Ka Oiaio, Volume VI, Number 38, 21 September 1894 — Page 1
| This text was transcribed by: | Betty Yang Green |
| This work is dedicated to: | Awaiaulu |
Nupepa Ka Oiaio.
"O KA PONO KA AIALII E OLA AI KA AINA"
BUKE VI HONOLULU SEPATEMABA 21, ’94. HELU 38
HE MOOLELO KAAO HAWAII
- NO -
LAUKAIEIE.
Ke Kino Kamahao Iloko
O KA
Punohu Ua-koko.
Ke Kahulileol’a o ke Kuluaumoe o na Pali
O
Waipio Hawaii.
Unuhiia e Mose Manu no “KA LEO.”
Ka huakai hele makaikai a Laukaieie me kana Aliikane – Lilo o Makanikeoe me
Hinahelelani i mau alakai ma ka aina a me ka moana Ike ia na lua hohonn maloko o ke kai a me ka aina nei – Hele pu me na ohana ponoi – Hoonohoia o Laukieleula i Ihikalani – Ulu ka ieie ma keia mau mokupuni – Lilo i mea hoomanao ia e ka Lahu Hawaii nei.
Ua hala mua ae nei oia me kona mau hoahele, a aia oia ke kali mai la ia makou o ka hiki aku, aole makou i ae ia e moe ma kahi e a’e a eia no hoi ka la iluna aole i ahiahi aku, aole e liuliu na kaina wawae ana alaila e hiki ana makou ma kahi i kauoha ia, nolaila, e hookuu oe ia makou, ma keia mau olelo a Makanikeoe ua pane hou mai la ua ni nei, malia paha, o kou manao wale no paha me ia, a o ko lakou nei manao aole paha pela.
Pane hou o Makanikeoe. E ninau a’e ana oe ia lakou nei? ua olelo i’o aku’la no ua ui nei.
Ua like i’o no ko oukou manao me ka ia nei e olelo mai nei?
Ae wahi a ka pane. Aole a makou mea e olelo ai, no ka mea, i hele mai makou ma hope ona a ma kana mau mea apau e olela mai ai, malaila wale aku no makou apau e hoolohe ai. Ma keia mau olelo, ua kunana iho la ke kaikamahine pani huakai hele o ke alanui no ka noonoo ana no kana mea e kamailio hou aku ai, nolaila, ua haawi aku la oia i kana mau olelo maikai i ku ka hoomaheaka.
Kai no ia e ae mai lakou i ka leo o ke kamaaina e olelo aku la, alaila, ike pono i ka wai a umeume i Honolii me ke kai, oia ka waiwai o nei ia mea he huakai hele makaikai, alaila hoi paha olelo pono ana, ua ike i ka wai o Honolii nei.
Ua pono hoi ia olelo au e ke kamaaina, i na hoi he poe mea wahine ole makou i hele mai nei, aole la hoi ana olelo ana, ua ae ia kou manao.
A ua noi hou mai ua ui nei e ukali mai mahope o lakou a hiki i kahi o ka huakai e noho ai a ua ae ia aku kona manao.
Ia lakou i hele like mai ai a hiki i Haaheo, i nana mai ka hana hele ana ka ululaau, lehua, i kai o Mokukohua, a ku ana i ka pali kahakai.
Pani ia mai la o mua o ke alanui kahi e hele aku ai lakou nei, ma keia wahi la i kaawale aku ai ui la o Henolii.
A oia ko Makanikeo ma hoomaka ana e nalowale mai na maka mai o ko lakou mau hoahele, a ke lilo la oia i o a ia nei e hoaa ai me keia ulu lehua, a ke hala la ka puulena aia i Hilo.
Ia lakou nei i haalele aku la i ua ui nei o Honolii, e lilo ka ulu lehua i mea nana e walea ai no ia manawa.
Aia hoi ua hala o Wainaku me Kalalau mahope, a ua hoea mai la lakou nei ma Puueo, a huli iho la e nana i ka papa kahulihuli o Waiai kanaka.
Ma ia wahi i kappa ai o Kalua kanaka, a me kela keiki kaulana o Piikaa, kela pali kiekie e lele kawa ia ai e na keiki a me na kaikamahine kamaaina o Hilo taona. Aia hoi o Waimalino a mauka ne me Mokupane e ku mai ana me kona mau kumu lehua.
No keia ulu lehua moku ho nua e pili ana me kahi kahawai o Wailua oa pau paha ka ulu ana ola mau lehua i keia manawa, elike me na lehua ma Onomea a me Wainiha ma Kauai, na ko Kila kamaaina e hoomaopopo ia mea, ae waiho aku kana e ka mea heluhelu i ka olelo ana nou a mau lehua la na ke kaikamahine o Honolii e lei.
O keia papa kahulihuli maluna ae o ke Kiowai koni he make ka poe hele maluna o kela papa, ke hiki i ka manawa wai nui.
Aia na mea nana keia alanui make me ka maalea i hanaia e Piliamoo ma he mau wahine moo keia a e’ua. A ina e ike mai laua he wahi opeope k eke kua e kau ana, alaila wikiwiki no laua i ke kahea mai i ka malihini e hele aku maluna o keia papa, ua lilo mua aku la nae kahi opeope ia laua la, a oia ka manawa e hookahuii ai ka papa, oia ka wa e haule ai ke kanaka ilalo o ke kaowai a make loa. Oia ka mea i kappa ia ai ka inoa o ua kiowai ala o Kaluakanaka. Ano keia lua kanaka ke mele kaulana o na’lii.
A Hilo au-e
Hoolulu ke lehua,
A Wailuku-la,
E Kalua kanaka,
A Leleiwi-la,
Au i ke kai-e,
A panaewa-la,
E ka ulu lehua-e,
A Haili-la,
E ke kula manu-e,”
A no keia Papa kahulihuli no nae ka Hiiakaikapolipele i oli aku ai i ua mau moo aia a ike mai iaia i ola laua.
A oia kana i oli aku ai.
“Kahulihuli ka papa o Wailuku e
He ole ke kaha kuai ai,
Homai ana hoi ua ai.”
He mea oiaio, ua make laua, a he mau kanaka inoa kekahi i no Oihana Aupuni i make malaila.
Nolaila, e kala mai e ka mea heluhelu i keia mau hoakaaka, a e huli ae kaua e nana ia Makanikeoe me kona ohana e noho ala ma Puueo. Aia lakou e noho nei maia wahi, na iae ia aku la lakou e ka poe e piha na ma ke la kahawai, oiai lakou e lele kawa ana, a ua hooho mai la na leo o kekahi poe. He mea a hoi kela o ka huakai nui e nono mai la, he oi aku ka ui a me ka nani o ke la poe wahine a me na kane, a ua holo mai la kahi poe heluhelu wale mai lalo mai o ke kahawai o Wailuku no ka makemake e ike kino i keia poe mailihini, aia nae ia lakou nei i hiki aku ai ma kahi o Makanikeoa ma e noho mai ana, ala hoi, ua lele maila lakou nei mai Puueo mai a ku ana lakou nei i luna o Piikea luna, a ua hoholo hou mai la na kanaka ma o a maanei o ua kahawai la ai a lakou nei maluna o Piikea, ua hoomaka aku la o Makanikeoe e lele kawa me na kaikuahine o Kalaeo hi a me na mahoe o Maunaloa, me oe: papahi lei lehua ma ko lakou mau poo, aia lakou i lelo aku ai. “awe!” no hoi-e, pio ke anuenue me ka emoole loa i kela manawa, aole he wahi me a aike ia aku hoi ko lakou komo ana iloko o kawai.
Aia nae ka mea iike ia aku e na kanaka o ko lakou hoholo iioko o kawai me he ia ulaula ala kea no, elike pup aha me ha kumu aia, ai ole ia, me Moanonui Kalehua ka mea nona keia me
“Ua monimoni
E Moanonui ai Kalehua.”
Mahope iho o kela manawa e nana ia nei, ua hoea like ae la o Mkanikeoe ma, mailoko ae o kawai me ka pii malie ae i ka lewa e kauaheahe malie ai, e kikaha ana i oi ia nei, he kohu manu kaupu no ka moana, ka hana a ke keiki kupanaha nui wale, a he oi aku ka uwauwa leo nui o na kanaka e nana nei, a he hana hoohoka maoli no keia a Makanikeoe i na keiki kaulana o Hilo i ka lele kawa a oia ka lakou e wa olelo ana i ke ano o keia poe malihini, he mea ilke mua ole ia e lakou. Pela ka kea no o ka lele kawa ana he pii hou ae i ka lewa.
Ma keia mau hana hoopahaohao a ka mea iaia ke ki o ka waihona o nei mea he aloha, ua pahua ka ike maopoopo ana mai o ka lehulehu i ke ano o keia poe malihini. I ka lehulehu e nu nei ia lakou iho, aia hoi me amo ana la a kanaka, ua nalo wale nohua aku la lalkou nei me ka ike ole ia o ko lakou wahi i nalowale aku la. A oia paha kau e ninau iho la e ka mea heluhelu auhea iho la o Kamanikeoe, me kona ohana? Ua niau aku la lakou ne kahi a ka mea nona keia nanea e noho maila i ka Pikoowakea.
Ia lakou nei i hiki aku ai malaila, ua lawe hou ae la o Makanikeoe i kona ohana a hoonoho iho la ma ke kau wahi Heiau ma kai o Piikea e pili pu ala me ka Loko o Kanakea oia kekahi loko ano kupua malalo o kona Pahaku a hiki i keia wa ma ke Ahupuaa o Waiakea ma Hilo.
Ma keia noho ana o ka ohana maia wahi, aole o lakou mea e olelo ae ai ua hemahema lakou ma na mea ai o na ano a pau a me na pono kino, aole e kala i makaukau ai ia mea, mailoko mai o ka lehulehu o na kino papalua ano kupua.
A maia manawa mahope iho, ua huli hou aku la o Makanikeoe i kona Kahu Lani kaikuahine me kana alii kane a me ko laua mea nana e hoikike nei i na wahi kamahao iike ole ia e na kanaka apau, a iaia i hiki aku ai mailaila, ua ninau aku oia iaia. I nap aha he manao ko ka ohana e hele aku e hoikeike aku ia lakou iho i mua o na kaikamahine ui-a kaulana o Hilo a me na keiki lalawai oia wahi, ma keia olelo a Laukaieie, ua hooko koke ia kona leo e kona kaikuanane a me na ohana apau e noho la ma Piikea.
I ka wai i hai aku ai o Makanikeoe i keia manao i mua o kona ohana, ua hooholo lokahi ae la lakou a pau e hale, nolaila, ua hele ae la lakou ma kai o Niuakapea a hiki ma Mokuoia, he wahi Mokupuni kuwaho keia ma ke kaikuono o Hilo aina makani nui, aia ma ka aoao Hikina o Mokuola he pohaku e pili ana ma kahi one, oia no ka pohaku i kappa iai o Mokuola, he wahi keia na ka poe kahuna e lawe ai e auau i ka mea mai. ia lakou nei ma keia wahi Mokupuni uuku ua hoomaka maila na pakaua eloelo o Hilo e hoohanini iho mai ka lewa mai, a oia no hoi ko Hilo mea i kaulana i ma ke mele a ka poe kahiko. “He la ua no Hilo a pokala,” aia hoi ke hoopunana iho la ka uhi ana iho a ka noe maluna o kahi a lakou nei e neho ana, aia nae ma ka mao anae a kauhi ana a ka noe a me na pakaua ua ike ia maila e na poe a pau o Hilo he Punohuua-koko e hoopuni ana ia Mokuola aole hoi iike ia mai e na poe kamaaina a pau o Hilo e nee ana ke ia Punohu-ua-koko ma ke kai, aole no hoi i ano mahia’e, ua keehi paa loa, ke ku ana o keia mea he Punohu-ua-koko maluna o Mokuola, a na koho ae na poe kamaaina, heaha la ka hana a ka Punohu maluna o Mokuola?
A ma keia ano ua lilo ia i mea hoouluhua i kamaaina, nolaila ua ulu ae la na manao i kekahi poe e hele mai e ike maka, a ua holo mai la kekahi keiki kanaka ui a kaulana o kona inoa o Kaipalaoa, ma ka hoouna a kona kaikuahine o Punahoa me ko laua mau Kanaka ponoi maluna o kawaa, aia lakou i kokoke mai ai ma kahi a na poe kaikamahine maoli a huapala o Waipio mai’e noho hoolai malie aku iloko o ka Punohu-na-koko, aia hoi, ua hiki ole loa ia Kaipalaoa me kona mau kanaka ke hookokoke aku ma kahi o na malihini, no ko mea, ua kau iho la he mau ano kunahihi me ke kamahao me ka eehia nui, a ua hiki ole hoi iaia ke olelo mai me kona poe kanaka a na huli hoi aku lakou me ka awiwi nui a pae ana i uka, a ua hai aku oia me ka pihoihoi i mua o kona kaikuahine i na mea a pau ana iike ai, a maia lohe iho, ua holo ponoi aku o Punahoa e ike maka me kekahi mau kanaka hou, a iaia i hiki ai ma kahi o na malihini e noho nei, aole loa oia i kuemi hope mai kona manao. Ua a-a oia e hele a papa leo pu me ka poe nana keia Punohu-ua-koko e halii paa nei, nolaila.
I ke kokoke ana mai o lakou e pae he mea kamahao io no kona ike ana mai i keia poe a ka ui nui wale, a ua oiaio na mea a pau a na i lohe ai mai kona kaikunane aku, aia nae ia Punahoa i pae aku ai ma Mokuola na lele iho la oia iloko o kekai me ka olelo aku i kona poe kanaka e hoemi hope aku i kawaa iwaho. A ua hookoia kana olelo ia wa me ke kaulua ole. Iaia e ku ana i ke kai, ua pane aku ola, e na malihini kamahao a’u iike ole ai i kahi poe elike me ko oukou mau kulana oi aku o ka nani a me ka ui mamua o na keiki a me na kaikamahine o Hilo nei.
Ka mea a’u nei i manao iho ai owau no ka oi kelakela o keia aina aole o’u mea nana e ukali mai, eia ka, he me au i helu ole ia mamua o oukou e na malihini a ke noi aku nei au ia oukou e hoi kakou i ka hale, a e lilo oukou a pau e na ui nohea i mau aikane na’u a he kaikamahine mea makua no hoi au e hiki ai e malama ia oukou me ka hoolawa ana i ka mea e loa ana ia’u a pehea ia manao la e na malihini?
Ka Makai Kiu
Lau Omaomao.
Ke kaeaea o na kakai pali nihoniho o Misouri.
KA MEA NANA I HOOHOKA KA POWA IEKE AI ME KONA PUALI HOLOKOA.
- A I OLE -
Ke Aka kino wailua o ke kuluaumoe
KA MEA NANA I HOOPAKELE NA KAMAHELE O KA PO.
Ka mea nona ka Ipu kukui kamahao lua oe.
MOKUNA II.
Ka hookolo ana o ka Makai Kiu i ka meheu o ka aihue – Kona loaa ana ma ka Mokuaina o Inia
Hikina, i loko o na ia ehiku – Hopu pio ia ke kalohe, a hoihoi ia i mua o ka Hui Banako o
Virginia Hema.
Ua waiho ia aku ua mau dala pepa ala ma ke paaukau o ke kakauolelo o ka Hui.
I kela manawa i waiho ia aku ai ua mau dala pepa ala ua ku koke ae la ka Makai Kia iluna, a puka aku ia i waho, a hoolele aku la i kona leo elike ke kapalili o ka hoeue ana me ka leo o ka ulili no ekolu manawa, a i ka pau ana na komo hou aku ia oia iloko o ke Keena.
He mau setona mahope iho, ua komo koke mai la na poe kokua o ka Makai Kiu iloko o ua keena ‘la a oia ka wa i pioo ae ai na poe a pau, oloko, oiai, o keia poe a pau he poe malihini wale no ia lakou, me ko lakou manao ole ae e, he poe maikai kela.
I kela wa ua ku koke aela ka Makai Kiu Lau Omaomao iluna, a unuhi ae la i kekahi owili pepa mai loko ae o kona kuka, a hele pololei aku la imua o Kimo Kamaki, a paa aku la iaia, me ka leo nui moakaka, ua pane aku la oia e hopu aku ana wau ia oe no ka hewa he aihue.
Ai kela wa, i hoao ae ai o Kimo Kamaki e uilani me kona ikaika a pau, aka, aole e hiki oiai ua paa pono kona kaniai i na lima wikani o ka Makai Kiu Lau Omaomao.
A oia ka wa i lele mai ai kona mau hoa e hoopakele iaia, aka, ua pau loa lakou i ka hopu ia e na makai o ke aupuni, na kokua hoi o ka Makai Kiu Lau Omaomao a ua lawe ia lakou no ka hale hoopaa lawe hala.
I kela wa koke no, ua loaa aku la ka lohe, i ka oihana makai, ua paa i ka hopa ia kekahi lala o ka hui mahiai no ka hewa aihue e kekahi Makai Kiu, i maoopopo ole kona inoa, ua puni ke kulanakauhale ikeia lohe, a oia ka wa i koho mai ai ka poe o waho malia oia aku la ka mea nana i aihu ka Hui Banako o Virginia Hema he mea oiaio ua pololei ke kohe ana.
I ka wa i hiki aku ai ka poe lawehala i ka hale hoopaa lawehala, ua hoike koke ia aku la ka lohe i ka Hui Banako o Virgini Hema ma paa i ka hopu ia kekahi kanaka nona kainoa o Kimo Kamaki e ka Makai Kiu Lau Omaomao. Me ke kahi huina dala nui, a eia ke paa nei ma ka halo hoopaa, apopo e hoihoi ia aku ai ilaila, a oia ko oukou wa eike ai.
A e hooko hoi oukou i kana mau kauoha a pau, e kauoha mai ai ia oukou e hana.
Ua ae koke aku la na Makai ike la leo kauoha, a ko “lakou Kapena”
I kela wa i wehe ae ai ka Makai kia i kekahi apana lole Silika keokeo mailoko ae o ka pakeke o kona kuka, a u hola aku la imua o ua poe Makai ala, a pane aku la oia ai nana iho ike kii i kahakaha, ia maluna iho oua lole Silika Keokeo ala a me nakuhikuhi ana.
Ua hoakaka aku la ola, ua ike oukou i kela kii e kau nei, a, eia kau kauoha ia oukou a pau loa, a e hoolohe pono oukou, a oia keia.
O ka hoailona (A) oia kea lo e ka hale; 15 poe o oukou malaila. Hoailona (B) oia ke kihi Hikina o o ka hale i 10 o oukou malila.
Hoailona (C) oia ka aoao Hema ka nale i 10 poe malaila.
Hoailona (D) oia ke kihi komohana. Hoailona (E) oia ka puka o ka pa kahi au’e komoai, alaila, o ka poe Elima i koe o oukou. E komo pu lakou me au, aole i pau pono aku kaia hei olelo, ua pane koke mai la ke Kapena Makai, ka aole paha e pono, oiai, ua kamaaina lakou nei a pau i ka lehulehu.
Ua pane aku la ka Makai Kiu, mai hopohopo oe, oiai, ua hiki ia’u ke hoololi aku i lakou nei mau ano pakahi a pau a hiki ole ia oe keike, owai la lakou.
I kela wa, ua ma helehele aela oia ia lakou a pau, a e like me kela i hoike mua ia a’e nei.
Ua wehe ae ia oia he owili pepa keokeo, a hele aku la a ku imua a kela a me keia puulu ana i hookaawale ai, a hu aku la i kekahi laau puehu imua o kela a me keia o lakou, a oia no ka wa i kauoha aku ai like Kapena e hele mai e nana. Ua hiki paha iaia ke koho pololei aole paha.
I ka hiki ana mai e ke Kapena ma kahi a lakou nei e ku ana, na pane koke mai, la oia, auwe he powa ka, ua hiki mai, a hoomaka aku la oia e holo.
Oia ka wa o ka Makai Kui i pane aku ai, aole keia he poe powa, aka o kou poe kanaka no keia, aka, e like me kau i olelo aku nei ia oe a hiki ia’u ke hoololi ae i ko lakou ano a oia kau e ike ala, a no e hookuu mai oe ia makou e hele, oiai he hapalua hora wale no koe, a hiki ae i ka hora 9; ua hookuu iamaila oia e helema kana mikiona, e ke Kapena o na Makai o ke kulanakauhale.
Ua hele aku la lakou a hiki i i kekahi Hotele e ku kokoke ana i ka puka pa e komo aku ai iloka o ka hale Hui o ka poe mahiai.
Ua hoonoho iho la ka Makai Kiu Lau Omaomao i ka hapauui o lakou, a lawe aku la oia i ke keena o lakou, oia na poe elima e hele pu meia.
Ua ae aku la na makai i ka leo kauoha, a o ka kakou eueu hoi ua komo aku la oia me kona mau hao iloko o ka hale hui.
Ia lakou i hiki ai, ua haawi ia main a noho ia lakou, e ke kamaaina, a noho nui iho la ua poe nei, a oia no ka wa i kani koke ae ai ka wai, e hoike ana oia ka hora 9.
I kela wa, na hapai koke ia na hana e like me ka kaua iike mua ae nei; ma ka noho Luna Hoomalu ana o ka Luna Nui o ka Hui Mahiai.
I kela wa ua wehe koke aela oia i ka halawai, ma o kana kauoha ana aku ike kakauolelo e heluhelu ia ka moolelo o ka halawai i hala, a na hooko ia pela, a i ka pau ana ua apano ia ka moolelo o ka halawai i hala.
A i kela wa ua hapai ia na hana eae, a hiki i kahi o na hookupu ana.
I kela wa, ua koke mai la o Kimo Kamaki iluna, a hoakaka koke mai la imua o na mea a pau, i ka i ana mai aia ma ko lakou aoao na lala hou o ka Hui, he #30,000, dala, oia kona wa i wehe ae ai i kekahi wahi leta loihi, a unuhi aela mai loko ae olaila, he mau dala pepa, ma ka #1,000 dala o kela a ame keia pepa kona waiwai, a e loaa na ke dala i ka wa e kikoo ia aku ai ike Aupuni.
I ka hiki ana mai o ka la ehoihoi ia ai ke pio aihue dala, i kahi ana ilimalima ai ua piha kui aela ka hale hookolokolo no ke ake elike maka i keia aihue makau ole, a me ka Makai Kiu Lau Omaomao ka mea hoi nona ka inoa i’kau ia ka weli o ka poe hainai kanawai a pau.
Oiai ke anaina kanaka nui e kali ana, ua ike aku la lakou i ka hoea ana mai o ka paahao iwaho o ka hale, oiai na kanaka a pau e na na aku ana, ua hooho aela lakou Auwe! O ka hi kanaka kalewa huaai ka, ka mea nana i aihue kela Benako a ua pono oia e lilo i paahao, a hiki i kona make ana; a aia hoi ma kona mau aoaa, e hoopuni ana nai makai iaia a o kona mau hoa hoi i hopu ia ai, na hookuu ia aku lakou me kea o pu ia aku.
A iloko oia wa i ike aku ai ke anaina kanaka nui, i kekahi kanaka pilalahi, e hele mai ana, a e kau ana hoi na kea hoohanohano ma kona umauma; a eukalina ana oi ae ka Lana Nui o ka oihana mahiai, ame kana mau keiki ekolu.
Oia ka wa o na kanaka a pau i hooho like ae ai, he Makai Kiu! He Makai Kiu!! Oia nei ka, ka mea o ana i hopu i kela aihue nui.
A ua hele aku la na kanaka e lululima pu me ia, oiai, o kona inoa ua lohe lakou.
Iloko o kela manawa, ua pii ae la ka Makai Kiu Lau Omaomao iluna o kekahi pakaukau e ku ana a me kona leo nui meakaka ua haawi mai la oia i kona aloha i ke anaina kanaka nui e ku aku ana, apela hoi i panai ia aku ai.
Ua pane mai la oia e na kupa o Inia Hikina nei, ua makemake au e hoike aku ia oukou a pau, i kekahi mea a’u i manao ai, he mea ia no oukou e pomaikai ai a oia keia.
E noho kela a me keia, o oukou, me ka makaala loa, oiai, eia iloko ponoi nei o ko oukou mokuaina ka Hui Powa kaulana loa o Misouri malalo o ka inoa o Ieke.
A mailoko mai oia hui, oia keia a oukou e ike mai la he pio oia na’u i keia la, a e hoihoi ia aku ana oia imua o ka poe no lakou ka waiwai ana i lawe aihue mai ai.
A ke hoike hou aku nei au imua o oukou, he mea maopopo, e kau ana na a hewa a ke kanwai o Amerika nei maluna ona, aka, ke kanalua ole nei au i ka hoike a ana aku ia oukou i kekahi mea, a ole keia, i na e hemahema iki ko ia nei malama ia ana, e ka aoao o ka Aupuni, alaila, e paheuno aku ana oia nei ma ka apua, malalo no ona kokua ana a kela hui powa.
A oia auanei paha ko’u wa e komo aku ai iloko ona paio hahana ana me keia poe powa, aka, e kali, nae kakou no ka wa e hiki mai ana, oiai, e hoi ana wau me ke pio i keia wa a no.
I kela wa ua haawi mai la oia kona aloha hope, a oia no ka manawa o ke anaiua kanaka i haawi ae ai he mau leo huro no ka hauoli.
Ma keia wahi, e aui ae kakou a nan i na hana hookalakppua a ka Makaikiu Lau Omaomao.
I ka hala hope ana aku o ke Kulanakauhale o Inia Hikina ia lakou nei, aia ka la ke iho aku la ma Kela aoao o ka Poepoe Honua, aia hoi kea no liula ke hookokoke mai i la e uhi iho maluna o ka ili Honua na kaa pono aku la lakou nei iloko o ka waokele, oiai ka malu o na laau e hekau iho ana maluna o lakou oia kona wa i pane aku ai i na makai a me ke pio, e hoemana lakou malalo o kekahi laau Ota, no ko lakou paina ahiahi, a ua ae mai la kona mau hoahele.
Ua hoomaha iho la lake
Ua pane mai la kona mau hoa aole kakou e hele ana i keia po?
Aole, oiai; ke hali’ali’a e mai nei ia’u, eiae he mau enemi ma ko kakkakou alahele, oia ko’u mea i olelo aku nei ia oukou e hiamoe.
A ina pela ua pono, ao kamea ma ikai hoi ha, e moe kekahi poe o makou, a o kekahi poe ke ala.
Aole e moe oukou a pau loa, a owau no ke ala.
Aole e moe oukou a pau loa, a owau no ke ala.
La manawa, ua hiamoe aku la lakou a koe iho la ka kakou eueu e malama i ka maluhia o ko lakou hiamoe ana.
I ke kupono ana ae o ka huihiu i ke Kau, ua lohe koliahu aku la na pepeiao o ka Makai Kiu
Me ke kali hou ole iho, ua hoala aku la oia kekahi poe makai, a ala aela haawi aku la oia i ke kauoha, e makaala oukou, a e kiai pono hoi ike pio a kakou, oiai, eia he poe powa ke huli mai nei ia kakou, a owau hoi ke hele ae e hoohoka ia lakou, ina nae e hoea pono mai ana o kakou nei, a ka hoi ina e ani ae ana ko lakou alahele aole hoi ana.
Ua eleu koke aela oia a kau liana o kona lio, me ke ku makaukau ana ina wa a pau, e pale aku i na enemi e hoea mai ana imua ona.
Ua hoolele aku la oia i kena lio a aneane he 200 kapuai ka mamao mai kona poe hoa aku, a me ka lakou pio malaila oia i ku iho ai.
A iaia no e ku ana, ua lohe pono aku la eia ua kokoke loa mai ka halulu ana o na kapuai lio, oia kona wa i ho’a koke ae ai kana ipukukui hookala kupua a huna iho la iloko o kena poli.
I ka maopoopo ana iaia ua kokoke loa main a powa i ona la oia kona wa i holo koke aku ai imua o lakou me ke kahi hou ole iho, aia hoi kamalamala kupanaha o kana ipukukui ke holapu hele ala iloko o kaulu laau, e like me na alelo manainana o kauila.
A ne keia mau hana a ka Makai Kiu, i hookuemi hope aku ina powa, alilo hoi i mea no lakou e pi hoihoi ai a e anoe ai hoi ko lakou kulana, me ko lakou noouoo, oiai, aole he ua aole hoi he Hekili, a aole no hoi he mau ouli eae oia ano, a ka, ua pahaohao lakou no keia mea kupanaha.
Aka, ua hoomau mai la nonae lakou i ka nee ana imua , ma ke ano malie.
I kela wa koke no i hoolele aku ai ka Makai Kiu Lau Omaomao i kona leo, kupaianaha, iloko o ke kupinai o na laau, elike me kekahi Alihikaua nui e alakai ana i kekahi puali kaua.
I ka poha ana aku o keia leo, na hoomaka ka pioo ana oua poe nei, oiai, ua panalua ia ko lakou hoopahaohao ia ana iloko oia manawa hookahi.
A ma ia ano, ua ike ia ko lakou emi hope ana, a me ke ki ana hei i ka lakou mau pu ma kahi o ka leo a lakou i lohe ai.
A ka, oia ko lakou wa i lohe ai i kekahi mau leo e akaaka henehene mai ana, me ka hooho ana mai, e na poe ilio kawau, o na ulu laau anoano o Inia Hikina nei, mai nee hou mai imua, o nalowale auanei oukou mai kaili honua aku no ka wa mau loa.
I ka wa o ka leo o nap u e kuwo ana iloko o kaululaau, oia ka wa o na makai a me ke pio, i puiwa ae ai, me ka manao eia lakou iloko o ke kahuakaua, a me ka ninau ana he kaua a nei keia, a ole he uhane lapu paha no ka po.
I kela wa i pane aku ai ko lakou mau hoa e ku kiai ana, he poe powa, e kaua ana me ka makai kiu.
Ia wa, a ka Makai Kiu Lau Omaomao e hoohoka nei ina powa, he mea oiaio, ua ike ia ko lakou hohe wale ana, a ua pau lakou i ka holo mai kea lo aku o ke ahikanana ka Makai Kiu Lau Omaomao.
Mamuli o keia mau hana hopo ele a ka mahai Kiu, ua loaa iaia ka maha, a me ka lanakila, mamuli o ka manao kuhihewa o kela poe oowa he puali nui la keia, eia ka auanei, hookahi wale no, o ka eueu o na kakaipali o kahi kauhale o Lama.
I ka hala ana aku oua, poe powa aia, ua hoi hope aku la ka Makai Kiu a hui me kona poe, a me ka lakou pio.
Ua ninau koke mai la na Makai kulanakauhale o Inia Hikina, auhea aku la keia poe powa, ua pau nui aku uei ike auhee, wahi a ka pane?
Ua pahaohao ia makou, no ka nui o na leo e hooho ana iloko o ka ululaau, me ke kani kupinai ana o ka leo o nap u panapana a ua manao makou ua poino oe.
Oia ka wa o ka Makai Kiu i pane ai, oia leo a oukou i lohe ae nei, no na uhane lapu ia o ka po a oia ka poe nana i kipaku aku la i kela poe ho he wale, a o nap u e kapi kupinai ana, na lakou no ia e ki ana i ka makani.
A nolaila, ua makemake au eliuliu kakou i keia wa, oiai, ke wehe mai hei ke alaula o kea e, a he mea pono, e paina kakou, keia wa, a naue aku.
Ua ai iho la lakou, a i ka maona ana ua nane aku la lakou ma ko lakou alahele, a hiki i ka puka ana mai o ka La, e hoolei pau ana i kona nani apau maluua o ka
Ua hoomau aku la i ka hele a hiki i ko lakou ike ana aku i ka puo’a o na Hotele kiekie loa oa Virginia Hema, a o ka hora 12 ponoi ia o ke awakea, a ua hoomaha iho la lakou, a liuliu iki, ua paina iho la ko lakou aina awakea a hooluana iki iho la no ua hora elua.
A ike kani ana ae o ka hora 2, oia auina la ua hoomake hou aku la lakou e motio no ko lakou ala hele e kamoe pololei ana no ke kulanakauhale o Virginia ka pahu hopu hoi o ka huakai a kona mau hoa makai e ukali ana iaia.
I ka hora 6 ponoi oia ahiahi on ua hiki aku la lakou ma ka hale hoopaa lawe hala, o ke kulanakauhale a haawi aku la ka Makai Kiu Lau Omaomao i kana lawehala ma ka lima o ka Luna Nui o ka halepaahao, a nana e malama aku iaia, a hiki i ka wa o ka Aha Hookolokolo e nono ai e hoolohe i kona hihia.
I ka paahao i kaawale aku ai wai iaia aku, a me kona mau hoa a kono aku la oia i na hoa makai, ona, e noi lakou iloko o ka Hotele e hoau moe ai ia pa ua ae mai la kona mau hoa.
(E nana ma ka Aoao Elua)