Ka Oiaio, Volume VII, Number 14, 7 June 1895 — Page 1

Ka Oiaio.

“O KA PONO KA AIALII E OLA AI KA AINA”

BUKE VII          HONOLULU  IUNE 7, ’95          HELU 14

 

Ka Makai Kiu

Lau Omaomao.

 

K Ka@ea o na kakai pali nihoniho o Misouri.

 

KA MEA NANA I HOOOKA KA POWA IEKE A ME KONA PUALI HOLOKOA.

 

A I OLE:

 

Ke Aka kino wailua o ke kuluuamoe

 

KA MEA NANA I HOOPAKELE NA KAMAHELE O KA PO.

 

Ka mea nona ke ipu kukui kam@@ao iaa oe.

 

        Pane aku la ka Makai Kiu, ua pono, ua lohe ae la wau, a no ka wa e lawe ai oukou i ka olelo hoohiki mai au aku.

 

        I kela wa, ua hoomaka koke iho la ka Makai Kiu Lau Omaomao i kana apana hana, oi i hoi na lima o na pio e kau ana maluna o ka mana ona mea kaua, a hiki i ka pau ana, o ka hora 6 ponoi no@a o ke ahiahi.

 

        I ka pau ana, ua pane aku la o Lau Omaomao, a no, ua @lo oukou apau i mau pokii no’u ma ka hana maikai, aole hoi ma ka pakaha wale i ko hai ola, a e hoomanao hoi oukou apau, he poe lanakila oukou aole hoi he poe po.

 

        A ano, e hoolohe ma oukou, aole wau i makemake iki e lohe ia kei hana au i hana ai maluna o oukou no ekola la i koe mai ka la apopo aku, a mahope aku oia mau la ua noa ia oukou ke kamailio, a hoike aku holi na mea apau, a oukou i ike ihola.

 

        Ua ae like mai la lakou apau, me me ka pane pu ana mai, ua manao makou i hele mai nei la olua, e lawe ae i ko makou ola, eia ka aole o ka hana maikai, oia ka ka olua e hana mai ana.

 

        Pane aku la o Lau Omaomao, aole ia o ka u hana o ka lawe wale ae i ko hai ola, aka, o ka hoopakele oia ka’u hana, a oia hana maikai oia ka’u i makemake ai e hooko oukou, me ka ewaewa ole ma keia hope aku, a ano e hoi ana wau, a me ko’u hoa nei, a e noho hoi oukou me ka ma’uhia, a hiki i ka wa o’u e hiki hou mai ai ia nei, ma keia hope aku.

 

        Ae, wahi a ka pane a kona mau pokii hou ma ka oihana.

        Ua haawi ia ke aloha mawaena o lakou, a hoi maila laua, o ka hora 7 ia o ke ahiahi.

        Ia laua i hiki ai i kauhale, e noho mai ana no kamaaina, e kali mai ana o ko laua hoi aku, hookahi ka paina like ana, o kahi mea uuku.

 

        Ia laua no a hiki, ua kani koke maila ka bele aina, a hele akula lakou e paina, a i ka pau ana, ua hoi aku la lakou i o ka rumi hookipa, a malaila kahi i hoonanea iki iho ai no kekahi mau hora, ma na kukai olelo ana, a hiki i ke kani ana mai o ka hora 10 ola po, oia ko lakou wa i hoi nui aku ai e hooipo pu me Niolopua, ma ka aina moe uhana.

        Mamua o ke kukala ana mai o ka leo ka wati i ka hora 2 o ka wanaao, ua ala mua ae la ka mea nonan keia naea, a aia ke liuliu ala no kona waa holo honua lio, ke ala hoi e hiki koke aku ai i ke kahua hoolulu o na poe ilio omo koko o Misisipi.

        I ka makuakau ana o kona lio, ua huli hoi aku la oia no ka hale, a halawai pu aku la oia me kona kamaaina, a oia kona wa i haupu koke ae ai, i kekahi pua, a ninau koke aku la i kona hoa’loha ina paha he pua kana oia ano.

        E kuu hoa ‘loha oiaio, he mau pua no anei kekahi iloko nei o kou kihapai pua nona na inoa, Rosea.  Rosea aiha, a me ka Gloxinia, ae wahi a ka pane a Mr. Paka.

        I kela wa, ua olelo mai ka Makai Kiu, e oluolu e kokua mai i ipu kukui, a e haele pu ae kaua e kuhikuhi mai oe i’au, i kahi i ulu ai ua mau pua ala.

        Ua eleu koke aku la o Mr. Paka, a loaa maila na ipu kukui, a haele like akula laua, a hiki i kahi i ulu ai ua mau pua ala, a kuhikuhi aku la o Mr. Paka, eia ua mau pua nei.

        I kel@ wa@ ua wehe koke ae la ua Makai Kiu nei i kana upa ako pua a lawe pakahi mai la i na pua, oua mau kumu laau ala, a u hoi maila, a hiki iloko o ka rumi aina no ka inu kope ana, a i ka pau ana ua niau aku la oia no kona alahele, oiai o ka hope loa keia o kana huakai kuai pua ma ke ano kino luahine, e hookuu aku oe e kuu makamaka heluhelu e hele ka kaua  eueu i e hoalu mai hoi oe i muliwaa nei i ike pono oe i kainoa o kela mau pua ae la ekolu.

 

        Rosea-Kanani i mohala I ke kakahiaka.

        Rosea alba-Ua aiai au, aia wau imua o kou mau maka, iluna o kekahi papaaina i ka la apopo.

        Gloxinia-E apono ana anei oe i keia.

        A eia iho ka haina e ike pono ia @i, oiai aia iloko o kekahi o na pake pua a ka Makai Kiu kekahi pua nona kainoa Safrano, ua hauoli loa ia au, ke hooko mai oe.

        Ua maopopo aku la ia oe e kuu makamaka heluhelu, ke ano o keia mau pua hou, a e nana aku hoi kaua i ka kaua eueu, pehea aku nei la oia?

        E like me ka rula paa mau iaia o ka eleu, ua hoea aku oia I ka wa pono i kona kahua e hoolulu ai, kahi hoi i hele a kamaaina iaia.

        Ua haalele iho la oia i kona lio, a hoomaka aku la e hele, a hiki i ka puka pa a oia kona wa i loh@e ai i kino luahine, e like me kona ano mau.

        I kela wa ua kikeke aku la oia i ka puka pa, a oia ka ke kiai i ninau mai ai.

        Owai mawaho, wahi a ke kiai puka?

        O kahi luahine kuai pua Lau Omaomao, wahi a ka pane.

        Ia wa koke no, ua wehe koke ia mai la ka puka pa, a pa kahea a ke kiai, e komo, ua kimo aku la keia a haawi aku la i kona aloha kakahiaka i ke kiai, a pela no hoi ke kiai i panai mai ai.

        Ia manawa koke no, ua lalau mai la ke kiai i kaia nei mau hinai a haele like aku la laua nei a hiki i kauhale, a hookipa loa ia aku la keia no ka rumi hookipa o kaui Kananimaeole.

        Iaia no a noho iho iluna o ka noho, ua komo koke aku la kaui Kananimaeole, a haawi aku la i kona aloha kakahiaka, i ka Madame kuai pua, a pela no hoi ka Madame i panai mai ai.      

        I kela wa, ua lalau iho la ua ui nei i na poke pua a hapai ae la, a honi ihola, i ko lakou mau ea aala ua hopi pakahi oia i na poke pua apau a hiki i kahi poke pua uuku loa a nona na pua ekolu, i kela wa a ike koke iho la ua nohea nei i ke kaona o ua i oke pua apau, a oia kana i mino aka iho ai, me ka haawi ana i na mahalo piha he nui.

        Iloko oia wa, ua wehe koke ae la ua ui nei i ka pua nona kainoa Safrano, a haawi mai la i ka Madame kuai pua, a pane maila, eia kau pua, oiai, ua nui ko’u mahalo ia oe, no kou hoomanawanui.

        Ano, e ka Madame, e hele kakou e paina, oiai, ua makaukau ka papa aina, ae aku la keia, a haele nui aku la.

        Ia lakou e ai ana, aia na maka o ua ui nei, ke nana pono ala i kekahi pua rose uuku e kau ana i ka umauma o ka Madame kuai pua, nona kainoa Mad Caroline Testant “Owau kou pokii o Caroline.”

        I ka ike ana mai o ua ui nohea ala i ua wahi pua nei, ua kani iho la kana u-hu a helelei pu ihola kona mau waimaka, a kulou ihola oia ilalo, oiai kona mau aa pauma e ha na ma o ole ana, kau a mea henui o kona aloha ikona pokii, oiai he e lua wale no laua.

        I ke la ua, na anoe koke ae la ka noonoo o na mea apau, me ka ni nau ana aku iaia, heaha keia pilikia nui ou e ko makou Haku wahine?

        Aka aole oia i pane mai a hala wale na minute he umi, a kahi no oia apane mai i mua o kona mau hoa ai, i ka i ana mai, euwe ae ana wau i kuu pokii e noho maila, i ke kuea kiekie o Vir@gia Hema, a me he ala, e hiki mai ana oia i o kakou nei i ka la apopo.

        Owai kainoa o kou pokii, wahi a ka ninau a kekahi a kona mau hoa ai?

        Caroline, ko’u muli ponoi, oia kona inoa.

        Nolaila, ke kauoha aku nei au ia oukou apau, mahope iho o ka wa e pau ai o ka kakou ai ana, ua makemake au e hoomakaukau ia kekahi lanai ahaaina nui, i lawa hoi no kakou apau, ku’u pokii, a me kona mau hoa hele.

        Ua ae mai la kona mau ukali, i keia loe o ko lakou haku wahine. 

        I ka pua aua no o ka lakou ai ana, ua hoike koke ia aku la ka lohe na kanaka apau, no ka hoomakaukau ana i kekahi papaaina nui e lawa ai na kanaka 500 a oi, a ua hooko ia pela.

 

        E ku’u makamaka uh@i a holo, o ka nanea hooniua pauwai o ka Makai Kiu Lau Omaomao, he mea pono i ka mea unuhi ke hoomaikeike aku i ke kumu o kela kauoha pupuahula, e hana ia i lanai ahaaina no ka la e hiki mai ana, oia keia.

        I ka wa i ike ai na maka noii o ua ui ala, i ka pua Caroline e kau ana i ka umauma o ka Madame kuai pua, ua ike koke iho la oia, apopo e hiki mai ai ka Makai Kiu, e hooko i kana hana, a’u hoi i ae aku ai, me kona hoomaikeike pu mai imua o’u i na hiohiona o ku’u pokii.

        Iloko o ka huina o 219 kanaka, ua mahelehele ia aku la ka lakou hana e ko lakou aiakai, e hiki ai ke lawa iloko oia la, a hele nui aku la lakou e hana e iike me ke kanoha.

        Ina mea apau i hele aku ai, ua ua koe iho la ka ui nohea Kananimaeole, kona ukali poo, a me na poe lawelawe o loko o ka hale, a me ka Madame kuai pua.

        Ua hoonanea iki ihola lakou no kekahi hapalua hora, ma na kukai olelo ana, a hiki i ka wa a ka Makai Kiu ihoi aku ai, e hookuu aku iaia.

        O ka hora 10 ponoi noia o ke kakahiaka, ua hookuu ia aku la ua Madame hookala kupua nei e hoi, me ka pauai pu ana aku i ke aloha a niau aku la oia iloko o kona hapakue hele ana, a hiki wa I kona puka ana iwaho o ka pa.

        Oia no kona wa i loli koke ae ai a lilo i kino kane e like me kona mau.

        Ua awiwi aku la keia a hiki i kahi o kona lio i ku ai, a eleu koke ae la keia, a kau iluna o kona lio, a motio aku la ka ihu o kona lio no ke kulan kauhale o Misisipi ka pahu hopu.

        I ka hora 1:45 oia auina la, ua hiki aku la keia i kauhale, me na helehelena hauoli, aia hoi na kamaaina ke mahamaha mai la, i ka ike ana mai iaia nei.

        Iaia nei no a haule iho mai luna iho o kona lio, ua pa koke mai la kahea a kamaaina-mai-hele mai, a hele aku la keia.

        Mama wale hoi oe, me na helehelena hauoli, he mea hou ano nui paha kau o keia la.

        Ae, he mea hou io no ka’u, a popo kakou ike.

        Heaha ia mea hou anonui au o keia la?

        Pane aku lu keia, apopo e hele ana kakou i ka ahaaina.

        Ihea kakou e hele ai i ka ahaai na, wahi a ka ninau?

        I ke kahua o ka powa Ronine Huka, kahi a ke kaikamahine a ke Kiaama e noho mai la, aole mae hoi o oukou wale ke hele ana, aka , o ko’u mau hoa hele pu kekahi, a me na pio i hoohiki iho nei malalo o’u i kala ia ai i nehinei, a oia ka’u e olelo aku nei ia oukou.

        Nolaila, ua makemake au e haalele iho kakou apau i kauhale nei, i ka hora 6 ponoi o ke kakahiaka o ka la apopo, a hoomaka aku kakou e hele, a oia ko oukou wa e ike ai ia’a, ua nalo ae au mai ko oukou k@iono mai, a pela no hoi me oukou apau, e nalo ana oukou, mai na maka mai o na hoa, loha, a owai la kakou ia lakou ke ike mai.

        Ia maopopo ana e na mea apau, i na olelo a ka Makai Kiu, ua phia loa ia lakou i ka hauoli, no na olelo a ka Makai Kiu.

        I kela wa koke no, ua noi aku la ka Makai Kiu Lau Omaomao ia Mr. Paka, i ka pane ana aku, e hoouna aku oe i kekahi kanaka ou e ku aku i na poe pio, a me kou poe kanaka pu, e hoi mai ia nei, i hana aku ai au i kau hapa hope loa.

        Ua ae koke mai la o Mr. Paka, a hoouna koke ia aku la kekahi elele e ku iaa poe ala, e like me ke kauoha a Lau Omaomao, a he mau minute helu wale no, aia hoi na mea apau imua o ke alo o ka Makai Kiu i kela wa.

        Oia kona wa i pane au ai e na hoa aloha o’u, apopo hora 6 o ke kakahiaka, e hele ai kakou apau ma kekahi huakai, a nolaila, ua makemake au e hoomakaukau mai oukou ina lio i keia la, i ole ai hoi e ulolohi.

        I kela wa koke no, ua kauoha koke ia akula na kanaka e hele koke aku, a hoohuli mai ina lio iloko o ka pa lio, a ua hooko ia ke kauoha.  A emoole, aia na lio iloko o ka pa lio kahi i haukawewe ai.

        I loko oia wa, ua kauoha ia akula na kanaka o Mr. Paka, e hopu keia a me keia i lio nona ponoi iho, a e hoomakaukau ina pono holo lio noia kakahiaka nui ae.

        A ua hooko ia ke kauoha me ka emoole, a ua lawa na mea apau ina lio, a eia ka huina a ka poe e hele ana ma keia hoakai he 63 ka nui, o Mr. Paka kana wahine, na kaikamahine elua, Henele Poe ma, na powa elima, a me 50 poe o Mr. Paka.

        A e hoomanao oe e kuu makamaka heluhelu, i ka hora 5 o ke kakahiaka o kekahi la ae, oia ka wa ka Makai Kiu Lau Omaomao e hoololi ai i ko lakou ano, a lilo i hiohiona kaokoa ae mai ke ano mua i ike mau ia e na mea apau.

        I ka makaukau ana o na mea a pau, ua hoi aku la lakou e paina i ko lakou aina ahiahi, a i ka maona ana, ua hoi aku la lakou e hoonanea iloko o ka rumi hookipa e luana iki ai.

        He hapalua hora mahope iho o ko lakou hoonanea ana, ua noi aku la ka Makai Kiu, e hookuu aku iaia e hoi e hana i kana hana, a la hookuu ia aku oia.

        Ua hoi aku la ka Makai Kiu Lau Omaomao, iloko o kona rumi moe a hoomaka aku la oia e hana i kana hana, e hoomaka aku ai noia kakahiaka a’e, oia kona mau laa@ hoololi kanaka, e hoanoe ai i ka heiehelena o ke ka@@ ke, a hiki i ka lawa pono ana.

        I ka hora 2 ponoi oia kakahiaka na ala ae la ua Makai Kiu nei a hoomakaukau iho la no kana apapna hana, oia hoi kona lawe ana aku i kana iaau puehu, no ka rumi hookipa a malaila oia kahi I noho ai a hiki wale i ke kani ana o ka hora 4 oia ka wa i akoakoa mai ai na mea apau iloko o ua rumi hookipa ala.

        I kela wa koke no, ua hoomaka aku la oia e hamo@@na laau nei la lakou pakahi a paa a iloko oia wa, ua loli koke aela ko lakou mau nanaina, mai ke ano kahiko, a ke ano hou, a pela no hoi ua Makai Kiu nei, a ua like loa no hoi ua Makai Kiu nei a kaua e kuu makamaka oiaio me na helehelena o ka maoli pua Carolina, ke hele a ai ka manu iluna.

        I ka pau ana o keia hana, ua hele aku la lakou e ai i ko lakou aina kakahiaka.

        A i ka pau ana, ua liuliu ne la lakou i ko lakou mau lio, a i ke kani ana o ka hora 6 ponoi, oia ko lakou wa i hoomaka aku ai e motio ko lakou alaheie no ke kahua o na powa.

        Ia lakou hoi i komo aku ai iloko o ke kulanakauhale, aia hoi na leo huro o na kanaka e hooho ana me ka hauoli, ia lakou nei, no ka pakela oi kelakela o ka nanai a me ka ui, aka, aole o lakou nei leo pane.

        Ua hoomau ko lakou hele ana a hiki i ke kani ana o ka hora 12 ponoi oia la, ua hiki aku la lakou i ke kahua, o ka Makai Kiu e hoolulu man ai, a i ka hora 12:25, ua hike pono aku lakou nei i ka puka o ka pa, a kikeke akula ka Makai Kiui ka puka, a oia ka wa o ke kiai i wehe mai ai a ike mai la i keia huakai ho e ku aku ana mawaho.

        I keia wa, ua wehe a la ua eneu o Misouri i kana pepa inoa, a haawi aku la i ke kiai puka, aia hoi iluna o ua pepa ala kamoa o Carolina, i kahakaha ia me na hua gula.

        I kela wa i hemo ai ka puka, ua ike koke mai la ka poe apau o ka hale i keia huakai nui e ku aku ana mawaho o ka puka, oia ko wa i hoouna koke ia mai ai o kekahi elele, e hele e ninau, owai la ua poe ala.

        I ka hiki ana mai o ka elele imua o ke kiai puka, ua haawi koke aku la ke kiai i ua pepa inoa la, i ka elele.

        I ka ike ana o ka elele i keia pepa inoa, ua hoi aku la ka elele, a haawi aku la i ua pepa inoa la i ka ni Kananimaeole, i kona ike ana iho i kainoa o kona pokii e kau ana, oia no kona wa i kauoha koke mai ai i ka elele, e hele aku oe, a hookipa mai ia lakou apau.

        I ka wai poha aku ai o keia leo kauoha, ua hala koke aka la ka elele, e hooko e like me ke kauoha, a hookipa i na poe malihini apau.

        I ka elele e kau-koe ala, ua kauoha koke ia aku @@ na lala o ka hui powa, e kaei ae i ka lakou mau mea kaua, a e ku hoi ma ka laina pololei, @o ka hoohanohano ana aku i kaui Carolina, a emoula aia ua poe ala, ke ku maila ma ka laina like, me ka h@himanu o na laka kaua, e luhiehu ana ma ko lakou mau poohiwi, a aia hoi na pahi kaua ke kai-ewa ala ma ko lakou mau puhaka, na laau iho hoi, aia ke kiai maila mahope o ko lakou mau kua.

        I ka huakai e hele mai nei a komo pono iloko o ka laina o na powa, oia no ka wa i haawi ia aku ai o na hoomaikai ana o ke aloha ia lakou apau, a pela no noi i panai ia mai ai e na malihini.

       

        I ko lakou ku ana iho, ua lele iho la lakou ilalo, a hookipa loa ia  aku la lakou iloko o ka rumi hookipa nui o ua Hotele ala.

 

        Aia hoi na kipona a ka ehaeha ke ha@aumu ala iluna o ka ui Kananimaeole, a me ka hookalakupua, o na kakai pali nihoniho o Misouri, ka Makai Kiu Lau Omaomao, iloko o kona kino ui, wahine maikai, a aia hoi, ke iho makawalu ala na kulu wai o Kulanihako@ mai ko lakou mau lihilihi mai, a he ku maoli no i ka eehia paumako, na kipona oia mau setona.

 

        I ka mao ana ae, o ka laua kuawili ana, ua hookipa loa ia aku lakou no ka lanai ahaaina, kahi hoi o ka ono a ka puu e koi ana, e haupa iho a ua hele aku na mea a pau no ka nuu ana i na ono he nui e ahu alala kukui mai ana, a malaila lakou i hoopiha iho ai i ka lua o ka inaina.

 

        I ke la wa a lakou nei e ai ana, ala ka maka o na mea apau ke kaulona ala maluna e ka hiohiona uani o Carolina, me ko lakou kuhi io maoli no he wahine, eia ka auanei he nioi wela, no Pakaalana.

 

        A iloko oia wa, a lakou e ai ana, ua kauoha aku la koui Kananimaeole i na mea apau, e lawe ae ina kiaha waina no ka inu ana no ke ola o ko’u pokii, a e wehe ae i ke pani o na omole, a e ninini iho ileko o na kiaha a e inu ae.

 

 

        Ke omaimai la no o John Ena.

 

        Ma ka Miowera mai i lohe ia a ua lele hou ae la ke kumukuai o he konaa mai ka 3.37 a ka 3.51.

 

        E haawi ana ka Bana aupuni he anaina puhi ohe ma ka hotele Hawaii i keia po.

        He ao paikau, kiki pu, a he mare a he ahaaina na hana nui o keia mau la.

        Nui na lio heihei e hookakelekele ia nei ma Kapiolani Paka, no ka la Kulaia o Kamehameha Nai aupuni.

 

        E weheia ana ke kau jure o ka Aha Kaapuni ma Wailuku Maui, ma ka 5 o June.

        Ke nana keaka ia la ko Hawaii ano e na haole o Potalana, Oregona.  Hu ka aka, a nui ka hoihoi ia o na mele Hawaii.

        He hoopii kai hiki mai i ka Papa Ola no Kauka Armitage, oia oia ma Honolulu nei, mai Wailuku mai.  No ka Beretania paha.

        Ua ku mai ka manuwa Lehua i ke ahiahi nei, ua holo hou aku la no o ua o Nihiaumoe.  He ulua paha keia ana e hahai loloa nei.

        Ua mare ia iho la o John Namuo me Hattie Mik@ma Honolulu nei i ka la 25 o Mei nei.  O H. H. Pareka ke kahunapule nana i hipuu ka berita, a o ka mea o laua e hahaki ana i keia berit, ua hewaia mea i ke Akua.  Nolaila, he mea paa ka berita mare, a na ka make e wehe, ke maikai ka noho ana o na mea mare.  Aka, he mama wale no nae ka hapanui o mare nei i keia mau la, a no la mea, e makaala loa olua o komo mai auanei o Satana e pepehi i ka mea laahia he mare.

        Ma Kona Hawaii ua hiki mai la ka lono, ua pau kekahi luahine i ka nahunahuia e ka Iole mongoose, a i ka Joaa ana aku i na moopuna ua aneane make oia.  Aole i loihi make io iho la no oia.

        I ka Auseteralia e hemo aku ana ma ka Ipuka kula he pahu nui ka lakou i lohe aku ai, a ua manaoia o ka hale hana panda ke kumu.

        Ua makaukau na Iapana e hei Iapana ina e ulu mai ana ke kaua mawaena o Rusia a me lakou.  He aloha aina oiaio keia.

 

HE MOOLELO HOONANEA

NO

EVALINA,

Ke Kukui

Uila o Dubelina,

A O KE ALOHA KAKIA I KA IWI.

 

A ME

HAROLANA,

Ka Eueu o na Kuahiwi

A O KA

Hoola o ka Lehulehu.

Hoohenoia no Ka Leo o ka Lahui a me Ka Oiaio.

 

        I ka pau ana o keia mau la he kanakolu, ua liuliuia ia ae la na hana e pili ana i ka hoolewa ana i ke kino o na mei elike me ke ano mau.

        O kekahi ia o na la nui a makolukolu o na kanaka iloko o Dubelina, ke kulanakauhale Poo Auouni o Irelani.

        O a hoi, ua huliamahi mai la na mea a pau i ka hele ana mai e kiei hope loa iho i na heleheiena kino wailua puanuanu o ko lakou mau moi aloha mai na palena like ole mai o ka aina.

        E hele ana mai ka elemakuie a kolopupu e kuoe ana i ke ala@a i ke keiki akahi no a omo iho i ka waiu o kona makuahine.

        He hoike ana mai hoi, aia na hana aloha a na moi i make ke lapuu la iloko o ka waihona noonoo o na makaainana a pau, ke kumu nui hoi kahi hoi nana i hoakoakoa mai i kela a me keia no ke kaa kumakena pu ana iloko o na ehaehua he nui.

        O ka Paalii, ua hoopau loa ia kona kapu, oiai e waiho ana na kino kupapau o na moi @ioko o ka malumalu o ka halealii, a aole hoi e hoahewa ia kekahi no ke kue i na rula maa mau o ka Paalii.

        Eia na pualikoa ke liuliu nei no ka hele ana i ka hoolewa, a ke kani kuike mai nei hoi ka leo nukupeu o na ohe, e hoike mai ana, ua makaukau makou no ka hooko ana i na hana hope loa maluna o ke kino o ko makou mau haku alii e moe lohi mai nei, a oia ka kou mea kakau i hoomanao ae ai i keia mau wahi lalani mele:

        Manaonao wale ka ikena,

        Kuululo i ke aloha,

        Uama ia iho paa iloko

        Pela hoi ua ikeia.

 

        I ka hiki ana ae o ka manawa i ka hora 9 o ke kakahiaka, aia hoi, ua owa mai la ka leo nakolokolo o na pukuniahi oloko o na papu, i ukali ia mai e ke luna o na moku kana o ke awa, e hoike mai ana, o ka wa keia no ka huakai kaahele hope loa a na alii aimoku o ka lahui Irelani.

        Eia ka huakai hoolewa ke naue nei, iloko o na loo kupinai o ka pukuniahi, a i panai ia mai e ka nei nakolokolo o ka leo o ka heaili, ka huila paea o na lamalama ahi o ka uila, me he mea la, e hoike mai ana na puali Anela e ka lani, ua komo pu lakou iloko o na aweawea o ke kumakena, elike me ka hana a ko ka honua nei poe.

        I ke kokoke ana aku o ka huakai hoolewa ma ka ilina kupapau, aia hoi ua ne i ae la ka leo kumakena o na makaainana e ku hoopuni ana i ka Pailina, no ka hoike ana aku i ko lakou aloha hope loa no na alii i hala.

        I ka pau ana o na hana maa mau no na kino make o na alii, ua huli hoi aku la kela a me keia no kona nome iho, me na manao kupilikia o ke aloha oiaio.

        A o kekahi pae hoi, e ui ana no ka noonoo koke ana i ke pani ma ka nohoaiii o ke aupuni, oiai hoi na makahiki o ke Keikialii, aole i lawa no ka hiki iaia ke hoomalu i ke aupuni, uiai na kuee @ ala mai ana mailoko mai o ka poai o kona mau makaainana ponoi.

 

        No keia manao, ua kahea koke ia ae ia na hoa o ka Ahakukamalu o na moi make e malamaia i halawai kuikawa no ke koho ana i Kahu Aupuni nana e hooponopono na hana nui o ka aina.

 

        Oiai hoi na makahiki o ke Keikialii opio, aole i kupono no ka noonoo kanaka makua ana.

 

        Ka mea hoi a lakou i kuhihewa nui ai, aole la i loaa ka noonoo kupono iloko o ka lolo o kona p@o e hiki ai ke lawelawe i kana miau hana a pau.

 

        I ka wa i akoakoa mai ai na hoa o ka Ahakukamalu, ua hoike mai la ka Lunahoomalu o ka Ahakukamalu, o ke kumu nui i kahea ia ai o keia halawai, oia no ka noonoo ana a me ke koho ana i Kahu Aupuni no ke Keikialu, mamuli o ka hiki ole iaia ke hoomalu i ke aupuni me ka holo pono.       

        No keia kumuhana, ua ku mai la kekahi hoa o ka hale a kamailio mai la, e pono kakou e kaana pono i ka mea kupono nana e malama, a i ole, e lawe mai lakou i ke Keikialii a e ninaninau ponoia.

        Ina paha, ua loaa iaia ka noonoo e hiki ai ke lawelawe i na hana pili aupuni me ke kokua ole ia e kekahi kahu malama.

        A mamuli paha oia hana ana e, hookaulana loa ia ai ko kakou aina, a e eo ai hoi ia kakou na mana nui hoomalu o na aupuni, e noho moi ia ana, ma o ka opiopio la o ko kakou moi, a e huliamahi mai auanei na makaainana a pau me ka puuwai hookahi wale iho no, me ka loaa ole o ke kuee.

        O keia mauao o kekahi hoa o ka Aha, ua lilo ia i mea nui, e hiki ai ke kaana pono ia e na mea a pau o loko o ka hale, a o keia hoi ka makamua loa o na moi opiopio loa, ina e hooholoia e lilo i moi no ke aupuni, ma o keia kumuhana la i hapai ia mai no ka nohoalii o ke aupuni.

        Mamuli o keia manao, ua kauoha ae la ka Lunahoomalu o ka hale, e lawe koke ia mai ke kino e ke Keikiahi opio, a e ninaninauia.

        Ina paha he hiki iaia ke pane mai i kekahi ninau e waiho ia aku ana nana e hoike mai, i mea hoi e loaa koke ai ka lakou pane, elike me ka makemake o ka mea nana ke kumuhana.

        Ua hooko koke ia keia manao, mamuli o ka mana o ke kauoha a ke Kahu o keia Aha, a ua hiki koke mai la oia iloko o ka hale, me kona mau helehelena i puia i ka ula ohelohelo o ka mea i muumoia ia e ka nani.

        A aia hoi na mea a pau o loko o ka hale, ua hoopihaia e ka eehia a me ka hauoli, mamuli o ke kulana ano kanaka makua o ko ke Keikialii komo ana mai iloko o keia anaina.

        Nana e kaana i ka pono o ka lehuiehu a me ia, ina ia he hana e holo pono ai.

        Ku iho la oia me kona oiwi kino maloeloe, mamua iho o k@alo o ke kuahu, kahi hoi a ka Lunahoomalu e haka pono mai ana kona mau mau maka me ka piha I ka hauoli.

 

        Ua wehe ae o Mirs Parisa I hotele ma Kailua Hawaii.  He pomaikai keia no ka poe malihini makaikai e holo nei e nana malaila.

 

 

KA PAPAINOAONA KIUREO KEIA KAU.

 

        Eia iho ka papa inoa o na Kiure o keia kau:

                W. Chang Hooa, J. Kuhia, J. Crowell, J. Paaniani, A. K. Kunuiakea, C. @. Kanakanui, J. Nalua, Hiram Kaaha, H. Kolomoku, Wm. Met@@, Peter Son@a, C. B. Dwight, James I. Holt Jr., J. S. Kawewehi, J. W. Akana, W. K. Waiamalo, John Raker, A. Kekai, John Wallace, C. L. Hopkins, D. L. Kel@pio, J. Kanealoha, Aohi K. Akau, M. Keliiaa, C. A. Long, H. E. Cooke, J. Kapali, Kaehi, J. U. Kawainui, T. R. Mossman, A. Bishaw, A. Morris, M. @. Robinson, H. Kahalewai, J. N. Joseph, J. W. Mahelona.