Ka Oiaio, Volume I, Number 5, 8 January 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE 1.  HONOLULU, IANUARI 8, 1896.  HELU @

 

KA OIAIO PUKA LA

O KARISTO A ME KA BAIBALA.

            O ko Karisto ano iwaena o kakou, oia no ke ano o ka Baibala iwaena o na buke heluhelu a pau.  Ua hoolilo ia oia he kino kanaka, a ua noho pu me kakou; a pela no hoi i hele mai ai ka olelo a ke Akua ma na ano o na olelo, a ua noho pu hoi me na olelo o na buke e ae.  A e like hoi me ka noho ano o ka olelo a ke Akua i noho pu ai mekakou ke Akua ma ke kino kanaka, a pela hoi ma ka baibala i noho ai ka olelo ola a ke Akua.  A e like hoi me ka ike ana aku a kanaka ia Iesu aole he ano a lakou i manao nui ai (Isa. 53:2), pela no hoi ke kanaka manaoio ole i ka ke Akua olelo, aole oia e ike ana he nani a he ola kekahi ma ka ke Akua olelo a lakou e manao nui aku ai.  Aka hoi, e like me Petero, a me na kanaka manaoio e ae a pau, i hiki ai ke olelo ae no Karisto, “o oe no ka Mesia ke Keiki a ke Akua ola,” (Mat. 16:16), pela no hoi ka poe e manao io ana i ike ai i ka baibala oia ka olelo o ke ola a ke Akua ola mau.  E like me Iesu ke Karisto, “i hele mai ai i kona iho, a aole kona poe i malama aku iaia,” (Ioa, 1:11) pela no hoi i hoole pinepine ia ai ka ke Akua olelo e kona poe ponoi.  Ua like ka pili pono o keia mau hoohalikelike ana a pau ma na ano a pau.  Ua like loa no hoi o Karisto ma ke kino me ke ano o ka olelo:  O ke ano o ka Baibala, ma ka hoopono a ma ka mana, oia no ka ke Akua olelo i hoike ia ma na hua palapala: o Iesu Karisto hoi ka hoohana ia ana aku o ka ke Akua olelo iloko o ke ano kanaka kelakela hookahi i noho ola ai ma keia honua, - ke kanaka hemolele.  Ina ma ke manaoio maluna ona e loaa ai ia kakou ka olelo, pela no hoi e hoohana ia ai ua olelo la e like me ka mea i hoohana ia ai ia Iesu Karisto – he mea hemolele.  E lilo ana no ka olelo iloko o kakou he mea ola mau no kakou iloko o ke kino e like me ia iloko ai o Karisto, ko kakou Hoola.

 

KA MANA O KA MAKUAHINE.

            Nui a mamao ka hopena o ka mana o ka makuahine o Mose ma kana hanai ana i kana keiki. Oiai oia e noho ana he makuahine kauwa ma kekahi aina okoa.  Ua hoike ae ko Mose noho ana mahope o kona kaawale ana mai na a’o ana a ka makua i ka aai o na hoonaauao ana a na makuahine Karistiano oiaio, a me ke koikoi a palena ole o na hua o ia mau ao ana.  Aole no paha he hana e ae i like me keia.  Aia hoi maloko o ka lima o ka makuahine kekahi hapanui o ka pono o kana mau keiki.  Aole hoi oia e aoana, e malama, a alakai ana i kana mau keiki no kekahi wa pokole wale no, aka no ka manawa pau ole.  E kanu ana hoi oia i na anoano e hoohua ana i na hua, no ka pono a no ka hewa paha.  Aole oia @ pena ana i kekahi kii nani maluna o ka lole, aka e kunipaa ana oia maluna o ka naau o kana keiki i ke kii mae ole o kona Makua lani.  O ke ao mau a ka makuahine i kunipaa ia maluna o ka noonoo o kana mau keiki e ani ana hoi no ko lakou ola ana.  He kupono loa hoi i na makua e hoopololei i ka lakou ao ana a me ka lakou hoomaamaa ana i ka lakou mau keiki, oiai ka wa opiopio loa, i lilo ai hoi lakou he poe Karistiano.  Ua waiho ia mai na keiki ma ko kakou lima e ao ia, aole no na noho alii o keia ao, aka i poe alii ma o ke Akua no ka manawa pau ole.

 

HAAWINA HELUHELU BAIBALA.

KARISTO KE OLA.

1. Nawai i hana na mea a pau.  Epeso 3:9, hapa hope.

“* * * Nana i hana na mea a pau ma o Iesu Karisto la.”

2. Heaha ka inoa a ka Makua i lawe ae ai i kona kamailio ana me ia?  Heb 1:8.

“Aka, no ko Keiki, o kou noho alii e ke Akua, e mau loa no ia.”

3. Pehea i loaa ai iaia ka inoa he Akua?  Heb 1:4

“A ua hookiekie ia ae maluna loa o na Anela, e like me ka oi ana o ka maikai o kona inoa i loaa iaia, mamua o ko lakou.”  E lawe ana na keiki a pau i ka inoa o kona makuakane.

4. I kulike ai me Kinohi 1:1, na wai i hookumu na mea a pau?

“O ke Akua kana Keiki, o Iesu Karisto, ka mea nana i hookumu pa honua a pau.”

5. Ma Kolosa 1:15, 16, owai ka mea i olelo oia ka mea hana kumu?

“Oia hoi ka like me ke Akua i nana ole ia, oia hoi ka mua o na mea a pau i hana ia ai.  No ka mea ua hana ia eia na mea a pau, o ko ka lania me ko ka honua, i nanaia a i nana ole ia, o na noho lii, o na haku, o na luna a me na lii; ua hanaia na mea a pau ma ona la, a nona no hoi.”

6. Ma owa; la ko ke Akua mana i hoike ia mai ai?  L Ko!. 1:24.

“Aka i ka poe i hea ia mai, i na Iudaio a me na Helene, o Karisto no ka mana o ke Akua a me ke akamai o ke Akua.”  Ua like o Karisto me ka Makua, a ua hoika mai hoi i ka mana o ke Akua ma ka hana ana i na mea a pau.

7. Heaha o Karisto i kapaia ma Ioane 1:1-3?

“I kinohi ka Logon, me ke Akua ka Logon, a o ke Akua no ka Logou.  Me ke Akua no hoi ia i Kinohi.  Hana ia iho la na mea e ia, a ole kekahi @ hana ia i hana ole ia e ia.”  O ka Logou, @ olelo, a o ka olelo he puana manao ia.  O Kari@ ka puana manao o ke Akua, a he hoike’na ana @ o ke Akua i ko ka honua.  No ia mea, na kapai@ ka Logou, a olelo hoi.  Ua olelo no oia i na olelo @ ke Akua (Ioane 3:34).

8. Pehea la ka Logou i hoike ia ai i ka ike kanaka?  Ioane 1:14.

“Lilo mai la ka Logou i kanaka, a noho iho la me @ kou a ike kakou i kona nani, i ka nani o ka hiwahiwa a ke Akua, ua piha i ka lokomaikai a me ke @io”  Ua lawe no oia a hoaahu iho iaia me ke @ kanaka.

9. Heaha i kapaia aku ai o Karisto ma l Ioane 2:1,2?

“O ka mea nui kinohi mai, ka mea a makou i lohe ai ka mea a ko makou maka i ike ai ka mea a makou i manao ai, a i lawelawe ai no hoi me ko makou lima, no ka Logou o ke ola.  Ua hoike ia mai ke ola, a ua ike makou, me ka hoakaka aku ia oukou ia @ mau loa; aia no ia me ka Makua, a ua hoike ia mai no ia makou.”  “Ka huaolelo o ke ola,” a o “k@@@ ola mau loa, me ka Makua mai kinohi loa mai,” he hoike ana oia i ke ola o ke Akua i ko keia no.  (Ioane 1:4)

10. Pehea e loaa ai ia kakou ke ola o ke Akua? 1 Ioane 5:11,12.

“Eia no ka olelo; ua haawi mai ke Akua i ke ola mau loa no kakou, a o ua ola la, aia no ia iloko o kana Keiki.  O ka mea i loaa ia ia ke Keiki he ola no kona; o ka mea i loaa ole iaia ke Keiki a ke Akua, aole onaola.”  E loaa ia kakou ma ka loaa ana o ke Keiki, ka Logou, ka olelo hoi o ke ola. (Ioane 8:36).

11. E ola ana anei kanaka ma ka lakou mea e ai ai?  Ae.

12. Heaha ka ai i haawiia mai e loaa ai ia kakou ke ola mau loa?  Hana o Karisto, ka berena o ke ola, 6:51.

“Owau no ka berena o ke ola, ka mea i iho mai mai ka lani mai.  Ina e ai kekahi i keia berena, e ola mau loa oia; a o ka berena a’u e haawi aku ai o ko’u kino no ia, ka mea a’u e haawi aku i ola no ko ke ao nei.” (Na pauku mai ke 47-58 pu kekahi).

13. Pehea hoi o Ioane i wehewehe mai ai i ka ai ana i kona kino?  Ioane 6:63.

“O ka uhane ka mea nana e hoola; aole ke kino, no mea e pono ai; o ka olelo a’u e olele aku nei ia oukou, he uhane ia a he ola.”  He uhane a he ola kana olelo; o ka ai ana i kona kino maoli aole ia he mea e pomaikaiai.

E. H. G.

 

            Hookahi no Kalahala oia o Iesu Karisto, a ia ia ke Akua i haawi ai i ka mana e kala i na hewa a pau o ke kanaka a maona aku wale no.