Ka Oiaio, Volume VII, Number 49, 31 January 1896 Edition 03 — Page 4
| This text was transcribed by: | Stefanie |
| This work is dedicated to: | Awaiaulu |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
NUPEPA KA OIAIO.
J.E. BUSH, Lunahooponopono.
O KA PONO KA AIALII E OLA AI KA AINA.
POALIMA IANUARI 31, 1896
UA HAULE KA HOOPII.
Ma ka hihia mai nei o John Cranstoun-Muller, ma ka Ahahookolokolo mai nei o Canada, e kue ana i ka Laina Mokuahi Canadian-Australia, i ka Luna Nui o ka laina mokuahi a me Kapena Bird o ka Warrimoo, no ko laua ae ana e hooko i na kauoha a ke aupuni Hawaii, ma o ko laua kipaku ia ana aku mai a nei aku. Ua haawi mai nei o Luna kanawai Drake a me na Kiure i ka pono ma ka aoao o ka laina mokuahi, a ua moe kau o hooilo aku la ke koi poho o $50,000 Ma ka la 11 nei’i hanaia ai keia hihia, a me he mea la, o ke alahele like aku la no ia o na hoopii koi poho e ae.
KA NUHOU HOPE LOA.
Ma ke ku ana mai o ka moku ahi Warrimoo i ka Poaono nei, i loaa mai ai ia make u ka lono, e pili ana no kela okuku kana o Enelani me Geremania, a e hoike ana hoi i ka wikani o ka huelo o ka Liona imua o kona hoa paio.
Oiai hoi, mamali o ke kuahaua a ke aupuni o Pelekane, ma o kona Kuhina Kaua Moano la, ua haawi ia ae la na kauoha i na aumoku kaus e hoolulu ana ma na wai a pau o Pelekane, e hoomakaukau koke no ka holo koke aku ma ke kahua hoopaapaa o keia mau la, oia hoi ma Tra@svaal, ma Aferika Hema, a i ole, ma Venezuela, Amerika Hema.
Iloko walo no o elima la, ua pau na mea a pau i ka makaukau a me he mea la, i keia la, aia ka ihu auku o ko lakou mau Pilikua aumoano ma na kapakai o Aferika, a i ole o Amerika Hema paha.
He hoike keia, ua hiki ia Enelani hookahi ke ku a paio imua o na aupuni hui ia o ke ao holookoa, heaha ka Amerika e hookeke niho nei, e kapili i kona mau papu pale kahakai a i kona mau mokukaua o elua makahiki a emi mai paha, alaila paa, he mea lealeo kamailio wale no aohe io maloko.
UA KIPA AKU E IKE.
Ma ke awakea Poalime iho nei, ua kipa aku e ike na malihini kiekie mai Queensland mai, i ka Moi wahine Liliuokalani, ma kona home no ho ma Wasinetona Hale, a ua hoohauoli ia ko lakou mau puuwai i ka ikemaka ana i ka wahine nana l hookupaa i ka manao aloha o kona lahui maluna ona.
Ua hoohalaia ko lakou mau manawa ma na kamakamailio ana no na mea e pili ana i ka noho ana, a pela aku, a ua manao no hoi makou, ma ke koho aku no, aia no he mau manao huna maloko o ka lakou mau kuka olelo ana, he mea kamailio wale no kel@, aole i maopopo koua oiaio ana.
He kulana hiehie mau ko ka Moiwahine i ka wa i kipa aku ai o ua poe loea ala o na moku o ka hema mai, a hiki i ka pau ana o ka lakou k@ka kamailio ana.
PAKELE KE OLA.
Ma ka po Poalima nei, ma ka hapalua hora ehiku oia ahiahi, ua hele aku la ka wiliki o loko o ka Halewai e nana ia loko o na rumi hoopaa lawehala, a i kona kaalo ana ae ma kahi i hoopaa ia ai kekahi Pake i hopu ia no ka hoopae opiuma, mamuli o ka hoike a ka Luna Duke Nui.
Aia hoi, ua ike koke aku la oia i kekahi Pake e lewalewa ana ma ka puka o kona rumi hoopaaia ai, a i hoopaaia hoi kekahi mea ma kona a-i.
O ka wiliki, aole oia hoopaa i ka puka, a ua oki koke oia i ke kaula i hoopaaia ai ma ka a-i o ua Pake ala, o kona mau helehelena, ua uliuli a kokoke loa e make, o kona mau manamana wawae ua ku ilalo o ka pohaku o ka pupahele o kona rumi i hoopaaia ai, a o kona mau kuli ua pupuu a kokoke e pili i ke kaula i hoopaaia ai.
O ka wiliki, ua hele pololei aku oia @nua o ka Pake naaupo, ka, hoopapa ana ma ka pukaihu o ka mea hupo, a kaheaaku la i mau kokua. Ua lawe koke ia oia iwaho, mailoko mai o kepa rumi no ka nana pono ana iho i kona ano.
Ua nakiikii oia iaia iho, me kekahi kaula @ilika ulaula o ka pale pukaaniani, a ua hauhoa oia iaia iho ma kona kino me ka hoopaa ana i kekahi poo o ke kaula i ka niao o ke pauihao o kona rumi hoopaaia ai, a ua hoopuka hoi i kona ihu mawaho o kekahi poo o ke kaula ana i hoopaa ai, a pela no hoi ma kona kuli, a i na aole i loaa ka wa kupono e hoopakele ai i ke ola, he kanaka make oia maloko o kela rumi i kela po.
Aia he ekolu poe paahao ma kekahi man rumi e aku, he elua Kepani, a hookahi haole. O ka inoa o keia Pake, o Yen Sao.
KA HAE NUI I HANAIA.
Ua kaa mai nei i ka mokuaina o Uta, ka haaheo oi kele kela loa, ma kona hana ana mai nei i kekahi hae nui loa, i ike ole ia ma na mokuaina o Amerika Huipuia mamua ma Salt Lake Tabernacles ma ka la i lilo ai o Uta i mokuaina maoli no Amerika Huipuia.
O ka loa o keia hae he 125 kapuai, ua like hoi ia me 20 ana na me 5 kapuai; a o kona laula he 75 kapuai, ua like ia me 12 auana me 3 kapuai. Aia maloko o kona kino, na hoku he 45, e hoike ana hoi i ka nui o na mokuaina e noho hui ana malalo o ka inoa o Amerika Huipuia, a ke kaena la ko Maunapohaku mau keiki, o lakou ka hikimua o na mokuaina i hana i kekahi hae hookelakela a puni o Amerika a i ka nana io aku no, he oiaio kela mau olelo.
Nui io no kela hae, a ke kau maluna o kona pahu hae i hanaia ai, lulu ka makani ke ike aku, no ka mea, ua paku ia aku kona ikaika heleululu e na kilepalepa o keia hae hookalakupua. Hooheno no hoi ka hana a kela poe.
MAI PUNA MAI.
Uu loaa mai ia makou kekahi leta, mai Puna mai, e hoike mai ana, aia no ka wahine hookalakupua o Kilauea, ke kuupau la i kana hana hookalakupua, e hoopahaohao ana i na maka o ka poe malihini makaikai e kapa aku ana malaila, a ua lilo hoi ia he mea e hooi loa ai i ka hauoli o ka Luna Nui o ka Hotele hookipa o Kaluaopele, e hoomahuahua mau aku ana i ka poe hele makaikai e ike pono i na helehelena hookalakupua o ka wahine ai honua o o Hawaii. A hoomanao ae la makou i ko makou wa i kipa aku ai malaila, he mau makahiki loihi i kanhope ae nei mahope i na haua e ku ai oe i ka ilihi@ ke nana aku oiai ka wai pele e popoi mai ana ma kela a me keia wahi, me he nalu po’i ala no kumupali kahakai. Nani ka manomano o ka ke Akua mau hana, i kona kukulu ana iho i na mea hoopahaohao maluna o ka ili o ka hoona.
UA LAWE IA NO KA HALE PUPULE
O ke kiai makaala a piha eleu, oia ke kauaka i loaa iaia ua hauoli o ka manao, ma ka hoopakele ana i na ulia pilikia i ike ole ia mamua, pela hoi makou i ike iho ai i ka hoike a kekahi nupepa puka ahiahi o keia kulanakauhale, e pili ana i ka makaala o keia @iai o loko o ka Halewai, mai ka Poalima mai a hiki iho la i keia kakahiaka.
Oiai hoi, ua hoopakele oia ke ola o elua mea i loohia i ka ma’i pupule, a me hookahi mea i kaawa iaia iho, a ma ka noho ana e nana pono i ke kumu i hana ai na haole elua i keia hana ino, mamuli no ia o ka loaa ana i ka ma’i pupule.
O ka mua, oia o J.H. Legeal a ma ka Alameda aku nei no kona hoea ana mai ia nei. Ua hoopaaia mai oia no ka Halewai ma ke ano he mea na hoohuoi ia ua loaa i ka pupule, aka, ma ka auinala Poalima nei, ua manaoia, ua loaa iaia ka maha a e hookuu ia ana oia ma ka Poaono nei. I ka Poaono nei, ua mahuahua loa aku ke kahuli ana o kona mau noonoo maikai ana, a mamuli o ka hoike a Kauka Emekona, ua pupule oia, us lawe koke ia oia ma ka Halema’i Pupule o Kalaepohaku.
O ka lua o na mea i loaa i ka pupule, oia o Bernard Pauel ka mea malama hale o Kaukeano hou, a mamuli o ka hoike a Kauka Meyer, a me kekahi poe Kauka e ae, ua hooia lakou, ua loaa oia i ka pupule, nolaila, ua lawe ia oia no ka hale oia ano poe, mauka o Kalaepohaku.
E pono e haawiia ka mahalo i ke kiai makaala o ka hale hoopaa lawehala o ka lehulehu, a mamuli o kana hana ana pela, ua pakele ke ola o kela mau haole pupule, elua, a me hookahi Pake kaawe iaia iho.
KA MOKUAHI WARRIMOO.
Ma ka aninala Poaono nei i ku mai ai ka mokuahi Marrimoo mai Venekona mai, no kona alahele moana e hiki aku ai i na Panalaau o ka Hema. Ua ulolohi kona ku ana mai elike me kona manawa mau, a na holo loa aku oia no Kikane mahope iho o ka pau ana o ko onei mau ukana i ka hoolele ia mai iuka nei o ka uapo.
HE WAHI HANA HOOPAHAOHAO
He wahi hana ku no i ka hoakaaka kai hana ia ma ke kakahiaka onehinei, mawaena o ka Makai Kiu Kaapa @ me ke kanaka kalewa Baibala o ka Puali Salvation Army, a penei hoi kahi moolelo i hoopu-a ia mai ia makou.
O Sam Kalaluhi, he paahana oia no ka Puali Hoola o na haole e kalewa hele nei ma na alanui me ka lakou mau Baibala, a okana hana no hoi ia o ka hele e hoohulihuli me ke komo ana iloko o na hale me ka buke Baibala kahiko ma koma lime, aka, aia nae maloko o kona naau, ua piha oia i ke diabolo, ma o kona hoolilo ana iaia iho i Agena no na pepa chefa a me ka Baibala a ke Akua, ua lawe ia oia no ka Halewai, a ua huli ia oloko o ka buke Baibala, ua loaa iho la he 23 pepa chefa, a ua loaa pu aku hoi, ma kona kino ka huina o $8.80 me he mea la, oia mau dala i loaa mai, ma o kona kalewa hele ana ia i na pepa chefa ia kakahiaka.
O keia Baibala, hoi ka mea nana i alakai i kahi e hopu ia o Lo no, ka Luna Nui o ka Banako chefa, a o keia wahi Sam hoi kona Agena. Eia laua malalo o ka malama ana a ka wiliki o ka Halewai, a o keia ka la e hana ia ai ko laua bibia.
UA HOOKUU IA MA KA BELA.
E hoike ana kekahi lono teregarapa mai Pretoria mai, e hoike ana he heluna nui o na pio i hookuuia mai ka halepaahao aku, malalo o ka bela o $10,000 pakahi, a no lakou hoi ka huina o 23 kanaka, a mawaena o lakou, he kanaka Amerika kekahi nona ka inoa o John Hays Hammond, a he wiliki hoi kana hana ike. A mawaho ae o na poe e ae, aole e ike ia he poe Amerika hou aku kekahi i komo pu me Kauka Jameson, ma keia hooulu hakaka ana mai nei ma Aferika Hema.
He elua mau kamaaina o na o na kuaaina no Honolulu nei ma ka Malulani o ka Poalima nei.
Nu Hou Kuloko
Ua lawe ia mai nei ma ka Malulani he Pukiki paahao; i lawe ia e hoikeike i kana mau hana imua o ka Aha Kaapuni no ka wawahi hal, ua lawe loa ia no ka Hale ma’i Moiwahine mamuli o ka haki ana o kona wawae.
Ua hookuku ae kekahi nupepa puka ahiahi o keia kula nakauhale me na uku makahiki o na kiaaina o America Huipuia, me ko President Dole he ekolu wale no moa, i lihi launa iki me ko ka Peresidena o Hawaii, ma ka $10,000 pakahi, oia ko Nu Ioka, Nu Ierese a me Penesilevania, a o lakou nae a pau malalo mai lakou o Dole. Pokeokeo no paha.
He ekolu ohua makaikai Pele a ka Malulani i hoihoi mai nei.
O ko Australia la ku, mai keia.
He keaka ko ka auina la Poaono a me keahiahi ana iho.
Aia ka Bana a Sousa ma Kapalakiko i keia mau la.
Ua ku mai ka Warrimoo i ka auina la Poaona nei.
Eia ka hale pohaku hou o Kakela me Kuke, ke pii ae la kona mau kaupoku. Eleu no.
Ua hoopanee ia ka hoolohe ana i ka hihia kipu o Kaahanui a i ka la apopo.
Aia i Kauluwela kahi moo kaula kahi i kapalili ai. He nele paha i kahi mea paina ole.
Eia ke pii ae nei ka oluolu maikai o James Lane, ka mea i wehe ia na iwi poo e Kauka Habata.
Ua hoopau wale ia ka hihia hoomainoino holoholona o kekahi pake imua o ka Aha Apana i ka Poaono nei.
Oiai kekahi kanaka hana o Wile Laiki e hana ana no ma kona wahi hana ma ka Poalima nei, ma Lihue, Kauai, ua haule aku la oia i ka honua a make loa, he make emoole ke kumu o kona make.
Ua kaa ke eo o ka heihei lio o ka Ponono nei ia Billy C.
I keia po a me ka po Poakolu ae nei e haawi ai ka Hui Keaka Lio i ka, lakou mau hoikeike hope loa a haalele ho ia Hawaii nei.
O ka poe oi loa aku o ka hanakuli oia no ka poe Kepani wahine e noho nei maloko o na hale hoolimalima o na mea kuai liilii.
Eia ka lio heihei Judah o Schumann, ke huliu nei no kekahi heihei piliwaiwai me ka 290 o Julian D. Hayen, o ka wa aole i maopopo loa.
Aohe i hiki ae ka Hui Kinipopo Hearts ma ka auina la Poaono nei, o ka ka Maile wale no, polo-ko auanei ka Puuwai o Losinehama.
He 4,914 ili o ka elepani o kai i lawe ia ae ma PortTownsend Washington, oiai keia kikina o pau ana a mailoko ae o keia heluna, he 3,650 he poe wahine wale no.
Ua hookohu ia o J.S. Walker opio i Agena ma ka Paeaina Hawaii, no ka Scottish Union a me National Insurance Company kekahi o na hui panihakahaka ikaika a waiwai nui hoi no ka huina waiwai o o $30,000,000 a no huina nui a pau he $41,372,606.
Aumoe loa ka Australia.
Aohe keaka o keia po.
Po o ka la apopo alaila koaka hou.
He kuaua koikoi ko ka ponei.
Ua pipika wale o Amerika ia Pelekane.
Kani ka aka a na keiki Pelekane maanei, no keia okuku kana ma Europe.
Ua haawi ia ae he 21 pu aloha no ka la hanau o ka Emepera opio o Geremania.
He keu ka wela o keia la ke hele la a pulupe ka paleili i ka hou.
He paikau ka na koa oluna @ka Benn@ngton i keia awakea, ma Kulaokahua.
Ua hiki mai nei ka wahine a ka Luna Nui o ka Hui Hawaiian Gazet @. me ka ohana ma ka Warimu o ka Poaono nei.
Ua welo haaheo ae ka hae o na pahu hae o na Kanikela a me ko ka hale Aupuni, a me ko na moku, no ka hoomanao ana i ka ia hanau o ka Empera o Geremania.
E kipa ae e na makamaka Hawaii ma na pakaukau samano a C.B. Maile me G.W. Kualaku, ma ke Alanui Mauuakea, e kokoke aku la i ka makeke kahiko. Mai pawoo. Ohuohu pono na moku ina hae ma ka la inehinei.
He 3 ¾ keneta ke kumukuai o ka paona kopaa ma Kapalakiko.
I ka ponei a me ka po o ka la apopo, na po keaka o keia pule, o ka Hui Keaka Lio.
Aia no o Fred Harrison ma Vanekoua i ka wa a ka Warimu i haalele aku ai ia laila.
Ua hoopai ia o Olelo he $15 no ka hoeha ana i kekahi hoa kanaka, ma ka Aha Apana inehinei.
Ma ka po Poalima ae nei e wehe mua ai ka Hui Keaka Lio i ka lakou hoikeike mua loa ma Lihue, Kauai.
I keia la e huli hoi aku ai o W.P. Fennell no kona home kuaaina ma ka Malulani o keia kakahiaka.
Ua hookohu ia o H.W. Schmidt i Lnnahooponopono no ka waiwai banekarupa o Ostuki & Co.
Ma ke ku ana mai o ka Australia i ka ponei ua loaa aku la he 63 tini opiuma ma ke kino o kekahi kanaka i kapaia o Bonani a o kona lahui hoi he Helene ia, a eia oia ma ka Halewai kahi i paa ai, ua loaa pu aku hoi he $55 ma kona pakeke. Na-na no.
Eia hou no na lio heihei Billy C. a me Confederate ke liuliu hou mai nei no kekahi heihei hou e malama ia aku ana i ka Poaono ae nei, a i ole i ka Poakahi aku paha, no ka pili o $200 o ka aoao hookahi ua ulu mai paha keia mamuli o ka ana kekahi poe i ka Poaono iho nei.
Ua loaa ia he ulia poino maluna o kekahi Kepani ma ka mahiko o Heoia ma ka Poakahi nei, mao ke kahuli ana o ka huila baro.
Ua hoi mai nei o Ed. Hopkins, ka, ona o ka halepahupahu ma Arlington Hotel, o ku nei ma ke Alan@i Hotele.
Mawaena o na ohua o ka Australia, o W.H. Hilliard kekahi, he mea pena kii i houna ia mai nei e ke keiki a ke ona miliona Spreckels e pena i ke kii o Kaluaopele o Kilauea.
Aohe he hookahi keiki o ka Bana Lahui i hoi mai ma ka Australia i ka ponei, no ka mea, aia no lakou i Amerika kahi i hoomanawanui ai i ke anu a me ke koekoe o ka hooilo, no ka haomau ana aku ma ka lakou huakai hele. O Wile Aylett a me Mekia Kealakai, eia laua ke hoi mai nei maluna o ke kalepa Allen.
Aia ka aina o Cuba iloko o ke ahi ke kaua iloko o keia mau la, ua lilo na hana imi waiwai ina ia aina i mea poho ke pau la na alahao a me na mahiko i ka ulupa ia a puhi ia i ke ahi, a aia hoi na pualikoa hoomalu o ke aupuni, oia hoi ka poe Sepania, ke hakoko la me ka manao e loaa hou ka maluhia, aka, ua hoopahua ia nae ia mau manao ma o ka lokahi la o ka lahui.
E hoomau ia aku ana ke kuai makepono a emi loa na lole huluhulu nani a ku ka maemae ma ka HEIAU NA PAIKINI, mai keia la @@ a hiki i ka piha ana o ka @hine. E naue mai.
KAUKA E.C. SURMANN
Kahunalapaau Geremania.
Keena a me Wahi Noho: 137 Al Pap u
Na hora hana: 1 9 A.M A 11 P.M.
2 P.M. A 4 P.M
7 P.M. A 8 P.M
Telepona 181,
april 24. 1m-dly.
Laau Bama Kunu
A
LOGAN,
No na Mai Kunu,
No na Ma’i Hano,
Na Mai Punia’
etc. etc.
He laau hope ole kela no na Keik@ opio a me na kanaka makua.
I ho omakaukau waie la no e
BENSON, SMITH & CO.,
jun 10 tfd
Na Mea Kahiko Noeau o Japa@@.
Ua wehe ae nei au i na mea hou i laha mua ole maanei nei mai Iapana mai.
Na pahu iwi-ea maikai loa.
Na kahi iwi-ea a me Pine lauoho
A pela aku, kumukuai haahaa
Loa.
KNA EA IWI PALAOA
E laa hoi na balaki niho, na aniani lima, na Kahi lauoho, na pahu luhi, a pela aku.
Na Lako Dalal
Na Hua Pupu Momi Maolil
Na Lole Silika,
Hainaka Silikal
Na Lole Kookoo lapana,
Na Panale Helemeta mama loa
Na Silika Mauu,
Na Pakana Wahine emi no-$1.50
Na Moena lapena nani,
Na Kookoo me ke au dale,
Na Huewai waihooluu
Like lole.
Na Pola a me Kilu-ai,
Pa holoi lima,
Na Kiaha i kahiko
Lau ia
Me ke gula
Me na mea he lehulehu wale
E kipa mai ma ko’u Halekuai ma ka aoao Ewa iho o kahi o Daimana, Aianui Moi.
A.BARNES.
Julai 15, 1893. jul15 1mo
KAI HEE KAI HEE.
O
KAHOLALOA
Mamuli o ka noa ana o @@ kai lawaia O kaholaloa, mahope o @ha mahina o ke kapu ana, ua makankau ka mea @o@a ke kai, e hoolimalima aku i ka ohea ana i ka poe lawaia hee, i ke kakahiaka o ka Poakolu, no hookahi dala o ka mea hookahi. E hiki mai ka poe @h@@ mamua o ka hora ehiku o ke kakahiaka, oiai o ka wa kai make ia a kupono hoi no ka @@@@ ana. A makaala mai oukou o ka poe o hele mai ana, no ka mea aole o kali ia ana no ka poe @ lohi ana.
WALLY DAVIS
dec17 13@@ @@@
E @@an ana ko Eono HAI NAKA MANUAHI, i ka mea o pik@ ai o kela a me keia 10 poe i komo a kuai maloko o ka HALEKUAI HEIAU o na Paikini, e @@nei ma ALA NUI PAPU, Helu 519; ma ka POAONO apan o ka malama o Sepabemaba. No ka manawa KUAI HOOPOHO wale no keia.
AINA KUAI
He aina kuai kupono no na Hale Noho ma ke Kaona nei.
Ke poleai ia aku nei ka poe makemake i aina ua hale no lakou, ua makaukau ka mea nona ka inoa malalo e kuai aku i kekahi mau apana pa hale ma Alanui Liliha no ke kumukuai makepono Aia keia wahi ma ka aoao hema o A@@nui Liliha, oia kela na hale i nohoia iho nei e J. Simonson i make iho nei, mauka ponoi o kahi o Kapena Tripp. Ua mahele ia he elima pa o keia wahi i hiki ai i ka poe uuku o ka loaa ke kuai iaina no lakon.
No na mea e pili ana, e ninau ia.
TERESA OWANA CARTWRIGHT.
Honolulu, Auzate 7, 1895.
aug7t fd.
Mau Aina Kuai.
Aia he 75 apana aina ma Kalihi, no ke kuai aku, he 50 kapuai ka laula a he 100 kapuai ka loa pakahi; ua maemae maoli, a e lilo ana i mau Home maikai mahope aku; ke pi awiwi loa nei ke kulana o na aina ma Kalihi; a e lilo ana ia wahi i ha pa no ke kulanakauhale.
He $250 no ka apana emi mai; ae ae ia no e hookaa pau loa; e hookaa hapalua a hookaa hapaha paha i kinohi; a i ole ma ka hookaa i kela a me keia malama.
Ua hoomoo ia ke paipu wai Aupu ni ma na wahi e pili ana i keia mau apana aina.
He mau alanui maikai.
E wiki mai i loaa ona mau Home no oukou me ka oluolu.
Aohe uku no ka hana ana o na palapala; no na mea i koe e ninau ae ia William Charles Aehi (Kale Aki).
Boroka o na Waiwai Paa.
Honolulu, Augate 8, 1895.
mei 24 tfd.
Aina no ke Kuai.
O na poe a pau e makemake ana kuai i aina no lakou, e ninau ae ia
S.K. KILA.
Leleo, Honolulu, Augate 27, 1895
aug28 3mned.
HOOLAHA HOOLAHA!!
Owau o ka mea nona, ka inoa m@ ialo iho nei, ke hoike aku nei au na kanaka a pau loa, ua makaukau wau i na wa a pau loa, no ka hana ana i na piula a me na paipu wai a pau loa ke lo@a mai na kouoha ia’u he oluolu ka uku a he mau ka paa o ka’u mea e hana ai. E lo@@ no au ma Leleo, kokoke i ke alanui Kaaahi o Dilinahema.
S.K. KILA.
Chas P. Colburn Carlos a Long
HUI IMI WAIWAI O KA NOHONA PONO.
E na makamaka a
me na lioaloha.
Welina kakou:
UA KUKULU ae nei ka mea nona ka inoa malalo iho @ei@ HULMALAMA WAIHONA DELA A IMI POMAIKAI no na @ea a pau o komo ana iloko o keia hui i kanaia ma ka inoa, KA HUI IMI WAIWAI O KA NOHO NO PONO elike me ka mea i hoikeia maluna.
NOLAILA, ke kono a ke poioai aku nei au ina makama a me @@ hoa’loha a pau e makemake ana o lini pu a e komo like mai e lulu a hoilii@ ina wahi lala @@ku a kela a me keia mea ma ka waihana @ ka hui i mea e hiki ai ke hapai i kekahi hana nui @ holomua a e pomaikai ai na poe a pau ihookahi iloko o ke apo o ke aloha a me ke kaikahi i @@ ai ia kakou ka aoho’na kuomo@@o o keia maa ak@.
O NA mea a pau e makemake ana @ komo mai iloko o ka hui i olo@ea maluua ae, e looa no ia lakou ka ike a me ka hoonaa@ao ia ana aku no na kumunaka, na aiakai hana app a me na hoolala a pan pei’i ana i ka hui, mamali o ko lakou hele kino ana mai e hou a e keka pume ka mea noma ka inoa malalo iho nei, a @@@ e wehewehe aku i ke kalana, ke an@ a me na mea a pau i makemake e hoohana i mea e helemua ai, a e pomaikai ai ka hui.
N loaa @@ au ma ke K@@@ hana o ka Meiwahine kanomake Kapiolani, He @ea@@he, Honolulu, i keka a mo keika @@ ana @@@@@@, @@@ @@ @@@@.
MRS. KAINANA PUA@I.
L@@@@@@@ a P@@k@. @@@@
@@@@@ @@ @@@