Ka Oiaio, Volume VII, Number 17, 28 June 1895 — Page 1

NUPEPA KA UIAIO

“O KA PONO KA AIALII E OLA AI KA AINA”

 

BUKE VII    HONOLULU IUNE 28, ’95   HELU 17.

 

HE MOOLELO HOONANEA

 

NO

 

EVALINA,

 

Ke Kukui

Uila o Dubelina,

 

A O KE ALOHA KAKIA I KA

IWI.

 

A ME

 

HAROLANA,

 

Ka Eueu o na Kuahiwi

 

A O NA

Hoola o ka Lehulehu.

 

Hoohenoia no Ka Leo o ki Lahioi

A me Ka Oiaio.

 

      Me kona nanao, ua make oia ma kana huakai elele, no ke oia o kona mau hoa kanaka.

      I ka pau ana o kana kamailio ana, ua helahoa aku la ola i kana aikane i ku@poi opie, me kona hoike pu aku iaia.

      O keia keiki opio e ku nei mako’u aeao, oia ko kaua haku, kamo opio hoi o Irelani Kahiko, a o ka mea hoi i kapaia e kona makuahine mamua ae o ka lele loa ana o kona hanu o Uilama ka Ehaeha.

      A ke hoolauna aku nei au iaia imua ou, ma ke ano he haku a he moi opio maluna o ka kahui aloha o Irelani.

      Ua lilo keia mau olelo i mea maikai i ka manao o ke Duke o Tent, a hui ae la lakou a pau iloko o ka hauoli palona ole.

      Mamuli o na hoopakele ana mai a ka mana laui i ke lakou mau ola, mai na enemi mai.

      Ua kauoha koke ae la hoi ke Kenela opio, a o kona hoaloha pilipaa hoi o na kahua kaua.

      E lawe koke ia mai i mau mea ana ko laua hoaloha a hoa make hoi o ka inea.

      A ua hooko keke ia mai la ke kauoha elike me ka mana o kana olelo.

      I ka wa ilawe ia mai o na mea ai imua o ua Duke nei, na kukuli iho la oia ilalo o ka honua, me ka naau i hele a makolukolu i ke aloha.

      Leha ne la kona mau makai kalani, a hoopuka ae lai keia mau huaolelo walohia.

      E na laui, e hoike aku oe i kuu mau hoahanau e noho hoomanawanui la iloko o ka pololi ka maeele iloko o ke anu, a me na poino e ae he lehulehu wale e hookokoke la ma ko lakou aoao.

      Eia au ke ai nei i ka lokomaikai o ko lakou moi opio, me ke kulu ana ko’u mau waimaka no oukou a pau.

      Ka mea hoi a ko kakou mau pepeiao i ai ma ke kahua kaua o ka ehaeha.

      He puuwai kona i hookaawaleia no ka hoohui a hoolokahi ana i ka manao o kona lahui.

      Mailoko mai hoi o na hoeulu mokuahana a me na kuee e haunaele ai ka aina.

      Ke ike nei au i ka oiaio eia mau olelo, aole hoi he mau lohe makani wale no.

      Aha, he mea, oiaio loa, elike me ia a’u e ike nei. Amene.

      O keia mau haolelo kaukau ana i nonoi aku la i ka lokomaikai o ke Akua, ma ke apo he ikemaka i ma ehaeha oia mea he kaua.

      Ua huli pono mai la ke alo o ka moi opio me ua manao kahaha o ka mea i piha i ke aloha hoa kanaka, e kaulona pono ana i kona nanaina maluna o keia kanaka opio puuwai hoopono.

      A mamuli hoi o keia mau olelo hooni puuwai a ua Duke nei no kona mau hoa.

      Ua pane koke ae la ka moi opio me keia mau olelo:

      Pomaikai au i na ha lehulehu na kanaka puuwai hoopono elike me kou, iloko o ka lahuikanaka kupaa o Irelani.

      E hoomau aku ma ia alahele nani a maemae, a e lilo auanei oe i kanaka kaulana loa a pookela iloko o Irelani.

      I ka pau ana o keia mau olelo a ka moi opio, akahi no a lalau aku ua Duke nei i kana mau mea ai i lawe ia mai ai a hookom ae la i koka waha, ua ai iho la oia a hiki i ka maona ana.

      Ua hoolilo ia keia manawa mawaena o lakou pakahi, i wa kamailio, no na mea e pili ana i kona alualu ia ana mai o na kii.

      Ua hoike pu mai la no hoi oia, aia he pualikoa nui mamua aku o lakou kahi i hoomoana ai.

      E kali ana, o ka hoea aku o na kokua mai ke kulanakauhale mai, a ua paa pu hoi na wahi a pau i ke pahiku ia.

      Me ka makaala loa ia o pa wahi a hiki ai ke loaa aku o na lako ai ina koa Irelani.

      O keia na pilikia e hekau la maluna o kona mau pualikoa, oiai hoi ka hapanui ua pau i ka make.

      O ka moi opio, mamuli o keia mau olelo a ke Duke, ua hiki ole iaia ke hoomanawanui i ke ka@ ana a hiki i ka wa e ala mai ai o kona nau koa mai ka hiamoe mai.

      Nolaila, ua hele koke aku la oia ama kahi o kona lio e ku ana, a me ka ike ole ia mai e kona mau ukali pilikino.

      Kau ae la oia maluna o kona lio, i aia hoi kana pahi kaua e kahei ana ma kona aoao, ame kana newa pu hoi e kau ana mahope o kona noho.

      Hoohele malie aku la oia i ka holo ana o kona lio, a hiki i kona wa i ike iho ai ua mamao oia mai na wahi mai a pau o kona mau pualikoa.

      A o kona wa no hoi ia i kuupau aku ni i ka holo o kona lio, ke hale la a ku ka huelo i ka ihona pali o Nuuanu.

      E ahai ana iaia no mua o ke kahua kaua o kona mau enemi.

      I keia wa ana e holo aku nei, o ka hora 9 ponoi ia o ka po.

      A he po pouli hoi ia, e hahi ana maluna o ka honua, me he koloka pouli la no ke akua pehu.

      E kokolu ana ka hau me ka huihui nui, a o ka moi opio hoi, ma uhi iho la oia i kona koloka hele po, pale ia ae ai keia anu e kahuhola nei ma ke alahele ana e hele aku nei imua.

      Aole i liuliu koua holo ana aku imua, aia hoi, ike aku la oia i ka a mai o na kukui o ka poe Pelekane a me na Sekotia iloko o ko lakou mau hale lole.

      A no’e hoi he maaloalo mai o na koa kiai mawaho iho o na hale lole hoomoana.

      A me na wahi e ae e pili kokoke ana i ko lakou kahua kaua.

      Oiai hoi ke anu, ua iniki aku la iko lakou mau ili.

      A ua hiki ole loa maoli hoi ia lakou ke ku kiai ma ko lakou mau wahi i hoonohoia mai ai.

      A ua nele pu no hoi lakou i ka hoomanao ana ae eia kekahi mea kino ola uhane ke hele aku nei iloko o keia aumoe e hakilo i ko lakou kulana.

      A oiai hoi na ahi hoopumehana ea ana iloko o ko lakou mau pupupu hale lole.

      O keia ke alahele maikai loa a ka moi opio i ike aku la.

      Me ka hauoli nui o kona naau, hoohuli hou ae la oia i ke poo o kona lio ihope, kahi hoi a kona mau koa e hiamoe ana.

      Iaia ma kahi he 800 i-a, puhi ae la oia i kana o le gula, e hoike aku ana i kona mau hoa.

      Ua lawa ka wa no ka hooluolu ana, a e haalele koke aku hoi i ka hooniponipo ana me Niolopua.

      O keia leo kani o ka o-le, i panai ia mai me ke pohapoha a o na kapu ai o ka lio o ua moi opio la.

      Ua hoohikilele koke ia ae la na mea a pau mai ko lakou hiamoe mai.

      O ke Kenela opio a me ke Duke o Tent, ua eleu koke ao la laua no kahi o ko laua mau no e ku ana.

      A mamua ao o ke komo ana mai o ka moi opio iloko o ke kahua hoomoana, aia hoi laua ke holo aku nei me ka puahi nui, ma kahi o ka leo o ka o-le e kani kapalili mai nei.

      I ko laua hookokoke ana aku makahi a ke kau lio opio e holo mai nei, a he 5 wale no oi kapuai ka mamae mawaena o lakou pakahi.

      Ia wa i kahea koke mai ai ka moi opio me ka leo nui:

      Owai keia mau holo lei o ke kulu aumoa?

      He enemi anei, a i ole he mau hoaloha paha?

      E pane koke mai, mamua o ka hookui ana o ka oi o ka maka o ka kakou mau mea kaua.

      O keia ninau ma ko ka noi opio aoao, ua lohe pono aku la kona Kenela, a pane aku la ma ka hoopokole ana i ka olelo:

      He mau hoaloha no ka moi opio o Irelani.

      O keia panei panai ia aku la maka aoao o kona mau hoaloha, oia ka mea nana i kaohi aku i ka holo o ka lio o ua moi opio la, i hele a auau i ka wai hou e kakahe ana ma ka aoao o kona lio.

      Kalelel iho la oia iluna o ka omuku o kona noho e kau ana a nana mai la oia ia laua me ka nana pono ana mai.

      Ina paha he oiaio ka laua mau olelo i hai mai ai iaia, a oia hoi ka ke Duke o Tent i awiwi aku ai maka ninau ana:

      E ko maua h@ku maikai, ihea kou lio o keia aumoe?

      Oiai hoi na mea a pua, ua haawi i manawa hooluolu no ko lakou mau kino, a koe o oe hookahi wale no, e aia ana o keia aumoe?

      Pane mai la oia me ka leo akahele malie:

      Ua haalele aku au ia olua ma ko kakou kahua hoomoana, a kamoe aku la au ma kahi i hoopaa ia ai o ko’u lio, a me ka ike ole ia e ka poe nana e malama ana ko kakou mao lio, na kau ae la au me ka palamimo loa.

      Holo aku la au me ke akaka ole o ka’u mea e hana ai, oiai, aole i maopopo ia’u ke alahele mamua aku nei o kakou.

      Aka, o ko’u akenui i ekal wa ko’u hele maoli e nana pono i na alahele e hui aku ai me ko kakou mau wahi koa kakaikahi e noho hoomanawanui mai la, mamua o ke alo o ko kakou mau enemi.

      He oiaio, ua holo pono ma mea a pau a’u i akenui i na hora i kaahope ae nei.

      Oia hoi, o ke alahele e hiki aku ai kakou me ka maalahi loa i kahi o ko kakou mau pualiko.

      Oia no ko kakou hanalele koke ana iho i keia kahua hoomoana, a holo aku me ka awiwi nui, a hoopu ni koke ae i na pualikoa hoohalua o ko kakou mau enemi.

      E noho la iloko o na pupupu hale lole me ka paiaka a nanea, me ka malama ole ia o ko lakou mau wahi kiai.

      Nolaila, i keia wa, malalo o ka manao hana e hoopakele ia ai ko kakou mau ola a no ka pomaikai hoi o ko kakou aina.

      Eia ka wa no kakou e haalele ai i keia wahi me ke kali hou ole aku i mauawa hou.

      O keia mau olelo a ka moi opio, ua lilo ia i mea maikai i ka manao o kona mau hoaloha elua, ma ke ano, o kaua iho la kona mau hoa kuka iluna o ke kahua kaua o ka hanu ana i kekahi hana.

 

KE

 

Kii Makana

 

A ka Nupepa

Ka Oiaio.

 

      I ka poe uku mua i ka uku makahik, o ka Buke VII e hele nei, e hiki mai ana ma ka Auseteralia o ka ka la 27 o keia mahina.

      He kii keia o ka Moiwahine e noho ana me kona kahiko alu piha maluna o kekahi noho me ke Kalaune.

 

      E loaa no keia kii maikai o ka Moiwahine i ka poe aloha io iaia, e ake ana e malama i Kona mau helehelena ma ko lakou mau home, maka uku mua ana i ka uku makahiki o ka nupepa i ka pau ana o ka la 30 o Iune, 1895.

      John E. Bush,

      Luna Nui o ka L, a me K. O.

 

Ka Makai Kiu

Lau Omaomao.

 

K. Kaaea o na kakai pali nihoniho o Misouri.

 

KAIMEA NANA I HOOOKA KA POWA IEKE A ME KONA

 

PUALI HOLOKOA.

 

A I OLE:

 

Ke Aka kino wailua o

Ke kuluaumoe

 

KA MEA NANA I HOOPAKELE

NA KAMAHELE O KA PO,

 

Ka mea nona ka ipu kukui kamahao ina oe.

 

      Ua pane koke mai la kahi kamaaina aole iloko o keia lua, aia no iloko o ka rumi a kakou i noho mai nei, aia ilaila na mea a pau.

      I ka lohe ana ka Makai Kui i keia hoike a ke kamaaina, ua auli maila oia a pane mai la e kuu @ aloha, ke hoomaikai aku nei au ia oe, no kou hoike mai i ke mea oia oa ano, e hoi kakou.

      Pane hou aku la no ke kamaaina, aole kakou e hoi ana ma ke ala a kakou i hele mai nei, aka, he ala okoa ko kakou e hoi ai, a hikii ka puka ana iwaho.

      Pane aku la ka Makai Kiu, no ke aha hoi kakou e hoi ole ai ma ke ala a kakou i hele mai nei?

      He ala loihi loa ia, a he ukana oui hoi ka kakou e hapai pu nei, a nolaila, aole e pono ma keia ala, aka, ma ke ala pokole malaila kakou.

      Ua pono wahi a ka Makai Kiu, ae alakai pololei oe ia makou, i pakele ai kou ola mai ka make ae e kau mai ana.

      Ae, e hooko no au, e like me kaoi olelo aku nei imua ou, a o oukou a pau, oiai, aole au mea e hopohopo ai, oiai, ua pio mokou a pau

      I keia wa, aia ka pahu o ke kiaa ma ke kau ala iluna o ka manele, a oia no ka wa, o ka Makai Miu i kaueha aku ai i na kanaka e auamo a hoomaka aku e hele, a ua hooko ia ke kauoha, a na kahi kamaaina ke lakai ana.

      No 15 minute wale ao o keia hele ana, ua hoea aku la lakou ma kekahi aoao, oiai ka malamala e pahola ana ilalo o ua lua ala.

      Ma keia wahi, ua pane aku la kahi kamaaina, e hoomaha, a hoomaha iho la lakou.

      Ia wa koke no, ua olelo hou aku la ke kamaaina i ka Makai Kiu, aia ma kela kumu laau e ku mai la aia malaila he pani hae kila manoanoa, a ke hemo ia, alaila ala kakou a pau iloko o ka Hotele kahi i noho ai, a oiai hoi, na ike ao ua lawa ka ikaika ume o kou mauaahuki e hiki ai ke hemo kela pani hao, a noia kumu kou olelo ana aku nei ia oe o ke ala pokole keia.

      I ka lohe ana o ka Makai Kiu i keia olelo a ka kamaaia@ ua pane aku la oia, e haele hoi na kaua e wehe i ua pani ala.

      Ae, wahi a ke kamaaina, a haele aku ia laua.

      Ia laua no a hiki mawaho o ua pani hao ala, oia no ka wa o na lima wikani o ua eueu nei o Misouri i lalau aku ai i ua kukuna a um@ ae la, a iloko o ka imo ana a kamaka, ua ulaa pu ia mai la ua @ani ala a haule pahu ana ilalo, a oia no ka wa i ike koke aku ai ka Makai Kiu i ka malamala o ka la.

      I kela wa, ua pane aku la ke kamaaina, mai keia wahi aku, a hiai i ka Hotele, he 10 minute wale no.

      Ia wa koke no, ua kauoha koke aku la ka Makai Kiu i na kanaka hapai pahu e hapai mai ka pahu o ke kiaaina, a wa hooko ia ke kauoha.

      I keia wa a lakou a hoi nei, ala no na maka noi o ua Makai Kiu nei ke haka pono ala ma na wahi a pau, oiai, aia no iloko o kona noonoo e nalu ana, ana hoi i koho ai eia no paha ma keia wahi ka lua huna o na waiwai a keia hui powa kahi i wahiho ai, a i ole aia paha ma kekahi wahi no o ka Hotele aka, aole oia i ninau aku i ke kamaaina.

      He mea oiai, e kuu makamaka heluhelu, ua pololei kela koho ana a ua Makai Kiu nei a kaua, aka e kali iki iho nae hoi kaua, a hala ae ka ua ka mea makau.

      Ia lakou nei e hoookokoke aku ana i ka Hotele, ua ike mai la na mea a pau, i keia pahu kupapau e auamo ia aku ana, ua hooho mai la lakou me ka leo nui, o ke Kiaaina! o ke Kiaaina!! eia ae ke hoihoi ia mai nei.

      He mau minute mahope iho, ua komo aku la ka huakai iloko o ua Hotele ala, me ka lakou uakana nui, o ka ehaeha.

      Ua hoihoi loa ia aku la ke kino wailua o ua Kiaaina ala a waiho ia iluna o ke pakaukau, e ku ana iloko o ka rumi hookipa o ka powa Rubine Huka, a ua kaa hoi na hooponopono o ke kauoha a ka Makai Kiu Lau Omaomao.

      Iloko oia wa, ua huli ae la ka Makai Kiu Lau Omaomao a pane aku la i ka lede Kananimaeoile, e auhea oe, eia ke kino wailua o kou papa aloha, a e kiai ia hoi me ka makaala loa, a hiki i ke kakahiaka o ka la apopo, alaila, hoi kakou, a i keia wa e hele hou ae au e huli ike koena i koe o ka’u hana.

      Heaha ia hana au i koe e kuu aloha wela e hooluhi wale nei no i kou nui kino?

      He ha@, a oia ka hope, alaila, pau kau hana.

      Heaha hoi paha ia hana, e ke aloha, malie hoi o hiki iau ke hoike aku ia oe, oiai, ua makemake au e noho pu mai no kaua, e kiai ia papa.

      Pane aku la ka Makai Kiu, e ka lede maikai, o ka hana au e ake nei e loaa, oia hoi ka lua huna, o na waiwai a keia hui powa, i lawe mai ai, a malia aia paha iloko oia lua kekahi mea e pili ana i kou papa aloha.

      Ia laua no e kukai olelo ana, aia no kahi alakai ke hoolohe maila, a i ke kuu ana iho o ka leo o ka Makai Kiu, ua pane koke mai la o Keoki Lamelaka, aia ma ke kihiakau o keia rumi, aia malaila ka lua huna, e like me kau i hoike aku ai ia oe, eia iloko o keia Hotele na pono e ae o ke Kiaaina i make, a kakou hoi a pau e ike nei i kona kino wailua.

      Aka, aole o kona wale, aka, o kona mea a pau i nalowale aku ko lakou hanu ola mai keia ao aku.

      E kuu hoaloha oiaio ke hoomaikai aku nei au ia oe, no kou loike i na mai mea a pau me ka pololei, ano, aua makemake au e iko iua lau ala i keia wa koke no.

      I keia wa koke no, ua haele aku la laua, a hiki ma kahi e ku ana ke kahua pohaku mapala, poo Liona, a e kau ana na kua palapala i kahakaha ia penei.

      O Robine Huka, a weli o na paemauua o Misisipi nei, ka h@ena hoi o na oawa kuhoho o kona mau kualono, a o ka mea e hoopa i keia kia mapala, e make no oia, a e ka@ ia hoi ma ke kumu o keia kia mapala.

      Oa au hoi ke ki o kekahi lua waiwai nui le loaa wau iaia, a lanakila oia, nona ke ao nei a pau, ahe alii hoi maluna o ke gula, ke da@ mana a me ke dala.

      Aole paha i poina iki kuu hoa heluhelu, i na helu i hala, kela mau hua palapala, a ka Makai Kiu i heluhelu ai i ke kula, oiai oia i ke kahua hoolulu e ka powa leke mana ululaau o Misouri, i kahakaha ia hoi ma ka elelo Hebela, a me ka olelo Heleua.

      Ua heluhelu pono aku la o Lau Omaomao i ua mau hua palapala ala a pau pono, a oia kana i akaaka iho ai, a pane aku la i kona alakai.

      Ua hehena ia paha ka mea nana keia mau hua palapala i kahakaha, me kona manao kuhihewa, aole he mea e ae nana e hoohelo i kona mana.

      I kela wa koke no , ua kauoha aku la ka Makai Kiu, i kona kamaaina, i ka pane aku, a ano a o nana mai oe i kau hana aia i keia kia hoomanao, a e ike no oe, aole oia e ku hou ana ma keia wahi no ka wa mau loa, i na io o keia @ malapa ke ki e hemo ai ka luahua waiwaia ka powa Rubine Huka.

      Me ka hookau lua ole iho o ua eueu nei a kaua, ua kulou iho la kona poo ilalo, a ana puni ae la kona poo ilalo, a ana puni ae la kona mau lima ia ua kia ala, a oia no kona wa i ume ae ai iluna, a iloko o na setona pokole loa, aia hoi, ua lohe ia aku la ka halulu ana, a ulaa pu ia ae la ke kahua o ua kia pohaku ala i ku ai, a waiho ana i kahi e.

            I kela wa, ua ike aku la kahi alakai, i ka kaheawai ana mai o ke koko ma kona ihu oiai hoi ua puni kona kino i ka ula, oia ke koko e holo puni ana ma kona mau aa koko a pau.

      I ka hemo ana mai o keia kia pohaku, aole loa he pane leo iki o ua Makai Kiu nei, oiai, ua wela kona kino holookoa mai o a o.

      A hala he elima minute, akahi no a niki ima ke loaa ka noonoo maikai, a pau no hoi ke kahe ana o ke koko, mai kona mau pukaihu aku.

      Ia wa, ua pane aku la ka Makai Kiu, e ku’u hoa’loha, o keia ka mua loa o ko’u ike ana, e kahe ana ko’u koko iwaho, aole mai mua mai.

      Pane mai la kona alakai, aole no @kahi kanaka iloko o ka hui powa o Robine Huka, i hiki iaia ke lapai i keia kia pohaku, aka, ia oe, ke ike nei au, ua pa tausani io kou ikaika, a oia kau e weliweli nei, he iha la auanei kau hana, e hana mai ai ia makou ma keia hope aku?

      Pane aku ia ka Makai Kiu, aole iu e hana aku ana i kekahi hana e hoopoino aku ai ia oukou a pau, aka, e hana aku ana wau i ka hana e hoopomaikai ai ia oukou a pau, ek ai oukou e hahai mahope o’u, a i ma oukou e kue, alaila, na ke kanawai o ka aina e kau i ka hoopai maluna o koukou pakahi a pau, aole aoi na’u, oiai, aole ia o ka’u hana, ika, he hoopakele au no ka poe i hoopilikia ia.

      Nolaila, aole o kaua olelo no ia mea, oaia, eia kaua i kahi o ka hana, a o ka kaua hana wale no, e kou @o@ke hou mai iau, auhea, ke ki e hemo ai ai ke nani o keia lua, oiai, ke ike nei au i keia papapohaku mapala e waiho nei, me na wai hooluu like ole, i like hoi me ko ke anuenue.

      Pane mai la kona hoa’loha, e nana iho, a ike iho oe i kekahi p@ne daimana ma ka hapalua like o au papapohaku ala, alaila, e kaomi iho oe malo no ekolu manawa, a nuki ae iluna, alaila, oia ka hemo ana a waiho wale mai o lalo, a olia no ko kaua wa e ike aku ai i na waiwai like ole, ma ka paia o keia lua waiwai hui.

      I ka pau ana no o ka olelo ana a ko@a nei kamaaina, oia no ka wa o ua Makai Kiu nei i lele iho ai iluna a ua pani pohaku la, a nana pono iho ia i ke pine daimana, a ike iho la keia i ua pine ala, ua like kona nui me ka naawe lauoho, oia no kona wa i kaomi iho ai ilalo, no ekolu manawa, a huki ae ia iluna, oia no ka wa i hemo koke iho ai ua pani ala, a huhwale ae la o lalo oau loa ala.

      Ia wa, ua i@e koke aku la ka Makai Kiu i kekahi alapii gula, e kuaua ma ka aoao hikina o ka waha o ka lua, ua ninau ae la oia i kona alakai, o ke alanui anei keia iho ai ilalo?

      Ae, oia no, wahi a kona alakai i pane iho ai.

      E iho mai hoi ha oe ilalo nei, a iho pu aku ai hoi kaua iloko o keia lua, wahi a ka Makai Kiu.

      Ae, wahi a kona alakai, a lele iho la oia ilalo, a u iho loa aku la ilalo loa o ka lua, e nana i na waiwai e ahu a lalakukui mai ana, o na ano @ke ole @ mui.

 

Haule, a i ole aihue ia Paha.

 

      Ke hoike ia aku nei ka loha i na mea a pau, i na o ka mea, a mau mea paha iaia kuu pine gula niho puaa i haule, a i ole, i aihue ia naha, he pono ke hoihoi ae ma ke Keena o Ka Leo, i ka po Peaha a aoae Poalima, ka @lo ana mai ko’u hale noho aku. Ua hoailonaia keia pine gula niho puaa me keia mau hua palapala: H.M.A., a ina hoi aia i kekahi o ko’u mau hoaloha, e hoihoi ae ma ke Keena o Ka Leo, a na’u e uku kou luni o ka malama ana, a me keia hoolaha ana.

      A ke noi pu ia uku nei na hale hala gula a pau, i na e ike oukou i kekahi pine gula niho puaa, me kela mau hua inoi i hoike ia ae la, ua loaa ka mana ia oukou, a i kekahi paha o koukou, ke hopu mai ika mea nana e lawe aku ana na pi@la.

      Owau iho no.

      Mrs. Ann Huli.

      Apua, Iune 17, 1895.

      June 17 i wkd.

 

HE MOOLELO KAAO HAWAII

 

NO

 

LAUKALELE.

 

Ke Kino Kamahao Iloko

 

O KA

 

Punohu Ua-koko.

 

      I ka pau ana o keia mau olelo a Makanikeoe, ua kukuli hoomaikai mai la na poe malihini i Nana i ko lakou makemake me na hoomaikai imua o ka mea nana ka olelo ao imua o lakou me na manao hauoli no ka palekana no lakou mai ka pilikia ae.

      A mahope iho o na olelo ana, ua huli hou aku la ka eueu o Hawaii a loaa kona kaikuahine Laukaia@e me kana alii kane ma Waimea, kahi ana i haalele aku ai ia laua ia po.

      A ha ninau mai la o Laukaieie iaia, e hai mai i kau mea i ike no na ohana a pau o kaua ma ka lakou huakai hele aku nei.

      Nolaila, ua mai aku oia i na mea a pau ana i ike ai, e like me na mea apau i hai mua ae nei.

      A@ia ka ka mea nona keia moolelo i noonoo iho ai me na kulu waimaka e hoopulu ana i kona mau lihilihi mai ana mai kona mau onohi maka alii mai.

      Me ka puana ana ae i keia olelo @lohi wale o ke aloha nui poina ole i kona mau hea o ka pali o Waipio.

      A hoomaka ae la oia e kanaenae ne keia mau hua mele.

      Aia la o au lehua i luna o Kaukini

Ua manuheu i hola ka liko ka pua

Pua mai ana ke aloha i ou nei

Me kaukana a ka lihilihi he waimaka

l'ou hoa o ka noe no na pali o Waipio

Aole e pio ke aloha i kaumauma

Ka lalama iloko ou e noho nei

Me he ua lei kokoula ala

Ke aweawe i ka welalau pali

Oia mau pali nui o ka aipa

He mea ole wale noia ia kakou

Iuka i kai kakou

Ina pali huliana o kakaauki

Kii hola ke ahi papala me kaauhau

Ke ahi moe ipo o kamaile

Ua hiki iho nei ka hihio io'u nei

Keka hoa ka aloha ou haku

O'u hoa i ka wai o ulu

Ulu au i ke aloha aole e pau

Eia au a hiki aku

Me ka lei aloha o kakou

Aloha wale

E ka pau ana o ke@ mela a Laukaieie na pane koke aku ia oia i kona kaikunane aiwaiwa e haalelel koke lakou ia Waimea ia po.

      Ua hooko koke aku la o Makani keoe i ka olelo a kona kaikuahine me ka hakalia ole elike me ka anap@ ana a ka uwila i ka lewa

Ua niki aku la lakou nei ma Nualolo ma kaki o koua ohana a pau e noho ana me ka piha hauoli i na ieaiea oia no e hana ia ana e na kamaaina.

      Aka aole nae he ike iki i loaa lakou apau e ia ke hakilo ia iho nei e ka mea nona keia nanea maluna iho o ka lewa me he iwa kauaheahe ala i ka makani.

      Aole paha oukou i poina i kana olelo, na kaana oia i ka pono a me ka hewa.

      Nolaila, ua loihi na la o ko oukou noho noomanawanui ana.

      A he mau hoa i alo pa  i na ehukai e waiho mai nei, a he mau hoa kulolia no na mekupani a kakou i hale mai nei.

      A ke nele au imua o oukou, nol he puuhonua no oukou, nolaila, mai hopohopo a wakau no oukou iho, aia au me oukou i na wa a pau loa.

      A e hooko pakahi ia aku ana ke oukou makemake e h@e, me au nei a me kou mau kaikuahine a he oi aku ia manao ana mamua e ko oukou noho kane ole ana.

      A i hana pono ole aku oukou ma keia mua aku o ko oukou noho ana, me oukou aku ne ia.

      Aalo ia me au a me L@kaiole, oiai, ua ike maka oukou ia Hiilawe auhea oia i keia wa.

      Ua nolowale oia mai a Kaulanihawa@e a lilo ia Kala@hia.