Ka Oiaio, Volume I, Number 12, 17 January 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I   HONOLULU, IANUARI 17, 1896   HELU 12

 

KA OIAIO PUKA LA.

HOOHAAHAA IA O KARISTO

            Ua hele mai o Karisto mai ke aloalii nani o ka Lani a keia honua i hoopihaia i na ino haumia o ka hewa, a hoohhaahaa iho iaia i ko ke ao nei.  Ua hoololi ia iho oia i kona ano e like me ko ke kanaka kino nawaliwali, a ua hoowalewale ae hoi ma na auo a pau e like me kakou.  Ua hooko piha oia i kona ano hoopono oiai oia ma keia honua nei, aole hoi no kona pomaikai iho, no ka mea he maemae a haumia hewa ole hoi kona ano, aka, ua hoohaahaaia oia oiai e honoia no ke kanaka i haule i ka hewa.

            Ua haawi mai oia i kona ano i ke kanaka ina e ae ana ke kanaka e lawe aku nona.  Ma ka mihi i kona mau hewa, a me ka manaoio maluna o Karisto, a hoolohe hoi i na kauoha a pau a ke kanawai hemolele o ke Akua, ua hiki hoi i ka lawehala ke loaa ke pono o Karisto ma ka hooia ia ana mai iaia; ua lilo mai la ko Karisto hana pono nona a ua hoopaaia kona inoa iloko o ka Buke o ke Ola a ke Keiki Hipa.  Ua lilo hoi oia he keiki na ke Akua he hoahanau no Karisto, a he hoa no ka ohana alii o ka Lani.  Ua uku aku oia i ke kumukuai palena ole e hoopakeleia ai ko ke aonei, a ua hooliloia mai ka lahuikanaka ma kona lima ua lilo hoi nona ia waiwai.  Ua hoolilo wale @ kona hanohano i kona waiwai nui a me kona home nani ma na noho na alii ma ke alo alii o ke Akua, a hoolilo iho hoi iaia he keika na Iosepa me Malie.  O keia Iosepa, oia no kekahi o na kanaka paahana haahaa loa.

            Ua hana pu no hoi o Iesu, ua noho oia iloko o na inea o ka hooikaika a me ka hana.  I ka manawa i hoomaka ai kona noho kahu no kana hana i hele mai ai, mahope o kona bapetizoia ana, ua hoomanawanui hoi oia i kekahi noho na hooke ai no aneane e piha he eono hebedoma.  Aole wale koi ka akiaki ae a ka pololi ka mea nana i hoolilo i kona mau ehaeha hiki ole ke hoikeia ma ka olelo, aka, na hooi ia aku hoi mamuli o ke kaumaha o ka hewa o ke ao holookoa ana i auamo ai maluna iho oia.  O ka mea i ike ole i ka hewa na hooliloia he hewa no kakou.  Me keia kaumaha weliweli o ka hewa e kalele ana maluna ona mamuli o ko kakou hana hewa, ua kupaa hoi oia i na kono ae a ka pololi i kona ono ai aole hoi makahi ana ina mea o ke ao nei, ua niau kona inoa maikai a kaomi haakei ake hookelakela e alakai ai i na hana kuko wale (Mat. 1:1,10)

            Ua hoomanawanui o Karisto i keia mau hoowalewale kiekie ekolu i na lanakila iho oia mamuli o ka pono no ke kanaka e hookahua ana hoi i kulana ano hoopono nona iho no ka mea, ua ike hoi eia he hana hiki ole ia i ke kanaka ke hana nona ponoi iho.  Ua ike mua oia e hoowalewale ana o Satana i ka lahuikanaka ma keia mau ano ekolu.  Ua hoohaulehia ia hoi ka Adamu mua, a ua hoolala oia e hoomau aku i kana hana a hiki i ka haulehia ana o ka lahuikanaka holo okoa iloko o ka poino.  Ua hoomakaukau hoi o Karisto i ke alanui e pakele ai he kanaka ma kona noho ana iloko o ke ola ana inea a popilikia, hoonele iaia ino, a molia ana i kona ola ponoi a ma kona hoomaewaewaia a make ana na ke koa.  Ua lawe mai oia i ke ola i ke kanaka i hiki ai iaia, ina oia e hahai ana i ka Karisto mau hana, ku lanakila ma ona iho, e like ma Karisto i lanakila no ke kanaka no ke kanaka ana aloha ai.

 

HAAWINA HELUHELU BAIBALA

KARISTO A ME SATANA KA ANE KARISTO

1. Heaha ka mea a kakou i ike ai ma ka haawina hope aku nei, oia ke kumu o ko Satana haulehia aua i ka honua?

Haina – haakei a me hookiekie.

 

2. Heaha hoi ko kakou manao kupono?  Pilipi 2:6.

            “Oia no ko ke Akua mea like.”

 

3. Ua like anei o Karisto na ke Akua?  Pilipo 2:6

            “Oia no ko ke Akua mea like aole hoi a i manao i komo a like ana me ke Akua he mea lawe wai.”

 

4. Ina ua hookiekieia o Karisto ma ka Lani, pehea oia i hoohaahaa ai ia ia iho?  Pilipi 2:7,8

            “Aka kaino iho la ia i kona e lawe ana ike ano o ke kauwa a ua lilo iho la oia ma keano kanaka.  A loaa iho ia ke ano o ke kanaka hoohaahaa iho la oia ia a iho me ka @ maoli aku i ka make, i ka make hoi @.”

 

5. No ke Karisto hoohaahaaia ana ua hookiekieia anei oia?  Pilipi 2:9

            “No na mea, ua hookiekie loa ae la ke Akua ia ia, a haawi aku la nona i ka inoa maluna o na inoa a pau.”

 

6. He hoohaahaa no anei ke Akua i ka poe i hookiekie ia lakou?  Dan. 4:30, 32 Na Sol. 16:18 Luka 14:8, 9

            “Olelo iho la ke alii i iho la, aole anei keia o Babulona nui ka mea a’u i kukulu ai i hale no ke aupuni me ka ikaika o ko’u mana a no ka hanohano e ko’u nana. * * * A e kipakuna no oe mai na kanaka aku, a o kou wahi e noho ai aia pu no ia me na hoholona  o ke kula: a e hanaiia oe i ka mauu e like me na bipi kauo a hala mai maluna ou na manawa ehiku; a ike oe o ka mea kiekie oia ke alii ma ke aupuni o kanaka a e haawiia no ia i kana mea e manao ai.”

 

7. He hapai ae no anei ke Akua i ka mea haahaa?  Iakoba 4:10 (Hal. 138:6)

            “E hoohaahaa oukou ia oukou iho imua o ka Haku, a nana oukou e hookiekie ae.”

 

8. Ina aole ka Uhane o Karisto iloko o kekahi mea, he hooia no anei oia no Karisto ia?  Roma. 8:9, hapa hope.

            “Aole hoi oukou ma ke kino, ma ka Uhane no, ka noho ka Uhana o ke Akua iloko o oukou.  Aka i loaa ole i kekahi ka Uhane o Karisto aole nona ia.”

 

9. Heaha ka inoa i kapaia ai e noho ana iloko o lakou ka Uhane o ke Akua?  Boma 8:14

            “No ka mea o na mea a pua i alakaiia e ka Uhane o ke Akua, o lakou no kapoe kamalii na ke Akua.”  Na keiki a ke Akua.

 

10. He poe keiki ao anei kekahi a Satana?  Mat. 13:38 (Ioane 8:44)

            “O ka mahinaai oia ke ao nei o ka hua maikai, oia na keiki no ke aupuni; a o ka kiaaina, oia na keiki o ka mea ino.”

 

11. Ua like no anei ka Uhane o ko Satana mau keiki me koua?  Epeso 2:2 (Ioane 8:44)

            “Ma ia mau mea oukou i hele ai mamua ma ka aoao o keia ao mamuli o ke alii ikaika o ka lewa, o ka uhane e hooikaika ana iloko o na keiki hoolohe ole.”

 

12. Iloko o ka ekalesia, he hoao no anei ia ano keiki e hookiekie ae ia lakou maluna ae o kekahi poe?  Ioane 1:9 (pauku 10)

            “Ua palapala aku au na ka poe ekalesia, aka, ua noho alii o la o Dioterope maluna o lakou, aole oia i hookipa mai ia makou.”

 

13. Heaha aku ana la ka hopena o ka mea hookiekie?  Mat. 4:1

            O Satana ke kumu a o kana mau keiki na lala.  Ua kipakuia o Satana me kana mau anela, no ke ake hookiekie, a o ka pae like o ka mana, @ a aole lakou e lawe ia i ka Lani, no ka mea oia ka mea e pono ai o ka Lani.

            “No ka mea, aia hoi, ke hele mai la ka la e enaena me he unu ahi la, Ilaila, o ka poe hookiekie a pau a nae ka poe hana ino he mauu lakou a e hoopau na la la e hiki mai ana ia lakou wahi o Iehova o na kaua, a e waiho ole ia i aa no lakou, aole hoi lala.”

 

            Ina paha a hiki ia kakou ke hoomaopopo eia koke no ka Lani e hoopuni nei ia kakou, ma kahi e kuhi ia kau nei ma kela aoao o na hoku; a he nui wale hoi ka manawa i kipa ia mai ai kakou e ka malihini alii i ko kakou wa e hoomaopopo ole ana no la mea, ma ka hookokoke ana mai o ka Haku ke Lii o na Lii, a hele pu hoi me kakou, aole paha kakou e nana aku i kahi a i ke au mainao mai a kakou aku e pane ia mai ai ka kakou mau pule, ka mea loaa, wale no ia kakou i ka wa e kamailio ai ko kakou mau lehelehe, i na kakou i manaoio.  Ua kokoke o Iesu i na wa a pau, a aole hoi i mamao aku kona aupuni.