Ka Oiaio, Volume I, Number 22, 31 January 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO

NAAUAO.

 

KO IESU EKALESIA MA KE AO NEI, AUHEA LA IA?  HAINA---OIA NO KA EKALESIA O KA HOOMANA KARISTIANO NAAUAO.

 

BAPETIZO

MAHELE II.

Ke Maoheohe ae la a Laupai aku.

            1---No ia mea:  Ua waiwai ole kela Berita Mua, oiai ke mau la no ke kaialupe ia o na kino a pau e ka luakupapau, ke kuleana o ke kino taresateriala, ka hanau Muli o Laaukapu;

            2---Nolaila:  Ua loaa ihola, oiahoi o ka Berita a me Mose ua pau pu laua i ka opa pu ia e ka * lua.  No keia hiki ole i keia Berita ke wehe i ke kino taresateriala a hoihoi Hou mai i ke kino Caletiela i hala palanehe ihola; nolaila, wanana Hou mai la o ELOHIMA KA NUI @e lawe Hou mai ana AU i Kaula Hou a i Berita Hou:  E nana Kanwl. 18:18---19. Ierm. 31:31--33. Hebr. 8:7.

            3---Ma keia MAHELE: Ua maoopoopo o Laaukapu me Kino Taresateriala ka Hiapo, o Make me Luakapupau ka hanau Muli.  Nolaila; auhea o Bapetizo?  E ia no ke hele pu nei mai ka MAHELE Mua mai a i keia MAHELE.

MOKUNA IV.

MAHELE I.

Ua Laupai.

            1---E hoi Hou no ke Aupuni i Kuu poe hooilina, i ka pua a Iakopa a i na mamo hoi a Sema; e nonoi mai oe Ia'u a e haawi aku no Au i na lahui-kanaka i waiwai hooilina hou." Hal. 2:8. Galt. 3:29. Kinh. 9:26.

            Ke ninau nei au: O wai ka mea ma ka Lani a ma ka Honua Nei e hiki ke hoihoi i ke kanaka i ke kulana Mua, ke kino Punahele Maemae; Haina O Iesu. Hoik. 1: 18; 3:7; 5:5. Isa. 22:22.

            2  O wai keia Iesu?  Ka lani a ka wahine.  O keia Iesu, o ka Logou ia; ka Mea nana i hana keia Ao Holookoa a me na mea a pau loa.  Ua hele mai Oia i keia Ao me ka ae oluolu e lawe i ke kino Taresateriala, ke kino a ka Ina e ko aku nei i na kanaka a pau me ka puahi weliweli nui i loko o ka palaho.

            Ua haalele aku o Logou i kona kino akua Maoli ma ka Lani me Elohima Ka Nui, ka Mea i kapaia he POO: a ma kahi olelo ana he MAKUA. Ioa. 1:14. Mat. 1:16---20.

            3  E haaheo mau ana o Luakupapau me ke kaona nui ma luna o na kino Taresateriala a pau loa ia hanauna a ia hanauna aku, mai ia ADAMU mai ke Kumulipo a me ke Kumuhonua a hoea wale ia kakou nei na pulapula me ka luai ole ia; a, aole no i hiki i na kanaka i lawe-olaia, e like me Enoka, Elia, a me Mose hoi ka mea i hoomaluleia, ke hoopuhili ia Luakupapau:  Aka, ia Iesu ua puhili a ua hoka; a hakui ihola ka puuwai o ka Lua a me Make; nokamea na paa ole, i loko o ko lana opu.  Mar. 16:9.  I Kor. 15:54---5

Aole i pau---

 

Hape Nuia! Hape Nui!

HAUOLI MAKAHIKI HOU!

 

Oiai ke Onene kaua mai la na aupuni Mana Nui o ke ao, i maopopo ole ai ka wa e hu mai ai o ke kaua maoli ana, a ma ia kumu hoi, e pii ino ai ke kumukuai o na mea kuai, i keia makahiki hou, ma ke ano hoolaha, ke poloai aku nei au i na MAKAMAKA HAWAII e hele koke mai ano, ma ko'u halekuai.

            E hoalawa koke i ko oukou makemake,

 

MA KA HALEKUAI O

L. B. KEER,

ma

NAE O KA HALEKUAI O MOGAN.

Alanui Moiwahine.                             Honolulu H., I.

 

            E hoopiha mau ana a'u i ko'u halekuai mai na Hana Lole pololei mai o Enelani, Geremania, Amerika, a me na Aina o Europa a mai Kina a me Iapana, a mai au aku a ko'u hoa kuai kukaa a me kuai liilii.

 

            E loaa no na Lole Huluhulu nani o na ano a pana Lole Halua na Makalena a me na lihilihi Lole.

            Na Lipine ano hou loa.  Papale Wahine, Kane a me na Kamalii o ke ano paikini hou o na ano a pau.

            Na Kihei halii moe-laula, na Kawele Auau, na Pua Papale a me na Hulu.  Na Lole Kane i humuhumu oleia, he oluolu loa ke Kumukuai.

            E hele mai e nana i ka makou mau WAIWAI o na ano a pau a e ninau hoi i na kumukuai nana e hookahaha i kou noonoo i ka emi maoli o na ano waiwai like ole.

            He mau WAIWAI HOU LOA ma na KUMUKUAI HAAHAA.

            E hemo ana ka puka o ko'u Halekuai ma na Ahiahi Poaono.

L. B. Kerr,

ALANUI MOIWAHINE

Waikiki iho o ka Hale Kudala o Mogan.

 

Na Lole Kohukohu!

 

Oia hoi ka mea a na lede a pau e ake ana e loaa ahe meahiki wale no ke hookoia.

 

E HELE MAI OUKOU ILOKO O KOU HALEKUAI A E HANA AKU AU I KA KA MEA KUPONO I KO OUKOU MAKEMAKE.

 

Ua loaa mai nei ia'u kekahi ano piha o na

LOLE AAHU HOU LOA.

 

Crepon, (he like me kanikau)

Na Lole Farani,

Na Lole Ulana Waihooluu Like Ole

Na Lole Awiliwili Lopi Silika me Huluhulu.

 

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

 

Na Lole Diminite

Na Lole Pongi,

Na Lole Satina

 

Na Peersucker,

Na Rliss,

Na Dole Anuunuu Crepe

 

Na Keokeo Manoanoa o na ano a pau, etc, etc.,

            Aia no hoi ma ko'u Halekuai ka

LOLE FIBRE FABRICA.

He mea i oi aku ka maikai i ko ka LOLE NAAU HULU.

Aole no oe i kahiko piha ke ole i hoi loaa ia oe kekahi o kuu

PALEKOKI KOHU MAMULU.

A e halo iho hoi i ke Kaliki (Trilby) ano hou, i kupono i kau e iini nui nei.

Aia hoi ma ko'u halekuai na Lole Moepoli i ka hikonoeau ia, a kupono o ka hana ana iho me Adamu

Na Pale ili o na kane i kupono hoi i ko Eva makemake, i huki ai ka Ulua i Malamanui.  Uwese oe.

Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima na hainaka, a pela aku.

E hauoli loa au e hoomakaikai aku i keia mau mea nani i na Lede o Honolul.

                        J. J. Egan.

Alanui Papu Mei 21, 1895.                 me 12itf