Ka Oiaio, Volume I, Number 32, 14 February 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO NAAUAO.

 

KO IESU EKALESIA MA KE AO NEI, AUHEA LA IA?

HAINA ---O IA NO KA EKALESIA O KA HOOMANA KARISTIANO NAAUAO.

 

BAPETIZO

MOKUNA VI.

 

Poha ka Olino o ka Bapetizona ---Ka Meahuna

Pohihihi o ka Euanelio ---Ke Ki o ke

Aupuni Hiwahiwa.

MAHELU II.

 

Anuu Eha. BAPETIZO KOKO.

Moo Alua. Inea: ---

 

        Ma keia anuu e hiki ai i ko ke Ao Nei ke ike a ia ka Uhane Hemolele me kekahi kanaka, a o ia ke ana maemae piha e hiki pono ai ke olelo, A ia ka i puka o ka Lani ke olino mai la no'u: he kaena ia na ka haipule.

        Ma keia anuu i oleloai o Iesu, Ua haalele anei oe ia'u? Ua komo mai ka nawaliwali i loko ona.

        Mana Akahi. Manalo ka Loina Kumuhonua.

        E ia ke ano. Ua hanaia ke kanaka mai loko mai o ka hapalani Caleliela, me ka hapahonua Faresateriala; a e ulu aku e kino a lau a lau.

        Aohe olelo ana no ka hapalani, nokamea aole ia me kakou. A, o ka hapahonua hoi, ua kauohaia mai penei, E malama oukou i ko ou-kou kino; nokamea aole oukou no oukou iho.

        Aka, ua komo ihola i ka Oihana a Karisto, i ka hooipo onipaa ana me ka pilialoha luliole a i ka hopena onipaa ana me ka pilialoha luliole a i ka hopena. Nolaila ua make e ma mua o ke kupono ke make ua kino hapahonua la a kakou e noho nei, e hele nei, e moe nei, e ike nei a e ola nei. A, o ia make'na e ana, au kue ia ia oe-iho; no kou hoopaakiki loa i ka pula-ma i ka Oihana a Karisto. No ia mea, ua kau ke ahewa ana a ke kanawai Kumuhonua, Kumulipo, Kumuakua hoi ma luna oou, e koi ana i kou aie hewahewa o ka hoole kauoha (e like me ia i hala ae ma ka Moo Akahi), a e hoopai ia auanei e ka UK@ AKUA: aka ua noa ihola ke kapu o ua kanawai Kumuakua la ia Karisto.

        Penei, O Karisto no ka palena o ke kanawai. Rom. 10:4. Galt. 3:24. Mat. 5:17.

        Mana Alua. Lapuale aiole he Anoole.

        E ia ke ano. Ua mae ka manao hoohihi a lele-pau i ka Nani o ko keia Ao Holookoa Nei.

        He hoohialaai-ole i keia noho'na, he manao nui ole, he manaoia-ole, he ake-ole e hoopapau i na mea olino e ko ia aku ai ke kino i ka make.

        Aole i ka noho'na mokuahana ana me na maka-maka a mai o a o a me na mea like. He ilihune, he nele, he nele-kokua, he olohelohe, a puni.

        He hoohiehie-ole, hookano-ole, hooio-ole, maka iolea-ole, maka kukona-ole, uilani-ole, a me na mea like. Ma keia mana e hookae ia ai kekahi kino a e hoi hoi ole ia mai e ko keia Ao Akea Nei; nokamea he kulana-ole ma ko ke kino a ua anoole hoi.

        Ua hooluhiia no ko hai pono a me ko ke Ao Nei: aka e ahonui ana no a i ka Hopena. Maanei i like ai ke kanaka me ka pipikeiki a me ka aeto; e huli Hoik. 4:7. Ua lelepau loa aku ka manao i ko ka Lani a palakapu iholo na hiwahiwa o ke Ao Nei.

        Aole i pau.

 

Hape Nuia ! Hape Nui !

 

HAOLI MAKAHIKI HOU !

 

        Oiai ke Onene kaua mai la na aupuni Mana Nui o ke ao, i maopopo ole ai ka wa e hu mai ai o ke kaua maoli ana, a ma ia kumu hoi, e pii ino ai ke kumukuai o na mea kuai, i keia makahiki hou, ma ke ano hoolaha, ke poloai aku nei au i na MAKAMAKA HAWAII e hele koke mai ano, ma ko'u halekuai.

        E hoalawa koke i ko oukou makemake,

 

--:MA KA HALEKUAI O:--

 

L.B. KERR,

 

--ma--

 

NAE O KA HALEKUAI O MOGAN.

 

Alanui Moiwahine, : : : : Honolulu H., I.

 

        E hoopiha mau ana a'u i ko'u halekuai mai na Hana Lole pololei mai o Enelani, Geremania, Amerika, a me na Aina o Europa a mai Kina a me Iapana, a mai au aku a ko'u hoa kuai kukaa a me kuai liilii.

 

        E loaa no na Lole Huluhulu nani o na ano a pana Lole Halua na Makalena a me na lihilihi Lole.

        Na Lipine ano hou loa. Papale Wahine, Kane a me na Kamalii o ke ano paikini hou o na ano a pau.

        Na Kihei halii moe laula, na Kawele Auau, na Pua Papale a me na Hulu. Na Lole Kane i hu-muhumu oleila, he oluolu loa ke Kamukuai.

        E hele mai e nana i ka makou mau WAIWAI o na ano a pau a e ninau hoi i na kumukuai nana e hookahaha i kou noonoo i ka emi maoli o na ano waiwai like ole.

        He mau WAIWAI HOU LOA ma na KUMU-KUAI HAAHAA.

        E hemo ana ka puka o ko'u Halekuai ma na Ahiahi Poaono.

 

L.B. KERR,

 

ALANUI MOIWAHINE.

 

Waikiki iho o ka Kudala o Mogan.

 

Na Lole : : .

: : Kohukohu !

 

Oia hoi ka mea a na lede a pau e ake ana e loaa a he meahiki wale no ke hookoia.

 

E HELE MAI OUKOU ILOKO O KOU

 

HALEKUAI A E HANA AKU AU I KA

 

KA MEA KUPONO I KO OUKOU

 

MAKEMAKE.

 

Ua loaa mai nei ia'u kekahi ano piha o na

 

LOLE AAHU HOU LOA.

 

Crepon, (he like me kanikau)

Na Lole Farani,

Na Lole Ulana Waihooluu Like Ole

Na Lole Awiliwili Lopi Silika me Hulu hulu.

 

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

 

Na Lole Diminite

Na Lole Pongi,

Na Lole Satina

 

Na Peersucker,

Na Rliss,

Na Lole Anuunuu Crepe

 

Na Keokeo Manoanoa o na ano a pau, etc, etc,

 

Aia no hoi ma ko'u Halekuai ka

 

LOLE FIBRE FABRICA.

 

Hea mea i oi aku ka maikai i ko ka LOLE NAAU HULU.

 

Aole no oe i kahiko piha ke ole i hoi loaa ia oe kekahi o kuu

 

PALEKOKI KOHU MAMALU.

 

A e halo iho hoi i ke Kaliki (Trilby) ano hou, i kapono i kau e iini nui nei.

Aia hoi ma ko'u halekuai na Lole Moepoli i ka hikonoeau ia, a kupono o ka hana ana iho no Adamu.

Na Pale ili o na kane i kupono hoi i ko Eva ma-kemake, i huki ai ka Ulua i Malamanui. Uwe-se oe.

Na Kaliki o na ano m ikai loa, i hiki ke hoopu-anikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima, na hainaka, a pela aku.

E hauoli loa au e hoomakaikai aku i keia mau mea nani na Lede o Honolulu!

 

J.J. H@an.

 

Alanui Papu Mei 21, 1895. me 12itf.