Ka Oiaio, Volume VII, Number 21, 26 July 1895 — Page 3

Ka Oiaio.

 

HE KOI POHO MUA

            Maloko o ka P. C. Avataisa, ua ike iho la makou i ka oiaio o na lono i lohe waleia, na waiho aku la o Kuhina Willis i ka leta a Peresidena Cleveland ia Peresidena Dole e koi mai ana e uku ia aku ke poho o kekahi okona kupa, no kona hopu a hoopaaia ana i na la o ke kau kaua kuloko o ka la 6 o Ianuari, A. D., 1895.  Ma keia koi a Amerika, ua ham@ma ka ipuka no ke koi poho ana a na aupuni e ae, nona na kanaka i hopuia e like ae la me ia.  O keia pono nae ua pili wale no mawaena o na aupuni e me ko kakou repubalika, aole no ka Hawaii, koe aku paha na kumu hoohali hana a na aupuni nui maluna o na aupuni liilii, e like me Farani a me Rusia, e hoimihala la ia Iapanana a me Madegaseka.

 

HE MOOLELO HOONANEA NO EVALINA,

KE KUKUI Uila o Dubelina,

A O KE ALOHA KAKIA I KA IWI A ME HAROLANA,

Ka Eueu o na Kuahiwi

            Aia ka poe puni mele me ko lakou mau leo hooni puuwai e kukala hea la i ka lewa.

            Ke hana mao ole la hoi ke kani o ko lakou mau kileo mai ko lakou mau waihona hoahu mai no ia mau hana.

            A i ka nana aku, he nani a uluhiehie maoli no hoi ka lakou mau hana.

            I ka pau pono ana a@u o ka huakai a na pualikoa iloko o ka Paalii oia ka wa i lele iho ai o ka moi opio mailuna iho o kona @o e ku ana.

            I kokua ia mai hoi e kona alihi kaua nui o ke kahua kaua, kona Kenela opio hoi.

            A o kona ukali pilikino hoi, a hoa ohumuhumu ma kana maa lawelawe ana.

            Aia no hoi ke Duke o Tent a me na aliikoa kiekie e ae o ka puali e ku ana ma kona a@ao.

            Pii aku ia oia a me kona mau ukali ma kealapii o ka lanai o kona halealii.

            Huli mai ia oia imua o ke anaina o kona mau pualikoa e ku aku nei me na helehelena o ka hauoli @ haiamu ana maluna o lakou.

            A aia hoi kona mau makaainana ke nana aku nei iaia me na leo ohohia o ka hauoli.

            A pane mai la oia i keia mau olelo hooniua puuwai:

            E na keiki o ke kahua kaua, ka poe i poni ia me ke koko o ka wiwoole.

            O ke aloha onipaa i ka aina ha@au, a me ka moi, oia ka ume pipili nana i hoolilo ia kakou i hookahi pana ana.

            Ka poe hoi aʻu e nana aku nei ma ko oukou mau onohi maka pakahi.

            Me he inea la, eia no kakou iloko o ka au@aha koko kahi i hakoko ai me ko kakou mau enemi.

            Ka poe nana kakou i lawe olohelohe aku maluna o ke kahua kaua, iloko o na @ loihi i hala ae nei.

            Ua kaawale aku oukou mai ka poli aku o na wahine a me na keiki liilii.

            Mamuli hoi o ka maa mau o na aupuni i noho hoomalu ia e na alii Aimoku.

            E like papa me koʻu luaui i haalele mai iaʻu e auamo hookahi aku i na ehaeha o keia ao.

            No oukou, e hookuu aku ana au ia oukou e hoi e hoomaha iloko o ka poli o ka @ukou mau wahine.

            A e malama hoi i ka oukou mau keiki malalo o koʻu noho hooponopono ana.

            A e lilo hoi oukou a pau i@ poe nana e ai ka waiwai o ka aina me ke keakea ole ia.

            E haawiia ia oukou na makana mui a koikoi mai ko kakou aupuni aku.

            A e uku pu ia hoi oukou mai koʻu mau @a ponoi aku, a mai ka waihona @ hoi o ka lahui kekahi.

            O na makana a pau, e waiho mai nei imua o ko oukou mau alo i keia wa, a ko kakou mau hoa kanaka i lawe mai nei na oukou.

            E lalau iho me ko oukou mau lima, a e hoihoi aku na ka oukou mau wahine a me na ohana pakahi o oukou.

            O koʻu aloha, aia ia maluna o oukou a pau, a ke nana aku nei au me ka ehaea o koʻu naau no ko oukou kaawale ana mai aʻu aku.

            Ke no@ aku nei au ia oukou i keia po a hiki i ke ao ana.

            E noho pu oukou me aʻu maloko nei o ka Paalii, no ka ai ana iho i na mea i hoomakaukau ia na kakoo.

            Ke haawi aku nei au i koʻu aloha nui ia oukou a pau, a pela pu hoi me koʻu mau makaa nana a pau i akoakoa ma nei maloko o keia wahi, aia pu me oukou kuu aloha a nui.

            Aloha oukou.

            I ka pau ana o na olelo kaukau a ka moi opio Uilama, ala hoi, ua panai koke mai la kona mau pualikea i na leo hooho o ka hauoli.

            I panai pu ia mai hoi e kona mau makaainana e ku pohai mai ana, a ua like na leo hooho ia wa, me ka pe-i ana o na pukuniahi he mau tausani.

            A o keia hoi ka wa i kono ia mai ai na aliikoa a pau a me na koa pu e ka Puuku o ka moi e hele aku iloko o kekahi lanai nui i hoomakaukau ia.

            No kekahi he@na kanaka nui e hiki ai ke kohoia aku m@ kahi o na miliona ma ka pilikia ole.

            O keia leo poloai, ua hooko koke ia me ka hauoli nui, a aole hoi o lakou wale no, aka, o ka lehulehu holookoa no a pau.

            Ua ai na mea a pau @ie ka hauoli nui, no ka loaa ana o keia mau haawina hoopomaikai maluna o lakou pakahi.

            He elua la o ka malama ia ana o keia paina hauoli nui, a ua lawa pono hoi ka lehulehu no na mea ai i hoomakukau ia.

            I ka pau ana o keia mau la hauoli, ua hookuu ia aku la na pualikoa i komo kukonukonu iloko o ka luhi a me ka inea.

 

HE MOOLELO KAAO HAWAII NO LAUKAIEKIE.

Ke Kino Kamahao iloko O KA Punohu Ua-koko.

            I luna no ka la ua ho-a ia ae la na kupuahi a loaa he mea ia ua maa mau i ka poe kahiko a puni keia pae aina.

            A oia no hoi ka mea nana e hai mai i ka lehulehu, he mau lealea ano nui ke hana ia ana ma ia po.

            Ua maa na alii a me na makaainana ia mau hana hooulu a hoolaupai i ka lahui a ua nui hoi na kanaka i ike ia e noho ana maluna o na mokupuni ewalu, a ua nui wale hoi na kapuahi i ho-a ia ma ia ahiahi maluna o No@nou a me Kalalea.

            Aia hoi kekahi mau ahi maluna o Kalanipuu a me ka pae puu o Haupu a hiki i Kahoaeae.

            Aole hoi maluna wale o na puu, aia kekahi ma na wahi kokoke ike kahakai.

            Ua ike ia ke kauluwela nui o ke ahi maia po mai Hoomaikawaa a ka lae o Ninini ma kai o Kalapaki a me Nawiliwil@ ke awa ku moku kahi hoi o ka nau i olelo ia e Maunakilika i make iho nei.

            Aia ma keia mau hana hookelakela a na keiki lalawai a me na iwakiani oia aina.

            A ua wae pono ia ka poe i hele wale a lehia maia hana.

            O ka poe a pau i makemake ia no ka lealea oia po, ua lilo ia Kaohaiula a me Kaulaaihawana ke alakai ana ma ka aoao o na nohea maka onaona.

            Aia o Kaweloai a me Kaukaopua ke alakai ana ma ka aoao o na kane.

            I ka pili no o ke ahiahi, ua hele a piha @ ke kahua i hookaawale i ano na lealea like ole oia po, ka ua mea he nui o na kanaka.

            Aole hoi e hiki kehoomaopopoia ke la me keia, oiai, eia na mea a pau ke hi-o nei, e ake ana e loaa kahi kupono e noho ai, a @ihi kokoke aku ai hoi i kahi o na poe malihini.

            I ka wa i kuene pono iho ai na mea a pau, ua ku maila iluna o Kaohaiula a olelo mai la imua o ke anaina e hoomalu ka leo o na mea a pau e hoolohe i na lealea e hana ia ana e na kamaaina me ka haunaele ole.

            I ka pau ana o kana mau olelo ana ua hoomaka koke mai la ka puana ana mai o na leo o na kane a me na wahine me ka eleu nui ma ke ano o na leo mele like ole me ka nani nui me he mea la e i mai ana e like me keia mau lalani mele o keia mau la.

            Aloha no wai i ko maka

            Ko ihu waliwali ka i honi

            Koe aku ko piko waiolu

            Ua laa ia na Makanikeoe.

            Aelike me ke ano mau o na lealea oia wa, ua lilo ia he mea hoonanea i na malihini a hiki wale i ke ao ana oia po.

            A ma ia ao anae ua hooluolu i hola na mea apau.

            Ma ka lua o ka po, ua lilo ia Pupukanioe ke alakai ana ma ko lakou aoao ko na malihini.

            I ka hoomaka ana o na mea kani a na malihini me na leo like ole.  Auwe lawe na iwaiwa o na pali o Waipio ia lilo, kohu kake o Lehua poina ko Kauai poe.

            Oi mama aku ke anaina a hui kaaha i kahi hookahi, kaua mea he nui lealea o na malihini ma ia po.

            A oia ka mea nana i hoopau ae i na hana oia po me ke ohohia nui ia.

            Nolaila, ua ku pono no ka olelo ia ana o kela wahi o Wailua i ka huikau a na makau a ka lawaia.

            A ina paha o kela ui kaulana ke kahi o Kauai ia po, ke mea hoi nana kela ohe kupua o Kanikawi, ina la paha ua poniu na maka o ko Hawaii poe keiki puukani e hele hoi, ka mea hoi nona kela mau lalani mele.

            Ua lohe aku la o Pihanakalani - e Kaili - e

            E Kaililauokekoa - e ua moe oe

            Maia po a ao ae, ua haalelel i hola kahuakai ia huikau kamakau a kalawaia ia Wailua, aua hele aku no ke one o Alio a hiki ma Hanamaulu a me Lihue.

 

Ka Makai Kiu Lau Omaomao

@

nihoniho o Misouri

            Ua hele kaapuni ia kekahi mau alanui o ke kulanakauhale a hiki i ka wa o ka la i aneane aku ai e iho aku ma kela aoao o ka poepoe honua, oia ko laua wa i huli hoi aku ai no kauhale.

            A i ka hora 7 oia ahiahi, ua hiki pono aku la laua no ka hotele, a e kali mai ana na mea a pau ia laua, no ko lakou paina ahiahi.

            Ia laua no a noho iho iluna o na noho iloko o ka rumi hookipa, ua koele koke mai la ka leo o ka bele a ke kuene, e hea mai ana ia lakou a pau e naue aku e nuu i na o@o kuhinia o ka papa aina, a oia no ko lakou wa i naue like aku ai e paina.

            I ka pau ana o ka lakou paina ana, ua hoi ae la lakou a noho iloko o ka rumi hookipa, a malaila lakou i luana iho ai no kekahi mau setona, a o ka Makai Kiu Lau Omaomao hoi, ua hoi aku ia oia iloko o ka rumi oihana o ka hotele, a malaila oia kahi i nanea ai, i ka heluhelu ana i na moolelo kaulana o ke ao nei, a hiki wale i na hora liilii o ke kulu aumoe.

            Ua hoi aku la na mea a pau e hooluolu ma ko lakou wahi moe, i na hora i koe oia po.

            I ka hoea ana mai o ka la i ke kakahiaka, ua ala like ae la na mea a pau, a hele aku la e hoomakaukau no lakou iho ma ka hoomaemae ana, oiai, oia ka la e hookoloko ia ai ka poe hana hewa.

            I ka hora 8 ponoi oia kakahiaka, ua paina iho la ko lakou aina kakahiaka, a i ka pau ana, ua hele aku la na mea a pau no ka hale hookolokolo.

            Ia lakou i hookokoke aku ai i ka pa o ka hale hookolokolo, aia hoi, ua ike aku la lakou i ka lehulehu e haiamu mai ana, a he mau tausani o na kanaka kai hoopiha ae i ua kanua ala, no ke ake e ike pono i na helehelena o ka powa Robine Huka a me na lala a pau oia hui, a me ka mea hoi nana i aihue i ke dala o ke aupuni.

            I ka Makai Kiu Lau Omaomao a me kona poe, i hiki aku ai ma kahi o ke anaina kanaka nui e piha ana, ua haawi koke mai la na mea a pau i ko lakou aloha ia lakou nei, a pela no hoi lakou i panai aku ai, a hiki wale i ko lakou komo ana iloko o ke keena hookolokolo, kahi hoi o na luna aupuni kiekie a pau e noho mai ana.

            I ka hora 9:30 a.m. ua lawe ia mai la na pio no ka hale hookolokolo, malalo o ke kiai ana a na puali koa o ke aupuni, a he wa hoi ia no na mea a pau e kohokoho ana, aia paha o Robine Huka la, aka, aohe mea nana e hooia aku i ka oiaio o ka lakou koho ana, aka, aia no nae lakou a pau ke kali ala me ka hoomanawanui.

            I ke kani ana o ka hora 10 ponoi ua ike ia aku la ka lunakanawai i ke komo ana mai kekahi aoao, a hele ae la a noho iluna o kona noho, a oia ka wa i hoomaka koke ia ai na hana.

            I kela wa, ua koko ae la ka loio aupuni iluna, a waiho ae la i ka olelo hoopii imua o ka aha, no ka hui powa o Robine Huka, a me ke kumu o ko lakou hopu ia ana e ke aupuni.

I ka pau ana o ka olelo hoopii ua kauoha koke aku la ka aha i na poe i hoopii ia, e ku ae iluna, a ku aela lakou a pau, oia no ka wa o ka aha i ninau koke aku ai i ka poe i hoopii ia penei.

            O oe anei o Robine Huka?

            Ae, wahi a ka pane a ka powa.

            Pehea, ua hewa anei oe ma keia hoopii ia ana ou, aole paha?

            Aole au i hewa, wahi a Robine Huka.

            Oia ninau hookahi no i na poe powa a pau, a hookahi no a lakou pane, aole i hewa.

            I kela wa ua lawe koke mai la ka loio aupuni i ka hoike mua, oia hoi o Keoki Lamelaka, kekahi hoi o na powa i hoohiki malalo o ka Oihana Makai Kiu o Lau Omaomao.

            Ua hoohiki ia ka hoike, e like me na rula mau o na aha hookolokolo o ke ao nei, a i ka pau ana ua noho iho la ka hoike ilalo.

            Ua ninau koke aku la ka loio aupuni Hanale Robikana, i ka hoike.

            Ua ike anei oe i ka poe i hoopii ia?

            Ae, ua ike au ia lakou.

            Pehea, ua kamaaina no anei oe ia lakou a pau?

            Ae, ua kamaaina wau ia lakou a pau.

            Pehea, hiki anei ia oe ke hoike mai i na mea a pau e pili ana no keia hihia?

            Ae, hiki no iaʻu ke hoike aku.

            E hoike mai oe i kou ike a pau e pili ana no keia hihia.

            I kela wa, ua hoike aku la ka hoike i na mea a pau ana i ike ai, mai kona lilo ana i lala no ka hui powa, a hiki i ko lakou wa i hopu ia ai e ka Makai Kiu Lau Omaomao, a me kona lawe ana i ka hoohiki malalo o ka oihana makai kiu, ma kainoa o Lau Omaomao.

            I ka pau ana o kana hoike ana, ua ninau hou aku la ka loio aupuni i ka hoike.

            Pehea, ua olelo iho nei oe, ua loihi kou noho ana iloko o ka hui powa o Robine Huka, i na pela ehia a makahiki ka loihi?

            Ehiku makahiki ka loihi o koʻu noho ana mamalo o keia hui powa.

            Pehea, ua ike oie i ka mea a mau mea paha nana i pepehi ke Kiaaina Hale Wepa o Misisipi?

            Ae, ua ike no au i ka mea nana i pepehi i ke Kiaaina o Misisipi.

            Owai kona inoa, aia oia mahea i waena o ka poe i hoopii ia?

            O Robine Huka kona ina, a oia keia e noho nei mamua o koʻu alo.

            He oiaio ane, nana ponoi no i pepehi i ke Kiaaina?

            Ae, nana ponoi no i pepehi, aole na hai.

            Me ke aha oia i pepehi ai, me ka pu paha, pahi paha, koi paha, a i ole me kona lima ponoi no paha?

            Me kekahi papaaina ana i kauoha ai i ka ona nona kekahi hotele, e ku ana ma kahi kokoke i kekahi hale banako, ma Misisipi.

 

He Leo Kahea.

            Ke hoike ia aku nei ka lohe @u Luna lawe pepa a pau o KA NUPEPA KA OIAIO, ina he mau helu koe o ka Helu 1,3,4,me 5, ma ko oukou lima, e hoouna koke mai oukou i keia Keena, me ke kakau ana penei:

            NUPEPA KA OIAIO

            Alanui Pai Palapala

            Oiai, ua nui na kauoha nupepa i hiki mai i o makou nei, a no ia kumu keia e kauoha ia aku nei ia oukou.

            MA KE KAUOHA.

 

KE Kii Makana A Ka Nupepa Ka Oiaio.

            I ka poe uku mua i ka uku makahiki o ka Buke VII e hele nei, e hiki mai ana @ ka Auseteralia o ka la 27 o keia mahina.

            He Kii keia o ka Moiwahine e noho ana me kona kahiko alii piha maluna o kekahi noho me ke Kalaunu.

            E loaa no keia kii maikai o ka Moiwahine i ka poe aloha io iaia, e ake ana e malama i Kona mau helehelena ma ko lakou mau home, ma ka uku mua ana i ka uku makahiki o ka nupepa i ka pau ana o ka la 30 o Iune, 1895.

JOHN E. BUSH,

Luna Nui o ka L. a me K. O.

 

GABERIEL K. KEAWEHAKU

LOIO A HE KOKUA MA KE KANAWAI.

            Ua makaukau ma ka hana ana i na palapala pili Kanawai a pau.  A he oluolu no hoi ka auhau ma na kuka olelo ana.

            KEENA HANA: Aia ma ke Keena Loio o George A. Davies ma Alanui Kalepa, ma ka Halepohaku o Kakalaika ( A. J. Cartwright).

June 24   3mns@.

 

William C. Achi

HE MEA LAWELAWE MA KE KANAWAI

BOROKA O NA WAIWAI PAA

A he Boroka o na Wai ai Lewa.

            E kuai mai a kuai aku no hoi na aina a me na waiwai o na ano a pau ma na wahi a pau o ka Pae Aina.

mar 14d mar 15@.

 

Na Mea Kahiko Noeau o Iapana.

            Ua wehe ae nei au i na mea hou i laha mua ole maanei nei mai Iapana mai. 

            Na pahu iwi - ea maikai loa.

            Na kahi iwi - ea a me Pine Lauoho

            A pela aku, kumukuai haahaa Loa.

NA MEA IWI PALAOA

            E laa hoi na balaki niho na aniani lima, na Kahi lauoho, na Pahu liilii, a pela aku.

            Na Lako Dala!

            Na Hua Pupu Momi Maoli!

            Na Lole Silika,

            Hainaka Silika!

            Na Lole Keokeo Iapana,

            Na Papale Helemeta mama loa,

            Na Silika Mauu.

            Na Pakana Wahine emi no - $1.50

            Na Moena Iapana nani,

            Na Kookoo me ke au dala,

            Na Huewai waihooluu Like ole.

            Na Pola a me Kilu - ai,

            Pa holoi lima,

            Na Kiaha i kahiko Lau ia Me ke gula

            Me na mea he lehulehu wale.

            E kipa mai ma koʻu Halekuai ma ka aoao Ewa iho o kahi o Daimana, Alanui Moi.

A. BARNES,

Iulai 15, 1895  jul15 1mo.

 

Hale Kuai Lako Lole Kane

L. D. TIMMONS.

HALE HOU KIHI ALANUI PAPU A ME BERITANIA

            Ua wehe ae la oia i kekahi Lako Loke o na Kane, piha a i wae ia, ana e pahola aku nei imua o ka lehulehu no na kumu kuai haahaa loa, e loaa na

            Aahu piha o na kane,

            Na Palule emi loa,

            Na Pale ili emi loa,

            Na leiai o na ano lehulehu,

            He mau Paa Lole Piha no $10.00 kekahi i kupono e makaikai mua ia mamua o ke kuai ana i kau wahi e aku.

Na Kakini Maikai, e emi loa

July 15, 1895   1mdly.

 

Halawai Mui!

E ELEU MAI NA HOA.

            Ke kauoha ia aku nei na Lala a pau o ka Hui Kuai Aina o Wainiha, e akoakoa ae ma ka hale no o P. Nuuhiwa, ma Wainiha, ma ka hora 9 A. M. o ka la 12 o Iulai, o keia makahiki.

R. Puuki,

Luna Nui o ka Hui.   jun10

 

O ka Scribner Saseparila.

            Oia wale no ka laau hoomaemae koko e ka@ moakaka nei imua o ka maka o ka lehulehu i keia la.  Aole he mea oiaio e ae e ku nei maluna o kekahi kahua paa e ae mamua o keia.  Aole wale na kuai ana o ka Scribner Saseparila i mau kona ku ana oiai na laau e ae i hoea mai i ka makeke a i nalo loa aku, aka, ua mau aku ka pii o na kuai ia ana o keia laau i kela a me keia makahiki e hoike ana o ka Scribner Saseparila

Ka Mea e Hoolilo Nei

i na hoaloha he lehulehu wale ma na wahi a pau.  O ke kumu o keia, no ka mea, ua ike ka lehulehu he laau oiaio maoli keia Scribner Saseparila.  Ua ike lakou ua hoomaemae io ia ke koko, hoomaikai ae a hooikaika hou ae ke koo.  Ua ike lakou o ke koko maemae.

A Kuhua

oia ka mea i kupono i ke ola kino maikai, a o ke kumu hoi o na mai he lehulehu wale mailoko ae no ia o ke koko maikai ole.

            Ua ike pono hoi lakou ma ka hoao maoli ana a ma o na hoike, i hiki ole ke hoole ia ka maikai, ua hiki i ka Scribner Saseparila ke hoola i na mai i ka wa e ola ole ai i na laau e ae.  Aia hoi iloko o ka Scribner Saseparila na mea like loa e hiki ai ke loaa ke koko

Ulaula a Ola Maikai

a e haawi ana hoi i ka ikaika e lawe i ke ola i na wahi a pau o loko o ke kino kanaka.  E pale ana i na mea ino a e hoeueu ana a e hoonui aku ana i na huʻa koko, ka mea hoi e hoike ana ma wa a pau i ke ano o ke koko, a e hoolilo maoli ana hoi he wai hoola io ke koko.  Ma ka hoomaemae ana o ka Scribner Saseparila i

Ke Koko

ua hooluuia mai ka ono ai, hoopii hou ia ao ua ikaika e emi mau ana o ko kakou kino, e hoopau ana i ka nawaliwali wale mai, ka molohai a me ka molowa mai, e hoola ana i ka mai maeele wale mai, i ka mai o ka puuhoowali ai, a me na mai a pau e ae o ke koko, a e hoola hou ae ana i ke ano o ke kanaka holookoa.

            No ka oiaio o keia mau mea e olelo ia nei, aole makou e hooiaio ana ma ka makou e olelo nei, aka, ma o na olelo hoike hoi a na tausai i hilinai e olelo ana no ka laau Scribner Saseparila.

             Heluhelu oukou i ua hooiaio ana ma na kolamu e aku o keia nupepa.  Ua hooia mai lakou i ka maikai o ke ia Scribner Saseparila a he ola hoi ka mai i keia Scribner Saseparila.

 

E koi aku oukou i ka Scribner Saseparla,

ke kuai i laau hoomaemae koko, no ka mea, ua ola na mai o kekahi poe e aku a e ola ana no hoi kou maʻi.  E aoao ae; a e emoole loa ana kou ike i ka loaa koke o ka oluolu a me ke ola aku,

            E kuai ia nei ma kahi

Kuai Laau Lapaau o HOBRON COMPANY,

Kihi o Alanui Moi a me Papu.

Honolulu, Iune 8, 1895   jun10d

 

KAUKA E. C. SURMANN

Kahunalapaau Geremania,

Keena a me Wahi Noho: 1376 Ala Papu

Na hora hana:             9 A.M. A 11 P.M.

                        2 P.M. A 4 P.M.

                        7 P.M. A 8 P.M.

Telepona 131,

April 24  1m - dly.

 

Olelo Hooolaha.

            Ke hoolaha aku nei na mea nona na inoa malalo iho, ua hoohui ia laua iho ma kekahi hui no ka lawelawe ana i ka hana kaa lawe ukana ma Honolulu nei, Oahu, ma ka inoa nui o Sanders Express, e malama ia anama ke Keena Hana ma Alanui Moi.

D. MC CORRESTON

F. H. FOSTER

Jun20 1wkdly

 

Halekuai Kamaa

o

MAKANANI,

Alanui Papu

            O keia iho ke Kamaa haahaa hila. Kiani nani loa o na Wahine i kapaia "Oxford Tie."

            O ke auo kuea a me ke ano uuku oioi o mua no $2.50 wale no.

            O keia iho hoi ke kamaa ili Kao Farani o na Lede e pihi ana ma ka aoao.

            A he $3.00 wale no kona kumukuai.

            He $4.50 ke kumukuai o keia kamaa mamua.

            Ma kahi keia e loaa ai o ka

jun13 tfd.

 

C. E. Williams & Son

Helu 611:::Ala Moi

            Mauka mal o ka pa Kuai Papa o Lui me Kuke.

            Na mea kuai ma na LAKO HALE a me na MOE o na ano a pau ma na KUMUKUAI HAAHAA LOA.

            Na Mea Hana Pahu Kupapau a me laloa.

            Na Pahu Kupapau hookomo ia mai iloko nei o ka aina, i oi ae ka nani mamua o na pahu kupapau hanaia maanei no ka $3.00 a pii aku iluna.

            Kaa Kupapau no ka hoolimalima a o ka oi aku o ka nani ma keia kuni ma keia kulanakauhale no ka $5.

            Na He Kupapau a me na Kia Hoomanao.

Telepone 179.

jnu12tfd.

 

Laau Bama Kunu

A

LOGAN,

Nona Mai Kunu

No na Maʻi Hano

Na Mai Punia

etc.etc.

He laau hope ole keia no na Keiki opio a me na kanaka makua.

I hoomakaukau wale ia no e

BENSON, SMITH & CO.

ju 10 tfd