Ka Oiaio, Volume VII, Number 35, 8 November 1895 — Page 4

NUPEPA KA OIAIO.

J.E. BUSH, Lunahooponopono.

O KA PONO KA AIALII E OLA AI KA AINA.

 

POALIMA : : : NOV. 8, 1895.

 

HE MOOLELO KAAO HAWAII

-NO KA-

PUHI O LAUMEKI.

KA MEA ILIKEMEKA ILIO

PUAAPUALENALENA

 

Ka imi ana i kona kahu—Pela no keia Puhi kaulana i oleloia He Puhi ka i'a—He oni ka Lala.

 

            [Ka manao hooakaka a ka mea kakau moolelo. Ke hoonee hou aku nei au i keia moolelo kaao Hawaii kahiko, e like me na baawioa o ka ike a mo ka hoopaanaau ana a ko kakou mao kupuna kahiko me na hua palapaia ole iloko o ko lakou mao Loio i na moolele kaao lehulehu wale a lakou i haku ai ma na h@an i ana ma na mea i ike maka ia a me na mea i koho waleia mawaho ae e na kaao a me na mea pili i ko ke kanaka kulana maoli a hoololiia i mana kupua, a e like me ia mau ike hoonanea o lakou i ke au kahiko, oia hoi ka ka mea e kakau nei, a e puana ae nei i ka oikelakela o ko lakou mau noonoo a me ka ike lua ole i ka haku ana i na mele Koihouna a mo na Kumulipo na oki a me na mahelehele ana aia mailoko mai oia mau mele e loaa ai ka olelo makuahine o Hawaii nei, aia i keia au Hou. Ke lawe aku nei oa haole i ko kakou mau moolelo kahiki, a nele kakou ka poe nona ka aina.]

            Aole paha he mea malihini i ka @nui o Hawaii nei, ka ike ana i ke ano o keia i'a loihi he Puhi, ua puni na kapakai a me na makalae a me na haloaloa a me Laupapa Kohalo ame na amokumoku iloko oke Kai, aole hoi hookahi waie no ano kakao o ka Puhi, he nui a he lebulehu wale na inoa e like me ke ano o ko lakou mau kakau ma ka ili, aia nae i ke au kahiko o ko kakou mau kupuna, ua lawe ae la kekahi poe kabiko a hoowana aku la i ka puhi i Akua me ka hookapu ana i kekahi mau mea e pili ana i ka puhi, a he nui wale boi na moolelo e pili ana i na puhi. A no keia i'a ka olelo kaulana, "o ka puhi o ke alela ahu ke ola."

            A o keia i'a ho hoi ka mea a Keinolioomanawanui i kuko ai ka Pohi o ka loko a Hanaloa i kona wa e noho ana me kana aikane Kalelealuaka mauka o ka hale poai ma Waipio uka i ka wa e noho alii aimoku ana o Kakuhibewa no ka mokupuni o Oahu nei, nolaila, he pono e olelo kakou no ka mea nona ka mooielo e kau ae la maluna ae nei, oiai, ua hiki aku lakou i kahi e hoomaka ai, a oia iho keia.

            Ua oleioia ma keia kano o Laumoki, he puhi kona auo maoli, o Oahu nei ka mokupuni o Ewa ka moku o Honouiiuli Kaahupahau, aia iloko o Kaahupaliau ma kona kaikuono he wahi i kapaia ka inoa o Kaihuopalaai, kahi hoi ona Anae momona nana e hoolaha i ko Honolulu nei poe i na ia i ui aku la me ka makepono.

            O Kaihuopalaai he kane oia ma ka hanau ma ke ano he keiki kupua a papa no Honouliuli.

            A nona hoi ka muli ponoi mai he kaikamahine i kapaia ma ka inoa o Kaihukuuna, aia i na la i pii mahuahua ae ai o kona kino, ua hele aku la oia me kekahi o kona mau makua mai Ewa aku a noho aku la mauka o Laiemaloo ma Koolauloa, a noho iho la oia malaila, a loaa kana kane.

            Aia ma ia wahi kahi kapaia ka inoa ae la maluna, ola ka palena o ka Anae holo mai Honouliuli aku. Aia nae i ka wa i kaawale aku ai o Kaihukuuna mai kona kaikukane nonoi aku a me ko laua mau Luaui ua nui ae la no hoi o Kaihuopalaai e kona oiwi kilakila e haiamu mau ia ana e na helehelena o ka ui o kona mau la opio, aia hoi na ulaohelohelo ke puapua mai l@ mu kona mau papalina me he ohia pala ala i na mahina mua@o ke Ka@.

            A ua hui puia hoi me kona ai o he keiki mea makua a punahele hoi imua o kona mau makua a me ka ohana no a pau.

            A ma ia mea i hoonioni aku ai i ka puuwai o kekahi kaikamahine i like aku no boi kona mau hiohiona me Kaihuopalaai, oia hei o Kaobai o ko Waikele puukani hoi keia, oia hoi kahi o ka Ulunui e ku nei ma @ai o ka muliwai o Waikele a me Waipio.

            Aia ma ia ano, ua hoao ae la ua mau ui la o Kaiahamuuleo me na ahaaina palala o na aoao elua.

            E like me ke ano mau o na keiki mea makua a punuhele oia Au Kahiko.

            Aia no hoi i ka opio o ko lana hui ana a noho ae la he kane a he wahine me ka maluhia o ko laua noho aloha ana iloko o ko laua mau umauma, aia hoi, ua ikeia ka waiwai mai ia mau la o ko laua noho ana.

            Aia maluna o na hiona o Kaohai na ano o na Iloli hapai keiki, e like me ka mea i ike nui ia iwaena o na wahine hapai keiki o kela lahui.

            A ua lilo hoi i mea hauoli loa ia laua ia mau la, a i oi loa aku la hoi ka ohohia i ko laua mau makua a me na kupuna.

            A e like no hoi me ka loihi o na la e ka hapai keiki ana me ke hoomanawanui i ke kali ana i na minute o ka ehaeha a na kuakoko e hakoko ai no ka maalahi mailoko mai o ka haiki kupilikii o ka pubaka o Kaobai, a he mea boi na na wahine e hiki ole ai ke hoole ae ai ia mea be ehaeha i ka hanau ana.

            Aia nae i ka hiki io ana mai o ua manawa ala ia Kaohai, ua hanau mai la oia he keikimahine maikai i like aku no kona ano me kona makuakane.

            A oiai oia e lawelawe ia ana me ka hoomaemaeia o ke keiki ke omo ana i ka nalu a me ka ohi ana @ ka piko mai ka Iewe mai.

            Aia nae ma ka nana pono ana iho i na ano a pau o ua kaikamahine oei, na ikeia he wahi moali anoulaula a kikokiko ano like me he uhi kakau la e hoopuni ana ma ke kino a puoi o ua kaikamehine nei, a oiai na makua a me na kupuna e noonoo ana i ke ano o keia mea ma ke kino o ke keiki, aia hoi, ua ili hou iho la ke kuakoko, a ua hoopuiwaia ae la na manao o na ohana e noho pu ana me ka mea nona kaia ehaeha, he mahoo paba, aia nae i ka hunau ana wai he puhi e oui mai ana iloko o ke koko ma ko alo o na uha o Kaohai.

            Oiai kona makua maka a me kona nuku e au ana i o a ia anei, a ua maka'o ka ohana i keia puni o oni nei a haalele iho la i ka mea pilikia e waiho pela.

            A lawe aku la lakou i ke keiki maoli, a o ke kane hoi hana i imi iho a loaa ua noe aku la oia ma kahi e mai kana wahine e noho nei me na kiheahea a ko koko ma kona kino me ka mea ole boi nana e kokua mai iaia.

            Aia nae, o keia puhi i hanau mai la, oia no ka mea nana i holoi aku i ka paumaele o ko laua makuahine me ka meiau me@e kanaka ala, aia na ia mea i hookoino mai iloko o Kaohai ka mea nana i hanau aku ia laua mailoko aku o kona puhaka aku aole hoi e hiki iaia ke hookae a hoowahawaha aku iaia.

            Nolaila, ua olelo aku ia o Kaohai i kana kane Kaihuapalaai e hoopau i ka makau, a e noonoo pu laua no keia mea kupanaha, nolaila, ua hooholo iho la laua e malama i keia puhi ma kahi kupono maloko o ke Kai kuono o Honouliuli, kapa iho la ia i ka inoa o Lauuieki ai ka inoa hoi o kona hanau mua o Kapapuhi ka mea kino kanaka maoli, aia hoi ma ia mau la mai, ua lilo keia puni i mea punahele loa me ka malamaia ma ke ano e hoolilo iaia i Akua e hoomau ai no keia mau makua.

            A ua noi wale na mea i hoolaaia no keia puhi e like me ka malama ana i ka laua kaikaimahine, a oia nae ka mea oi loa aku o ke aloha i kona pokii puki i hanau like mai ai laua mai ka pohaku hookahi mai o ko lana mama.

 

 

KA MOOLELO HOONANEA

-O KA-

MAKAI KIU

LAU OLIVA.

Ka Hiena o ka Moku Aia o Viliginia Hema.

Ke kaeaea o ke koa a me ka wiwo ole.

Ka hiapai ole o na hana hookalakupua

 

            E na hoa'loha a me na makamaka, na tausani hoi o ka poe puni i na moolelo hooniua puuwai, a i ake hoi e ike ina hana hookeiakela o ke au e nee nei, a me ka lakou mau hana kaulana i hana ai.

            No ia kumu ke pahola aku nei makou i ka moolelo kaulana o kekahi kaikamahine opio, nona ka inoa Lau Oliva, ka ui oi kelakela hoi o ka mokuaina o Viliginia Hema, ka hiki mua hoi i na wahine i lawe i ke kulana o ka oihaua Makai Kiu, a i haawi hoi i kona ola makamae, no ka pale aoa ae i na popilikia o ka poe kaumaha, a me ka poe e nono ana ma ka home.

            Ma ka mokuaina o Viliginia Hema ma ka aoao hikina o ke kulanakauhale, e nono ana kekahi mau hapauea no laua na inoa Keoki Likeke, a me Haliaka Likeke, no laua na makahiki pakahi o ke kanaha a me ke kanahakumamalima.

            E hooikaika paaoho ole ana hoi laua i ka huli ana i na mea e pono ai keia ola ana, a me ka laua kamaiki, ka mea a laua i kapa aku ai ke aniani kilohi helu ekani o Viliginia, ka hua ohaha hoi o ko l@na mau la i hele e kanikoo.

            Mamuli o ka loaa nua ia laua o keia pua nani ma o ka lokomaikai ala o ka Haku Mana Loa, ua liloia i mea no laua e hauoli loa ai, aka, hookahi nae a laua mea luuluu oia hoi, ko aneane aku ia ko laua mau la, e kaalo aku ma kela huli o ka poepoe honua, a owai aua anei la ka mea nana e malama i ka laua lei aloha he keiki.

            Auwe! Iuuluu ino, ehaeha wale ka noho ana iho o ke keiki makua ole i hiki ole hoi ke ike i ka pono a me ka hewa o ka mea ana e hana ai.

            Aka, ma o keia noonoo ala o na makua o keia opio, ua aui ae la ia mai ka ke Akua aloha ae, oiai hoi ua hooloihi wai oia i ko laua mau la, a hiki i ko laua ike ana i ka hua o ka laau i kanu ai, oia hoi he keiki kama kahi.

            Nolaila, e na hoa heluhelu, ma keia wahi o ko kakou moolelo, e motio pololei aku kakou i mua ma ke alahele o ka mea nona keia nanea a o ka'u e kau leo 'e aku nei ia oe e ke kanaka ui, a me ka @ wahi maikai mai kuko oe iaia i wahine nau, a mai lili kunihewa hoi oe e lilo ana kau huapala iaia, aka, na ka oiwi no ia o kou la kanaka ui, a wahine maikai hoi.

            Ua maiama ia keia opio e kona mau makua, a hiki i ka, piha ana o kona mau makahiki i ka eiwa, a ua hiki hoi iaia ke ike i kana niea o hana ai.

            Iloko o keia mau ia e nee nei, aia kona mama aloha e ao mau ana i ka laua lei aloha, ma na mea a pau e pono ai ka uhane a me ke kino.

            A e heluhelu mau aku ana hoi imua ona i na moolelo kanlana o na kanaka naauao loa, na naita kaulana, na koa wiwo ole, a mo na Makai Kiu, a e kula mau ia ana oia i kela la a me keia la, ma na mea ike akeakamai.

            He wea oiaio, i ka piha pono ana iho la o kona mau makahiki i ka eiwa, aia hoi, ua lele ae la kona nuauao ma na mea a pau, malona o kona mama aloha.

            A no ia kumu, ua hooholo iho la kona mau makua, e hoouna aku i ka lana kaikamahine, iloko o kekahi Kula Kiekie o Viliginia, i hoonui hou ae ai i kona ike, a i loaa ai hoi he makua nona e noho aku ai na ia mua aku, oiai oia ke hele aku ia laua e hapauea loa.

 

 

KE ALAHELE O KE KUONOONO.

            He mea hoohauoli no ka manao, ka ike ana iho, maloko o kekahi nupepa puka ahiahi o keia kulanakauhale, ka hana a kekahi wahi keiki palaki kamaa, e noho paahana nei mawaho iho o ka hale ako lauoho o Rach, ma ke Alanui Hotele, nona hoi ka inoa o Hans.

            I ke kakahiaka Poalima nei, ua nonoi aku oia i ka oluolu o kekahi limahana o ua nupepa puka ahiahi ia, e hookomo wale ia kana wahi hoolaha, e pili ana i kana hana, ma o kona haawi ana la i kona makuahine $1.00 i kela a me keia la, a koe ka Poahiku.

            Ua haawi aku oia i na mea a pau i loaa ma kana hana ana, iloko o ka lima o Mr. Roach, i kela ahiahi keia ahiahi, ma o kona hoolilo ana iaia, i Kahu Malama Waiwai nona, a nana hoi i hookomo aku iloko o ka Baneko Haleleta, a i keia la, ua hiki aku ka huina o na dala i hoahu ia aku mamua o ka $100.00, ka mea hoi i loaa ponoi mailoko mai o kana wahi hana ponoi i lawelawe ai. Ina e loaa iaia ka wa kupono e hoomaha ai, alaila, o ke koena aku o kona manawa no ka hele ana e hoonaauao iaia iho.

            He mea keia e ao mai ana i na keiki Hawaii a pau, e hoohalike ae me keia wahi ukulii hoomakaulii, o ke alahele auanoi ia o ke kuonoono a me ka pomaikai. Nolaila, o hoao e hana elike me keia wahi keiki, a e loaa no ia lakou ka pomaikai.

            O ka mea ana i noi aku ai i ke kanaka kakau nupepa, ua manawalea wale ia mai iaia mai, a na ae ia oia elike me kana noi, ma hulo i kana hana hookuonoono, o ke anuu auauei ia e pii ai i ka hano haweo o ka hanohano.

 

 

KE KAA HEHIHEHI WAWAE.

            Ua lilo ke kaa heihei wawae, i lio heihei na ko ke kulanakauhale noi poe puni lealea a hoohala manawa hei e ka la, i mea makaaiau nui ia, a uo ia kumu, uahooulu ae nei na halepai o ka Bulletin, a me ka Advertiser ma ke koho ana e kaa ai ka hanohano o ka mea oi aku o ka paulele ia o kana hana e kona mau hoaloha.

            Nolaila, eiakeia mau nupepa ke imi nei i kahi e nui ai ko laua mau poe lawe pepa, ma ka hana ana i mau balota no ka mea oi i hookomoia, a e loaa no ka uku makana kiekie loa i ka mea e eo ana, elike me ka hana ia ana o ka paani kinipopo.

            He haua maikai no keia, aka, hookahi wale no mea a makou e wanao nei, he hana oi aku keia o ka hoopilikia i ka pono o ka lehulehu oia hoi, ua hoohaiki ia ke alahele o na mea a pau, mamuli o ka hoolilo ia ana o ke alanui aupuni i wahi na keia poo e heihei ai me ko lakou mau kaa, a ua komo pu hoi iloko o keia aluka na wahine, ka poe hoi a makou e menemene nei me ka minamina nui, i ko lakou komo pu ana iloko o keia mau hana a keia mau nupepa e hookikina nei.

            Ua manao makou, he mea pono i ke aupuni e papa i keia poe e heihei uei ma ke alahele o ka lehulehu, a e hoihoi ia lakou ma ua wahi i hookaawale ia no ia ano hana, elike me Kapiolani Paka, me Makiki pa;@, alaila, ua ahona ia mamua o keia, a ko makou manao keia, malia paha, aole ia i kulike me ka ike o kekahi poe e ae, me lakou no ia, a maluna no o lakou iho na poino o ka lakou hana.

 

 

KO BERITANIA GIBERALE– TA HOU MA AMERIKA

            Ua lilo i mea nui a kaulana loa ma ka honua nei a puni, ka pukaua pahaohao e hoopuni la i ke Kowa o Giberaleta ma ke Kaiwaenahonua, kahi hoi nana e paniku nei i na aumoku kaua o ka bea keokeo o Rusia mai kona puka laelae ana mai ma keia aoao o ka Mo@na nui akea o ka Pakipika me ka Atelauika, me ka waha o na pukuniahi e kakali mau mai ana o ka hoea aku o kona mau enemi ma ia mau wahi, alaila, o ka mea nana e ao iaia, i pau ai kona hookiekie, o kona hapai pu ia me na pono a pau, a kiola ia i ka lewa me he wahi lupe la, e kilepalepa ia ana,

            Ua nui na hoao ana a Rusia e kailiku i keia wahi, i ole ai oia e hoopilikila wale ia mai, a me ia uno a hiki no i keia la, eia mau no o Rusia ke hoohahana mau nei ma ia mau wahi, me ka moe ole o kona po, no ke kuko ka li'a, a me ke akenui e palahalaha aku kona mana ma na wahi a pau o ka honua.

            No keia hoopaapaa pili aupuni hou mawaena o Amerika a me Beritania, nolaila, eia o Beritania ke liuliu hou nei e kukulu i Giberaleta nona ma keia aoao o ka poepoe honua, e kau pale ia aku ai ka mana aluna o ka maiuu o ka aeto, ma na kapa kahakai o Amerika Akau a me Amerika Hema, i hiki ole ai hoi iaia ke hoonioni i ke kulana keikikane o ka liona o Pelekane mai kona mau palena aku aua i hookahua ai nona ponoi.

            Nolaila, ua lawe ae la o Beritania i ke kowa o Fuea, ma na kapakai o Exquimalt, e moe ana ma ka laina pololei, ma ka aoao hema o na mokupuni o Venekoua. Aole paha wahi i oi aku o ka nani a me ke kulana paa keikikane, e hiki ai i ka enemi ke ku mai a hoao no kona palekana mai ka waha mai o na pukuniahi a me na topido luu e moe lakeo ana i o a ia nei me ha puhi ka-pa la, ina e paa pono ana ia mau wahi i ka hookuene pono ia.

            Ua olelo ia no hoi, aole loa he anuu hou a na papu kahakai i oi aku ka maikai a me ka paa mamua o ke Giberaleta hou a Pelekane e liuliu ala e hana i keia mau la, a ke holo pono na mea a puu, alaila oia aku ka oi mamua o ke Giberaleta o ke Kaiwaenahonua, ka mea nana e kau kanawai la na ale ahiu o ka meana me kona mana piha ma na ano a pau, a o kona ku ana iwaena o na pukoa o ka moana, ua lilo ia i mea kamahao loa iloko o keia au hou a ka naauao e hele nei.

            Ua ulu mai keia mau hoomaopopoia ana o keia mau hoolala papu hou ana, mamuli o ka noeau o na loea kalaiaina hoopono oia aina puni hakaka o ke ao nei, he mau makahiki ae nei i hala ae a no ia kumu, ua manaoia o ke Kowa o Fuca, mawaena o ka Lae o Macauley (Mako-le i ke kai ka'uhaa) a me ka pa kapili moku kaua o Exquimalt, oia kahi kupono loa e hoopaa pono ai i ka hehiku ana mai o na enemi ma kona mau palena aina kahakai, kahi hoi a kona mau kapuai i komo kino maoli ai a hookelakela ae la imua o na maka hoomakaleho o ka Aeto o Amerika.

            O keia papu hou e hana ia la imua o ka maka ponoi ko Amerika mau loea kilo aupuni, aole loa ia he mea na ke kanaka Pelekane i aloha io i ka inoa kanuala a hookelakela o kona aina hanau i hoahewa aku i na hoolala hana aua a ke Keena Kaua Imeperiala o Enelani, no ka mea, oia hana ana pela, me ka loaa mau mai o na kauoha e hoololiloli ana i na limahana i kela a me keia manawa, i ole ai e hiki ia lakou ke ike a hoomaopopo i na wahi huna o loko o ka papu, a pela iho la ke ano o na hoohana ia aua o na paahana; elike paha me ke kukuluia ana o ka hale pakui o Babela, ka hiki ole i kahi ke hoomaopopo i ka hana a kahi, pela i lawe ai o Enelani i keia rula a hookau aku la maluna o kona mau paahana e kukula la i ka papu.

            O ke ku ana o keia papu ma ia wahi, he hoomahuahua mau ana aku ia i na pono a me na pomaikai o ka lahui Pelekane, ma ia mau aina mamao mai kona mau kahakai mai, a e ku ai no hoi ka lakou kaena a hiki i keia la, "aole loa e hiki i ka bea o Rusia ke hoomaneoneo i na manamana wawae o ka liona o Enalani, a i ka Aeto lioi o Amerika ke hoao e kiko me kona nuku oi, me ka loaa ole o kekahi haawina e hiki ole ai ia laua ke hoopoina a hiki i ka hopena."

            Nolaila, aia mau na paahana ke hana mao ole io i ka po a me ke ao, me ke ku makaukau mau ana i na wa a pau, no ke pale ana aku i na enemi e hoao mai ana e hoohio i ka hana i mea ole.

            Mawaho ae o keia, aia no ke hoomakaukau ia la kekahi hale paikau nui no ka hoomaamaa ana i na koa ma ia mau wahi i mea e hoonipaa loa ai i ka maluhia ma na apana hikina o Kanada, ko Beritania keehina wawae makaukau e ku hookananeo la imua ponoi o ke alo o Amerika Huiouia me ka lako a piha i ka makaukau.

            Nolaila, o kela mau hana hookela hou a ke aupuni alii o Enelani, he mea ia ua na aupuni Repubalika mai ka hikina a ke komohana, a mai ka akau hoi a ka hema o na Amerika elua, e hookahaha nui ia ai ko lakou manao hookelakela maia hana nui. Nui no ka naauao o na kanaka kilo aupuni o Europa, mana e hoolilo ala i ka noeau o ko Amerika mau keiki laeula i mea ole. Pohea la ko Hawaii Uuku mau loea kilo aupuni? Pehea hoi.

 

            Ua hoopai ia o Pa Lan, he $50, no ka hewa Lusiana Wa.

            Aehe mau ike pili aupuni ma kahi o ke Kanikela Iapana i keia la, no kona omaimai.

            Kokoke o paa loa ka hale pohaku o Hale Von Holo ma ke Alanui Moi, hokilakila kona mau paia ke nana aku.

            Uu ka aka i kekahi wahi Nuuanu o Kamanuwai ae nei ka liki i kona pomaikai e hoea mai ana iloke o 'ekolu pule ana, alaila, e lilo ana ka ia Farani ke aupuni Hawaii no $25,000 wale no. Ea! Ma'u no ka hoi ka nele loa a kela kumukuai. E akahele ke mamaiho ana, o ohi auanei i ka puahiohio.

 

 

OLELO HOOLAHA.

            Owau o Kapea Mu, he mea i loohia i na poino a ka mai, he mau puu'elua ma ko'u mau uha, aohe manaolana no ke ola, aka, mamuli o ka Dr. L. Akina lawelaweana, na ioaa ia'u ke ola. Nolaila, ke hoike aku nei au kuu lahui aloha, e naue mai e ike iaia, i pau kuhihewa.

            E loaa no ia ma ke Alanui Hotele Helu 317.

            Kou oiaio,

KAPEA MU@

            Iulai 24, 1895.

            jul243mnsd.

 

 

OLELO HOOLAHA.

            I ka manawa e hiki mai ai o na mokumahu o ka Hui Mokumahu Waila. (i kaupalenaia; aole e ae ia kekahi mea e pii aku iluna o ka moku a p@i @@a na ohua iuka o ka aina, me ka loaa ole o ka palapala ae mai ke Keena aku; ke ole hoi ua loau ka ae ia e na luna moku.

C. L. WIGHT.

Peresidena o ka Hui Moku Waila.

jun12 tfd.

 

 

Ilio Nalawale.

            Mai ka home nohe aku ma ke Kihi o na Alanui Kauka a me Liliha, ho'elua ae nei mahina i hala, na nalowale he ilio hulu melemele i awili pu me ke kekeo o ke ano ilio alualu holoholona.

            He $25 ka uku makana, (aohe mau hoohuoi e ninaniuau ia aku ana ma ka aoao o ka mea nana e noihoi mai ana), e haawi koke ia aku no ka uku makana i ka wa e hoihoi ia mai ai, ma ke kihi o Alanui Papu me Kalepa.

E. A. McINERNY.

oct15 3tsd.

 

 

HUI IMI WAIWAI O KA NOHONA PONO.

E na makamaka a

me na hoaloha.

Welina kakou:—

UA KUKULU ae nei ka mea nona ka inoa malalo iho nei i HUIMALAMA WAIHONA DALA A IMI POMAIKAI no na nea a pau e koino ana iloko o keia hui i kaoaia ma ka inoa, KA HUI IMI WAIWAI O KA NOHO'NO PONO elike me ka mea i hoikeia maluna.

            NOLAILA, ke kono a ke poioai aku nei au ina makama a me na hoa'loha a pau e makemake ana e hui pu a e komo like mai e lulu a hoiliili ina wahi dala uuku a kela a me keia mea nia ka waihona o ka hui i mea e hiki ai ke hapai i kekahi hana nui e holomua a e pomaikai ai na poe a pau i hookahi iloko o ke apo o ke aloha a me ke kuikahi i loaa ai ia kakou ka noho'na kuonoono o keia mua aku.

            O NA mea a pau e makemake ana e komo mai iloko o ka hui i oleloia maluna ae, e looa no ia lakou ka iku a me ka hoonaanao ia ana aku no nakumunaka, na aiakai hana ana a me na hoolala a pau pei'i ana i ka hui, mamali o ko lakou hele kino ana mai e hui a e kuka pu me ka mea nona ka inoa malalo iho nei, a nana e wehewehe aku i ke kulana, ke ano a mo na mea a pau i makemakeia e hoohana i mea e holomua ai, a e pomaikai ai ka hui.

            E loaa no au ma ke KEena hana o ka Moiwahine Kauemake Kapiolani, Honuakaha, Honolulu, i kela a me keia la ona hebedoma, koe ke Sabati.

MRS. KAINANA PUAHI

Lunahoohana a Puuku.           Peresidena.

sept26 Imd & wkly.

 

 

Na Mea Kahiko Noeau o Iapana.

Ua wehe ae nei au i na mea hou i laha mua ole maanei nei mai Iapana mai.

Na Pahu iwi-ea maikai 15a.

Na kahi iwi-ea a me Pine lauoho

A pela aku, kumukuai haahaa Loa.

 

 

kNA EA IWI PALAOA

E laa hoi na balaki niho, na aniani lima, na Kahi lauohe, na pahu luhi, a pela aku.

Na Lako Dala!

 

Na Hua Pupu Momi Maoli!

Na Lole Silika,

Hainaka Silika!

 

Na Lole Keekeo Iapana,

Na Papale Helemeta mama loa,

Na Silika Manu,

 

Na Pakana Wahine emi no—$1.50

Na Moena Iapana nani,

Na Kookoo me ke au dala,

Na Huewai waihooluu

Like ole.

 

Na'Pola a me Kilu—ai,

Pa holoi lima,

Na Kiaha i kahiko

Lau ia

Me ke gula

 

Me oa mea he lehulehu wale,

E kipa mai ma ko'u Halekuai ma ka aoao Ewa iho o kahi o Daimana, Aianui Moi.

A. BARNES,

Iulai15, 1985.  jul15 Ima.