Ka Oiaio, Volume VII, Number 24, 16 August 1895 — Page 3
| This text was transcribed by: | Betty Yang Green |
| This work is dedicated to: | Awaiaulu |
Ka Oiaio.
HE LEO ALOHA.
Ina makamaka, na hoa’loha ha Kini no a pau e nuu ana i na kohikelekele a ka Maluakele mana kolamu o ka nupepa o KA OIAIO, e noho ana mai Hawaii o Keawenuiaumi a Eiloa, a polelo aku la i Kawelouaakalailehua, aloha oukou a nei.
Okeia helu, oia ka helu 24, a he elua wale no helu i koe a piha ka helu he 26 o ka hapa mua o ka nupepa KA OIAIO, a no ke hoikeia aku nei oukou a pau loa, i ka piha ana o ka helu 26, e hoomanao iho ka peo i uku mai hookahi dala i ke Keena nei, aole keia Keena e hoonua hou aku ana i ka helu 27 o ka hapahope, oiai hoi ua pau ko oukou kuleana ia makou, a pela hoi makoa ia oukou, a koe wale no ka poe i uku piha mai i ko ka makahiki okoa e hele nei, a lakou wale no ke loaa aku ana ka pepa, aole o ka leha wale oukou. Ano ka manawa, e eleu mai ai oukou a pau ma ke kuehu ana mai ii ke ola o ka pepa, alaila, mau ko onpoe e ae.
A pela pu no hoi me ko makou mau Luna i uku ole mai i ke ola o ka pepa o ka hapamua e pau ana i ka 30 o Aug. nei, oia ke helu 26, e paaia ana ka oukou mau pepa a mai haohao iho oukou, ke nele iho oukou i ka pepa oiai, aole no makou ia hewa, aka, no oukou no ia, oiai, ua hoopalakou ike ana i ka meahou o ko na aina e, a pela puhoi ko ka aina kulaiwi nei, a mau hoi kou hooipo ana me na kikoni wela a ka makai Kiu Lau Omaomao, ke kaeaea o kahi kau hale o Lama, a nele puhoi kou ike ana i ke ahiahi ki lohi a Kani Evalina o Dubelina, a nalo wale puhoi keaka kino wailua o ka nohea kaili iwi hilo Laukaieie, o ka wai lele o Hiilawe.
Me keia mau kanaenae aloha ana, e hoomanao iho ai oukou a pau iloko o oukou iho, no ke aloha i ka aina oiwi, ka Lahui, ka noho alii ana, e nele ana ko oukou ike ana ia mau mea a pau.
O ke aloha no ko oukou a pau loa, na haku o makou.
JON. E. BUSH.
Lunahooponopono a Puuku.
HE MOOLELO HOONANEA
- NO -
EVALINA,
Ke Kukui
Uila o Dubelina,
- A ME -
HAROLANA.
Ka Eueu o na Kuahiwi
A hooki iho la oia i kana pule ana, me na manao ohohia o ka hauoli, elike me kona ano mau.
Maanei kakou e ike ai, i ka hooko ia ana mai o kaleo pule a ka moi Uilama, mamuli o na hookono kono ana o ka uhane aloha o kona makuahine e hana pela.
I ka wa i hiki mai ai o ka la e hanau ai o ka moiwahine, he ia hoomanao ia no kana kane i kona makuahine a me ka mea nana ii hana na mea a pau.
A ua komo aku hoi oia maloko o kekahi keena mehameha e hoomanao ai, no ke kali ana no na lono e nau ia mai?
Aole i hala ae ho hapaha hora mai kona komo ana aku maloko o va wahi keena mehameha la.
Aia hoi, ua hekau iho la ke kuakoko o ka hanau maluna o ka moiwahine, me ka hakalia ole
A oiai hoi na pale keiki e ku makaukau aku ana i na wa a pau o ke keiki e hemo mai ai.
Ia ka wa i puka laelae mai ai ke keiki iwahe, ua ninau koke aku la ka moiwahine i na pale keiki i kea on o ke keiki i hemo mai la.
A oia hoi ka na pale keiki i pane koke mai ai i ka ninau a ko lakou haku wahine, me ka i ana mai me ka leo ohohia o ka haueli.
Ha kaikamahine! Ka nani o na nani, a me ka lua ole o ka ui a, puni kea o holookoa.
O keia mau, olelo a na pale keiki oia ka wa i kena koke ia aku ai na kauwa lawelawe, e kii koke aku i ka moi Uilama.
Me ka hoike pu aku iaia, ua hooko ia pa huaolelo kaukau a kona makuahine, i kauoha mai ai iaia, a eia oia malalo o na hooponopono ana a kana aikane aloha a me kana wahine pu.
Ua hele koke mai inoia e hui me laua, a e ikemaka hoi i na helehele o ka laua opuu makamae, i puka laelae mai la mai ka onu mai o kana wahine.
I ka wa i ike mai ai o ka moi Uilama i ka hii ia aku o ka laua hua makamae iloko o ka poholima o kana aihana, he mea e kona hauoli nui.
Ua ku ae la na mea a pau oloko o ka runa e hii ia ana ke keiki, me ko lakou mau nelehelena ohohia o ka hauoli nui.
Me ka nana pu ana mai i ko lakou haku alii opio, me na minoaka ana maluna o kona mau papalina.
I kona wa i hui ae ai me kana aikane, oiai hoi oia e kali malie mai ana.
A aia hoi ka opuu hou ke kaakaa ae la kona mau maka liilii imua o kona mau maka ponoi, i hele a aai ka ula ohelohelo ma na wahi a pau o kona kino.
Lalau mai la kona mau lima i ka laua kamakahi makamae, a hii iho la.
Me ke kulu ana iho o kona mau waimaka no ka hoomanao ana i na olelo kaukau hope loa a kona makuahine i kauoha mai ai iaia.
A ua hiki mai hoi oia i ka wa e hooka ai ia mau olelo me ke hakalia ole.
I ka pau ana ae o ka iniki maeele ana o na kulu waimaka e hiolo ana.
Me he ua nee la, ka halu i ke pili, main a lihilihi maka ae o ke alii opio.
A i ka pau ana o kana nana ana, na haawi hou aku la oia i ke keiki iloko o ka lima o kana aikane aloha.
A nana hoi i kauoha aku la, e haawi ia aku iloko o ka lima o ka poe nana e hoomaemae i ke kamaiki opia.
A haalele koke mai ia ka moi Uilama i kahi o ke keiki e hana ia ana, a komo aku i ia e kukakuka pa me kona mau Kuhina, no ka hoike ana.
E hookaawale ia kekahi la o ka malama, i la nona a pau e ike ai, i na helehelena o ke kaikamahine alii.
A ia wa hoi e hoike piha ia aku ai ka inoa o ke kaikamahine alii.
I kona wa i komo aku ai iloko o ka rumi a kona mau Kuhina e noho ana.
Aia hoi, ua hoohauoli ia ko lakou mau puuwai.
Ka Makai Kiu
Lau Omaomao.
Pehea, ua hiki anei ia o eke hoike mai, heaha la ke kulana o ka mea i hoopii ia au i ike ai, a i kamaaina ai hoi iaia, he kulana anei o ke kanaka haahaa loa, a i ole he kulana paha o kea no keonimana?
Ua ike au he kulana keonimana ko ka mea i hoopi ia.
Pehea, ua ike anei oe me kou mau maka ponoi, ua pepehi aku ka mea i hoopii ia, me kona mau lima ponoi i kekahi kanaka a mau kanaka paha?
Aole au i ike pela, aka, ua ike au na hai e hooko ka hana, i kela wa, na pane koke mai la o Robine Huka, e pane pololei mai oe i ka haina o ka’u ninau, aole o ka hai mea i hana ai.
Pane hou aku la ka hoike, aole au i ike ii kou pepehi ana i kekahi kanak, a mau kanaka paha.
Pehea, ua ike anei oe i ka mea i hoopii ia, ua kip o aku oia i ke Kiaaina o Misisipi, a i ole hou aku paha me ka pahi i make ai oia?
Aole au i ike ia mea, a aole no hoi oe i kau aku i kou lima maluna ona.
Pehea, hiki anei ia o eke hoike mai, i na pa ike oe, he ahaaina kekahi au i hana ai ma Misisipi?
Ae, hiki no ia’u, aka, aole au e olelo ana nau ka ahaaina i hana ia ai ma Misisipi, aka, na ka ona banako noia.
Pehea, hiki anei ia o eke hoike mai me ka oiaio, owau anei kekahi koko pili ponoi loa i ka haku nana ua ahaaina ‘la?
Ma keia ninau a Robine Huka, ua ku koke ae la ka loio aupuni iluna, a pane aku la imua o ka aha, e e hoopololei ka ninau ana a ka mea i hoopii ia, maluna o ke kahua o ka hihia, a ua kue aku hoi o Ribine Hoka, a ua nui ne hoopaapaa kanawai ana, a hiki i ka waiho ia ana aku imua o ke kahu o ka aha.
Ua pane pololei mai ka aha, aole e ne ia na ninau kuwaho i pili ole i ka hihia, aka, o na ninau wale no i pili pono ana, a haule wale ia ninau a Robine Huka.
I kela wa ua kani mai la ka wait, e hoike mai ana o ka hora 12 ponoi noia, a oia ka wa i hoomaha ai ka aha, a hoi aku la na mea a pau e hoopiha i ka lua o ka inaina.
Mamua ae o ke kani ana o ka hora 1 oia auina la, ua piha kui ae ia ka hale hookolokolo no ka makaikai ana i na poe i hoopii ia.
I ke kani pono au i ae o ka hora 1 oia ka wa i akoakoa mai ai na mea a pau, a iloko oia ma hookahi no, i hiki mai ai ka loio o ka poeii hoopii ia, a kaa aku la papa e lawelawe ka hihia o ua poe powa ala.
I kela wa, ua pii ae la ka hoike ma kahi e hoike ai, ua ninau koke aku la ka loio o ka poe i hoopii ia i ka hoike, o oe anei kekahi lala o ka hui powa o Lalaulaule?
Ae, owau no kekahi lala oia hui powa.
Ma keia pane, ua hoomaha ihola ka ninau o ka aoao i hoopii ia, a kaa aku la ka hoike ma ka aoao o ke aupuni.
Mamua ae o ka ninau ia ana, ua poha koke mai la he leo mai ka paia mai, i ka pane ana mai, e huli aku i ke kino o Hanale Limaikaika ka mea e noho ala ma ka aoao akau o Ribine Huka, aia malalo o kona poaeae hema he owili pepa e pili ana i ka hui powa o Robine Huka, a no ka manawa.
Me ke kali ole iho o ka ilamuku ua ku koke ae la oia, a hele aku la a lalau i ka lima o Hanale Limaikaika a kai aku la iloko o ka rumi hooluolu o ka lunakanawai, ua hele pu aku la ka lunaka nawai, na jiure, a me na loio o na aoao elua, e nana pono, he oiaio paha, aole puha.
I huli io ia ana aku, ua loaa aku la he owili pepa silika, i kakau ia ma ka olelo hehera, o ke au kahiko loa, a ua kunilikii maoli na aoao elua i ka hiki ole ke mahele i na olelo i kakau ia.
I kela wa, ua hoi ae la na mea a nau iloko o ke keena hookolokolo, me kela owili pepa silika.
Ia wa, ua ninau mai la ka aha, i na loea o ka aoao aupuni owai la iwaena o oukou e hiki ke mahele i keia olelo, o ke au kahiko loa.
Iloko oia wa ua ku ae la o Keoki Linekona iluna, a pane aku la, owau o Keoki Linekona, ka mea hiki ke hoike aku i kea no o keia olelo, i na e makemake ia.
Ia wa, ua pane hou mai la ka aha, e ke keonimana maikai a naauao hoi, na makemake ka aha e mahele mai oe i keia olelo me ka popolei.
Ae, wahi a Keoki Linekona i pane aku ai, i mea maikai loa, oia keia, ke oluolu mai nei ka aha, e kii ia ka Makai Helevia o ka hoomana Katelika roma, e hele mai oia imua o keia aha, a oia ka hoike ma ua aoao elua oiai hoi, oia ka helu ekahi o na kanaka uaauao loa o kea o nei, ma na olelo lehulehu, i hiki aku ka huina i ka 245.
Ma keia hoike a Keoki Linekona ua hoouna koke ia aku la ka makai o ka hale, e kii i ua kahunapule ala, malalo o ka mana o kekahi palapala kii hoike, i hoopaka ia e ka aha.
Ia ka hiki ana mai o ua kahunapule nei imua o ka aha, oia ka wa o ke kahu o ka aha i pane aku ai i ke kahunapule, ua makemake ka aha ia oe, e hoike mai i kou ike no kekahi olelo, a oia kau mea i makemake ia ai.
Ae, wahi a ke kahunapule i pane aku ai imua o ka aha.
I kela wa, ua kauoha aku la ka aha ia Keoki Linekona, e mahele mai oe i na olelo o keia palapala i ike ia kona ano io maoli.
Ua ku koke ae la o Keoki Linekona iluna, a hoomaka aku Ia e heluhelu i na olelo a pau o ua palapala ala a biki i ka pau ana a noho iho la oia ilalo.
Iloko oia wa, ua ninau ae la ka aha i ke kahunapule, pehea, ua pololei anei ka ia nei i unulu mai nei i na olelo o loko o ka palapala i kakau ilima ia?
Ae, ua pololei na olelo a pau, aole wahi paewa, ua like no a like me ka ua nahunahu.
U E MOOLELO KAAO HAWAII
- NO -
LAUKAIEIE.
Ke Kino Kamahao Iloko
O KA
Punohu Ua-Koko,
Ke Kahulileol’a o ke Kuluamoe e na Pali
.. o ..
Wapio Hawaii.
Ehuehu Halemano i ka laulehua
Kana no i na pua i Kukaniloko
I ka pau ana o ko lakou manawa me na hauoli nui o ka mea nona keia nanea a me ka lehulehu, ua lilo ae la i ko Kauai poe loea.
I ke kuene pono ana o keia poe aole o kanamai ka nui o keia, a he mea hiki ole hoi i ka lehu ke nema aku i ka lakou mau mele a me na aho a pau o ko lakou mau oiaio kino me na kuhi ana a ko lakou mau lima a me ka oni ana a ko lakou mau kino.
Aole oi e hiki i kekahi poe olohe hula ke kilo aku ma kahi mea, a me he mea la, e hoonauweuwe ia ana ka hoao o na moku e keia poe, oiai, ke hele nei ka wai hele kaala ia lakou.
O keia ka poe lealea nana i hoanoe i na noonoo o kekahi poe, a ua ike mua ae nei no oe e ka mea heluhelu i ka haule mua ana o kekahi poe malihini me ko kakou poe, a ua kupono no ko lakou olelo ia ana e like me keia mau lalani mele. Maikai kawaikini he nani ke nana i ka hana hemolele oia uka me ke onaona
Ua ike maka iho nei au ii ka nani o Aipo
E li ana ka io i kea nu o Hauailiki
Aia i ke kuu pau ana mai o ua poe Kauai nei i ka ai hoopau, ua hui ae la lakou me na malihini. A maia hope iho, ua lilo ka loalea hope loa ia Laukaieie, a oia kana i puana ae ai.
Lele ka uala me he manu ala i ke kai
Ka lele hoolailai a ka manu i Linoai
Aia la iluna o Wawaenahu ke kiha
He nahu a he eha i ka pali wawae
Wae ana loko i ka manao
NA LETA.
(Aole makou e lawe i ke koikoi o na mea i hoopukaia o ka poe kaku mai i ko lakou mau manao. O nah ala a me na hewa e hoolahaia ana malalo o keia poo maluna no ia o ka poe nona mai ka manao.)
KE TELERARAPA.
O keia na mea nui a kakou e ikemaka nei i ke kamailioia i na la i hala aku la, iloko o ka poai o ko kakou poe kalaiaina, he mea hoi i manaolanaia e hooko io ia aku ana ma keia
He mahalo nu ko’u no keia haua kamahao o ka honua nei, iloko o keia au holomua o ka naanao, ina nae hoi, e hoomoe io ia mai ana maluna o na kapakai o ko kakou aina aloha nei.
Aka, hookahi wale no kumu nana i keakea mai i ko’u apono ana aku i keia hana, oia hoi na mea e pili anna i kela hoomoe uwea telegarapa, mai Oahu aku nei a pae i Molokai, aole no i mamao loa ae ne ina la i hala aku la mahope.
Ua ike ia, ua apukaia kakou e ka Hui nana i hoomoe kela uwea popopo, a mai komo kakou iloko o ka lua poeleele o ka pilikia nui.
Pela wau e manao nei o keia hoomoe uwea a Col. Spalding o Kauai, ma o kona loio la o Kakina, he mau hana imi loaa wale no keia, no ko laua mau pakeke ponoi iho, e like me kela uwea popopo o Hanauma a ua poai la no ka poe imi loaa i han’I a pakele kakou ma ka apua.
Nolaila, he kanalua ko’u no ka hiki kupono i keia mau mea ke lawelawe a ka hana me ka holo pono.
Aole keia he hoopuukahua i ka hana maikai, aka, he kue maopopo i na hana kolohe a ka poe e hoao ana e pakaha i ko kakou mau pomaikai.
UKU AUHAU.
Honolulu Aug. 12 1865.
He Leo Kahea.
Ke hoike ia aku nei ka lohe nu Luna lawe pepa a pau o KA NUPEPA KA OIAIO, ina he mau helu koe o ka Helu 1, 3, 4, me 5, ma ko oukou lima, e hoouna koke mai oukou i keia Keena, me ke kakau ana penei:
NUPEPA KA OIAIO
Alanui Pai Palapala
Honolulu Oahu,
Oiai, ua nui na kanoha nupepa i hiki mai i o makou nei, a no ia kumu keia e kanoha ia aku nei ia oukou.
MA KE KAUOHA.
- KE -
Kii Makana
A ka Nupepa
Ka Oiaio.
I ka poe uku mua i ka uku makahi-k, o ka Buke VII e hele nei, e hiki mai ana ma ka Auseteralia
o ka ka la 27 o keia mahina.
He Kii keia o ka Moiwahine e noho ana me kona kahiko alii piha maluna o kekahi noho me ke Kalanunu.
E loaa no keia kii maikai o ka Moiwahine i ka poe aloha io iaia, e ake ana e malama i Kona mau helehelena ma ko lakou mau home, ma ka uku mua ana i ka uku makahiki o ka nupepa i ka pau ana o ka la 30 o Iune, 1895.
JOHN E. BUSH,
Luna Nui ka L a me KO
Eia ke Kuai hoemi nei ka Hale Kuai lole o Egana ma Alanui Papu. Ua lilo ka nani he mea ole i ka emi o ke kumukuai. Ke kaheawai iho la no ia a na Pukiki kane, wahine a me na keiki.
E awiwi mai ka poe e make make ana e loaa ko lakou kii pastel e hana ia nei e Messrs., Westfall Roqua. He ku keia i hana ia me na wai hooluu elike ai ka helehelena a me ka ili me ko ke kino maoli. E haalele ana laua no ka huli kaahele ana ma kahi okoa aku, ma ka la 15 o Augate. Nolaila, o ka poe mea Kii e eleu mai lakou i hiki ke hoonui a ke pai a pena ia iho a like loa me ke kino maoli.
O na poe a pau e kaalo aku ana ma kela huli o ka poepoe honua, a haalele iho ikoia ao mauloule, e kipa ae ka poe ola i kahi e Uilama ma, ilaila e loaa ai na holowaa maikai, a makepono hoi
Ua hoike mai o Kauka
C. E. Williams & Son.
Helu 611 ::: A1. Moi
Mauka mal o ka pa Kuai Papa o Lui
Mm Kuke.
Na mea kuai ma na
LAKO HALE a me na MOE
o na ano a pau ma na
KUMUMUAI HAAHAA LOA.
Na Mea Hana Pahu Kupapau a me laloa.
Na P hu Kupapau hookomo ia mai iloko nei o ka aina, i oi ae ka nani manua o na pahu kupapau hanaia maanei no ka $3.00 a pii aku iluna.
Kaa Kupapau no ka hoolimalima a o ka oi aku o ka nani ma keia kuni ma keia kulanakauhale no ka $5.
Na He Kupapau a me na Kia Hoomanao.
Telepone 179.
Juu12 tfd.
Chas P. Colburn Carlos A. Long
KA HUI HAWAII HOOPUKAPUKA WAIWAI PAA, NA HOAIE!
E hoolilo nui ana i ko laua manawaa i ka malama ana i NA WAIWAI O KA POE MEA WAIWAI NA MALAMA KAUOHA NA HOOPONOPONO NOHO KAHU WAIWAI A me na hooponopono ana ma na hana a pau o kea no hooko i waihoia ii kekahi mea i hilinaiia.
E ohi i na uku hoolimalima, ina ukupane a me na mahele loaa.
E hoolimalima a e kuai ana i na waiwai no ka uku komisina haahaa.
E hoopukapuka aku hoi i na dala me ke akahai loa.
A e hoike akea aku ana hoi i na moolelo waiwai o kela a me keia hana i waiho ia mai ma ko laua lima me ka olulu, i na wa a pau e makemakeia ai.
July 15 1895. 1mdly.
HOOLAHA ANO UI
Kauka L. Akina.
E na healona a me na makamaka Hawaii, main a kane a na wahine, Ke poloai aka nei au ia oukou a pau e ka poe i loaa i na mai o kela a me keia ano e noho pilihua ana no kekahi manawa loihi, e hele mai ma KO’U KEENA KAUKA mea ke ALANUI KAMIKA a me HOTELE, HELU 317; a na’u e hoopau aku i ua mau kaumaha ala, me ka ai ana i ka’u mau LAAU LAPAAU HOOLA KUPANAHA, i loaa mai ia u mai Kioa mai.
Eia me a’u ka LAAU no ka hoola ana i ka MAI HOOKAAWALE OHANA, a he nui ka poe i hooia mamuli o ka ai ana i keia LAAU.
Ua hiki no ia’u ke hoola i na mai fiva na mai lele a me na mai e kela ano keia ano, na mai koko ino. Akepau a me ka hoomaemae ana i ke kiao holookoa me keia mau laau.
He LAAU HOOHAPAI K’KIKI no kana, a na loaa ke keiki a kekahi poo i nele ia haauiua makamae no kekahi mau makahiki kahi, mahope iho o ko lakou ai ana i keia laau.
He LAAU hoohemo koko ino kekah a’u a na mahalo nui ka poe i ai i kuia iaau, no ka maikai a mo ka oluolu o kea no o ka hana e keia laau.
Ke kone aku nei au ia oe e na makamaka e kipa mai, i pau ai ko oukou kuhihea’a no ka hiki oie ia’u, ke hoopau aku i ko oukou mau pilikia. He oluolu ko’u uku lapaau i ko oukou mau pilikia.
E loaa no au i na hora a pau ui k’u KEENA KAUKA ma Alanui Kamika a me Hotele.
Kauka L. Akina,
Kihi o Alanui Kamika me Hotele, Helu 40 a me 317.
jul25
O ka Scribner
Saseparila.
Oia wale no ka laau hoomaemae koko e kav moakaka nei imua o ka maka o ka lehulehu i keia la. Aole he mea oiaio’e ae e ku nei maluna o kekahi kahua paa e ae mamua oa keia. Aole wale ne kuai ana o ka Scribner Saseparila i mau kona ku ana oiai na laau e ae i hoea mai i ka makeke a i nalo loa aku, aku, ua mau aku ka pii o na kuai ia ana o keia laau i kela a me keia makahiki, e hoike ana o ka Scribner Saseparila
Ka Mea e Hoolilo Nei
I na hoaloha he lehulehu wale ma na wahi a pau. O ke kumu o kela, no ka mea, ua ike ka lehulehu he laau oiaio maoli keia Scribner Saseparila. Ua ike lakou ua hoomaemae lo ia ke koko, hoomaikai ne a hooikaika hou a eke koko. Ua ike lakou o ke koko maemae
A Kuhua
Oia ka mea i kupono i ke ola kino maikai, a o ke kumu hoi o na mai he lehulehu wale mailoko ae no ia o ke koko maikai ole.
Ua ike pono hoi lakou ma ka hoao maoli ana a ma o na hoike, i hiki ole ke hole ia ka maikai, ua hiki i ka Scribner Saeparila ke hoola i na mai ii ka wa e ola ole ai i na laau e ae. Aia hoi iloko o ka Scribner Saeparila na mea like loa e hiki ai ke loaa ke koko
Ulaula a Ola Maikai
a e haawi ana hoi i ka ikaika e lawe i ke ola i na wahi a pau o loko o ke kino kanaka. E pale ana i na mea ino a e hoeueu ana a e hoonui aku ana i na hu’a koko, ka mea hoi e hoike ana na wa a pau i kea no o ke koko, a e hoolilo maoli ana hoi he wai hoola io ke koko. Ma ka hoomaemae ana o ka Scribner Saseparila i
Ke Koko
ua hooluuia mai ka ono ai, hoopii hou ia ao na ikaika e emi mau ana o ko kakou kino, e hoopau ana i ka nawaliwali wale mai, ka molohai a me ka molowa mai, e hoola ana i ka mai maeele wale mai, i ka mai o ka puuhoowali ai, a me na mai a pau e ae o ke koko, a e hoola hou ae ana i kea no o ke kanaka holookoa.
No ka oiaio o keia mau mea e olelo ia nei, aole makou e hooiaio ana ma ka makou e olelo nei, aka, ma o na olelo hoike hoi’a na tausani i hilinai e olelo ana no ka laau Scribner Saseparila.
Heluhelu oukou i na hooiaio ana ma na kolamu e aku o keia nupepa. Ua hooia mai lakou i ka maikai o ke la Scribner Sasepariia a he ola hoi ka mai i keia Scribner Saseparila.
E koi aku oukou i ka Scribner Saseparia,
ke kuai i laau hoomaemae koko, no ka mea, ua ola na mai o kekahi poe e aku a e ola ana no hoi kou ma’i. E aoao ae; a e emoole loa ana kouike ka loaa koke o ka oluolu a me ke ola aku,
E kuai ia nei ma kahi
Kuai Laau Lapaau o
HOBRON COMPANY.
Kihi o Alanui Mei a me Papu.
Honolulu , Iune 8, 1893. iun10cl
Mau Aina Kuai.
Aia he 32 apana aina ma Kalihi, no ke uai aku, he 50 kapuai ka laula a he 100 kapuai ka loa pakahi; ua maemae maoli, a e lilo ana i mau Hoaie maikai mahope aku; ke pi awiwi loa nei ke kulana o na aina ma Kalihi; a e lilo ana ia wahi i ha pa no ke kulanakauhale.
Me $250.00 no ka apana; a e ae ia no e hookaa pau loa; e hookaa hapalua a hookaa hapaha paha i kinohi; a i ole ma ka hookaa i kela a me keia malama.
Ua hoomoo ia ke
He mau alanui maikai.
E wiki mai i loaa ona mau Home no oukou me ka oluolu.
Aohe uku no ka haua ana o na palapala; no na mea i koe e ninau ae ia William Charles Aohi (Kale Aki).
Broka o na Waiwai Paa.
Honolulu, Mei 23, 1895
mei 24