Ka Oiaio, Volume I, Number 26, 6 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.                                     HONOLULU, FEBERUARI 6, 1896.                       HELU. 26

 

OIAIO PUKA LA

 

KE ALA HOU ANA A ME KA HIKE HOU ANA MAI.

 

(Hoomauia).

 

Hoik. 22:12.  Aia hoi kana makana me ia i kona wa e hele mai ai, no ka mea nana hoi e hoihoi hou ae in a haipule i ke ola hou ana ia wa.  E nana hou hoi:  “no ka mea e hele mai no ke Keiki a ke kanaka iloko o ka nani o ka Makua me kona poe anela; alaila e haawi aku no ia in a kauaka a pau e like me kana mea i hana ai.”

            A o keia hele hou ana mai a ke Keiki a ke kanaka iloko o ka nani o ka Makua, oia ka mea a Paulo i kapa ai, ka manaolana hoopomaikai.  Tito 2:13.

            Ua olelo hoi o Petero, (1 Pet 5:4.)  “I ka wa o ke Kahu Hipa nui e hoea mai ni, e loaa no ia oukou ka alei alii o ka nani e mae ole ana.”

            A pela hou hoi o Paulo i olelo ai; (Kolo 3:4) “I ka wa o Karisto ko kakou ola e hoea hou mai ai alaila oukou e ike pu ia ai me ia iloko o ka nani”.

            Ua ike iho la hoi kakou ma keia mau hoike aua i ka Manawa o ka Haku Iesu e hele hou mai ai e kani ana hoi ka pu a ke Akua, a e ala mai ana ka poe make iloko o Karisto.

            A eia hou hoi, ua heluhelu kakou i ka wa o ka pu hope loa ae kani ai, alaila keia palaho e lawe a ii ka paloho ole a o ka mea make i ka mea make ola.  E hana ia ana keia mea i ka wa o Karisto e haawi a ii ke ola i kona poe kanaka, i ka wa o ka mea make wale e lawe a ii k eke kino make ole, i hookoia ai kela olelo.  “Ua ale ia hoi ka make iloko o ka lanakila.”

            Ke lanakila mau nei ka make maluna o ka poe haipule o ke Akua.  Ke hookuleana mau nei ka luakupapau i kana luahi.  Aka, i ka wa o ka Haku, ko lakou ola e hele mai ai, i ka wa o kona leo e kahea ai ina haipule e moe ana iloko o ua luakupapau, i ka Manawa a na anela i lawe aku ai ia lakou iluna o ka lewa e hui pu ai me ka Haku, alaila, ua hike ia wa ai lakou ke hooho ae i ka leo hanoli o ka lanakila.  “E ka make aia la ihea kou welina?  E ka lua kupapau, aia ihea kou lanakila? * * * Aka, e hoomaikaiia ke Akua i haawi mai ai ia kakou i ka lanakila mamuli o ka Haku Iesu Karito.”  1 Kor. 15:52, 57.

            Ua hookaumahaia hoi na kaumaha i ka wa o ka Haku i olelo aku ai e haalele ana oia ia lakou.  Aka, ua olelo aku la hoi oia ia lakou, aole e hookaumaha i ko lakou naau; no ka mea, e hoi hou mai ana oia a e lawe aku hoio ia lakou i ona la.  O keia ia lakou ka manao lana pomaikai; ua pule iini nuilakou:  “Pela hoi, e hele mai, e ka Haku Iesu.”  Ua hooluoluia hoi ko kakou naau i keia la o keia mau olelo hoopomaikai, a o makou pu hoi kekahi e hoomaikai ae ne ii ke Akua no keia olelo hoolana hoopomaikai.

 

HAAWINA HELUHELU BAIBALA.

 

KA HONUA HOU.

 

1 Heaha na mea i ilihia iho maluna o ka honua mamua o ke kai a ka Hinalii? 2 Pet. 3:6.

“Ma ia mea no i make ai kela ao mamua ma ka poipu ana o ka wai.”

2 Ua hookoeia keia honua nei no ke aha hou akku? 2 Pet. 3:7.

“Aka, o ka lani, a me ka honua o keia Manawa, maia olelo hookahi no, ua hoanoe ia no kea hi, ua malamaia hoi, no ka la hookolokolo a me ka make o na kanaka aia.”

3 Me ka pau no ka honua i kea hi, heaha ka kakou e nana hou aku ai? 2 Pet. 3:13.

“Aka e like me ka olelo mua ana mai, ke kakali aku nei kakou i ka lani hou, a me ka honua hou, i kahi e noho ai o ka maikai.”

4 Aia mahea ma ka Baibula ia olelo kauoha i hoopaaia ai?  Isa. 65:17; 66:22.

“No ka mea, aia hoi, e hana au i lani hou, a i honua hou, Aole hoi e hoomanao hou ia ua mau mea kahiko la, Aole no e komo iloko o ka manao.  No ka mea, e like me na lani hou, a’u e hana ai e mau lakou imua o’u, wahi a Iehova, Pela ho e mau ai kau poe keiki, a me ko oukou inoa.”