Ka Oiaio, Volume I, Number 9, 14 January 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

 

BUKE I.         HONOLULU, IANUAIR 14, 1896. HELU 8.

 

KA OIAIO- PUKA LA.

 

KA ENEMI MAWAENA O SATANA A ME KE KANAKA.

 

"E waiho no au i ka inaina mawaena ou a me ka wahine, a mawaena hoi o kou hua a me kona hua; nana e paopao iho kou poo, a nau hoi e pahuikui aku kona kuekuewawae."  O keia olelo hoopai, he wanana pu hoi kekahi ano, e apo ana i na au a pau a ka piha ana o ka manawa, a e hoaka mua mai ana hoi i ka paio a me ke kuee mawaena o na ano lahui o kanaka maluna o ka honua.  O keia enenemi o kanaka aole loa he haawina kumu nona.  I ka manawa i hahaki ai o ke kanaka i ke kanawai hemolele, ua kahuli ae la kona ano a lilo he mea hewa, a ua kukahi kona ano e like me ko Satana, aole i paewa ae.  Aole hoi he kue e ku ana mawaena o Satana a me ke kanaka hewa, ma ko laua ano maoli iho.  Ua lilo hoi laua he mau mea hewa mamuli o na kumu like o ka haule ana i ka hewa.  Ina aole i keakea iho ke Akua ina no ua komo pu oia me Satana e kue aku i ka Lani; a ma kahi hoi o ka enemi aku ia Satana, ina ua huli holookoa aku ka lahui kanaka e kue i ke Akua.

Ua hoowalewale aku o Satana i ke kanaka e hana hewa i loaa ai na kokua ma kana mau hana kue aku i ka Lani.  Aole loa he kuee mawaena o Satana a me na anela i haule e pili ana i ko lakou enemi ia Karisto; ma na mea e ae nae a pau ua mokuahana lakou, aka, ua lokahi kupaa loa lakou ma ke kue ana i ka mana o ka Haku.  Aka i ka wa o Satana i lohe ai e ku ana ka inaina mawaena ona a me ka wahine, a mawaena o kona hua a me ka hua o ka wahine, ua ike iho oia e lilo ana he mea keakea ia kana mau hana hoanoe i ke ano o ke kanaka; ma kekahi kumu hoi e hiki ana i ke akanaka ke kue mai i kona mana.  Ua hoolapalapaia ko Satana enemi i ka lahui kanaka, no ka mea, ua lilo lakou he mea aloha ia a lokomaikai ia e ke Akua mamuli o Karisto.  No ka lokomaikai a Karisto i kanupaa ai iloko o ke ano o ke kanaka oia ka mea nana i hooulu ae iloko o ke kanaka e kue aku i ia Satana.  Ina aole keia lokomaikai hoohuli i ka pono a hooulu hou i ka mana,  ina aia mau hoi ke kanaka he pio na Satana, e noho makaukau ana e hooko i kana maukauoha.  Aka hoi na keia manao kumu hou iloko o ke kanaka i hooulu ae  i ka paio ma kahi hoi a ka maluhia i noho mua ai.  O ka mana i hiki ia Karisto ke haawi mai, oia ka mea e hiki ai i ke kanaka ke kue aku i ka mea hookiekie a paakaha wale.  O ka mea i ikeia e hoowahawaha ana i ka hewa ma kahi o ke aloha aku ia @ o ka mea i paio a i lanakila maluna o na anoi hewa e noho haku ana maloko o ke kanaka, oia ka mea e hoike ana i na hoohana ana a keia mau haawiina akua i hele kaokoa iho mailuna mai.  A o keia mea o ia wale iho la no ka pohihihi o ka Euanelio, "Oia no o Karisto iloko o oukou, ka manaolaua no ka nani." (Kol. 1:27).

 

HAAWINA HELUHELU BAIBALA.

 

KA HAULEHIA ANA O ADAMU.

 

1.  I mea e kaupale ia ai ke kanaka mai ke ola mau loa ana iloko o ka hewa, heaha ka ke Akua mea i han'i? Kiu. 3:22-24.  Ke lawe ia ae ka laau o ke ola mai a ia aku e e mi malie ana hoi kona ikaika a hiki i kona pio ana.

"iho la o Iehova ke Akua, Aia hoi, ua  like ke kanaka  me kekahi o kakou, ka ike i ka pono a me ka hewa ano hoi, o lalau aku kona lima, a lawe hoi i ko ka laau ola, ai iho a ola mau loa aku: No ia mea, kipaku aku la o Iehova ke Akua ia ia iwaho o ke kihapa o Edena, e mahi i ka lepo, kahi ana i laweia mai ai.  Pela oia i  kipaku ai i ke kanaka; a hoonoho iho la me ka pahi wakawaka e ka ana io ia nei i maluhia'i ke ala ma ka laau ola."

2.  Ua hiki anei i ke kanaka ke ola mau loa iloko o ka hewa ina oia i hiki ke ai mau i ka hua o ka laau o ka hewa? (Paauku 22).

3.  Heaha ka hopena o ka laau o ke ola mahope o ka haulehia ana o ka honua i ka hewa? Hoik. 22: 2; (Hoik. 2: 7 kekahi).

"A mawaena o kona alanui a me kela kapa keia kapa o ka muliwai, o ka laau o ke ola, e hua ana i ka hua he umikumamalua ke ano, akahi malama, akahi hua ana.  A o na lau o ka laau, oia ka mea e ola'i na lahuikanaka."

4.  E ai hou ia aku ana no anei kekahi hua o ua laau la o ke ola? Hoik. 22:14

"Pomaikai ka poe malama i kona mau kanawai, i hiki ke loaa ia lakou ko ka laau o ke ola, i komo aku hoi ma na puka, iloko o ke kulanakauhale."

5.  Mamua o ko ke Akua hoike ana aku i ke kanaka i kona oia ana aku he noho ana luhi, a me kona make ana aku.  Heaha hoi kana olelo hoolana ia ia.  Kin. 3:15. (pauku 16-19).

"E waiho no au i ka inaina mawaena o olua a me ka wahine, a mawaena hoi o kou hua a me kona hua; nana e paopao iho kou poo, a nau hoi e pakuikui aku kona kuekuewawae."

6.  Ua olelo mai anei ke Akua e luku ana oia ia Satana, ma kekahi wahi e aku? Heb. 2:14 (Rom. 16:17).

"A, i ka lawe pu ana o na keiki i ka io a me ke koko, pela hoi oia i  lawe ppu ai i @ mau mea la; i@ ai ia ia, ma kona make ana, ke hoopio i ka me a ia ia ka mana e make ai, oia ka @holo:"

7.  Ua hoohala anei ke kuekue wawae o ka ekalesia oiaio; oia hoi, ua hoohana mai anei oia i na ho@ a me na hoipoino maluna o ka Ekalesia? Hoik. 12:13.

"A ike ae la ke deragons, ua kipakuia oia ilalo i ka homua, alaila, hoo@au ao la ia i ka wahine i hanau i ke keiki kape."

8.  E hoehoeh@ ia ana anei na Karistiano oiaio mai a Satana mai? 2 Kim. 3:12.

"Oiai hoi, o ka poe a pau e noho haipule ana iloko o Karisto Iesu, e hoomamua na hoi kakou."

9.  Heaha hoi ka hopena loa o ka diabolo. Hoik. 20:10.

"Kiolaia aku la ke diabolo nana lakou i hoowalewale, i ka leko o ke ahi a me ka @pelei kahi o ka holoholona @ me ke kaula wahahee, a e hoomainoino ia lakou i ke ao me ka po ia ao aku ia ao aku."

10. E hiki ana anei i ko Karisto poe kanaka ke lanakila maluna o ko Satana mana? Hoik. 12:11 hope mua.

"Ma ke koko o ke Keikihipa lakou i lanakila ai maluna ona a me ka olelo a lakou i hoike aku ai; hapa mua."

 

KA POE WEHEWEHE BAIBALA.

 

I ka wa o Rica, kekahi haole kaulana i hele aku ai e makaikai i kekahi hale nohopaa o na wahine vilikini ma Farani, kakau aku la hoi i kona hoaloha ma Peresia, no na mea ana i ike ai a i kamailio ai, penei: "E ka Makua," wahi a'u, i ka Luna Malama waihona Buke: "Heaha hoi keia mau buke nunui e hoopiha nei i kekahi p@ia holookoa o ka rumi waiho buke?" Wahi ana, "O keia iho la na wehewehe ana i ke ano o ka Palapala Hemolele."  "Aole no o ka@ mai ka nui o ka helu o lakou," wahi au: "Ua pouli loa no ka paha ka Palapala Hemolele i ka wa kahiko, a @a malamalama loa hoi i keia wa.  Ke koe nei no anei kekahi manao kanalua ia? He mau manao no anei kekahi e hoopaapaaia nei?" "He keena no anei koe?" wahi a ka Makua.  "He wahi hoopaapaaia no anei kekahi? Auwe, me he la, ke hoopaapaaia nei kela a me keia lalani."  "Ua hoohaahao ia au @ oe," wahi a'u.  "Alaila, heaha la hoi ka hana a keia poe kakau buke i hana ai?" "O keia poe," wahi hou ana, "aole lakou i imi i ka Palapala Hemolele, no na mea i pololei e hilinai ia, mamua ae o ka imi ana i na olelo e kokua ana i ka lakou i manao ai.  Aole  lakou i manao he buke keia iloko ona na ao@na i kupono e lawe ia mai e lakou, aka, he buke e hoapono ana i ko lakou mau manao lehulehu.-J. L. NYE.