Ka Oiaio, Volume VII, Number 3, 22 March 1895 — Page 1

NUPEPA KA OIAIO

"O KA PONO KA AIALII E OLA AI KA AINA"

 

BUKE VII      HONOLULU MARAKI 22, '95.       HELU 3

 

Ka Makai Kiu Lau Omaomao.

 

Ke Kaeaea o na kakai pali uihoniho o misouri

 

KA MEA NANA I HOOHOKA KA POWA IEKE A ME KONA PUALI HOLOKOA.

 

--: A I OLE:--

 

Ke Aka kino wailua o ke kuiuuamoe

 

KA MEA NANA I HOOPAKELE NA KAMAHELE O KA IO,

Ka mea nana ka ipu kukui kamahao ina oe.

MOKUNA lil.

Ka hanu ana o ka Makai Kiu i ka mehea e loaa ai ka m Mehaka K na loaa ana iloko o ke ana huna o na powa, komo kino ku Makai Kiu iloko ona paio hahana ana.  Lanakila ka Makai Kiu, hoohoka ia na poa @iio ka Makai Kiu i mea weli weli nui ia nui loa ia e na poe haihai kanawai a pau, ma keia huakai na loaa pu i ka Makai Kiu Lau Omaomao, ka mea na na i pepehi hoomainoino i ko ua makuahine, oiai kona mau la opio, paa i ka hopu pio ia ke kalohe o lawe ia no Misouri ike hou ka ui Mehakai i ke ao aina mohala pono kanai oia pua.

            Ia laua i hiki ai i ka hale o Iuna ua hoonanea iki iho la lana no kekahi mau minute, a liuhu iki ua niuau aku la o Mr. Kamepela i ka Makai Kiu Lauomaomao:

            Heaha ka kana hana o luna o keia hale i keia po ?

            Pane aku la ka Makai Kiu; ne hana no, a e noho oe a e nana mai i ka hana a'u e hana ai i keia wa.

            Iloko oia wa, ua wehe ae la oia i kana owili pepa e paa ana, a ike aku la o Mr. Kamepela i ke kuni ana iho o ka Makai Kiu i ua mea ala a hookuu aku la.

            A oia kona wa i ike ai, o ke ahi kao lele o ka lewanuu, oia ia i oili pulelo aku la.

            A ua nana pono loa aku la ka Makai Kiu a me Mr. Kamepela i ke ano o ke ahi kao, a mahae ae la oia iloko o na mahele eha mai ka mea hookahi ae.

            No lakou na waihooluu like ole e oili pulelo ana.

            He mau minute elima mahope iho, ua ike koke aku la laua i kekahi ahi kao i ka lele ana ae mai waena ae o ke kulanakauale o Misouri, nona ka waihooluu ulaula

            Oia ka wa a ka Makai Kiu i huli iho ai a pane iho la i kona hoa,

            Ua ike pono aku la oe i kela ahi kao i lele ae la ?

            Ae, wahi a Mr. Kamepela, ua ike @u, aka, o ke ano nae, aole i maopopo ia'u heaha la kona ano.

            Pane aku la ka Makai Kiu, o ka hoailona ia o ke kahua kaua, a o ka mea nana kela ahi kao, oia no kekahi o na powa i hoi mua mai me kela poe au i ike ai, a o kona inoa o Henele Boe.

            Ia laua no e noho ana, ua ike hou aku la laua i ka lele hou ana ae o ke ahi kao nona na mahele he ehiku ka nui.

            Me ke kali hou ole iho o ka Makai Kiu; ua unuhi hou ae la oia i kana ahi kao, a kuni iho la, a oia ka wa a i oili pulelo aku ai.

            A kau aheahe ana i ka lewa, nona na he umikumamalua, e ino makawalu ana mai ka lewa nuu.

            Me ka emoole, ua ike hou aku la laua i ka lele hou ana ae o ke ahi kao, nona na mahele eiwa, me na wai hooluu like ole.

            Ia wa hookahi no, ua nookuu hou aku la ka Makai Kiu i kana ahi kaolele, e hoike aku ana i ka lohe ia lakou, nona na mahele ehiku, a oia ka panina o na hana oia po, a huli hoi aku la laua no ka hale o lalo.

            Aia laua i hiki aku ai ilalo, e nanea ana no na aliiwahine a me na loa noho, o ka hora 11 ia oia po.

            Ia laua i kiki aku ai ilalo, ua ninau koke mai la ka ui Meliaka ia laua:

            I'ehea aku nei ka olua huakai o ka hele ana aku nei, a heaha hoi ka mea hou?

            Pane aku la ka Makai Kiu Lau Omaomao:

            O ka mea hou, ua makaukau kou mau makuakane e hookipa aku ia kakou me ka oluolu.

            Ua hoike pu aku nei au, e hiki aku ana kakou i ke kulanakauhale i ka hora 12 o ka la apopo.

            A pehea, nawai i pane mai nei i kau ninau, i maopopo ai ia oe ?

            Oiai, aole loa i ike o Pilipo i na loina o kau hana e hana nei.

            Na kekahi o ko'u mau poki au no hoi i ike ai, a uo ike oia i na loina o kana hana i ao ai, a nana i hoike mai nei ia'u ma na hoailona kukai ahi kaolele mawaena o maua a elua.

            Wahi a ka Makai Kiu Lau Omaomao, i pane aku ai me ka leo malie i kana ipo ka ui Meliaka.

            Ia wa, ua pane mai la ka ui Meliaka, e hoi kakou e hooluolu, oiai, ke aneane aku nei i ka hora 12 o keia po.

            Oiai, ua hele mai la au a maluhiluhi.

            Ae, wahi a ka Makai Kiu i pane aku ai, a hookuu ia aku la lakou e hoi e moe, ma ko lakou mau rumi pakahi, e hooipo pu me Niolopua, i ka aina moeuhane.

            Iloko oia wa, ua huli ae la ka Makai Kiu a ninau aku la ia Keoki Kinekona, pehea, ua moe anei na pio ?

            Ae, wahi a ka pane.

            Pane aku la ka Makai Kiu, e hoi oe e hooluolu, a ua makemake nae au e ala mai oe i ka hora 5 o ke kakahiaka.

            Ae, wahi a Keoki Linekona i pane mai ai me ka leo oluolu, a hoi aku la oia e hiolani,

            O ka Makai Kiu hoi, ua lawe ae la oia i kona kulana maa mau o ke ku kiai a hiki i ke ao ana.

            I ke kani ana o ka hora 5 oia kakahiaka, ua ala io mai la no o Keoki Linekona e hooko i ka leo o kona hanau mua ma ka oihana, a ua hele aku ia oia e kuke i mea ai na lakou me ke kokua pu ana aku o ka Makai Kiu ma ka lawelawe ana i na mea ai o lawa ai ko lakou ai ana oia kakahiaka.

             I ke kani ana o ka hora 6, ua makaukau na me@ pau, a oia no ka wa o Lau Omaomao i hele aku ai e hoala i na mea a pau.

            A ua ala mai la lakou a hoomae mae no lakou iho, a ua hele aku la lakou e paina a hiki i ka maona ana.

            I ka pau ana o ka lakou ai ana, ua liuliu koke ia ae la ko lakou mao lio, a ua hele aku la na a ea a pau e kau iluna o ka lio, a o ka hope loa oia no ke kamaaina o ka hale, oiai ua lilo oia i wiliki iloko oia wa.

            A i ka hera 7 ponoi oia kakahiaka, ua haalele iho la lakou ia wahi a motio aku la no ke kulanakauhale.

            Ma keia wahi e na makamaka heluhelu, e hookuu aku kakou i ka huakai a ka Makai Kiu e kaukoe ana no ka pahu hopu o ka lakou huakai, a e lehei aku hoi kakou mamua.

            I ka po mamua iho, oiai na ahi kao lele a ka Makai Kiu Lauomaomao e hoolele ana, a me Henele Boe oia ke ala hele pololei o ka hoike e hiki aku ana i ka hora 12 ponoi o ke ao ana ae.

            A ma ia ana i hoike aku ai o Henele Boe ia Pilipo, a oia ka Pilipo i pane mai ai, hs mea kupanaha ko lakou hiki ana i kai nei i ka hora 12 o ka la apopo, oiai he ino@ ke ala hele a he hiki kupono oiai ka lio ke holo.

            Aka, ua pane hou aku la no nae Pilipo ia Henele Boe, apopo ua makemake au e kukulu ia kekahi lanai nui iloko o kou pa nei, e lawa ai no ka elima tausani kanaka a oi e noho ai.

            A ua makemake ae hoi aa e kokua mai oukou i ko'u poe kanaka, ma ka hana pu ana.

            Ua pahe aku la o Henele Boe, ua makaukau au e kokua elike me kou makemake.

            I ka hoea ana mai o ka la i ke kakahiaka, ua liuliu ae la lakou no ko lakou paina kakahiaka.

            @ i ka pau ana o ka lakou paina ana, @a hoomaka koke no ka hana ana, ma ka mahelehele ana a Pilipo i ka lakou mau hana pakahi.

            I ke kani ana o ka hora 10 oia kakahiaka, aia hoi, ua lawa na mea a pau i makemake ia, ua h@l@ hoi ua lanai ala, a ohi ka i'o o ka laau o Makawao, hewa i ka wai mea he panio.

            I ka hora 11 ponoi oia la, ua ike ia aku la ke au mai o ka e@a o ka lepo mai ke kuahiwi mai, a oia ka wa o Pilipo i pane aku ai ia Henele Boe, e-a, o lakou ae paha keia, e ku mai nei ka ea o ka lepo ?  Ae, oia no wahi a Henele Boe.

            I kela manawa nohoi, aia na kanaka ua hele a piha-u, o loko o ka pa oua o Pilipo, no ke ake e ike maka ia Ieke a me ka Makai Kiu Lau Omaomao.

            A he 15 minute ikoe kani ae ka hora 12, ua ike ponoi, aia hoi ua komo mai la ka huakai iloko o ka pa, iloko o na leo kupinai o ka hanoli o na mea a pau.

            A iloko oia wa, i apo mai ai o Pilipo ma i ka laua lei aloha e keiki @ he mau @ hoi ia o ka ehaeha kulipolipo o ke aloha mawaena o ka makua a me ke keiki pu hoi.

            A ua hoolauna pu aku hoi o Lau Omaomao, i kana mau malihini ia Pilipo ma, me ka hoike aku, o Kamepela kana wahine, a me ka laua kaikaikamahine.

            Iloko o keia anaina e ku ana, ka Iiamuku kekahi o ke Aupuni, a me kona puali makai.

            Oia ka wa o ka Makai Kiu Lau Omaomao i huli ae ai, a kauoha aku ia iaia.

            Eia na poe powa, o ka hui powa o Ieke, ae lawe aku ia lakou malalo o kau ma ama ana, a koe oia nei (Keoki Linesona), oiai, o ko'u pokii ia ma ka u oihana.

            Ua hooko aku la ka Iiamuku o ke Aupuni, i me na makai, i ka lawe ana i na pio no kahi hoopaa lawehala.

            Ano, i keia wa e na makamaka heluhelu, na kuu aku la ka luhi o ka Makai Kiu, Lau Omaomao, oiai, ua kaa aku la na pio malalo o ka malama ana a ka Iiamuku o ke Aupuni.

            Aka, mamua ae o ka haalele ana iho o ka Makai Kiu i ua wahi ala ua pane hou aku ia i kana olelo hape i ka Iiamuku a me kona mau hope, e pono oukou e haawi i ko oukou manawa ma ka makaala pono ana i kela poe powa, oiai, i na iho o Ieke ia, he hiapai ole o ka hookalakupua aole e nele kona haawi ana i kona noonoo a pau i mea nona e hemo ai mai ka halepahao aku, a oia ka wa e oi aku ai ke ino o kana hana i ko ka wa i hala.

            Ua pane mai la ka Iiamuku, e ka hoaloha maikai, mai hopohopo oe; oiai, ua makaukau ka aoao o ke Aupuni i na puaii koa, no ke kokua ana mai i na makai ma ke ku kiai ana.

            A na hiki ia'u ke hoike aku ia oe aole loa hookahi o lakou e puk aku iwaho o keia hale paahao, ma o kona ike iho, ke ole e wehe maoli ia na puka, a o ka mea e hoao ana e mahuka aku, he kanaka make oia, aole he kanaka ola.

            Pane hou aku la ka Makai Kiu, oia ka maikai, oiai, ke hopohopo loa nei au no leke, oia ke kumu o ko'u hoike e ana aku la ia oukou i ola honua.

            A no, e hoi ana wau no kahi kauhale o Lania, a i na e hiki i ka la e hookolokolo ia ai, o na pue pio, e hoouna ae i ka makai e kii ae ia'u ilaila.

            Ae aku la ka Iiamuku, a hookuu ia ka laua kukai kamailio kamailio ana iloko o na puili lima pumehana ana, o ka hoa'loha i ka hoa'loha a hoi aku la ka makai kiu Lau Omaomao iloko o na leo ikuwa o na makai@ai e nana mai ana iaia

            Ua hoi aku oia a hiki i ka hotele o Pilipo, a ilaila kahi i hoomaha ai a hiki wale i ka wa i kani mai ai ha hele aina o ka aina awakea, a ua @iaue aku lakou no ka hoopiha ana i ka lua o ka maina, oiai, ua hele a houpe lewalewa.

            I ka pau ai i o ka la kou ai ana ua hoi aku i@ lakou a hoonanea ma ka rumi hooluolu o ua Towela la, me na manolana hauoli, e kukai olelo ana hoi iloko o na wihau ana o ke aheahe malie.

            Ua hoohala ia e lakou he mau hora ma ke nukai olelo ana, no na haua i hana ia e ka Makai Kiu wiwo ole.

            A i ke kani ana o ka hora 3 oia auina la, ua noi aku la ka Makai Kiu i ka oluolu o ka mea hale, a me kona mau hoa aloalo kehau anu e hookuu mai ia'a e hoi no kona home aloha, kahi hoi o kona makuahine e waiho oni ole mai la, a e moe ana hoi i ka moe kapu o Niolopua.

            Ua pane mai ia o Pilipo, mamua o ka loaa ana aku ia oe o ka pane, o kau noi, e ae mai hoi oe ia'u e pane mai no ka'u ninau ia oe i keia wa ano.

            Ae, wahi a ka makai kiu, me ka leo nahenahe i pane aku ai, i na imua o keia anaina, a i ole, ma kah malu p@ha, ua hiki ia'u ke pane, i na no ka pono a i na no ka hewa, he like wale no ia ia'u.

            Pane hou mai la o Pilipo, aole i mua o na hoaloha o kaua, aka, ilo ko o kuu rumi kakau.

            Ae, i na pela ua pono, a e haele aku kaua.

            I kela wa, ua noi aku ia o Pilipo i na Lede a me na Keonimana e hookuu aku ia laua.

            I kela wa, ua ike koke iho la ka Makai Kiu @ ko Pilipo manao, e noi hou mai ana oia e mare ia oia me ka ui Meliaka, a oia kana i minoaka iho ai.

            A ia laua iloko o ua rumi ala, ua pane mai la o Pilipo, e ka hoopakele o ka waua Kaikamahine, o ka lua keia o ka manawa a'u i makemake ai ia oe e mare ia olua, oiai, oia ka manao o ka maua kaikamahine i hoike mai nei, a oia ka'u e hoike aku la ia oe, a nau ia e pane mai i ka haina o ka'u ninau ia oe e ka hoaloha.

            Me ka nanaina ulumahiehie o ka Makai Kiu Lau Omaomao, ua pane aku la oia, ua ae wau i keia wa e mare ia maua, aole nae i keia wa ano aka, i wa okoa aku, a oia hoi keia, i hookahi makahiki mai keia la aku, alaila, mare maua

            I kumu nou e maopopo ai i ke ano o ka'u olelo, oia keia, eia ke hali'ali'a e mai nei ia'u, eia aku kekahi hana nui a hoea mai imua o'u i keia mau la koke iho no, a no ia kumu ko'u ake ana e hoi au e ike i ka "he" o ko'u mama aloha, mamua o ko'u hele hou ana mai, a oia ka'u e hoike aku nei ia oe.

            I kela wa, ua haawi mai ia o Pilipo i kona mahalo, a hookuu ae la ko laua hui ana, maua keena malu ala.

            Ua hoi aku la laua a komo iloko o ke Keena hooluolu kahi hoi o ko laua mau hoaloha e nanea ana, me na nanaina hauoli hoi e hekau ana maluna o Pilipo, oiai na maka poniponi o ka ui Meliaka e haka pono ana i kona makuakane.

            A i kona ike ana i na hiohiona o ka ulumahiehie e kau ana maluna o kona makuakane, oia kona wa i minoaka iho ai, a holopuni ae la ka ula ohelohelo ma kona ma@ papalina a puni, oiai, na piha loa ia kona puuwai i ka hauoli, no @e ko ana o kona iini, a kona mau aakoni hoi e hana mao ole ana @i na sekoka a pau.

            Ia lakou e nanea ana, ua ku ae la o Pilipo iluna a hoike aku la imua o na hoa haihai 1 au olelo, e hookuu aku keia anaina ia Lau Omaomao e hoi no kahi kauhale o Laina, no ka ike ana i ka "he" o kona makuahine aloha, a ua apono like mai la na mea a pau.

            I kela wa, ua ku ae la ka Makai Kiu iluna a haawi aku la i kona lima akau o ke aloha pumehana i na mea a pau, a o na niuki papalina ana, me ka ipo lauae no ia o Makana, ka ui Meliaka, a hookuu aku la ia lakou e luakaha i ka olu o ke Towela, a oia hei hoi, ua hele aku la keia a kau ae la iluna o kona lio; a o La@a ka pahu hopu.

            Ma keia wahi e waiho kaua e ka mea heluhelu ia Pilipo ma e lualai ana, a e aui ae kaua a nana aku i ke alahele o ka Makai Kiu, e hoea aku ai i kahi-kauhale o Lana.

            I ka hera 3:25 oia ka wa o ka wa o ka Makai Kiu i haalele iho ai i ke kulanakauhale o Misiouri, a i ka hora 6 hoi o ia ahiahi oia kona wa i hiki ai i kahi kauhale o Laina a oia kana i nana ae ai i ke kulana o kona aloha, e ku neoneo ana, me ka nele i ka noho hale ole.

            Aka, e like me ke kulana maa mau o ka Makai Kiu Lau Omaomao he ohaoha pela no oia i ike aku ai i kona mau hoaloha i ke lakou wa i hele mai ai e ike iaia ma ia ahiahi, a ua hohola ia hoi he mau hora ma ke kukai kamailio ana me na hoaloha, a hiki wale i na hora liilii o ke kuluaumoe, a oia ko lakou wa i hookuu ia ai e hoi no ko lakou mau home pakahi iho, e hooipo pu me ka aina moeuhane o Niolopua.

            I ka hoi ana aku o kona mau hoaloha, ua hele aku la oia e paina mama, no ka houpo lewalewa me na mea ai huihui, a i ka piha ana o ka lua o ka inaina, ua hoi aku la oia a maluna o kona moe, a hooluolu iho la ia koena no.

            I ka hiki ana mai o ka la i ke kakaikahiaka, ua ala ae la ua kaeaea nei o na pali nihoniho o Misiouri, a hele holoholo aku la iloko o ka malapua a kona makuahine i milikaa mau ai i kona mau la e ola ana, a e hanu ana hoi i na ea huihuui waianuhea o ke ala o na pua.

            I ka kaua eueu e nanea ana i ka luhiehu o na pua, oia ka wa i ike aku ai oia i kekahi o kona mau hoaloha e holo mai ana maluna o kekahi ka a lio, e lawe kiaui ia ana e na paa lio eha ka nui, e ku ana mawaho o koia nei puka pa, a panai ia ke aloha kakahiaka mawaena o laua.

            Oia ka wa o kona hoaloha i kono mai ai iaia, e hele laua i kona wahi oiai, he paina kana i hoomakaukau ai no ka hookina ana aku iaia ma kona home.

            I kela wa, ua ae aku la ka Makai Kiu Lau Omaomao, a hoi aku la oia e hoomakaukau iaia iho ma ke kahiko ana i ka aahu @ like pu me ke kulana o ka mea nana ke kona, a i ka makaukau ana, ua hele aku ia oia a kau iluna o ke kaa, a oia ka wa i hiu aku ai laua no ka home olu waianuhea o kona hoaloha.

            Ia laua i hiki aku ai, aia na lede maka onaona a me na k@aimana o pohai ana ma ka lanai ahaaina, me na hoomalie ana o ke aloha kakahiaka, oia ka hiki mua i pauai ia aku ia lakou a pau, a pela no hoi lakou i panai, pu mai ai ma ia haawina hookahi, me na minoaka pu ana mai na papalina mai o na Lede.

            A i ke kuu ana iho o ka nae, ua naue aku @a lakou a pau no kahi o na ono he nui i hoomakaukau ia, oia hoi na kohi kelekele a ka puukolu, a malaila lakou i haupa ho ai.

            Ua hoohala ia e lakou he mau hora ma keia papa aina iloko o ke aheahe malie, oiai ka wai o ke kuaka e haale ana i ka lau o ke Pahili, a na kela mea keia mea, e wae nona iho e like me kona makema ke.

            Ma keia papaaina, aia pu iloko o ia huina o ke kaikamohine kekahi a ke Kiaaina o Misiouri, a o kona mau nanaina hoomahie o na mino aka ana, ala no ia maluna o ka kakou eueu, me kona ake ana nana e ako mua ae i ka ono o ia pua.

            I ka pau ana o ka lakou ai ana ua hoi ae la lakou hooluolu malalo o ka olu kohai o kekahi @an@ i, i ho ohiwahiwa ia i na nani he nui, i hele wale a ahu kinohinohi i ka papalohi o Maukele.

            Ua hoohala ia e lakou he mau hora, ma na kukai olelo ana, a hiki i ka hora 2 o ia auina la, ua naue hou aku la lakou e hoopiha hou i ka lua o ka inaina, a hookuu ia i ka hora 5 o ia ahiahi.

            I kela wa, ua kamailio mai la kona mau hoaloha iaia, i keia ahiahi hora 6:30 minute, e malama ia ana he anaina lealea hula Europa a e noi aku ana wau ia oe, ua makemake au ia oe o oe pu kekahi iloko o ia anaina lealea e malama ia ana i keia po, a pehea la ia i kou manao e kuu hoaloha.

            Pane mai la ka Makai Kiu Lau Omaomao, e kuu hoaloha, ke ae nei au ia oe e kuu makamaka aloha, a i na e oi aku mamua o ka wa au i ike ai he pono, e hoike aku ana wau e hoi ana wau ke oi aku mamua o ka hora 16 o keia po.

            I kela wa, pane mai la kona hoaloha, e kuu hoaloha oiaio, e hookuu aku ana wau ia oe mamua ae o ke kani ana o ka hora 10 o keia po, a nau ponoi no e hoi @oi aku ia oe a hiki i kou home, e liko me ka'u kii ana aku ia oe.

            I kela wa, pane mai la ka Makai Kiu a pane aku la, ua pono e kuu hoaloha maikai.

            A no, e Mr. Keoki Lanakila, e ae mai oe ia'u, e hele kaua e holoholo loko o kela ululaau e ku mai la, oiai, ua makemake au e ike ia wahi.

            Pane aku la o Keoki Lana kila ua manao au, he mea pono i mau Lede kou hoahele.

            Aole, wahi a Lau Omaomao i pane aku ai, oiai, owau, ua hooholo au, o ka poe ae i na lealea pili kino o keia ao, a hiki mai ka wa a ke Akua e ae ai ia'u, e hele holoholo pu me na lede, a nolaila, ua makemake no au o oe no ke hele pu me a'u, a me kekahi poe keonimana e ae.

            I kela wa, ae mai la o Keoki Lanakila i ka manae o ka Maki Kiu, a haele aku la laua e holoholo, no ka hanu ana i na ea huihui o ka malu lau laau.

            I ke kaui ana o ka hora 5 o ia ahiahi, ua huli hoi mai la laua no ka home olu o kona hoaloha e hoonanea ai.

            Oiai laua e hoonanea ana i ka lai o ka home o kona hoaloha, ua hiki ae la ka mauaniana kuhikuhi o ka uwali i ka hora 6, ia wa ua naue aku la laua no kahi o ka lealea malama ia ana ia po.

            I ka hiki pono ana i ka wa i hoike mua ia aku ma ka helu i hala, ua hoo@naka ia na lealea.

            Oiai ka lealea e malama ia ana ua ike ia aku la na mea a pau e lawe kiani ana a e anapau ana no hoi maluna o ke kahua kakele oia hana i hoomakaukau ia.

            I ka wa nae e malama ia ana ka lealea, ua kaa ka hanohano o ka uniki mua ana i ka Makai Kiu Lau Omaomao, a me ke kaikamahine a ke Kiaaina o Misiouri, oiai ka lea hone o na pila e kuu pau ia ana, e na loaa hookani pila o ka home olu o ka mea nona ka po lea e Halalii.

            Ua malama ia ka lealea hulahula a hiki wale i ka hora 9 o ia po, oia ka wa i hoomaha ai o na mea a pau, a naue aku la lakou no ka rami aina, no ka inu ti ana, a nuu ana hoi i na ono e ae i hoomakaukau ia no ia po.

            Ma keia paina ana, he hookahi hora okoa i pau, a oia ka piha ana o ka manawa a ka Makai Kiu i olelo mua ia ae ia.

            I ke kani ponoi ana mai o ka hora 10 oia po, ua ku aela ka Makai Kiu Lau Omaomao i luna, a hoike aku la imua o kona mau hoa oia po lea, i ka pane ana aku.

            Ena Lede a me na Keoni mana, a me na kamaaina hoi nana keia po lea a kakou e luana nei, e kala mai oukou iau.  Oiai hoi, ua hiki mai ka hora au e haalele iho ai ia oukou a hoi aku au no kou home ponoi, e like me ka maua aelike maikai.

            A- aole i pau pono aku ka ia nei olelo ana, ua ku koke ae la ke kaikomahine a ke kiaaina o Misouri iluna, a pane mai la me kona leo nahenahe i a wili puia me ka wai meli o ka hoomahie, me ka minoaka pu ana ma kona papalina pua rose i puia i ke ala me ke onaona.

            E ke keonimana maikai, e ae mai hoi kou luna ike hala, a pane mai hoi no ka'u ninau ia oe e ke keonimana maikai ke puai aku.

            Ae, wahi a Lau Omaomao i pane aku ai i ua nohea puuwai wai meli nei.

            He poe hoa'loha anei makou a pau nou, e ke keonimana maikai, no na hora i aui aku la a hiki hoi i keia wa a kakou e luana nei.

            Ae, wahi a Lau Omaomao i pane aku ai, no ka ninau a ua lede opio nei.

            I na nela, alaila e oluolu ana anei no ne e kapae ae no hoi kou@noonoo ana no ka hoi ana aku e hooko no kau olelo kauoha me kou hoa'loha a pau ae no hoi ko kakou nanea ana.

            A e aui mai hoi oe i keia leo o uwalo aku nei ia oe, o ka leo ia noho iho kakou, oiai, o keia anaina holooko'a au e ike nei, a me na mea a pau i hoomakaukau ia no'u ponoi no ia, aole no hai.

            Pane aku la ka Makai Kiu, ua mahalo au i kou manao maikai e ka lede opio, aka, hookahi wale no mea pilikia, ua @ ka maua aelike me ka mea haku h@le.

            A no ia kumu, aole e hiki ia'u ke ae aku i kau ulono mai, o hewa auanei hoi au.

            Pane hou mai la ua lede nei, aole anei e hiki ke kala ia ae kela mau olelo.

            Pane aku la ka Makai Kiu Lau Omaomao, e ka lede maikai, e kala mai oe ia'ia ke pane aku ai imua o kou alo a me kou oluolu oia keia, aole e hiki ia'u ke kala ae i ka maua olelo paa oiai ua ae mua mai kau hoa'loha i ka@u i noi aku ai, a oia ka'u e pane ak@ nei ia oe, o ka lede maikai.