Ka Oiaio, Volume VI, Number 52, 28 December 1894 — Page 1

Nupepa Ka Oiaio.

"O KA PONO KA AIALII E OLA AI KA AINA"

 

NUPEPA KA OIAIO

O KA PONO KA AIALII E OLA AI KA AINA

BU KE VI               HONOLULU DEKEMABA 28, '94. HELU 52

 

Ka Makai Kiu

Lau Omaomao.

 

Ke Kaeaea o na kakai pali nihoniho o Misouri

 

KA MEA NANA I HOOHOKA KA POWA IEKE A ME KONA PUALI HOLOKOA.

 

A I OLE

 

Ke Aka kino wailua o ke kuluuamoe

 

KA MEA NANA I HOOPAKELE NA KAMAHELE O KA PO.

 

Ka mea nona ka ipu kukui ka mahao iua oe.

 

MOKUNA III.

                Ka hanu ana o ka Makai Kiu i ka meheu e loaa ai ka ui Meliaka Kona Ioaa ana iloko o ke ana huna o na powa, komo kino ku Makai Kiu iloko ona paio hahana ana.  Lanakila ka Makai Kiu, hoohoka ia na poa liio ka Makai Kiu i mea weli weli nui ia nui loa ia e na poe haihai kanawai a pau, ma keia huakai ua loaa pu i ka Makai Kiu Lau Omaomao, ka mea na na i pepehi hoomainoino i ko na makuahine, oiai kona mau la poio, paa i ka hopu pio ia ke kalohe o lawe ia no Misouri Ike hou ka ui Meliaka i ke ao aina mohala pono kanani oia pua.

 

                Iaia i hiki aku ai ma kahi okona lio o ku ana, ua hana iho la oia i na pono holo lio a pau me ka makaukau, a kau ae la, a hoi aku la no ke kahua o ka powa Ieke, 'i paa i ka umii hao a ka Makai Kiu.

                I ka hiki ana aku o ka Makai Kiu i ke kahua o na powa e ahua lala kuikui ana, oia mau no ko lakou lanuu ana, me he moo ala.

                I kela wa ua hele loa aku la oia a loaa o Keoki Linekona a ninau aku la iaia, i na paha ua oia i kahi i waiho ai o ke ki o na lua huna a pau, a hiki loa aku i ka lua o ka pahi wakawaka i ku ai, kahi hoi nana e poke mai ke kanaka a liilii, a lilo ho i mea ole.

                Ua pane mai la o Keoki Linekona ae, ua ike no wau, a e haele aku kaua.

                Ua hoi hou mai la laua a komo Iloko o ke Towela, a wehe aku la i ka puka o ka rumi o ka powa Ieke e hooluolu ai, a ma kahi e ku ana o kona noho, ua pane mai la o Keoki i ka Makai Kiu Lau Omaomao.

                E kuu kaikuana ma ka oihana, o keia noho e ku nei, oia ke ki o na lua huna a pau.

                Ka-ha-ha! auwe! o keia iho la ka ke ki e hemo ai na lua huna a pau, wahi a ka Makai Kiu i pane aku ai, imua o Keoki Linekona.

                K-a, he oiaio ane', o ke ki io keia e hemo ai, elike me kau i hoike mai nei?

                Ae, oia no a o ke ano e hana ai oia ka'u e hoike aku ai ia oe, me ka ikaiko ko kaua mau aa huki, pela e loaa ai na ki a pau.

                Pane aku la o Keoki Linekona, o hapai ae i keia noho, i na oia oni iki ae ana, a hemo oia mai keia kulana ae aua e ku nei, o ka loaa no la, oiai, o keia noho he paui oia no ka lua malalo o keia wahi, a oke kaumaha o keia pani he 8,000 paona, a ke hemo nae o ke ko no ia o kou makemake.

                I ka lohe ana o ka Makai Kiu Lau Omaomao i ka hoike a Keoki Linekona, me ke kali hou ole iho, na kulou koke iho ia oia ilalo, a hopu iho la i ua noho ala, a iloko o ka imo ana a ka maka, ua hemo ae la ke pani o ua lua ala, a hamama ana, a oia ka wa o Keoki Linekona i pane aku ai, he mea kupanahu ka hiki ana ke hemo ia oe hookahi keia pani, oiai, aole loa he kanaka iloko o ka hui powa e hiki ke wehe i keia pani, aka ia oe hoi, he mea ole wale no ka ia.

                Pane aku la ka Makai Kiu Lau Omaomao, aole keia he hana na ko'u mau aa huki e u-iho ai, a o ka'u wale no aia ihea keia mau ki?

                Aia iloko o kela pahu pohaku mapala ulaula e waiho mai la, a o kona ki e hemo ai, oia koe ia'u, aia la ia ihea.

                Pane aku la ka Makai Kiu, i na aole he ki e hemo ai, alaila, ua hiki loa ia'u ke hoolilo aku i kela pahu i mea ole iloko o keia wa ano.

                Ia manawa koke no, ua lalau iho la ka Makai Kiu i ua pahu ala, a Lapai ae la iluua, a lawe ae la a kau maluna o ka papahele; a me kona mau lima i lawa i ka ikaika, peia oia i ulaa pu ae ai i ke pani o ua pahu aia, a hamama ana, a ike iho la oia i'na huihui ki e waiho ana iloko, u oia kana i lalau iho ai, a ninau aku la ia Keoki Linekona, auhea la ke ki o kela lua malalo o ka rumi au e moe nei?

                Kia wahi a Keoki Linekona i pane mai ai.

                Ae, e haele kaua e wehe i kela lua, oia ka'u wahi i makemake ai e ike, mamua o ko kakou hoi ana aku no Misouri i keia la.

                I kela wa, ua hele aku la laua nei, a hiki ma ka puka o ua lua huna ala, a malaila i wehe ae ai ka Makai Kiu i kana ipukukui, a ho-a ae la.

                A kauoha aku la oia ia Keoki Linekona, e wehe oe i ka puka o keia rumi, a ua hooko aku la o Keoki i ke kauoha.

                I ka hemo ana o ka puka, ua puka koke aku la na ea polopolona iwaho, a oia ka wa o ka Makai Kiu Lau Omaomao i hoolele aku ai i ka malamalama o kana ipukukui, a ike aku la oia i ua niho wakawaka o ka pahi poke kanaka e wanaoa mai ana.

                I kela wa, ua pane aku la ka Makai Kiu, e kuu nokii, e paui aku oe i ka puka, oiai, ua ike aku la wau, a e hoi kaua.

                Ua hooko aku la o Keoki Linekona i ka leo kauoha a kona hoa'loha, a hoi aku la laua.

                Ia laua i hiki ai ma ka hale hoolulu, ua kauoha aku la oia ia Keoki Linekona e hele oia e hana i na lio, a oia hoi e hele oia e kukeimea ai ua lakou, no ia kakahiaka e paiua iho ai a hele aku.

                I ka pau ana o ka Keoki Linekona apana hana, ua hoi ae la oia a kokua pu i ka hana i na mea ai, me ka Makai Kiu Lau Omaomao.

                A i ka makaukau ana, ua kauoha aku la oia ia Keoki, e kii e hoala i ka ui Meliaka, a oia hoi, ua ku aku oia i na powa.

                Iaia i hiki ai ma kahi o na powa e waiho lapuu aua, na lohe aku la oia i ka leo hehena o kekahi o la kou i ka pane ana ae, owai la hoi ka mea nana i hoopaa ia'u i ka hao.

                O Lau Omaomao wahi a ka pane a ka Makai Kiu, a ku ana oia imua o lakou.

                Aka, aole e hiki ke loaa ka noonoo maikai iloko o ka mea nona ka leo.

                I kela wa, ua wehe me la ka Makai Kiu i na hao e paa ana ma na wawae a pela pu hoi me kekahi lima.

                A nini iho la i ka wai o kana omole hoomalule kino, oiai, i na e ala ae, aole ka ikaika o na ami, aka o ka noonoo maikai nae oi i kai hoi mai me lakou.

                Ua ala like mai la lakou a pau, a ike mai la i keia opio e ku, aku ana imua o lakou, a oia ko lakou wa i pane like mai ai auwe! he uhane lapu anei, a i ole o ka Makai Kiu Lau Omaomao io anei keia?

                Ae, wahi a Lau Omaomao i pane aku ai, owau no keia ka Makai Kiu Lau Omaomao, ka mea a oukou i eneini ai.

                Ano i keia wa, he poe pio oukou na'u, a i kii mai nei au ia oukou e hoi e ai, a hele aku kakou no Misouri i keia la.

                A pane hou aku la oia, o ka mea o oukou e kue mai ana ia'u e make koke no oia ano.

                Oiai hoi, i keia wa, he poe pio oukou a pau na'u, a ua makemake au e ae mai oukou me ka oluolu e hoi e ai, a pau alaila haele aku kakou, me ke kali hou ole aku, i manawa hou e hoapaapa ai.

                I kela wa, ua hoao ae la ka powa leke e hooni i kona mau aa huki aia hoi, e hai malule ana i ke anu o Lupea.

                A oia ka wa oua powa nei i pane mai ai, i na he mau ka ikaika o ko'u mau aa huki, a me ko'u mou i'o oala, i na la ua hookau aku aui ka hoopai o ka make maluna ou i keia wa ano.

                Pane koke aku la ka Makai Kiu Lau Omaomao, kulikuli au i kau olelo, e ku ae a hele mai o make koke oe ano.

                Oiai o ke kulana o ka Makai Kiu i kela wa, he kulana makaukau ia aia kona mau maka ko haka pono ala maluna o lakou a pau, me ka wiwo ole.

                I kela wa, ua ku like ae la ua poe ala me ka naau luuluu a hele aku la, oiai, ua ike iho la lakou, aole he pono i koe.

                Ia lakou i hiki aku ai ma ka rumi aina, ua ike aku la lakou ia Keoki Linekona o noho mai ana iloko o ka rumi ana, me he ala oia ka haku hale, ka hele a kikii pau, a aia pu hoi ka ui Meliaka e hoolai ana.

                Ua pii ae la ka ula ohelohelo ma na papalina o ka powa Ieke oiai, ua piha loa ia oia i ka inaina.

                Aka, aole e hiki iaia ke hoohana aku, oiai, aia ka laau hoomalule kino a ka Makai Kiu Lau Omoomao ke holo puni ala iloko o kona kino, a aole hoi oia wale, aka o lakou no a pau.

                Ua kauoha hou aku la ka ona hou o ua Towela ala, ka Makai Kiu Lau Omaomao, e noho iho e ai, a hele aku kakou.

                Ua ai iho la lakou me ka ono ole o ka ai, oiai, aia ka make ke kau mau ala imua o lakou.

                I ka pau ana o ka ai ana, ua hoomakaukau ae la lakou no ka hele ana, o na wahi kapa no i ka ili, a kau ana iluna o na lio.

                Ao Keoki Linekona hoi, ala oia ke ki mai la i na puka o ua Towela ala, mamuli o ke kanoha a ka Makai Kiu Lau Omaomao.

                A i ka pau ana o na hemahema ua kii aku la ka Makai Kiu i ka ui Meliaka, a kuikui lima pu aku la, a hiki i kahi o na lio e ku ana, a kau ae la maluna o ko laua mau lio, a pela pu no hoi na powa a me Keoki Linekona, a o ka hope loa oia no ka Makai Kiu Lau Omaomao.

                I kela wa, ua kauoha aku la ka Makai Kiu ia Keoki Linekona, e hele oia mamua, a o na pio aku, a oia aku me ka ui Meliaka, a ua hooko ia.

                I ka hoakai e nee nei ma ko lakou alahele, aia ke hekau ala no ka haawe a ke kaumaha luuluu o na pio, oiai, ka hao umii, e umii ana ma ko lakou mau lima.

                Ua haalele aku lakou i ke kahua o ka powa Ieke i ka hora 8 pono o ke kakahiaka, a i ka hora 1 o ka auina la, ua hiki aku la lakou ma ke kahua o ka poe hanai holoholona, a he mau minute i hala ae, ua hiki pono aku la lakou i ka hale o ua poe ala, a ku iho la ka huakai ma ka puka pa o ua hale ala.

                Oia no ka wa o ka Makai Kiu Lau Omaomao i lele iho ai mai luna iho o kona lio, a komo aku la iloko o ka pa o ua hale ala.

                A oia ka wa o ka ona nona ua hale ala i hele koke mai ai, a haewi mai la i kona lima akau o ke aloha a ninau mai la heaha kou makemake au e hoolawa aku ai nou ame kou poe.

                Pane aku la ka Makai Kiu, ua makemake au i ai na ka poe pio au e hoihoi nei no Misouri.

                Ninau aku la ka ona haie, ea, o ka hui powa anei kela o Ieke?

                Ae, oia no, a o Ieke pu no hoi kekahi iwaena o kela poe.

                I kela wa, ua lele ae ia oia iluna, me ka hauoli nui, a pane mai la akahi no a pono.

                A akahi no hoi a maluhia, ko'u kahua nei ua paa kela kanaka ino puuwai eleele.

                A ua hoohooi loa iau, no ko'u ike ole ia o kekahi o keia poe powa io'u nei e hoohaluai, eia ka auanei ua paa pio wa powa nei, i kau ia hoi ka weli i na la i kaa hope aku la.

                E ku koke aku i kela poe e ku mai la iwaho o ka pa, a hookipa mai ia lakou io'u nei, a o kela leole opio e hookipa ae ma ka rumi hookipa o ka'u wahine.

                I kola wa, ua kii ia aku la ua poe powa nei, a lawe ia mai la e like me ke leo kaoha a ka haku hale.

                Ia wa koke no, ua kauoha ia aku la ke kuene nui a ua kanaka hanai holoholona nei, e hoomakaukau mai i na mea ai, e lawa ai ka huina nui o ka poe malihini, a emoole aia ka ehu o na mea ai ke kuko ala ke ehu iluna, o kekahi papaaina loihi, i lawa no ekolu haneri kanaka e haupa ai.

                A i ka makaukau ana o na mea a pau, ua kii ia mai la lakou a pau e hele aku e hoopiha i ka lua o ka maina, oiai, ua helo o loko pua aneane.

                Ma keia papa aina ua hookaawale ia ka ka Makai Kiu Lau Omaomao, a me ka ui Meliaka, e ka haku mea hale.

                Aka i ka ike ana o ka Makai Kiu i keia napuama, oia kana i nane aku ai i kaihaku hale, me ka leo malie.

                E kuu hoa'loha oiaio, e ae mai oe i ka'u noi, a oia keia, i hookahi no a makou papaaina e ai pu ai.

                Pane aku la ka haku hale i na ua lawa ia i kou manso alaila, ua hiki no.

                I kela wa, pakui hou ia aku la na papa aina, a noho iho la lakou e ai, a na ka piha i hoopau ae i ko lakou ai ana.

                I kela wa nae a lakou e ai ana, aia ka inaina wela iloko o ka puuwai o ka mea hale, no ka powa Ieke, oiai oia e haka pono ana maluna ona, a ua hele a aki na kui, i kau a mea o ka piha inaina launa ole mai.

                Aka, aole e hiki iaia ke hoike aku i kona manao imua o ka Makai Kiu Lau Omaomao.

                I ka pau ana o ka lakou ai ana ua hoi aku la lakou a pau a noho ma ka lanai hooluolu, a o ka ui Meliaka hoi, aia no oia iloko o ka rumi hookipa o ka wahine a ka haku hale, kahi i lualai ai.

                I kela wa a lakou e nanea ana, ua pane aku la ka ona hale, e kuu hoa'loha, ua makemake au e ninau aku ia oe i kekahi mea, ke ae mai hoi oe, komo ae kaua ma ko'u keena malu.

                Ae wahi a ka Makai Kiu Lau Omaomao, a haele aku la laua, no loko o ua rumi ala a hoonanea iho la.

                Maloko o keia rumi, ua ninau aku la ua kanaka hanai holoholona nei, pehea, manao anei oe, e hiki pono ana no oukou no Misouri me ka pilikia ole?

                Ae, wahi a ka Makai Kiu i pane aku ai.

                Pehea makemake anei o i mau kokua nou?

                Aole, wahi hou a ua kaeaea nei i nane hou aku ai.

                Pehea, aole anei ou manao e hoo pilikia mai ana keia poe ia oe, a me ka lede opio?

                Aole e hiki i keia poe ke kue mai ia'u oiai, ua nele lakou i ka ikaika hoohana, aka, he noonoo maikai nae ko lako.

                Oia anei ke kumu i paa ole a lakou i ka hao, e like me ka'u e ike aku nei?

                Ae oia no, a ma ia kumu mai hopohopo oe e kuu hoa'loha, oiai, o ka'u hana ia ihele a lehia.

                A e hoomanao no hoi oe, o ka'u oihana, he oihana ia iloko o ka ma ke a me ke ola, a i huipuia me ka ike o ka lolo o ko'u poo, a no ia kumu aole a'u mea e makau ai.

                Pane hou aku la ka ona hale, a pehea, e he'e ana no oukou i keia po, ai ole, e hooaumoe ana anei oukou ma ko'u hale nei ikeia po?

                Ua manao au @oe makou ia nei ikeia po oiai he lede kekahi ma keia huakai, a i na aole oia, i na no la ua hele no makou i keia po.

                I kelawa ua pane koke mai la ka oua hale, ua pau ae la ka kaua ku kai ole ana.

                A e hele ae wau e haawi i ke kauoha i na kauwa lawelawe, no ka hoomakaukau ana mai i'ko oukou mau rumi pakahi a pau e hoaumoe ai i keia po.

                A oia no ka wa i hookunia ai o ka laua ku kai olelo ana, a puka aku la ka Makai Kiu iwaho, a pela nu no hoi me ka ona hale.

                Ikela wa, ua haawi koke aku la ka ona hale i ke kauoha i kona poe lawelawe, no ka hoomakaukau ana i ka hale, a o kekahi poe hoi i na lio, a o kekahi poe hoi i na mea ai.

                I ka la e aneane aku ana e kaalo ma kela aoao o ka poepoe honua ua liuliu ae la ko lakou paina hhiahi, e hui pu ana hoi me na kamaaina, a hookahi ka haupa like ana i na ono he nui.

                A e pii pu ana hoi me ka wai kaulana o ka aniani, a na keoni pulu hoi i kaohi mai i ka puu moni ai, ua oki ka haupa ana.

                I ka pau ana o ka Iakou ai ana, ua hoi aku la lakou a ma ka rumi hookipa, malaila lakou kahi i lualai ai no ke kekahi manawa, a hiki wale i ka wa o na lihilihi maka i-u-po'i iho ai.

                A oia ko lakou wa i hoi nui aku ai ma na wahi moe i hoomakaukau ia no lakou e hiolani ai ia po, a hiki hoi i ka wehe hou ana mai o ke alaula o ke kakahiaka maluna o ka ilihonua.

                Mamua o ka moe ana o na pio a ka Makai Kiu Lau Omaomao, ua hele aku la oia a wehewehe ae la i ka hao e paa ana ma ko lakou mau lima, a hookuu aku la ia lakou e hiamoe, ma ke ano he poe lanakila aole he pio.

                I kela wa, ua kamailio hou aku la ka ona hale i ka Makai Kiu, e ki ia na puka a pau a ka poe powa e moe ana mawaho aku, i ole ai lakou e mahuka.

                Pane aku la ka Makai Kiu Lau Omaomao, aole ua hiki no peia, a aia i ko lakou manao ke pani, a me ka ole.

                Pane hou akula ka ona hale i na ha pela e kokua aku kou mau kanaka i ke kiai ana i keia poa hiki i ke ao ana.

                Pane akula ka Makai Kiu aole ua hiki no iau ke kiai oiai aole keia he hana nui a mai hopohopo hoi oe no ko lakou nui a i hookahi au oiai ua hoike mua aku nei au ia oe i ko lakou ano i keia wa a maia ano mai hopohopo oe.

                I kela wa ua hoi aku la kaona Hale e hiolani a o ka Makai Kiu hoi ua hele holoholo aeia oia a ma na wahi a pau oua pa ala a pela pu hoi ma na wahi a pau oua Hale ala a hiki wale i ke ao ana.

                I ka oili ana mai o ka la i ke kakakiaka ua ala mai la na mea a pau a koe aku no kani Meliaka e hoonipo ana no me Liowahine i ka aina moe uhane.

                Ua oili koke maila ka ona hale a ike maila i ka Makai Kiu e heluhelu puke ana ao ia kauai ninau aku ai aole paha oe i moe i keia po a hiki wale i ke ao ana ae nei?

                Aole wahi a ka Makai Kiu i pane aku ai.

                I kela wa ua kai olelo ihola la ua no kekahi mau Setona me ka manao lana mau o ka hauoli a hiki wale i ka makaukau ana o ua mea ai o ka aina ka kahi aka a oia ka mea nana i hoopau ae i ko laua hookakahele olelo ana.

                I ke kaui ana mai o ka hele a ke kuene nui ua hele koke akula ka Makai Kiu ma ka rumi o ua pio e moe ana a hoala akula ia lakou e ala ae oiai aia ka lai ouli a ola ka lakou wa i ala like mai ai a hele akula e hoomaemae ia lakou iho a i ka makaukau ana ua naue like akula lakou no ka rumi aina a malaila lakou ina iho ai i na ono he nui.

                @au aua ehe lakou ai ana u@@@ @eela lakou no ke lakou huakai hele no ka hoonee ana aku imua.

                I ke kani ana ae o ka hora 8 ola kakahiaka ua hoomaka lakou o motio aku ma ko lakou ala hele me ka haawi hope ana aku i ke aloha no na kamaina a niau akula lakou iloko o na kipona a ka waiolohia.

                Oiai ka huakai e nee nei no mua aia hoi ka Makai Kiu e kau lono mau ana i kona ike maluna o na pio a pau oiai lakou iloko o ka hihia pea o na laau e naku hele nei.

                A i ke kani ana ae o ka hora 12 oia la ua hoea aku la lakou i kokahi kula oneone e waiho papu mai ana i mua o lakou a aia hoi he mau kumu laau kakaikahi ke ku ana a ma ka aoao hikina o ko lakou ala hele e kahe ana kekahi muliwai nni a malaila lakou i hoomaha iho ai.

                Ua lele ihola na mea a pau i lalo a hoomaha iho la lakou e paina.

                A i ka pau ana o ka lakou ai ana ua kau koke aela no lakou iluna o ko lakou mau lio a hoomaka hou aku la e hele oiai lakou e pii ana iluna e iho ana ilalo a komo ana hoi iloko o ka nonelu o na laau e hihipea ana i o a ia nei.

                I ke kani ana o ka hora 5 oia ahiahi ua hiki pono akula lakou i kekahi Towela e ku ana ma ke kae o kekahi muliwai.

                A ka ua hoopuiwa ia ka poe a pau o ua Towela ala me ka pihoihoi o ka manao oiai lakou iike mai ai i na aahu o keia poe e nee aku nei no ko lakou Towela i iike hoi me ka aahn hoi o ka powa Ieke.

                Me ka haupu mua ole ae a o na poe io ala noia ua paa i ka hao umii a ka Makai Kiu ka hia pai ole o na kakaipali hua lala o Misouri ke ka eaea hoi o na ulu laau o Lema ka lua ole hoi o ka ike a me ke akamai a i hooi ia aku hoi i kona wiwo ole.

                I ka huakai i kaa pono aku ai i ke kula laula e waiho ka hela mai ana me ka motio pololoi ana aku noua Towela ala ua ike koke maila ka ona nona ia Towela i ka alohi aku o na medala o ka Makai Kiu a oia kona wa i haawi koke ae ai i ke kauoha i kona Kuene nui no ka hoomakaukau hou ana i mea ai na ka Makai Kiu, a me kona poe a oia kana i huli ae ai a pane akula i kana Lede ua paapio mai nei ka e Ieke a me kona poe.

                Keaha ala wahi a ka Lede i pane wai ai a me na poe eae.

                Ke ike nei au o kela kanaka mahope ioa e hele maila oia no o Lau Omaomao a o ka wahine oia no ka ui Meliaka a o ka powa keia mamua nei.

                E hoomanawanui oe e ka mea heluhelu a uwila hou aku i ka laopopo.

 

Umeke! Umeke!! Umeke!!!

O ka me a pau e makemake ana mau UMEKE POHUE, mai ka mea aouui a ka mea iiiui, a me na UMEKE LIILII loa i kupono no ka ahaaina, mai ka hookahi kakini a nii aka, o loaa me ke kumukuai haahaa hoa, ka hale pali kuai me a'u ma ka Makehe o Makohao Ke kono aku nei ani ka poe a pau e makemake ana e ike pono i na kumukuai, e hele e moau, a e hoike ia aka no, me ka'hauoli nui.

                Ua hoaa mai ia'u he mau paha Kauuno hou loa, he nuuui ka ia me ka momona pu, a i oi loa aku hoi i ke oli ole ia ana o ke poo o ke Kaniano.

                E napo mai e na makamaka, i ike pono i ka oia waipahe o na kumukuai.

D. W. KUALAKO.

Honolulu, Sep@