Ka Oiaio, Volume I, Number 34, 18 February 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA

 

JOHN E. BUSH Luna Hooponopono a me Puuku

 

HONOLULU.  -  FEBERUARI 18, 1896.

 

NA KIA O NA HANA ALOHA.

KA HALE MA I HOOHANAU.

 

Iwaena o na hana a ka poe waiwai, ua hiki ke hoonanaoia keia halema`i oia kekahi pomaikai nui o ka lahu Hawaii.  Ua kukuluia keia hale hoohanau no na wahine e ka moiwahine Kapiolani, e hooko ana i ka makemake o ka naau aloha alii, a aloha lahui, a me aloha aina, ma ke kukulu ana i ka hana e hooemi mai ai i ka heluna make iwaena o ka lahui a e hooko ai i kela manao o ka moi Kalakaua, e houlu lahui.  Ua hookumuia keia halema`i e ka makualii mailoko ae o kona naau, i kokua ia mai e kona hoa kuka ma kana mau hana aloha, oia o Mrs. J. I. Dowsett.  I ka wa e kuka ia ana iloko o na hui a ka Ahahui Hoola Lahui, i ka hana kupono e hana ai e hookoia ai ka manao hooulu lahui, ua ike makou, he kukaana mawaena o ka moiwahine kekahi me Mrs. Anne Dowsett, i hoouluia ai ke kahua o keia mea ho@ halema`i hoohanau, a mai ia wa mai i hooikaika pu ia ai e laua a hiki i keehina@ kulana paa, me ka hoomauaia ana malalo o ka inoa hoomakua o ka moiwahine Kapiolani.

He okoa no hoi ka hana aloha a na lii o ke a@ kahiko, ka hoolaukanaka a hoolaupai ana i ka aina, a ua ko no ka lakou hana.  Iloko o ke au i loli ae ai ka lakou hana komo mai ka lahui i ke au malamalama, ua ikeia ka make nui o ka lahui, a me ka hemahema hui o na kalai aupuni ana, nona mai na poino o ka ma`i a me ka hune@ o ka lahui, a me ka make nui mamuli o na palapu i loohia i na kanaka o ka aina.  Manaonao ke hoonanaoaku, i ka noho`na uhaai a hemahema o ka lahui ia mau la, mai na inea a me na poino i ilihia iho maluna o na kanaka, mamuki o na ino i komomai iloko o ka aina nei, me ka maopopo ole o na hana i kupono e hana ia e manalo ai ia mau popilikia.

O kekahi o na kumu poino a make nui o ka lahui, mamuli no ia a ka ulunui o ka hookamakama iloko nei o ka aina iwaena o na wahine a me na luina o na moku okohala, a mai ko Kaleponi mai a me na aina e ae.  Me ha la mamuli o keia kumu i akoia aku ai na wahine opio ui o ka aina, a ma o ka poe i koe iho o ka helu i komohia aku iloko o keia hana hewa, i laha mai ai na ma`i ino nana i omilo ke ola o ka lahui, a i hookumu na ma`i e olelo ia nei, he ma`i alii.  Ke huiia aku hoi ka make hoohemahema o ka poe hanau keiki mamuli o ka uilani o na makua i na hana lealea, i paa ole iho i ke ao a na makua, ua hoohuiia keia mau mea a pau he mau hana luku i keia lahui, a hiki wale i ka moi ana o Liholiho.  Ia wa akahi no a hookumuia na hana kuio e hoopakele aku i ka lahui.  Ua kuonoono@ nae ka anoano o ka make ia wa.  Ua hiki ole i ka pono kepale@ aku i ke haheawai a ka hewa a me@ ka hopena make.

Ua piha na heahelu o @lelo make a me na ike maka o kakou i @hewahewa i ka ai ana ole ana a ka poino a me ka make i keia lahui mamua o ke ana maa mau o ia mau haawina o ke kanana. 

 

NA HAIOLELO-KAAHELE.

 

Nui na kumu-ao hoomana e kahele nei i hoala ae i ke kulana hoopono o kanaka ma keia honua.  Aole he wa mamua aku o keia mau makahiki ikeia ai e like me keia.  Aka aole no hoi he wa i ike ia ai o ka ikaika o na hana hewa e like me keia wa, e like no me ka ka olelo ua hele aku a na wahi kiekie o ka oihana hoola uhane o kanaka.  He helelei ana keia mai na wahi a pau, oiai ua paakiki ka naau o kanaka mahope o ka hewa a ua piha i ka hoomaloka.  O ke a`o no ka ke a`o e a`o nei aole nae he pepeiao lohe o kanaka i keia wa.

Me he la e like me ka Hoikeana ua kokoke loa mai ka manwa.  “O ka mea hewa e mau no kona hewa; a o ka mea paumaele e mau no kona paumaele; o ka mea pono e mau no kona pono; a o ka mea hemolele e mau no kona hemolele.

He oiao, a he hiki ole ke uhiuhi ia ka mea i oleloia ae la, ua hoopaakiki maoli io no ka naau o kanaka.

 

KELA ME KEIA.

 

Mai poina i ke huai hoemi a J. J. Egan.

Ua papahi ia o Haleakala i ke Kalaunu hau ma kona piko poo ma ka Poaha aku nei.

Ke mau nei no hoi na kuai a Mr L. B Kerr i na ano lole a me na papale no na kumukuai kukaa ma ke kuai liilii.

Aia o Prof. Zamlock ma Waikuku Maui, kahi hoonanea ai i ko laila poe, me ka ohi malie ana i na kenikeni no kona pakeke iho.

I ka la Kapule aku nei i manele ia aku ai ke kino make o Mrs. H. M. Wini, a hoonalo ia aku i ka poli o kona makuahine-honua, ma Maemae.

I keia kakahiaka i haalele mai ai ka Malulani i ke Aw@lai o Kou nei, a niau hookahi aku la no ke kai maiino o Kona. 

Eia no na lima hana o ka nupepa KA LEO a me KA OIAIO PUKA LA ke hooikaika pauaho ole nei no ka pomaikai o ka lahui.

Ma ka Malulani o keia kakahiaka i hii aku ai oia i ka ipu-kukui uwila o ka lahui, oia hoin ka LEO a me ka OIAIO PUKA LA. 

 

Hape Nuia!  Hape Nui!

 

HAUOLI MAKAHIKI HOU!

 

Oiai ke Onene kaua mai la na aupuni Mana Nui o ke ao, i maopopo ole ai ka wa e hu mai ai o ke kaua maoli ana, a ma ia kumu hoi, e pii ino ai ke kumukuai o na mea kuai i keia makahiki hou, ma ke ano hoolaha, ke poloai aku nei au i na MAKAMAKA HAWAII e hele koke mai ano, ma ko`u halekuai.

E hoalawa koke i ko oukou makemake.

 

MA KA HALEKUAI O:

 

L. B. KERR,

 

ma

 

NAE O KA HALEKUAI O MOGAN.

 

Alanui Moiwahine,     :           :           :           :           Honolulu H., I.

 

            E hoopiha mau ana a`u i ko`u halekuai mai na Hana Lole pololei mai o Enelani, Geremania, Amerika, a me na Aina o Europa a mai Kina a me Iapana, a mai au aku a ko`u hoa kuai kukaa a me kuai liilii.

 

            E loaa no na Lole Holuhulu nani o na ano a pana Lole Halua na Makalena a me na lihilihi Lole. 

            Na Lipine ano hou loa.  Papale Wahine, Kane a me na Kamalii o ke ano paikini hou o na ano a pau.

            Na Kihei halii moe-laula, na Kawele Auau, na Pua Papale ame na Hulu.  Na Lole Kane i humuhumu oleia, he oluolu loa ke Kumukuai.

            E hele mai e nana I ka makou mau WAIWAI o na ano a pau a e ninau hoi i na kumukuai nana e hookahaha i kou noonoo i ka emi maoli o na ano waiwai like ole.

            He mau WAIWAI HOU LOA ma na KUMUKUAI HAAHAA.

            E hemo ana ka puka o ko`u Halekuai ma na Ahiahi Poaono.

 

L. B. KERR,

 

ALANUI MOIWAHINE.

 

Waikiki iho o ka Hale Kudala o Mogan.