Ka Oiaio, Volume VI, Number 49, 7 December 1894 — Page 1

Nupepa Ka Oiaio.

"O KA PONO KA AIALII E OLA AI KA AINA"

 

Nupepa Ka Oiaio

"O KA PONO KA AIALII E OLA AI KA AINA"

BUKE VI                               HONOLULU DEKEMABA 7, '94.                          HELU 46 49  

 

Ka Makai Kiu

Lau      Omaomao.

 

Ka Kawawa o na kakai pali nihoniho o Misouri.

 

 

KA MEA NANA I HOOHOKA KA POWA IEKE A ME KONA PUALI HOLOKOA.
-----: A I OLE :-----

 

Ke Aka kiino wailua o ke kuluaumoe

 

KA MEA NANA I HOOPAKELE NA KAMAHELE O KA PO.

 

 

Ka mea nona ka ipu kukui ka mahao lua oe.

 

 

MOKUNA @I.

 

Ka hanu ana o ka Makai Kiiu i ka mehea e loaa ai ka ui Mehaka Kona loaa ana iloko o ke ana       huna o na powa, komo kino ka Makai Kiu iloko ona p@io hahana ana. Lanakila ka   Makai Kiu, hoohoka ia na poa liio ka Makai Kiiu i mea weliweli nui ia nui loa ia e na poe         haihai kanawai a pau, ma keia huakai ua loaa pu i ka Makai Kiu Lau Omaomao, ka mea      na na i pepehi hoomainoino i ko na makuahine, oiai kona mau la opio, paa i ka hopu pio     ia ke kalohe o lawe ia no Misouri ike hou ka ui Meliaka i ke ao aina. mohala pono kanani       oia pua.

 

 

            Aka, hookahi wale no a'u mea nui o ka hoomaikai aku ia oe, ano e lawe ae i ko'u ola me ka poka o kau pu pauapana

            Mai kali oe i wa hou aku.

            I kela wa, pane aku la ka Makai Kiu:

            Aole anei e hiki ia oe ke ae e hoohiki mai malalo o'u, i pakele ai kou ola mai ka make ae, e kau aku ana maluna ou i keia wa ano?

            Pane mai la o Helene Boe, pela no.

            Aka, o ka'u hoohiki, aole e hiki ke hoololi ia.

            Nolaila, e lawe ae i kuu ola. a make iho au. i pau ai hoi ko'u hooluhi ia ana e ka powa Ieke.

            E komo iloko o na hana powa i ko hai ola me ka hewa ole, i kumu e loaa mai ai na pomaikai iaia.

            I kela wa, ninau aku la ka Makai Kiu iaia.

            E ka powa wiwo ole, o oe anei kekahi i kela wa i hoao ia ai ka powa Ieke, e lawe ke i ke ola o ka Lede Lau Omaomao.

            Ae. owau no kek hi me ia iloko o na manawa elua.

            Owai ka inoa o ka powa i hoouna ia ai i ka po e hopu i ua lede la?

            O Hale Wepa, ka ukali poo o ua powa Ieke ala.

            Aia oia ihea i keia wa?

            Wahi a ka Makai Kiu i ninau aku ai.

            Kal ua make oia iluna o ka pahi poke kanaka a ka powa Ieke.

            Pehea i maopopo ai ia oe, oia kai make i ka pahi poke kanaka?

            Ma o kona mau Loailoona ala, ua loaa aku ia i kakahiaka nei. e waiho ana no ma kahi o ka pahi poke kanaka.

            A nawei hoi oia i kiola iloko ona lua ala i make ai oia.

            Ke manao nei au nau no a ooe no ua lede Lau Omaomao ala a ole na ka mea eae oiai keikenei au i keia wa ano me ka moakaka e hiki ole ai ia oe ke hoole mai i ka oiaio o keia au e hoike aku nei.

            Pane akula ka makai kiu Lau Omaomao ae owau noia.

            I kela wa ua puili akula Henele Boe i na wawae o ka makai kiu a pane akula e ae mai oe eola wau ana makaukau au e lawe i ka hoohiki no ka hooko ana aku i kau hauoha.

            I kela wa lawelawe hou ihola ka makai kiu i kana oihana no ka hoo hiki ana aku ia Helene Boe e lilo oia i lala no kana oihana a e like me na olelo hoohiki i kela poe mau pela nohoi iaia nei.

I ka pau ana o keia mau hana o ka makai kiu ua hauoha akula oia ia lakou e eli iho i lua no keia mau nea elua a e kanu iho ia lana a nalo ua hooko ie kela kauoha a ka makai kiu.

            I ka pau ana o kela hana ua kauoha akula oia ia lakou a pau a no i keia wa ke kauoha aku nei au ia oukou a pau e hoi no Misouri me ko ukou lawe pu aku i kekahi hoailona mai au aku a ma na hale a oukou a pau e kipa aku ai e hoike aku oukou ae loaa no ia oukou na mea a pau a oukou e makemake ai

            Ua pane akula o Henele Boe e ko makou hoaloha i keia wa a no ka wa mauloa aku pehea ka hoi olua aole anei o kakou ke hoi pu ana no Misouri?

            Aole e hoi hou ana maua i hope no kou makemake e paa pio iau kela kanaka omo koko nui wale.

            Pane akula o Henele Boe i na ha pela o kakou no ke hoi like i loaa ai he mau kokua ma kou aoao.

            Aole ua lawa iau hookahi ke hoolilo ia lakou a pau i mea ole a e ike mai ana oukou ia lakou a pau e hiki aku ana i Misouri i keia pule ae me au pu nohoi kekahi a e ike mai ana oukou ia lakou i kou wa e hiki ai ilaila.

            I kela wa wehe aola oia he pepa inoa i pai ia i na hea gula moakaka ma ka inoa o ka makai kiu Lau Omaomao.

            Pane hou akula oia manawahi a pau a oukou e komo ai ai e hoike aku oukou i keia pepa a e loaa no ia oukou a pau ka mea a oukou i makemake ai me ke keakea ole ia a mamua o ko oukou haalele ana iho iawahi e noi aku oe i ka mea nona ua hale ala a Hotele paha e kakau inoa mai oia malalo iho o keia pepa pela ma na hale a pau a hiki i ko oukou hiki ana i Misouri.

            A eia hou ke haawi hou aku nei au i keia Leta uuku ia oukou e hiki ai i ka Hotele o Pilipo e haawi aku iaia i keia Leta a nana e haawi mai i na mea a pau a oukou e makemake ai me ke keakea ole ia mai.       

            Ua pane mai la o Hanale Boe, e ko makou hoa';loha oi ka oihana Makai Kiu i kela wa e hele ana makou a o ke aloha no ko olua, a pela i panai ia aku ai e na Lede.

            Ma keia wahi, e aui ae kakou a nana aku i ke ala hele o na powa e hele ala. a pae aku hoi lakou i kula, alaila huli ae kakou a nana i

            I ka manawa i hele ai na powa, ia koena la, a hiki i ka po ana, mai ia po a hiki i ke ao ana, i ka hora 12 oia la ua hoea aku la lakou i kekahi kula laula, a ike aku la lakou i kekahi hale e ku mai ana, makahi mamo. i anenae he 3 hapaha mile mai a lakou aku.

            Ua hele pololei aku la lakou a hiki i ua hale ala, a ike aku la lakou i kekahi kanaka e noho mai ana, ma ka lanai oua hale aia; oia ka wa o Helene Boe i lele iho ai i lalo a hele aku la.

            I ke la wa, ua ike mai la ua kanaka nei i ka powa e hele aku ana i mua ona, ua ano e koke ae la kona helehelena, aka aele e hiki iaia ke holo oiai, ua kokoke loa ka powa i mua ona.

            Ia Helene Boe i hiki aku ai i mua o ka onahale ua haawi aku la oia i kona aloha, a pela ka ona hale i panai mai ai.

            Ia wa wehe ae @ mai loko ae o kona poli a haaw@ aku @a i ka ona hale.

            Nana iho la oia a ike iho la ika noa o ka Makai Kiu Lau Omaomao e kau ana; oia no kona wa i kauoha koke aku ai i kana mau kauwa e hoomakaukau i mau mea ai na na malihini aka Makai Kiu Lau Omaomao, a o kekahi o oukou. e hele aku e wehewehe ina lio, a hookomo ae iloko o ka hale lio,

            A ua hookipa aku ua ona hale ala ia lakou a pau. a ua nanee ia ia mai imua o lakou kekahi papa aina i hele a luluu pono i na mea ai o ke la a me keia ano, ua ai lakou a ua lawa. ua inu hoi lakou a ua kena i ka loko maikai o na kamaaina.

            I ka pau ana o ka lakou ai ana ua haule aku la lakou hoonanea, oiai ka la ke kokoke aku la e iho ma ke la huli o ka poepoe honua a ua haule aku la lakou hooluolu ma ko lakou wahi moe ia po a hiki i ke ao ana.

            I ka hoea ana mai o ka la i ke kakahiaka, ua liuliu ae la lakou no ka motio aku ma ko lakou ala hele aka, i ka makaukau ana ua haule hou aku la lakou paina i ko lakou paina kakahiaka, a na ka piha o ka opu i hoopau ae i ko lakou ai ana.

            I ka pau ana o ka lakou ai ana. ua haawi mai la ka ona hale he mau mea ai na lakou pakahi a pau i lawa no ekolu la, e ai ai aua loaa pu aku ia lakou he mau hue wai Ili i piha i ka waina oloko.

            I ke kani ana o ka hora 7 oia kakahiaka ua hoomaka akula lakou e hele aua haawi ia kealoha hope i na kameaina a hoomaka akula lakou e hele no keala e hiki aku ai i Masouli.

            Ia lakou i hele ai a-hiki i ke ku pono ana o ka la i ka lolo ua hoomaha iho la lakou no ko lakou paina awakea a i ka pau ana o ka lakou ai ana ua hoomaka koke akula kakou e hele ma ko lakou ala hele a hiki i ka napoo ana o ka la ua hoaumoe ihola lakou iloko o ka ulu laau ia po a na ke ao i hoike mai ua ao e.

            Ua liuliu aela lakou i ko lakou aina kakahiaka a i ko lakou maona ana ua hoomaka hou akula lakou e hele ma ko lakou ala hele.

            Ua hoomau lakou i ka hele ana a hiki i ka hora 4 o ke ahiahi ua hoea akula lakou i kekahi kovela e ku ana ma ke kae o kekahi muliwai, ua kipa aku la lakou ilaila.

            I ka i ke ana aku o ka poe o loko o ua kowela ala i ka poe powa ua li-o ae la lakou, me ka hopohonui, oiai, ua ike maopopo mai la lakou, o keia ka poe powa o ka hui powa o leke. ao ka lakou hana maa mau, oia no ka lakou hoa ana i na waiwai o ke la a me keia ano, aka he moeuhane palaualelo nae ia a lakou i koho ai. I na powa i hiki ai ma ka puka pa, ua lele iho la o Hanale Boe i lalo a komo aku la iloko, a hele pololei aku la no loko o ka hale, a iaia i hiki aku ai i mua o ke alo o kekahi keoninana e noho mai ana iluna o kekahi noho pulu.

            Ua haawi aku la o Hale Boe i kona aloha, i ke kamaaina, a pela i panai ia mai ai.

            Ia wa ua wehe me la ka powa Helene Boe i kekahi apana pepa a haawi aku la ike kamaaina. a oia kana i lalau mai ai, a nana iho la. a ike koke iho la oia i kainoa o ka Makai Kiu Lauomaomao. a iloko oia wa, ua mohala ae la kona nanaina, a oia kona wa i huki iho ai i ke kaula o ka pele a holo puni aku la kona kani a lohe na kauna-la-welawe a emoole ku ana lakou i mua o ke alo o ko lakou Haku a pane mai la, he aha ka piikia?

            Ua pane aku la oia, ua makemake au e hoopiha ia kekahi papaaina nui na na malihini a ka Makai Kiu Lauomaomao a o kekahi poe o oukou e hele o wehewehe i na lio o na malihini, a hookomo ae iloko o ko'u mau hale lio a ua hooko ia pela.

            Iloko o ia wa, ua hookipa ia mai la lkou a pau iloko o ua Kowela, ala. a oia ka wa o ke kamaaina i pane mai, aia i hea o Lauomaomao i keia wa?

            Aia i Mikikana, kahi i noho ai ma ke kahua o ka powa Ieke a pehea oukou i ae ia mai nei e hele a haalele aku la ia Ieke?

            Pane aku la o Helene Boe, ua pau ko makou noho ana malalo o ua powa Ieke ala, a ua lilo makou he mau lala no ka Oihana Makai Kiu Lau Omaomao i keia wa, ala lakou e lua lai ana, kani ke mai ana ka bele aina, a naue aku la lakou e hoopilia i ka lua o ka inaina a hiki i ko lakou maona ana.

            I ka pau ana o ka lakou ai ana ua hei aku ia lakou hoonanea ma ka rumi hookipa ao na kauwa lawelawe hoi o loko, aia ke liuliu mai la i ko lakou mau rumi moe. e hoau moe iho ai oia po.

            I ka hala @ ae o kekahi mau hora oia po, ua hoi nui aku la lakou e hooluolu a na ke ao i hoala ae ia lakou a pau.

            I ka hoea ana mai o ka la i ke kakahiaka. ua liuliu ae la lakou no ka lakou huakai hele ai hakalia no a pau ka aina kakahiaka o ko lakou hoomaka koke aku la no ia e hele no ke ala e hiki aku ai no ka pahu hopu.

            Ua hoomau aku la lakou i ka hele ana a hiki i ko lakou komo ana iloko o ke kulanakauhale o Misouri a la lakou i komo pono a ku ai iloko o ke kulanakauhale ua ike mai la ka kanaka a pau ia lakou nei, a oia ka wa o na kanaka i @i-o ao ai me ka manao luuluu no keia poe. oiai ua ike ia maila lakou he poe powa lakou, a oia ka mea ikau ai ka lia.

            Ua hele pololei aku la lakou a hiki i ka Hotel o Pilipo ua lele iho la o Hanale Boe ilalo a komo aku la iloko o ka pa a hele pololei aku ai no mua o Pilipo a iaia hoi i hiki aku ai imua ona ua haawi aku la oia i ka pepa inoa o ka Makai Kiu Lau Omaomao a lalau mai la o Pilipo a na na iho la i kona ike ana iho i kainoa o ka Makai Kiu Lau Omaomao oia kona wa i kulou iho ai ilalo a kulu iho la kona mau wimaka a puili ae la kona ma lima ma kona umauma a ku ae la iluna a hoi aku la iloko o ka rumi hookipa a malaila oia i noho ai no kekahi mau sekona a puka hou aku la i waho a kahea maila ia Hanale Boe e komo aku iloko o ka hale a malaila laua kahi a nanea ai.

            Kauoha aku la o Pilipo i na poe lawelawe e hele aku oukou e wehewehe i na lio, ae kanoha aku ike la poe a pau e komo mai lakou iloko oka hale a uaa kauoha hou la aku la ke kuke e hoonui aku i na mea ai. e lawe ai na mea a pau. I kela wa ua wehe hou ae la o Henele Boe he leta, a haawi hou aku la ia Pilipo, aoia kana i lalau mai ai a wehe ae ia a nana iho la oia a ike iho la oia i na olelo o loko, a eia ke ano oua leta ala.

Ke kahua o ka powa Ieke.

            Augate 15th 1864

            Ia Pilipo,

Aloha oe. e hookipa

aku oe i keia poe keiki, e like me kou malama ana ia'u: ae kikoo aku oe iloko o ua hale kuai i lole no lakou, i kaawale ae ai ka aa@u nowa mai a lakou ae a e haawi aku ina mea a lakou e makemake a@ a hiki i ko'u wa e hoi aku ai. A no ka olua kaikamahine hoi ka ui Meliaka, ua loaa iho nei oia ia'u a i keia pule ae e launa pu ai olua me ia iloko o ka@ puili pumehana ana a ke aloha keiki, a e hoihoi pu aku ana wau i ke koena o na powa i mua o ko olua ale.

                        Kou Oiaio.

Lau Omaomao

Ka Makai Kui o kahi kauhale o Lama.

 

            I ka pau ana o ka heluhelu ana a Pilipo i ua leta ala. ua haawi koke aku la oia i kekauoha i kekahi o kona poe kanaka. e hele aku a haawi aku i ke kauoha iloko o na hale kuai helu ekahi, a e lawee mai i mau paa lole aulii no na keiki a ka Makai Kiu Lau Omaomao me ka na na ole heaha la ke kumu kuai oka paa lole hookahi o na anolike ole.

            I ka pau ana o keia kauoha ana a Pilipo, ua eleu aku la ka elele a ku ana i ka hale kuai helu ekahi. a hoike aku la ike kauoha a Pilipo a pela i hooko ia mai ai me ka hakalia ole, me ka ninau ole mai a oia ka la lakou i lawe mai ai, a hu a lala kukui ana i mua o Pilipo.

            I ka hiki ana mai oua mau paa lole nei. ua kau oha aku ia o Pilipo ia Henele Boe e kauoha aku i kou poe hoa e komo ae iloko o ka rumi helu 25. a malaila oukou e hookuku ai i na paa lole o oukou.

            Ua ae mai la o Henele Boe a oia kana i @ooko aku ai ua komo aku aku la lakou a pau iloko o ua rumi ala a hookuku iho la i na paa lole o lakou.

            Ia lakou e hookuku ana me ke kilohi ana i ke aniani e ku ana ua hele nohoi a pili pu ka la i papaenaena aolhe he wahi a ka la e hoo hewahewa ai he like wlae no mai Kaena a Waialua.

            Ua lawe ae kela a me keia ma ka elima paa lole o ka mea hookahi a a pela na palale na pale ili ua paa kamaa na papale piwa, a o ke ko koena oia kai hoihoi kou ia aku a ao na aahu powa o lakou ua pau aku ia i ke puhi ia i ke ahi ma ke kauoha a Hanale Noe.

            Ai loko oia wa ua hoike mai ko lakou mau hiohiona. he poe keiki lakou a pau na kekahi poe waiwai aka owai la ua poe ala; aka na ke au o ka manawa e hoike aku ia oukou e ka poe heluhelu.

            Ma keia wahi e hookuu ana kakou i ke kamailio ana no Henele Boe ma e linohau ana i ka nani o Aipo ae aui ae kakou anana aku i ua Lede e a hoi ala no keala o ka powa Ieke.  

            E hoomanawanui mai e na makamaka heluhelu a uwila hou aku maluna o na ao Opua i ka la apopo

 

Halekuai Rama

 

----o----

 

J. H. Lovejoy.

 

 

            E loaa no na Rama maikai loa o na ano a pau, ma na Hale Kuai Rama Kukaa, a kuai liilii.

            Ke noho hookeleia nei keia mau hale rama e kekahi kanaka Hawaii a ke kono aku nei oia i na kanaka a pau e kipa mua ae ma ka Hale Kuai Rama Heleuma (Anchor Saloon) e ku nei ma ke kihi makai o ke Alanui Moi a me Nuuanu. a no ke kuai kukaa ana. e kipa ae ma ka Hale Kuai o ku nei ma ke Kihi o ka Alanui o Ulakoheo a me Nuuanu.

            E kipa mai e ninau i ke kumu kuai o na Rama o na ano a pau; e hoike ia aku no me na kumukuai haahaa loa.

Aug 19-94 tfd.He Moolelo Kaulana

 

-----NO-----

 

OPERIA.

 

 

Ka Eueu o Aitiopia

 

-----A ME-----

 

 

APERODITE

 

Ka Mahina Piha o Iopa---Ka Oiwi nona ka Ui a me ka Nani, i io aku i ko

 

ALIOPE

 

 

Ka Moiwahine o na I'a o ke Kai.

 

 

            Hele aku la oia me ka awiwi nui ma ka anemoku no ka mea ua wela kona puuwai i ka makemake e halawai koke me Serino ka powe lokoino.

            A ma ka hope loa halawai iho la oia me ia maloko o kekahi ululau paina a ma ia wahi hoi ua ano hoi ke alanui mawaena o ua pohaku kiekie.

            Malaila ua powa nei kahi i noho ai maluna o kekahi pohaku ma ka aoao o ke alanui me kekahi laau newa apuupuu e kau kea ana maluna o kona mau kuli me kekahi kaula e waiho ana me ka makau@au ma kona aoao a maluna ae o kona poo iluna o ka wekiu o kekahi mea laau paina e lewalewa ana na iwi o ka poe kanaka i pepehiia.

            Alaila hooho leo nui aku la o Operia iaia, halo @ e mea hoopio paina kaulana ua loao no anei ia oe he elua mau kumu paina kawale nou.

            Ku ino ae la o Serino maluna o kona mau kapuai iaia i pane mai ai me ke kuhikuhi ana i na iwi maluna ae o kona poo Pamale loa kuu alapii i keia mau la iho nei no ia mea ua loaa iau he mau laau paina kaawlae i makaukau nou.

            Alaila lele mai la oia maluna o Operia me ka weliweli nui me kana laau newa i hapaiia a kiekie a lele aku la no hoi o Operia maluna ona.

            He wa keia na laua e hamare aku ana a hamare mai me ka ikaika a hiki i ka ikuwa ana o ka ululaau hollkoa aka na oi aku ka paa o ka metala mamua o ka laau nolaila ua haki po ae la ka newa apuupuu a ua Serina nei mawaena i ka wa a ka metala i haule iho ai maluna ona.

            Me hookahi onina piha uwili o ka eleu ma ka aoao o ka kakou Operia haawi hou aku la oia i hookahi hauna ikaika hoolana i ka wai a haule pono iho la maluna o ke poo o ua Serina nei nana i ki@la iho ai ia iluna o ka ilihonua a mamua a mamua o ka hiki hou ana iaia ke ala ae iluna kalele iho la kekahi kuli o Operia maluna ona a hoopaa iho la iaia me kana kaula ponoi.

            E like me kau i hana aku ai i kekahi poe nolaila pela no e hanaia aku ai maluna ou wahi a Operia mahope iho o ka hoi hou ana mai o ka noonoo kanka o ua Serino nei.

            Kau koke mai la ko Shrina hopena ma keia ao. oia ka ua opio nei i huli ae ai a hoomau aku la ma kana huakai oia ka haalele ana iaia nana manu korala e ai.

            Pii aku la oia maluna o na puu no kahi e hiki aku ai i megara, me ka hookokoke mau ana nae i ke kai Saronica, a hiki i kona hoea ana ma na pali kahakai o Se@irona a me kahi alanui haiki mawaena o ka mauna a me ke kai.

            Ma keia wahi ike aku la keia ia Se@irona e noho ana ma ka aoao o kekani punawai ma ke kae o ka pa @i kahakai ma kona mau kuli he laau newa nui a ua palulu oia ike alanui @ e na pohaku no ia mea ma ia wahi e paa ana na mea a pau e @ aku ana me he i'a la no pili wale.

            Alaila, kahea aku la o Operia iaia me ka leo nui, me ka i ana.

            Halo e ka mea hanai mano makemake anei oe e holoi ia kou mau wawae i keia la?

            I kela wa mahiki ino ae la ua Secirona nei a ku ana maluna o kona mau kapuai me ka pane ana mai.

            He oiaio ua nele a ua pololi loa a'u mau mano i keia mau la. a o kuu wawae ua lepo ua kupono e holoi ia i keia la.

            Me ka emo ole ku ana ua Secirona nei imua o ka kaua Operia me kana newa ua hapai ia ae a kiekie iluna e kona mau lima elua maluna ae o kona poo.

            Lele aku la o Operia maluna ona a he ku i ka weliweli oe ke nana aku i ka laua hakaka ana i malaia maluna o ka pali kahakai.

            No ka mea i ka wa a Operia i hoomoe aku ai i kana newa kaumaha maluna o ua lapuwale la, ua haule iho la ka newa a ua Tecirona nei mai kona lima aku.

            I kona ike ana aohe ona wahi pono i koe ma kona aoao ua huli ke au ma ka aoao o kona enemi.

            Nolaila, ua lele mai la oia me ka auwe leo nui ana me he hehena la e hoao e puili ia Operia, me ka hoao ana e lanakila maluna ona me kona ikaika a pau, e ku lai ana hoi e haule mai ka pali kahakai mai.

            Aka, he wai auau ia no kakakou eueu, no ia mea hookuu iho la oia i kana newa ilalo, a hopu aku la i ua powa nei ma ka a-i a me kekahi kuli.

            Ma keia kulana hooke aku la o Operia i kona hoa lealea a pili pu i kipapali, alaiia hookuikui aku la iaia i ka paia pohaku a hiki i ka aneane loa ana o ka hanu o ke ola e haalele mai iaia.

            Alaila, kamilio ae la ua Secirona nei me kona leo mauliawa.

            E hookuu mai ia'u alaila hookuu aku wau i ke alanui nou e hele ai

            Aka pane aku ia o Operia me ka leo moakaaka.

            Aole au e ae e hele a hiki i ka wa au e ae mai ai e hoolila i na alanui n@ i mau alanui maikai a pilikia ole.

            No ia mea e haawi oe i kau mau hua pule hope loa ma keia ao.

            Mahope o keia mau olelo, hookuikui hou aku la oia ina powa nei i ka @aia pohaku a hiki i ka hemo ana o ke alelo i waho. a ma na ano a pau he pio maopopo oia na Operia.

            L@lau iho la ua opio nei a hapai @ la i na powa nei i loke o kona @lapu. a mahope o ka hoomaopopo ana i kana kulana olelo mai la oia:

            E hele mai oe ano e holoi i kuu mau wawae.

Iaia i @hi ae ai i kana pahikaua a noho iho la ilalo maka aoao o ka punawai.

            E holoi ano a i ole e hana pela e lole aku no au ia oe e like me ka @leia ana o na holoholona