Ka Oiaio, Volume VII, Number 31, 4 October 1895 — Page 2
| This text was transcribed by: | Rosemary Mccune |
| This work is dedicated to: | Kaelene Ahu Rey |
Ka Oiaio.
================
NUPEPE KA OIAIO.
--
J. E. BUSH, LUNAHOOPONOPONO.
--
O KA PONO KA AIALII E OLA AI KA AINA.
=====================
POALIMA : : : OCT. 4, 1895.
=====================
OND-A KAI O MALAMA.
--
I keia awakea iho la i pau ai ua i'a hewa ole oloko o ua lokoia o Aala i ke puni ia i ka ahi mamuli o ke kauoha a ka Papa Ola. O ko makou lohe ana mai la no ia, keoiaiohoi ka lohe.
---o---
O KEALOHA KA MOHAI
--
O ke aloha he mea nui ia i haawi ia mai e ko ke Akua lokomaikai iloko o ka naau o na kanaka ana i hana ai me kona mana, a oia haawina makamae a kona ahonui i haawi mai ai i na lahuikanaka a pau maluna o ka ilihulala o ka honua, aole ia e hiki ke mawehe ia aku mailoko aku o ko na kanaka puuwai, oiai ka hanu ola e kamau ana iloko o ko lakou mau kino. He mea nui ke aloha i oi loa aku mamua o na kuahiwi kiekie o ke ao nei, a oia ka makou e kalokalo ae nei, o ke aloha kakia i ka iwi, i ka puuwai, a i na wahi a pau o ke kino, no ke aloha i ka aina hanau, ko kakou Moiwahine i hoopilikiaia, oia ka makou mohai e panai mau aku ai iloko o na ipuka hale o ko kakou mau hoakanaka, e noho ana iloko o na pupupu hale mauu, na hale laau nani, a me na hale pohaku kukilakila i ka lai ma na wahi a pau a puni ka Paeaina.
Ke ku mai nei na hoike kamahao o koke kanaka Hawaii oiaio mohai ana i kona ola iho, kona ohana, a me kona lehulehu a pau, no ke aloha i ka moi, a me kona aina hanau, i kia hoomanao poina ole na KA LEO e hiipoi mau ai, iaia e komo kauhale ana iloko o na hale o ka poe ilihune a waiwai, mai ke kiekie hoi a ka haahaa loa, e like me na hipa maemae o ka Puali Puhiohe Lahui , ka poe i hiki ole ke kuai ia me na waiwai poopoo o keia ai, no ke aloha kupaa oia mau.
Nolaila, ua lawe mai makou ia makana makamae a ko ke Akua ahonui i makia mai ai iloko o ko makou mau puuwai no ke aloha i ko makou moiwahine ihaule iho mai kona noho'lii ae, a me ka hiki ole ke kuapo ia ko makou mau lunaikehala no ke aloha onipaa mau i ke one oiwi o ko kakou mau kupuna i haawi mai ai na kakou e hiipoi, a hiki i ka hopena o kakakou mau mamo ma keia hope aku. O ke aloha, ooia wale no ka makou mohai makamae e panai aku ai ma na kolamu heluhelu o ka kakou wahaolelo nei, i inai na ko
makou mau makamaka heluhelu, e like me ka olelo, "uuku kahi luau, me ke aloha pu kekahi."
---o---
HE OIAIO ANEI.
--
Ua lilo i mea hoonaluea iloko o ko makou noonoo ana, na lohe, a me na hoike ana a kekahi nupepa Kepani e hoopkaia nei maloko o ke kulanakauhale o Honolulu nei, nona ka inoa Rising Sun, (Kalahikimai), a i hoopuka ia hoi maloko o na kolamu o ka nupepa "Kuokoa" haole, e hoike ana, i ka wa i hooleleia mai ai na ohua o ka moku China (Kina) iuka nei o ka aina, aia he elua mau ohua Kapena, a i ole oneki paha, i loaa ko laua mau palapala hookuu i komo ole iloko o ka puulu o ka poe ohua hoomalu makai o Kahakaaulana, oiai na ohua a pau i hooleleia mai ma ka hora 10 o ka po Poakahi nei.
Ina he oiaio io keia mau hoike a keia mau nupepe elua, alaila, ke koi nei makou i ka Papa Ola, ma o kona Peresidena, a i ole ma o kona lala la paha, heaha la na kumu nui, i ae ia aikeia mau ohua elua e pae loa mai inka nei o ka aina, me ko laua mau aahu a me na puolo i piha i na polopolona o ka ma'i korela o Iapana a me Kina mai, e hoike akea ae i na kumu kupono o ko laua komo pu ole ana iloko o na huikau o ka hoomalu kupono ia, ma ko ke aupuni hale hoomalu ma'i.
Ua kahaha nui no hoi makou, malalo i keia hanaia ana pela, ehoea hou mai ai keia enemi weliweli o ka make, oia hoi keia ma'i korela i pahola iho nei, a ke hoopu malie nei me ka hamau a kona wa e poha hou ae ai.
Ina no ka lileliie loa e ko laua ola kino, a me ka alohilohi o ko mau aahu, ke kumu o ko laua hookuu ia ana mai e hele e hokae hele iloko o na halekuai, na hale moe, a me na hale aina o kekulanakauhale o Honolulu nei, alaila, e kuhikuhi hou ia ae ana paha ke korela, no ka ai nui loa o kanaka i ka bipi a me ka poi a ka poe hui manawalea o na wahine.
Ina ua aponoia, ua maemae no kela mau ohua elua i ae ia ai e lele iuka nei, heaha hoi ke kumu e ae ole ia ai kela poe ohua i hoomaluia ai makai o Kahakaaulana nona ka huina he 500 a oi e pae pololei mai ma kahi o kela mau ohua elua i ae ia ai? No ka mea no ia moku hookahi like mai no hoi lakou a pau, a o ke awa hope like no a lakou i kau like mai ai.
He elua uhane ola anei iloko o ke kino hookahi o keia mau mea elua i pae pololei mai la i ka aina nei, i pakele ai laua i ka hoomaluia ma kahi hoomalu o ke aupuni, makai o ka Moku Akulikuli, a i ole, ua imi ia anei keia mau ohua elua i mau kumulau nana e hoolaha hou i ka ma'i korela maluna o ke lepo o ke kulanakauhale o Honolulu, kahi hoi a kekahi mau ohua o ka poe i lukuia iho nei he 60 a oi ko lakou heluna e noho u mai nei iloko o na aweawe o ke kaumaha.
Ua imi ia anei keia, i maunu pakali na na awa kuewa a lo-pa haalele loa o na aina e, e ku kiai ana me kahookohukohu ma kou ipuka hala e ke kanaka Hawaii, noho malie a piha ahonui, e hana ino wale ia me kou hala ole e keia poe kuewa?
A ina hoi, ua maemae laua, aole anei ua maemae na mea a pau ma ka aina nei, e noho hookapu ia nei e ko ka Papa Ola mana, ka poe i a-e ole aku ma na palena o Iapana a me Kina, kahi o keia kumu ino nana ihoonaikola iho i ko kakou mau hoakanaka i hiamoe aku la no ko kakou hopena mau loa. A e pono hoi e hoopauia ae ke kapu oia mau mea, oiai, he mau mea hoopoino ole ia i ko ke kanaka Hawaii ola ana.
Oia ka makou e koi nei, e imi pono ia keia mau hana popopo a piha i ka lokoino, i wahi e pepehou ai i ka lahui, i kumu e hiki ai i ka lehulehu ke ike iho, pela io ka i ae ia ai kela mau kino ola elua, @ komo ole iloko o ka hohono o ka uahi Kukaepele o ka hale hoomaemae.
---o---
KA WANANA A LUTERA.
--
Ua lilo i mea makaaiau nui ia ka wanana a kekahi mea i kapaia ma kela inoa ae la maluna, ma na kauhale o ke kulanakauhale nei o Honolulu, ua lawe ae la lakou a hooko aku la i na rula a me na kuhikuhi ana o ua wanana la, me ka manaolana, e hooko ia ana ka wanana holookoa i ka wa hookahi.
Aole makou i manao, he hana imi epa wale iho keia ma ke auo imi loaa, i wahi e loaa ai ke kuonoono iaia ma keia noho kino ana, e like me na alakai ana a ko kakou poe nana i hoonaauao mai ia kakou, "mai malama oukou i na waiwai popopo o keia ao, kahi @ pau ai i ka mu a me ka popo, aka, he hilinai aku i ke Akua ola, oia ka waiwai nui>"
Ua hoolohe kakou ia mau ao ana, ua manawalea aku i ko kakou mau aina no na malihini aea mai, ua haawi aku i na lulu mahina hou ana, na hanai kumu a pela aku, (aole i pili keia no ha haipule io maoli, e like me Laiana i make.)
Heaha ka kakou mea i ike mahope nei, ke ole makou e kuhihewa, ke oiaio hoi ko makou mau lohe, ua komo aku la ma ke eke pukapuka o Hagai, a nalowale loa aku la ikoko o na hale hoahu kalepa, a pela aku.
O ka nee hope ana o ka wanaua a kekahi mea i hilinai io me kona paulele nui ana, e hooko mai ana ke Akua i ka manawa pokole, aole ia he mea e kaniuhu ai ka haipule io, aka, e hooi mau aku ana no oia i ka ikaika hana mamua o ka wa i hala a pela a hiki i ka hooko ia ana, a malia paha pela no hoi keia, ei aku no he wa, a e hoolohe ia mai no ke noi a ka haipule.
---o---
UA HALA O KAALELE HUIHUI.
--
O ke ole o ke kanaka, he mahu ia i pu-a ae a nalo koke aku no, wahi a ka olelo kahiko e aai nei iwaene o na aoao a pau o ke kanaka, ma keia aoao o ka poepoe honua.
Ma ka la ekahi nei o Okatoba, ua kipa ae la ka Anela o ka makema ka ipuka hala o ko Mrs. Kaalele Huihui hanu ana i na ea makemae o ko keia honua ola ana, ma ko laua home noho, ma Kamanuwai ae nei, Honolulu, malalo o ka hoomailo loihi ana a ka ma'i Akepau.
Ua hanau ia oia ma Maoa, i Kau Hawaii, a he 50 a oi ka nui o kona mau makahiki o ka noho ana me keia ao mauleule.
He lawe pepa kahiko ioa oia no ka nupepe KA LEO nei mai kona hoomaka ana mai a hiki iho nei he elua a oi mahina ae nei i hala, ua hiki ole ke alo ae iloko o ka pilikia o ka hune a me ka nele, ua waiho iho la oia i ka hiialo ana i milimili ai me ka minamina nui, a lawe ae laoia ma o kona hanau mua, oia hoi ka nupepe KA OIAIO, me ka pau ole o kona minamina i ka nupepa i hiipoi nui ai no ka pono o kona Moiwahine, a me ke aloha kupaa i kona aina hanau.
He aloha aina ma kona ano a pau, a he kue loa kona lunaikehala i na mea e pili ana i ka hoohui aina, a me ke aupuni repubalika e ku nei i keia la.
He minamina nui ko makou mau makamaka kahiko, nana i kakoo mau i ke ole o ka kakou wahaolelo nei, i hiamoi aku la i ka hiamoe kapu o Niolopua, aka, o ka lakou mau hana maikai ma keia ao, eia no ia ke ku nei i kia hoomanao no ko lakou mau kino i lilo aku la, i ka palaho.
O ke aloha, aia ia me ke kane i hoonele ia mai la i ke kokoolua ole o ka
noho inea ana, a o na u ana a pau o ke kaumaha i hekau aku la maluna o ka ohana, e hoomama ia ae ia,oia ka KA LEO e kalokalo ae nei. Aloha no.
---o---
KANIKELA IAPANA HOU.
--
Ua manaoia, ma ke ku hou ana mai o kekahi mokuahi mai Iapana mai, e hoea hou mai ai he Kanikela - Kenerala a Kuhina Noho ma ke Aloalii o Hawaii, nona ka inoa o Shimamura. O keia Kanikela hou e hoea mai ana, ua noho lawelawe no oia ma ia hana, no ka pono o kona aupuni ma Mekiko, a ma Holani. O kona kihi ana ma ma Hawaii nei, he hoomau ana ia i ka holomua o ka hana hooponopono aupuni, no ka pomaikai o kona lahuikanaka e noho ana ma na kaiaulu o Hawaii nei.
---o---
O KA AINOA ANA O HAWAII NEI,
OIA KA@ MEA I POINO NUI LOA AI KEIA LAHUI.
--
(Hoopau ana.)
Ma ka'u nana ana @ mea na a pau i hanaia, mai ka Ainoa ana a hiki i keia la, ua ike au ua nui na ma'i ahulau ikeia iwaene o keia lahui, oiai hoi, ua huikau wale ka ai ana i na mea ai o kela ano, a me keia ano, a oia huikau ana o ka ai ana a me ka noho ana, oia ke kumu i nui ai o na pilikia i ikeia, a pela iholo moku ai keialahui iloko o ka make a ka ma'i ahulau.
Ma keia ke manao nei au, i na e hoohuliia ke ano o ka noho ana o keia lahui, ma ke ano he aikapu, e like me na lahui e ae, e noho mai nei iloko a keia au malamalama, ua manao au oia ka laau lapaau e kaupaleia aku ai ka poino, e ili nei maluna o ko kakou lahui aloha.
Aole au e olelo ana, e hoi hou keia lahui e hoomana kii pohaku kii laau, kii manu, kii i'a a kii e a paha e like me ko kela au i hala, aole oia ko'u makemake,
aka, e malama ia ke kapu mawaena o ke kane, ka wahine a pela aku. Mawaeneao na mea ai, a e hookaawaleia hoi ka wahine i ka wa o kona ma'i e hiki mai ana, i hale okoa a e hoomaemaeia oia i ka wa e pau ai kona pilikia, ma @ he kapuwai.
Oiai hoi, ua hakilo ia e au ka noho ana o keia lahui a ua ike au he kakaikahi loa ka poe Hawaii i malama iki i ke ano o ko lakou aikapu ana, aka, o ka nui aku, ua hui aku, a hui mai.
Oiai hoi, o kahi hakina i'a a ke kane, e lilo ana ia i ka wahine a i ole i ke keiki paha, a pela wale aku, a pela kela wahi mea ai a me keia wahi mea ai, a pela no hoi kahi huewai, hookahi no ka inu pu ana, o kela a me keia mea, a pela pu kahi moe a me na mea e ae.
Aka, ua olelo nui loa ia nae no ka ai o keia lahui i ka I'a maka me ka poi, oia ke kumu o ka pilikia, na manao au aole pela, o ka noho huikau ana, ai huikau ana, inu huikau ana, oia maoli no ke kumu nui o ka pilikia, aole no na mea ai, oiai hoi, aole ai I'a maka o na keiki bepe aole no hoi ai poi, eia nae ua like no ka pilikia i ikeia a no ko'u manaoio maole no, o ka hoona ia ana o ka aikapu ana, oia maoli no ke ala hele o keia poino weliweli e ike mau ia nei.
Aka, ke waiho ne au na ka lahui e kaupaona i keia mau hoikaka ana, a ua makemakeia no hoi na hoakaka naauao ana, a ke ia a me keia mea i ke ano i'o
maoli o ka aikapu a ma ka ainoa.
Kou Oiaio,
D. M. PUNINI JR.
---o---
NUHOU KULOKO.
--
[pointing hand] E loaa ana he Eono HAINAKA MANUAHI, i ka mea e piha ai okela a me keia10 poe i komo a kuai maloko o ka HALEKUAI HEIAU o na Paikini, e ku nei ma ALANUI PAPU, Helu 519; ma ka POAONO apau o ka malama o Sepatemaba. No ka manawa KUAI HOOPOHO wale no keia.
--
Ua pau ke ku kiai ana o ka pa hoomalu Kolela o Kakaako, a o na lepa hoomaewaewa wale no ia kilepalapa ala, o lakou na kiai i koe me ka uku ole ia o ko lakou mau la hana, e kali ana me ka malie, a hiki i ka piha pono ana o kona mau la hana, alaila koi poho mai i ka Papa Ola. Hooheno io no ka hoi.
Ma ka hauoli makou e hoike aku nei e ike ana oukou e na makamaka i na kalai aina akea ana o ka nupepa "KA LEO O KA LAHUI," o ka hewa ana e ike ai, he enemi oia nona, a o ka pono ana e ike ana, he hoaloha ia nona, aole loa oia e ae ike ana i na manao keakea, mokuahana, hakuepa, a pili kino hoi, oiai, o ko makou kahua, maluna no ia o ke kaulike a me ka hoopono.
--
I keia kakahiaka nui poniponi wale i komo pau loa mai ai na mokuahi holo pili aina o kakou, mai ko lakou mo-ku ana iwaho o ka nuku o Mamala, no ke komo ana mai e hoopiha i na ukana, a holo aku no no na awa like ole; a o ke Kinau hookahi iho ana paha ke koe iho, a ka wa e pau aikona mau ukana i ka hoomaemae ia.
[pointing hand] He hoikeike nui ko ka Halekuai HEIAU o na PAIKINI, ma ke ahiahi Poaono, @o na WAIWAI e kuai ia aku ana ne ka makepono loa, ma na kumukuai haahaa loa i ike ole ia mamua.
[pointing hand] E hoomau ia aku ana ke kuai makepono a emi loa o na lole huluhulu nani a ku i ka maemae ma ka HEIAU O NA PAIKINI, mai keia la aku a hiki i ka piha ana o ka mahina. E naue mai.
He 30 wale no la o keia Laikini ma'i kolela ou e mana ai, nolaila, ke kono aku nei au ia oukou a pau loa e hele koke mai iloko o keia mau la, i loaa aiai oukou ka laau lapaau kupono o na kumukuai haahaa au e kuai ai i keia mua la.
M. G. SILV.
Alanui Papa Helu 519.
[pointing hand] A keia Poalua ae e hoomaka hou aku ai o Silva o ka HEIAU o na PAIKINI HOU, ma ka aoao Ewa o ke Aalanui Papu, e kuai hooemi ai i na lole a me na kahiko kino a pau o ka oiwi kanaka, nani, maikai, me ke kaulua ole. Nolaila, o ka wa kupono loa keia o na makamaka e hele ae ai i kona hale kuai, i loaa na anoai nani, a me na lole paa, na huluhulu, na marino,
a pela aku, i like ke kuai ana me ka haawi wale. He hookahi mahina o keia mau hana kohu manawalea maoli no, a i hooloihi ia i lawa ai ka lono i na kuaaina, a me ka manawa hoi e hele mai ai e ike maka i keia lokomaikai palana ole oko oukou hoaloha.
M. G. SILVA.
=====================
Mau Aina Kuai.
--
Aia he 75 apana aina ma Kalihi, no kekuai aku, he 50 kapuai kalaula a he 100 kapuai ka loa pakahi; ua maemae maoli, a e lilo ana i mau Home maikai mahope aku; ke pi awiwi loa nei ke kulana o na aina ma Kalihi; a e lilo ana ia wahi i hapa no kekulanakauhale.
He $250 no ka apana emi mai; a e ae ia no e hookaa pau loa; e hookaa hapalua a hookaa hapaha paha i kinohi; a i ole ma ka hookaa ikela a me keia malama.
Ua hoomoe ia ke paipu wai Aupuni ma na wahi e pili ana i keia mau apana aina.
He mau alanui maikai.
E wiki mai i loaa ona mau Home no oukou me ka oluolu.
Aohe uku no ka hana ana o na palapala; no na mea i koe e ninau ae ia William Charles Achi (Kale Aki).
Boroka o na Waiwai Paa.
Honolulu, Augate 8, 1895.
mei 24 tfd.
---
William C. Achi.
--
HE MEA LAWELAWE MA KE KANAWAI.
--
BOROKA O NA WAIWAI PAA
--
A he Boroka o na Waiwai Lewa
--
E kuai mai a kuai aku no hoi na aina a me na waiwai a na ano a @ ma na
wahi a pau o ka Pae Aina.
mar 14d mar 15w.
=====================
HOOLAHA! HOOLAHA!!
--
Owau o ka mea nona ka inoa maialo iho nei, ke hoike aku nei au i na kanaka a pau loa ua makaukau wau ina wa a pau loa, no ka hana ana i na piula a me na paipu wai a pau loa ke loaa mai na kouoha ia'u, he oluolu ka uku a he mau ka paa o ka'u mea e hana ai. E loaa no au ma Leleo, kokoke i ke alanui Kaaahi o Dilmahema.
S. K. KILA.
aug28 3mnsd.
-----
Aina no ke Kuai.
--
O na poe a pau e makemake ana e kuai i aina no lakou, e ninau ae ia
S. K. KILA.
Leleo, Honolulu. Augate 27, 1895
aug28 3mnsd
-----
Olelo Hoolaha.
I ka manawa e hiki mai ai o na mokumahu o ka Hui Mokumahu Waila. (i kaupalenaia) aole e ae iakekahi mea e pii aku iluna o ka moku a pau mua na ohua iuka o ka aina, me ka loaa ole o ka palapala ae mai ke Keena aku; ke ole hoi ua loaa ka ae ia e na luna moku.
C. L. WIGHT.
Peresidena o ka Hui Moku Waila.
jun12 tfd.
-----
OLELO HOOLAHA
--
Owau o Kapea Mu, he mea i loohia i na poino a ka mai, he mau puu elua ma ko'u mau uha, aohe manaolana no ke ola, aka, mamuli o ka Dr. L. Akina lawelawe ana,ua loaa ia'u ke oi. Nolaila, ke hoike aku nei au i kuu lahui aloha, e naue mai e ike iaia,ki pau kuhihewa,
E loaa no ia ma ka Alanui Hotele Helu 317.
Kou oiaio,
KAPEA MU
Iulai 24, 1895
jul24 3mnsd.
-----
KAUKA E. C. SURMANN
--
Kahuuaiapaau Geremania.
--
Keena a me Wahi Noho: 137 Al. Papu
--
9 A.M. A 11 P.M.
Na hora hana: { 2 P.M. A 4 P.M
7 P.M. A 8 P.M.
Telepona 181,
april24. 1m.-dly.
-----
PUNA! PUNA!
--
O ka poe a pau e makemake ana e loaa ka puna keokeo maikai loa, no ke kumukuai, mai ka hapaha aku pii aku iluna, ua hiki ke hoolawai ma ka Hale Imupuna ma ka aoao Hema o Alanui Maunakea, o kokoke ana i ka Makeke I'a kahiko.
He puna keia i hanaia mai ka pohaku-puna maikai loa, e ka Hui Puni Puna Hawaii, malalo o ka hooponopono ana a B. F. Dillingham, a ua ikeia he like a kaoi aku no naha houa maikai i ko waho mai Nolaila, e ikemai oukou e ka lehulehu i keia hana hooula hana o ka aina nei a e kipa kekuai ana i ko hui wahi kuai puna, he oki loa hoi ke kipa wale ana oke aloha i ko waho.
B. G. DINNLINGHAM.
Lunahooponopono.
Oct8 imdly.
-----
AINA KUAI
--
He aina kuai kupono no na Hale Noho ma ke Kaona nei.
--
Ke poloai ia aku nei ka poe makemake i aina pa hale no lakou, ua makaukau ka me@ nona ka inoa malalo e kuai aku ikekahi mau apana pa hale ma Alanui Liliha no ke kumukuai makepono. Aia keia wahi ma ka aoao hema o Alanui Liliha, oia kela pa haleinohoia iho nei e J. Simonson i make iho nei, mauka ponoi o kahi o Kapena Tripp. Ua mahele ia he elima pa o keia wahi i hiki i aina no lakou.
No na mea e pili ana, e ninau ia.
TERESA OWANA CARTWRIGHT.
Honolulu, Augate 7, 1895.
aug7 tfd
============
KAUKA YONG
Kam Pung
(APANA.)
--
Helu 306 Alanui Hotele
KAUKA LOEA OKA AINA PUA
--
[this bit was set up in the shape of an hourglass]
Ua hiki k hoola ia kela a me keia an ma'i, mai ko na kane, wahine a me na keiki liilii. O na ma'i ha-no ua hiki lea ia ke hooia ia, na mai Puuwai a me @ ano mai no a pau. Pela a hoi na mai lele. Kolera. Hela@,@iva lonalena, lepera Maialii ke iki a me kaho olaana, pau pu me na koko ino. Ua hiki i ka'u laau me hoohemo keiki i ka wa nahunahu me ka poino ole. Ha laau no kekahi no ka hooponopono hou ana i ka waihona keki a ikawa e mu ai i keia laau me ka malama loa i ka rula e loaa no he kieki i ka poe i loaa ole he keiki mamua @
E Naue mai i @ Maka
He pomaikai nui keia no na makamaka hoonele ia me keia haawina makamae. E hauoli no au ke ke aku i na makamaka e kipa mai an o kuka pu me a'u ma na ano a pau e pili ana ka'u oihana?
[pointing hand] E KIPA mai o ka poe hooluuluuia me na haawina pilihua ka ma'i, a na'u oukou hooluolu uku.
KAUKA YONG KAM PUNG.
J na18.194.1y-dy@
-----
Laau Bama Kunu
-A-
LOGAN,
--
No na Mai Kunu,
No na Ma'i Hano,
Na Mai Punia'
etc. etc.
He laau hono ole keia no na Keiki opio a me nakanaka makua.
I hoomakaukau wale ia no e
BENSON, SMITH & CO.,
jun 10 tfd.
=====
WAIU MAIKAI
--
Ina oukou i makemake ika waiu maemae, waiu momona, waiu hou, a waiu ono, a i waiu i oi aku i ko ka niu haohao, e lawe oukou i ka waiu mai ke kaa waiu o
-"KIPAHULU DAIRY'-
o ka apana o Waikiki. E hoolawa ana hoi keia wahi Uwi-Waiu ia Honolulu a me Waikiki me ka waiu oi aku o ka maikai a me ka pa'ipa'i ole ia me ka wai elike me kekahi poe lawe waiu e aku.
Ua hanai ia na kumulau bipi laha ole, uwi waiu ia, iloko o ka hale me na mea ai kuhikuhinia a ono hoi, elike me ka mauu SORGHUM a me HUA-PALAOA a e inu ana hi i ka wai maemae lua ole o ka punawai wai @aniani.
Ma keia ua alo ia na kumu a pau o ka ma'i e ino ai ka waiu mai na ai hamu o ke kula a me na wai inu olepolepo kumau. Aole he pilikia e hopohopo ia ai ma o Kipahulu Dairy, o ke Korela a ma'i e ae paha.
Eia ke hanaia nei ka WAIU BATA, ke hanaia nei ka moa, ka palehu, ka hua moa, a o keia mau mea a pau e loaa ana me ka maemae a me ka hou loa. A he wa pokole e loaa aku no he puaa hilii o na ano maikai loa.
Na na opio Hawaii Ponoi e hookele a e malama nei keia wahi hanai holoholona i kapaia ke "Kipahulu Farm," a ke nonoi aku nei lakou i na kuai ana o ko lakou mau hoakanaka o ke one oiwi hookahi, e kuai mai me lakou, o "Kipa hewa anei ke aloha i ka ilio."
Na Joe Richards e kalaiwa nei ke kaa lawe waiu, e kiai oukou iaia e kiai i kana waiu a e lilo ana no ia he mea e ola maikai aio na opio, a e ikaika ai hoi ko oukou mau kino, me ka holo pono o ko lakou mau noonoo ana.
HENRY F. POOR
W. M. BUSH
Kipahulu Farm. Sept 30, 1895.
sept 30 6mdly.