ike aku i ko hai kau Malolo. I nui ke ke aho!
Ua oleloia ae, ua lawe hoi o Hon. Paul Neumann i ka hoohiki ana no ke aupuni Repubalika. He! Aole o makou haohao iki nona, oiai, he repubalika kona makemake mai mua mai, ua poina iho la kona lawe ana i na kuiana hanohano i ka wa o na Lii o ka Aina e noho aupuni ana. Puni wale no kakou i ka haole hookamani la!
--------------------------
E KU MAI ANA KE KALETONA.
Ua manaoia e ku mai ana ka mokukaua Kaleiona i keia la. Poa kolu, a he kumu no hoi ko kona hiki ana mai. Ua maopopo loa he pono ma ko kakou aoao me keia mau haua e hoea mai nei io kakou nei, aka me ka hamau nae o ka leo, me ka hiki ole ia makou ke hoopuka akea ae e lohea ai i ke kumu o ka manaolana a me ko makou manaoio. E hoomanao oukou e ka lahui Hawaii i keia, mai mua mai a hiki i keia la hookahi o makou kahua, ka hoihoi ia mai o ko kakou mau kuieana a pau maluna o ka Pono.
Oia manao aole i loli a hiki i ke ia la he oia mau ko makou manao paa Aka, o ke kumu o keia mau o keia manao e noho nei, oia ka makou e olelo aku nei, he nane huna ia i hiki ole ke kuu aea ae. E like me ka olelo a ka Haku i olelo ai i ke kumu e mai iaoio aku ai Iaia, "ina oukou i manaoio ole!
Ia'au, e mana oio i Ka'u mau hana Pela makou e pa leo aku nei o ikea wale ae nei hoi ka mea maikai. Eia ae ke Kalekona, i manaoia e holo loa no Kina, ke manaoia nei ma na lono i hiki mai e hiki mai ana oia. Aia aku mahope mai nei, ua kuu ia ka Ahaolelo o Amerika, ka mea nana i alai o Clevelead i kana hana. Heaha aku koe? oia ka oiuau. He hoihoi i ke ia o ka aina i ka pono
---------------------------
HE MEA ANO NUI.
--------------------------
He mea ano nui no kekahi i hiki mai, e hooia ana i ka olelo a na Komisina Alii i holo aku nei i Wasinetona, e i ana, aia ka pomaikai ma ko kakou aoao. Ua hooia hoi ia mai keia lohe ma na mea hou i hiki mai nei. Nolaila i nui ka hoomanawanui e na hoa kanaka, he iki wale no koe a loaa ka anoai a ka naau.
-------------------
KAUA O KINA ME IAPANA.
--------------------
Ke maki hou la na koa Iapana no Pini lana iloko o kekahi pualikaua ikaika, a ke hopohopo wale ia la he hooilikaua nui ke malamaia ana malaila a ma na wahi paha e kokoke ana ilaila.
Wasinetona, Augate:---He telegarama ka i loaa mai i ke Keena Oihana Iapana e hoike ana ua hooholo o Iapana e hoopuka i Dala Hoaie Kuloko o $50,000,000. E hoike ana ua telegarapa la ua huli amahi na mea a pau e hapai like keia hana, mamuli o ka hoeueu ana a na manao Aloha Aina.
Wasinetona, Augate 22.----He hope hou a mana piha iloko o ka oihanakoa o Iapana kai hoike ae no ka mea e pili ana i ka hoomau loihiia aku o ke kaua, oiai, hoi ua makemake oia e hoolako hou ia aku me na owili poka no kona mau pu raipela hou o ka oihanakoa, a oia ka mea i hanaia mamua a i keia wa no hoi ma Auseturia. He iono wale no paha aupuni, i loaa ke ana waena pololei, oia o Auseturia, Kili Iapana, Potugala, Denemaka a me Bulegaria.
Aole he mea hookahi mawaho o ka nale hoahu lakokaua o ka me periala ma Takio i maopopo pehea la ka nui o na pu raipela murata i loaa ia Iapana, a pela no hoi me ka heluna o na owili poka i makaukau, aka nae, ua koho wale ia ia mawaena o 180,000 a 200,000raifela, a ma kahi o 20,000,000 owilipoka. Ina i ike mua o Iapana i keia kaua, he hiki loa iaia ke hoolawa kupono iaia ma na ano a pau. O na Agena Iapana, eia lakou ke hooikaika nui nei e lapaau koke ia keia nele. O kaua mea i makemake ai, mai Auseturia wale mai no e loaa ai aole me kekahi mau wahi e ae. Aka o ka loaa ana mai o na loko kaua mai kekahi Emepaea mai e like me Auseturia he mea ano e loa ia mai ka hoonee ana ia mea mai Nu Havena mai, kahi hoi iloko o na pule e kolu i hala ae nei i hooili aku he 26 000 pu me kekahi mau lako kaua liilii eae no na pualikoa kaualio o Iapana maluna o kakou mokuaina Canadiana no Vanecoua. O keia ko Iapana wahi nawaliwali loa, a ua ike no hoi o Kina ia mea. Ke ake nei o Iapana e aie aku i $50,000,000 mai Gere mania mai me Euelani, owai la auanei ke aupuni e ar mai ana, no ka maka'a i ke kaua mawaena ona me Kina.
Ua olelo ae o Haiale me Gerehama, o Nu Ioka, ua lako laua me ua owili poka oia ano, aka, aole lana i hooia aole no hoi i hoole i ka hoike aia he kauoha no kekahi mau miliona owili poka i haawiia mai ia laua. O ko Kina wahi maaha loa aole o na makemake e kuai hou i mau lako kaua neu nona i keia wa No ka mea, ua hoolako mua o Li Hana Gana he makahiki i hala ae nei, he hapaha miliona pu raifela Maualika, elike me ko ka 888. O kela mau owili poka i hoomaia aku nei he mau la ae nei i hala make.