Ka Oiaio, Volume I, Number 2, 2 January 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.         HONOLULU, IANUARI 2, 1896.   HELU 2.

 

KA OIAIO PUKA LA.

 

KA MANA O KE AKUA I. IKEIA ILOKO O NA MEA MAU.

 

            E ao ana kekahi poe lehulehu he ikaika make ole ko na mea a pau nona iho, oia hoi, ua komohia kekahi mau haawina iloko o na mea i ike ia, a ua kuu ia hoi e hooko aku i kona haawina mamuli o kona ikaika ponoi iho; a @ na hoohana ana a na mea mau e hooheleia aku no i kulike me na kanawai paa, na kanawai i hiki ole ka i ke Akua ke akeakea iho.  He ike ake akamai kuhihewa loa keia, a aole no hoi kakoo ia maloko o ka ke Akua olelo.  He k@uwa hoohana hoi na mea mau a pau e ikea nei na ka mea nana i hana mua na mea a pau.  He hoike ana na mea maa mau a pau i ike ia no kekahi mea naanao kekahi mea @o@, kekahi mea nona kekahi mana ikaika, e hoohana ana ma o na mea maa mau malolo o na kanawai paa.  Aia hoi iloko o na hoohana ana o na mea a pau ka hana @oomau ana o ke Akua a me ke Keiki.  Ua olelo o Karisto, (Ioane 5:17.) e pili ana i keia honua, na pau hoi ka ke Akua hana, aka, ke hoomau nei no nae kona ikaika e hoopaa ana i na mea a pau i hanaia e ia.  Aole loa hoi no ka hookumuia ana a hoohele ia hoi o na mea e pili ana i ke kino o ke kanaka e hoomau aku ana oia e hana kaokoa ma kona ikaika iho, e pana ai ke @-koko, a e hana hoomau ai ka hanu; aka, o na hanu ana a pau, na pana ana a pau o ka puuwai, he mau hoike ana no ia o ko ke Akua kiai hoomau piha ana i kana mau hana i hookumu ai, “No ka mea, maloko ona e ola nei e hele nei, e @oho nei kakou.”  Oih. 17:28.  Aole loa no ko ka honua mana ma ona iho i hoohua mai ai oia i kona mau waiwai i kela a me keia makahiki, a i hoomau aku ai oia i kona kaahele ana e poai ana i ka la.  Na ka lima o ke Akua hoi e hoohele nei i na honua a pau o ka lewa, a i hoopaa ma ko lakou kulana maloko o ke aouli ia lakou e kaahele ai malolo o na kanawai.  (Isa. 40:26.)  Aia hoi mamuli o ko ke Akua mana i ulu ai na mea ulu, i kupu ae na lau a i mohala mai ai na pua.  E hooulu ana hoi oia i na mauu maluna o na puu a nana e hoohua nui mai na awawa.  E imi ana hoi na holoholona a pau o ka waonahele i ka lakou ai mai ke Akua mai.  (Hal. 147:8; 104:20, 21,) a o na mea ola a pau, mai ka mea nuku loa a ke kanaka, e hilinai ana i na la a pau no ko lakou ola ana maluna o kona malama aloha ana.

            Ma ka olelo nane a ke Kaula Mele o Iseraela, “E kakali no keia poe a pau ia oe, i haawi mai ai oe i ka lakou ai i ka wa pono; O ka mea au e haawi mai ai na lakou, oia ka lakou e hoiliili iho; wehe no oe i kou lima a lako iho la lakou i ka maikai.”  (Hal. 104:26, 28.) hekili e like me na huna ai: owai hoi ka mea hiki ke ku imua o kona anuanu?  Ho@@na@mai i kana olelo, a hoohehee ia lakou, a hoohuai mai oia i kana makani, a kahe iho la na wai.”

 

HE HAAWINA HELUHELU BAIBALA.

 

KA OLELO OLA.

 

1.  Malokoo ka haawina heluhelu baibala hopeaku nei, he aha kai loaa ia kakoa?  Pane – O ka olelo mana a ke Akua, ka mea mau loa. (1 Pet. 1:25.)

2.  Ua olelo mai anei o Karisto i ka olelo a ke Akua?  Ioane 3:34, hapa mua.

“No ka mea o ka mea a ke Akua i hoouna mai ai, o ka ke Akua kana e olelo ai.”  Ua like no ka mana o ka olelo i olelo ia mai e ke Keiki a me ka Makua.

3.  He olelo ola anei ua olelo la?  Ioane 6:33.

“No ka mea, o ka ke Akua berena, oia ka mea i iho mai mai ka lani mai, a haawi i ke ola no ko ke ao nei.”

4.  Na ke aha i hala hou mai ia Lazaro mai ka luakupapau?  Ioane 11:43.

‘E Lazaro, e hele mai oe iwaho.  Aole hoi i manaoia he kupono e hoopa aku o Iesu ia Lazaro, no ka mea, ua like no ka mana o kana olelo me kena hoopaa ana.”

5.  Ma ka wa hea hou aku hoi ka Karisto olelo i hoola ai i ke kino, ua make?  Luka 7:14, 15.

“Hele a@la o Iesu hoopa ae la i ka manele ku malie iho la a poe e kali ana.  @ ae la ia, e ke kanaka hou, ke kauoha aku nei au ia oe, E ala ae Alarla, noho mai iluna ua kanaka make la, a hoomaka mai la e kamailio, a haawi ae ia o Iesu iaia i kona makuhine.”

6.  Pehea la ka paahana o ke @eneturiana i ola ai?  Mat. 8:8, 13.

“Olelo mai la ka lunahaneri i mai la e ka Haku, aole o’u pono e komo ae ai oe i kou hale; e olelo wale mai no oe a e ola no kuu kauwa.”  “Olelo aku la o Iesu i ka lunahaneri, O hoi oe; a e like me kau i manao io mai ai, pela hoi e hana ia aku ai nou.  Ola iho la no kana kauwa ia hora.  Ua manae io ka lunahaneri e ola io ana no kana kauwa, he mau mile ka mamao aku, a aole no hoi kaulihia kona manaolana.  Ua manaoio ka lunahaneri @ia ka mana o ke Akua mahope o ka Iesu olelo e ka koo mai ana.  E heluhelu pau i na pauku 5 a ka 13.

7.  No ke aha hou i hoopuka mai ai ka Baibala i ka mana kelakela, hanakunu o ke Akua i hoike ia ma o Iesu la?  Pane - @ me e hoohoihoi ai i na lawehala e manao aku he mana ko ke Akua e lawa ai e hoopakela ia lakou mai ka hewa a me ka make.

8.  Heaha hou aku ko Karisto mana i hoola ai @ ka mea i lol@ ai, i hoike ia ma ia hana ana  Matt. 9:6.

“I ike hoi oukou he mana no ko ke Keiki a ke kanaka e kala aku i na hewa ma ka honua nei.”  @ @ ae (wahi ana i ka m@i @olo) e lawe oe i kou wahi moe, a e hoi i kou hale.  E heluhelu hoi na pauka 2 a ka 8.

9.  Heaha ka Baibala olelo no ka hook@m@ ia ana o ke kanaka m@a?  Kin. 2:7.

“Hana ike @ @ Iehova ke Akua i ke kanaka, he @ o ka honua, a ha iho la ia i ka @anu ola iloko o na puka ihu ona, a lilo ae la ke kanaka i mea ola.”  Heluhelu ia @ 33:4.  Ua ha ia iho la ka ha@u ola iloko o ka mea ola ole he Iepo.

10.  Heaha hoi ko ke kanaka kuiana mahope o ka haule ana?

“Ua poele@le ko lakou manao ana ua mamao loa mai ke ola aku a ke Akua, no ka naaupo iloko o lakou a no ka paakiki o @akou”  He kanaka make oia, (Kin. 2:17) “ua mamao mai ke ola o ke Akua.”

11.  Heaha ka ke Akua haawi i ka mea i ma@ao io i Kana Keiki?  Ioane 3:36.

“O ka mea manaoio i ke Keiki, he ola mau loa kona Heluhelu ia 1 Ioane 5:11, @2.

12.  Ma ke kumu hea la ka hanau hou ana iloko o ke ola hou ana e hooko ia ai?  Pet 1:23.

“Ua han@ hou ia mai oukou aole hoi na ka hua e pala wale ana, aka, na ka hua pala ole, ma ka olelo a ke Akua ola, ka mea e mau loa ana.”  Pane – Ma ka ke Akua olelo ola.

 

NA HOOKOHU I LOHE WALE IA.

 

Ma@li o ka hoololi a me ka hakahaka o kekahi mau kulana o ka Aha Hookolokolo Kiekie, ua hoopiha ia aku la kekahi mau Lunakanawai o ka Aha Kaapuni a me ka Aha Hoomalu o Honolulu:  O Mr. Whiting ma kahi o Mr. Frear, i nee aku ma kahi o Mr. Bikekona i make.  E hoopiha ia ana hoi ko Mr. Whiting a me Mr. Magoon e Messrs. Carter a me Perry, na Lunakanawai Kaapuni, a o Mr. Kane @a kahi o Mr. Perry, i Luna Kanawai Hoomalu no Honolulu.  O na lono wale no keia, o ka oiaio maoli koe a hoea mai ma na nupepa aupuni.

 

            Eia mui ka nupepa opio KA O@AIO ke oili pulelo aku la me na kuhinia a ka puuwai e hooniua a@

            Aole ka Lunakanawai Kiekie ma ka ike a ka Peresidena Dole i ka la Hapenuia iho nei.  He kakaikahi no hoi na Hawaii mawaho ae o na Hawaii ma ka oihana i ike ia.  He aupuni haole maoli o Hawaii i kela, a @e malihini ka mea nana e hehiku na papahele i @ehi mua ia e na kama-hanau o ke one oiwi.  @