Ka Oiaio, Volume I, Number 31, 13 February 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

KA OIAIO PUKA LA

JOHN E. BUSH, Luna Hooponopono a m@ P@ka

HONOLULU, FEBERUARI 13, 1896.

HE UHANE MA KO KE AKUA KANAWAI.

            “No ka mea, ua ike no au ma ko ka uhane ke kanawai.” (Roma 7:14) Ma ka mokuna elima o Mataio, ua hoike mai hoi o Karisto i ka uhane ma ko ke Akua kanawai. Ua olelo mai oia ina aole ko kakou pono i oi aku i ko na kakau-olelo a me na parisaio, aole kakou e komo ana iloko o ke aupuni o ka lani.

            Heaha hoi ka lakou pono? Ua olelo aku oia ia lakou. “Pela hoi oukon, ua ikea e na kanaka, he maikai mawaho; aka ua piha oloko i ka hoopunipuni a me ka pono ole.” (Mat. 23:28)

            Nolaila ina aole kakou i pono maloko, he mea ole no kakou. Ua makemake ke Akua “i oiaio ko loko,” o ke kanaka. (Hal. 51:6)

            E nana hoi i ka Karisto i olelo wehewehe ai i ke ano uhane ma ke kanawai, i hooia i ka mea i olelo ia ma Halelu, a ma na wahi e ae aia ke kanawai iloko kahi i ana ai kakou, ma ka olelo ana ua hiki no i ke kanaka ke hahaki i ke kanoha eono, e olelo ana “mai pepehi kanaka oe,” ma ka huhu ana iloko o ka naau o ke kanaka, oiai o ka mole no ia o ka pepehi kanaka, a ma ka hoopuka ana i kekahi olelo huhu ua pepehi kanaka no oia ina ke kanawai. (Mat 5:21,22.) Ua hoike hou mai no hoi oia e haki ana no ke kanawai ehiku, “mai moekolohe oe,” ma ka nana a ma ke kuko ana. Ua pili keia ana kumu maluna o ke ano o ke kanawai a pau, nolaila, he mea kupono no i ke kanaka e akahele loa i kona manao ana a me kona olelo ana ua malama oia i na kauoha a pau a ke Akua.

MAI NA AINA E MAI.

            He hookahi la muhou i hiki mai ma ka mokupea Aloha, mai Kapalakiko mai, iloko o 12 la. Penei iho na itamu mea hou.

            Aia no o Cuba ke kana la. Ua holo aku ke Kiaaina-Generala Weyler no Cuba i ka la 28 o Ianuari mai Cadiza mai.

            Ua piipii kai ae o Luna Senate Turpie ma ka ninau Areminia. E olelo ana iloko o ka Senate, he kupono ka Peresidena e hoike pololei aku i ka manao e waiho o Tureke i ka luku ana i na Karistiano, a e ukaliia aku ka olelo me ka poka i lohe ia ai.

            Ua kakau ae o Pohaku Hauoli i kona manao ahewa i na aupuni no ka nana maka.

            Ua hoi iho la ke kulana o na aupuni mana nui o Europa a kahi o ka ahewa waha me ka hooko ole i ko lakou ao ia Tureke me na hoopai aku. O ke kumu a leia, aole no ka like ole o ka manao ahewa, aka, no ka like oleo ka manao o na aupuni i ka mahelehele ana i kona aina.

            Ua piholo iho ka moku ahi Hawkins he mau mile aku mai na aekai o Amerika e koko ana i ka mokuaina o Delaware. He 125 @ no tona o keia wahi moku, ua piha nae @@ pu raifela, na pu kuniahi, a me na kanaka he 100. O Generala Garcia ke’alakai.

            Ua piho na ukana a koe mai he eke dala pepa Amerika, a ua make kekahi o lakou i ka ino o ka moana.

            He $25,000 ka helu waiwai o ua lako kana maluna ona.

            I ka la apopo e lohe hou ia mai ua uuhou hope loa ma ka mokumahu Mariposa.

            Aole he mau olelo no Hawaii i hiki mai ma keia moku. Me he la ua moku ke kaula gula nana i hapai ae ia kakou i mea kamailio ia i keia mau la.

KELA ME KEIA

            Ua ku mai ke kuna Aloha mai Kapalakiko mai.

            Ua @ala aku o Kauka Nichols no Hawaii ma ke Kinau.

            Ua hookuu ia o Piipiilani e ke jiure no ka hewa aihue.

            He la pamalo keia o kakou aohe wahi lanakoi mai o ka manao e konohi aku i ka Pake.

            He makahiki lele oi keia e ao oukou i ka oukou mau kaikamahine.

            Eia ke liuliu ia mai nei ka Paka Kuokoa no ka po Poaono nei.

            He kuai kudala ka ka Club Stable e malama ana ke hiki aku i ka la 14 ae nei.

            I keia Poalima e haawi ae ai kekahi poe lede he paina ma Haalelea Lawn.

            Ua hopu ia he ekolu sela mahuka o ka Bosetona, a ua lawe ia aku no luna o ka Bennington.

            Ua hookani ne la ka Bana i ka lakou mau leo mele ma ka Hale Hui o na Pake no ka lakou konohi.

            Ua haule iho la kekahi lio iloko o ke kai i ka wa a Kinau e hiu ana i kona heleuma a ua pakele no @@.

            Ua hoi hou ae la o Mis Kilane, ka wahine humu lole o ka halekuai o J J. Egan, a mai poino e na kamaaina ke kipa ae e ike iaia.

            E hookolokolo ia aku ana o Nigel Jackson e ka Aha Koa, no kona hoeha ana i ka Lutanela o ko lakou puali.

            Ua malama ia ae he paina ina Pupule o ka Laepohaku, ma o ka lok@a@rai o na Pake Kalepa o ke taona nei.

            Eia no o J J. Egan ke kuai hoemi loa mai nei i na lole o kona halekuai i keia maa la, a e loaa no ka waiwai io o kau mau wahi kenikeni ke kipa ae malaila.

            He halawai kai malama ia ae ma ka po Poalua nei e kekahi poe haole no ka mea e pili ana i ka wai-ona e holapu ana ma Hawaii nei.

HALE KUAI KAMAA

O

MAKANANI

MA K KIHI MAUKA O ALANUI PAPU

A ME KALEPA.

 

AOLE O MAKOU MALAMA I NA KAMAA hiki ole ia makou ke hooiaio aku i kona paa a i hiki ole ke kuai no ke kumuku ai makepono a i kupono hoi no keia mau la mamake o ka aina I mea e hiki ai ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa, ua kuai ololei aka hoi makou i ko makou mau kamaa mai na hale hana kamaa nui a kaulana no ka maikai ka paa a me ka nani.

NO KEIA KUMU UA LAKO MAU MAKOU

I NA MEA MAIKAI WALE NO

NO NA KUMUKUAI EMI LOA

E HIKI AI KE KUAI HAAHAA AKU

I NA MAKAMAKA A PAU

MAI HAWAII A NIIHAU

 

Eia ma keia kii kamaa aulii e ike ia iho ai na ano o na kamaa NANI ma kahi o MAKANANI

HE EKUA WALE NO DALA ME HAPALUA KO KEIA KAMAA!

 

Pela iho la ke ana o k@ kuai ana o na ano kamaa o ko makou hale. Nolaila, e hoomanao oukou e na makamaka mai Hawaii a Niihau i haki e loaa ai na Kamaa Paa, Na Ka@@ Emi.

Na Kamaa h@@@ E@@ o k@@hiehie,

E LOAA NO MA KA

Ka Hale Kuu K@@@@

MAKANANI

Honolulu, Jan 2, 1896