Ka Oiaio, Volume I, Number 27, 7 February 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO NAAUAO.

KO IESU EKALESIA MA KE AO NEI, AUHEA LA IA?  HAINA-OIA NO KA EKALESIA O KA HOOMANA KARISTIANO NAAUAO.

BAPETIZO

MOKUNA VI.

MAHELE I.

Poha ka Olino o ka Bapetizona.

Ka Meahuna Pohihihi

O ka Euanelio-aiole ke Ki o ke Aupuni Hiwahiwa.

 

            Hoopololei: - Ma ka helu o Nehinei pauku 7 penei; Hal. 10:16: E ia ka pololei Hal. 16:10.  Ma ka helu 24 aku penei; Rom. 4:3-4 e ia ka pololei Rom. 6:3-4.

            Na Hemahema o ka Unuhina: - A ia ma Roma 6:3-4.  Pauku 3 make (death); aole kela i pololei.  E ia ka pololei makena.  3 me 4 bapetizo (baptize), aole pololei kela; e ia ka pololei e bapetizo ia, no ka wa ia e nee ana i mua; i bapetizoia, no ka wa i hala aku.  O ka huaolelo bapetizo (baptize) me bapetizona (baptism), aole o laua like; nokamea he haina (verb) kekahi, a he inoa kino (name as a noun) kekahi: Pela ihola e pohihihi nei.

            Anuu Elua.  Hoolaa ana: -

            8-No ia mea: Ua lawe loa o Iesu i na koikoi a pau ma luna iho ona.  No keia hoailona wai kekahi ano o ka mohai i hoopauia; nokamea he wai Maoli ko ka mohai.  A ma keia wahi ko Ioane kuleana, oiai he Oihana Kahuna Aarona wale iho no kona wahi kulana lawelawe piliakua ana, aole he kulana Melekisedeca.

            E hoomanao: Maanei i moku ai o Ioane me kana Oihana o ka Bapetizona.

            Pela i oleloia ai keia mau lalani: -

"Pau ka Levi Oihana,

He aka no ka mea Maikai;

Pau ko Laila mau mohai;

Paa ka Berita (Pakela.")

(Hebr. 7.22. 10:1.)

 

MAHELE II.

 

            Anuu Ekolu. PONI ANA I KA UHANE HEMOLELE.

1 E ia kekahi olelo'na: - Hoolaa, hoano; apo, hoailona @pa ia, w@, hookaokoa ia; a me na @.  He hoailona pililaau @ helehelenalani a Hiwahiwa i @ huikala ia ana i ka wai o ka Mihina, ka wa koke no i hamama ae ai ka Lani a iho mai la ka Uhane Hemolele me he manu nunu 'la a kau ihola ma luna ona (Mat. 3:16); alaila ko ihola kela olelo e i ana "ua poni mai o Iehova ia'u i ka uhane Kakaolelo;" [Isa 11:2. 61:1,2.]

            2-Alaila: He Kumulani ka Uhane Hemolele, a nana no e alakai a e hooponopono ia Iesu a e hoonauao pu ana.  O ka Uhane Homolele he i ike ia i na ihea pohihihi, i na mea mamao a kokoke, na mea hohonu a iuiu.

                        Aole i pau-

 

Hape Nuia! Hape Nui!

HAUOLI MAKAHIKI HOU!

 

Oiai ke Onene kaua mai la na aupuni Mana Nui o ke ao, i maopopo ole ai ka wa e hu mai ai o ke kaua maoli ana, a ma ia kumu hoi, e pii ino ai ke kumukuai o na mea kuai, i keia makahiki hou, ma ke ano hoolaha, ke poloai aku nei au i na MAKAMAKA HAWAII e hele koke mai ano, ma ko'u halekuai.

            E hoalawa koke i ko oukou makemake,

 

MA KA HALEKUAI O:

L. B. KERR,

ma

NAE O KA HALEKUAI O MOGAN.

            Alanui Moiwahine,     Honolulu H., I.

 

            E hoopiha mau ana a'u i ko'u halekuai mai na Hana Lole pololei mai o Enelani, Geremania, Amerika, a me na Aina o Europa a mai Kina a me Iapana, a mai au aku a ko'u hoa kuai kukaa a me kuai liilii.

 

            E loaa no na Lole Huluhulu nani o na ano a pana Lole Halua na Makalena a me na lihilihi Lole.

            Na Lipine ano hou loa.  Papale Wahine, Kane a me na Kamalii o ke ano paikini hou o na ano a pau.

            Na Kihei halii moe laula, na Kawele Auau, na Pua Papale a me na Hulu.  Na Lole Kane i humuhumu oleia, he oluolu loa ke Kumukuai.

            E hele mai e nana i ka makou mau WAIWAI o na ano a pau a e nunau hoi i na kumukuai nana e hookahaha i kou noonoo i ka emi a aoli o na ano waiwai like ole.

            He mau WAIWAI HOU LOA ma na KUMUKUAI HAAHAA.

            E hemo ana ka puka o ko'u Halekuai ma na Ahiahi Poaono.

 

L. B. KERR,

                        ALANUI MOIWAHINE.

Waikiki iho o ka Hale Kudala o Mogan.

 

Na Lole @ Kohukohu!

 

            Oia hoi ka mea a na lede a pau e ake ana e loaa a he meahiki wale no ke hookoia.

E HELE MAI OUKOU ILOKO O KOU HALEKUAI A E HANA AKU AU I KA MEA KUPONO I KO OUKOU MAKEMAKE.

 

            Ua loaa mai nei ia'u kekahi ano piha o na

LOLE AAHU HOU LOA.

 

Crepon, (he like me kanikau)

Na Lole Farani,

Na Lole Ulana Waihooluu Like Ole

Na Lole Awiliwili Lopi Silika me Hulu hulu.

 

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

 

Na Lole Diminite

Na Lole Pongi,

Na Lole Satina.

 

Na Peersucker

Na Rhss

Na Lole Anuunuu Crepe

 

Na Keokeo Manoanao o na ano a pau, etc, etc.,

Aia no hoi ma ko'u Halekuai ka

LOLE FIBRE FABRICA.

 

He mea i oi aku ka maikai i ko ka LOLE NAAU HULU.

Aole no oe i kahiko piha ke ole i hoi loaa ia oe kekahi o kuu

PALEKOKI KOHU MAMALU.

 

A e halo iho hoi i ke Kaliki (Trilby) ano hou, i kapono i kau e iini nui nei.

Aia hoi ma ko'u halekuai na Lole Moepoli i ka hikonoeau ia a kupono o ka hana ana iho ma Adamu.

            Na Pale ili o na kane i kupono hoi i ko Eva makemake, i huki ai ka Ulua i Malamanui.  Uwese oe.

            Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima, na hainaka a pela aku.

            E hauoli loa au e hoomakaikai aku i keia puuwea nani i na Lede o @opolui.

 

J. J. KELII.

Alanui Papu. Mei, 21, 1895.   me12tf