Ka Oiaio, Volume VI, Number 41, 12 October 1894 — Page 2
| This text was transcribed by: | Samantha Apana |
| This work is dedicated to: | Awaiaulu |
Nupepa Ka Oiaio.
"O KA PONO KA AIALII E OLA AI KA AINA"
POALIMA, OTAKOBA 12 1894
HE ALII MANAOIO
Ma ko makou hoomaopopo ana i ke kulana manao'o ko kakou Moiwahine e noho nei ua hooia iho makou eia oia ke kom kukonukonu nei iloko o ke kulana Karistiaeo oiaio maoli.
Ma kana olelo ana a pau a ma kana mau hana eia ka Uhane Hemolele kealakainei i kona mau manao a' pau e hanaika mea pono, a e like no hoi me ke ano o na lii ha-nau o ka aina, he poe manao paa lakou ke ku ma ke kula-na e ku ai, pela no ko kakou Moiwahine. Minamina makou i ka ike aku i na manao mai-kai o ke alii e naku ana i wa-hi e hiki ai ke hoolana aku no a mea, eia oia ke noho nei i ka malu a malalo o na ulia o ka manawa. Aka, aole no nai ia he mea hewa, oia o ke alu nui iho la no ia e ao mai ana ia ia e hoololi ae i ke ano o na hana o keia noho ana. Wahi a ka olelo Hemolele, "Polmaikai ka poe e kauma-ha ana no ka mea e hooluolu ia ana no lakou".
Ua loaa keia kulana i ka Moiwahine, a e hoonani ia ko ke A kua lokomaikai, i ke ala-kai ana ia ia iloko o na ulia o ka hana hoopilikia a kanaka me ka noohua ana iloko on a i ka hoopono a me ka manaoio kamahao, a me ka piha o ka manaolana iloko o kona naau e ike mai ana no ke Akua i ke kulana pepe a me ka noho ana pilihua hala ole o ke lii a me kona Lahui me ka hana ino wale ia mai e na malihini a lakou i hookipa a hoopume-hana ai oiai na poe la he poe, ilihune a hepoe pololi.
He mea no keia ano o ke Alii e ao mai ana ia kakou e hoohalike aku me ia. E ku-paa e like me kona kupaa maluna o ke kulana hoopono, a e hilinai piha e like me ia oiai ua hana oia i kana mau hana i hana ai e lilo he mea imihala ia e hoohulihia ia ai kona noho Aupuni ana, ua hoao no oia e hana no ka po-no o na kanaka a pau o ka aina, a ma ia kumu ua a ai kona manaoio eia no ko Iehoua lima ke pakali nei i ka pono ma kona aoao a hiki i ka wa a kona mana ike kelakela e hoomaopopo ai ua hiki mai ka manawa kupono e hoihoi hou mai ai i na pono a pau o ka Moiwahine a me ka Lahui i pakaha wale ia aku e na kau-la a me na kahuna hoopuni-puni, ne mieionari a me na haipule hookamani.
I na no ua nele kakou ma na ano a pau a ua hoohanau hou ia kakou iloko o ka noho ana maemae iloko oia hoonele ia, ua oi aku no ko kakou po-maikai mamua o ka waiwai a me ka nani a pau o ke ao me ka noho hoomaloka ana a hoopalaka, he Aupuni hou aku kekahi mamua o kakou e noho ia ai me ka oluolu a me ke kaawale no ka manawa mau loa mai na luhi a me na inea o keia noho ana ua poko-le. Na ke Akua e kokua o Liliuokkalani a me kona Lahui.
Waiwai Ole
Waiwai ole, wahi a ko ma-kou lohe ka hoohiki ana a ka poe i hoohiki aku nei i ke Au-puni Repubalika ole wale.
Ua hoohiki ka poe i hana ia hana hoomaewaiwa me ka manao oia ka mea e loaa ai o ka pono ia lakou, aka, aole nae i loaa wai kekahi hune-hune o ia mea he pomaikai, koe paha ke paimehana a me ka peku welawela e kipaku ana i ka poe noho oihana mai ka lakou hana a hoowalewale hou aku i kekahi poe e ae.
Ua hoohiki aku mawaona o oha a me elima haneri o na haole a me kanaka Hawaii hanau o ka aina, i ke Aupuni hoohui-aina.
He wahi heluna uuku loaa keia i malele aku mai ka La-hui, a he hoike ana mai no hoi i ke kupaa kamahao o na kanaka Hawaii a me ka nui o ko lakou aloha i ko lakou one-hanau. He kohu Pelekane maoli ko no kanaka maoli ma keia ano, a in a e maumau ana na ano kupaa e ae o ia Lahui wikani o na aa, aole no he hopohopo no ka lili aku o ka ea o ko lakou aina ia hai. I waina o ka poe i haule aku ua lilo aku o J. M. Poepoe i ka hoohiki. He loio P. G. maopopo o Mr. Poepoe a me na loio e ae i hoohiki i ke Au-puni Repubalika.
Minamina makou i ka ike ana ia Poepoe, Hapakini, Ke-poikai, a mena Hawaii naauao e haawi pio ana ia lakou iho.
Aka o ko lakou mahele ano no paha ia i hanau ia mai ai a ma ia ano, aole kakou e oolea loa i keia mau kanaka iwi aole i kohu like me kela i hololua o ka moana, i kapaia he muhee.
Ua lohe mai makou ua pai-pai aku o Keoni Likekona i ko Wailuku a meko Makawao mau keiki papa e hoohiki, me ne olelo ao he hana naauao kona hoohiki ana a hookoe no nai ka manao o lok, o keia iho la ke ano o ke kanaka i ololoia e Iakobo, rona na aoaoa i like me ka oni ana a ke kai ka pii iluna a ilalo, io a ianei, o ka mea haohao nae, ke ao aku ia hai e hana i ke-kahi hana me ka hana mua ole ana iho on a ponoi i ua ha-na la, ua hoole ia mai nae keia kumu kalaiaina hooka-mani a ao hewa e Mr. Copp e Kamakele a me Kalama ma, me ka olelo ao ia ana mai o Likekona, aole lakou i maa i ka hoohiki wahahee a e hahai i ke ao a e hoohiki wahahee, nui ka mahalo i ko Maui kei-ki Aloha Aina; na ke Akua oukou e nana, a na ka Lahui e hoopaa mau i ko oukou moolelo nani, oiai e popo ana na iwi o na kanaka Hawaii hoohiki hoomaewaiwa aina.
AOHE MAKEMAKE I KA OU-KOU WAIU
Ma ka nupepa Awalakaika o keia kakahiaka, e olelo ana no ka lohi ka o na kanaka Hawaii i ke komo ana aku iloko o ke aupuni hou i kukulu ia i ka la 17 o lanuari 1893 no ia kumu na hanini e ke kiaha waiu, a ua nele ka kakou ka poe aloha alii.
Ke pane nei makou, aole loa he makemake iki o ka lehui Hawaii i ka oukou waiu haku-paa, no ka mea he hakuhaku aole e hiki ke hookome ia iloko o ko makou mau pola kope a me ki, a ma keia ke wehewehe nei makou i ke ano o keia kiaha waiu haku-paa.
O'ke kiaha, oia no ko kakou pae aina aloha a na mikanele i aihue ai. O ka waiu oia ke aupuni ka-mehai a lakou i kukulu ai, a e lele nei i ka lewa me ka maopopo ole o kona wahi e ku ai.
A o ko kakou lohi ana a hiki ai i ka wa e hanini ai ua kiaha waiu haku paa'ala a ua poe ala i lawe aihue ai i ko hai waiwai, oia ko ka-kou lanakila e ka lahui Hawaii. Nolaila, o makou ka wahaolelo no ka lahui, a o ka makou pane ana a hoole ana oia like no ka ka lahui e hoike mai ai. Nolaila, e hele oe pela e satana, he ino oe, a e make oe e pono ai.
MAI HOPOHOPO OUKOU
E ka lahui Hawaii mai honohopo oukou a mai kanlua hoi, oiai ua hoike aku makou i ke akea he eko-lu mana nui o ke ao nei nana i haawi mai ke kuokoa ia kakoua i ka 1843: oia na aupuni o Farani Beri-tania a me Amerika.
Aka, i ka wa i lawe aihue ia ai ko kakou aina a hookaawale ia hoi ko kakou Moiwahine aloha mai kona noho ahi ae a ku oloheloha iho la ka aina aole he nani i koe.
Iloko oia wa u@ hana iho kakou i ka kakou i ka kakou hoopii a pela pu hoi me ka Moiwahine Liliuokalani, a waihe aku la na Amerika e hooponopono mai; a oia ka kakou e kali nei a hiki keia la. Aka, eka lahui e hoomanao i kekahi o na moolelo kaulana o ko kakou aina aloha a oia keia:
Ua kahea leo nui aku ka manu i kapaia ka inoa Elepaio penei.
E Io e, e IO e, ua pa wau i ka pohaku a ke kanaka.
Pane aku o Io, nawai ka hala?
Na'u ka 'hala i ke pau ana i ka huewai a ke kanaka, wahi a ka Elepaio.
Hewa ha oe ko pao ana i ka hue-wai a ke kanaka, hookolo ia i ka nui manu, wahi a Io i pane mai ai.
He mea oiaio ua hookolo io aku no o Elepaio a loaa o Oo; a oia pa-ne hookahi no e hookolo i ka nui manu.
Ua hiki aku oia imua o Pueonui o kona, a oia pane hookahi no.
Eia nae ua pane hou mai la o Pueonuiokona, auhea oe e Elepaio, e kahea ae au i ka nui manu o ka-kou e akoa koa mai.
Emoole no hoi akoakoa mai ana na manu a pau, a hoike aku la o Pueonuiokona i ke kumu o ko la-kou kahea ia ana aku e akoakoa, a ola keia:
Ua hoaa mai nei imua o'u ko oukou pekii me kana hoopii, a i ko'u loha pono ana ua ike au ua hea no ia nei, aka, i hana maikai loa nae, e hoouna kakou ia. Iwa imua o ke kanaka nana ka huewai a ianei i pao ai a hoike aku ua hewa o Elepaio; a nana e kau mai ka hoopai.
He oiaio ua hele io aku o Iwa i kahi o ke kanaka nona ka huewai a hoike aku la i ka lakou olelo hoe-holo; a oia ka ke kanaka i pane mai ai:
Ua kala ia oe, mai hana kolohe hou aku.
Nolaila e hookuku ae kakou i keia moolelo me na hana i hana ia mai maluna o kakou a e ike no ka-kou i ke kulike loa.
Oiai ua ahewa loa o Amerika iaia iho no ka hana hewa ana o Elepaio i ko kakou huewai.
Aka, ua hookolo hele ia aku nei i ka nui manu, a aia i Europa i keia manawa.
Nolaiia e ka lahui, e loaa mai ana ia kakou kekahi olelo hooholo kau like mai a Iwa mai ka elele e hoo-una ia mai ana; a eia ka wa e kaa ai ka hanohano ma ko kakou aoao no kela ana ana aku i na hana hewa a Stivini Elepaio i hana ai.
O Ka Leo o ka Lahui oia ka ko o ke Akua kiekie loa.
Ke hoopiha ia nei Ka Leo i na nuhou ano nui nokapono o na mea a pau.
E HOOLOHE I KA LEO
I kuu mau haku o ka Leo o ka Lahui mai Kakaako a ke alanui Li liha, kalanakhuhale o Honolulu. Ua kauoha ia mai au e ka ona nui o ka nupepa o ka lahui:
Akahi. E uku mua ia ka uku pepa i kela a me keia Poakahi, ina aole e uku ia mai, e paa no ka pepa.
Alua. E uku mua ia ka uku pe-pa no ka mahina i ka hoomaka ana o ka mahina, a i ole ia, i ka pau ana o ka mahina e uku koke ia me ke kali ole. Owau no ka oukou kauwa hoolohe, D. Kahaleluhi.
Oct. 8, 1894. Luna lawe o ka Leo.
KE ALOHA AINA
Auhea wale oe e ka uwila
Kahiko nei ho i ke kaona
Ua like no oe a like
Kealohaaiana i Mauliola
Malamalama oe ka puuwai
Lei nani hoi o ka lahui
Ua hui na aupuni nui
Kokua e ka mana Kahikolu
E lanakila mau loa oe
A welo ko hae Hawaii
Hea aku no au o mai oe
Kealohaaina a e ola.
Iwilei, Oct. 11, 1894.
E HOOLOHE
Ke hoike ia aku nei ka lohe i na poe lawe pepa a pau o Ka Leo o ka Lahui. e makala oukou i ka uku ana mai i ke ola o ka pepa i ko ma-kou mau luna, ka poe lawe ma ka malama a me la.
Ina aole oukou e uku mai aua i ke ola o ka pepa, i ka pau ana o kela a me keia pule, pela ka poe uku malama, alaila e hoomanao oukou, ua nele oukou i ka pepa ole. Nolaila e hoolohe oukou i keia, o i mai auanei oukou i ke alohe ole.
Make kauoha.
PAKELE KE OLA
Ma kakahiaka nui poniponi o ka Poakolu iho nei, Oct. 10, oiai keka-hi mau waa lawaia ekolu o holo ana e puka aku mawaho o kuaau ma ke awa makai ae o ka pa mai; kani ana ka pu a kapalulu ana ka poka o ka pu raifela a Namaka p.g. mamua iki o kekahi waa o elua ka-naka oluna; mahope iho kekahi waa hookahi kanaka oluna.
He akelekele wale no ke ola o ka poe lawaia i na poka o na pu a ka poe p.g. a me ka poe o keia aupuni pikake e hele mau nei malaila e kiki ai.
Pehea la ka noonoo o Samuel M. Damon e ae nei e kiki pu ia ma ia kapa kahakai; e piha mau ana i ka poe lawaia i na la a pau mai kai hohonu a kuaau. eaha no la hoi ka mea i hoihoi ole ia ai kahi kiki pu i na pali o Puowaina kahi akea aohe pohihihi, noke aua hoi paha a luhi ke kino, a ula ka ihu.
E Sam M. Damon, e noonoo mai oe, aia iloko o ke kai ka pono o ke-kahi hapa o keia lahui e noho nei, a ke noi ia aku nei oe ka ona o keia aina, ina e oluolu ia mai; e hookaawale ia keia kupu ino.
Poe pakele i ka waiki.
Kakaako Boy.
Aia ka mai fiva malelia ke paho la ala ma ka mokupuni o Maui.
He elua mau pake i hopuia no ke kalaiwa ino i ko laua mau lio, ma ka poalua nei. Nuinui pilikia haika ne-io.
He eha wale no mau wahi kana ka Hawaii o ka apana o Makawao i hoohiki malalo o ke aupuni pikake o na welo mikaneleaihue aina.
Aia ma ka aoo ma Waikiki o ka o ka Hale Lekaka pukaaniani ha awi leka a na kanaka Hawaii e haa wi ia mai ai ma kela mua koke iho.
Hora 10 oke ka kahiaka o ka la apopo, e puehu aku ai ka mokuahi Malulani no kona mau awa maa mau, ma kahulimakani e eleu ae ohaule a uanei i ka hopemoku.
KA POMAIKAI O KA HELUHE-LU ANA I NA HOOLAHA
No kekahi mau makahiki 3 i ha-la ae, ua lilo au he kauwa, a he pio na keia mea he mai. Ua hele i na Kauka Haole, a me na Kauka o kela a me keia ano, a aole no i loaa ka mahai aka, ua pii mau mai ka mai ano unehupehu me ka puupuu, a ua puka ia hoi kekahi wawae, me ka eha ma ka umauma, me ka ike mau ana i kekahi mea, me he mea ala e holo ana a puni ke kino i ke kahi manawa.
Mamuli o ko'u helehelu ana i ka hoolaha a Kauka L. Akina (Pake) Kihi o Alanui Kamika a me Hote-le, maloko o Ka Leo o ka Lahui, ua kii ia aku oia e hele mai e nana la'u. Ua nana oia a ua hokie mai. na hiki iaia ke lapaau ia'u a ola. Ua hoomaka koke au e ali kana mau laau hoomaemae koko, a Iaau no kekahi mau mai e ae. Mai ia manawa a'u i aiai i kana mau laau a hiki i keia la, ua Ioaa ia'u ka pii malie ana mai o ke ola, a he wahi-ne ola maikai au e noho nei, me ke kino ikaka.
O ka oi lua nae, o a no ko'u ha-pai ana, a ke hoomau nei no au i ka ai ana i kana mau laau.
E na makamaka a me na hoaloha a me ka lahui holookoa ke kono aku nei au ia oukou a pau e kipa ae ma ka lumi Kauka o L Akina e kokoke ala i ke kihi o ke Alanui Kamika a me Hotele, Helu 317, no ko oukou mau pilikia, a nana no e hoopau mai me kana mau laau kaulana ana e lapaau nei.
Mrs Kaai Meli Akau.
Honolulu Aukake 16 1894
aug17-mnsd.
KAUKA
ong Nin Ching
(AKIND)
Alanui Hotele Helu 30
KAUKA LOEA O KA AIANA PUA
Ua hiki ke hoolaia kela a me keia ano mei, mai ko na kane, wahine, a me na keiki liilii. O na ano mai hano ua hiki oa ke hoolaia, a peia pu hoi me na ma'i puuwai a nae na ano mai e ae no a pau pela ou hoi na mai lele, Kolera, Hebera, Fiva Lenalena. Lepera (Maialii), Ua hiki ke oki a hoola ina palapu o ke kino me ka oluolu lea me ka hoomaemae pu ana i na koko ino. Ua hiki i ka'u laau ke hoohemo i ka lepo paa' me ka hoohe-mo ana Ina keiki e ka wa e nahunahu ana me ka poino ole. He laau no kekahi no ka hooponopono hou ana i ka waiheua keiki, a i ka wa e inu ai i keia laau; e malama loa ia na rula o ka uinu ana, e loaa no ke keiki i ka poe i loaa ole he keiki mamua aku.
E naue mai i ike maka he pomaikai nui keia no na makamaka i hooneleia me ia haawina makamae.
E hauoli no au ke ike aku i na maka-maka e kiua mai ana e kuka pu me a'u ma na ano a pau e pili ana i ka'u oiha-na. E kipa mai e ka poe i hoolualuuia me na haawina pilihua a ka ma'i, a nau eukou e hooluolu aku.
KAUKA WONG NIN CHING.
Alanui Hotele, Apr.1894. 6m-dlv.
OLELO HOOLAHA
Eike auanei na kanaka a pau loa ma keia, ke papa a hookapu loa ia aku nei na ano kauaka a pau loa, a ole e malama a hookipa hoi i ka'u wahine i haalele kumu ole mai ia'u.
Nona ka inoa Mrs. Helekealoha Meheula.
O ka mea a mau mea e malama ana i ka'u wahine, e hoopii ia no ma ke Kanawai.
E malama i keia o hahai auauei-ka poino: ka mea hokuli.
Ua papa pu ia na hoaie ana ma ko'u i noa, Ke hoao kuu wahine e hana pela. maluna no o ka poe na-na i hoaie mai ko lakou poho.
Owau no.
Jas. K. Meheula.
Kuau. Maui. Sept. 20, 1894
Oct. 8 94 1 mth wk
OLELO HOOLAHA O HEE
Ke hooli haia aku nei. o ka poe a pau e makemake ana e O-Hee, ma ke kai o Kukuluaeo ao uei. Punono Oct. 18.
E hele mua ae lakou, me ka au-hau hookahi dala a ke Konohiki. ma ka hale noho o Kapahu (w) ma Honuakaha, alanui Moiwahine.
Honolulu, Oahu. Oct. 9, 1894.
oct 1 lwkd
OLELO HOOLAHA KOMO-HEWA.
Ke kauoka ia aku nei na mea a pau e kii mai me ka hooia ana mea i kekahi puaa hele hewa e waiho ni ma ko'u lima, ma Huehue, ma ke kihi ma kai o ka pa hana papa, kihi alanui Likeke, Honolulu. E kii koke mai, iloko o hookahi pule mai ka la 10 a hiki i ka la umiku-mamalima o keia mahina, (Sept.) e hoihoi ia aku no keia holoholona komohewa, ke uku mua ia mai na lilo a pau o ka luhi a me na lilo e ae.
MELE KAUHI.
Honolulu, Sept. 10, 184. sep. 11 tf
HOOLAHA A KA LUNA HOO-PONOPONO WAIWAI
Ma ka hana e pili ana i ka waiwai o Petelo Kakoi o Honolulu, i make.
Oiai ua hookohu ia mai ka mea nona ka inoa malalo iho i Luuahooponopono waiwai no ka waiwai o Petelo Kakoi i make o Honolulu, a ma keia ke hoike ia aku nei na kanaka a pau a ka mea make i aie aku ai, e waihe mai i ka lakou mau koi aie a pau, me na bila i hooiaio kupo-no ia, e kue ana i ka waiwai o ka mea a make i oleloia, i na paha ma ka moraki a ano e ae paha; iloko o eono malam mai keia la aku e waiho ia ae ma ke ke ena loio o Jas. K. Kaulia ma ke kihi o Alanui Nuuanu me Moiwahine ka Hale maluna, ai ole pela, e hoole mau loa ia aku no.
A o la poe a pau i aie ia Pelelo Kakoi i oleloia, e uku koke mai lakou ma ka lima o Jas. K. Kaulia ka loio o ka waiwai oleloia, ma ke keena i olelo s.
KAILI PELELO KAKOI.
Lunahooponopono waiwai o ka waiwai o Petelo Kakoi i make kauoha ole.
Hanaia ma Honolulu Sept. 11th, 18494.
sept 12 lm-dlv.
HOOLAHA PA AUPUNI
Ke hoolaha ia aku nei ua hoopaa ia mai ma ka Pa Aupuni ma Ma-kiki nei, i ka la 24 Sept. 1894. Eko-lu Lio. 1 lio k. ulaula i kuni ia i ka hao K A ma ka uha hope akau.
1 lio w. Hauliuli aole i kuni ia i ka hao.
1 lio k. ulaula i kuni ia i ka hao S L kuni ma ka uha hope akau a he hae kuni ano e ma ka uha hope hema.
Ke hoolaha ia aku nei na ona o keia mau holoholona e kii koke mai mamua o ka Ia 6 o Oct. 1894. i na e kii ole mai, e kuai kudala ia aku ana ma ia awakea hora 12 o ia Poaono.
W. KAAPA,
Luna Pa Aupuni
Hale Kuai Lako Hale Nui!
E Hanaia no na Lako Hale o na ano a pau
Na Lake Hale i Makaukau mua mai na Ama e mai
Na Bela Moe o na ano a peu.
Na Moe Oka a me na pono Lumi Moe e ae o ke ano hou loa o ka
HOIKEIKE NUI O KIKAKO
Na Ukina Uulumauu a uhina me na pale Silika o na ano like ole a me na Uluna Mauu
O Kela a me Keia Ano.
Na Pela Moe Kauoha, Lumi, Huluhipa, a me na Bela Moe Mauu i makau kaa mua i na manawa a pau.
Na Noho o na Ano a pau.
He mau noho hooamalima no kekahi no na auaina hoolaulea a ahaaina paha, he oluolu loa ka uku hoolimalima.
He oluolu loa na kumukuai o na pono lako haie e na mo a mo e waihe nei ma loko nei o ko maua Hale Kuai.
ORDWAY PORTER
Alanui Hotele ma ka Hale Pohaku o Robikana mauka mai o ka Mele Koianua Hon
Telepona Bele 525 Telepona Mintala oth
Jan 12- lv dlv
$10 MAKANA
Ua nalowale iahe, manu Nene ele-ele (Australian Swan) mai kahi no-ho aku o Mr. Makapolena. ma Wa-ikiki, ma kekahi la o ka pule i hala.
E loaa no ka uku makana malu-na ae i ka mea a mau mea e hoike a kuhikuhi pololei mai i kahi o noho nei o keia manu.
E hele ae ka mea a mau mea i ike i keia manu, e hoike ia Kalale-na Makapolena, hele kuai rama alanui Kaahumanu, a i ole ma ke Keena o Ka Leo ma ke Alanui Pai-palapla.
Mrs. Makapolena.
Waikiki Sept. 21, th, 1894.
KAUKA
Yong Kam Pung
[APANA.]
Helu 81 Alanui Mauna Kea.
KAUKA LOEA O KA AINA PUA
Ua hiki k hoola ia kela a me keia ano
ma'i, mai ko na kane, wahine a me
na keiki liilii. O na ma'iha-no
ua hiki loa ia ke hoola ia, na
mai Akemama a me na
mai Puuwai a me na
ano mai no a
vau. Pela
pu hoi na mai
lele, Kolera, Hebe-
ra, fiva lonalena, lepers
Maialii ke oki a me ka ho
ola ana, pou pu me na koko ino.
Ua hiki i ka'u laau ke hoohemo kei-
ki i ka wa nahunahu me ka poino ole,
He laau no ke kahi no ka hooponopono
hou ana i ka waihona keiki, a i ka wa
e inu ai i keia laau me ka malama loa
i ka rula e loaa no he keiki i ka poe i
loaa ole he keiki mamua aku
E Naue mai i Ike Maka
He pomaikai nui keia no na makamaka i hoonele ia me keia haawina maka-mae. E hano li no au ke ike aku i na makamaka e hkipa mai ana o kuka pu me a'u ma na ano a pau e pili ana ka'u oihana?
E Ki[a mai e ka poe hooluuluuia me na haawina pihihua a ka ma'i, a na'u oukou e hooluolu uku,
KAUKA YONG KAM PUNG.
Jan. 1, 1894. 1v-dlv.