Ka Oiaio, Volume VI, Number 47, 23 November 1894 — Page 1

Nupepa Ka Oiaio.

"O KA PONO KA AIALII E OLA AI KA AINA"

 

BUKE VI                                                        HONOLULU NOVEMABA 23, '94                                                        HELU 47          

Ka Makai Kiu Lau Omaomao.

 

Ke Kaeaea o na kakai pali nihoniho o Misouri.

 

KA MEA NANA I HOOHOKA KA POWA IEKE A ME KONA PUALI HOLOKOA

 

-: A I OLE :-

 

Ke Aka kino wailua o ke kuluaumoe

 

KA MEA NANA I HOOPAKELE NA KAMAHELE O KA PO.

 

Ka mea nona ka Ipu kukui ka mahao lua oe.

 

MOKUNA III.

 

Ka hana ana o ka Makai Kiu i ka meheu e loaa ai ka ui Meliaka Kona loaa ana iloko o ke ana huna o na powa, komo kino ka Makai Kiu iloko ona paio hahana ana.  Lanakila ka Makai Kiu, hoohoka ia na @ liio ka Makai Kiu i mea weli weli nui ia nui loa ia e na @ haihai kanawai a pau, ma keia huakai ua loaa pu i ka Makai Kiu Lau Omaomao, ka mea na na i pepehi hoomainoino i  ko na makuahine, oiai kona mau la opio, paa i ka hopu pio ia ke kalohe o lawe ia no Misouri ike hou ka ui Meliaka i ke ao aina mohala pono kanani oia pua.

 

        Pane akula ka Makai kiu Omaomao pela no he nui io no lakou aka ke hoike aku nei au ia oe me ka oiaio loa he mau pepa lakou a pau i mua ou me keia kino wahine no ou au eika maila meia kino no ou e lilo pio ai lakou a nau a hookahi i waena o lakou he pokii nou a oia kou kokua.

        Auwe he pokii no ka kekahi ou i lilo i powa he keu ka menemene a me ke kau maha o kou luna ike hala ke ike aku au iaia.

        Pane akula ka Makai kiu Omaomao, mai kau maha oe ia mea hookahi no au mea noonoo nui o ka hiki iau ke hopu pio ia lakou.

        Pane hou akula ka ui Meliaka pehea io la aua nei, e paa pio ai ia oe keia poe i lako pono me na lako kaua a i hookahi hoi oe?

        Pane akula ka eueu o na kakai pali nihoniho o Misouri.  e kuu ipo aloha e hoolohe mai i kau mau olelo a pau a oia kela.

        Apopo e hele hou mai ana no kaua i ka holoholo lio no kou hoomaamaa ana aku ia oe ma ke kau lio ana a hoi aku kaua a ma ia ahiahi e noi aku ai oe i ka powa Ieke e ae mai oia e haawi i ahaina hula hula i ka auina la o kekahi la ae, a pela pu hoi i ka po ana iho a e hoolako mai oia i na mea a pau e pili ana ia ahaaina hulahula a o ka mea inu oia ka mea e hooi aku o ka nui a e haawi mai oe iau i hookahi omole rama a ke ae mai ua powa ala alaila eike koke no oe aia lakou ikoko o kou poho lima i ka wa @ ole ia lakou a e lilo nohoi lakou a pau i poe pio nau.

        Nolaila me keia mau olelo au a pau i hoike akula e hoomanao oe mai hoopoina oe i kau mau olelo oiai oia kou ola a me kou lanakila no ka wa mau loa a ka e na poina e hiki mai ana ma keia hope aku maluna ia o'u a nau ia auamo.

        Nolaila e hoi kaua i keia wa ano aua makemake au e holo nui kaua i keia wa pane akula ka ui Meliaka  ka e haule aua nei au.

        Pane akula ka Makai Kiu e paa oe i ka makuu o ka noho a nau e paa aku i kou lio alaila hoomaka kaua e holo.

        E hana aku oe elike me kau iike ai oia ka pono a o ka hooko wale aku no kau wahi a ka ui Meliaka i pane aku ai.

        I kela wa na hoomaka akula laua e holo nui me ka puahi nui ke hele ala a pololei na pelekoki o ua Omaomao ala i hope.

        Ia laua i hoea aku ai i ke kahua paikau o ua poe powa nei, oia ka wa i ike mai ai na poe powa i @ mau holo lio nei, e haulani aku ana i ke kahua loa, oia ko lakou wa i hooho like mai ai me na leo huro, e hooho like ana me na leo o ka hauoli piha.

        Aole i kuu iho ka leo o ua poe ilio omo koko nei, hanu ana ka ihu o na lio o laua nei i ke kahua o ka hale hoolulu, a kaohi mai la laua i na lio o laua a ku iho la ua mau lede nei, a lele iho la ilalo, ikoko o ka hauoli palena ole a ua powa ala.

        Ia laua no a haule iho ilalo, ua eleu koke mai la ka powa Ieke, a kuikui lima pu aku la lakou nei, a komo iloko o ka rumi hookipa o ka hale, a noho iho la lakou nei hoonanea.

        Iloko oia wa, ua ninau aku la ka powa Ieke, i ua mau lede nei, pehea ka olua huakai i hele aku nei.

        Pane aku la ka Lede Lauomaomao maikai ka maua huakai helo.

        Pehea ka nui o ka olua wahi i ike ai, a heaha hoi na hoailona kupono e hiki ai ke @?

        Pane aku la ka Lede Lau Omaomao, ua hoea aku nei maua i kekahi pali kuhoho a e kahe ana hoi ka wai ma kekahi kahawai nui ma kona aoao hikina.

        Pane hou aku la ka powa Ieke, a heaha hou ae kekahi mea maikai malaila a olua i ike ai?

        He ahua pohaku nui, ua hamo ia i ka puua keokeo a e kau ana na hua palapala ma kona mau aoao i kakau ia ma ka hua Latina, Helene a me ka Hebera.

        A pehea kau hoomaopopo ana i ke ano oia mau hua palapala, a olua i ike aku la.

        Pane aku la ka Lede Lau Omaomao me ka maalea, a elike me ka ike i loaa iaia; o na hua palapala Latina, ma ka aoao hikina, eia kona ano, o Ieke ke alii o na powa; o na hua palapala Helene, ka weli o na Pae mauna o Misouri, na hua palapala Hebera mai hoopa i keia puu pohaku, e make auanei.

        I keia wa, akaaka iho la ua powa nei me ka haaloulon ana, a pane mai la:

        Ea, iwaena o ko'u poe kanaka a pau, aole hookahi o lakou e hiki ke hoike mai i ke ano oia mau hua palapala, a ia olua nae he mea ole wale no ka ia, a oia ka'u e hoomaikai aku nei i ko olua ike.

        Ia lakou no e lualai ana, aina poha mai ana ka leo o ka bele a ke kuene, e hoike mai ana, a naue aku lakou e hoopiha i ka lua o ka inaina i na kohi kelekele a Puukolu.

        I kela wa, ua ku ae la lakou a hele aku la no ka rumi aina, a ia lakou i komo aku ai, e kuku mai ana ua hoaai iluna, a ia lakou no a noho iho iluna o na noho, ua hoomaka koke no ko lakou haupa ana i na ono kukikuhi e ahu alala kukui ana imua o ko lakou alo.

        Ua ai iho la lakou a hiki i ka maona ana, ua hoi hou aku la lakou no ka rumi hookipa, a malaila kahi i lualai ai me ka hoohali olelo ana; oiai hoi ka Lede Lau Omaomao e kuupau ana i kona ike olelo, e hoolauwili ia ai ka noonoo o ka powa Ieke, a me kona mau ukali.

        Ua hoohalaia e lakou he mau hora oia po, a hiki i ke kupono ana o ka la i ka lolo, akahi no lakou a hoi e hooluolu ia mau hora o ka po, a e like me kana i olelo mua aku ai i ka ui Meliaka, aole e nioe iluna o ka moe ia po, pela no laua i hooko aku ai.

        Ua hoi aku la ka Makai Kiu Lau Omaomao a moe iluna o kekahi Koki nui e ku ana, iloko o kona rumi, a pela no hoi ka ui Meliaka, aia no hoi oia iluna o ke koki, iloko o kona rumi moe kahi i loli ai.

            Iloko oia wa a ka Makai Kiu Lau Omaomao e moe ana, aia no oia ke noonoo ala no na hana oia po, elike me ka hauli i loaa mua iaia, no ia kumu, aole e hiki iaia ke uhai aku ia Niolopua ma ka aina moeuhane, aka ua kali oia me ka hoomanawanui me ka pauaho ole hoi no la hopena e hiki mai ana.

        I ke kani ana o ka hora 2 oia wanaao, oia ka i ike hou aku ai ka Makai Kiu Lau Omaomao i ka owala hou ana aku o ka moe, a kikii ana ka pi i ke one o Hoohila.

        Iloko oia wa ua eleu aku ia ka Makai Kiu a koo aku la i k moe ilalo, a i ka wa i hoala ia mai ka moe e ku ma kona kulana mua, he ole ka hiki mai, oiai, aia ke eueu o Misouri ke kalele ala maluna o ka moe owala mau.

        Ia wa, ua lohe maopopo aku la keia i ka leo o ka powa Ieke, i ka pane ana ae i kekahi o kona mau ukali, aohe hiki i ka moe ke hoi hou aku elike me kona kulana nua, a aole no hoi me mea kino iluna o ka pahi oki poo, a he mea kupanaha ka pahue ana o keia pahi, akahi wale no.

        Nolaila, e pii aku oe e nana i ka Lede Lau Omaomao, aia la oia mahea kahi i moe ai, i pakele ai oia i ka make alua, au hoi i manao ai e nalowale ana oia maanei, eia ka auanei e hoohoka mau ia ana ka noeau o ka powa Ieke.

        E wiki oe, a ina ua paa ka puka, e wa-hi aku oe, mai kali, malia aia no ua wahine ala ke moe ala ma kahi kaawale o ka rumi, a e hopu iaia a kiola mai ilalo nei.

        I kela wa, ua eleu koke ae la ua powa nei, a ku ana mawaho o ka rumi a ka Lede Lau Omaomao e moe ana iluna o ke koki.

        Ua nihi malie aku la ua powa nei, me ka manao e hooko iho i ko na manao ekaeka maluna o ka mea e moe ana, me ka manao ua moe io eia ka auanei he moe lau kalo wale iho no keia e lolii nei.

        I ua powa nei no a ku iho ma ko ia nei aoao, me ka iho ana iho o na lima o ka lawakua, e ka iho ia Lonomakua, oia no ka wa i loaa ae ai i na lima wikani o ka eueu o Misouri, a haule paha ana i ka papahele, mai laila aku, a luna o ka niho wakawaka o ka pahi poke kanaka no a lakou i kukulu ai a nana i wili mai, a okaoka liilii, aohe ike ia owai @?

        I kela wa, pane ae la ua powa Ieke nei, a lolo oe e kena wahine, makemake oe e hoowalewale i kuu wahine, a eia keu uku kupono, e make oe e pono ai.

        I ka hoea ana mai o ka la i ke kakahiaka, ua miki koke ae la ka powa Ieke ma ka rumi o ka ui Meliaka e moe ana, a kikeke ana mawaho o ka puka.

        Ua ninau mai la ka ui Meliaka, owai mawaho, owau no wahi a ka pane.

        I kela wa, ua kii mai ia oia i ka puka a wehe, a ike mai la oia o ka powa Ieke me ka leo hoihoi, ua pane aku la oia:

        Aia ihea ka Lede Lau Omaomao kahi i moe ai?

        Aia no paha i kona rumi kahi i moe ai.

        Pela io anei kou manao, aia no oia ka moe ala?

        Ae, aia no oia ke moe ala, oia ko'u  manao, oiai, aole ana wahi e ae e hele ai.

        Pane hou aku la ua powa nei, aole ou manao, ua aihue ia oia i ka ponei e ke keiki a ke Kiaaina, oiai oia ko'u manao.

        Ma keia mau olelo a ka powa Ieke, ua lilo ia i mea inoino loa i ka manao o ka ui Meliaka, a ua loli ano e ae la kona helehelena, a kulou iho la kona poo ilalo, a @ iho la kona mau waimaka.

        Me kona pane leo ole, ua ku ae la oia iluna a hele aku la ma ka rumi o ka Lede Lau Omaomao e moe ana, me kona leo hauhau o ka uwe, ua kahea aku la oia mawaho o ka puka:

        Auhea oe e kuu aikane aloha?

        Me ka leo moakaaka, ua pane mai la oia.

        Eia no au iloko nei kahi i moe ai wahi ana i pane mai ai.

        Auwe! olelo mai nei hoi o Ieke, ua aihue ia oe i ka ponei.

        Aole oia i pane koke mai, aka, ua hele mai oia a wehe i ka puka.

        Oia ka wa o ka ui Meliaka i lele koke aku ai a puili aku la i ua Makai Kiu nei, me ka honi pu ana aku iaia, oiai no nae kona mau waika e iho makawalu ana ma kona mau papalina.

        Ua ninau koke mai la kana ipo, he waimaka aha keia o keia kakahiaka nui o kuu aikane aloha?

        Pane aku la oia:

        Olelo mai nei o Ieke, ua lilo oe i ka aihue ia i ka ponei e ke keiki a ke Kiaaina o Mikikana nei, a no ia kumu ko'u uwe ana ia oe, me kuu manao, ua lilo io oe, eia ka aole.

        O ka powa Ieke hoi, ua pii ka lena, ua okala na hulu mahamaha, ua pu-ke na kuli.

        Oiai, ua ike maopopo mai la oia i na hiona waianuhea o ka lede ana i enemi ai, ana hoi i manao ai ua make, oia la ka ka pahi aikanaka i poke ai a liilii.

        I kela wa no hoi aku la laua a ma ka rumi o k ui Meliaka, a ka powa Ieke hoi e noho ana, me na helehelona haikea, i hele hoi a kunahihi i ka hilahila.

        Aka, elike me ka rula mau o ka Makai Kiu Lau Omaomao, he @.

        Pela no oia i haawi aku ai i kona aloha kakahiaka i ka mea hale, me ka manao hauoli.

        A o ka powa Ieke hoi, ua haawi mai oia i ke aloha me ka naau @ kumokuahua o ka inaina.

        Iloko oia wa, pane aku la ua powa nei i ka Lede Lau Omaomao:

        Ua manao au, ua lilo oe i ka aihue ia e ke keiki a ke Kiaaina i keia po iho nei, oiai, ua hoike mai na kiai ia'u, iuka iho nei na keiki la, eia ka aole.

        Pane aku la ka Lede Lau Omaomao, aohe au i ike iaia, oia moe no ko'u a ao ae nei la aohe pilikia.

        Ae, oia hoi, ua kuhihewa ia au ma o ka olelo hoepunipuni a kela kiai.

        A oiai ka powa Ieke e kamailio ana:

        Ua pane aku la ka Lede Lau Omaomao ma ke ano kahamaha:

        Auwe! he wahi mea hou ka hoi ka'u o keia kakahiaka nui.

        Heaha ia mea hou, wahi a ka powa Ieke i ninau aku ai?

        Pane mai la ua Lede Lau Omaomao nei:

        Heaha mai ka hoi kau, o ko'u moe hoi, aia ke kikii ala, ua huli ke alo ilalo.

        I aha ia hoi, wahi a ua powa nei i ninau hoomaoe mai ai?

        Ka! I aha ia la, i hoi aku hoi au e moe, o ka wala aku no ia o ua moe ala a kikii ana.

        A i nana iho kuu hau@, he lua ka olalo, a pakele au mai haule iloko o kela lua, a oia mau no ia e waiho ala.

        Auwe!

        Wahi a ua powa nei, i hooho ae ai me ka leo nui, ina pela, ua hana pono ole ka mea kukulu hale.

        A e hele aku ana au e nana i ike pono au i ka hana kalohe a ka mea nana i hana.

        Ua hele aku la lakou, a ike pono i ka lua huoa a ua poe powa ala i hana ai.

        Ua lalau aku la ua powa nei, a hoala mai la i ka moe, a ku oia elike me mamua.

        Ua hele aku la ua powa nei a kauoha aku la i kekahi o kona poe kanaka, e hele e hoopaa ae ia lalo.

        Pane hou mai la ua powa nei, aole au i ike iki i keia mea, akahi no au a ike.

        Oiai, o ka poe no lakou keia hale ua pau lakou i ka luku ia e a'u, a lilo ai keia hale ia'u.

        O keia mau olelo o ka powa e iho hee nei, he mau olelo uhiuhi wale no, aohe oiaio.

        O ka mea oiaio, ua huna oia.

        Aka, aole nae e hike ke alo ae, oiai, ua ike ia e ka Makai Kiu Lau Omaomao, a ua ahuwale na mea a pau.

        Ia lakou no e kamailio ana, kanike mai ana ka @ a ke kuene, a ua naue aku lokou no ka rumi aina, a hoopiha iho la i ka lua o ka inaina.

        I ka pau ana ae o ka lakou ai ana, ua pane aku la ka ui Meliaka i ka powa Ieke, e ae mai oe e hele hou maua i ka holoholo lio, a hoi mai no hoi.

        Ua pane aku la ua powa nei, ua kanalua ia wau i ko olua hele hou ana.

        Aka, ina he paani lealea loa ia na olua, alaila, e hele na hoi olua.

        A i halawai olua me ka pilikia, alaila, na olua e pale no olua iho ke hiki nae ia.

        Pane aku la ka ui Meliaka:

        Aole au i manao e halawai ana maua me na ulia poino, ua ike no hoi oe, he inoa kou i weliweli ia.

        Pehea auanei e hiki ai i kekahi poe ke aa, e komo maila kou maloko nei o keia waoakua @ noho mana ia e oe.

 

        Ke kaahele ala o @ H. A. Wilimana ia Europa holookoa, oiai ua kipa mua oia ma Beritania Nui, a mai laila aku no Farani a me Geremania , a ke hoi mai oia o ka loaa ana ia o ka pono a me na pomaikai nou e Hawaii.

 

HE MOOLELO KAAO HAWAII

-NO-

LAUKAIEIE

 

Ke Kino Kamahao Iloko

o ka

Punohu Ua-koko.

 

Ke Kahulileol'a o ke

Kuluaumoe o

na Pali

o

Wapio Hawaii.

 

Unuhi ia e Mose Manu no "KA LEO"

 

Ka huakai hele makaikai a Laukaieie me kana Aliikane - Lilo o Makanikeoe me Hinahelelani i mau alakai ma ka aina a me ka moana.  Ike ia na lua hohonu maloko o ke kai a me ka aina nei - Hele pu me na ohana ponoi - Hoonohoia o Laukieleula i Ihikalani - Ulu ka ieie ma keia mau mokupuni - Lilo i mea hoomanao ia e ka Lahu Hawaii nie.

 

        A ua lilo lakou i poe hoaloha no ia nei.

        A iaia i hoea ae ai iluna o ka ilikai, aia hoi, ua ike mai la i ka huli pono aku a kona aina o Hawaii.

        A oia kana i aloha ae ai i kona wahi muli pokii kaikuahine Laukieleula, e noho la i kiai no Ihikalani Hale, ka home aloha o Laukaieie.

        Iaia i ku ana maluna o ka ili o ke kai, ua huli hou mai la kona alahele me kona mau kamaaina no Kipahulu.

        A ua hiki hou aku la lakou no Mokuahole, a ia Makanikeoe e noho ana malaila aia hoi, ua hoi aku la na kino makani o keia mau mano a noho iluna o ka laua mau ha-ka, he kahu ke ano oia mea.

        A ua hoolale aku i na mea a pau e pono ai ka laua malihini.

        A no ka wa pokole, ua lako na mea a pau me ka hemahema ole.

        A ua ike aku la oia i kekahi mau kanaka elua e holo mai ana maluna o ka waa a hiki i ka moku pohaku aia nei e noho ana.

        A ua pane ia aku iaia ka huaolelo e keia mau kanaka e kau mai ana maluna o ka waa e hoi iuka e noho ai.

        Ua ae aku la o Makanikeoe ia noi, a oia kana i olelo mai ai, e hoi e aku olua mamua, a mahope aku nei au, aole paha olua e pae iuka ua hiki mua au.

        I loa no a pau keia mau olelo ana ua hala mua aku la ke keike eueu o Waipio.

        Aia oia ke huipu ala me na kahu mano mauka o ka aina a ke hooko mo ala ko waho ia loko, a ke hikikii iho la ka ua o Ena iaia nei, ka ua mea he ona o ka awa.

        A na ia mea i hookaulua i kona noho ana malaila, a hala ekolu la.

        Aia keia wahi ma Kaupipa kahi e ku nei o ka hale waiho ukana o ka Hui Mahiko o Kipahulu, he Kuula ia wahi na ka poe lawaia kahiko, a eia no o S. Mahelona Kamakau ka mea nona ia wahi me kona makuahine ke noho nei ma Honolulu nei.

        A oia paha kau e ninau iho la ka inoa o keia lua a ka honu i ahai ai ia Makanikeoe a me keia mau mano, oia iho keia o Kalualoa ka inoa o ua lua la, a o Koamahu a me Kahuhu ka inoa o na mano kamaaina, o Kipahulu, ua laua i hookipa ia Makanikeoe, elike me na mea i la wa ia laua.

        A mamuli o ka hana lokomaikai a na ha-ka o keia mau mano, ua kuhikuhi aku o Makanikeoe i ke kauwahi wai kupanaha loa maluna o Mokupapa, kekahi moku pohaku palahalaha mawaho pono aku o ka uapo o Kipahulu, kahi e ku nei o Claudine.

        He wahi puka uuku poepoe kahi e puka mai ai o ka wai a kahe i ke kai, elike me Waiakeakua, mauka ae nei o Manoa.

        A oia kana makana i na kamaaina nana i hookipa iaia.

        A o ka lua o kana mea i haawi aku ai oia no ke kino maoli o ka laau hana aloha, i kapaia kona inoa o Aneekapuahi.

        A ua Kupono maoli no hoi keia wahi wai i puka mai ai maloko o ka pohaku i ka inu ia e na mano.

        Aia no ia wai ke kahe aia a hiki i keia wa.

        Mahope iho o ka hala ana iaia he mau la ma Kipahulu me ka hoaa o kela mau kanaka, e kali ala maluna o ka waa.

        Ua hala aku la o Makanikeoe e nana i kekahi lua ma ke kiowai o Kahoopuapuai, he wahi lele kawa keia no na keiki kamaaina o Kipahulu, a he wahi luana hoi no na alii.

        Aia maloko o keia lua kahi e noho ai ka puhi a me ka anae, a o ka hola i ka auhuhu ka mea e make ai ka ia maloko o keia lua, a hiki ma Kaluamoho ma kahi e ku nei ka hale wi@ko ma Kipahulu.

        Ua hele aku oia maluna o ka aina e hiki ma ka puka o ke kauwahi ana i kapaia o Nawailamoa elua, ua komo koke aku oia hoea ma ka lua o Laka, mauka o Mokuhalii, a mailaila aku oia a hiki ma ka pali, kahi e puka la ka wai o Waiola.

        A mai laila aku, hoea mauka o kekahi honua nui palahalaha i ulu ia e na ano laau o ke kuahiwi, ua kapaia kona inoa o Kanupa, ua hoailonaia e ka poe hele kuahiwi i ka puna keokeo o ke kai maluna o ke kae o ua lua nei, i ole i poino kekahi poe hele kuahiwi, a oia kekahi hana naauao a ka poe kahiko.

        Mahope iho oia manawa ana i hiki hou aku ai oia maluna o ke kuahiwi e nana aku la ia Koolau, ma kahi o kela kiowai kaulana o Waiale.

        He wahi makaikai ia na ka poe malihini.

        A oia no hoi kekahi o na kiowai hohonu loa ma ke kuahiwi.

        K@ ua huli hoi hou mai o Makanikeoe malalo o ka honua a hoea makai o Kuloa.

        Aia mauka mai o laila ka lua e waiho nei na waa o Lakaawahieloa a hiki i keia manawa.

        Wahi a ko Kipahulu poe kamaaina, a he lua hoi i manao nui ia e kekahi poe e ike pono.

        A pela no ka manao o ke alii ka Moi Kalakaua i make, a he mau lua e ae no kekahi ma Kipahulu.

        Nolaila, aia a hiki aku i ka hopena o keia moolelo, alaila, e hiki hou aku ana kaua e ka mea heluhelu i ua aina la nona ka makani kaulana, he Kaili Aloha.

        I keia wa a Makanikeoe e ike ala i na mea a pau oia aina, ua hoonee koke aku oia no Puaaluu ka palena keia o Kipahulu, me ka aina nona keia mau huaolelo kaulana a Kuula i puhi ia ai ka hale i ke ahi ma Lehoula ma Hana, Maui.  O Hana keia a ka ia iki.  Ka ia o Kama, ka ia o Lanakila.  Eia o Hana la he aina au pehu.

        Aia ma keia hale ana o ke keiki huli honua o Hawaii, ua hiki aku oia ma Hanakaiole.

        O ka Iole keia a kela keiki kaeaea o Kauai pana ai, oia o Pikoiakaalala.

        A hala keia wahi iaia mahope, ua hiki aku oia ma kekahi lua, o kekahi mano kamaaina oia mau pali a me na lae kahakai.

        Oia o Kaneikokala kona inoa, he mau makalae kapu keia, aole he mau mea kino kanaka i pau i ka mano ma keia wahi, he kapu loa i keia mano.

        Aia nae ia Makanikeoe i hiki aku ai ma kona hale lua, aohe ona mea a ike mai i ke eueu o Hawaii.

        Aia oloko o kona lua ke noii ia la, a ke lalama ia la kona mau aoao a pau.

        Ua hoea aku oia ma ka ipuka o keia lua mailoko aku o ke kai mawaena o ka pali o Ahao, a ua hiki aku oia ma Kanewai, ma ka lae o Paa ma Muolea, kahi o kela limu make e ulu ala a hiki wale no i keia wa.

        Ua hoakaka ka mea e kakau nei i keia moolelo huli i na moa pohihihi maloko o ko kakou mau Paemoku nei.

        Nolaila, aole he olelo i koe no ia limu make.

        Ia Makanikeoe ma keia wahi, ua ike iho la oia i kekahi lua e moe ana kekahi puhi.

        Ua hakilo pono aku oia i kona ano a hiki wale i ka manawa o ua puhi nei i hoi ai no uka o ka aina maloo.

        A oia kana i @ aku ai a hiki wale no i kona wahi mau e noho ai.

        A ma ia lua oia e hanai ia ai e kona mau kaha o Hamea ka inoa o keia puhi.

        Aia no keia lua ma hai o ke kahawai o Alaula, ke @ la kona waha.

        He kokoke loa i ke alanui keia lua, e loaa no ka ike i ke kamahele ke ninau i na kamaaina o Koali.

        Ua hele hou aku o Makanikeoe a hiki ma kahi o kela wahine kahiko o Hana Luukia kona inoa, a no keia wahine ka mea i kapa ia ai ka inoa o Hana a hiki i keia manawa.

        A ma ka hoohui ia ana o ka Apana o Kahikinui, Kaupe, Kipahulu a me Koolau, ua kapaia ka Apana o Hana.